San Juan 1

1 Nese anzir nu gya gyishlombecy, biñ nu la riidz ni Ãgyoozh nil bi zum. Mi zeê nac num Ãgyoozh, nunu nac mi Ãgyoozh. 2 Nunu nil bi zum nu Ãgyoozh nese anzir nu gya gyishlombecy. 3 Dela coz nu psaê lagy Ãgyoozh, mi zeê bicy mi ñii. Nunu ni tub la coz wansaê lagy Ãgyoozh benu walab nu nac mi zeê. 4 Mi zeê nac mi biñ nu rbic gyel mbañ nu rishli. Nunu gyel mbañ zeê nañ gal nu na tub yaa nu ricy ñi nu gyal shcab ni de mbecy. 5 Zeê yaa zeê bzu laañ zeê nu cow, nunu de zeê nu cow zeê rila wangyicy ñi gan nu nsoow ñi lo yaa zeê. 6 Bzu tub mbecy, yu nu bzuu nez Ãgyoozh. Yu zeê lay Waa nu driib nis mbecy. 7 Biid yu par nu cuic yu nu gad lagy de mbecy nu cyu biñ nu na gal nu na yaa zeê, gun orzeê de yu nu gzuub gyidag de riidz nu niiy, orzeê de yu zeê gyicy cup dey consuel lom nu nac de riidz nu mniiy. 8 Yu zeê walab biñ nu na gal nu na yaa zeê, sinu Ãgyoozh bzuu nez mi yu biid yu par nu cuic yu nu gad lagy mbecy cyu nac mi zeê. 9 Gun biñ nu nac yaa nu rishli zeê bi yad mi par nu cuic mi nu gad lagy dela mbecy. 10 Laab biñ nu la riidz ni Ãgyoozh zeê brim gyishlombecy. Nunu mas Ãgyoozh psaê lagy mi dela coz ni gyishlombecy nu nac mi, tees de mbecy ni gyishlombecy wangyuê lo dey mi. 11 Brim ledz mi tees de mbecy nu yuê ledz mi wannii dey “O” nim. 12 Dela mbecy nu “O” mnii nim nunu bicy cup dey consuel lom, orzeê de yu zeê briic mi mod ni dey nu gyac yu iêñ Ãgyoozh. 13 Walab nu byac dey iêñ Ãgyoozh par nu gul dey ni tub biñ mñaa, nunu walab nu byac dey iêñ Ãgyoozh par nu nac coz nu rlagy ca na tub mbecy, sinu byac dey iêñ Ãgyoozh gal nu ub mi bicy mi. 14 Nunu biñ nu la riidz ni Ãgyoozh zeê byac mi mbecy gyishlombecy, nunu pcyiiñ mi lat den. Nunu tonaê la gugy nam num de ub na. Nunu rniim dub ub la coz rishli. Nunu de ub na bi bzaac na gyel lily nim, gyel lily nu yad ñi nu gad ni biñ nu tub zi zu ni uz. 15 Waa bzat yum. Orzeê ye la mniiy: âMi zeê biñ nu bzata̱ ornu mne̱e̱ lo der nu biñ nu yad par icha̱ gya zir zum gazeê ya̱, gun mi zeê nil bi zum anzir nu gal ya̱ ânay. 16 Par nu nac nu dzi gugy nam, zaab nap la ricy num de ub na. 17 Gun briic Ãgyoozh leey ni den nu nac Moisees. Zeê nu nac Jesuuz, nap ricy num de ub na nunu blyuum de coz rishli nim lo den. 18 Ni tub la mbecy wacsac dey Ãgyoozh. Tees iêñ mi, biñ nu tub zi zu nim, nac num mi. Mi zeê briic mi nu gad lagy na la nam. 19 Nii de coz nu mnii Waa ornu de fushtiz ni de mbecy Israeel bzuu nez dey de uz gal nu la be de mbecy nu bruu lat nez Levita nu yuê Jerusaleeng nu cha dey cugyiêy lo Waa. Orzeê na dey rab yu