Efesios 6

1 De ru yu feñ, bzuub gyidag der ni de mbel nir par nu nac der mbecy ni Shuaan den Jesuuz, gun ndeê mod nu rlagy ñi. 2 Gun coz loga la nu mnii Ãgyoozh nu gyicy na par nu gyiyeeñ nap na, ndeê nu: “Pca lagy der lo uz ru, nunu pca lagy der lo ñaar, 3 gun orzeê nap zu lagy der nunu tuñ tiem cyiiñ der gyishlombecy ii”, na Ãgyoozh. 4 De ru mbecy gush, cueê gyicy der nu chaê ic de iêñ ru. Nap zir nu nap guul der de yu nguzh nir. Pshuu nu der yu, nunu blyuu der ni dey dub gal mod nu rlagy Shuaan den Jesuuz. 5 De ru mbecy nu nac moz por fers la, bzuub gyidag der ni mbecy nu nac patro̱o̱ nir gyishlombecy ii. Ni bicy der lat nu rca lagy ru loy, nunu lat nu rdzib lagy ru. Nunu bicy der ñii nu dutuub la lardoor gal mod nu ricy der de coz ni Crisht. 6 Bicy der ñii, tees walab tub lo ziêl ornu zu ziêl yu rgüiiy lo der, par nu gyet lagy yu coz nu ricy ru, sinu nu dutuub la lardoo der bicy de coz nu rlagy Ãgyoozh, como nac der mbecy nu ricy coz nu rnii Crisht. 7 Orzeê nap zu lagy der bicy der de riiñ zeê. Bicy der ñii par riiñ ni Shuaan den Jesuuz. Cueê gyicy der ñii par riiñ ni mbecy ziêl. 8 Tees bi neñ der nu tub ga la mbecy, mas nac yu mbecy nu zu patro̱o̱ ni, o mas nac yu mbecy nu sac patro̱o̱ ni, tees Shuaan den Jesuuz gyabic mi i dey dub gal nu na coz nap nu bicy yu. 9 Na de ru mbecy nu nac patro̱o̱, niê ziêl nap bicy nu der de mbecy nu nac moz ni der. Nunu cueê chiib ru dey. Bicy der nu gyezaê lagy ru nu Shuaan den Jesuuz, biñ nu zub gyibaa, riib ic mi rup nac la der, nunu mi zeê walab nu reñ ga la mod gyicy mi nu tub ga mbecy. 10 Na der bicy na, bicy der nu gac ru mbecy fert nu nac nu rcyiiñ nu der Shuaan den Jesuuz, gun mi zeê cuic mi fers ily nu ricy cup mi ni der. 11 Bzu lily der nu dela suur nu cuic Ãgyoozh nu chucoo der, gun orzeê gzu fert der ornu nuras chay contr ni der nu gyel rguu niy. 12 Gun walab nu yuê den nu chan contr ni mbecy nu nac losaê mbecy na, sinu nu chan contr ni de nuras a̱ê nap nu rded lo bi. De yu zeê ricy yu mandaar nunu riib ic yu gyishlombecy cow ii. 13 Ndeê nu gush der dela suu dañ ru nu rbic Ãgyoozh, gun orzeê gagye der ornu shuub tiem nu dzi coz ily gzac der. Na ornu lazh gzu lily der dela suu dañ ru, orzeê gzu fert zir der. 14 I mod bicy der par nu gzu fert ru. Mnii der de riidz nu rishli, gun nu ndeê nañ gal nu na sinch nu ri nañ der. Nunu cueê gyicy der cyi, gun orzeê na der gal nu na mbecy nu ca tub gyiib lyush par nu soow ñiy. 15 Bzu lily der nu cha shaal ru riidz nu sac ni Crisht, de riidz nu gyicy nu nap chuê dun Ãgyoozh. Gun benu ni, orzeê na der gal nu na tub mbecy nu ca gyiê gyidlab. 16 Zeê tuubaê coz, ndeê bicy cup der consuel lo Crisht, gun orzeê na der gal nu na mbecy nu zu yaa tub gyiib she par nu soow yu dutuub la cuerp niy. Gun, ornu zeed nuras boo too der, orzeê gyuñ nu nac gyiib zeê. 17 Briish lo der nu gruu mbañ ru, gun orzeê na der gal nu na tub mbecy nu zub cyug too. Zeê riidz ni Ãgyoozh, ndeê nañ gal nu na mandzicy. Ndeê coz nu rbic Espiriit Yon ni Ãgyoozh ni der. 18 Nunu cueê checa der nu nii nur Ãgyoozh. Mnishbaa der lom, nunu bdiiñ der lom dub laa tiem dub gal mod nu rnii Espiriit Yon nim nañ lardoo der. Bzu der altant. Nunu cueê shiêñ der baloor. Orzeê mnii nu der Ãgyoozh par nu nac dela mbecy nim. 19 Nunu niê ziêl bdiiñ der lo Ãgyoozh nu nac ya̱, gun orzeê cuic mi de riidz nu rlagy ñi nu ne̱e̱, gun orzeê ya̱ wadzib la̱ nu ne̱e̱ ñii, gun orzeê ya̱ grica̱ nu gad lagy de mbecy ni de riidz nu sac ni Crisht, de riidz nu wangad lagy de mbecy gulas. 20 Orzeê Ãgyoozh bzuu nez mi ya̱ nu cha shaala̱ de riidz zeê por cuen nim. Nunu par nu nac nu ricya̱ ndeê, ndeê nu ri̱ pres na. Orzeê bdiiñ der lo Ãgyoozh, gun orzeê rila wadzib la ne̱e̱ de riidz zeê. 21 Orzeê bicy na Tíquico nu dzi rcaan, yu zeê cyid nuy raso̱o̱ ne̱ lo der, gal nu de riidz ni de coz nu ricya̱. Yu zeê nac yu tub mbecy nu tonaê la ricy paa nu de riiñ ni Shuaan den Jesuuz. 22 Ndeê nu ya̱ zuu neza̱ yu nu cyid yu lo der, gun gniiy lac mod rzac de̱. Orzeê ni mod cuic yu baloor ni der. 23 Orzeê Ãgyoozh Uz den gal nu Shuaan den Jesucrisht gyicy mi nu cheti ri añ ni dela de bicy na, nunu gyicy mi nu ca den losaên lat nu ricy cup den consuel lom. 24 Nunu nap gyicy nu dem dela mbecy nu rca Shuaan den Jesucrisht tub mod nu rila wayeca.