San Mateo 25

1 ‘Mod nu rac nu gyel gubier ni Ãgyoozh, ndeê nañ gal nu na mod nu guc nu tii fiñ feñ. Gush deñ candiil niñ gua cheel ñi nob. 2 Na gaay ñi nac ñii fiñ ndeja̱d. Zeê gaayaê deñ nac ñii fiñ cuidad. 3 Orzeê de fiñ ndeja̱d zeê za nu deñ candiil niñ. Tees wancha nu sheñ deñ asecy par nu nchaa gaê deñ nañ candiil niñ tuubaê tir. 4 Zeê de fiñ cuidad zeê za nu deñ candiil niñ gal nu sheñ asecy. 5 Na ornu bded tiem nu wangri nob zeê, orzeê brugyiê nu ryeed pcaal deñ. Orzeê gush pcaal delañ. 6 Na ornu bi yad razeel rel, orzeê brugyiê rbish ti mbecy: “¡Bi yeed nob! ¡Bruu der nu cha cheel ru nob!” rnii dey. 7 Orzeê dela de fiñ feñ zeê wesh te deñ carer, nunu bzu nap deñ candiil niñ. 8 Orzeê de fiñ ndeja̱d zeê nañ rab ñi de fiñ cuidad zeê: “Doo ñuu asecy ni der ne̱ de̱, gun ryuu candiil ne̱”, naañ. 9 Orzeê na de fiñ cuidad zeê: “Waric de̱ asecy. Gun ni par de̱ ya̱ wal ñii, zeê yegar par de ru. Gua der lo mbecy nu rut asecy. Orzeê lo mbecy zeê zi der ñii nir”, na deñ. 10 Tees lat nu gua zii de fiñ ndeja̱d zeê asecy niñ, lat zeê bri la nob. Orzeê de fiñ nu bzu lily zeê guê deñ nu nob lo fandang. Orzeê byoow roê. 11 Na ornu byoow roê, orzeê bri gaayaê de fiñ ndeja̱d zeê. Orzeê na deñ taêñ gyeroê: “Pshaal ñuu roê ne̱ de̱”, na deñ. 12 Tees orzeê na nob zeê: “Ya̱ rishli a̱ê yuê lo̱ de ru”, nay âna Jesuuz. 13 Orzeê na gaêm: âOrzeê rlagy ñi gac der mbecy nu rzu altant, gun ni wagad lagy der ni ca dzi ni ca na or yap ya̱, biñ nu byac mbecy, tuubaê tir ânamâ. 14 ‘Mod nu rac nu gyel gubier ni Ãgyoozh, ndeê nañ gal nu na mod nu bzac tub mbecy nu gua biaj. Ornu bi zuu lay nu chay tub lugaar, orzeê bredz yu dela moz niy nu bduêy riiñ yaay nu ñay dela suuy. 15 Orzeê tub yu briic yu gaay tant tiñ niy. Zeê tuubaêy briic yu cyup tant tiñ niy. Zeê tuubaêy briic yu tub tant tiñ niy. Dub gal mod nu rlyu nu cyiiñ tub ga dey dub ni tiñ briic yu ni dey. Orzeê gush nez yu zay. 16 Na moz nu guud gaay tant tiñ ni zeê, lueg la guay bicy yu dalje̱z nu tiñ zeê. Orzeê bicy yu gan tub gaayaê tant tiñ. 17 Niê ziêl bicy moz nu guud cyup tant tiñ ni zeê. Orzeê bicy yu gan tub cyupaê tant gal nu guud niy. 18 Tees yu nu guud tub tant ni zeê, orzeê yay bduuñ yu gyegy nu pcach yu tiñ ni patro̱o̱ niy. 19 ‘Na ornu bi rac zañ tiem, orzeê bri patro̱o̱ zeê. Orzeê bzaê loy nu de moz zeê niy. 20 Nu loga la bruêña yu nu guud gaay tant tiñ ni zeê. Orzeê byabic yu gaay tant nu za nuy zeê gal nu tub gaayaê tant iêñ ñi. Orzeê nay rab yu patro̱o̱ niy: “Ru briic ru gaay tant ne̱. Na ii gaê tub gaayaê tant nu bicya̱ gan”, nay. 21 Orzeê patro̱o̱ zeê nay rab yuy: “Nap tonaê la. Ru nac ru tub moz nu ricy paa. Na par nu bicy paar nu ñuu miê nu briica̱ nir, na riiñ ily zir grica̱ nu gyicy ru. Gyeed gun gyet lagy ru nur ya̱”, na patro̱o̱. 22 Orzeê bruêña gaê yu nu guud cyup tant ni zeê. Orzeê nay rab yu patro̱o̱ niy: “Ru briic ru cyup tant ne̱. Ndeê nu gyash ru ñii nir, gal nu cyupaê tant nu bicya̱ gan”, nay. 23 Orzeê na patro̱o̱ niy rab yuy: “Nap tonaê la. Ru nac ru tub moz nu ricy paa. Na par nu bicy paar nu ñuu miê nu briica̱ nir, ndeê nu na riiñ ily zir grica̱ nu gyicy ru. Na gyeed gun gyet lagy ru nur ya̱”, na patro̱o̱. 