Waa: â¿Cyu nac ru? âna dey. 20 Orzeê Waa naal la mniiy lo dey cyu nac yu. Orzeê nay: âYa̱ walab Mesías, biñ nu ca lo cuen nu co mbañ mbecy ânay. 21 Orzeê bdugyiê gaê dey loy: â¿Zeê cyu gaal nac ru beni? ¿A walab Elías, yu nu mnii por cuen ni Ãgyoozh, nac ru beni? âna dey. Orzeê na gaê Waa: âWalab yu zeê naca̱ ânay. Orzeê na gaê dey: â¿A walab ru yu nu rnii por cuen ni Ãgyoozh nu ca lo cuen nu cyid? âna dey. Orzeê na Waa: âWalab ânay. 22 Orzeê na gaê dey: â¿Cyu nac ru beni? Gun rlagy ñi nu gya du̱ de̱ raso̱o̱ lo deyu nu bzuu nez de̱ ya̱ nu yapa̱. ¿Cyu nac ub ru? Mnii beni âna dey. 23 Orzeê na Waa rab yu dey: âYa̱ naca̱ tub mbecy, tub yu nu bzat Isaías, yu nu mnii por cuen ni Ãgyoozh ornu nay: “Zaab tiê tub mbecy rbish tiy tub lugaar ub zi. Orzeê nay: Bicy nap der nañ lardoor gal nu ricy nap der tub nez nu ded tub yu lily, gun bi cyid Shuaan den”, na Isaías âna Waa. 24 Na de yu nu bzuu nez de mbecy fariseo nu gua tugyiêy lo Waa, 25 orzeê na dey rab yu Waa: âZeê benu a̱ê nac ru Mesías, biñ nu ca lo cuen nu co mbañ mbecy, ni a̱ê nac ru Elías, ni a̱ê nac ru yu nu rnii por cuen ni Ãgyoozh, zeê ¿lagu rbic ru nu zu nis mbecy beni? âna dey. 26 Orzeê na Waa rab yu dey: âYa̱ driib nisa̱ mbecy nu nis, tees lat de ub na zu tub mbecy nu a̱ê yuê lo der. 27 Mi zeê cyid mi par lo ya̱, tees ya̱ wangyapa̱ nu shaagya̱ ni gyid nu zub gyid lab mi ânay. 28 Dela de coz ii guc ñi tub lugaar ni tub gyedz nu la Betania, par tub laê gaê ruê gyoow Jordaang. Ndeê lugaar zeê nu driib nis Waa de mbecy. 29 Na tuubaê dzi orzeê bzaac Waa Jesuuz nu yad mi loy. Orzeê nay: âGüii der, re yad tub mbecy nu na gal nu na tub shily nu gac gun lo Ãgyoozh. Mi zeê cyib mi cyi de mbecy nu yuê gyishlombecy. 30 Mi zeê biñ nu bzata̱ lo der ornu ya̱ mne̱e̱: “Biñ nu yad par ich ya̱, gya zir zum gazeê ya̱, gun mi zeê nil bi zum anzir nu gal ya̱”, mne̱e̱. 31 Wangad lagya̱ cyu nac mi, tees ya̱ yapa̱ nu griib nisa̱ mbecy nu nis gun par nu cuê lo de mbecy Israeel mi cyu nac mi ânay. 32 Nii riidz nu mnii Waa ornu nay: âYa̱ bzaaca̱ Espiriit Yon ni Ãgyoozh nam gal nu na tub begy bet mi. Bruum gal gyibaa. Gusub mi too mi zeê. 33 Ya̱ gabee wangyuê lo̱m cyu nac mi. Tees Ãgyoozh, biñ nu bzuu nez ya̱ nu griib nisa̱ mbecy nu nis, nam rab mi ya̱: “Ornu gzac ru nu gyet Espiriit Yon ne̱ too tub mbecy, orzeê mi zeê biñ nu cuic Espiriit Yon zeê ne̱ ni de mbecy”, nam. 34 Ya̱ bi bzaaca̱ de coz zeê. Ndeê nu ya̱ naca̱ teshtig nu mi zeê nac mi iêñ Ãgyoozh âna Waa. 35 Na orzeê tuubaê dzi, orzeê Waa laab lugaar zeê zuy nu cyup de yu nu rsyaê loy. 36 Na ornu bzaac yu nu bded Jesuuz, orzeê nay: âGüii der. Re rded tub mbecy nu na gal na tub shily nu gac gun lo Ãgyoozh ânay. 37 Na ornu güeñ cyup de yu nu rsyaê loy de riidz zeê, orzeê za dey za cay ich Jesuuz. 