San Mateo 16

1 Orzeê bruêña gaê de mbecy fariseo nu de mbecy saduceo lo Jesuuz. Brugyiê rgugyiê dey lom par nu gyicy dey preb mi. Bdiiñ dey lom nu gyicy mi tub nusuriidz baa par nu gabe nu Ãgyoozh nac num mi. 2 Tees Jesuuz nam rab mi dey: âOr nu bi za doo, orzeê rnii der: “Nap zu ina gun bi taê za ña par zeê nu za doo”, rnii der. 3 Nunu or zaê yu rnii der: “Dzi na gyet gyey gun zu cow de ruê baa nunu taê za ña”, rnii der. ¡Mbecy rzuu lo! Rad lagy der lac yaruu de muesht nu taê baa, tees wagad lagy der lac yaruu de muesht nu ricy nu gabe la tiem. 4 Par de mbecy a̱ê nap, de yu nu wagyicy paa nu yuê tiem na, rgyiiñ dey tub nusuriidz, tees wad ñi ni dey; nomaas nusuriidz ni Jonás, yu nu mnii por cuen ni Ãgyoozh, ndeê ziêl nusuriidz nu gad ni dey ânam. Orzeê Jesuuz bruum lat dey zam. 5 Na ornu de yu nu rsyaê lom bi gul dey tub laê gaê ruê nisyudoo, orzeê mnit lagy dey cha nuy gyishtily. 6 Orzeê na Jesuuz rab mi dey: âBduê cuen der nunu bicy cuidad der nu lebadur ni de mbecy fariseo nu de mbecy saduceo ânam. 7 Orzeê de yu nu rsyaê lom brugyiê ro dey riidz nu losaêy. Gazeê nu na dey: â¿Ti walab nu a̱ê dun gyishtily, ndeê nu ni rniim? âna dey. 8 Tees Jesuuz gud lagy mi de coz nu mnii dey. Orzeê nam rab mi dey: â¿Lagu rnii der nu wangyiid nur gyishtily? ¿A ndeê nu ni rne̱e̱ rzii der? ¡Dzi ga consuel miê ricy cup der lo̱! 9 ¿A gaal zi gabee wagyet lag der cuen? ¿A wagyezaê lagy der ni gaay gyishtily nu bleza̱ lat gaay miily mbecy? Zeê ¿la be chicyiw pteê der? 10 Nunu niê ¿a wagyezaê lagy der ni gagy gyishtily nu bleeza̱ lat tap miily mbecy? Zeê ¿la be chicyiw de nu brusub pteê der? 11 ¿Walab gaal wangyet lag der cuen nu walab gyishtily bzata̱ lo der ornu mne̱e̱ lo der nu bicy cuidad der nu lebadur ni de mbecy fariseo nu de mbecy saduceo? ânam. 12 Orzeê bet lag dey cuen nu Jesuuz walab nu bzat mi lebadur nu yuê nañ gyishtily; sinu bzat mi de riidz nu rlyuu de mbecy fariseo nu de mbecy saduceo. 13 Ornu bruêña Jesuuz lo de yu nu yuê gaab ga Cesarea ni Felipo, orzeê nam rab mi de yu nu rsyaê lom: â¿Cyu rnii de mbecy nu nac ya̱, biñ nu byac mbecy? ânam. 14 Orzeê na dey: âYuê mbecy nu rniiy nu ru Waa nu briib nis mbecy. Zeê yuê gaê dey rniiy nu ru Elías. Zeê yuê gaê dey rniiy nu ru Jeremías, o ca ziêl na de yu nu mnii por cuen ni Ãgyoozh, rnii dey âna dey. 15 âZeê de ru ¿cyu rnii der nu naca̱? ânam. 16 Orzeê na Bed rab yum: âLaab ru Mesías, iêñ Ãgyoozh mbañ, biñ nu ca lo cuen nu gzeed Ãgyoozh nu co mbañ de mbecy nim âna Bed. 17 Orzeê na Jesuuz: âDzi nir Simo̱o̱, iêñ Jonás, gun ni tub la mbecy wancuic yu nu gad lagy ru, sinu Ãgyoozh uza̱ nu zub gyibaa briic mi nu gad lagy ru. 18 Ya̱ ne̱e̱ lor nu ru Bed, tub mbecy nu na gal nu na tub gyitaê. Nunu dela mbecy nu nac nu gyitaê zeê nac dey mbecy ne̱. Nunu de yu zeê mas gat dey tees wanit loy. 19 Nunu ya̱ rica̱ rishbeey nir par nu shaal ru nez nu chuê mbecy lat de yu nu riib ic Ãgyoozh. La ziêl mod nu ricy mbecy, benu ru niir nu walab ni rlagy ñi gyishlombecy ii, orzeê niê ziêl gashtal gyibaa walab ni rlagy ñi nii Ãgyoozh. Nunu la ziêl coz nu ru niir nu laab ni gyishlombecy ii, orzeê niê ziêl laab ni nii Ãgyoozh gashtal gyibaa ânam. 20 Orzeê Jesuuz mniim lo de yu nu rsyaê lom nu cueê nii dey lo ni tub la mbecy nu nac mi Mesías, biñ nu ca lo cuen nu co mbañ mbecy. 21 Nese tiem zeê Jesuuz brugyiê rniim lo de yu nu rsyaê lom nu rlagy ñi nu gyam Jerusaleeng. Nunu mniim nu de yu bel ni de mbecy Israeel, nu de uz zub lo, nu de yu nu rlyuu leey ni Moisees, de yu zeê gyicy dey nu tonaê la gzac zim. Orzeê mniim nu cut dey mi tees nañ chon dzi gyabañ mi. 22 Orzeê Bed gua nu reñ yu Jesuuz. Gazeê nu fert mniiy tub riidz lom. Orzeê nay rab yum: â¡Shuaan de̱, cueê zaan yaa Ãgyoozh nu rila cueê ni zac ru! ânay. 23 Orzeê Jesuuz bish cyam mniim loy. Orzeê nam: â¡Bruu chu lo̱ ii nuras! Ricy ru nu yabiigy zir coz nu rlagy ñi gyicya̱, gun shcab nir wasaap ñi shcab ni Ãgyoozh; sinu shcab nir ndeê shcab nu ricy cup mbecy ziêl ânam. 24 Orzeê Jesuuz nam rab mi de yu nu rsyaê lom: âBenu ca na mbecy rlagy yu nu gac yu mbecy nu rsyaê lo̱, orzeê rlagy ñi nu cueê gyicy cuen yu coz nu rlagy ub yu. Nunu rlagy ñi nu shet ic yu nu gzac ziy nu nac ya̱. Orzeê rlagy ñi gyicy yu gal nu rlagya̱. 25 Gun yu nu rlagy co nap ub, yu zeê nit loy. Tees yu nu nit lo nu nac ya̱, yu zeê rishli gruu mbañ yu. 26 Gun ¿la rusub ni mbecy benu gyicy yu gan dela coz nu yuê gyishlombecy, tees lardooy duneêñ? ¿Nunu la coz gac cyish mbecy nu gyad lardooy? 27 Gun ya̱ biñ nu byac mbecy sñuu ga yapa̱ nu gyel lily ni Ãgyoozh uza̱ nu de anc nim. Orzeê gazeê nu ya̱ gyabica̱ i tub ga la de mbecy dub gal nu na coz nu bicy dey. 28 Gun ya̱ rish li rne̱e̱ lo der nu la be de mbecy nu yuê lat der ii na la, wat dey gashtal zac la dey ya̱, biñ nu byac mbecy nu yapa̱ mod ni tub rey ânam.