Hebreos 2

1 Ndeê nu rlagy ñi nu nap caa ic den de riidz nu bi reñ na gun nis ruu chu den loñ. 2 Gun de riidz nu bzeeñ de anc zeê, bi rad lagy den nu ndeê coz rishli. Nunu cyu ziêl mbecy nu wangyicy yac ni de riidz zeê, o cyu ziêl mbecy nu wansuub gyidag ni riidz zeê, orzeê za dey lo cashtig gal nu rlagy ñi. 3 Benu ni, orzeê ¿lac mod gruu chu den lo cashtig benu wayicy cuen den de riidz nu rniiñ nu lac ñuu mod gruu mbañ naa? Gun riidz zeê tonaê la ricy ñi presis. Gun laab Shuaan den nu loga la pshaal mi de riidz zeê. Orzeê despuees de mbecy nu gueñ de riidz zeê briic dey nu gad lagy den nu de riidz zeê, nu ndeê coz rishli. 4 Niê ziêl Ãgyoozh bicy mi nu gad lagy den nu laab ndeê coz rishli. Ni bicy mi nu nac nu briic mi muesht, nu nac nu bicy mi de coz par nu cha nu ic mbecy, nunu nu nac nu bicy mi zañ lo nusuriidz. Nunu niê ziêl bicy mi ornu bicy mi nu bicy Espiriit Yon nim nu cyiiñ tub ga la mbecy nu gyicy yu tub ga riiñ nim. Ni bicy Espiriit nim dub gal nu rlagy ub mi. 5 Gun Ãgyoozh wangyicy mi nu gyub ic de anc gyishlombecy tiem nu yad par lo. Ndeê gyishlombecy nu rzat den na. 6 Sinu ricy mi gal nu rniiñ lat ca na tub riidz nim ornu rniiñ: Ãgyoozh, ¿la yad ñi ni de mbecy nu gyicy cuen ru dey? Nunu ¿La yad ñi ni dey nu gzur shcab nu nac yu? 7 Ru bicy ru nu gash zir zu dey gazeê de anc par ñuu miiñ tiem. Tees bicy ru nu lily na dey. Bicy ru nu byaraso̱o̱ dey. 8 Bicy ru nu riib ic yu dela coz, rniiñ. Na zeê nu rniiñ nu bicy mi nu riib ic mbecy dela coz, orzeê wancam ni dey nu wac gyub ic yu ca na de coz. Tees na nigul zac den nu riib ic mbecy dela coz. 9 Zeê Jesuuz, rad lagy mi nu ñuu miiñ zi tiem bzu Ãgyoozh mi tub mod nu gash zir par mod nu na de anc, gun orzeê nu nac faboor nu bicy nu Ãgyoozh den, ndeê nu gut Jesuuz nu nac dela mbecy. Nunu na Ãgyoozh bicy mi mi zeê par tub biñ nu ricy cup gyel lily, nunu tub biñ nu ca lagy mbecy lo nu nac mod nu gut mi. 10 Ãgyoozh tonaê la zily nac mi. Dela coz yuêñ nu nac mi. Nunu bicy mi nu ni mod zuñ. Orzeê Ãgyoozh rlagy mi nu dela iêñ mi gzac dey lo gyel lily nim. Ndeê nu na bi bzaê lom riiñ nu biid Jesuuz, biñ nu rboo mbañ de mbecy nu nac nu bzac zim. 11 Gun de mbecy nu bi byacaacy, gal nu biñ nu ricy caacy mbecy, tub ziêl Uz dey nuy mi. Ndeê nu Jesuuz wagat lom ornu rniim lo dey: “Bicya̱”, rniim. 12 Ndeê nu lat de riidz ni Ãgyoozh rniiñ ornu nam: Ãgyoozh, ya̱ rzata̱ ru lo de bicya̱. Lat de mbecy nu yuê tublaazh rdula̱ nu ryabica̱ gyel mbecy nir, nam. 13 Tuubaê tir nam: Ãgyoozh, lo ru ricy cupa̱ consuel, nam. Tuubaê tir mniim: Ii zu̱ du̱ de iêña̱ nu briic Ãgyoozh ne̱, mniim. 14 Como de mbecy nu nac iêñ mi zeê nac dey gur mbecy la, orzeê niê Jesuuz gush mi mod nu na dey, gun orzeê nu nac nu gut mi, bicy mi nu wacyiiñ nuras, yu nu ricy nu rat mbecy. 15 Gun orzeê bicy mi nu wadzibaê de mbecy nu gat yu. 16 Gun rishli biid mi, tees walab par nu locyuub mi de anc, sinu par nu locyuub mi de mbecy nu nac nez Abraham. 17 Ndeê nu gush mi tub mod nu gal gaa la nam nu de bicy mi. Gun orzeê byac mi uz nu chuê lo Ãgyoozh par cuen ni de mbecy. Ornu rzuêm lo Ãgyoozh, orzeê ricy paam, nunu rashni lagy mi de mbecy, gun bi briish mi cyi dey. 18 Nunu como laab mi bzac zim, nunu guc preb mi, ndeê nu cyiiñ mi nu locyuub mi de mbecy nu rzac preb.