38 Orzeê Jesuuz bish cyam, nunu bzaac mi nu yad dey. Orzeê nam rab mi dey: â¿La coz ryub der? ânam. Orzeê na dey rab yum: âMasht, ¿ca rcyiiñ ru? âna dey. 39 Orzeê na Jesuuz rab mi dey: âYaa der chan gun cha güiir ca rcyiiña̱ ânam. Orzeê gush nez dey za nuy mi. Orzeê bzaac dey ca rcyiiñ mi. Orzeê byeeñ nu dey mi gua la nu gudze zeê, gun bi yuên tub gyiib tap or gudze ornu bri num dey zeê. 40 Tub de yu nu güeñ ni Waa, yu nu gua ca ich Jesuuz, lay Ndrees bicy yu Simo̱o̱ Bed. 41 Orzeê lueg la gua yub yu bicy yu Simo̱o̱. Orzeê nay rab yuy: âDe̱ ya̱ bi bdzeel de̱ Mesías, bin nu ca lo cuen nu co mbañ den ânay. (Mesías, ndeê tub ziêl yaruuñ nu Crisht.) 42 Orzeê lueg la za nuy Simo̱o̱ lo Jesuuz. Orzeê Jesuuz mbi la bgüiim loy. Orzeê nam rab mi yu: âRu lar Simo̱o̱ iêñ Waa. Tees na loo la̱ ru Cefas. (Cefas nu Bed tub ziêl nu yaruu riidz zeê. Ndeê gyitaê.) 43 Na tuubaê dzi, orzeê Jesuuz mnii ic mi gyam tub lugaar ni Galilea. Orzeê zeê bdzeel mi Lip. Orzeê nam rab mi yu: âDa, da ca icha̱ ânam. 44 Na Lip nac yu tub mbecy gyedz nu la Betsaida. Laab zeê ledz Ndrees nu Bed. 45 Orzeê Lip guay gua yub yu Natanael. Na ornu bdzeel yuy, orzeê nay rab yuy: âNa bi bdzeel de̱ biñ nu bzat Moisees lo de gyicy zeê nu ca leey ni Ãgyoozh. Laab mi zeê biñ nu bzat de yu nu mnii por cuen ni Ãgyoozh. Mi zeê Jesuuz iêñ See. Zeê ledz mi, ndeê Nazaret âna Lip. 46 Orzeê na gaê Natanael: â¿Walab gaal gac gruu ñuu la coz nap gyedz Nazaret? âna Natanael. Orzeê na Lip rab yuy: âDa güiir ben a walab ânay. 47 Na ornu Jesuuz bzaac mi nu byagaab Natanael lom, Orzeê nam: âGüii, ii yad tub mbecy nu rishli gaal nac mbecy Israeel, tub yu nu sac gyel rguu nañ lardoo ânam. 48 Orzeê Natanael bdugyiêy lom: â¿Lac bicy ru? ¿Lagu nu gud lagy ru lac mbecy na̱? ânay. Orzeê na Jesuuz rab mi yu: âYa̱ bzaaca̱ ru lat nu gusub ru gyiê yalas anzir nu cuedz Lip ru ânam. 49 Orzeê na Natanael rab yum: âMasht, ru nac ru iêñ Ãgyoozh. Ru nac ru rey nu nac Shuaan de mbecy Israeel ânay. 50 Orzeê Jesuuz nam rab mi yu: â¿A ricy cup ru consuel lo̱ nu nac ziêl nu mne̱e̱ nu bzaaca̱ ru nu gusub ru gyiê yalas? Coz ily zir gzac ru par lo gazeê coz nu bzaac ru na ânam. 51 Orzeê na gaêm rab mi dey: âYa̱ rishli rne̱e̱ lo der nu gzac der nu gyal gyibaa, nunu gzac der nu chup gyet la de anc ni Ãgyoozh lo̱ ya̱, biñ nu byac mbecy ânam.