2 Corintios 11

1 ¡Dzi ga nap benu gyicy cup der pase̱z ne̱ nu nac coz ton nu ricya̱! 2 Ya̱ dzi drusha̱ shcab nu nac de ru. Tees Ãgyoozh bicy mi nu ni gyicya̱. Orzeê de ru nar gal nu na tub fiñ feñ. Zeê ya̱ na̱ gal nu na de uz der. Ya̱ bi brica̱ rishnii nu chelaa der tub zi yu gyeey. Mi zeê Crisht. Orzeê ya̱ rlagya̱ rica̱ der gal nu na tub fiñ feñ yon nu sac la falt ni nu chelaa der Crisht. 3 Tees ya̱ rdziba̱ nu gzac der gal nu bzac Eva. Orzeê bily zeê, nu nac nu dzi lily na ma par nu guu ma, bicy ma gan bguu ma Eva. Orzeê rdziba̱ nu niê ziêl gyicy nuras nu gadza shcab ni de ru. Orzeê checa der nu rcar Crisht nu rishli gal nu mod nu rlagy ñi. 4 Gun de ru dub gal rii la lagy der “O” rniir ni cyu ziêl mbecy nu ryiid nu rzat reñaê Jesuuz, walab Jesuuz biñ nu rzat de̱ ya̱. Nunu dub gal rii la lagy der “O” rniir ni tuubaê espiriit nu walab Espiriit Yon ni Ãgyoozh biñ nu guud ni der nu nac de̱ ya̱. Nunu “O” rnii der ni tuubaê riidz nu rniiñ lac mod gruu mbañ mbecy zeê walab gal nu na de riidz nu pshaal de̱ ya̱. 5 Tees ya̱ rze̱e̱ nu walab ich zab de̱ par de aposht lily nu za ca der ich zeê. 6 Mas a̱ê cyit za riidz nu rne̱e̱, tees yuê shcab ne̱. De mod la bicy de̱ nu gad lagy der nu yuê shcab ne̱ dub laa tiem nu nac de coz nu bicy de̱ lat der. 7 Ya̱ wanlo̱o̱ i̱ ornu pshaala̱ de riidz nu sac ni Ãgyoozh lat der, sinu bicya̱ gyel gyidz ne̱, gun orzeê ya̱ bicy lilya̱ de ru. ¿A shiñ bicya̱ rzii der? 8 Ya̱ blo̱o̱ tiñ lo reñaê mbecy ni Crisht par nu gad mod nu gyicya̱ riiñ ni Ãgyoozh lat de ru. Ndeê nañ gal nu na nu bicy gubaana̱ ñii par nu locyuuba̱ de ru. 9 Lat nu gusa̱ lat der, orzeê wantiña̱ tiñ lo ni tub la der ornu ñgyalagy ñi. Tees de bicy na nu nac Crisht nu yuê gashtal Macedonia briic dey de coz nu ricy falt ne̱. Orzeê ya̱ bicya̱ tub mod nu cueê nu gyicy der gasht nu nac ya̱. Nunu zaab gyicy la̱ mod zeê par lo. 10 Gal nu rad lagya̱ de coz ni Crisht, orzeê rishli gaal washet ica̱ nu soow ni tub la mbecy Acaya ru̱ê nu nac coz nu mne̱e̱ zeê. 11 ¿Lagu ni rne̱e̱? ¿A ndeê gun ya̱ walab nu rca̱ de ru? ¡Walab! Ãgyoozh rad lagy mi nu rca̱ de ru. 12 Orzeê ya̱ zaab gyicy la̱ de coz nu bi ricya̱, gun orzeê cueê nu grica̱ mod ni de mbecy zeê nu gnii dey nu gal gaa la zuy nu de̱ ya̱. 13 Tees de yu zeê a̱ê nac dey aposht nu rishli, sinu nac dey aposht fals. Nac dey mbecy rguu. Nu ricy ziêl dey nu nac yu aposht ni Crisht. 14 Tees cueê cha du ic den nu nac ndeê, gun gazaê nuras ricy yu nu nac yu anc nu rlyuu yaa. 15 Orzeê ndeê walab la coz ily, benu de moz ni nuras gyicyaê dey nu nac yu mbecy nu ricy mod nu seêñ. ¡Tees ornu lazh shup dey laz yu, orzeê gyad i dey gal nu yad ñi! 16 Ne̱e̱ lo der tuubaê tir: ni tub la mbecy cueê nii too dey nu naca̱ mbecy ton. Tees benu de ru ni rnii too der, orzeê bzaan la der nu ne̱e̱ gal nu rnii mbecy ton, gun orzeê ya̱ gyicy zilya̱ uba̱ gal nu ricy de yu zeê. 17 Riidz nu rne̱e̱ na, walab nu rne̱e̱ ñii por mandaar ni Shuaan den, Jesuuz, sinu ornu driib zilya̱ uba̱, orzeê rne̱e̱ mod nu rnii mbecy ton. 18 Tees como yuê zigy mbecy nu ricy zily yu ub yu nu nac mod ni mbecy gyishlombecy ii, orzeê niê ziêl ya̱ gyicy zilya̱ uba̱. 