Hebreos 6

1 Ndeê nu rlagy ñi nu ded lo den lo de riidz a̱ê biigy ni Crisht, nunu rlagy ñi nu gac den mbecy nu gul shcab ni. Walagy ñi nu gnii gaê den de riidz nu bi bdulyuu nese nu loga la. Ni cueê gaê nii den nu rlagy ñi nu neê mbecy de cyi nu ricy yu, de cyi nu gyicy nu gat yu. Ni cueê gaê nii den nu rlagy ñi nu gyicy cup mbecy consuel lo Ãgyoozh. 2 Ni cueê gaê lyuu den nu nac nu zu nis mbecy. Ni cueê gaê lyuu den nu nac nu riib yaa mbecy too losaêy. Ni cueê gaê lyuu den nu gyabañ de mbecy nu bi gut. Ni cueê gaê lyuu den ni nu gri bee Ãgyoozh ni de mbecy. Dela ndeê nac ñii coz a̱ê biigy ni Crisht. 3 Rlagy ñi nu ded lon lo de coz zeê. Benu Ãgyoozh zaan mi, orzeê ni gyicy den. 4 Gun yuê mbecy nu bi gulas bet lag dey cuen de coz ni Crisht. Bi gud lagy dey la na de coz ni Ãgyoozh. Bi yuê lo dey Espiriit Yon nim. Bi gud lagy dey de coz nap nu rnii riidz nim. Bzaac dey nu ricy mi de coz ily gal nu gyicy mi de tiem nu yad par lo. Mbecy zeê, benu gruu chu dey lo de coz ni Crisht, orzeê rila wacaê gyanap shcab ni dey par nu gac dey mbecy nim tuubaê tir. Gun ndeê nañ gal nu na nu rcaa dey Crisht, Iêñ Ãgyoozh, lo cruuz tuubaê tir. Orzeê ricy dey nu toê lo zum lo dela mbecy tuubaê tir. 7 De mbecy zeê na dey gal nu na yu nu rzayoê nis gyey ornu yet tub poras gyey loñ. Benu yu zeê cuic ñi tub cosech nu cyiiñ ni de mbecy nu ricy riiñ loñ, orzeê Ãgyoozh nap gyicy num ñii. 8 Tees benu yu zeê cuic ñi gyish nu gyech, orzeê se la la cyiiñ ñi. Orzeê Ãgyoozh zaa lagy mi niñ. Nunu ornu gyaê lo tiem, orzeê ca gyiñ. 9 Der bicy na nu dzi rca̱ de̱, mas ni mod rne̱e̱ du̱ de̱ de ru, tees rad lagy de̱ nu segur la gzac der lo de coz ily nu gad nir nu nac nu gruu mbañ der. 10 Gun Ãgyoozh ricy mi mod nu seêñ. Wanit lagy mi de riiñ nim nu bicy der nu nac nu rcar mi ornu blocyuub der de bicy ru nu nac Crisht. Nunu mas na gabee rlocyuub der dey. 11 Coz nu rlagy de̱, ndeê nu tub ga la de ru zaab co lo zir der gashtal gyaê lo la tiem. Gun orzeê dela coz nu rgyish lo der lo gac ñii. 12 Walagy de̱ nu gyac der mbecy zed, sinu rlagy de̱ nu gyicy der gal nu ricy de mbecy nu ricy cup consuel. Bicy der gal nu ricy de mbecy nu bicy cup pase̱z, gun nu nac nu ni ricy dey, orzeê dela coz nu mnii Ãgyoozh nu cuic mi ni dey, dela ndeê gyiyeeñ ñi yaa dey. 13 Ornu Ãgyoozh mniim lo Abraham, orzeê bzat mi ub mi par nu gabe nu segur la gyicy mi gal nu mniim. Como sacaê zir mbecy nu zily zir nac gazeê ub mi, orzeê bzat mi ub mi. 14 Orzeê nam: “Ya̱ ne̱e̱ lor nu segur la nap gyicy du̱ ru, nunu segur la gyicya̱ nu gyañ de nez ru nu chuê par lo”, nam rab mi Abraham. 15 Orzeê Abraham bicy cup yu pase̱z. Orzeê Ãgyoozh bicy mi gal nu mniim. 16 Na benu tub mbecy rniiy nu segur la gyicy yu tub coz, orzeê zat yu tub mbecy nu zily zir nac gazeê ub yu. Ndeê nu benu tub su dey losaêy nu riidz, orzeê rzat dey mbecy zeê. Orzeê gyaê loñ ni dey. 17 Ndeê nu Ãgyoozh rlagy mi nu naal la gad lagy de mbecy nu mniim nu nap gyicy num de mbecy zeê, nunu rila wadza mod nu rlagy mi gyicy mi num dey. Ndeê nu bzat mi ub mi par nu gabe nu segur la gyicy mi gal nu mniim. 18 Orzeê Ãgyoozh bicy mi cyup coz. Mniim nu ni gyicy mi. Nunu bzat mi ub mi par nu gabe nu ni gyicy mi. De ndeê coz nu rila wac dza. Nunu Ãgyoozh waguum. Ni bicy mi, gun orzeê de ub na, mbecy nu cha lom par nu ñam den, de ub na gric na baloor par nu gzu fert den nu nac de riidz nu drish lo den lo. 19 Nunu de riidz nu drish lo den lo zeê, ndeê nañ gal nu na tub gyiib ye ni barc par nu cueê guul bi barc par re par ii la. Orzeê ndeê ricy ñi nu rzu fert den nañ lardoon. Riidz zeê, ndeê ricy ñi nu gac chuê den lo Ãgyoozh. Ndeê nañ gal nu na nu gac ded den roê negy nu zaab nañ yuê nu driib zily de mbecy Israeel Ãgyoozh. Orzeê chuê den nañ yuê yon zir par deê zir lugaar. 20 Jesuuz bi ya gam par lugaar yon zeê por cuen ni den. Mi zeê byac mi uz nu zu riiñ lo Ãgyoozh por cuen ni de ub na. Ndeê nu laabaê riiñ nu bzu Melquisedec, laabaê riiñ zeê bdugyim. Na riiñ zeê ricy mi tub la.