Hechos 12

1 Tiem zeê Herodes, tub yu nu riib ic de mbecy Israeel, brugyiê rsheed ziy la be mbecy ni Crisht. 2 Pcaay mbecy nu cut yu Santiag bicy Waa, nu mandzicy. 3 Na ornu bzaac yu nu tonaê la bet lagy mbecy Israeel nu biit yu Santiag, orzeê pshetaê yaay Bed. Ni guc tub saê nu row dey gyishtily nu sac lebadur. 4 Na ornu bded nu bduê yaay Bed, mneêy yu nañ yuê gyiib. Zeê bguê dey yu yaa tap nac soldad. Tap ga soldad lo tub nac yu. De yu zeê mña dey yu. Herodes mnii tooy nu cha nuy Bed lo de mbecy zigy, de mbecy Israeel or ded saê zeê. 5 Orzeê guti Bed yuê gyiib, tees de mbecy ni Crisht fert la mnii nu dey Ãgyoozh nu nac yu. 6 Tub dzi anzir nu co ic Herodes nu cha nuy Bed lo de mbecy, na or guzeel rel, orzeê nas la Bed lat cyup soldad nu rñay zeê. Nag yu nu cyup caden. Nunu zu cyupaê soldad roê gyiib zeê. 7 Orzeê derepent la bruu zac tub anc ni Ãgyoozh lo Bed. Orzeê dutuub la nañ yuê zeê bzu yaa. Orzeê gul yaa anc zeê cuit yu. Orzeê brish yu yaa. Orzeê nay rab yuy: â¡Bicy lal! ¡Weshte! ânay. Orzeê lueg la bet lag caden nu nag yeñ yaa Bed. 8 Orzeê na anc rab yuy: âBicy nicy sinch nir, nunu pcaa gyiê gyid lab ru ânay. Orzeê ni bicy Bed. Orzeê na anc: âBzuu yeñ shab ru. Orzeê cyid car icha̱ ânay. 9 Orzeê za ca Bed ich yu. Orzeê bruuy nañ yuê gyiib. Par wangad lagy yu ti coz nu ricy anc zeê ndeê coz rishli. Psaê lagy yu nu Ãgyoozh ricy num yu mod ni pcaal. 10 Orzeê bded dey lugaar loga la nu rña soldad. Niga bdedaê dey lugaar cyup. Niga byap dey tub roê nu byaa nu gyiib. Roê zeê benu shaal nañ, orzeê gac ruun nañ yuê gyiib chuên lat cay. Orzeê roê zeê byaal ub lañ. Orzeê bruu dey nañ yuê gyiib zeê. Bza dey lat tub cay. Orzeê derepent la bzeeñ anc yu ub zi lay. 11 Orzeê gud lagy yu la coz guc. Orzeê mnii tooy: âNa gaal gud lagya̱ nu rishli Ãgyoozh bzuu nez mi tub anc nu blooy ya̱ yaa Herodes, nunu bloo chuy ya̱ lo dela coz nu ricy pee de mbecy Israeel gyicy nuy ya̱ ânay. 12 Na ornu gud lagy yu ndeê, orzeê zay par yuê Li, ñaa Waa, laab yu zeê yu nu la Marc. Zigy mbecy byatublaazh dey zeê nu rnii nu dey Ãgyoozh. 13 Orzeê psiigy yu lo yaroê ni loliê. Orzeê tub fiñ feñ nu la Rode bruuñ za güiiñ ben cyu ndeê. 14 Tees ornu güeñ ñi nu zaab tiê Bed, orzeê byuê loñ nu laab yu. Orzeê par nu tantaê la bet lagy ñi wanshaalaêñ roê zeê sinu carer la gush ñi zañ par lat de mbecy. Mniiñ nu zu Bed ich yuê. 15 Orzeê na dey: â¡Ru tub mbecy ton! âna dey. Tees bzu fert ñi nu laab rishli rniiñ. Orzeê naê dey: âPar walab yu ndeê, sinu yu zeê tub anc nu nac nuy âna dey. 16 Lat nu za fiñ mñaa zeê, orzeê fert la ca Bed rsiigy yu lo yaroê ni loliê zeê. Orzeê or guchi pshaal dey roê. Na ornu bzaac dey Bed, tonaê la za nu ic dey. 17 Orzeê bicy Bed yaay par nu checa dey nu ricy yu zu redz. Orzeê byooy rishlo dey lac bzac yu ornu Ãgyoozh bloom yu nañ yuê gyiib. Orzeê nay: âNiir lo Santiag, gal nu lo deê zir de bicy na de coz nu guc zeê ânay. Orzeê bruuy zay tuubaê lugaar. 18 Na or bzaê yu tuubaê dzi, orzeê tonaê la pcan shcab ni de soldad. Orzeê na dey rab yu losaêy: â¿La bzac Bed? âna dey. 19 Orzeê Herodes pcaay de mbecy nu yub yu Bed par wangyad yu. Orzeê bdugyiêy lo de soldad nu rña zeê. Orzeê pcaay mbecy nu cut yu de soldad zeê. Despuees ni de nu ndeê, Herodes bruuy lo de yu ni Judea zay cyiiñ yu Cesarea. 20 Orzeê Herodes tonaê la guzi lagy yu lo de mbecy Tiro nu Sidón. Orzeê tublaazh la gua güii dey yu. Nu loga la bicy dey Blasto par amig. Yu zeê zuy riiñ nu riib ic yu nañ yuê ni Herodes. Orzeê mnishbaa dey lo Herodes nu cueê chucoo nuy dey, gun de coz nu row dey druuñ de lugaar nu riib ic yu. 21 Orzeê Herodes bzuy tub dzi nu nii nuy de mbecy zigy. Dzi zeê bzuy negy nu rzu mbecy nu riib ic. Orzeê gusub yu lo yashily, zeê nu riib ic yu. Orzeê mniiy riidz lo de mbecy. 22 Orzeê de mbecy brish ti dey. Orzeê na dey: â¡Yu nu rnii nu de ub na, yu re walab mbecy, sinu tub ñgyoozh! âna dey. 23 Orzeê tub anc ni Ãgyoozh lueg la pshet yaay Herodes. Bicy yu nu gush güiiy. Ni bicy anc zeê, gun wangyicy zily yu Ãgyoozh. Orzeê bdow byaêy gut yu. 24 Niga niga güeñ zir mbecy de riidz ni Ãgyoozh, nunu bicy cup zir dey consuel lo Crisht. 25 Orzeê blazh riiñ ni Bernabee nu Saulo Jerusaleeng. Gazeê nu bish cya gaê dey zay par Antioquía tuubaê tir. Za nuy Waa. Laab yu zeê yu nu la Marc.