San Mateo 11

1 Na ornu blazh bduê Jesuuz riiñ yaa de yu nu rsyaê lom, orzeê bruum zam. Za lyuum nunu za shaal mi de riidz nu druu lo Ãgyoozh lo de mbecy nu yuê de gyedz gaab ga ni de lugaar zeê. 2 Na Waa nu briib nis mbecy bet lag yu pres. Na ornu güeñ yu de coz nu ricy Crisht na, orzeê bzuu nez yu la be de yu nu rsyaê loy nu cha tugyiê dey lom, 3 ben a laab mi biñ nu ca lo cuen nu cyid, o ti cuez dey nu cyid reñaêm. 4 Na ornu gua dey bdugyiêy lo Jesuuz, orzeê nam rab mi dey: âYaa nii der lo Waa de coz nu rzac der gal nu de coz nu reñ der. 5 Yaa nii der loy nu de lo caê bi rzac dey; de mbecy coj rac rza nap la dey; de mbecy nu rat nu taê gyedz nu la lepra byac dey; de go̱ê bi reñ dey; de yu nu bi gut byabañ yu tuubaê tir; nunu rdunii de riidz nu sac ni Ãgyoozh lo de mbecy zi. 6 Dzi ni de mbecy nu wayeca nu ricy cup consuel lo̱ ânam. 7 Na ornu bi ya de yu zeê, orzeê Jesuuz bzat mi Waa lo de mbecy zigy. Orzeê nam: âOrnu gua der gua güiir Waa tub lugaar ub zi, ¿la nay guzii der? ¿Uti a guzii der nu nac yu mbecy nu ricy cyup ic gal nu na tub yagyi nu rguul bi par re par ii guzii der? 8 Zeê benu walab, orzeê ¿la na tub mbecy nu gua güii der? ¿A gua güii der tub mbecy nu zu tub negy cyit na? Walab ni, gun rad lagy der nu yu nu zu negy cyit na, yu zeê rcyiiñ yu yuê rey. 9 ¿Orzeê la gaal na tub mbecy gua güii der? ¿A gua güii der tub yu nu rnii por cuen ni Ãgyoozh? Laab, nunu ya̱ rne̱e̱ lo der nu zily zir nac Waa gazeê de yu nu mnii por cuen nim. 10 Gun laab Waa rzat riidz ni Ãgyoozh zeê nu rniiñ: Ãgyoozh nam rab mi biñ nu ca lo cuen nu co mbañ mbecy: “Ya̱ zuu neza̱ yu nu nii por cuen ne̱ nu cha gay lor, gun orzeê zu lily yu nez nu char”, nam. Ni rnii riidz ni Ãgyoozh. 11 ‘Gun ya̱ rishli rne̱e̱ lo der nu ni tub la mbecy nu pcyiiñ gyishlombecy ii a̱ê zily zir nac yu gazeê Waa nu briib nis mbecy par lo Ãgyoozh. Tees yu nu gash zir zu lat de yu nu gyub ic Ãgyoozh, yu zeê gya zir zuy par Waa nu briib nis mbecy. 12 ‘Gun nese tiem nu Waa brugyiêy nu rshaal yu riidz ni Ãgyoozh, nunu gashtal dzi na, za rii la rdeê mbecy lo de yu nu riib ic Ãgyoozh. Nunu fert la pshet yaa dey yu ben a wazaê lo dey yu. 13 Gun dela riidz nu mnii de yu nu mnii por cuen ni Ãgyoozh nu de leey nu bzeeñ Moisees bzat ñi gyel gubier nim gal pshuub la dzi nu bri Waa. 14 Ndeê nu ne̱e̱ lo der ben a wayeña lagy der nu Waa nac yu Elías, yu nu ca lo cuen nu cyid. 15 Benu ca na der zub gyidag ru, orzeê bicy der nu gyet lag ru cuen. 16 ‘Na, ¿la ñuu tub coz nu saapa̱ de mbecy nu yuê tiem na? Na dey gal nu na de yu nguzh nu nguaa rgyit lat yagyiê. Lat nu rtub su losaê dey, orzeê ye ga la rbish ti dey nguaay, orzeê na dey rab yu