Gálatas 2

1 Ornu bzaê trotap ñaên, orzeê bya̱a̱ tuubaê tir Jerusaleeng nu Bernabee. Nunu gazaê Tito bya du̱ yu. 2 Bya̱a̱ gun Ãgyoozh bicy mi nu gud lagya̱ nu rlagy ñi nu gya̱. Orzeê ornu bri̱ Jerusaleeng, byatublaazha̱ nu de yu zub lo ziêl. Orzeê wangac chuê reñaê mbecy. Mne̱e̱ de riidz nu sac ni Crisht nu rshaala̱ lat de mbecy nu walab mbecy Israeel lo dey. Mne̱e̱ lo dey, gun dzi ga leew la bicya̱ de riiñ nu bi bicya̱, gal nu de riiñ nu gal na ricya̱. 3 Tito, losa̱ê nu rded du̱, mas nac yu tub mbecy griego, tees wannii dey nu ca beey sircunsision cuerp niy par nu gabe nu nac yu mbecy ni Ãgyoozh. 4 Ni a̱ê nii la too dey ti ca beey zeê cuerp niy benu cueê nu bruêña la be bicy na nu rnii coz fals. De yu zeê dze ga guê dey lat de̱. Guê dey par nu siiñ yu ne̱ de̱, gun rlagy dey gad lagy yu lac mod ricy de̱ gyiê nu nac de̱ mbecy ni Jesucrisht. Nunu rlagy dey gad lagy yu ben a ricy pa̱a̱ de̱ nu de leey ni de mbecy Israeel. Nunu guê dey par nu yub dey mod nu gyicy de̱ de coz nu rnii de leey zeê. 5 Mas lac ruê, tees wanguugy lardo̱o̱ de̱ par ni ñuu miiñ la nu ñgyicy de̱ de coz nu rlagy dey, gun orzeê de riidz rishli ni Crisht wadza lañ lat der. 6 Nunu de mbecy zub lo, wancyaañ dey de coz nu lyu̱u̱, nunu dela mbecy rad lagy dey nu nac yu mbecy zub lo. (Mas nac dey mbecy zub lo, par ya̱ se la la ndeê, gun Ãgyoozh wagüiim mod nu na mbecy.) 7 Lugaar nu ñcyaañ dey de coz nu rlyu̱u̱, ca nu mnii dey nu rabee nu Ãgyoozh bzum ya̱ nu gyicya̱ riiñ nu shaala̱ de riidz nu sac ni Crisht lat de mbecy nu walab mbecy Israeel, gal nu bzu gaêm Bed nu ricy yu riiñ nu rshaal yu riidz nu sac ni Crisht lat de mbecy Israeel. 8 Gun laab zir Ãgyoozh nap ricy num de mbecy Israeel nu nac Bed, nunu laab mi nap ricy num de mbecy nu walab mbecy Israeel nu nac ya̱. 9 Orzeê Santiag, nu Bed, nu Waa, de yu nu rnii mbecy nu nac yu zub lo, de yu zeê gud lagy dey nu Ãgyoozh bicy mi faboor nu nap bicy num ya̱. Orzeê bicy losaê dey ya̱ nu Bernabee. Mnii dey nu de̱ ya̱ cha shaala̱ de riidz nu sac ni Crisht zeê nu yuê de mbecy nu walab mbecy Israeel. Zeê de ub yu shaal yu de riidz nu sac ni Crisht zeê nu yuê de mbecy Israeel. 10 Nomaas nu mnii dey nu ca ga ic de̱ nu locyuuba̱ de mbecy zi. Nunu ya̱ niê ziêl zu̱ shcab nu nac ndeê. 11 Tees ornu Bed guay gyedz nu la Antioquía, orzeê pshuu du̱ yu lo lay, gun yuê falt niy. 12 Gun anzir nu ruêña la be de mbecy nu rsyaê lo Santiag, orzeê Bed bdow yu gyit tublaazh la nu de mbecy nu walab mbecy Israeel. Tees ornu bruêña de mbecy zeê, orzeê bicy zet lagy yu. Orzeê bruu chuy lat dey, gun gudzib yu lo de mbecy nu rnii nu dela mbecy ni Crisht rlagy ñi nu gyicy yac dey ni de leey ni de mbecy Israeel. 