3 San Juan 1

1 Ya̱, tub yu bel nu zu riiñ ni Crisht, zeeda̱ gyicy ii lo ru Gayo, tub amig ne̱ nu dzi rca̱. Ya̱ rca̱ ru tub mod nu rishli. 2 Ru, bicya̱ nu dzi rca̱, ya̱ diña̱ lo Ãgyoozh nu dub laa tiem gzac ru lo coz nap, nunu cyiiñ ruub cuerp nir. Gun bi rad lagya̱ nu nap zu lagy ru nañ lardoor. 3 Tonaê la bet lagya̱ ornu bri la be bicy na, gun byoo dey rishlo̱ nu ru dzi fert ricy paar nu de riidz rishli ni Ãgyoozh. 4 Warusu ni tuubaê la coz nu gyicy ñi nu gyet lagya̱ gal nu yet lagya̱ ornu rad lagya̱ nu de mbecy nu na gal nu na iêña̱ rded dey dub gal mod nu rnii de riidz nu rishli ni Ãgyoozh. 5 Ru, bicya̱ nu dzi rca̱, ru dzi bicy paar ornu rzu bich ru nu nac deê zir de bicy na nu nac Crisht nunu yegar ornu rzu bich ru nu nac de mbecy nu druu reñaê gyedz ornu dri dey lor. 6 De yu zeê, ornu biid dey lat de mbecy ni Crisht nu yuê par ii, orzeê mnii dey lat dela de yu zeê nu dzi nap bicy ru nur dey nu nac nu rcar dey. Orzeê por faboor locyuub ñuur dey ni de coz nu cyiiñ par byaj ni dey dub gal mod nu gyedzuê lagy Ãgyoozh. 7 Ornu de yu zeê gush nez dey zay nu gyicy yu riiñ ni Jesucrisht, rila wanshet ic dey nu nlocyuub de mbecy nu a̱ê yuê lo Ãgyoozh dey. 8 Ndeê nu rlagy ñi nu nap gyicy dun dey ornu ded yu yuên, gun orzeê locyuub na dey ornu tush las yu de riidz rishli ni Crisht. 9 Ya̱ bzeeda̱ tub gyicy lo de mbecy ni Crisht, tees Diótrefes wangyicy cuen yu de riidz nu mne̱e̱, gun dzi gusht niy nu gyicy yu mandaar. 10 Ndeê nu ornu yapa̱, orzeê rica̱ nu gad lagy der de mod nu ricy yu. Yu zeê rded yu nu rniiy rishcuen. Nunu rniiy riidz fals nu za contr ni de ub na. Nunu yu zeê wazuy conform nu de coz nu bi ricy yu, sinu rlagy zir yu gyicy yu. Orzeê wacshet ic yu nu chuê de bicy na nañ yuêy ornu dri dey loy. Nunu benu ca na mbecy rlagy yu nu cuic yu yuêy chuê de yu zeê, orzeê wazaan Diótrefes nu ni gyicy nuy laab de yu zeê. Zeê benu ca na tub mbecy cuic yu yuê chuê de yu zeê, orzeê Diótrefes cyuu nuy mbecy nu cuic yuê zeê lat de mbecy ni Crisht. 11 Ru, bicya̱ nu dzi rca̱, cueê syaêr lo de mod a̱ê nap nu ricy mbecy, sinu syaêr de mod nap nu ricy dey. Gun mbecy nu ricy mod nap, yu zeê nac yu ni Ãgyoozh. Zeê de mbecy nu ricy mod a̱ê nap, yu zeê a̱ê yuê loy Ãgyoozh. 12 Orzeê dela mbecy rnii dey nu Demetr nac yu mbecy nap. Yu zeê ricy yu mod nu rlagy ñi, nunu nu nac ndeê rabee nu nac yu mbecy nap. Nunu niê ziêl de̱ ya̱ nap rne̱e̱ de̱ niy. Ru rad lagy ru nu rne̱e̱ de̱ coz rishli. 13 Yuê zañ coz nu rlagya̱ ne̱e̱ lor, tees walagya̱ ca̱a̱ ñii lo gyicy, 14 gun drish lo̱ nu gyiily la yap güi̱i̱ de ru, nunu ne̱e̱ du̱ de ru lo nu loo la. 15 Ãgyoozh gyicy mi nu cheti ri añ nir. Dela de amig ni den zeed dey ñgyoozh nir. Tub ga la amig nin gab ruy shnuy.