19 De ru rzii der nu nac der mbecy siñ too, orzeê ndeê nu bicy cup der pase̱z nu tub mbecy ton. 20 Ricy cup der pase̱z nu mbecy, benu gyicy yu de ru par moz niy. Ricy cup der pase̱z nu mbecy, benu gyicy yu gan de ru. Ricy cup der pase̱z nu mbecy benu guuy de ru. Ricy cup der pase̱z nu mbecy benu gyicy ñgyay lo der. Ricy cup der pase̱z nu mbecy mas cyich la yaay ya lo der. 21 Ya̱ rat lo̱ nu ne̱e̱ lo der, ¡tees a̱ê ricy cup de̱ baloor nu ni gyicy de̱ gal nu ricy de yu zeê! Tees benu ca na tub mbecy cuic yu baloor nu riib zily yu ub yu, orzeê niê ziêl ya̱ rica̱ baloor nu gyicy zilya̱ uba̱, nomaas na rne̱e̱ mod nu rnii mbecy ton. 22 De yu zeê, ¿a nac dey mbecy hebreo? Niê ziêl ya̱ naca̱ mbecy hebreo. De yu zeê, ¿a nac dey mbecy Israeel? Niê ziêl ya̱ naca̱ mbecy Israeel. De yu zeê, ¿a nac dey nez Abraham? Niê ziêl ya̱ naca̱ nez Abraham. 23 ¿A ricy dey coz nu rnii Crisht? Ya̱ dzi zir ricya̱ de coz nu rniim, mas rlyu nu naca̱ mbecy ton ornu ni rne̱e̱. Ya̱ fert zir bicya̱ riiñ ni Crisht gazeê de yu zeê. Zañ zir tir mneê mbecy ya̱ nañ yuê gyiib. Zañ zir tir bgaaz dey ya̱ nu cuart. Nunu zañ zir tir nu bi zu la̱ lo rishdzidz nu ñgyata̱. 24 Gaay poras de mbecy Israeel pshet dey cuart icha̱. Gal rub tiiñ zu tap yaa pshet dey icha̱ tub ga poras lo gaay tir zeê. 25 Chon poras de mbecy bgaaz dey ya̱ nu yag. Zeê tub tir bgoow gyitaê dey ya̱ nu bicy pee dey nu ñgyut yu ya̱. Chon tir ri̱ nañ barc ornu wes tiñ lo nis. Se nu ñgyat ziêla̱ nu nac nis. Tub tir bzaba̱ lo nisyudoo tub dzi nu tub rel. 26 Lo zañ byaj nu gusa̱ zaab zu̱ la̱ lo rishdzidz nu nac gyoow ily. Zaab zu̱ la̱ lo rishdzidz nu nac gubaan. Zaab zu̱ la̱ lo rishdzidz nu nac de losa̱ê mbecy Israeel. Zaab zu̱ la̱ lo rishdzidz nu nac mbecy nu walab mbecy Israeel. Bzu̱ la̱ lo rishdzidz lat gyedz. Nunu bzu̱ la̱ lo rishdzidz ngush. Bzu lo lo rishdzidz lo nisyudoo. Bzu̱ la̱ lo rishdzidz nu nac amig fals ne̱. 27 Tonaê la fers bicya̱ riiñ. Yuê gashtal gut ziñ la̱. Zañ tir guch pcaala̱. Yuê nu byana̱. Yuê nu wangad nis do̱ê. Zañ tir wangad coz nu da̱w. Yuê nu guzilya̱. Yuê nu bicy falt shaba̱. 28 Yuê zañ coz nu wansata̱ lo der. Tees de dzi la deet rac nañ lardo̱o̱ nu nac nu rsug ica̱ nu nac dela mbecy ni Crisht. 29 Benu tub mbecy rat yu, orzeê niê ziêl nañ gal nu na nu rat ya̱. Benu cyi gyicy ni gan tub mbecy, orzeê dzi rac nañ lardo̱o̱. 30 Tees benu rlagy ñi nu gyicy zilya̱ uba̱, orzeê nap zir nu zata̱ de coz nu gyicy ñi nu gabe nu naca̱ mbecy wacyiiñ. 31 Ãgyoozh, Uz Shuaan den Jesucrisht, rlagy ñi nu gyabic den gyel mbecy nim dub laa tiem. Mi zeê rad lagy mi nu ya̱ rishli rne̱e̱. 32 Orzeê tub tiem lat nu pcyiiña̱ gyedz Damasco, orzeê yu nu riib ic por cuen ni rey Aretas mniiy lo de mbecy nu ña dey dela roê ni loê nu zu dub yub la ruê gyedz zeê, gun orzeê cub dey ya̱ nu cha nuy ya̱ pres. 33 Tees bruu su la be mbecy gua nu dey ya̱ zeê nu ca tub bentan ni loê zeê. Orzeê zeê bloo dey ya̱ par ich. Nañ tub chicyiw pshet dey ya̱ tub laê gaê ich loê ni gyedz zeê. Orzeê ni mod briib dze̱ lo yu nu riib ic zeê.