Efesios 1

1 Ya̱ Baly, tub yu nu nac aposht ni Jesucrisht, gun ndeê coz nu rlagy Ãgyoozh. Ya̱ zeeda̱ gyicy ii lo de ru mbecy ni Ãgyoozh nu yuê gyedz Ãfeso, de mbecy nu ricy cup consuel lo Jesucrisht. 2 Ãgyoozh, Uz den, nu Shuaan den Jesucrisht gyicy mi faboor nu nap gyicy num de ru, nunu gyicy mi nu cheti ri añ ni der. 3 Rlagy ñi nu gyabic den gyel mbecy ni Ãgyoozh, biñ nu nac uz Shuaan den Jesucrisht, gun mi zeê nap ricy num den nu nac Crisht, gun rbic mi de lo la coz gyibaa nu druu lo Espiriit Yon nim ni den. 4 Gun nil nese anzir nu gzub gyiê gyishlombecy, Ãgyoozh pcuim de ub na nu cyiiñ dun mi nu nac Crisht, gun orzeê par lom gac naa mbecy nu sac falt ni. Nu nac nu rcam de ub na, 5 ndeê nu bi ca lo cuen nu gyicy iêñ mi de ub na nu nac Jesucrisht. Ni gyicy mi gun ndeê coz nu yet lagy mi nunu coz nu rlagy mi. 6 Par nu nac ndeê, orzeê gyabic den gyel mbecy ni Ãgyoozh dub laa tiem, gun tonaê la cyit ricy num de ub na. Ndeê tub faboor nu leew la ricy num den nu nac Iêñ mi nu dzi rcam. 7 Nu nac nu Ãgyoozh tonaê la rcam de ub na, ndeê nu bicy mi nu pshu reñ Iêñ mi Jesucrisht, gun orzeê gla den ni de coz cyi. Orzeê bicy sulagy mi de cyi nu bicy den. 8 Ãgyoozh rca zaê lam de ub na. Briic mi shcab ni den, nunu rlocyuub mi de ub na nu gyet lag na cuen de coz nim. 9 Briic mi nu gad lagy den tub coz nu wangad lagy mbecy gulas. Coz zeê, ndeê riiñ nu bzaê lom nu nac Crisht. Ndeê riiñ nu bloo ic ub mi. 10 Riiñ nu bloo ic mi zeê, ndeê bzaê lom ñii tiem niñ. Ndeê nu ricy mi nu riib ic Crisht gazaê dela coz nu psaê lagy mi. Tant de coz gyibaa, gal nu de coz gyishlombecy ii riib ic mi ñii. 11 Ãgyoozh nil nese anzir bi pcuim de ub na par nu gyiyeeñ de gyel nap nim yaan nu nac Crisht gal nu bloo ic ub mi, gun ndeê coz nu rlagy mi. 12 Orzeê de̱ ya̱ nac de̱ de mbecy nu brish lo lo Crisht loga. Orzeê gyicy de̱ nu gyed gyel mbecy nim nu nac nu dzi lily nam. 13 Niê ziêl de ru, ornu güeñ der de riidz nu rishli, de riidz nap nu rnii lac mod gruu mbañ den, orzeê bicy cup der consuel lo Crisht, nunu Ãgyoozh bicy mi nu rabee nu nac der mbecy nim ornu briic mi Espiriit Yon nim ni der, gal nu mniim nu segur la gyicy mi. 14 Briic mi Espiriit Yon nim ni den par nu gabe nu segur la gyiyeeñ gyel nap nim yaa den ornu gyaê lo nu gruu de ub na, mbecy nim, lo de coz cyi. Orzeê rlagy ñi nu gyabic den gyel mbecy nim nu nac nu dzi lily nam. 15 Ndeê nu, como rad lagya̱ nu ricy cup der consuel lo Shuaan den Jesuuz, nunu como dzi rca der de mbecy ni Ãgyoozh, 16 ndeê nu wacheca̱ nu drica̱ gras ni Ãgyoozh nu nac de ru, nunu ryezaê lagya̱ der lat nu rne̱e̱ du̱m. 17 Ãgyoozh ni Shuaan den Jesucrisht, mi zeê tonaê la lily nam. Orzeê ya̱ rnishba̱a̱ lom nu gyicy mi nu locyuub Espiriit Yon nim de ru nu gyet lag der cuen de coz nim, nunu shaal mi shcab ni der, gun orzeê nap zir chuê lo der mi. 18 Rdiña̱ lom nu shaal mi nañ shcab ni der, gun orzeê gad lagy der de coz nu rgyish lo der lo. De ru mbecy nu mniim lo nu gac nim. Orzeê gad lagy der nu tonaê la coz ily gyel nap nim nu zeeñ mi yaa de ru, mbecy nim. 19 Nunu gad lagy der nu bded ruê gaê la coz ily gyicy nu Ãgyoozh de ub na, mbecy nu ricy cup consuel lo Crisht. Gun coz ily nu ricy num de ub na, ndeê nañ gal nu na coz ily 20 nu bicy mi ornu bicy mi nu byabañ Jesucrisht despuees ornu gut mi, nunu ndeê nañ gal nu na coz nu bicy mi ornu bzuub mi Jesuuz par yaa beem gyibaa. 21 Ãgyoozh bicy mi nu gya zir zum par dela mbecy nu ricy coz ily, par dela mbecy nu riib ic, par dela fushtiz, par dela patro̱o̱. Gya zir zum par dela mbecy nu zu riiñ: tant gyishlombecy ii, gal nu gyishlombecy nu yad par lo. 22 Ãgyoozh bicy mi nu riib ic Crisht dela coz, nunu bduêm riiñ yaam nu chetib ic mi dela mbecy nim. 23 Gun de mbecy ni Crisht na dey gal nu na cuerp nim. Nunu nañ lardoo dey rcyiiñ mi, biñ nu zu dela lugaar.