1 Corintios 12

1 Der bicy na, ya̱ do̱o̱ rishlo der nu lac na coz nu rbic Espiriit Yon ni tub ga la der. Walagya̱ nu gac der mbecy nu wagad lagy. 2 De ru rad lagy der nu anzir nu gyicy cup der consuel lo Crisht, mas lac ruu tees dzi radza der nu nac de nab gop nu wagac nii. 3 Tees na wagadza gaê der, benu rad lagy der nu ni tub la mbecy wac nii dey riidz nu rbic Espiriit Yon benu zaa lagy dey ni Jesuuz, nunu ni tub la mbecy wac niiy: “Jesuuz nac mi Shuaan na”, niiy, benu walab lo Espiriit Yon druu de riidz zeê. 4 Reñ ga la mod cyiiñ tub ga la mbecy nu gyicy yu, tees laab tub ziêl Espiriit Yon ricy mi ñii. 5 Reñ ga la mod ricy tub ga mbecy ornu ricy yu coz nu rlagy Ãgyoozh, tees laab tub ziêl Shuaan den Jesucrisht riib ic mi delañ. 6 Zañ lo mod ricy Ãgyoozh num tub ga la mbecy, tees laab tub ziêl mi ricy mi delañ. 7 Ãgyoozh bicy mi nu locyuub Espiriit Yon nim tub ga la mbecy, gun orzeê locyuub yu dela losaêy. 8 Espiriit Yon rbic mi shcab ni tub mbecy par nu cuic yu consef ni losaêy. Zeê tuubaê mbecy, laab mi zeê rbic mi shcab niy par nu shaal yu de riidz ni Ãgyoozh nu dzi nap rad lagy yu. 9 Tuubaê mbecy, laab mi zeê ricy mi nu tonaê la nap ricy cup yu consuel lo Crisht. Zeê tuubaê mbecy, laab ub lam ricy mi nu cyiiñ yu gyicy yac yu mbecy rat. 10 Zeê tuubaêy ricy mi nu cyiiñ yu gyicy yu nusuriidz. Zeê tuubaêy ricy mi nu cyiiñ yu nu shaal yu riidz nu druu lo Ãgyoozh lo de mbecy. Zeê tuubaêy ricy mi nu cyiiñ yu nu gad lagy yu ti coz ni nuras, ti coz ni Espiriit Yon. Tuubaêy ricy mi nu gac niiy nu riidz nu rnii reñaê mbecy. Zeê tuubaêy ricy mi nu cyiiñ yu shaal yu riidz zeê. 11 Tees laab tub ziêl Espiriit Yon ricy mi dela ndeê. Ricy mi nu cyiiñ tub ga lo mbecy nu gyicy yu reñ ga la mod gal nu ub mi rlagy mi. 12 Gun de mbecy ni Crisht na dey gal nu na tub zi cuerp nu ricy cup zañ lugaar. Mas ricy cup ñi zañ lugaar niñ tees nac ñii tub zi cuerp. 13 Niê ziêl mod na de ub na. Lat den yuê mbecy Israeel. Nunu yuê mbecy nu walab mbecy Israeel. Yuê gaê mbecy nu nac yu moz ni losaêy por fers la. Yuê gaê mbecy nu nac yu patro̱o̱ ni dey. Tees Espiriit Yon bicy mi nu byac dela den stub zi cuerp ornu wi nis den. Nunu Ãgyoozh bzeed mi tub zi Espiriit Yon nu nac num den. 14 Gun tub cuerp walab tub ziêl lugaar ricy cup ñi sinu zañ lugaar ricy cup ñi. 15 Benu tub gyiên niiñ: “Ya̱ a̱ê naca̱ ni cuerp, gun walab yaa naca̱”, niiñ. Mas ni niiñ tees nac ñii tub lugaar ni cuerp. 16 Nunu benu tub gyidag na niiñ: “Ya̱ a̱ê naca̱ ni cuerp, gun walab urlo naca̱”, niiñ. Mas ni niiñ tees nac ñii tub lugaar ni cuerp. 17 Benu tub cuerp nac ñii du ub urlo ziêl, orzeê ¿lac mod par nu gyeñ na? Nunu benu tub cuerp nin du ub gyidag ziêl nac ñii, orzeê ¿lac mod par nu chuê gyidiêñ na? 18 Tees na den gal nu na de lugaar ni cuerp. Nunu gal nu bzu Ãgyoozh de zañ lugaar ni cuerp, ni ziêl bicy mi nu gyicy tub ga la de ub na mod nu rlagy mi. 19 Benu dela den tub ziêl lugaar ni cuerp nac naa, orzeê wacyiiñ cuerp nin. 20 Tees cuerp ni den rishli, ricy cup ñi zañ lugaar niñ, tees tub zi cuerp nac ñii. 21 Orzeê tub urlon wac niiñ gab ñii yaan: “Ru se la la cyiiñ ru ne̱”, niiñ. Nunu toon wac niiñ gab ñii gyiên: “Ru se la la cyiiñ ru ne̱”, niiñ. 22 Tees de mod la, dela lugaar ni cuerp ni den nu rlyu nu walab lugaar nu ricy ñi presis, de lugaar zeê dzi zir cyiiñ ñi ni den. 23 De lugaar nu a̱ê ricy ñi presis, ndeê tonaê la cuidad ricy dun ñi, nunu de lugaar ngach ni cuerp nu cuidadaê zir ricy dun ñi. 24 Zeê de lugaar nu rabee, walagy ñi nu cuidad gyicy nu den ñi. Ãgyoozh bicy mi nu dela lugaar nu a̱ê ricy ñi presis ni cuerp ni den, ndeê dzi zir cuidad ricy den nu lugaar zeê. 25 Gun orzeê cueê nu laê losaê de lugaar zeê. Sinu delañ gzuñ altant nu nac de losaêñ. 26 Benu rzac zi tub lugaar ni cuerp ni den, orzeê gur zu lagy dutuub la cuerp ni den. Benu tub lugaar ni cuerp ni den nap rzac ñi, orzeê niê ziêl nap zu lagy dela lugaar ni cuerp ni den. 27 Na dela den na den gal nu na cuerp ni Crisht, nunu tub ga la den nac naa tub ga lugaar ni cuerp nim. 28 Lat de mbecy ni Crisht, Ãgyoozh bzum tub ga la dey nu lugaar niy. Nu loga la yuê mbecy nu zuy riiñ nu nac yu aposht. Nu cyup yuê mbecy zuy riiñ nu nac yu yu nu rnii riidz nu druu lo Ãgyoozh. Nu chon yuê mbecy zuy riiñ nu rlyuuy de coz ni Crisht. Orzeê despuees yuê mbecy zuy riiñ nu ricy yu nusuriidz. Nunu yuê gaê mbecy nu ricy guñaa. Orzeê yuê gaê mbecy nu rlocyuub losaê. Orzeê yuê gaê mbecy nu riib ic de riiñ nu ricy mbecy lat der. Orzeê yuê gaê mbecy nu rnii nu riidz reñaê mbecy. 29 Walab dela mbecy nac yu aposht. Walab dela dey nac yu mbecy nu rnii de riidz nu druu lo Ãgyoozh. Walab dela dey ricy yu nusuriidz. 30 Walab dela dey ricy yu guñaa nu nac Espiriit Yon ni Ãgyoozh. Walab dela dey rniiy nu riidz reñaê mbecy. Walab dela dey gac shaal yu de riidz zeê. 31 Bicy der nu gad tub riiñ nu ricy ñi presis nu gac der. Tees mod nu nap zir par dela deê zir ñi, ndeê riidz nu ne̱e̱ lo der na.