ROMANOS 2

1 Ib tedsod no to gnë: “¡Zha ntseebtaa miech ne sca ruá¹!” ¡Per gni naa lo to gaá¹le, zigtaa zhaw, zigtaa tow, lalga ntseeb to grë to! Sac ye to goá¹ ruá¹ grë guieḻntseeb co, gacxe waa, zha ne rzac rieguiaḻ zha co ygaa zho guieḻnë ne csiaab Dios, ye zho rieguiaḻ miá¹ co. 2 Ndioá¹ ne gaá¹le Diossi zeeá¹e laa me guá¹ guieḻwxtis, grëse zha ne sca zienaḻ guieḻntseeb, ib tedsod zuá¹quizh me zhow. 3 Zha ne sca rlozhd gzee zdoo pe quiayuá¹ stib zho, haxta rlisqui zho miá¹e quiayuá¹ zha co, ni yeque zho quiayuá¹a; masaque naá¹ zho nagoá¹ zdedlaa zho zeeá¹e laa Dios guiaadguá¹ xquieḻwxtis me, masaque naá¹ zho zha cose nitlo, laa zho tedlaa. 4 None guieá¹ zho gaá¹le pa lotaa nquialadz Dios zho, pa lotaa noyap me zho paciens noxecw me grëtaa ncuaaá¹e ruá¹ zho; sac laa me quiambëz csaan zho xquieḻntseeb zho, yguudz zdoo zho gban zho zigne rnabey me. 5 Teḻne tibaque squi ndip gac zdoo zho, gond zho miá¹e rnabey me; gacnaá¹ zho gaá¹le, quiayuá¹loraa zho grë guieḻnëdox ne ygaa zho gaḻ dze ne laa me guá¹ guieḻwxtis. Ni xquieḻwxtissi me, zigne rieguiaḻ gaca sca guá¹ mew. 6 Gaḻ dze co, laa me gdeed miá¹e rieguiaḻ ygaa tib tib miech teḻ zha wban zho. 7 Grëse zha ne güeynaḻ beeá¹non zho lë me, pxobneá¹ zho xquieḻndzon me, güeynaḻd zho grë ncuaaá¹e rnitlo, lo zha co gdeed me tib guieḻmban ne gdziá¹d dze lozh. 8 Saá¹gue grë zha ne güeynaḻ loxaque grë zhixco zho, güeynaḻ zho grë guieḻntseeb, laa ne nienaḻ zho miá¹e nac diidzli; zha co ygaa grëse zhian ne csiaab me. 9 Ga nagoá¹, grëse zha ne ruá¹ guieḻntseeb, zigtaa zha Israela, zigtagaa zha stib guiedza, ible zgaa zho tib guieḻnëdox; 10 saá¹gue grë zha ne rban zaacse, zigtaa zha Israela, zigtagaa zha stib guiedza, ible zgaa zho lo xquieḻndzon me, zuá¹non me zho. Ni led yedraa ga pe zhgab ctseb zho. 11 Grëse zha ne guá¹ctal xtoḻ, teḻ chotaa nac zho zuá¹quizh Dios zhow; sac teḻ me, led yed me cue. Zig nac grë zha ne beeá¹beyd xley me, zuá¹quizh me zho grë xtoḻ zho; sac niicle ne gocnaá¹dpaa zho zha naca, per leá¹ zdoo zho, guic zho, naá¹paa zho pa miá¹ nac guieḻntseeb, pa miá¹gaa nac guieḻwen. Rrieequiacxe waa ruá¹beyle zho xley Dios ga. Scaquegaa zha Israela, ne nac zho zha ne ruá¹beypaa xley Dios, zuá¹quizhaque me zho grë xtoḻ zho; sac niicle ne ruá¹beypaa zho xley me, per teḻ lozh ga mband zhow. Naá¹paa zho pa miá¹ wen, ni teḻ lozh ga rond zho diidz guá¹ zhow; sac goá¹, led-xe por ne gacnaá¹dse ne ley waa laa Dios ycaaniale ne, sinque none gban new. 16 Zdziá¹ tib dze, zeeá¹e laa Dios cxeeḻ Jesús, guá¹quizh me miech grëse doḻ ne beeá¹ zho tib tib zho, niicle miá¹e mazdraa rzac zho ngueets zhliaan beeá¹ zho; sac sca rnabey Dios gaca, ni miá¹ co noseed naa miech. 17 To ne nac to zha Israel, rzac to zienaḻpaa to xley Moisés, niats rac to, rzac to tose non lo Dios. 18 Naá¹wen to zha racladz Dios gban to, naá¹paa to pa miá¹ wen sac pseed to xley me. 19 Miá¹ co masaque rzac to to cseed zha ne no lo ncow, grë zha ngoopdoḻ. 20 Masaque rzac to to rieá¹raa zha cseed to grë zha ne peet gacd, to rieá¹raa zha quixbiini to grë zha ne peet rieá¹d; sac rzac to ne naá¹ to ley, tose nac zha ne ndziibraa nixbiini, tose naá¹ miá¹e nacpaa diidzli. 21 Nana, teḻ scataa rieá¹ to zha cseed to stib miech, ¿pe nac dzigo rwide to miá¹e ruá¹ to? Conque to name rnee lo miech cuand zho, ni rlozh ga toque quiaban. 22 Rseed to miech rnee to, tib zha ne nole tsieel, nodne yquiangob zho stib zha ne led tsieeld zho; ni rlozh ga toque noyuá¹ miá¹ co. Rnee to, rdziguiende to grë mdio, ni rio to rieban to yadoo ne zob grë mdio co. 23 Rlozhd gacniats to rzac to quiayuá¹non to lë Dios ne naá¹ to ley, ni naá¹de to goá¹, leḻ quiaguitnie to lë me ga, sac mbande to zigne nac ley. 24 Miá¹e noyuá¹paa to i ga goá¹ raquiet lo Xtiidz Dios, zaatne rnee: “Por xtoḻ to, grë zha zit laa zho rneenë Dios." 25 Teḻ to, rzac to porne nacse to zha Israel non to lo Dios, per ne squi mbande to zigne nac xley me, nacaque to zigne nac grë zha zit ne ruá¹beyda. 26 Nana, zha zit ne rioxco rban zigne nac xley me, ¿niacxe rieguiaḻd dzigo guiaá¹nziuu zho lo Dios? Saá¹nziuu me zho goá¹. 27 Goḻgacnaá¹ sca gaá¹le, glole zha zit co goá¹ guiaá¹nziuu lo Dios, lëdle to ne naá¹paa to zha racladz Dios gban to, naá¹paa to miá¹e psaá¹ Dios diidz ygaa to, ni rbande to zigne rnabey me. 28 Goḻgacnaá¹ sca gaá¹le, led porne nacdse to zhin zha Israel, porne bio to xbey zho, laa to nziuule lo Dios. 29 Led scada goá¹, sinque zha ne nli dib zdoo rioxco miá¹e rnabey Dios, zha co nziuu lo me. Sac teḻ Dios, rwidaxe me waa dieá¹ cho pe bey ne no, sinque laa me rcaania zha ne nlipaa dib zdoo, dib guic, rban zigne racladz me. Grëse zha ne znu nac, nziuu zho lo Dios, niicle teḻne rzac to peet nond zho.