San Juan 17

1 Na ornu blazh mnii Jesuuz dela de riidz zeê, orzeê bgüiim par gyibaa. Orzeê nam: âÃgyoozh, uza̱, bi pshuub or ne̱ na. Bicy nu gabe gyel lily ne̱ ya̱, iêñ ru, gun orzeê ya̱ gyicya̱ nu gabe gyel lily ni ru. 2 Gun ru briic ru rishbeey ne̱ nu gyub ica̱ dela mbecy. Gun orzeê gyicya̱ nu cui mbañ dela de yu nu briic ru ne̱ tub la. 3 Nunu mod nu cui mbañ dey tub la, ndeê nu nac nu cuê lo dey ru, biñ nu tub zi la nac, Ãgyoozh rishli, nunu cuê lo dey ya̱, Jesucrisht, biñ nu bzuu nez ru. 4 ‘Ya̱ bicya̱ nu gabe gyel lily nir gyishlombecy ii. Na bi bzaê lo̱ de riiñ nu bduêr ya̱a̱. 5 Ndeê nu, Ãgyoozh, uza̱, gyabicaêr gyel lily ne̱ ornu gri̱ lor, gyel lily nu bicy cupa̱ lor nil nese anzir nu gzub gyiê gyishlombecy. 6 ‘De mbecy nu bloo sur lat de mbecy nu yuê gyishlombecy ii par nu cuic ru dey ne̱, de yu zeê bi brica̱ nu gad lagy dey nu cyu nac ru. Nil nac de yu zeê nir. Zeê na de yu zeê briic ru ne̱. Nunu de yu zeê bzuub gyidag dey de riidz nu rniir, 7 nunu na bi gud lagy dey nu dela coz nu briic ru ne̱, ndeê bruuñ lor. 8 Ya̱ bi mne̱e̱ lo dey de coz nu mniir lo̱, nunu de yu zeê “O” mnii dey. Nunu bi gud lagy dey nu rishli gaal lo ru bru̱u̱. Nunu guña lagy dey nu ru bzuu nez ru ya̱. 9 ‘Na ya̱ rdiña̱ lor nu nac dey. Walab nu rdiña̱ lor nu nac de mbecy ni gyishlombecy. Tees rdiña̱ par de yu nu briic ru ne̱, gun nac dey nir. 10 Dela mbecy nu nac ne̱, niê nac yu nir. Nunu de yu nu nac nir, niê nac dey ne̱. Nunu nu nac de yu zeê rabee de gyel lily ne̱. 11 Ya̱ wacyiiñ tuña̱ê gyishlombecy ii. Tees de yu zeê gyiyeeñ yu gyishlombecy ii lat nu ya̱ yapa̱ cyiiñ du̱ ru. Ãgyoozh, uza̱, biñ yon, mña de yu nu briic ru ne̱ nu mod fert nu ricy cup ru, gun orzeê rishli gaal tub ziêl gac dey nu losaêy gal nu tub ziêl nac ya̱ nu ru. 12 Lat nu pcyiiñ du̱ dey gyishlombecy ii, ya̱ mña̱ dey nu nac tub mod fert nu bruu lor. Mña̱ de yu nu briic ru ne̱. Nunu ni tub la dey wantuneêy, sinu tub zi yu nu nil bi ca lo cuen nu duneê. Gun orzeê gyuê niñ gal nu rniiñ lat de riidz nir. 13 ‘Na ya̱ bi yapa̱ lor. Tees ya̱ rne̱e̱ de riidz ii lor lat nu gabee rcyiiña̱ gyishlombecy ii, gun orzeê dub gal rii la lagy dey gyet lagy yu gal nu ya̱ yet lagya̱. 