24 ‘Tees ornu bruêña gaê yu nu guud tub tant tiñ ni zeê, orzeê nay rab yu patro̱o̱ niy: “Ya̱ rad lagya̱ nu ru nac ru tub mbecy nu dzi cyigy lardoo. Gun ru wagyicy ru riiñ, tees rboor gana̱z ni de moz nir. 25 Orzeê gudziba̱. Ndeê nu ya̱ pcacha̱ tiñ nir lo yu. Ndeê nu ii gyash ru ca na nu nir”, nay. 26 Orzeê patro̱o̱ zeê nay rab yuy: “Dzi ga mbecy zed nac ru. Dzi ga a̱ê nap ru, benu ru rad lagy ru nu ya̱ ryasha̱ de gana̱z ni de moz ne̱, mas wagyicy uba̱ riiñ. 27 Orzeê ¿lagu wanchar ñgya seeñ ru tiñ zeê nañ banc? Gun orzeê ornu ndri̱ gyabic ru tiñ ne̱ nu ñuu iêñ ñi”, nay. 28 Orzeê na patro̱o̱ rab yu de yu nu yuê zeê: “Bloo der tub tant tiñ nu ri yaay. Briic der ñii ni yu nu ricy cup tii tant. 29 Gun mbecy nu bi ricy cup gad zir ñi niy nunu gashtal grusubaê lañ niy. Zeê mbecy nu sac ni gashtal coz miiñ nu ricy cup yu gruuñ niy. 30 Zeê moz wacyiiñ ii, bloo der yu chay ich yuê, zeê nu cow. Zeê gun yu nunu siigy lay yu”, nay âna Jesuuzâ. 31 ‘Ornu ya̱, biñ nu byac mbecy, chuê nu gaca̱ rey, orzeê yapa̱ nu de anc ne̱ nunu chesuba̱ nu gyub ica̱ de mbecy lugaar zeê nu yuê gyel lily ne̱. 32 Orzeê dela mbecy ni gyishlombecy gyatublaazh dey lo̱. Orzeê ya̱ glewa̱ dey nu gyac cyup nac yu gal nu ricy tub mbecy nu rña shily nu co reñ yu shily lat de chiib. 33 Orzeê ya̱ zeeda̱ de shily par yaa be̱e̱. Zeê de chiib zeeda̱ ma par yaa rega̱. 34 Orzeê ya̱ biñ nu nac rey, ne̱e̱ lo de mbecy nu yuê par yaa be̱e̱: “Da der gun Ãgyoozh, uz den, nap ricy num der. Gush der gyel nap nu bi bzu ye Ãgyoozh ni der zeê nu riib ic mi nese anzir nu gzub gyiê gyishlombecy. 35 Gun ya̱ byana̱, zeê de ru briic ru coz nu da̱w. Ya̱ bigya̱ nis, zeê de ru briic ru nis do̱ê. Ya̱ guca̱ mbecy zu nez, zeê de ru bredz ru ya̱ nu gua̱ yuêr. 36 Ya̱ bicy falt shaba̱, zeê de ru briic ru shaba̱. Ya̱ gurata̱, zeê de ru biid güii der ya̱. Ya̱ bet laga̱ nañ yuê gyiib, zeê de ru biid zaab lo der ya̱”, ne̱e̱. 37 Orzeê de mbecy nap nu yuê par yaa be̱e̱ nii dey: “Shuaan de̱, ¿gul bzaac de̱ ru nu ran ru, zeê briic de̱ coz nu gow ru? O ¿gul bzaac de̱ ru nu rbigy ru nis, zeê briic de̱ nis goêr? 38 O ¿gul bzaac de̱ ru nu zu nez ru, zeê briic de̱ posad nir? O ¿gul bicy falt shab ru, zeê bric de̱ ñii nir? 39 O ¿gul bzaac de̱ ru gurat ru, o gul bzaac de̱ ru rir yuê gyiib, zeê gua zaab lo de̱ ru?” nii dey. 40 Orzeê ya̱, biñ nu nac rey, ne̱e̱ lo dey: “Ya̱ rishli rne̱e̱ lo dela de ru mbecy nu ni bicy nu de bicya̱, de mbecy nu blaazhaê zir mbecy shni, orzeê niê ziêl bicy nu der ya̱”, ne̱e̱. 41 ‘Orzeê ya̱, biñ nu nac rey, ne̱e̱ lo de mbecy nu yuê par yaa rega̱: “Bruu chu de ru lo̱ ii, de ru mbecy nu bzaa lagy Ãgyoozh ni. Gua der lo gyi nu rila wayu: lo gyi nu bzu ye Ãgyoozh par nuras nu de anc niy. 42 Gun ya̱ byana̱, zeê de ru wancuic der nu da̱w. Ya̱ bigya̱ nis, zeê de ru wancuic ru nis do̱ê. 43 Ya̱ guca̱ mbecy zu nez, zeê de ru wancuedz ru ya̱ nu cha̱ yuêr. Ya̱ bicy falt shaba̱, zeê de ru wancuic der ñii ne̱. Ya̱ gurata̱ nunu betlaga̱ nañ yuê gyiib, zeê de ru wancyiid güii der ya̱”, ne̱e̱. 44 Orzeê nii dey lo̱: “Shuaan de̱, ¿gul bzaac de̱ ru nu ran ru, o nu bigy ru nis, o nu zu nez ru, o nu sac shab ru, o nu rat ru, o nu rir nañ yuê gyiib, zeê wanlocyuub de̱ ru?” nii dey. 45 Orzeê ya̱, biñ nu nac rey, ne̱e̱ ga̱ê lo dey: “Ya̱ rishli rne̱e̱ lo der nu la ziêl tiem nu wanlocyuub der mas ñuu tub de mbecy nu blaazhaê zir mbecy shni, orzeê niê ziêl wanlocyuub der ya̱”, ne̱e̱ lo dey. 46 Orzeê de yu zeê gyet lag dey lo cashtig nu rila wayeca. Zeê de mbecy nap gad nu cui mbañ dey lo Ãgyoozh tub la ânam.