Apocalipsis 15

1 Orzeê gazeê nu bzaaca̱ tub muesht baa. Coz ily tonaê la guc, nunu tonaê la za du ica̱. Orzeê zu gagy anc. Nunu zu gagyaê cashtig. Laab ndeê la cashtig blazh, gun laab ndeê la nu blazh pchaê ic Ãgyoozh. 2 Gazeê nu bzaaca̱ tub coz nu rlyu nu nac ñii nisyudoo guan guê can ñii nu gyi. Nunu bzaaca̱ nu ruê nisyudoo zeê yuê de mbecy nu bicy gan. Wanriib zily dey bañ dañ zeê. Ni wanriib zily dey nab ma. Ni wanca numbr ni ma cyuga dey. Numbr zeê, ndeê yaruuñ nu la ma. Nunu zu yaa dey tub lo beeñ nu la arpa nu briic Ãgyoozh ni dey. 3 Orzeê de yu zeê biil dey cant ni Moisees, yu nu bicy de coz nu mnii Ãgyoozh. Nunu biil dey cant ni biñ nu nac Shily zeê. Orzeê rul dey: Ãgyoozh Shuaan de̱, biñ nu gac gyicy dela coz, tonaê la coz ily ricy through. Za du la ic de̱ nu nac ñii. Ru nac ru rey ni dela nasyoong. Dela mod nu ricy ru ricy ru tub mod nu seêñ, nunu ricy ru tub mod nu rishli. 4 Shuaan de̱, dela mbecy rdzib dey lor. Dela mbecy gyabic dey gyel mbecy nir. Tub zi la ru nac ru biñ yon. Orzeê mbecy nu gruu dela gyedz gruêña dey lor nu griib zily dey ru, gun orzeê dela mbecy zac dey de coz nap nu ricy ru. Ni mod biil de mbecy zeê. 5 Na ornu blazh de nu ndeê, orzeê bgüi̱i̱. Orzeê bzaaca̱ nu byaal lugaar yon ni yuê wedz ni Ãgyoozh, laab lugaar zeê nu ri choow trat nu bicy mi nu de mbecy. 6 Orzeê zeê bruu gagy anc, yad nu dey gagy cashtig. Orzeê de anc zeê zu dey tub negy cacy nu la lino. Tonaê la ryal ñi. Zeê ri sinch or lyush yu. 7 Orzeê brusu tub mbecy laab lat tap mbecy mbañ nu psaê lagy Ãgyoozh zeê. Orzeê briic yu gagy gyaên ni de anc zeê. Zeê nañ gyaên zeê yuê cashtig ily ni Ãgyoozh, biñ nu rcyiiñ tub la. 8 Lugaar yon ni yuê wedz, dza laa nañ ñi yuê dzeeñ nu bruu lo gyel lily ni Ãgyoozh, gal nu lo fers nim. Orzeê ni tub la mbecy wangac chuêy nañ yuê zeê gashtal byaê lo la gagy cashtig nu za nu gagy anc zeê.