1 Corintios 14

1 Bicy der nu car losaêr. Bdiiñ der lo Ãgyoozh nu gyicy mi nu cyiiñ der nu gyicy ru riiñ nim nunu ricy zir ñi presis nu cyiñ der riiñ nu gac gnii der de riidz nu druu lom. 2 Gun de mbecy nu rnii riidz reñaê mbecy, walab lo mbecy rniiy ñi, sinu lo Ãgyoozh, gun de mbecy rila wagyet lag dey cuen de riidz nu rniiy. De riidz nu rnii de mbecy zeê, ndeê rniiy ñi por nu nac Espiriit Yon ni Ãgyoozh, tees dela riidz nu rniiy zeê, ndeê riidz nu wagyeñ dey. 3 Tees de mbecy nu rshaal riidz nu druu lo Ãgyoozh laab nu riidz yu, de yu zeê, rniiy ñi lo dela mbecy par nu locyuub yu dey, nunu rbic yu baloor ni dey, nunu rbic yu consuel ni dey. 4 Zeê de mbecy nu rnii riidz reñaê mbecy, de mbecy zeê laab ub ziêl yu rlocyuub yu. Tees de mbecy nu rshaal riidz nu druu lo Ãgyoozh, de yu zeê rlocyuub yu dela de mbecy ni Crisht. 5 Yet lagya̱ benu dela der niir nu riidz reñaê mbecy, tees gyet zir lagya̱ benu dela der cyiiñ ru nu shaal ru riidz nu druu lo Ãgyoozh. Gun dzi zir sac de mbecy nu rnii riidz nu druu lo Ãgyoozh gazeê de mbecy nu rnii riidz reñaê mbecy. Nomaas benu grusu tub mbecy nu shaal de riidz reñaê mbecy zeê, gazeê nu sac ñi, gun orzeê locyuub yu dela mbecy ni Crisht. 6 Ndeê nu der bicy na, ¿la cyiiña̱ yapa̱ lo der benu ne̱e̱ nu riidz reñaê mbecy? Orzeê se la la cyiiña̱. Tees benu shaala̱ lo der tub riidz nu briic Ãgyoozh nu ne̱e̱, o benu ne̱e̱ lo der tub coz nu rlagy ñi nu gad lagy der, o benu shaala̱ lo der tub riidz nu druu lo Ãgyoozh, o benu lyu̱u̱ ni der tub coz ni Ãgyoozh, benu ni gyicya̱, orzeê cyiiña̱ ni der. 7 ¿A wacuê cuen der de gyiib ni musiic? Tub bdzi o tub arpa, mas walab nu mbañ ñii, tees benu a̱ê nap rsiigy dey ñi, orzeê wad lagy den la di rbooñ, gun a̱ê nap rsiigy dey ñi. 8 Niê ziêl ornu rzuê gyel yuu. Benu mbecy nu rlaa trompet a̱ê nap rlaay ñi, orzeê wazu lily de soldad par nu chucooy. 9 Niê ziêl mod wagyet lag mbecy cuen de coz nu gnii de ru, benu nii der nu riidz reñaê mbecy. Orzeê ndeê nañ gal nu na nu lo bi la gnii der ñii. 10 Zañ lo riidz yuêñ gyishlombecy, nunu segur la yuê mbecy nu gyet lag yu cuen tub lo ga de riidz zeê. 11 Benu ya̱ wagyet laga̱ cuen de riidz nu rnii tub mbecy, orzeê mbecy zeê nay gal nu na tub mbecy nu walab losa̱ê, nunu ya̱ na gal nu na tub mbecy nu walab losaê yu zeê. 12 Como rlagy der cyiiñ ru nu gyicy ru riiñ nu rbic Espiriit Yon ni Ãgyoozh, ndeê nu ricy zir ñi presis nu gyicy der fers nu gyicy ru riiñ par nu locyuub ru de mbecy ni Crisht. 