Apocalipsis 13

1 Orzeê low dañ zeê, ma zeê gusu ma ruê nisyudoo. Cyup bañ dañ Orzeê bzaaca̱ tub bañ dañ bruu ma lo nisyudoo yad ma. Orzeê ma zeê ricy cup ma gagy too ma. Nunu ricy cup ma tii nguaz ma. Orzeê lo tub ga nguaz ma ri tub ga coron. Nunu laab de too ma zeê taê de nu la nu za contr ni Ãgyoozh. 2 Orzeê bañ dañ nu bzaaca̱ zeê rabee ma gal nu rabee tub biidz. Zeê gyiê ma gal nu na gyiê os nañ. Nunu ruê ma gal nu na ruê bishtoo na. Orzeê low dañ zeê bicy ma nu gac gyicy bañ dañ zeê la ziêl coz nu cyiiñ ma nu gyicy ma. Nunu briic ma yashily nu riib ic ma, ni bañ dañ zeê. Nunu briic ma rishbeey nu gyub ic ma zeê. 3 Orzeê lo gagy too bañ dañ zeê, rlyu nu gud güiiñ, tub lo güii nu gyicy ñi nu gat ma. Tees zeê nu gud güii zeê ni ma mnit. Orzeê dela mbecy nu yuê gyishlombecy za nu ic dey. Orzeê za ca dey ich bañ dañ zeê. 4 Orzeê dela mbecy briib zily dey low dañ zeê, gun ma zeê briic ma rishbeey ni bañ dañ zeê nu gyub ic ma. Nunu niê ziêl briib zily dey bañ dañ zeê. Orzeê na dey: â¿Cyu ñuu lily na gal nu na bañ dañ ii? ¿Cyu gagye nu chucoo nu ma re? âna dey. 5 Orzeê low dañ zeê bzaan ma nu rnii bañ dañ zeê riidz leê gal nu riidz nu za contr ni Ãgyoozh. Nunu briic ma rishbeey nu gyub ic ma cyuu zub cyup beey. 6 Orzeê ni bicy ma. Mnii ma riidz nu za contr ni Ãgyoozh. Mnii zi ma ni Ãgyoozh, nunu mnii zi ma ni yuê wedz nim, nunu mnii zi ma ni de anc nu yuê gyibaa. 7 Nunu niê ziêl low zeê bzaan ma nu gyicy ma gyel yuu nu de mbecy ni Ãgyoozh gashtal gyicy la ma gan. Orzeê briicaê ma rishbeey nu gyub ic ma dela nez mbecy, de mbecy nu yuê dela gyedz, de mbecy nu rnii de lo la riidz, nunu de mbecy ni dela nasyoong. 8 Orzeê dela mbecy nu yuê gyishlombecy briib zily dey bañ dañ zeê. Nomaas nil nese anzir nu saê lagy Ãgyoozh gyishlombecy, bi ca nu la de mbecy lo libr ni mbecy nu gruu mbañ. Orzeê de yu zeê wanriib zily dey ma. De yu zeê yu nu ca nu la lo libr nu ricy cup biñ nu nac Shily nu gut zeê, de yu zeê wanriib zily dey ma. 9 Orzeê benu mbecy zub gyidag yu, orzeê rlagy ñi nu zuub gyidag yu. 10 Zeê benu tub mbecy ca lo cuen niy nu chay pres, orzeê segur la chay. Zeê de yu nu ca lo cuen nu gat nu mandzicy, segur la gat dey nu mandzicy. Ndeê nu de mbecy ni Ãgyoozh rlagy ñi nu gyicy cup dey pase̱z nunu rlagy ñi nu gyicy cup dey consuel lom. 11 Orzeê gazeê nu bzaaca̱ tuubaê bañ dañ. Briib ma lo yu yad ma. Orzeê ma zeê zub cyup nguaz ma. Nañ gal nu na nguaz shily. Orzeê mnii ma gal nu rnii low dañ zeê. 12 Orzeê bañ dañ cyup zeê bicy ma riiñ ni bañ dañ loga la zeê. Gun laabaê rishbeey nu ricy cup bañ loga zeê nu gyub ic ma mbecy, niê ziêl laabaê rishbeey zeê ricy cup bañ cyup zeê. Orzeê bicy ma nu briib zily dela mbecy nu yuê gyishlombecy bañ loga zeê, bañcyug nu guud güii nu rlyu nu gat la. Zeê mnit ni ma. 13 Niê ziêl bañ cyup zeê bicy ma zañ nusuriidz. Lo rgüii la de mbecy bicy ma nu bruu gyi gal baa bet ñi lo yu. 14 Orzeê guud rishbeey nu gyicy ma nusuriidz laab zeê nu zu bañ loga la zeê. Orzeê nu nac nusuriidz nu bicy ma zeê, orzeê bicy ma gan bguu ma dela mbecy nu yuê gyishlombecy. Orzeê laab ma mnii ma lo dela mbecy nu zaa dey tub nab bañ loga zeê, bañ nu gud güii nu mandzicy zeê, tees gabee mbañ ma. 15 Orzeê bañ cyup zeê guud mod ni ma nu gyicy ma nu cui mbañ nab bañ loga zeê, gun orzeê nab zeê gniiñ, nunu gyicy ñi nu gat de mbecy, de yu nu wariib zily ñi. 16 Orzeê ma zeê bicy ma nu dela mbecy ca beey cyugay gal nu yaa beey. Mas yu gyidz, mas yu lily, mas yu guaniêñ, mas mbecy zi, mas moz, o mas patro̱o̱, tees dela dey ca beey dey. 17 Ni tub la mbecy wac ziy, ni wac cut yu coz niy benu sac beey zeê cuerp niy. Zeê beey zeê, ndeê nu la bañ dañ zeê, o numbr nu yaruuñ nu la ma. 18 Orzeê rlagy ñi mbecy nu siñ too par nu gyet lag yu cuen de nu nii. Gun yu nu gyet lag cuen gac gyicy yu nu gyet lag yu cuen lac yaruu numbr ni bañ dañ zeê. Gun numbr zeê, ndeê yaruuñ nu la tub mbecy. Nunu numbr zeê, ndeê shuup gaynal zub gayon zub shuup.