MARCOS 4

1 Dze coquew, laa Jesús psilo quiaseed miech zaatne nac ro Nisdoo Galilé ga. Miech guizhiu ne pcaalsa lo me, nacne güeytsep me tib leá¹ barcw ne zo ro nis co, ga bzob me laa grë miech co bre tib ro nis. 2 Ndal grë ncuaaá¹e pseed me zho, per niapse con cuent rnee mew lo zho. Lëë tib cuent ne bzodiidz me ga nu, rëb me: 3 â¡Goḻquiaadiaga gaá¹le! Tib mgui name, briee me güey me gon zhobxtil. 4 Zeeá¹e laa me quialaaḻ zhob co, miá¹e bliaaḻ gax ro nëz; znuse güey grë mguiá¹ güeytow maw. 5 Laa miá¹e bliaaḻ zaatne nac lo quie, znuse znuse blana; 6 per zeeá¹e laa lo ngbidz briee, znusaque bgooḻa blozh ga bidzgaw; sac guieá¹d nroob low. 7 Laa miá¹e bliaaḻ zaatne nac leá¹ yag guiets, zeeá¹e laa grë yag guiets co broob znuse bnitlo yag guietsa, pasëw niac. 8 Saá¹gue grë miá¹e bliaaḻ zaatne nac lo liu naaḻ, blana, brooba ni goca; lo tib tib zhob co no mzion co briee gaḻptsii zhob, now briee tsoá¹gaḻa, nogaaw briee haxta tib gayoow. 9 Blozh ga, rëbchaa me lo zho: âZha ne racladz guieá¹ miá¹e rne naa, yquiaadiag zhow. 10 Zeeá¹e laa grë miech co zey, laa gza tsiipchop xpëëdscuel me, ni zla zha ne rzënie me, laa zho bnabdiidz lo me dieá¹ zha nac cuent co. 11 Dzigo rëbchaa me lo zho: âTeḻ to, Dioszhal rlu lo to zha rnabey me, niicle ncuaaá¹e mazdraa ngueetsa; laa lo grëraa miech ne gard gbig lo me niapse con cuent rzodiidz naaw lo zho parne guieá¹ zhow. 12 Per niicle scaw, nzhial diag zho ron zho, per peet rieá¹d zho; nzhial lo zho rwi zho, per peet raá¹d zho; ib nëd zho gbig zho lo Dios, gnab zho guá¹ me zho perdon. 13 ‘Nana to, teḻne bieá¹de to zha nac cuent co, ¿zha guieá¹ to grëraa miá¹e gne naa dzigo? Goḻquiaadiaga gaá¹le, znu goá¹ naca: 14 Mgui ne güeylaaḻ zhob ga, rrieequia lëë zha ne rienee Xtiidz Dios lo miech ga, laa zhobxtil co nac Xtiidz Dios. 15 No miech nac zig nac ro nëz ne bliaaḻ palal zhob co: rquiaadiag zho Xtiidz Dios, rlozh ga lëëlëd rdziá¹ meá¹dox rquiil ma zho, rsaanga zhow. 16 Nogaa zho nac zigne nac lo quie co: zeeá¹e rquiaadiag zho Xtiidz Dios, iá¹e rley zho rcaania zhow, 17 per led dib zdood zho rcaania zhow; gane zeeá¹e laa miech rsilo rlëë lo zho, laa miech rtsidiḻ zho porne rliladz zhow, rsaanga zhow. 18 Zzhisgaa zho nac zigne nac leá¹ yag guiets co: nli rquiaadiag zho Xtiidz Dios, 19 per rsilo zho leḻ grë ncuaaá¹e no lo guidzliu rii mazdraa rionie guic zho, rquidie grë dimi zho, rzoobladz zho yquianie zho grëse ncuaaá¹e racladz zho. Grë ncuaaá¹ co rioxcoraa zho, laa ne tsonie Xtiidz Dios guic zho, miá¹ co rquiaqui ib ruá¹d zho miá¹e rnabey me. 20 Laa nogaa zho nac zigne nac liu naaḻ co: rquiaadiag zho Xtiidz Dios, dib zdoo zho rliladz zhow, ni rban zhow zigne naca. Grë zha co, no zho nac zig mzion ne briee gaḻptsii zhob ga, no zho nac zig miá¹e briee tsoá¹gaḻa, nogaa zho nac zig miá¹e briee tib gayoow ga. 21 Blozh ga, biire pcaalsa miech lo me, dzigo rëb me lo zho: â¿Pa dieá¹ rquiin biini? ¿Pe rquiaguiw par tsolana tib leá¹ guiá¹ o soogaaw tib zhan lon? Led zeeá¹e rquiaguiw lëë, zaatne grieelo gziiniw ga rzoob zhow. 22 Scaque nagoá¹ grëse ncuaaá¹e rac ngueetsa, grëse ncuaaá¹e rnee miech zhliaana, ib none xoobneá¹a. 