San Lucas 10

1 Na despuees ni de nu ndeê na, orzeê Shuaan na Jesuuz pcuim setent zub cyup mbecy. Orzeê bzuu nez mi dey nu cha ga dey lom cyup ga dey tub ga gyedz o tub ga lugaar, zeê nu rlagy ñi nu cham. 2 Orzeê nam rab mi dey: âDe mbecy nu yuê ii na na dey gal na tub cosech. Rishli cosech tonaê la sheñ ñi. Tees de mbecy nu gyicy riiñ loñ ñuu zi dey. Ndeê nu bdiiñ der lo Ãgyoozh Shuaan cosech zeê nu gzeed zir mi de mbecy nu teê cosech zeê. 3 Orzeê gua der. Na der gal nu na shily nu zuu neza̱ nu cha lat lob. 4 Cueê cha nu der gyish gyit nir, nunu cueê cha nu der bay tiñ nir. Ni cueê cha nu reñ der gyid lab ru. Nu ca gyiê ziêl der cha nur. Nunu cueê chi glaa der nez nu nii nur losaêr ñgyoozh. 5 Na ornu chuê der nañ tub yuê, orzeê nii nur de mbecy zeê ñgyoozh. Orzeê nii der: “Ãgyoozh zeed mi gyel ri zu lat der”, niir. 6 Benu nañ yuê zeê rcyiiñ mbecy nu wagyet lagy gyel yuu, orzeê gyuê niñ gal nu mnii der. Tees benu walab ni, orzeê wayuê niñ gal nu mnii der. 7 Orzeê laab yuê la zeê gri der. Orzeê la ziêl coz nu yuê ni de mbecy nu yuê zeê gow der nunu goê der. Gun yu nu ricy riiñ yad ñi niy nu gyad iy. Nunu cueê gri der reñ reñ la yuê. 8 Na ornu gruêña der tub gyedz zeê nu shet ic dey nu cyiiñ der na, orzeê gow der la ziêl coz nu cuic dey. 9 Orzeê gyicy yac der de mbecy rat nu yuê zeê. Orzeê nii der lo dey: “Sñuu ga cyid gyel gubier ni Ãgyoozh lat der”, nii der. 10 Zeê benu gruêña der tub gyedz zeê nu washet ic dey nu cyiiñ ru, orzeê cha der lat cay. Orzeê nii der: 11 “¡Mas gashtal de yu gyedz nu yuê gyedz ni der nu taê gyid lab de̱ dib de̱ ñii par nu gabe nu a̱ê nap bicy der! Tees nap gad lagy der nu sñuu ga cyid gyel gubier ni Ãgyoozh lat der”, niir. 12 Ya̱ ne̱e̱ lo der nu ornu shuub dzi nu gri bee Ãgyoozh ni dela mbecy, dzi zir cashtig ily cuic mi ni de mbecy gyedz zeê gazeê ni de mbecy Sodoma. 13 ‘¡Cuaa de ru mbecy gyedz Corazín! ¡Nunu cuaa gaê de ru mbecy Betsaida! Gun benu ñgyicy ya̱ nusuriidz lat de mbecy nu yuê gyedz Tiro nu lat de mbecy nu yuê gyedz Sidón gal nu bicya̱ lat de ru, orzeê bi gulas mneê dey de cyi nu ricy yu. Orzeê nzu dey shab cuiñ yu, nunu ncoo dey diêñ tooy par nu gabe nu ñgyac dey mbecy shni. 14 Tees ya̱ rne̱e̱ lo der ornu shuub dzi nu gri bee Ãgyoozh ni de mbecy, cashtig ily zir cuic mi ni de ru gazeê ni de mbecy nu yuê gyedz Tiro nu Sidón. 15 Zeê de ru mbecy gyedz Capernaum, ¿a rlagy der chup der gal gyibaa? Tees gyet lag der gal zeê nu blaazhaê zir gyi ni gabily. 