San Mateo 4

1 Gazeê nu Espiriit Yon ni Ãgyoozh gua num Jesuuz tub lugaar ub zi par nu gyicy nuras preb mi. 2 Brim cyuu dzi nu cyuu rel nunu rila wangow mi gyit. Orzeê despuees byan mi. 3 Orzeê bechaê nuras lom par nu gyicy yu preb mi. Orzeê nay: âBenu ru rishli gaal nac ru iêñ Ãgyoozh, orzeê mnii lo de gyitaê ii nu gyac ñi gyishtily ânay. 4 Orzeê Jesuuz nam rab mi nuras: âLat de riidz ni Ãgyoozh rniiñ: “Walab gyishtily ziêl gyicy ñi nu cui mbañ mbecy, sinu niê ziêl dela riidz nu rnii Ãgyoozh gyicy ñi nu cui mbañ dey”, rniiñ ânam. 5 Gazeê nu za nu nuras mi par Jerusaleeng, gyedz ni Ãgyoozh. Orzeê pshup yu Jesuuz zeê nu gya zir ni yuê nu driib zily de mbecy Israeel Ãgyoozh. 6 Orzeê nay rab yum: âBenu ru rishli gaal nac ru iêñ Ãgyoozh, bzut yeñ gashtal lo yu re, gun ryat ru lat de riidz ni Ãgyoozh ornu rniiñ: Ãgyoozh cuêm riiñ yaa de anc nim nu ña dey ru. Orzeê laagy yaa dey ru gun orzeê cueê nu gad güii par ni gyiêr lo de gyitaê, rniiñ âna nuras. 7 Orzeê Jesuuz nam rab mi nuras: âNiê ziêl rniiñ lat de riidz nim: “Cueê gyicy ru preb Ãgyoozh Shuaan ru, biñ nu nac Ãgyoozh nir”, rniiñ âna Jesuuz. 8 Gazeê nu za nu gaê nuras mi gashtal too tub bicy ily. Orzeê blyuuy dela lugaar nu yuê gyishlombecy nu dela gyel lily niñ lom. 9 Orzeê nay rab yum: âYa̱ rica̱ dela nde nir benu zu tib ru lo̱ par nu riib zily ru ya̱ ânay. 10 Orzeê Jesuuz nam rab mi nuras. âBruu chu lo̱ ii nuras, gun lat de riidz ni Ãgyoozh rniiñ: “Briib zily Shuaan ru biñ nu nac Ãgyoozh nir, nunu coz nu rlagy ziêl mi gyicy ru”, rnii riidz nim âna Jesuuz. 11 Orzeê nuras bruu chuy lo Jesuuz. Orzeê bruêña de anc par nu locyuub dey mi. 12 Ornu Jesuuz güeñ mi nu pshet lag mbecy Waa pres, orzeê zam par Galilea. 13 Tees wancyiiñ mi Nazaret sinu guam pcyiiñ mi tub gyedz nu la Capernaum. Capernaum ndeê garee riñ ruê nisyudoo lo yu ni de nez mbecy Zabulón nu ni nez Neftalí. 14 Ni mod guc ñi par nu gyuê niñ gal nu pcaa Isaías, yu nu mnii por cuen ni Ãgyoozh: 15 De yu ni nez Zabulón nu de yu ni nez Neftalí nu ri tub la gaê ruê gyoow Jordaang garee ruê nisyudoo, gal nu de lo yu ni Galilea, zeê nu yuê mbecy nu walab mbecy Israeel, 16 de mbecy nu yuê lugaar zeê rded dey zeê nu cow. Gzac dey tub gyi ily nu cuic ñi yaa. Gyi zeê ndeê cuic ñi yaa lat de mbecy nu yuê zeê nu cow, zeê nu yuê mbecy nu na gal nu na mbecy gut, rniiñ. 17 Nese tiem zeê brugyiê Jesuuz nu rshaal mi de coz ni Ãgyoozh. Orzeê nam: âMneê der dela cyi nu ricy ru gun sñuu ga cyid gyel gubier ni Ãgyoozh ânam. 18 Lat nu gusa Jesuuz de ruê nisyudoo ni Galilea, orzeê bzaac mi cyup mbecy nuy bicy yu. Tub yu lay Simo̱o̱, nunu laab yu zeê rnii dey Bed. Zeê tuubaêy lay Ndrees. Rup laa dey nac yu mbecy rub bel. Yuê dey nu rneêy gyish niy lo nis. 19 Orzeê na Jesuuz rab mi dey: âDa ca der icha̱. Orzeê ya̱ gyicya̱ nu gal nu rub der bel, niê ziêl teê der mbecy gun orzeê cyid ca dey icha̱ ânam. 20 Orzeê laab or la zeê bzeeñ dey gyish niy za ca dey ich mi. 21 Orzeê bzam sñuu miiñ par lo. Zeê bzaacaêm tub cyupaê dey nuy bicy yu: Santiag nuy Waa. De yu zeê nac yu iêñ Zebedeo. Yuê dey nañ tub barc nuy uz yu. Laabaê gyish nu rub bel ricy nap dey. Orzeê Jesuuz bredz mi dey. 22 Orzeê lueg la bzeeñ ga dey barc niy. Bzeeñ ga la dey uz yu. Orzeê za nu dey mi. 23 Jesuuz gusam dutuub la lo yu ni Galilea. Tub ga la lugaar nu rded mi, rlyuum ni de mbecy nañ de yuê nu rsyaê dey riidz ni Ãgyoozh, nunu pshaal mi de riidz nu sac ni gyel gubier nim, nunu bicy yac mi de lo la güii nu rac ni de mbecy. 24 Orzeê bzu laa riidz dutuub la lo yu ni Siria de coz nu ricy mi. Orzeê brugyiê rza nu dey dela mbecy nu rat de lo la güii lom, nu dela mbecy nu rzac de lo la coz deet. Rza nu dey de yu nu bicy ni nuras. Rza nu gaê dey de yu nu nash bi. Nunu rza nu gaê dey de yu nu nac mbecy chi̱. Orzeê Jesuuz bicy yac mi dela dey. 25 Nunu tonaê la mbecy zigy bruuy lo yu ni Galilea, bruu dey lat de tii gyedz nu rnii dey Decápolis, nunu bruu gaê dey Jerusaleeng, nunu bruu gaê dey de la lo yu ni Judea, nunu bruu gaê dey tub laê gaê lo yu ni ruê gyoow Jordaang. Orzeê dela de yu zeê guay lo Jesuuz.