Filipenses 3

1 Ndeê nu de ru bicy na, bet lagy der nu nac nur Jesucrisht. Ya̱ wagazeeda̱ ne̱e̱ lo der tuubaê tir laabaê de coz nu bi mne̱e̱, nunu de coz nu mne̱e̱ locyuub ñi der nu cueê gyicy dza mbecy der. 2 Cuidad der nu de mbecy nu na gal nu na che̱ê, de yu nu rlyuu de coz fals, de yu nu rnu cuerp ni ornu rcaay beey sircunsision par nu gabe nu nac yu mbecy ni Ãgyoozh. 3 Tees de ub na na den gal nu na mbecy nu rishli ca beey sircunsision, gun de ub na rishli nac naa ni Ãgyoozh. Nac naa nim, gun Espiriit Yon nim rlocyuub mi uub na nu caan mi. Nac naa nim, gun Jesucrisht ricy mi nu yet lagy na. Nac naa nim, gun wagyicy cup na consuel lo ub ziêl na par nu gruu mbañ naa. 4 Gun bi bicy na nu gac gyicy cup na consuel lo ub ziêl na par nu gruu mbañ na, orzeê niê ya̱ gac gyicy cupa̱ consuel lo uba̱. Benu ca ziêl na mbecy rnii tooy nu gac gyicy cup yu consuel lo ub ziêl yu, nunu ndeê gyicy ñi nu gruu mbañ yu, orzeê ya̱ ricy cup zira̱ raso̱o̱ nu ni gyicy cupa̱ consuel lo uba̱, benu gyicya̱. 5 Gun pcaa dey beey sircunsision cuerp ne̱ ornu bzaê shuñ dzi nu gula̱. Naca̱ nez mbecy Israeel. Famil ne̱ bruuy lat nez Benjamiing. Ya̱ naca̱ mbecy Israeel, nunu de mbel ne̱ nac yu mbecy Israeel. Ya̱ guca̱ mbecy fariseo, gun tonaê la bicy pa̱a̱ nu dela leey ni de mbecy Israeel. 6 Ya̱ tonaê la bzu ferta̱ nu de mod nu rzeña lagy de mbecy Israeel, gashtal psheed zi̱ de mbecy nu ricy cup consuel lo Jesucrisht. Ya̱ tonaê la seêñ bicya̱ nu leey ni de mbecy Israeel, nunu warusu ni tub la mbecy nu riib yu cyi ica̱. Ndeê nu ricy cup zira̱ raso̱o̱ nu gyicy cupa̱ consuel lo uba̱, bi bicy na nu ni ñgyicya̱. 7 Tees na rad lagya̱ nu dela coz nu guze̱e̱ nu dzi sac zeê, dela ndeê wacyiiñ ñi, gun dzi zir sac Crisht par de nu ndeê. 8 Nunu walab de ndeê ziêl coz nu a̱ê sac, sinu niê dela coz nu bicya̱ a̱ê sac ñi, gun dzi zir sac ñi nu yuê lo̱ Shuaan den Jesucrisht. Par nu nac mi bduneê dela coz ne̱. Nunu ya̱ ricya̱ nu de coz zeê nañ gal nu na toop, gun orzeê gyicya̱ gan gaca̱ ni Crisht. 9 Nunu ya̱ nac du̱m. Gazeê nu Ãgyoozh gyicy mi ya̱ par mbecy nu sac cyi. Walab nu nac nu ricy pa̱a̱ nu leey nim, ndeê nu gyicy mi ya par mbecy nu sac cyi, sinu nu ricy cupa̱ consuel lo Crisht. Gun Ãgyoozh bi mniim nu bi ricy mi de mbecy par mbecy nu sac cyi nu nac nu gyicy cup dey consuel lo Crisht. 10 Coz nu rlagya̱, ndeê nu nap chuê lo̱ Crisht. Rlagya̱ nu gyicy nu Ãgyoozh ya̱ coz ily gal nu bicy num Jesuuz ornu bicy mi nu byabañ mi. Rlagya̱ nu gzac zi̱ gal nu bzac zi Crisht, nunu gaca̱ gal nu na tub mbecy nu gut ornu gut mi. 11 Gun ya̱ drish lo̱ nu gazaê ya̱ gyabaña̱ ornu gyabañ de mbecy gut. 12 Walab nu bi bicya̱ gan nu bi byaca̱ gal mod nu rlagya̱ nu gaca̱. Walab nu sac falt ne̱. Tees rloo lo̱ nu gyaca̱ gal mod nu rlagy Crisht nu gaca̱ ornu pcuim ya̱ nu gaca̱ nim. 13 Der bicy na, ya̱ walab nu rne̱e̱ nu bi bicya̱ gan. Ya̱ wagyicy cuena̱ê de coz nu bded par ich, sinu rloo lo̱ nu gyicya̱ gan par lo. 14 Ricya̱ tub fers nu shupa̱ laza̱, gun orzeê gyicya̱ gan i̱ nu cuic Ãgyoozh ni den nu nac Jesucrisht. Gun par ndeê blosum de ub na. 15 Dela mbecy nu byafert nu de coz ni Ãgyoozh rlagy ñi nii too dey nu nac de coz zeê gal nu rnii to̱o̱ ya̱. Benu tub mbecy reñaê rnii tooy par ya̱, tees ca ni gaal lyuu Ãgyoozh loy ca na coz nu rishli. 16 Tees de ub na rlagy ñi nu seêñ gyicy na nu de coz nu bi gud lagy na. 17 Der bicy na, bicy der gal nu ricy ya̱, nunu ca ic der de yu nu ricy gal nu bicy de̱ nu de yu nu gusa nu ya̱. 18 Gun zañ tir bi mne̱e̱ lo der, nunu na nu nis urlo̱ rne̱e̱ lo der, nu tonaê la yuê mbecy nu zay contr ni de coz nu bzac Crisht lo cruuz. 19 De yu zeê nit lo dey gabily. De mbecy zeê de gyel bizh nac ñii ñgyoozh ni dey, nunu ornu ricy dey coz toê lo, lugaar nu gat lo dey ca nu ricy dey gyel leê niy. De yu zeê coz ni gyishlombecy ziêl ii zu dey shcab. 20 Tees de ub na wagyicy na gal nu ricy de yu zeê, gun de ub na gyibaa, ndeê ledz na. Nunu rlez den biñ nu ruu gyibaa cyid mi nu co mbañ mi de ub na. Mi zeê Shuaan den Jesucrisht. 21 Mi zeê chaam cuerp gyidz ii ni den. Gyicy mi nu gyac ñi gal nu na cuerp lily ni ub mi. Nunu ni gyicy mi nu nac nu gac gyicy mi coz ily, nunu laabaê nu nac nu dzi cyiiñ mi nu gyicy mi coz ily, ndeê nu chetib ic mi dela coz.