San Juan 12
TBL1 Jesuuz guam Betania shuup ruê dzi anzir nu chuê saê ni Pas. Betania zeê nu pcyiiñ Lázaro, yu nu bicy mi nu byabañ zeê. 2 Orzeê de mbecy nu yuê zeê bzu ye dey tub che nu gow nuy mi. Zeê Mart psaañ gyaên. Nunu gazaê Lázaro riy lat de yu nu nguaa lo mez nu gyicy che zeê. 3 Orzeê Li bruêña nuñ chon gaynal gram tub lo asecy zguul nu la nardo nu tonaê la ñgyup sac. Orzeê pcooñ ndeê gyiê Jesuuz. Orzeê pcuiigy ñi asecy zeê nu gyich ic ñi. Orzeê bzu laa nu zguul dutuub la nañ yuê zeê. 4 Zeê zu Judas Iscariote, tub yu nu rsyaê lom. Laab yu zeê yu nu bguê Jesuuz yaa de yu nu rzi lagy lom. 5 Orzeê nay: â¿Lagu wansaêy asecy zguul re nu sac i mbecy ni chon gaynal dzi? Gun orzeê gad tiñ nu gric na ni de mbecy zi ânay. 6 Tees Judas ni mniiy, gun nac yu gubaan walab par nu nac nu rcay de mbecy zi. Nunu bzuy riiñ nu ri yaay nerbid nu rguê dey tiñ ni dey. Nunu yuê nu rboo dzey tiñ zeê par ub ziêl yu. 7 Orzeê na Jesuuz: âCueê gyicy zeed ru fiñ ii, gun bi bzu lily ñii asecy ii par nu duzu cuerp ne̱ par ornu shuub dzi nu cach dey ya̱. 8 Ya̱ walab nu tuñ cyiiña̱ lat der, tees de mbecy zi zaab yuê la dey lat der ânam. 9 Zigy de mbecy nu zu riiñ ni de mbecy Israeel güeñ dey nu zu Jesuuz Betania. Orzeê gua dey zeê walab tub lo ziêl nu za güii dey mi sinu niê ziêl par nu za güii dey Lázaro, yu nu bicy mi nu byabañ zeê. 10 Orzeê de yu zub lo ni de uz bzaê lo dey nu niê cut dey Lázaro, 11 gun par nu nac yu zeê zigy de mbecy Israeel druu chu dey lo de uz par nu ricy cup dey consuel lo Jesuuz. 12 Orzeê tuubaê dzi de mbecy zigy nu gua saê ni Pas güeñ dey nu bi yeed Jesuuz par Jerusaleeng. 13 Orzeê blag dey de yaa ya gyiñ. Orzeê za cheel dey mi. Nunu rbish ti dey. Orzeê na dey: â¡Dzi ga zily nac Ãgyoozh! ¡Ãgyoozh nac num ru, biñ nu bzuu nez mi! ¡Ãgyoozh nac num ru, biñ nu nac rey ni de ub na, mbecy Israeel! âna dey. 14 Orzeê guud tub bur miê ni Jesuuz. Orzeê byub mi ma gal nu rniiñ lat de riidz ni Ãgyoozh. Rniiñ: 15 Cueê dzib der, mbecy nu yuê gyedz Sión. Güii der. Re yad rey ni der. Riib mi tub bur miê, rniiñ. 16 Tiem zeê de yu nu rsyaê lom wangyet lag dey cuen de nu ndeê. Tees ornu Jesuuz bish cyam lo gyel lily nim, orzeê byezaê lagy dey nu de riidz ni Ãgyoozh mniiñ nu ni zac mi nunu mniiñ nu ni gyicy nu mbecy mi. 17 Na gazaê de mbecy nu bzaac ornu Jesuuz bredz mi Lázaro nu ruuy gyerbaa niy nunu bicy mi nu byabañ yu, de yu zeê mnii dey lo mbecy coz nu bzaac yu. 18 Ndeê nu zigy mbecy gua cheel dey mi, gun güeñ dey nu bicy mi nusuriidz zeê. 19 Orzeê na de mbecy fariseo rab dey losaêy: âNa bi bzaac der nu rila wadaê mod ni den. Güii der. Dela mbecy za ca dey ich yu âna dey. 20 Na lat de mbecy nu gua Jerusaleeng nu briib zily dey Ãgyoozh lat saê, lat de yu zeê ri la be mbecy griego. 