1 Corintios 2

1 Der bicy na, ornu byap shaala̱ de riidz nu rishli ni Ãgyoozh lat der, walab nu riidz biigy mne̱e̱ ñii. Nunu ni walab nu bicya̱ ñii nu nac schab lily ni uba̱. 2 Gun lat nu gusa̱ lat der, bicya̱ nu wangad lagya̱ deê zir de coz, nomaas nu gut Jesucrisht lo cruuz nu nac de ub na, ndeê ziêl gud lagya̱. 3 Nunu ornu bri̱ lat der, ya̱ guze̱e̱ nu wacyiiña̱ guze̱e̱. Gush la bisa̱, nunu tonaê la gudziba̱. 4 Ornu ya̱ pshaala̱ riidz ni Ãgyoozh lo der, nunu ornu blyu̱u̱ ni der, walab nu riidz ni mbecy lily pcuugya̱ lardoo der, sinu bguugy lardoo der nu nac coz nu bicy Espiriit Yon ni Ãgyoozh, nunu nu nac de coz ily nu bicy Ãgyoozh lat der. 5 Gun orzeê consuel nu ricy cup der lo Ãgyoozh ndeê par nu nac nu dzi coz ily ricy mi, ndeê nu ricy cup der consuel lom, walab par nu nac shcab ni mbecy lily. 6 Tees ya̱ niê ziêl rne̱e̱ riidz lily par de mbecy nu bi rad lagy nap de coz ni Crisht. Tees riidz zeê, ndeê walab riidz lily ni de mbecy nu yuê gyishlombecy na. Ni walab riidz lily ni de mbecy nu riib ic gyishlombecy ii, de yu nu bi ca lo cuen nu nit lo. 7 De coz nu rzata̱ lo der, ndeê coz lily nu bruu lo Ãgyoozh. Coz zeê wancuic Ãgyoozh nu ñgyad lagy de mbecy gulas tees gal na briic mi nu gad lagy den. Nunu ndeê psaê lagy Ãgyoozh nil nese anzir nu gzub gyiê gyishlombecy gun orzeê zac den lo gyel lily nu ca lo cuen nu gad nin. 8 Ni tub la de mbecy nu riib ic gyishlombecy ii wangyet lag dey cuen de coz zeê, gun benu ñgyet lag dey cuen, orzeê wacaa dey Shuaan den lo cruuz, biñ nu tonaê la zily nac. 9 Tees lat de riidz nu bzeeñ Ãgyoozh rniiñ: Ãgyoozh bi bzu lily mi tub coz par de yu nu rcam. Coz zeê, ndeê tub coz nu rila nigul zac ur lo la mbecy, nunu rila nigul gyeñ gyidag la dey, nunu ni wagnii too dey nu nac ñii, rniiñ. 10 De coz zeê Ãgyoozh bicy mi nu rad lagy de ub na nu nac Espiriit Yon nim. Espiriit Yon nim gyet lag mi cuen dela coz, mas de coz biigy ni Ãgyoozh. 11 Zeê par de mbecy, nomaas espiriit nu ri nañ lardoo ub ziêl dey rad lagy ñi de coz nu yuê nañ lardooy. Niê ziêl Ãgyoozh. Espiriit Yon ni ub ziêl mi rad lagy mi de coz nu yuê nañ lardoom. 12 Zeê de ub na a̱ê ricy cup na espiriit nu rzu bich nu nac gyishlombecy ii, sinu de ub na ricy cup na Espiriit Yon nu bruu lo Ãgyoozh. Gun orzeê gad lagy den de coz nu cuic leew lam nin. 13 De coz zeê rne̱e̱ lo der nu riidz nu blyuu Espiriit Yon ni Ãgyoozh ne̱. Ni mod rshaal de̱ de coz rishli ni Ãgyoozh lo de mbecy nu ricy cup Espiriit Yon nim. Walab nu rshaal de̱ ñii nu riidz nu bloo ic de̱. 14 De mbecy nu a̱ê riib ic Espiriit Yon ni Ãgyoozh, wagnii dey “O” ornu rbic mi de coz nim ni dey, gun par de yu zeê, ndeê coz ton ziêl. Nunu ni wac gyet lag dey cuen de coz zeê, gun de coz zeê rlagy ñi nu Espiriit Yon ni Ãgyoozh locyuub mi den, par nu gad lagy na ben a ndeê coz nap nim. 15 Tees mbecy nu riib ic Espiriit Yon ni Ãgyoozh, yu zeê nap yet lag yu cuen dela coz. Zeê deê zir mbecy wagyet lag dey cuen de coz nu ricy yu. 16 Riidz nu bzeeñ Ãgyoozh rniiñ: Ni tub la mbecy wagad lagy dey la coz rnii too Ãgyoozh, Shuaan den. Nunu ni tub la mbecy wac glyuuy nim, rniiñ. Tees de ub na ricy cup den shcab ni Crisht.