San Lucas 8

1 Na ornu bded de nu ndeê na, orzeê Jesuuz gusam de gyedz, gal nu de ranch. Orzeê pshaal mi de riidz nu sac ni gyel gubier ni Ãgyoozh. Nunu de trocyup de aposht gusa nu dey mi. 2 Nunu niê la be de biñ mñaa gusa num mi. Lat zeê ri Li nu bruu tub gyedz nu la Magadán. Jesuuz bloo chum gagy nuras lo mi zeê. 3 Nunu niê ziêl ri Wan, mñaa Cuza. Cuza yu zeê yu nu riib ic asunt ni Herodes. Nunu ri gaê Susan lat zeê, gal nu zañ zir biñ mñaa. Orzeê de biñ mñaa zeê rlocyuub dem Jesuuz, gal nu de yu nu rsyaê lom. Rlocyuub dem Jesuuz nu nac de coz nu rad ni dem. 4 Tonaê la zañ mbecy bruu dey ledz yu za dey lo Jesuuz. Orzeê tonaê la mbecy zigy byatublaazh dey lom. Orzeê brugyiê rniim nu riidz tiily. Orzeê nam: 5 âTub mbecy bruuy zay za nuuz yu mbigy. Lat nu rtich yu de mbigy zeê, yuêñ bet lag ñi ruê gyernez. Orzeê mbecy bded yu bzuub gyiêy tooñ. Nunu bruêña chigyiñ bdow ma ñii. 6 Zeê yuê gaêñ bet lag ñi lo yu las ruê nu ri gyitaê par nañ. Orzeê ornu briib ñi na, orzeê guwach ñi, gun a̱ê lyup lo yu. 7 Zeê yuê gaêñ bet lag ñi lat gyech. Orzeê gyech tublaazh la guuly ñi nu de ya mni zeê. Orzeê pcyiig ñi de ya mni zeê. 8 Zeê yuê gaêñ bet lag ñi lo yu nap. Briib ñi nunu guuly ñi. Orzeê tonaê la cosech nap briic ñi. Gashtal tub gaynal mbigy briic tub ga mbigy nu bdunuuz ânam. Orzeê na gaêm: â¡Mbecy nu zub gyidag rlagy ñi gyicy yu nu gyet lag yu cuen! ânam. 9 Orzeê de yu nu rsyaê lom bdugyiê dey lom lac yaruu de riidz tiily zeê. 10 Gazeê nu nam rab mi dey: âÃgyoozh briic mi nu gad lagy de ru de coz ni gyel gubier nim, de coz nu wagad lagy mbecy gulas. Zeê deê zir mbecy ya̱ shaala̱ lo dey nu riidz tiily. Gun orzeê mas zac dey, tees wayuê loy, nunu mas gyeñ dey, tees wayet lag dey cuen ânam. 11 Orzeê nam: âOrzeê na ya̱ ne̱e̱ lo der lac yaruu de riidz tiily zeê. Orzeê de mbigy zeê nañ gal na riidz ni Ãgyoozh. 12 Orzeê de mbigy nu bet lag ruê gyernez, ndeê nañ gal nu na mbecy nu reñ de riidz ni gyel gubier ni Ãgyoozh. Rnii mbecy riidz zeê lo dey, tees orzeê druêña nuras rbooy de riidz zeê nañ lardoo dey, gun orzeê cueê nu cheña lagy dey niñ. Orzeê cueê nu gruu mbañ dey. 13 Zeê mbigy nu bet lag lo yu las ruê nu ri gyitaê par nañ, ndeê nañ gal nu na de mbecy nu reñ de riidz zeê. Orzeê lueg la “O” rniiy nunu yet lagy yu. Tees a̱ê fert yu par nu wacshet riidz zeê sheñ lyuñ nañ lardooy. Orzeê la be ziêl dzi ragyeey. Tees ornu shuub dzi nu gac preb dey, orzeê wagyee