San Marcos 7

1 Orzeê la be de mbecy fariseo nu la be de mbecy nu rlyuu leey ni Ãgyoozh bruu dey Jerusaleeng gua dey lo Jesuuz. 2 Dey zeê bzaac yu nu la be de mbecy nu rsyaê lo Jesuuz a̱ê caacy yaa dey row yu gyit, gun wannaa dey gal nu rlagy ñi par lo leey ni dey. 3 Gun dela mbecy fariseo nu dela mbecy Israeel wow dey benu wanaa dey gal nu rlagy ñi nu ricy yac dey de cushtom ni gyitoo bel niy. 4 Nunu ornu rza dey yagyiê, ornu cush cya dey driy, benu wanaa dey, wagow yu. Nunu zañ zir cushtom rlagy ñi gyicy yac dey. Gush lañ: mas ñuu nu rgyiib dey de coz. Yuê mod nu rgyiib dey taz, de gyaên, de gyiib nu ray de coz, de nuun, de. Dela ndeê rlagy ñi gyicy yac dey. 5 Orzeê de mbecy fariseo nu de mbecy nu rlyuu leey ni Ãgyoozh bdugyiê dey lo Jesuuz. Orzeê na dey: â¿Lagu de yu nu rsyaê lo ru wagyicy yac dey cushtom ni de gyitoo bel nu wagnaa dey row yu gyit? âna dey. 6 Orzeê nam rab mi dey: âTonaê la nap mnii Isaías lac na de ru, mbecy nu rzuu lo, ornu pcaay: De mbecy ii rzat dey ya̱ nu ruê ziêl yu, tees nañ lardoo dey ricy zet lagy yu lo̱. 7 Se la la cyiiñ nu driib zily dey ya̱, gun driib zily ton dey ya̱. Leey nu bloo ic mbecy, ndeê ziêl rlyuu dey. Ni na Ãgyoozh lat de riidz ni Isaías. 8 Rzu chu der leey ni Ãgyoozh par nu rzu fert der cushtom ni mbecy âna Jesuuz. 9 Orzeê na gaêm: âDzi ga nap nu rzu chu der leey ni Ãgyoozh par nu gyicy yac der leey ni gyitoo bel ni der, 10 gun Ãgyoozh pcaam Moisees nu caay: “Pca lagy lo uz ru nunu pca lagy lo ñaar. Yu nu nii zi ni uz, o yu nu nii zi ni ñaa, rlagy ñi nu gat yu”, pcaa Moisees. 11 Tees de ru rniir nu benu tub mbecy niiy lo uz yu o niiy lo ñaay nu la ziêl coz nu rlagy ñi cuic yu ni dey, ndeê corbán, orzeê walagy ñi locyuub yu uz yu nu ñaay. (Corbán ndeê yaruuñ gun nu rbic dey lo Ãgyoozh.) 13 Orzeê ricy der nu se la la cyiiñ riidz ni Ãgyoozh par nu nac de cushtom nu bzeeñ de gyitoo gush ni der. Nunu zañ zir coz nu na gal na ndeê ricy der âna Jesuuz. 14 Gazeê nu bredz mi de mbecy zigy nu gyatublaazh dey lom. Orzeê nam rab mi dey: âDela der bzuub gyidag der nunu bicy der nu gyet lag ru cuen. 15 Sac ni tub la coz par ich mbecy nu ornu chuêñ nañ yu gyicy ñi nu gabag yu. Tees de coz nu druu nañ lardoo mbecy, dela ndeê ricy ñi nu rabag yu. 16 Benu zub gyidag der, orzeê rlagy ñi nu zuub gyidag der ânam. 17 Orzeê bruum lo de mbecy zigy zeê yam. Ornu guêm nañ yuê, orzeê de yu nu rsyaê lom bdugyiê dey lac za de riidz nu mniim zeê. 18 Orzeê nam rab mi dey: â¿Walab gaal niê de ru wagyet lag der cuen? ¿Walab gaal wagad lagy der nu coz nu chuê nañ mbecy wac gyicy ñi nu gabag yu? 19 Gun de coz zeê walab nañ lardooy rzuêñ, sinu nañ yu, nunu ruu gaêñ ânam. Ndeê yaruuñ nu dela coz nu gow mbecy nac ñii coz cacy. 20 Orzeê na gaêm: âGun de coz nu druu nañ lardoo mbecy, de ndeê ricy ñi nu rabag yu. 21 Gun nañ lardoo dey druu shcab a̱ê nap. Zeê druu nu ral dey losaêy nu wanchelaay. Zeê druu nu ricy dey gubaan. Zeê druu nu rut dey losaêy. 