16 ‘Yu nu rzuub gyidag ni de ru niê ziêl rzuub gyidag yu ne̱ ya̱. Nunu yu nu rzu chu de ru niê ziêl rzu chuy ya̱. Nunu yu nu rzu chu ya̱, niê ziêl rzu chuy Ãgyoozh, biñ nu bzuu nez ya̱ ânam. 17 Orzeê setent zub cyup mbecy zeê gua dey riiñ. Na ornu bish cya dey na, orzeê tonaê la bet lagy dey. Orzeê na dey: â¡Shuaan de̱, gashtal de nuras rzuub gyidag yu ni de̱ ornu rne̱e̱ du̱ de̱ yu nu nac ru! âna dey. 18 Orzeê na Jesuuz: âTees ya̱ bzaaca̱ nuras nu nay gal nu na tub gyi ni guzii nu bruuy gyibaa bet lag yu. 19 Ya̱ bicya̱ nu de ru cyiiñ der nu zar too bily nu too gune, nunu se la la zac der. Nunu bicya̱ nu gyicy der gan dela losaê yuur mas tonaê la fert yu. Nunu se la la coz zac der. 20 Orzeê cueê gyet lagy der nu nac nu rzuub gyidag de nuras ni der, sinu bet zir lagy der gun bi ca nu la der lat de mbecy nu bi ya gyibaa ânam. 21 Laab or la zeê Jesuuz tonaê la yet lagy mi nu nac Espiriit Yon ni Ãgyoozh. Orzeê nam: âÃgyoozh uza̱, biñ nu nac Shuaan gyibaa gal nu gyishlombecy, ya̱ drica̱ gras nir gun ru bicy ru nu gad lagy de yu nu na gal nu na mdoo de coz nu pcach ru lo de yu nu yuê shcab ni, nu lo de yu nu yet lag cuen. Ni bicy ru gun ndeê coz nu rlagy ru ânam rab mi Ãgyoozh. 22 Orzeê nam: âÃgyoozh uza̱ bduêm riiñ ya̱a̱ nu gyub ica̱ dela coz. Nunu ni tub la mbecy wad lagy yu cyu ya̱, iêñ Ãgyoozh. Nomaas Ãgyoozh uza̱, mi zeê rad lagy mi. Nunu niê ziêl wagad lagy dey cyu nac Ãgyoozh, uza̱. Nomaas ya̱ iêñ mi rad lagya̱. Nunu niê ziêl de mbecy nu rica̱ nu gad lagy cyu nac mi, de yu zeê gad lagy dey cyu nac mi ânam. 23 Orzeê gazeê nu bish cyam lo de yu nu rsyaê lom. Orzeê mnii gareñ lam lo dey. Orzeê nam: âDzi ni de mbecy nu zac dela coz nu de ru rzac ru. 24 Gun zigy de mbecy nu mnii por cuen ni Ãgyoozh, gal nu zigy de rey ngulagy dey nzac yu de coz nu de ru rzac ru, tees wansac dey. Nunu ngulagy dey ñgyeñ yu de coz nu reñ de ru, tees wangyeñ dey ânam. 25 Orzeê tub mbecy nu rlyuu leey ni Ãgyoozh gua niiy lo Jesuuz ben a wad tub mod nu riib yu cyi ic mi. Orzeê nay rab yum: âMasht, ¿lac mod rlagy ñi gyicya̱ par nu gad nu cui mbaña̱ tub la? ânay. 26 Orzeê Jesuuz nam rab mi yu: â¿La coz ca lo leey ni Moisees? ¿Lac mod yaruu leey zeê rziir? ânam. 27 Orzeê na mbecy zeê rab yum: âPca Shuaan ru, biñ nu nac Ãgyoozh nir, nu dutuub la lardoor nu dela gyel mbañ nir, nu dela fers nir, gal nu dela shcab nir. Nunu pca losaêr gal nu rcar ub ru ânay. 28 Orzeê na Jesuuz rab mi yu: âNap rnii ru. Benu ni gyicy