Efesios 4

1 Ndeê nu ya̱, tub mbecy nu ri pres nu nac Shuaan den Jesuuz, rnishba̱a̱ lo der nu chesa der gal mod nu rlagy ñi nu chesa mbecy nu bzu Ãgyoozh nu gac nim, gun ni bicy mi num der. 2 Guc der mbecy nu ricy gyel gyidz ni. Guc der mbecy gugy na. Nunu guc der mbecy pase̱z. Gugyee tub, gugyee tub ziêl der lo losaêr nu nac nu rcar yu. 3 Bloo lo der nu dub laa tiem tub ziêl gac der nu losaêr. Gun ndeê coz nu druu lo Espiriit Yon ni Ãgyoozh, nunu mi zeê locyuub mi der nu nap chuêr nu de losaêr. Orzeê nu ndeê gyicy ñi nu tub ziêl nac der nu losaêr. 4 Gun dela mbecy ni Crisht nac dey se tub ziêl cuerp. Nunu zu tub zi Espiriit Yon ni Ãgyoozh. Nunu Ãgyoozh bzum de ub na nu gac naa nim, gun orzeê tub ziêl mod nu grish lon lo de coz nu yad par lo. 5 Zu tub zi Shuaan den Jesuuz, nunu tub zi mod nu gyicy cup den consuel lom, nunu tuubaê zi mod nu gzu nis na. 6 Zu tub zi Ãgyoozh, Uz dela de ub na. Nunu riib ic mi dela den. Nunu ricy mi riiñ nim nu nac dela den. Nunu rcyiiñ mi nañ lardoo dela den. 7 Tub ga la den guud riiñ nu cyiiñ den nu gyicy na dub gal mod nu rlagy Crisht nu cuic mi. 8 Ndeê nu lat de riidz ni Ãgyoozh rniiñ: Ornu gup mi gyibaa, orzeê ya num de losaê yuum pres. Nunu leew la briic mi coz ni de mbecy nim. Ni rniiñ lat de riidz ni Ãgyoozh. 9 ¿Lac yaruu riidz nu gup mi zeê? Ndeê yaruuñ nu bet mi gyishlombecy ii loga la. 10 Laab biñ nu bet gyishlombecy ii, laabaê mi zeê gup mi gashtal zeê nu blaazhaê zir nu gya ni de baa, gun orzeê dutuub la zum. 11 Nunu laab mi zeê bicy mi nu la be dey gac yu aposht. Zeê la be gaê dey gac yu yu nu nii por cuen ni Ãgyoozh. Zeê la be gaê dey gac yu yu nu shaal de riidz nu sac nim. Zeê yuê gaê dey nu gac yu yu nu ña de mbecy nim. Nunu laab de yu zeê nac yu yu nu rlyuu ni mbecy nim. 12 Ni mod bzu lily mi de mbecy nu nac nim, par nu gyicy dey riiñ nim, gun orzeê gyicy dey nu gyafert zir de mbecy ni Crisht, de yu nu nac cuerp nim. 13 Gun orzeê gyac den mbecy nu gyicy cup consuel lo laab niê ziêl coz, nunu gac den mbecy nu gzu tub ziêl shcab nu nac Jesuuz, Iêñ Ãgyoozh. Ni mod orzeê gac den mbecy nu bi gul shcab ni. Gun orzeê gac den tub nac mbecy nu gal gaa la na nu Crisht. 14 Gun cueê nu gac naa gal nu na yu nguzh, gun de yu nguzh a̱ê biigy la dza shcab ni dey. Nunu na dey gal nu na doob nu rneê bi par re par ii la. “O” rnii dey ni la ziêl riidz rguu nu rnii de mbecy a̱ê nap. De mbecy a̱ê nap zeê ricy dey nu radza mbecy nu nac de gyel rguu nu rboo ic dey. 15 Tees nap zir nu gnii den nu riidz nu rishli nu gabe nu dzi rca den losaên, gun orzeê gal shcab ni den gashtal gyac lan mbecy nu na gal nu na Crisht. Orzeê mi zeê nam gal nu na too cuerp. Zeê de mbecy nim na dey gal nu na deê zir lugaar ni cuerp zeê. 16 Orzeê nu nac Crisht dela lugaar ni cuerp zeê nap nash losaêñ. Nap nash ñii dela lugaar zeê nu ñgyiid ñi nu losaêñ. Nunu ornu tub ga la lugaar ni cuerp nap ricy ñi riiñ, orzeê dutuub la cuerp galy ñi nunu gyanap ñi nu nac nu de mbecy rca tub rca tub ziêl dey losaêy. 