13 Orzeê de yu nu rnii riidz reñaê mbecy, rlagy ñi nu cyiñ dey lo Ãgyoozh nu gyicy mi nu cyiiñ dey shaal yu de riidz zeê. 14 Gun benu ya̱ ne̱e̱ du̱ Ãgyoozh nu riidz reñaê mbecy, orzeê ne̱e̱ du̱m nañ lardo̱o̱ ziêla̱. Tees shcab ne̱ wagad lagy ñi la coz rne̱e̱. 15 Orzeê ¿la coz gyicya̱? Ornu rne̱e̱ du̱ Ãgyoozh, rne̱e̱ coz nu druu nañ lardo̱o̱, tees niê ziêl rne̱e̱ de coz nu yet laga̱ cuen. Ornu rdula̱, rdula̱ nu dutuub la lardo̱o̱, tees niê ziêl rdula̱ de coz nu yet laga̱ cuen. 16 Ornu rbic der gras ni Ãgyoozh nu riidz reñaê mbecy, orzeê ¿lac mod nii deê zir de mbecy: “Laab ni”, nii dey? Zeê ii wangyet lag dey cuen coz nu rnii der. 17 Mas tonaê la cyit za de riidz nu rnii der, tees rila walocyuub ñi deê zir losaê der. 18 Ya̱ drica̱ gras ni Ãgyoozh, gun ya̱ dzi zir rne̱e̱ nu riidz reñaê mbecy gazeê deê zir de ru. 19 Tees lat de mbecy ni Crisht, yet zir lagya̱ nu lyu̱u̱ gaay zi riidz nu gyet lag dey cuen gazeê nu ne̱e̱ tii miily riidz reñaê mbecy nu wagyet lag dey cuen. 20 Der bicy na, cueê gash der shcab mod nu rash de yu nguzh miê. Bicy der mod nu ricy de yu nguzh miê nu wagyicy yu coz a̱ê nap. Tees ornu gash der shcab, bicy der mod nu ricy mbecy gush. 21 Gun lat de riidz nu bzeeñ Ãgyoozh mniim lac gyicy num de mbecy Israeel. Orzeê nam: “Gne̱e̱ lo de mbecy Israeel nu nac mbecy nu rnii reñaê riidz, nunu nu nac de mbecy nu walab mbecy guledz. Tees mas ni gyicya̱ par wazuub gyidag dey ne̱”, nam. 22 Gal nu bicy mi tiem zeê, niê ziêl ricy mi na, gun ornu cuic mi reñaê riidz nu nii tub ga mbecy, ndeê cyiiñ ñi par nu gad lagy de mbecy nu wagyicy cup consuel lom cyu nac mi. Walab nu cuic mi ñii par de mbecy nu bi ricy cup consuel. Zeê benu Ãgyoozh gyicy mi nu cyiiñ tub mbecy shaal yu riidz nu druu lom, orzeê ndeê cyiiñ ñi par de mbecy nu bi ricy cup consuel lom. Walab par mbecy nu wagyicy cup consuel. 23 Orzeê lat nu yatublaazh de ru, mbecy ni Crisht, benu dela der checuar niir riidz reñaê mbecy, nunu benu lat la zeê chuê tub mbecy lat der, tub yu nu walab mbecy ni Crisht o tub yu nu a̱ê nac nu der, orzeê niiy nu raton der. 24 Tees benu dela der niir riidz nu druu lo Ãgyoozh, orzeê ornu chuê tub mbecy nu a̱ê nac nu der o chuê tub mbecy nu walab mbecy ni Crisht lat der, orzeê de riidz nu rnii der zeê, orzeê ndeê lyuuñ niy nu nac yu mbecy cyi. Nunu de riidz zeê lyuuñ loy nu nac yu mbecy nu yuê falt ni nu nac nu gyet lag yu cuen dela coz nu rnii der. 25 De riidz zeê gyicy caacy ñi de coz ngach nu rnii tooy. Orzeê