FILIPENSES 2

1 Naá¹le to gaá¹le Jesús rchoobladz zdoo to, me rlu zha gleynie to samiech to, tipse nac to ni Espíritu Sant nacnie to; naá¹le to gaá¹le none yquia zdoo to samiech to. 2 Gacxe nana sca, goḻconley zdoo naa, iá¹e tipse goḻgac, goḻleynie grë zha ne nacgrë to, tipse goḻnee, ni tipse goḻgac teḻ pa lo dziin ne gnediidz to guá¹ to. 3 Ncuaaá¹e guá¹ to, guiabde to ne laa to guá¹a par dieá¹ zha csaá¹win to stib miech, zeeá¹ dieá¹ zha guiaá¹nziuu to; sinque iá¹e ndooladz goḻgac, masaque goḻtsienie guic ne nonraa stib miech lo to. 4 Ib yguibde to ne lose to yquiin ncuaaá¹e guá¹ to, sinque goḻguib dieá¹ zha guá¹ to xyudar grëraa miech. 5 Goḻsoladz gaá¹le pa lotaa ndooladz goc Jesús leá¹ dze ne biaadted me lo guidzliu, scaquegaa nasca ndooladz goḻgac. 6 Sac teḻ me: Niicle ne Dios nac me, per led miá¹cod niab me nrieed me lo guieḻndzon ne no me, 7 sinque grëse zigne nac me, laa me psaá¹a tib lad, laa me goc zig tib nguá¹dziin win, biaad me gol me lo guidzliu rii goc me miech. Nacle me miech, 8 ni bii psaá¹win me me lo miech, haxta bdeed me diidz pquiaa zho me lo cruz, zig ruá¹ zho cho grë zha yozh. 9 Miá¹cocxe waa, psaá¹glaaraa Dios me, biaaá¹ me meá¹ ne mazdraa non, meá¹ ne mazdraa nroob; 10 zeeá¹a zeeá¹e laa me gaquiet, grëse zha ne no gbaa, grëse zha ne no lo guidzliu, ni grëse zha ne no nëz leá¹ guidzliu, laa zho yquiitsgzhib, 11 ni grëse zho laa zho cueero, guiab zho gaá¹le ne nli me nac meá¹ ne rnabey. Ga laa zho cxobneá¹ gaá¹le, zha meá¹ nroobtaa nac Dios, meá¹ ne nac Pxoz me. 12 Bets, bzian, ne nligaa rleynie naa to. Laa naa rnab lo to (zigne bioxco to bin to xtidz naa zeeá¹e blëz naa lo to i, scaquegaa niina niicle ne zit zo naa, goḻgon miá¹e rne naa nu), ib gdeete to diidz guiab to ladznia doḻ stib, niina ne laa Dios psilaale to; goḻguieá¹ tsieniewguite guic to. 13 Beá¹que Dioszhal rsiaab guic to rquiabladz to guá¹ to miá¹e racladz me, ni scagaa me racnieá¹ to rrieelo ruá¹ tow. 14 Ni ncuaaá¹e rieguiaḻ to guá¹ to, iá¹e nguieeḻ goḻgac goḻguá¹a, peet glisquide to, ni niicle tiḻdiidzdgaa to; 15 zeeá¹a tsod pe nacne cho glisqui guiab zho laa to pe falt, pe doḻ ne quiayuá¹. Goḻlu gaá¹le nli xpëëdle Dios nac to; zaacse goḻban, niicle ne ladaque grë miech ntseeb, miech ncow ne ndxie lo guidzliu rii no to. Goḻgac zig tib biini lo zho, zigne rziini mel gbaa lo ncow ne nac guieel. 16 Ib csaande to Xtiidz Ndzon Jesús, diidz ne rdeed guieḻmban, lëëw goḻconie guic to. Sca goḻgac, zeeá¹a gaḻ dze ne laa Jesús guiaad stib, per nli gley naa gaá¹ naa led zhlëd brie naa biaḻ naa, biaḻseed naa to. 17 Zig nac niina, teḻ niaca miá¹e no gded naa xquieḻmban naa gaca zig tib gon, parne dib zdooraa to gliladz to Dios, haxta zley naa gded naa xquieḻmban naa; sac racladz naa ye to ygaa guieḻbley. 18 ¡Goḻley sca! Zigne no guieḻbley rii zdoo naa, scaquegaa to goḻco nley zdoo to, zeeá¹a grë ne gley. 19 Teḻne gneedz meá¹ ndzon ne rnabey ne diidz, racladz naa cxeeḻniob naa Timoté guiaadwi dieá¹ zha no to, zeeá¹a haxta stibgac zdoo naa zeeá¹e laa Timoté glansonie diidz lo naa. 20 Me cxeḻ naa, sac guieá¹d stib zha ne zienie guic zig zienie guic naa, teḻ led med; sac teḻ me nonie to guic me. 21 Grëraa zho, ncuaaá¹e yquiin lo zho rioxco zho, laa ne tsoxco zho miá¹e nac xtsiiá¹ Jesús. 22 Laa Timoté, led naá¹le to gaá¹le zha ndzinli nac me, teḻ niina iá¹e tib mëëd nac me lo naa, nroob yudar ne quiayuá¹ me noseed no miech Xtiidz Ndzon Jesús. 23 Ible laa guic naa no cxeḻ naa me lo to i, loxaque gacnaá¹se naa dieá¹ zha csaá¹ wxtis rii xcuent naa nu. 24 Ni ye naa nend prontaque guiaḻso naa i dieá¹ yo to, sac rieá¹ naa ible zneedz Dios diidz guiaḻ naa. 25 Ni rgobey naa nonguieḻaquew cxeḻ naa bets ne Epafrodit guiaad me nëz qui, sac laa me rbanle to, ni no me zhgab bin me laa to gocnaá¹ ne laa me bzhaacnë. Nli laa to pxeeḻ me lo naa nu, ni blactagaa noyuá¹ me xyudar naa ne znu mban nodeed naa, blactaa noyacnie me naa lo dziin ne nodziuuá¹ no. 27 Ni nligaa bzhaacnë me, nzhoo goc me zootle laa me nietle; per pquia zdoo Dios me ni pquiaagaa zdoo Dios naa peet gocd me, sac goá¹ nole naa guieḻnë, ni teḻ pe niacaque me mazdraa niac nroob xquieḻnë naa. 28 Miá¹ co nagoá¹ laa naa cxeḻgazh me, zeeá¹a gley to gaá¹ to lo me stib, ni scagaa niicle naaw zley naa. 29 Goḻley sca goá¹ goḻcaania me, goḻguieá¹ gaá¹le bets to nac me, bets new grë ne ne nac ne zha ne ngab lo Dios; ni grëragaa zha ne nac zig nac me, goḻleynie zho. 30 Goḻgaá¹ gaá¹le, teḻ me haxta bdedlaa me niet me nu niina ne biaadguá¹ me xtsiiá¹ Jesús; per ib pquiad zdoo me me, bleeladz me xquieḻmban me biaadguá¹ me xyudar naa, porne brieelod niaad-zhal to.