Hechos 15

1 Orzeê la be mbecy bruu dey lo de yu ni Judea guay Antioquía. Orzeê blyuu dey ni de bicy na. Orzeê na dey: âWac ruu mbañ den benu waca beey sircunsision cuerp ni den gal nu rniiñ lo leey nu bzeeñ Moisees âna dey. 2 Orzeê Baly nu Bernabee fert la mnii dey nu walab ni. Orzeê zi ga la bee nu dey yu riidz. Orzeê de mbecy mnii too dey nu Baly nu Bernabee nu la be mbecy nu yuê Antioquía, de yu zeê rlagy ñi cha dey par Jerusaleeng par nu cha güii dey de aposht nu de yu bel, gun orzeê cugyiê dey nu nac de coz zeê. 3 Orzeê de mbecy ni Crisht zeê bzuu nez yu dey zay. Lat nu za dey lo yu ni Fenicia gal nu lo yu ni Samaria, orzeê bdzeel dey de mbecy ni Crisht. Orzeê byoo dey rishlo dey lac mod guc. Orzeê mnii dey nu de mbecy nu walab mbecy Israeel byac dey mbecy ni Ãgyoozh. Ornu güeñ de mbecy nu yuê lugaar zeê ndeê, orzeê tonaê la bet lagy dey. 4 Na ornu bri dey Jerusaleeng, orzeê de mbecy ni Crisht, nu de aposht, nu de yu bel, de yu zeê gua nii nu dey yu ñgyoozh. Orzeê Baly nu Bernabee byoo dey rishlo dey nu lac mod bicy nu Ãgyoozh dey. 5 Orzeê la be mbecy nu ricy cup consuel lo Crisht, yu nu gunash leey ni de mbecy fariseo, orzeê wes su dey. Orzeê na dey: âRlagy ñi caan de mbecy ni Crisht nu walab mbecy Israeel nu caa dey beey sircunsision cuerp ni dey, nunu rlagy ñi caan dey nu gyicy yac yu nu leey nu bzeeñ Moisees âna dey. 6 Orzeê de aposht nu de yu bel byatublaazh dey par nu go dey riidz nu nac de coz zeê. 7 Na ornu blazh bee dey riidz, orzeê wes su Bed. Orzeê nay: âDer bicy na, de ru rad lagy der nu tonaê la gulas pcui Ãgyoozh ya̱ lat de ru par nu shaala̱ de riidz ni Crisht lo de mbecy nu walab mbecy Israeel, gun orzeê gyeñ dey, nunu gyicy cup dey consuel lom. 8 Ãgyoozh, biñ nu rad lagy la na lardoo mbecy, bicy mi nu rad lagy den nu cyiiñ de mbecy nu walab mbecy Israeel nu gac dey mbecy ni Crisht. Ni bicy mi ornu briic mi Espiriit Yon nim ni dey gal nu bicy nuêm de ub na. 9 Mod nu bicy num de ub na laab niê ziêl mod bicy num dey. Bicy sulagy mi de cyi nu bicy dey, gun ricy cup dey consuel lo Crisht. 10 Orzeê na ¿lagu rlagy der gyicy ru preb Ãgyoozh ornu ricy der nu deet rzac de mbecy nu ricy cup consuel lo Crisht? Coz nu rnii der nu gyicy dey, ndeê coz nu wagyee den, gal nu de gyitoo bel ni den wangagyee dey. 11 Zeê de ub na rzeña lagy den nu gruu mbañ na nu nac faboor nu ricy nu Shuaan den Jesuuz. Niê ziêl de yu zeê âna Bed. 12 Dela mbecy gucua ri dey ornu güeñ dey nu rnii Baly nu Bernabee, ornu bzeed cuen dey lo dey dela coz ily nu bicy Ãgyoozh, nunu dela nusuriidz nu bicy mi lat de mbecy nu walab mbecy Israeel lat de riiñ nu bicy dey. 13 Na or blazh nu mnii Baly nu Bernabee, orzeê na Santiag rab yu de mbecy: âBzuub gyidag der, bicy na. 14 Simo̱o̱ Bed bi byoo gaêy rishlon mod nu bicy Ãgyoozh num de mbecy nu walab mbecy Israeel ornu nap bicy num dey tir loga la. Bloo sum tub nac mbecy nu gac nim lat dey. 15 Niê ziêl yaruu riidz nu pcaa de yu nu mnii por cuen ni Ãgyoozh. 16 Orzeê na Ãgyoozh: Or lazh ndeê, orzeê ya̱ cush cya̱ locyuuba̱ de nez Dabi, gun mnu nez Dabi, tees ya̱ zu napa̱ ñii. 17 Gun orzeê dela deê zir mbecy yub dey Shuaan yu. De lo la mbecy nu ya̱ pcui̱ nu gac ne̱ yub dey ya̱. 18 Ni na Ãgyoozh, biñ nu bi gulas briic nu gad lagy de mbecy de ndeê, rniiñ. 19 ‘Niê ya̱ rsaê lagya̱ nu walagy ñi nu gyicy deet den nu de mbecy nu walab mbecy Israeel, de yu nu yac mbecy ni Ãgyoozh. 