2 Timoteo 1

1 Ya̱ Baly tub aposht ni Jesucrisht nu nac nu ndeê coz nu rlagy Ãgyoozh. Orzeê mi zeê bzuu nez mi ya̱ nu cha shaala̱ riidz nu mniim nu cuic mi nu cui mbañ den nu nac nu nac du den Jesucrisht. 2 Orzeê ya̱ pca̱a̱ gyicy ii nu zeeda̱ ñii lo ru, Timoteo. Ru nar gal na tub yu feñ ne̱ nu dzi rca̱. Orzeê Ãgyoozh Uz den gal nu Shuaan den Jesucrisht gyicy mi faboor nu nap gyicy num ru. Nunu gashni lagy mi ru. Nunu gyicy mi nu cheti ri añ nir. 3 Cyaê yezaê lagya̱ ru ornu rne̱e̱ du̱ Ãgyoozh or napor nu or gyeche. Orzeê ya̱ drica̱ gras ni mi zeê, biñ nu ricya̱ riiñ ni gal nu bicy de gyitoo bel ne̱. Nunu ya̱ rad lagya̱ nu mod nu ricya̱, ndeê mod nu seêñ. 4 Zaab yezaê la lagya̱ nu biiñ ru tiem nu blaê losaên. Nunu rlagya̱ yap güi̱i̱ ru, gun orzeê ded ruê gaê la nu gyet lagya̱. 5 Gun ya̱ yezaê lagya̱ nu ru rishli gaal ricy cup ru consuel lo Crisht. Nu loga la shus ru Loida bicy cup mi consuel lo Crisht. Nunu niê ziêl ñaar Eunice ricy cup mi consuel lom. Nunu ya̱ rad lagya̱ nu segur la niê ziêl na consuel ricy cup ru. 6 Ndeê nu ya̱ ne̱e̱ lor nu co lor nu nac riiñ nu briic Ãgyoozh nu gyicy ru ornu briib ya̱a̱ toor. 7 Gac gyicy ru ñii gun Ãgyoozh briic mi Espiriit Yon nim ni den. Nunu mi zeê wagyicy mi nu dzib den, sinu bicy mi nu cyiiñ na nu gyicy na riiñ nim, nunu bicy mi nu caan Ãgyoozh gal nu de losaên, nunu bicy mi nu gac gyicy na mandaar ub na. 8 Orzeê cueê gat lor ornu zat ru Shuaan na Jesuuz lo mbecy. Nunu niê ziêl cueê gat lor nu nac ya̱, gun ya̱ ri̱ pres nu nac mi zeê. Tees nap zir nu shet ic ru nu zac zir nu deê zir mbecy ni Crisht nu nac de riidz nu sac nim. Gagyer de nu ndeê nu nac fers nu rbic Ãgyoozh nir. 9 Orzeê Ãgyoozh bi bloo mbañ mi de ub na, nunu bloo sum den nu chuên mod nu seêñ. Walab nu nac coz nu ricy de ub na, ndeê nu ni bicy mi, sinu bicy mi ñii par nu ndeê coz nu rlagy ub mi, nunu par nu nac faboor nu bicy num den nu nac Jesucrisht. Orzeê nese anzir nu gzub gyiê gyishlombecy, bi psaê lagy mi nu ni gyicy mi. 10 Orzeê na bi blyuum faboor zeê lo den lat nu biid Jesucrisht, biñ nu bloo mbañ de ub na. Orzeê mi zeê bicy mi nu a̱ê riibaê ic gyel gut de ub na. Nunu nu nac de riidz nu sac nim bicy mi nu gad lagy den nu cyiiñ na lo Ãgyoozh nu tub cuerp nu wataê. 11 Orzeê Ãgyoozh bduêm riiñ ya̱a̱ nu shaala̱ de riidz nu sac nim zeê, nunu briib mi riiñ ni aposht, gal nu riiñ ni moscuel ica̱ nu rlyu̱u̱ de riidz zeê. 12 Nunu par nu nac ndeê rzac zi̱ nu ri̱ pres. Tees rila wagat lo̱ nu nac de riidz ni Crisht zeê, gun ya̱ bi rad lagya̱ cyu biñ nu ricy cupa̱ consuel lo. Nunu ya̱ rad lagya̱ nu segur la cyiiñ mi nu ñam riiñ nu bduêm ya̱a̱ zeê gashtal shuub la dzi nu cyid mi tuubaê tir. 13 Pshaal laab de riidz rishli nu güeñ ru nu pshaala̱. Nunu lat nu gyicy ru ñii bicy cup consuel lo Crisht, nunu car Ãgyoozh, gal nu de losaêr nu bi nac nu Jesucrisht. 14 Bicy cuidad de riidz nap nu bduê Ãgyoozh yaar. Nunu Espiriit Yon nim, biñ nu rcyiiñ nañ lardoo den, mi zeê locyuub mi ru nu gac gyicy ru de ndeê. 15 Ru bi rad lagy ru nu dela mbecy nu bruu lo de yu ni Asia blaa yaa dey ya̱. Gazaê Figelo nu Hermógenes blaa yaay ya̱. 16 Tees Ãgyoozh nap gyicy num de famil ni Onesíforo, gun yu zeê zañ tir bicy yu nu guud baloor ne̱. Nunu wangat loy nu nac ya̱ mas ri̱ pres. 17 Lugaar nu gat loy, laab bri lay Rom, orzeê rila wanchecay nu byub yu ya̱ gashtal byad la̱ niy. 18 Orzeê Shuaan den Jesuuz nap gyicy num yu ornu shuub dzi nu gri beem ni de mbecy. Ru nap rad lagy ru lac gaal tant nu blocyuub yu de ub na gyedz Ãfeso.