Hechos 4

1 Lat nu zu Bed nu Waa, rniiy lo de mbecy zigy, orzeê bruêña de uz ni de mbecy Israeel, nunu bruêña de yu nu rña yuê nu driib zily mbecy Ãgyoozh, nunu bruêña de mbecy saduceo. 2 Pchaê ic dey, gun blyuu Bed ni de mbecy nu Jesuuz byabañ mi. Nunu ndeê cuic ñi nu gad lagy de mbecy nu gyabañ dela mbecy gut. 3 Orzeê bduê yaa dey Bed. Mneê dey yu nañ yuê gyiib. Orzeê gal zeê byeeñ yu gal tuubaê dzi, gun bi gudze. 4 Zeê zigy mbecy nu güeñ de riidz nu mnii Bed, bicy cup dey consuel lo Jesuuz. Orzeê byañ dey. Nu rnii tub gaay miily dey byac yu orzeê. 5 Orzeê tuubaê dzi byatublaazh zigy mbecy zub lo ni de mbecy Israeel. Yuê de yu nu riib ic de mbecy Israeel. Yuê gaê de yu bel ni dey. Yuê de yu rlyuu leey ni mbecy Israeel. 6 Byatublaazh dey Jerusaleeng nu Anás, yu nu riib ic de uz ni de mbecy Israeel, nu Caifás, nu Waa, nu Alejandro, nu deê zir de yu nu nac famil ni yu nu riib ic de uz zeê. 7 Orzeê bzuu nez dey mbecy nu cha tee dey Bed nu Waa. Orzeê bzuub dey yu lat dey. Orzeê na dey rab yuy: â¿Lac guc nu rac ricy der nii?, o ¿cyu briic rishbeey nu ni gyicy der? âna dey. 8 Orzeê Espiriit Yon ni Ãgyoozh riib ic zaê lam nañ lardoo Bed. Orzeê nay rab yu dey: âDe ru, yu nu riib ic ledz na, gal nu de ru yu bel, 9 benu rgugyiê der par nu nac coz nap nu bicy de̱ nu mbecy coj zeê, nunu par nu gad lagy der lac mod byac yu, 10 orzeê ya̱ rica̱ nu gad lagy de ru gal nu dela mbecy Israeel nu nu nac rishbeey ni Jesucrisht, biñ nu pcyiiñ Nazaret, byac yu ii, nunu ndeê nu zuy lat dela der ii na la. Laab mi zeê biñ nu pcaa der lo cruuz. Tees Ãgyoozh bicy mi nu byabañ mi. 11 Jesuuz nam gal nu na tub gyitaê. Zeê de ru nar gal na biryu. Gyitaê zeê mneê der ñii, tees na byac ñi gyitaê zub lo zir. 12 Nu nac Jesucrisht ziêl gac ruu mbañ den, gun Ãgyoozh wansat mi ni tubaê la mbecy gyishlombecy ii lo den nu co mbañ de ub na âna Bed. 13 Orzeê de mbecy nu zu riiñ zeê tonaê la za nu ic yu, ornu bzaac dey nu wachib la Bed nu Waa mniiy, mas nac dey mbecy cualcyer la. A̱ê yuê lo dey gyicy. Tees de mbecy nu zu riiñ zeê byuê lo dey yu nu nac yu mbecy nu gusa nu Jesuuz. 14 Tees wangacaê nii dey gun bzaac dey mbecy nu byac zeê. Zuy nu Bed nu Waa. 15 Orzeê bzuu nez dey Bed nu Waa nu ruu dey lat de mbecy zeê. Orzeê brugyiê ro nu dey losaêy riidz. 16 Orzeê na dey: â¿Lac gyicy tun dey? Dela mbecy nu yuê Jerusaleeng gad lagy dey nu bicy dey nusuriidz zeê nunu wac niin nu walab ni. 17 Tees par nu cueê gad lagy zir mbecy de riidz nu rnii dey, rlagy ñi nu gyicy den mandaar lo dey nu bee na ziêl par lo rila cueê gaê nii dey nu nac Jesuuz âna dey. 18 Orzeê bredz dey Bed nu Waa. Orzeê mnii dey lo dey nu rila cueê gaê nii dey, nunu cueê lyuu dey nu nac Jesuuz. 