22 Zeê druu nu ral dey mñaa losaêy. Zeê druu nu ye rzac dey lo coz ni losaêy. Zeê druu nu shiñ ricy dey. Zeê druu nu rguu dey. Zeê druu de lo la bis nu ricy cup dey. Zeê druu nu ricy saap lagy dey. Zeê druu nu rnii dey rishcuen. Zeê druu nu ricy leê dey. Zeê druu nu ricy dey de lo la coz ton. 23 Dela coz a̱ê nap zeê druuñ nañ lardoo mbecy, nunu ricy ñi nu rabag yu âna Jesuuz. 24 Orzeê bruum lugaar zeê zam par lo de yu ni gyedz Tiro. Orzeê guêm nañ tub yuê. Wangalagy mi nzac mbecy mi tees wangac ngach lom. 25 Orzeê lueg la güeñ tub biñ mñaa nu gu iêñ tub fiñ feñ nu bicy ni nuras nu zu Jesuuz. Orzeê bruêñam wes saam yeñ gyiêm, nunu mnishbaam lom. 26 Biñ mñaa zeê walab mbecy guledz tees nac mi mbecy sirofenicia. Orzeê mnishbaam lo Jesuuz nu co chum nuras nu bicy ni iêñ mi zeê. 27 Orzeê Jesuuz nam rab mi biñ mñaa zeê: âNu loga la rlagy ñi locyuuba̱ de neza̱, de mbecy Israeel. Gun de yu zeê nac yu iêñ Ãgyoozh. Gun walab seêñ nu gruu gyishtily yaa de yu nguzh duneêñ lo che̱ê ânam. 28 Orzeê na biñ mñaa zeê: âTees mas de che̱ê nu rded nañ mez gow ma nguzh ruê de fiñ nguzh nu gyet lag lo yu ânam. 29 Orzeê na gaê Jesuuz rab mim: âNu nac nu ni mniir, gya lar. Bi bruu chu nuras lo iêñ ru ânam. 30 Orzeê gush nez biñ mñaa zeê yam. Na or brim yuêm na, bzaac mi iêñ mi, nunu bi bruu chu nuras loñ riib ñi lo nuun. 31 Zeê Jesuuz bruum de lugaar garee Tiro zam par gyedz Sidón. Gazeê nu bruum Sidón zam par de lugaar nu la Decápolis. Orzeê bruum Decápolis. Gazeê nu zam par lo nisyudoo ni Galilea. 32 Orzeê zeê bruêña nu dey tub mbecy go̱ê. Nunu wagac nii nap yu. Mnishbaa dey lom nu gal yaam yu par nu gyicy yac mi yu. 33 Orzeê Jesuuz bruu num mbecy rat zeê lat de mbecy zigy. Gua nu reñ mi yu. Gazeê nu mneê mbiz mi gyidag yu. Pcoom nis yeñ mi yaam. Gazeê nu gul mi lyudz yu. 34 Gazeê nu bgüiim par baa. Byash lagy mi. Orzeê nam rab mi yu: â¡Efata! ânam. Benu gyal riidz nu mniim zeê, orzeê nam: ¡Byaal!, nam. 35 Orzeê lueg la byaal la gyidag yu nunu byachi̱ lyudz yu. Nunu byanap la rniiy. 36 Gazeê nu bicy mi mandaar nu cueê la nii dey lo ni tub la mbecy. Dub gal nu fert zir rcach mi ruê dey dub ni mnii zir dey lo mbecy. 37 Tonaê la za nu ic mbecy. Orzeê na dey: âDela coz nu ricy yu nap ricy yu. ¡Ricy yu nu reñ mbecy go̱ê nunu ricy yu nu rnii mbecy gop! âna dey.