21 Orzeê de yu zeê bechaê dey lo Lip. Yu zeê nac yu tub mbecy Betsaida, tub gyedz nu ri lo yu ni Galilea. Orzeê na dey rab yuy: âDe̱ ya̱ rlagy de̱ ne̱e̱ du̱ Jesuuz âna dey. 22 Orzeê Lip gua niiy lo Ndrees. Orzeê rup laa dey gua nii dey lo Jesuuz. 23 Orzeê nam rab mi dey: âBi rshuub tiem nu ya̱, biñ nu byac mbecy, gri̱ lo gyel lily ne̱. 24 Ya̱ rishli rne̱e̱ lo der nu benu tub mbigy trig wayet lag ñi lo yu nu nit loñ, orzeê laab tub ziêl mbigy nac ñii. Tees benu nit loñ, orzeê cuic ñi zañ cosech. 25 Yu nu rash shcab nu ricy ñi presis nu cui mbañ gyishlombecy ii, yu zeê gat yu. Tees yu nu rash shcab nu a̱ê ricy ñi presis nu cui mbañ gyishlombecy ii, yu zeê gad nu cui mbañ yu tub la. 26 Gun benu ca na tub mbecy rlagy yu nu gyicy yu gal nu rne̱e̱, orzeê rlagy ñi nu cyid cay icha̱. Orzeê zeê nu ya̱ zu̱, laabaê zeê gzuy. Nunu Ãgyoozh, uza̱, gyicy mi nu gya gzuy. 27 ‘¡Na deet rac nañ lardo̱o̱! ¿Per la ñuu coz ne̱e̱? ¿A gne̱e̱: “Uza̱, bloo chu de coz nu gzaca̱ na”? ¡Tees laab par gyiê ndeê nu yapa̱ gyishlombecy ii! 28 Uza̱ bicy nu gyed gyel mbecy nir ânam. Orzeê zaab tiê nu mnii Ãgyoozh gashtal gyibaa. Orzeê nam: âBi bicya̱ nu bruu zac gyel mbecy ne̱, nunu gyicya̱ nu gruu zac zir ñi par lo ânam. 29 Orzeê de mbecy zigy nu yuê zeê güeñ dey nu zaab tiê zeê. Orzeê yuê dey nu rniiy nu ndeê guzii. Zeê yuê gaê dey nu mniiy nu ndeê tub anc nu mnii nuy Jesuuz. 30 Orzeê Jesuuz nam rab mi dey: âWalab nu nac ya̱ ndeê nu zaab tiê rnii sinu par nu nac de ru. 31 Na bi pshuub tiem nu gyuê bee nu dzi a̱ê nap de mbecy nu yuê gyishlombecy ii. Nunu na Ãgyoozh gyicy mi gan nuras, yu nu riib ic gyishlombecy ii. 32 Tees ornu caa dey ya̱ lo cruuz, orzeê laab ya̱ gyicya̱ nu gyechaê dela mbecy lo̱ ânam. 33 Ni mod mniim par nu briic mi nu gad lagy dey nu lac mod gat mi. 34 Orzeê na de mbecy zigy zeê rab yum: âDe ub na rad lagy na nu lat de riidz ni leey ni den rniiñ nu MesÃas, biñ nu ca lo cuen nu co mbañ mbecy, cui mbañ mi tub la, rniiñ. Benu ni, orzeê ¿lagu rniir nu ru, biñ nu byac mbecy, caa dey ru lo cruuz, rniir? Orzeê ¿ca na biñ nu byac mbecy nac ru beni? âna de mbecy zeê. 35 Orzeê na gaê Jesuuz rab mi dey: âYa̱, biñ nu rlyuu yaa, gabee chesa̱ ru̱ê sñuu la be dzi lat der. Orzeê zaab za la der lat nu gabee yuê yaa gun