17 Orzeê nii tub coz nu ne̱e̱ lo der. Nii tub riiñ nu du̱ê yaa der nu nac Shuaan den Jesuuz: nu cueê gaê chesa der gal nu rded de mbecy nu a̱ê yuê lo Ãgyoozh. Gun de yu zeê rded yu ca na la nu rnii shcab ton ni dey. 18 Byoow nañ shcab ni dey. Reñaê mod rcyiiñ dey par mod nu druu lo Ãgyoozh, gun shtee dey nu nac nu gut shcab niy. 19 Bicy cyig too dey, nunu gutib ic bis dey. Nunu ric la añ ni dey nu gyicy yu de lo la coz a̱ê nap. 20 Tees de ru walab ni mod psyaê der lo Crisht par nu chesar. 21 Sinu de ru rishli güeñ der de riidz nu zaab nu nac mi. Nunu de ru psyaê der lom ca na de coz rishli. 22 Rlagy ñi nu neê der de mod nu bicy ru nu gusar gulas. Gun gulas guc der mbecy bdunu nu nac de coz a̱ê nap nu dzi bzaab lagy der lo. De nu ndeê bguuñ de ru gulas. 23 Tees na, de ru rlagy ñi nu gyicy cup ru tub shcab cub, nunu rlagy ñi nu gyicy cub der nañ lardoor. 24 Orzeê rlagy ñi gyac der tub mbecy cub, dub gal mod nu psaê lagy Ãgyoozh. Orzeê rabee nu ni na der nu nac nu ricy ru mod nu seêñ, mod nu rlagy Ãgyoozh. Ricy der mod nu rishli. 25 Orzeê ndeê nu na cueê gaê guu der losaêr, sinu tub ga la der niir riidz nu rishli lo losaêr, gun dela den nac naa reñ ga la lugaar ni tub ziêl cuerp. 26 Benu chaê ic der, orzeê cueê shet ic der nu gyicy ñi nu gyicy ru cyi. Cueê chaê ic der dub laa dzi. 27 Cueê cuic der lugaar ni nuras. 28 De yu nu ricy gubaan, rlagy ñi nu checay ni fis zeê. Orzeê rlagy ñi gyicy yu riiñ. Gyicy yu riiñ nap nu shic yu, gun orzeê rusub ñuu tiñ nu cuic yu ni yu nu ricy falt ñi ni. 29 Cueê grib riidz a̱ê nap ruê der, sinu du ub riidz nap la nii der. Nii der riidz nu locyuub ñi mbecy. Nii der gal mod nu rlagy ñi. Nii der de riidz nu gyicy ñi coz nap nu de mbecy nu zuub gyidag. 30 Cueê gyicy der nu gyicy shni Espiriit Yon ni Ãgyoozh. Gun nu nac nu ricy cup der Espiriit Yon zeê gabe nu nac der mbecy ni Ãgyoozh gashtal ornu shuub dzi nu wagyubaê ic cyi der. 31 Bloo der dela bis nu guti nañ lardoor. Blaa yaa der nu rgyiiñ lagy ru lo de coz nu ricy ru nañ lardoor. Cueê gazi lagy der. Cueê cush ti der nu gyel rzi lagy. Ni cueê gab zi der losaêr. Ni cueê gyicy der ni tub la coz a̱ê nap. 32 Guc der mbecy gugy na, mbecy pase̱z nu losaê. Nunu bicy sulagy tub, bicy sulagy tub ziêl der ni losaêr, gal nu Ãgyoozh bicy sulagyaêm ni de ru nu nac Crisht.