14 Ya̱ bi brica̱ nu gad lagy dey de riidz nir. Tees de mbecy ni gyishlombecy rzi lagy yu lo dey gun a̱ê zu dey shcab gal nu zu de mbecy nu yuê gyishlombecy ii shcab, como niê ziêl ya̱ a̱ê zu̱ de shcab zeê. 15 Walab nu rdiña̱ lor nu cor dey lat de mbecy nu yuê gyishlombecy ii, sinu rdiña̱ lor nu ña nap ru dey nu cueê shiñ gyicy nu yu nu rnii dey nuras a̱ê nap dey. 16 Gal nu ya̱ a̱ê zu̱ shcab nu zu de mbecy nu yuê gyishlombecy ii, niê ziêl de yu ii a̱ê zu gaê dey shcab zeê. 17 Bzu chu dey par nu gzu bich yu nu nac ru ziêl. Ni bicy nu nac de riidz nu rishli. Gun de riidz nir, ndeê coz rishli. 18 Gal nu ru bzuu nez ru ya̱ lat de mbecy nu yuê gyishlombecy ii, niê ziêl ya̱ gzuu neza̱ dey chay lat de mbecy zeê. 19 Nunu par nu nac de yu ii ricya̱ uba̱ par tub mbecy nu rzu bich nu nac ru ziêl, gun orzeê niê ziêl de yu ii gyac dey mbecy nu rzu bich nu nac ru ziêl. Ni gyicy dey nu nac de riidz rishli nir. 20 ‘Ya̱ walab nu rdiña̱ lor par nu nac de yu ii ziêl, sinu niê ziêl rdiña̱ lor par nu nac de yu nu gyicy cup consuel lo̱ ornu gyeñ dey de riidz nu nii de yu ii. 21 Ãgyoozh, uza̱, ya̱ rdiña̱ lor nu dela de yu ii, tub ziêl gac dey nu losaêy. Niê ziêl tub ziêl gac yu nu de ub na gal nu ru tub ziêl nac ru nu ya̱ nunu ya̱ tub ziêl naca̱ du̱ ru. Nunu tub nac ziêl dey gac yu nu losaêy, gun orzeê de mbecy nu yuê gyishlombecy cheña lagy dey nu ru bzuu nez ru ya̱ yapa̱ gyishlombecy ii. 22 Bicya̱ nu gabe nu nac dey mbecy nu lily na gal nu ru bicy ru nu gabe gyel lily ne̱ ya̱, gun orzeê tub ziêl nac dey nu losaêy gal nu de ub na tub ziêl nac naa. 23 Ya̱ tub ziêl naca̱ du̱ dey, nunu ru tub ziêl nac ru nur ya̱, gun orzeê wayicy falt par ni ñuu miiñ nu tub ziêl gac dey nu losaêy, gun orzeê de mbecy nu yuê gyishlombecy ii gad lagy dey nu ru bzuu nez ru ya̱, nunu tonaê la rcar de yu ii gal nu rca gaêr ya̱. 24 ‘Ãgyoozh, uza̱, ru briic ru de yu ii ne̱, nunu ya̱ rlagya̱ nu cyiiñ dey zeê nu ya̱ cyiiña̱, gun orzeê gzac dey de gyel lily ne̱: gyel lily nu briic ru ne̱. Gun ru rcar ya̱ nese anzir nu bzub gyiê gyishlombecy. 25 Ãgyoozh, uza̱, ru biñ nu dzi nap. De mbecy nu yuê gyishlombecy ii a̱ê yuê lo dey ru. Tees ya̱ yuê lo̱ ru. Nunu niê ziêl de yu ii rad lagy dey nu ru bzuu nez ru ya̱ nu yapa̱ lat dey. 26 Ya̱ bi brica̱ nu gad lagy dey nu cyu nac ru, nunu gric zira̱ nu gad lagy dey par lo, gun orzeê mod nu ru rcar ya̱, laabaê mod zeê ca dey losaêy. Nunu laab ya̱ tub ziêl naca̱ du̱ dey âna Jesuuz rab mi Ãgyoozh.