APOCALIPSIS 15

1 Tibaque zeeá¹e goá¹ naa, ncuaaá¹e ro, ncuaaá¹e gzee zdoo ne goc gbaa. Brieequia gadz anjl, tib tib anjl co tibga guieḻnë guiaadnie me ted grë miech ne ndxie lo guidzliu; guieḻnë co lozh cueezhian Dios miech. 2 Dzigo gax lo naa goá¹ naa tib dzoon miech, masaque rquiabni, masaque rna gui zaatne zo zho, nëzrii nëzrec rac lo co, pale lo nisdoo. Lëë grë zha co beeá¹ gan, pquiitsgzhibd zho lo ma ntseeb co, pquiitsgzhibd zho lo zhimdio ma, niicle biodgaa zho xbey ma. Grëse zho tibga xarp Dios nzheá¹ zho, 3 quiayooḻ zho zig biiḻ grë zha ne psilaa Moisés Egipt. Rley zho, sac niina laa Xcarner yeeá¹ Dios psilaa zho lo ma ntseeb co; rnee zho: Dios, luu ne nac luu meá¹ ne grësew rrieelo ruá¹, ncuaaá¹e nroob, ncuaaá¹e gzee zdoo miech, nac grë ncuaaá¹e ruá¹ luu. Luu nac meá¹ ne rnabey, lo grëse zha ne ngab lo luu, niapse diidzli rnee luu, niapse miá¹e nonguieḻ rnabey luu. 4 ¿Zha rna zha ne dieá¹ gdzieebd luu? ¿Zha rna zha ne gleyd gooḻnie luu? Sac luuse nac meá¹ mbe zdoo, meá¹ ne ni tib doḻ rapd. Grëse guiedz ne ndxie lo guidzliu, zriee miech guiaad zho yquiitsgzhib zho lo luu; sac nasi laa luu blu zha ruá¹ luu guieḻwxtis. 5 Horco goá¹ naa bzhial zaatne nac Lugar Nda leá¹ xyadoo Dios gbaa, 6 ga briee gza gadz anjl ne guiaadnie guieḻnë ne no guiaad lo guidzliu ga. Iá¹e nquitsbie rna xab gza anjl co, haxta rzëëg lada, ndxiega tib cinch or haxta ncaaá¹ leá¹ zhicw me. 7 Dzigo wbig tib bult mban co, bdeeda tibga cop nroob niaa niapse guiib or lo tib tib anjl co; leá¹ cop co ga nodzë grëse guieḻnë ne nac xquieḻblëë Dios, meá¹ ne gdziá¹d dze guet. 8 Horco grëse xquieḻndzon Dios, grëse poder ne rap me, biodzë leá¹ yadoo co, rluw zig rlu tib gox; choot brieelodraa nzëëb leá¹ yadoo co, haxta blozh goá¹ miech gza gadz guieḻnë ne güeynie gza anjl co.