gzu tib yu, nunu griib zily yu Ãgyoozh. Orzeê niiy nu rishli gaal zu Ãgyoozh lat der. 26 Der bicy na, orzeê i mod bicy der: ornu gyatublaazh der, tub ga la der ricy cup ru tub coz nu rlagy ru gul ru. Zeê tuubaê der lyuur ni de losaêr. Zeê tuubaê mbecy briic Ãgyoozh tub riidz nu niiy lo der. Zeê tuubaê mbecy rlagy yu niiy nu reñaê riidz. Zeê tuubaêy rlagy yu nu shaal yu lac yaruu de riidz zeê. Tees dela coz zeê bicy der nu tub mod nu locyuub ñi dela de mbecy zigy. 27 Benu la be mbecy rlagy yu nu niiy riidz reñaê mbecy, orzeê cyup ziêl mbecy o chon dey gac niiy. Cueê nu zigyaê zir dey. Nunu bee lo dey niiy. Zeê tuubaê mbecy rlagy ñi nu shaal yu de riidz nu rnii dey zeê. 28 Benu sac cyu nu shaal riidz zeê, orzeê mbecy nu rnii reñaê riidz zeê rlagy ñi nu checay nu niiy lat de mbecy zigy. Orzeê nañ lardoo ziêl yu gac niiy riidz zeê lo Ãgyoozh. 29 Cyup mbecy o chon yu gac niiy riidz nu druu lo Ãgyoozh. Orzeê deê zir mbecy ri ziêl gua dey gash yu shcab ben a laab ni gal nu rniiy. 30 Tees benu Ãgyoozh cuic mi riidz nu nii tuubaê mbecy, orzeê mbecy nu rshaal riidz ni Ãgyoozh zeê checay nu rniiy. 31 Dela der gac nii der riidz nu cuic Ãgyoozh nu nii der, tees bee lo der niir, gun orzeê gac dela mbecy zigy, nunu gad baloor ni dey. 32 De mbecy nu rnii riidz nu druu lo Ãgyoozh gac gyub ic dey de riidz nu druu nañ lardooy. 33 Gun Ãgyoozh wansaê lagy mi nu pshees chuê den, sinu Ãgyoozh psaê lagy mi nu gyicy den mod nu seêñ. Bicy der gal nu ricy dela deê zir de mbecy ni Crisht lat nu yatublaazh dey. 34 De biñ mñaa wac nii dem ornu yatublaazh de mbecy ni Crisht, gun ndeê coz nu rlagy ñi. Nunu wac gyub ic dem lat de mbecy zigy gal nu rnii leey ni de mbecy Israeel. 35 Benu rlagy mi gad lagy mi tub coz, orzeê rlagy ñi cugyiêm lo ñgyeem ornu grim yuêm, gun a̱ê nap benu tub biñ mñaa gniim lat de mbecy zigy, zeê nu rzat dey Crisht. 36 Rlagy ñi gad lagy der nu de riidz ni Ãgyoozh walab lat de ru bzub gyiêñ; ni walab lo de ru ziêl briñ. 37 Benu tub mbecy rnii tooy nu cyiiñ yu shaal yu riidz ni Ãgyoozh o benu rnii tooy nu Espiriit Yon ni Ãgyoozh locyuub mi yu nu niiy, orzeê rlagy ñi gad lagy yu nu Ãgyoozh bicy mi mandaar lo̱ nu ni ne̱e̱ de riidz ii lo der. 38 Benu ca na mbecy wacheña lagy yu de ndeê, orzeê cueê gyicy cuen der yu. 39 Der bicy na, orzeê bicy der nu gniir de riidz nu druu lo Ãgyoozh, tees cueê ca der ni de mbecy nu niiy nu reñaê riidz. 40 Dela coz nu gyicy der bicy der ñii mod nu seêñ, nunu mod nu rlagy ñi.