dey. 14 Zeê de mbigy nu bet lag lat de ya gyech zeê, ndeê nañ gal nu na mbecy nu rzuub gyidag de riidz zeê. Tees como mbecy zeê dzi zuy shcab ni de coz ni gyishlombecy, nunu como rlagy yu gyicy yu gusht niy, orzeê de ndeê rsoow ñi lo de riidz zeê. Orzeê ndeê nu wacuic riidz zeê cosech nañ lardoo mbecy zeê. 15 Zeê de mbigy nu bet lag lo yu nap zeê, ndeê mbecy nu rzuub gyidag de riidz zeê nu lardooy. Orzeê bicy yac dey niñ. Orzeê briic ñi cosech nap nañ lardoo dey ânam. 16 Orzeê na gaê Jesuuz: âNi tub la mbecy wacaa dey gyi tub candiil nu riiy ñi nañ tub la coz, o nañ tub nuun, sinu zuub dey ñi seêñ, gun orzeê cuic ñi yaa lo de yu nu chuê nañ yuê. 17 Niê ziêl rac nu de riidz nu bruu lo Ãgyoozh. Gun dela de riidz ngach nim gyicy mi nu gad lagy de mbecy, nunu dela de riidz nu wagad lagy dey, shaal mi ñii lo dey. 18 ‘Orzeê nap bzuub gyidag der, gun yu nu ricy cup sheñ, sheñ zir gad niy. Zeê yu nu sac ni, gashtal coz miiñ nu rnii tooy nu gyicy cup yu gruuñ niy ânam. 19 Orzeê bruêña ñaam, nu de bicy mi. Tees wangac ñgyechaê dey lo Jesuuz, gun dzi yuê mbecy lom. 20 Orzeê tub mbecy byooy rishlo Jesuuz. Orzeê nay rab yum: âÃaar nu de bicy ru yuê dey gashtal ich yuê re, nunu rlagy dey zac yu ru ânay. 21 Orzeê na Jesuuz rab mi yu nu byoo rishlom zeê: âYu nu reñ de riidz ni Ãgyoozh nunu “O” rniiy nu rzuub gyidag yuñ, orzeê de yu zeê nac dey bicya̱ nu ña̱a̱ ânam. 22 Tub dzi Jesuuz guêm nañ tub barc nu de yu nu rsyaê lom. Orzeê nam rab mi dey: âYaa der chan gal naa tub laê gaê dzu ruê nisyudoo ânam. Orzeê guê dey nañ barc zeê za dey. 23 Na lat nu za dey na, orzeê Jesuuz gugyit mi nas mi. Orzeê sij la bruêña tub gyey bi ily. Orzeê brugyiê nu rzuê nis nañ barc zeê. Orzeê byarishdzidz nañ barc zeê. 24 Gazeê nu gua cueeñ dey mi. Orzeê na dey rab yum: â¡Masht, masht, bi rnit lo den lo nis! âna dey. Gazeê nu weshtem. Gazeê nu bicy mi mandaar lo bi, nu lo de nguuly lo nis. Orzeê guri bi. Nunu se ri zu la byac. 25 Gazeê nu nam rab mi de yu nu rsyaê lom: â¿La bzaac der? ¿Lagu wagyicy cup der consuel lo̱? ânam. Orzeê tonaê la za nu ic dey nunu gudzib dey. Orzeê na dey rab yu losaêy: â¿Zeê cyu mbecy nac mi ii? Mi ii ricy mi mandaar mas gashtal lo bi nu lo nisyudoo, nunu rzuub gyidag ñi nim âna dey. 26 Orzeê bri dem tub laê gaê ruê nisyudoo, tub lugaar nu la Gerasa nu ri par lo Galilea. 