orzeê cueê gyet cow ni der. Gun de mbecy nu rded zeê nu cow wagad lagy dey ca par gash yu. 36 Orzeê bicy cup der consuel lo ya̱, biñ nu rlyuu yaa, lat nu gabee rdeda̱ lat der, gun orzeê nac der mbecy nu rded zeê nu yuê yaa ânam. Na ornu blazh mniim de riidz zeê, bruum lat dey nunu guam pcach lom ni dey. 37 Mas Jesuuz bicy mi zañ nusuriidz ily lo dey, tees wangyicy cup dey consuel lom, 38 gun orzeê byuê niñ gal nu pcaa IsaÃas, yu nu mnii por cuen ni Ãgyoozh. Orzeê nay: Ãgyoozh, ¿cyu guña lagy ni de riidz nu mne̱e̱? Nunu ¿Cyu gac gyet lag cuen de coz ily nu gac gyicy ru? na IsaÃas. 39 Ndeê nu wangac ñgyeña lagy dey, gun niê ziêl pcaa IsaÃas: 40 Ãgyoozh nam: “Ya̱ psowa̱ urlo dey. Gun orzeê cueê gac zac dey nu urloy. Nunu bicya̱ nu guton shcab ni dey. Gun orzeê cueê gac gyet lag dey cuen, nis cush cya dey lo̱. Orzeê gyicy napa̱ dey”, na Ãgyoozh. 41 De riidz ii mnii IsaÃas gun bzaac yu gyel lily ni Jesuuz nunu laab mi zeê bzat yu lat de riidz nu bzeeñ yu. 42 Mas ni tees zigy de mbecy zub lo ni de mbecy Israeel bicy cup dey consuel lo Jesuuz. Tees wangyicy dey nu ñgyad lagy de losaêy gun rdzib dey lo de mbecy fariseo gun dzi ga cyuu nu dey yu nañ yuê nu rsyaê dey riidz ni Ãgyoozh. 43 Gun dzi zir yet lagy dey nu grib zily mbecy dey gazeê nu grib zily Ãgyoozh yu. 44 Orzeê Jesuuz ye la mniim. Orzeê nam: âCyu ziêl mbecy nu ricy cup consuel lo ya̱, walab ti lo ya̱ ziêl ricy cup yu consuel, sinu niê ziêl ricy cup yu consuel lo Ãgyoozh, uza̱, biñ nu bzuu nez ya̱. 45 Nunu mbecy nu rzac ya̱, niê ziêl rad lagy yu la na biñ nu bzuu nez ya̱. 46 Ya̱ yapa̱ gyishlombecy ii par nu lyu̱u̱ yaa, gun orzeê dela mbecy nu gyicy cup consuel lo̱, de yu zeê wagyiyeeñ yu zeê nu cow. 47 Tees cyu ziêl mbecy nu gyeñ de riidz nu rne̱e̱, zeê wazuub gyidag yuñ, walab ya̱ ne̱e̱ nu yuê falt niy. Gun walab nu yapa̱ nu ne̱e̱ nu yuê falt ni de mbecy ni gyishlombecy, sinu yapa̱ par nu gloo mbaña̱ dey. 48 Yu nu walagy gac nu ya̱, nunu yu nu wayicy cuen de riidz nu rne̱e̱, de yu zeê bi zu tub coz nu gyicy ñi nu gyuê bee nu yuê falt ni dey. Gun de riidz nu ya̱ mne̱e̱, ndeê gyicy ñi nu gyuê bee nu yuê falt ni dey ornu shuub dzi nu gyaê lo gyishlombecy. 49 Gun ya̱ walab nu rne̱e̱ por cuen ni uba̱, sinu rne̱e̱ de riidz nu mnii Ãgyoozh, uza̱, biñ nu bzuu nez ya̱ nu gne̱e̱, nunu gne̱e̱ ñii mod nu mniim lo̱. 50 Nunu rad lagya̱ nu de coz nu rnii Ãgyoozh, uza̱, ndeê gyicy ñi nu cui mbañ mbecy tub la. Bi güeñ der beni nu de coz nu mne̱e̱, mne̱e̱ ñii lo der gal nu pcaam ya̱ nu ne̱e̱.