13 Orzeê gazaê de mbecy Israeel nu nac mbecy ni Crisht bzuu lo dey gal nu bicy Bed. Orzeê bicy zet lagy dey bruu chuy lat de mbecy nu walab mbecy Israeel, nunu gazaê Bernabee bruu chuy lat dey. 14 Tees ornu bzaca̱ de mod nu ricy dey nu wasaap ñi de riidz rishli ni Crisht, orzeê mne̱e̱ lo Bed lat dela mbecy zigy: “Ru, mas nac ru mbecy Israeel, tees rcyiiñ ru mod nu rcyiiñ mbecy nu walab mbecy Israeel. Benu ni, ¿walab gaal gac caar de mbecy nu walab mbecy Israeel nu gyicy dey mod nu ricy de mbecy Israeel?” rugya̱ yu. 15 De̱ ya̱ nac de̱ mbecy Israeel nese nu gul la̱a̱ de̱. Walab nu bru̱u̱ de̱ lat reñaê mbecy, de mbecy nu ricy cyi. 16 Tees neñ den nu ni tub la mbecy wayanap dey lo Ãgyoozh nu nac nu ricy yac dey ni leey nu bzeeñ Moisees, sinu tub lo ziêl nu gyanap dey lom nu nac nu gyicy cup ziêl dey consuel lo Jesucrisht. Niê de̱ ya̱ ricy cup de̱ consuel lo Jesucrisht, gun orzeê gyanap de̱ lo Ãgyoozh nu nac nu ricy cup de̱ consuel lo Crisht. Walab nu nac nu gyicy yac de̱ ni de leey zeê. Walab ndeê gyicy ñi nu gyanap den lo Ãgyoozh. Gun ni tub la mbecy wac gyanap yu lom nu nac nu ricy yac yu ni de leey zeê. 17 Nunu benu gyicy cup den consuel lo Crisht par nu gyanap na lo Ãgyoozh, zeê despuees nii too den nu wangyanap na lom, gun wagyicy yac den ni leey ni de mbecy Israeel, orzeê ¿walab gaal Crisht ricy zir mi nu nac den mbecy cyi? ¡Mas lac ruê tees walab ni! 18 Zeê benu ya̱ lyu̱u̱ ni de mbecy nu rlagy ñi nu gyicy yac dey ni leey ni de mbecy Israeel, zeê ii ya̱ bi bzu chu̱ leey zeê, orzeê ya̱ naca̱ mbecy cyi. 19 Gun lat nu psya̱ê leey ni Ãgyoozh, orzeê bet laga̱ cuen nu wac grish lo̱ looñ par nu gyanapa̱. Ndeê nu na ya̱ na̱ gal nu na mbecy gut par lo leey zeê. 20 Orzeê ndeê nu walabaê nu rcyiiña̱ gal nu pcyiiña̱ gulas, sinu rcyiiña̱ gal mod nu rlagy Crisht. Na nu zu̱ gyishlombecy ii, se coz nu rlagy ziêl ñi nu gyicy mbecy nu ricy cup consuel lo iêñ Ãgyoozh, se ndeê ziêl coz nu ricya̱. Gun iêñ mi pcam ya̱, nunu pshet ic mi nu gut mi nu nac gazaê ya̱. 21 Ndeê nu ya̱ wazuub ya̱a̱ de faboor nu bicy Ãgyoozh nu gut Crisht lo cruuz, gun bi bicy na nu mbecy ñgyanap dey lo Ãgyoozh nu nac leey nu bzeeñ Moisees, orzeê leew ziêl nu gut Crisht.