losaêy: 17 “Bla̱a̱ de̱ di gyel cyit nu bdzi, tees wangul gyiê der. Na ornu bdul ru̱ê de̱ tub di nu shni za, ni wanguun der”, rnii dey nguaay. Gun de mbecy nu yuê tiem na wangalagy dey ni tub la mod. 18 Gun Waa biid yu. Wangoow nap yu nunu wangoêy ñup. Orzeê rnii dey nu tub nuras riib ic yuy. 19 Zeê ornu ya̱, biñ nu byac mbecy, bri̱, orzeê ya̱ rda̱w la ziêl coz nunu rdo̱ê la ziêl ñup. Orzeê rnii dey nu naca̱ mbecy row shaad nunu mbecy roê ñup, nunu naca̱ amig ni de mbecy bduneê nunu naca̱ amig ni de yu nu rboo tiñ por cuen ni gubier Rom. Orzeê ni tub la mod wangyet lagy dey. Tees rabee nu de mod nu psaê lagy Ãgyoozh ndeê mod nap nu nac nu gruu nap ñi ânam. 20 Orzeê Jesuuz brugyiê rshuu num de mbecy nu yuê gyedz zeê nu bicy zir mi nusuriidz, gun wanneê dey de cyi nu ricy yu. Orzeê nam rab mi dey: 21 â¡Cuaa de ru mbecy nu yuê gyedz Corazín! Nunu, ¡cuaa de ru mbecy gyedz Betsaida! Gun benu ñgyicya̱ nusuriidz lat de mbecy nu yuê gyedz Tiro nu gyedz Sidón gal nu bicya̱ lat de ru, orzeê bi gulas nneê dey cyiy. Orzeê nzu dey shab cuiñ yu nunu ncoo dey diêñ tooy par nu gabe nu ñgyac dey mbecy shni. 22 Tees ya̱ rne̱e̱ lo der nu dzi nu gri bee Ãgyoozh ni de mbecy, cashtig ily zir cuic mi ni de ru gazeê ni de mbecy nu yuê gyedz Tiro nu Sidón. 23 Zeê de ru mbecy nu yuê gyedz Capernaum, ¿a rlagy der chup ru gal gyibaa? Tees de ru gyet lag der zeê nu blaazhaê zir gyi ni gabily. Gun zeê benu ñgyicya̱ nusuriidz gyedz Sodoma gal nu bicya̱ lat de ru, orzeê gabee ri ruê gyedz zeê na. 24 Tees ya̱ rne̱e̱ lo der nu dzi zir cashtig ily cuic Ãgyoozh ni de ru ornu shuub dzi nu gri beem ni der, gazeê ni de mbecy nu guê Sodoma ânam. 25 Orzeê tiem zeê Jesuuz nam: âÃgyoozh, uz de̱, biñ nu nac Shuaan gyibaa gal nu gyishlombecy ii, ya̱ drica̱ gras nir gun bicy ru nu rad lagy de yu nu na gal nu na mdoo de coz nu pcach ru lo de yu nu rad lagy nu lo de yu nu yet lag cuen. 26 Ni bicy ru gun ndeê coz nu rlagy ub ru ânam rab mi Ãgyoozh. 27 Orzeê nam rab mi de mbecy: âÃgyoozh, uza̱, bguêm dela coz ya̱a̱, gun ni tub la mbecy wagad lagy dey lac na ya̱, iêñ mi sinu tub zi Ãgyoozh, uza̱ rad lagy mi lac na ya̱ nim. Nunu se cyu la rad lagy lac na Ãgyoozh. Sinu tub zi ya̱, iêñ mi rad lagya̱ lac nam. Nunu cyu ziêl mbecy nu rlagya̱ gac lyuum loy. 28 Da der lo̱, de ru mbecy nu na gal nu na mbecy gutsiñ nunu de ru mbecy nu na gal nu na mbecy nu nuu yuu, gun ya̱ grica̱ nu zu lagy der. 29 Gush der yug nu grica̱ nir nunu psyaê der lo̱ gun ya̱ pase̱za̱ nunu gugy na̱ nañ lardo̱o̱, gun orzeê gad nu zu lagy der nañ lardoor. 30 Gun yug nu grica̱ ni der ndeê a̱ê fers cha nu der ñii nunu yuu nu grica̱ gu der, ndeê yuu dzach âna Jesuuz.