San Marcos 16

1 Na ornu bded sab, dzi nu rzu lagy mbecy, orzeê Li biñ nu bruu Magadán, nu Li ñaa Santiag, nu Salomé wii dem coz zguul nu cha coo dem cuerp ni Jesuuz. 2 Orzeê noming napor, briib ziêl doo za dem ruê baa zeê. 3 Orzeê lat nu za dem, ro dem riidz nu losaêm. Orzeê na dem: â¿Cyu ctuyub gyitaê nu noow ruê baa par nu chuên? âna dem. 4 Tees ornu bruêña dem ruê baa zeê, bzaac dem nu bi bruu yub gyitaê nu noow ruêñ zeê. Zeê ndeê tonaê la gyitaê ily. 5 Ornu guê dem nañ gyerbaa zeê, orzeê bzaac dem tub yu feñ zub yu par yaa bee. Zuy tub negy cacy duñ. Orzeê tonaê la gudzib dem. 6 Orzeê yu feñ zeê nay rab yu dem: âCueê dzib der. De ru ryub der Jesuuz biñ nu bruu Nazaret, biñ nu biit dey lo cruuz. Na bi byabañ mi. Sacaêm ii. Bgüii der zeê nu bri dey mi. 7 Tees gua der gua niir lo de yu nu rsyaê lom nu lo Bed nu bi ya gam lo dey par Galilea. Re zac der mi gal nu mniim ânay. 8 Orzeê de mi zeê gush dem carer bruu dem ruê baa zeê yam. Nunu gush la bis nim nu gudzib mi. Ni wannii la dem lo ni tub la mbecy gun gudzib dem. 9 Na ornu byabañ Jesuuz noming napor la, nu loga la bruu zac mi lo Li, biñ nu bruu Magadán, biñ nu bloo chum gagy nuras lo. 10 Orzeê mi zeê gush nez mi za toom riidz lo deê zir de yu nu gusa nu Jesuuz. Zam lo dey lat nu yuê dey ruun dey nunu ricy shniy. 11 Tees ornu güeñ dey nu mnii Li nu byabañ Jesuuz nunu bzaac mim, orzeê wancheña lagy dey. 12 Despuees ndeê, orzeê bruu sacaêm lo cyup dey lat nu za dey ngush. Reñaê nam byac mi. 13 Orzeê bish cya dey gua nii dey lo deê zir de losaêy. Tees niê de yu zeê wancheña lagy dey. 14 Despuees ndeê, orzeê bruu zac mi lo de trotub yu nu bloo sum zeê lat nu nguaa dey lo mez row yu gyit. Orzeê pshuu num dey nu nac nu wancheña lagy dey nunu bicy cyigy lardoo dey, gun wacheña lagy dey ni de yu nu bzaac nu bi byabañ mi. 15 Orzeê nam rab mi dey: âGua der dutuub la gyishlombecy. Mnii der riidz nu sac nu bruu lo Ãgyoozh lo dela mbecy. 16 Yu nu gyicy cup consuel lo de riidz nu sac zeê nunu gzu nis yu, yu zeê gruu mbañ yu. Zeê yu nu wagyicy cup consuel, yu zeê waruu nap yu ornu ri beem niy nu nac cyiy. 17 Nunu de yu nu ricy cup consuel gac gyicy dey zañ coz par nu gabe nu laab coz ni Ãgyoozh rnii dey. Nu nac ya̱ co chu dey nuras. Gnii dey riidz reñaê mbecy. 18 Benu gan dey bily se la la gzac yu. Nunu mas goê dey benen se la la gyicy nuñ dey. Ornu griib yaa dey mbecy rat, orzeê gyac dey ânam. 19 Orzeê Shuaan na Jesuuz despuees nu mnii num dey, orzeê pshup Ãgyoozh mi gyibaa. Orzeê gusub mi par yaa beem. 20 Orzeê de yu zeê bruu dey gusay, pshaal dey de riidz nu sac nu bruu lo Ãgyoozh dela lugaar. Nunu Shuaan na blocyuub mi dey, nunu bicy fert mi de riidz nu rnii dey nu nac de nusuriidz ily nu ricy dey. Ni gac ñii.