APOCALIPSIS 20

1 Blozh ga, tibaque zeeá¹e goá¹ naa laa tib anjl biet gbaa, nzheá¹ me tib liow, ni nzheá¹ me tib caden. 2 Dzigo bnaaz me ma ngol ne rna nizhnie ga, meeḻ ne notaque padzeela ga, ma ne nac meá¹dox ga, ma ne nac Satanás ga, bzoob me ma caden co; 3 con liow ne nzheá¹ me ga pxal me tib ro guierdoo, psëëb me ma leá¹ guierdoo co. Blozh ga dziits dziits psioog mew, zeeá¹a grieelod griee ma tsiequidieraa ma miech. Ga tsogyu ma dipse leá¹ tib mil iz, lozhse tib mil iz co ible laa ma no griee ga, sonlaa ma zniip. 4 Horco goá¹ naa laa grë zha ne bzo Dios cobey pe nac xtoḻ tib tib miech, laa zho bzob lo xcan ne rieguiaḻ sob zho. Goá¹aque naa xalm grë zha ne psacsi miech, bga zho yaá¹ zho, beet zho zho loxaque ne no zho xnëz Jesús ni bnee zho xtiidz me lo miech; goá¹ naa grë zha ne bzhiguieḻd nquiitsgzhib lo ma ngol ne brieequia lo nisdoo ga, bzhiguieḻd zho niuá¹non zho mdio ne rlu zig rlu ma, niicle bzhiguieḻd zho nio zho xbey ma. Goá¹ naa brieeban zho grëse zho, par gbannie zho Jesús, gnabey me grë me zho dipse leá¹ tib mil iz. 5 Lëë grë zha co nac miech ne glopaa grieeban, laa grëraa meá¹gut, zha co grieeban zeeá¹e laa tib mil iz co gza. 6 Dichos grë zha ne glo grieeban ga; lo Diosle ngab zho ga, noxtseebdraa zho guey zho gabiḻ, masaque lo Dios, lo Jesús guá¹ zho dziin, gac zho zig tib pxoz lo me; tipse gnabey me grë me zho leá¹ tib mil iz co. 7 Zeeá¹e blozh tib mil iz co, dzigo goá¹ naa laa meá¹dox briee zaatne nioogyu ma ga, 8 güey ma güeyquidie ma zha Gog, güeyquidie ma zha Magog, grëse guiedz ne ndxie lo guidzliu güeyquidie ma miech, tipse beeá¹ ma zho grëse zho parne tiḻnie zho Dios. Miech guizhiuw, miech ne lëb ne glab new, guá¹ ne cuent yuzh ne ndxie ro nisdoo, 9 ntseeb rac zho, grëse zho laa zho bdziá¹ zaatne ndxie guiedz ne rleynie Dios, zaatne no grë zha ne ngab lo me ga; per zeeá¹e laa zho ndxiele igo guiedz co parne gnitlo zhow, hor co bnabey Dios bliaaḻ gui lad zho, bzëëga zho grëse zho. 10 Laa meá¹dox, bnabey me bgaa ma bey ma lo guidox ne nac gabiḻ, zaatne nole ma ngol ne sca brieequia lo nisdoo, grop ma co zha ne pteed xtiidz ma ga. Lo guidoxa, niapse zufr noyec lugar co, ga tsu ma dze guieel, gdziá¹draa dze ne griee ma ga; caxtigwdox ne ted ma. 11 Blozh ga, goá¹ naa tib meá¹ co zob me tib lo xcan ro, dib nquitsbiese rna xcan co. Zigtaa guidzliu, zigtaa gbaaw, zeeá¹e goá¹a me znuse bichew, per bdzield pa niolana lo me. 12 Grëse zha ne brieeband glo ga, zigtaa zha nona, zigtaa zha wina, laa zho bdziá¹ lo me. Laa zho ndxie ga, zeeá¹e laa lo bla libr co bzhial, ni bzhialaque lo miá¹e quia lë zha ne bgaa guieḻmban cub ne rdeed Dios ga; hor co bgaase zho miá¹e rieguiaḻ zho tib tib zho teḻ zha zhobnee lo libr co wban zho. 13 Grëse zha ne biaaá¹ leá¹ nisdoo, blieequia nisdoo zho, grë zha ne bioliu blieequia baa zho; grëse zho blieequia guieḻgut zho. 14 Blozh ga, zigtaa guieḻguta, zigtaa zha ne quiad lë leá¹ libr ne no lë zha ne bgaa guieḻmban ga, laa zho biobe lo guidox ne nac gabiḻ; lëë guieḻgut brop ga.