19 Orzeê na Bed nu Waa rab yu dey: âGush der shcab ben ca na nu nap zir par lo Ãgyoozh: a nu zuub gyidag de̱ ni de ru uti nu zuub gyidag de̱ nim. 20 Gun wac checa̱ de̱ nu zat de̱ de coz nu bzaaca̱, gal nu de riidz nu güeña̱ âna dey. 21 Orzeê fert zir mnii dey lo Bed nu lo Waa nu cueê ni gyicy dey. Orzeê blaa dey yu. Wangad la mod nu mbic dey cashtig ni dey, gun dela mbecy ryabic dey gyel mbecy ni Ãgyoozh par nu nac de coz nu bzaac dey, 22 gun mbecy nu byac nu mod ni nusuriidz zeê, yu zeê bded cyuu ñaên yuêy. 23 Cuanzir nu blaa dey Bed nu Waa, orzeê bish cya gaê dey zay lo de losaêy. Orzeê briic dey nu gad lagy de yu zeê de coz nu mnii de uz ni de mbecy Israeel, gal nu de yu bel ni dey. 24 Ornu güeñ dey ndeê, orzeê mnii nu dey Ãgyoozh tublaazh la. Orzeê na dey rab yum: âShuaan de̱, ru nac ru biñ nu psaê lagy baa nu gyishlombecy, nu nisyudoo, nu dela coz. 25 Ru mniir ornu Espiriit Yon nir pcaam gyitoo bel ne̱ de̱ Dabi, yu nu bicy dela coz nu mniir, ornu mniiy: ¿Lagu dzi guzi lagy de mbecy nu walab mbecy Israeel? ¿Lagu bicy dey mod ton par nu gyicy yu gan Ãgyoozh? 26 De rey nu de yu nu zu riiñ bi bzu lily dey nu chucooy nu Ãgyoozh. Byatublaazh dey nu zay contr nim, nunu zay contr ni biñ nu bloo sum, na Dabi. 27 ‘Gun laab Herodes nu Poncio Pilato byatublaazh dey gyedz ii nuy de mbecy nu walab mbecy Israeel, gal nu de mbecy Israeel par nu cha dey contr ni Jesuuz. Jesuuz nac mi biñ Yon nu bicy yac dela coz nu ru mniir. Jesuuz nac mi Mesías, biñ nu ca lo cuen nu co mbañ mbecy. 28 Tees byatublaazh dey gun bicy yu dela coz nu bi bloo ic ru nu gac. Ru bloo ic ru ndeê, gun ru ricy cup ru mod nu ni gyicy ru, nunu ndeê mod nu rlagy ru. 29 Orzeê ru, Ãgyoozh, bduê cuen ni nu rnii zi dey ne̱ de̱, nunu doo baloor ne̱ de̱ par nu wadzib la de̱ ne̱e̱ de riidz nu ruu lor. 30 Gun orzeê gyicy ru nu gzac dela mbecy nu dzi coz ily gyicy ru. Ricy yac ru de mbecy rat, nunu ricy ru nusuriidz nu nac Jesuuz, biñ Yon nu bicy yac dela coz nu mniir âna dey rab yu Ãgyoozh. 31 Ornu blazh mnii nu dey Ãgyoozh, orzeê bicy mi nu briib duru lugaar zeê nu byatublaazh dey zeê. Orzeê Espiriit Yon nim gutib ic zaê lam nañ lardoo tub ga la dey. Orzeê brugyiê nu wachib la dey rniiy de riidz nu bruu lo Ãgyoozh. 32 Dela de mbecy nu bicy cup consuel lo Crisht bicy dey tub ziêl shcab. Ni tub la mbecy wangyicy yu nu de coz niy, ndeê coz par ub ziêl yu. Orzeê dela coz nac ñii ni delay. 33 Nunu fert la bzat de aposht nu byabañ Crisht lo de mbecy. Nunu Ãgyoozh briic mi de gyel nap ni dela dey. 34 Sac ni tub mbecy lat dey nu ricy falt la coz niy. De yu nu mbish yu ni, biit yu yu niy. Zeê de yu nu zub yuê, biit yu yuêy. Orzeê gua nu dey tiñ nu guud niy. 35 Orzeê bzeeñ dey ñi yaa de aposht. Orzeê bleez dey de tiñ zeê ni de mbecy dub gal lac ga lagy tub ga dey. 36 Ni mod bicy tub mbecy nu la See. Yu zeê nez Leví. Gul yu Chipre, tees de aposht bloo la dey yu Bernabee. Riidz zeê yaruuñ: Yu nu rbic consuel. 37 Mbish tub nac yu niy. Orzeê biit yu yu zeê niy. Orzeê gua zeeñ yu tiñ yaa de aposht.