27 Na laab bruu la Jesuuz nañ barc na, orzeê bruu za la tub mbecy yad yu. Bruuy par lat gyedz. Yu zeê tub mbecy nu bicy ni nuras. Orzeê bechaêy lo Jesuuz. Nunu dzi bi rac tiem nu wacsuy shab yu. Nunu walab nañ yuê rcyiiñ yu, sinu lat de blyuu nu rcach dey añ rcyiiñ yu. 28 Na ornu bzaac yu Jesuuz, orzeê gusu tib yu lom. Orzeê dub ruê la nuras zeê rbish tiy. Gazeê nu nay rab yu Jesuuz: â¿La ryub ru yad ru lo̱ Jesuuz, iêñ Ãgyoozh, biñ nu zily zir nac? ¡Ya̱ rnishba̱a̱ lor nu cueê shet zir ya̱! ânay. 29 Ni mniiy, gun Jesuuz mniim lo nuras zeê nu gruchuy lo mbecy zeê. Yad nu tonaê la guzañ ñaên nu ni ricy nuy mbecy zeê. Nunu de mbecy rcyiig dey gyiêy nu yaay nu caden. Tees rshiêñ rshiêñ lay caden. Orzeê nuras zeê ricy yu nu rza mbecy zeê lugaar ub zi. 30 Orzeê na Jesuuz rab mi nuras zeê: â¿La lar? ânam. Gazeê nu nay rab yum: âYa̱ la̱ bee miily ânay. Ni mniiy gun dzi zigy yu bicy niy mbecy zeê. 31 Orzeê de nuras zeê mnishbaa dey lom nu cueê zeed mi dey zeê nu cow. 32 Gun lugaar zeê rded row tub nac cuch zigy. Orzeê nuras zeê mnishbaa dey lo Jesuuz nu cuic mi rishbeey nu chuê dey nañ de cuch zeê. Orzeê gazeê nu briic mi rishbeey ni dey nu chuê dey nañ de cuch zeê. 33 Gazeê nu bruu chu dey lo mbecy zeê. Orzeê guê dey nañ de cuch zeê. Orzeê de cuch zeê rzab la de ma bzu tiily ma par gyoow. Orzeê bet lag de ma lo nisyudoo. Orzeê gut de ma lo nis. 34 Orzeê de yu nu rña de cuch zeê gush dey carer ya niiy de coz nu guc lo de mbecy nu yuê lat gyedz, gal nu lo de mbecy nu yuê ngush. 35 Gazeê nu bruu dey yad güiiy de coz nu guc. Na ornu bruêña dey zeê nu zub Jesuuz na, orzeê bzaac dey mbecy nu bicy ni nuras zeê zub yu yeñ gyiêm. Zuy shab yu, nunu byanap la shcab niy. Orzeê tonaê la gudzib dey. 36 Orzeê dela de mbecy nu bzaac coz nu guc zeê mnii dey lo de mbecy zigy zeê lac mod byac mbecy nu bicy ni nuras zeê. 37 Orzeê dela de mbecy nu yuê lo yu ni Gerasa brugyiê rnishbaa dey lo Jesuuz nu ruum ledz dey, gun tonaê la rdzib dey lom. Orzeê Jesuuz guêm nañ barc zam. 38 Orzeê yu nu bicy ni nuras zeê mnishbaay lom nu cha num yu. Orzeê Jesuuz nam rab mi yu: 39 âYaa lo de famil nir. Orzeê gyoor rishlo dey de coz nu bicy Ãgyoozh num ru ânam. Orzeê mbecy zeê gush nez yu yay. Byooy rishlo dela mbecy nu yuê gyedz zeê de coz nu bicy Ãgyoozh num yu. 40 Na ornu Jesuuz bruêñam tub laê gaê ruê nisyudoo na, orzeê de mbecy zigy nu yuê zeê tonaê la bet lagy dey ornu bruêñam lo dey. Gun dela dey yuê dey rbez yum. 41 Orzeê bruêña tub mbecy nu la Jairo. Yu zeê riib ic yu