23 ‘Teḻne racladz to guieá¹ to miá¹e rne naa, goḻquiaadiaga; 24 ni zigne ron tow scagaa goḻtsoxco goḻguá¹a. Teḻne tsoxco to guá¹ tow, scagaa zioguicraa tow. 25 Sac zha ne tsoxcow, zdeedraa Dios guieḻbiini lo zho; saá¹gue zha ne tsoxcoda, haxta teḻ palalse guieḻbiini ne bdeed me lo zho stiche mew. 26 Ni rëb me lo zho: âZnu goá¹ nac zha ne ngab lo Dios; nac zho zig bni ne ran miech. 27 Zha ne rielaaḻ bni co, liu rcow, liu riini, laa zho raaguies, laa zho rieche. Sca sca laa dze zie, laa bni co ratslo, laaw rlan, laaw rroob, per rieá¹d zho zha nacne laaw rroob. 28 ‘Zhal guidzliu rdeeda guieḻnzaac co, guizh nac zhob co zeeá¹e rlana, rac palal dzew laaw rlan mzion. 29 Laa zeeá¹e laaw ral, dzigo laa zho rietiitsa, sac laa dze bdziá¹le ne laaw tsas. 30 ‘¿Zha gaá¹le gni naa lo to zeeá¹a guieá¹ to zha nac xquieḻrnabey Dios? ârëb Jesúsâ. ¿Pa tib cuent gaá¹le gzodiidz naa lo to zeeá¹a guieá¹ to zha naca? 31 Naca goá¹ zigne nac tib midz moxtaz ne ran miech dan rii. Midz moxtaz nac midz ne mazdraa win, 32 ni teḻ gacbniw, rrooba, ni lëëw rroobraa lo grë guizh ne ran zho ro yu, haxta grë mguiá¹ riezaa zhiptsieez ma low sacne ncala. 33 Nzian grë cuent rii pquiin me par cseed me grë miech co, ni laa me bnee miá¹e rgobey me guieá¹ zho. 34 Niapse sca rseed me zho, laa zha ne nac xpëëdscuel me, zeeá¹e zhasew rnee mew lo zho zigne naca. 35 Zeeá¹e bdze dze co, rguetsle liuw rëbchaa me lo xpëëdscuel me: âGoḻgotsaa dieedquia ne stib nëz lo nis rii. 36 Blozhse bnee me lo grë miech co, laa zho biep leá¹ barcw ne zob me ga grë me zho, laa zho zie. Ye blalaa barcw ne zob lo nis co zienaḻ. 37 Laa zho zie, tibaque zeeá¹e laa tib medox psilo briee, masaque rlis me lo nis co; zeeá¹e riasoli low riechooá¹a leá¹ barcw, laa barcw psilo noyodzële nis. 38 Dzigo güey zho güeycuaan zho Jesús, sac lëëtaque laa me nixguies nëz zhan barcw ncoogse me tib lmad. â¡Maestro! ârëb zhoâ. Bui gaá¹le, ¿pe znuse csaan luu nitlo ne nu? 39 Dzigo guche Jesús, bnee me lo me co, bnee me lo nis co, rëb me: â¡Lëëw ga na! ¡Goḻcuedze! Zigne sca bnee me, laa me co blëz, niicle nis cow laaw bredze. 40 Dzigo rëbchaa me lo zho: â¿Pe nacne squitaa rdzieb to? ¡Gardaque dzigo lëë gliladz to cho nac naa! 41 Rieá¹draa zho zha guá¹ zho lo dzeb co, ni rnabdiidzlsa zho rnee zho: â¿Bay cho nac me, zha nacne haxta me, haxta nisdoo ron xtiidz me?