1 Timoteo 1

1 Ya̱ Baly naca̱ tub aposht, tub yu nu rded riiñ ni Jesucrisht. Ya̱ byaca̱ aposht, gun ni bicy Ãgyoozh, biñ nu co mbañ de ub na. Nunu niê ziêl Jesucrisht, biñ nu drish lo den lo, mi zeê bicy mi nu byaca̱ aposht. 2 Orzeê Timoteo, ya̱ ca̱a̱ gyicy ii nu zeeda̱ ñii lor. Ru nar gal nu na yu feñ ne̱ nu nac nu ya̱ bicya̱ nu fert zir ricy cup ru consuel lo Crisht. Orzeê Ãgyoozh Uz den nu Shuaan den Jesucrisht gyicy mi faboor nu nap gyicy num ru, nunu gashni lagy mi ru, nunu gyicy mi nu cheti ri añ nir. 3 Lat nu pcyiiñ na Ãfeso, ornu bi zu̱ la̱ nu cha̱ par Macedonia, orzeê mne̱e̱ lor nu ricy ñi presis nu gyiyeeñ ru Ãfeso, gun orzeê gac niir lo ca na de mbecy nu cueê lyuu dey de coz fals. 4 Mnii lo dey nu laa yaay de riidz nu bloo ic mbecy ziêl zeê, gal nu de lisht nu taê nu la de gyitoo bel ni dey. Gun de nu ndeê, tub lo ziêl nu ricy ñi nu ro zi mbecy riidz nu losaêy. De coz zeê walocyuub ñi nu “O” nii mbecy ni de coz nu rlagy Ãgyoozh nu nac nu gyicy cup dey consuel lo Crisht. 5 Rlagy ñi nu gyicy dey gal nu rne̱e̱, gun orzeê ca tub ca tub ziêl dey losaêy. Rlagy ñi ca dey losaêy gal nu ricy mbecy nu caacy lardoo, gal nu ricy mbecy nu sac nu gat lo nu nac coz nu ricy yu, gal nu ricy mbecy nu ricy cup consuel lo Jesuuz nu dutuub la lardoo. 6 Ndeê nu la be mbecy gudza dey nez nu rlagy ñi nu chay. Orzeê ndeê nu nac nu riidz ton ziêl ro dey. 7 Rlagy dey gac yu mbecy nu rlyuu leey nu bzeeñ Moisees, tees ni ub dey wagyet lag yu cuen de coz nu rniiy. Nunu de riidz nu fert la zu dey nu rshaal yu, niê wagyet lag yu cuen. 8 Rad lagy den nu leey ni Moisees, ndeê coz nap benu gyicy duñ ñi gal mod nu rlagy ñi. 9 Rlagy ñi gad lagy den nu Ãgyoozh briic mi leey walab par nu chañ contr ni mbecy nu sac falt ni, sinu par nu chañ contr ni mbecy nu yuê falt ni, par de mbecy nu wagyicy yac coz nu rnii leey, par de mbecy nu wacsuub gyidag ni Ãgyoozh, par de mbecy nu shiñ ricy, par de mbecy cyi, par de mbecy nu waca lagy lo Ãgyoozh, par de mbecy nu waca Ãgyoozh, par de mbecy nu rut uz, par de mbecy nu rut ñaa, par de mbecy nu rut losaê, 10 par de mbecy nu ral losaê nu wanchelaa, par de mbecy nu ricy losaê gyeey par biñ mñaa, par de biñ mñaa nu ricy losaê mñaa par yu gyeey, par de yu nu rut losaê nu tiñ, par de mbecy rguu, par de mbecy nu rnii cyoozh, orzeê despuees rguuy. Par dela de mbecy nu ni ricy zeê, za leey zeê contr ni dey. Nunu de riidz ni Ãgyoozh rniiñ nu yuê coz nu wac gyicy na. Benu mbecy gyicy yu de coz zeê, orzeê za gaê leey contr niy. 11 Dela de coz ni leey nu rne̱e̱ ii bruuñ lo de riidz nap ni Jesucrisht. Nunu dela riidz nap zeê, Ãgyoozh Yon bicy mi nu rad lagy na. Nunu riiñ nu briic mi nu gyicya̱, ndeê nu tush lasa̱ de riidz nap zeê. 12 Ya̱ tonaê la drica̱ gras ni Shuaan den Jesucrisht, gun bicy mi ya̱ par mbecy nu ricy paa, nunu ndeê nu bduêm riiñ nim ya̱a̱. Nunu laab ub mi locyuub mi ya̱ nu gyicya̱ riiñ zeê. 13 Ni bicy num ya̱ mas shiñ bicya̱ gulas. Mne̱e̱ riidz nu gua contr nim. Psheed zi̱ de mbecy nim. Nunu mne̱e̱ zi nim. Tees gushni lagy mi ya̱, gun gyel ton ziêl bicya̱ ndeê, nunu tiem zeê nigul gyicy cupa̱ consuel lom. 14 Orzeê Shuaan den Jesucrisht bicy mi tub faboor ily num ya̱ nu dzi nap bicy num ya̱. Orzeê ndeê nu na bi ricy cupa̱ consuel lo Jesucrisht, nunu rca̱m. Ni ricya̱ nu nac nu nac du̱ Jesucrisht. 15 De riidz nu rne̱e̱ na, nii coz nu segur la, nunu dela mbecy rlagy ñi cheña lagy dey niñ. Riidz zeê, ndeê nu Jesucrisht biid mi gyishlombecy ii, gun orzeê co mbañ mi de mbecy cyi. Orzeê lo dela de mbecy cyi, ya̱ naca̱ mbecy cyi gaê zir. 16 Ndeê nu Ãgyoozh gushni lagy mi ya̱, gun orzeê gac lyuu Jesucrisht ni de mbecy nu tonaê la ricy cup mi pase̱z num dey. Gun mas ya̱ naca̱ tub mbecy cyi zub lo zir, tees nu nac ya̱, orzeê syaê deê zir de mbecy nu bi ca lo cuen nu gyicy cup consuel lom. Orzeê cui mbañ dey tub la. 17 Orzeê rlagy ñi nu ca lagy den lo biñ nu riib ic, nunu rlagy ñi nu gyabic den gyel mbecy nim tub la. Mi zeê biñ nu mbañ tub la. Mi zeê biñ nu wacsac na. Tub zi lam nac mi Ãgyoozh nu rishli. ¡Laab ni gac ñii! 18 Timoteo, ru nar gal nu na tub yu feñ ne̱. Orzeê ya̱ rdu̱ê riiñ ii yaar laabaê gal nu mnii de yu nu mnii por cuen ni Ãgyoozh nu nac ru. Gun orzeê fert la char contr ni de mbecy nu rlyuu coz fals. 19 Orzeê lat nu gyicy ru de coz zeê, niê ziêl bicy cup consuel lo Jesuuz. Nunu tub lo ziêl de coz nu rad lagy ru nu seêñ, de ndeê bicy, gun yuê la be mbecy nu bicy lay coz a̱ê nap nu mnii too dey. Orzeê nu mnu dey consuel nu bicy cup yu. 20 Lat de yu zeê bruu Himeneo nu Alejandro. De yu zeê bi bgu̱ê dey yaa nuras nu gyicy ras nuy dey, gun orzeê syaê dey nu cueê nii dey riidz nu za contr ni Ãgyoozh.