nañ yuê nu rsyaê mbecy riidz ni Ãgyoozh. Orzeê gugyit tiily yu yeñ gyiê Jesuuz. Gazeê nu mnishbaay lom nu cham yuêy. 42 Gun zu tub zi la iêñ yu, tub fiñ mñaa ñaên trocyup. Orzeê fiñ zeê rat ñi. Se nu gat ziêl lañ. Orzeê rlagy yu nu gyicy yac mi ñii. Orzeê Jesuuz za num yu, nunu tonaê la mbecy zigy za nu dey mi gal rcyiêñ su la dey mi. 43 Orzeê lat de mbecy zeê ri tub biñ mñaa nu bi bzaê trocyup ñaên nu rshu reñ mi. Nunu mniit mi dela tiñ nim lo doctoor, tees ni tub la dey wangac ñgyicy yac dey mi. 44 Orzeê biñ mñaa zeê bechaêm par ich Jesuuz. Orzeê gul yaam ruê shab mi. Orzeê laab or la zeê guca reñ zeê. 45 Orzeê Jesuuz nam: â¿Cyu gul yaa ya̱? ânam. Orzeê dela mbecy mnii dey nu walab dey gul yaay mi. Orzeê na Bed rab yum: âMasht, de mbecy dub yub la rcyiêñ su dey ru ânay. 46 Tees Jesuuz bzu fert mi. Orzeê nam: âCa zi na mbecy gul yaa ya̱. Gun gud lagya̱, nu nac nu bruu fers ne̱ ânam. 47 Orzeê ornu gud lagy biñ mñaa zeê nu wacaê cach lom lo Jesuuz, orzeê za laam gusu tib mi lom. Nunu rash la bis mi. Orzeê mniim lo de mbecy zigy zeê la gyiê nu gul yaam shab Jesuuz. Nunu mnii gaêm nu byac mi laab or la zeê. 48 Gazeê nu na Jesuuz rab mi biñ mñaa zeê: âBiñ mñaa, ru byac ru gun bicy cup ru consuel lo̱. Orzeê dub gusht la yaa ânam. 49 Lat nu gabee rnii ruê Jesuuz nu biñ mñaa zeê, orzeê bruêña tub mbecy nu biid nu raso̱o̱, yu nu bruu gashtal yuê Jairo, yu nu riib ic zeê. Orzeê nay rab yu Jairo: âIêñ ru bi guut ñi. Orzeê cueê gaê gyicy seed zir ru masht ânay. 50 Tees Jesuuz güeñ mi nu ni mniiy lo Jairo. Orzeê nam rab mi Jairo: âCueê dzib ru. Bicy cup ziêl consuel lo̱. Orzeê iêñ ru gyac ñi ânam. 51 Na ornu bruêñam yuê Jairo na, orzeê wansaanaêm nu chuê zir mbecy nañ yuê zeê nu mbish fiñ nguzh zeê. Nomaas guê num Bed nu Santiag, nu Waa, gal nu uz fiñ nguzh zeê gal nu ñaañ. 52 Orzeê dela mbecy nu nguaa zeê ricy shni dey, nunu ruun dey nu nac fiñ nguzh zeê. Orzeê nam rab mi dey: âCueê gun der. Fiñ nguzh ii nu nas ziêl ñi. Walab nu guut ñi ânam. 53 Orzeê brugyiê nu rigy nu ñaañ dey mi, gun gud lagy dey nu gut fiñ nguzh zeê. 54 Orzeê bduê yaam yaañ. Gazeê nu ye la mniim. Orzeê nam rab mi ñii: â¡Fiñ nguzh, weshte! ânam. 55 Orzeê byabañ fiñ nguzh zeê. Orzeê lueg la weshteñ. Orzeê Jesuuz bicy mi mandaar nu cuic dey coz nu goñ. 56 Orzeê de mbel ni fiñ nguzh zeê za nu la ic dey. Tees Jesuuz bduêm riiñ yaa dey nu cueê la nii dey lo ni tub la mbecy de coz nu guc zeê.