20 Tees rlagy ñi caan tub gyicy zeed na lo dey. Rlagy ñi niin lo dey nu cueê gow dey de coz nu a̱ê yad ñi nu gow yu. Cueê gow dey de gun nu briic mbecy lo nab. Rlagy ñi niin nu cueê gal dey de mbecy nu wanchelaay, nunu cueê gow dey bañcyug nu psi̱i̱ mbecy yeñ, nunu cueê gow dey reñ. 21 Gun nese gulas nu gashtal dzi na rlab mbecy leey nu bzeeñ Moisees nañ de yuê nu rsyaê de losaên riidz ni Ãgyoozh. De sab la, dzi nu rzu lagy mbecy, rlab dey riidz nim, nunu dela gyedz rshaal mbecy riidz zeê nim ânay. 22 Orzeê de aposht, nu de yu bel byatublaazh dey, nu dela mbecy ni Crisht. Orzeê mnii too dey nu co su dey la be mbecy lat dey, par nu cha nu dey Baly nu Bernabee par Antioquía. Orzeê bloo su dey Judas, laab yu zeê yu nu la Barsabás, nunu niê ziêl bloo su gaê dey Silas. De yu zeê mbecy nu rca lagy de bicy na lo. 23 Orzeê briic dey tub gyicy za nu dey. Gyicy zeê rniiñ: “De̱ ya̱, nu de aposht, nu de yu bel, nu de bicy na, zeed de̱ ñgyoozh ni de ru bicy na nu walab nez de mbecy Israeel. Zeed de̱ ñgyoozh ni de ru mbecy nu yuê Antioquía, nunu niê ziêl ni de ru mbecy nu yuê lo yu ni Siria, nunu niê ziêl ni de ru mbecy nu yuê lo de yu ni Cilicia. 24 Bi güeñ de̱ nu la be mbecy nu bruu lat de̱ bruêña dey lat der nu bicy dey nu rac deet nañ shcab ni der nu nac de coz nu rnii dey. Tees de̱ ya̱ wanne̱e̱ de̱ lo dey nu ni gyicy yu. 25 Ndeê nu na byatublaazh de̱, nunu bicy de̱ tub ziêl shcab nu pcui̱ de̱ la be mbecy nu cyid tooy rishlo der. Orzeê bzuu nez de̱ yu cyid yu lo der. Yad nu dey Bernabee nu Baly, de yu nu dzi rca den. 26 De yu zeê mas rlagy mbecy cut yu dey, tees ricy paa dey nu coz nu rlagy Shuaan den Jesucrisht. 27 Orzeê gzuu nez de̱ Judas, nu Silas nu cyid yu lo der, gun orzeê nii dey lo der par nu gyeñ gyidag la der dela coz nu ca̱a̱ de̱ lo gyicy ii. 28 Gun Espiriit Yon ni Ãgyoozh nu de̱ ya̱ rze̱e̱ nu walagy ñi ca̱a̱ de̱ reñaê coz nu gyicy der, sinu de coz nu rlagy ñi gyicy der, de coz nu zat de̱ lo gyicy ii. 29 Cueê gow der coz nu rbic mbecy lo nab. Cueê gow der reñ, nunu cueê gow der bañcyug nu gut nu psi̱i̱ mbecy yeñ. Cueê gal der de mbecy nu wanchelaar. Tonaê la nap gyicy der benu cueê la gyicy der de coz zeê. Bi nii gaên.” Ni cañ lo gyicy zeê. 30 Orzeê bzuu nez dey de mbecy zeê za dey par Antioquía. Na ornu bri dey Antioquía, orzeê byatublaazh dela mbecy nu ricy cup consuel lo Crisht. Orzeê briic dey gyicy zeê nu syaê dey. 31 Na ornu psyaê de mbecy gyicy zeê, orzeê riidz nu taê loñ bicy ñi nu tonaê la bet lagy dey. 32 Judas nu Silas, como nac dey mbecy nu rnii por cuen ni Ãgyoozh, chi ñuu mniiy lo de bicy na. Briic yu baloor ni dey, nunu bicy fert yu dey nu nac de coz ni Crisht. 33 Na ornu bi rac la be tiem nu rcyiiñ dey lugaar zeê, orzeê de bicy na mnii nu dey yu ñgyoozh. Orzeê bruu dey yay lo de mbecy nu bzuu nez yu. 34 Tees Silas mnii tooy nu gyiyeeñ gay. 35 Niê Baly nu Bernabee byeeñ dey Antioquía. Bicy dey riiñ tublaazh nu zigy deê zir mbecy. Blyuu dey ni de mbecy, nunu pshaal dey riidz ni Shuaan den lo de mbecy. 36 Despuees, or gules, orzeê na Baly rab yu Bernabee: âYaa chan cha güiin de bicy na nu yuê dela gyedz zeê nu pshaal na de riidz ni Shuaan na. Cha güiin la ricy dey ânay. 37 Tees Bernabee rlagy yu cha nuy Waa. Laab yu zeê yu nu la Marc. 38 Zeê Baly psaê lagy yu nu a̱ê nap nu cha nu Waa dey, gun bzeen gay riiñ nu bicy dey ornu pcyiiñ dey Panfilia, nunu wangyicyaêy riiñ nuy dey. 39 Orzeê bee zi dey riidz nu losaêy. Orzeê bicy zet lagy dey lo losaêy. Orzeê Bernabee za nuy Marc. Orzeê gush dey tub barc nu za par Chipre. 40 Zeê Baly bloo suy Silas par nu gac losaêy. Orzeê de mbecy bzeeñ dey Baly yaa Ãgyoozh par nu locyuub mi yu, nunu güiim yu. Orzeê bruuy Antioquía zay. 41 Orzeê bded yu lo yu ni Siria, nunu bdedaêy lo yu ni Cilicia. Lat nu gua zaab loy de mbecy ni Crisht, orzeê bicy fert yu dey nu nac coz nim.