Apocalipsis 10

1 Orzeê gazeê nu bzaaca̱ tuubaê anc fert. Orzeê bruuy gyibaa bet yu. Orzeê za baa rsoow ñi cuerp niy. Zeê tooy riib shelcuit. Zeê ya loy briic ñi yaa gal nu na yaa ni doo güidz. Zeê gyiêy rabeeñ gal nu rabee tub yabi gyi. 2 Orzeê zu yaay tub gyicy miê. Orzeê bi ndiily loñ. Orzeê bzu gyiê beey lo nisyudoo. Zeê gyiê reg yu bzuy ñi lo yu wach. 3 Orzeê ye tonaê la brish tiy gal nu rbish ti biidz. Na ornu brish tiy na, orzeê mnii guzii gagy seê. 4 Na ornu mnii guzii gagy seê na, orzeê bicy pe̱e̱ nu nca̱a̱ lo gyicy. Orzeê güeña̱ nu zaab tiê gal gyibaa. Orzeê nam: âRiidz nu mnii guzii gagy seê zeê, cuê choow ru ñii nañ lardoor. Cueê caar ñii lo gyicy ânam. 5 Gazeê nu bzaaca̱ anc nu zu gyiê lo nisyudoo gal nu lo yu wach, orzeê yu zeê pshes nañ yaa beey par baa. 6 Orzeê bzat yu Ãgyoozh par nu gabe nu segur la gac gal nu mniiy. Ãgyoozh rcyiiñ mi tub la. Mi zeê psaê lagy mi baa, nu gyishlombecy, nu nisyudoo, nu dela coz. Orzeê anc zeê bzat yu mi zeê. Orzeê nay: âWalagy ñi nu tuñ lez naa na. 7 Tees ornu anc gagy zeê cugyiê nu laay trompet niy, orzeê Ãgyoozh gzaê lom coz nu rnii toom nu gyicy mi. Coz zeê, ndeê wangad lagy de mbecy. Tees pshaal mi ñii lo de moz nim, lo de yu nu mnii por cuen nim ânay. 8 Orzeê güeña̱ nu zaab tiê nu rnii tub tiraê laabaê gal gyibaa. Orzeê nam: âGua na, nunu gush gyicy miê nu bi ndiily lo nu zu yaa anc nu zu gyiê lo nisyudoo gal nu lo yu wach ânam. 9 Orzeê gua̱ lo anc zeê. Orzeê bdiña̱ gyicy miê zeê loy. Orzeê yu zeê nay rab yu ya̱: âGush ñi gow ru. Ornu gow ru ñii, orzeê ish ñi gal nu ish dziñ. Tees ornu chetiñ nañ ru, orzeê gyalyañ âna anc zeê. 10 Orzeê brusha̱ gyicy miê nu zu yaa anc zeê. Orzeê bda̱w ñii. Orzeê ish row ñi gal nu ish dziñ. Tees ornu gutiñ naña̱, orzeê byalyañ. 11 Orzeê de mbecy mniiy lo̱: âOrzeê na tub tiraê rlagy ñi nu shaal ru de riidz nu druu lo Ãgyoozh nu rniiñ lac na de coz nu gzac zañ nac nasyoong, gal nu zañ nac nez de mbecy, gal nu zañ lo riidz, gal nu zañ rey âna dey rab yu ya̱.