1 Corintios 16

1 Na par ornu teê der de tiñ nu glocyuub der de mbecy ni Ãgyoozh nu yuê lo de yu nu la Judea, rlagy ñi gyicy der mod nu mne̱e̱ lo tub nac ga de mbecy ni Crisht nu yuê lo de yu ni Galacia. 2 Tub noming ga rlagy ñi nu co reñ der ñuu tiñ. Dub gal lac ricy der gan dub ni cuic der. Orzeê cuê choow der ñii, gun orzeê ornu yapa̱, walagy ñi dudeê de tiñ zeê. 3 Ornu yapa̱, orzeê zeeda̱ de mbecy nu bi pcui der zeê, nu cha nu dey de tiñ zeê par Jerusaleeng, nunu cha nu dey tub gyicy ni rishbeey nu zeeda̱ lo de bicy na nu yuê lugaar zeê. 4 Benu galagy ñi nu cha̱, orzeê niê ziêl ya̱ cha̱ du̱ dey. 5 Nez nu yapa̱, rlagy ñi nu deda̱ lo de mbecy nu yuê Macedonia. Orzeê niga deda̱ par lo de ru. 6 Rlagya̱ gyiyeeñ du̱ der tub tiem, ben a wac cyiiña̱ lat der dub laa lat lascyey. Orzeê gac locyuub der ya̱ nu de coz nu galagy ñi ne̱ ornu cha̱ tuubaê lugaar. 7 Walab nu rlagy ziêl ya̱ nu zaca̱ der nez nu deda̱, sinu rlagya̱ nu les cyiiña̱ lat der benu zaan Shuaan den. 8 Tees gyiyeeña̱ Ãfeso ii gashtal shuub la dzi nu chuê saê ni Pentecostés. 9 Gun mas yuê zigy mbecy nu zay contr ni Shuaan den, tees na tiem niñ par nu gyicya̱ gan de riiñ ily nim Ãfeso ii. 10 Benu gri Timoteo lo der, orzeê gyicy der nu nap zu lagy yu, gun yu zeê ricy yu riiñ ni Shuaan den gal nu ricy ya̱. 11 Cueê gyicy gyidz der yu, sinu rlagy ñi nu locyuub der yu nu de coz nu galagy ñi niy par ornu chay tuubaê lugaar, gun orzeê cush cyay cyidaêy lo̱. Gun ya̱ rishlo̱ yu nu cyid yu nu deê zir de bicy na. 12 Zeê Apolos, ya̱ mnishba̱a̱ loy nu cyid güiiy der gal nu deê zir de bicy na. Na la walagy yu cyid yu. Tees ornu gad mod niy orzeê cyid yu. 13 Bicy cuidad der ub ru ni de coz a̱ê nap. Nunu ni cueê gyaê ich der nu nac de coz ni Crisht. Cueê dzib der. Bzu fert der. 14 Nunu dela coz nu gyicy der, bicy der ñii par nu nac nu rca der losaêr. 15 Der bicy na, de ru rad lagy der nu par deê zir de mbecy nu yuê lo yu ni Acaya, Estéfanas nu de famil niy, de yu zeê byac dey mbecy ni Crisht nu loga la, nunu de yu zeê byuêy lo de riiñ par nu locyuub dey de mbecy ni Crisht. 16 Der bicy na, rlagya̱ nu gyicy yac der nu de coz nu rnii de yu zeê, nunu de coz nu rnii de mbecy nu na gal nu na de yu zeê. Nunu bicy yac der nu cyu ziêl mbecy nu ricy nu dey riiñ. 17 Tonaê la yet lagya̱ nu biid Estéfanas, nu Nat, nu Acaico. De yu zeê blocyuub dey ya̱ lugaar ni de ru, gun sac der ii. 18 Gal nu bicy dey nu bet lagy de ru, niê ziêl bicy dey nu bet lagya̱. Cyu ziêl mbecy nu ni na gal nu na de yu zeê rlagy ñi nu griib zily der yu. 19 Dela de mbecy ni Ãgyoozh nu yuê lo yu ni Asia, bzeed dey ñgyoozh ni der. Aquila nu Priscila gal nu dela de mbecy ni Crisht nu ryatublaazh nañ yuê dey bzeed dey ñgyoozh ni der como niê nac der mbecy ni Crisht. 20 Dela de bicy na nu yuê ii bzeed dey ñgyoozh ni der. Dela der nap nii nu der losaêr par nu gabe nu nac der losaê bicy ru. 21 Ya̱ Baly, ca̱a̱ de riidz ii nu ya̱a̱ nu zeeda̱ ñgyoozh ni der. 22 Benu tub mbecy wacay Shuaan den Jesucrisht, orzeê bi gul yu duu. ¡Shuaan de̱, da! 23 Shuaan den, Jesucrisht, nap gyicy num der. 24 Nunu bi neñ der nu ya̱ rca̱ der nu nac Jesucrisht.