ru, orzeê gad nu cui mbañ ru ânam. 29 Orzeê mbecy zeê, como rlagy yu gyicy yu nu gabe nu nap yu par lo Ãgyoozh, orzeê nay rab yu Jesuuz: â¿Cyu nac losa̱ê? ânay. 30 Orzeê na Jesuuz rab mi yu: âBzu tub mbecy. Orzeê bruuy gyedz Jericó yay par Jerusaleeng. Orzeê nez nu yay bdzeel yu gubaan. Orzeê de gubaan zeê bgo la dey tooy. Orzeê bloo dey dela suuy. Dela shab yu, dela bloo dey. Gazeê nu bdi su dey yu. Orzeê gazeê nu ya dey. Se nu gat ziêl yu bzeeñ de gubaan zeê ya dey. 31 Zeê yad nu laab ziêl nez zeê bded tub uz. Tees ornu bzaac yu mbecy nu mbish zeê, orzeê zet byach yu zeê nu mbish mbecy nu guud güii zeê. Orzeê yaa lay. 32 Orzeê niê ziêl bruêña tub mbecy nez Leví lugaar zeê. Niê yu zeê nac yu tub yu nu ricy riiñ nañ yuê nu driib zily mbecy Ãgyoozh. Na ornu bzaac yu mbecy nu mbish zeê, orzeê zetaê byach yu zeê nu mbish yu zeê. Orzeê yaa gaê lay. 33 Tees ornu bded tub mbecy Samaria nez zeê, orzeê bzaac yu nu mbish mbecy zeê. Orzeê gushni lagy yuy. 34 Orzeê bechaêy lo mbecy zeê. Gazeê nu bicy nuy mbecy zeê guñaa. Orzeê briily yu asecy nu ñup ni urbyay zeê nu guud güii ni mbecy zeê. Gazeê nu ptiish yu negy zeê nu guud güii ni mbecy zeê. Orzeê briib yu mbecy zeê ich bañcyug niy. Orzeê ya nuy yu nañ tub yuê, zeê nu rgyiiñ mbecy posad. Orzeê laab yu bgüiiy yu. 35 Na tuubaê dzi na, orzeê mbecy Samaria zeê blooy cyup tiñ briic yu ni shuaan yuê zeê. Orzeê nay rab yuy: “Nap ziêl güiir mbecy ii. Nunu benu gyicy zir yu gasht, orzeê ya̱ risha̱ ornu cush cya̱”, nay. 36 Zeê orzeê na, ¿ca na lo chon de mbecy zeê bicy nuy yu nu guud güii zeê gal mod nu rlagy ñi nu gyicy mbecy nu losaêy? ânam. 37 Orzeê na yu nu rlyuu leey zeê rab yu Jesuuz: âYu nu gushni lagy mbecy nu guud güii zeê ânay. Orzeê na Jesuuz rab mi yu: âOrzeê gua nunu niê ziêl gyicy ru ânam. 38 Orzeê ya Jesuuz. Gazeê nu bruêñam tub gyedz. Gyedz zeê rcyiiñ tub fiñ mñaa nu la Mart. Orzeê mniiñ lo Jesuuz nu chuêm nañ yuê niñ. 39 Zeê bily ñii lañ Li. Orzeê gusub ñi yeñ gyiê Jesuuz par nu zuub gyidag ñi de riidz nu rlyuum. 40 Orzeê Mart rchaê ic ñi nu nac nu dzi yuê riiñ ricy ñi. Orzeê bechaêñ lo Jesuuz. Orzeê nañ: âShuaana̱, ¿a wagyicy cuen ru nu bilya̱ dela riiñ bzeeñ ñi nu gyicya̱ ub zi̱? Mnii loñ nu locyuub ñi ya̱ ânaañ. 41 Orzeê na Jesuuz rab mi Mart: âMart, Mart tonaê la rsug ic ru nunu deet rac nañ lardoor nu nac zañ coz. 42 Tees tub zi coz nu ricy ñi presis. Zeê Li pcuiñ tub coz nu nap zir par nu gyicy ñi. Nunu se cyu la gac co niñ ânam.