Filemón 1

1 Ya̱ Baly ri̱ pres nu nac Jesucrisht. Orzeê na ca̱a̱ gyicy ii tublaazh la nu biicy na Timoteo nu zeeda̱ lo ru Moong. Ru losa̱ê de̱ nu tonaê la rca̱. Nunu tub ziêl riiñ ni Crisht ricy den. 2 Orzeê zeeda̱ gyicy ii lo ru, gal nu lo dela de mbecy ni Crisht nu yatublaazh yuêr, gal nu lo zan den Apia, gal nu lo Arquipo. Yu zeê nay gal nu na tub soldad ni Crisht nu nac losa̱ê nu rded du̱ tublaazh. 3 Orzeê Ãgyoozh Uz den gal nu Shuaan den Jesucrisht gyicy dem faboor nu nap gyicy num ru, nunu gyicy dem nu cheti ri añ nir. 4 Dub laa tiem drica̱ gras ni Ãgyoozh ornu yezaê lagya̱ ru lat nu rne̱e̱ du̱m, 5 gun ya̱ bi güeña̱ nu zaab riidz nu tonaê la rcar dela mbecy nim nunu dzi ricy cup ru consuel lo Shuaan den Jesuuz. 6 Nunu rdiña̱ lom nu ornu cuic ru nu gad lagy mbecy nu la na consuel ricy cup ru, orzeê ndeê gyicy ñi nu nap zir gyet lag dey cuen ni dela coz nap nu ricy nu Ãgyoozh de ub na nu nac Crisht. 7 Ya̱ dzi yet lagya̱ nunu guti ye lagya̱ nu nac nu dzi rcar losaêr. Orzeê shnu lar, bicy na, gun bicy ru nu guti ye lagy de yu nu ricy cup consuel lom. 8 Orzeê como ya̱ naca̱ tub aposht ni Crisht, orzeê ricy cupa̱ rishbeey nu gyicya̱ mandaar lor nu gyicy ru ca na coz nu rlagy ñi. 9 Tees yet zir lagya̱ nishba̱a̱ lor nu ni gyicy ru nu nac nu rca den losaên. Ya̱ Baly. Nunu bi gubela̱. Nunu ri pres nu nac Jesucrisht. 10 Orzeê na ya̱ diña̱ tub faboor lor par nu nac Onésimo. Yu zeê bi byac yu gal nu na tub yu feñ ne̱ nu nac de coz ni Ãgyoozh lat nu ri̱ nañ yuê gyiib ii. 11 Gulas, yu zeê se la la pcyiiñ yu nir, tees na rcyiiñ yu par ru nunu rcyiiñ yu par ya̱. 12 Ya̱ zuu neza̱ yu nu gyed yu lor tuubaê tir. Orzeê bicy nuy gal nu ricy nur ya̱. 13 Ya̱ ngulagya̱ nu ñgyiyeeñ yu lo̱ ii, gun orzeê ñgyicy yu riiñ ne̱ lugaar ni ru lat nu ri̱ nañ yuê gyiib nu nac de riidz nu sac ni Crisht. 14 Tees ya̱ wangalagya̱ ñgyicya̱ ni tub la coz benu walab nu nac rishbeey nir. Gun ornu gyicy ru faboor nur ya̱, orzeê cueê gyicy ru ñii por fers la, sinu gyicy ru ñii nu dub gal rii la lagy ru. 15 Cyup ridz Onésimo bruu chuy lor par la be tiem, gun orzeê na cyiiñ yu lor tub la. 16 Na walabaê nu cyiiñ yu lor nu nac yu moz por fers la, sinu na gya zir zuy gazeê tub moz por fers la. Nac yu tub bicy ru nu dzi rcar nu nac Crisht. Ya̱ tonaê la rca̱ yu. Tees ru nap zir rcar yu na, gun na walab tub lo ziêl nu nac yu moz nir, sinu niê ziêl nac yu bicy ru nu nac Shuaan den Jesuuz. 17 Ndeê nu beni, benu ru ricy ru ya̱ par bicy ru nu nac Crisht, orzeê nap nii nur yu ornu griy lor gal nu nap nii nur ub la ya̱ ornu yapa̱ lor. 18 Zeê benu yu zeê bicy yu la na tub coz nuy ru, o benu zaab yu nir, orzeê ya̱ grisha̱ ñii nir. 19 Ya̱ Baly ca̱a̱ lo gyicy ii nu letr yaa: Ya̱ grisha̱ ñii nir. ¡Mas ñgyicya̱ nu gyezaê lagy ru nu yuê diêñ ru gyiê lardoor lo̱! 20 Orzeê laab ru, bicy na, bicy tub faboor nu ya̱ nu nac nu ricy cup na consuel lo Shuaan den Jesuuz. Orzeê bicy na nu nac Crisht, briic consuel nañ lardo̱o̱. 21 Ya̱ zeeda̱ gyicy ii lor, gun ya̱ rad lagya̱ nu gzuub gyidag ru ne̱. Nunu neña̱ nu sheñ zir gyicy ru gazeê coz nu diña̱ lor. 22 Niê ziêl ne̱e̱ lor nu zu yer tub lugaar zeê nu cyiiña̱, gun ya̱ drish lo̱ lo Ãgyoozh nu gyicy mi gal nu rnii der ornu rgyiiñ ru lom. Orzeê cuic mi lugaar nu yap güi̱i̱ der. 23 Epafras, losa̱ê nu ri nañ yuê gyiib nu nac Jesucrisht, yu zeê zeed yu ñgyoozh nir. 24 Nunu niê ziêl Marc, nu Aristarco, nu Demas, nu Luc, de yu nu rlocyuub ya̱ nu nac de riiñ ni Crisht, de yu zeê zeed yu ñgyoozh nir. 25 Orzeê Shuaan den Jesucrisht gyicy mi faboor nu nap gyicy num der.