San Mateo 28

1 Na or bded sab, dzi nu rzu lagy mbecy, ornu bzaê yu noming napor, orzeê Li nu bruu Magadán, nu tuubaê Li gua dem gal ruê baa ni Jesuuz. 2 Orzeê de repent la briib tub duru ily. Orzeê bruu tub anc ni Ãgyoozh gashtal gyibaa. Bet yu lo yu. Orzeê ptuyub yu gyitaê nu rsoow ruê gyerbaa zeê. Gazeê nu gusub yu tooñ. 3 Anc zeê rabeey gal nu rabee gyi ni guzii. Zeê shab yu, ndeê tub negy cacy iily laa. 4 Na ornu bzaac de soldad anc zeê, orzeê gush la bis dey nu tantaê gudzib yu. Orzeê bdzoêw la dey. 5 Orzeê anc zeê nay rab yu de biñ mñaa zeê: âCueê dzib der. Ya̱ rad lagya̱ nu de ru ryub der Jesuuz, biñ nu gut lo cruuz. 6 Sacaêm ii. Bi byabañ mi gal nu mniim nu gzac mi. Orzeê da der da güiir lugaar zeê nu bri dey mi. 7 Orzeê na gaê anc zeê: âDzach zi der yaa niir lo de yu nu rsyaê lom. Niir nu Jesuuz bi byabañ mi. Orzeê mi zeê bi ya gam lo der par Galilea. Re zac der mi. Ni niir lo dey. Ndeê coz nu ca lo cuen nu ne̱e̱ lo der âna anc zeê. 8 Orzeê dzach bruu dem ruê baa zeê yam carer. Gudzib dem tees niê ziêl tonaê la yet lagy dem. Orzeê ya dem carer ya num raso̱o̱ lo de yu nu rsyaê lo Jesuuz. 9 Orzeê sij la bruu zac Jesuuz lo dem. Orzeê nam: âShnu ru ânam rab mi biñ mñaa zeê. Orzeê de mi zeê bechaêm lo Jesuuz. Orzeê bduyaa dem yeñ gyiêm nunu pca dem mi. 10 Orzeê na Jesuuz rab mi de biñ mñaa zeê: âCueê dzib der. Yaa nii der lo de bicya̱ nu gya dey Galilea. Orzeê zeê zac dey ya̱ ânam. 11 Na lat nu bi ya de biñ mñaa zeê, orzeê la be de soldad nu mña ruê baa zeê byay nu bya tooy riidz lo de uz zub lo dela de coz nu guc. 12 Orzeê de uz zub lo zeê guay gua tooy rishlo de yu bel ni de mbecy Israeel par nu gyicy dey tub ziêl riidz. Orzeê sheñ tiñ briic dey ni de soldad. 13 Orzeê na dey rab yu de soldad zeê: âRlagy ñi nii der nu de yu nu rsyaê lo Jesuuz, gua dey rel, orzeê bloo dze dey cuerp ni Jesuuz lat nu nas der. 14 Nunu benu gyeñ Pilato, yu nu riib ic, nu ni mod bzac der, orzeê de̱ ya̱ cyaag de̱ ic yu, gun orzeê de̱ ya̱ soow su̱ de ru loy âna dey. 15 Orzeê de soldad zeê gush dey de tiñ zeê. Orzeê bicy dey gal nu mnii de uz zub lo zeê. Orzeê riidz nu mnii de soldad zeê, ndeê riidz nu zaab lat de mbecy Israeel mas gashtal dzi na. 16 Orzeê de trotub yu nu rsyaê lom gua dey Galilea gashtal logyiê zeê nu mnii Jesuuz nu cha dey. 17 Orzeê ornu bzaac dey mi, orzeê pca dey mi. Nomaas yuê la be mbecy lat dey nu wangad lagy dey ti laab mi. 18 Orzeê Jesuuz byagaab mi lo dey. Orzeê nam rab mi dey: âÃgyoozh briic mi rishbeey ne̱ nu gyicya̱ dela coz gyibaa nu gyishlombecy ii. 19 Gua der lo dela mbecy nu yuê dutuub la gyishlombecy, nunu gyicy der nu gyac dey mbecy nu rsyaê lo̱. Nunu briic der nu zu nis dey par nu gabe nu nac nu dey Ãgyoozh uz den, nunu par nu gabe nu nac nu dey ya̱ iêñ mi, nunu par nu gabe nu nac nu dey Espiriit Yon nim. 20 Nunu lyuu der ni dey nu gyicy paay nu dela coz nu mne̱e̱ lo der. Nunu cueê nit lagy der nu ya̱ nac du̱ der dub laa tiem gashtal shuub la dzi ni gyishlombecy ii ânam.