Apocalipsis 2

1 ‘Pcaa lo gyicy de riidz nu rne̱e̱ par nu gad lagy anc ni de mbecy ne̱ nu yuê Ãfeso. Orzeê i mod pcaa nam: “Biñ nu zu yaa gagy bel baa par yaa bee, biñ nu rded lat de gagy nac de candeler or zeê, 2 mi zeê gniim lor: Ya̱ rad lagya̱ dela coz nu ricy der. Rad lagya̱ nu rboo lo der nu nac riiñ ne̱, nunu rad lagya̱ nu ragyee der ornu deet rac nu nac ya̱. Nunu rad lagya̱ nu wacsaan der nu chesa nu mbecy a̱ê nap ru. Sinu de ru bicy ru preb de yu nu rnii nu nac aposht, tees walab rishli nac dey, nunu byuê bee nu nac dey mbecy rguu. 3 Gugyee der nu tonaê la bzac zir nu nac ya̱, nunu wangazeed der lo de coz ne̱. 4 Tees ya̱ ricy cupa̱ tub gyel chaê ic nu nac ru. Ndeê nu waca gaêr ya̱ gal nu pcar ya̱ nu loga. 5 Orzeê bicy der nu gyezaê lagy ru nu gulas dzi gya zu der nu nac de coz ne̱. Zeê na byagash der. Orzeê mneê der de cyi nu ricy ru, nunu bicy der gal nu bicy ru nu loga. Benu waneê der cyi nu ricy ru, orzeê ya̱ yapa̱ lo der. Orzeê lo chu̱ candeler nir lugaar niñ. 6 Tees tub coz nu zañ faboor ni der. Ndeê nu rzi lagy der lo de coz nu ricy mbecy Nicolaítas gal nu niê ya̱ rzi lagya̱ looñ. 7 ¡De mbecy nu zub gyidag rlagy ñi nu gzuub gyidag dey coz nu rnii Espiriit Yon ni Ãgyoozh lo de mbecy ne̱! De mbecy nu gyicy gan, de yu zeê grica̱ rishbeey ni dey nu gow yu uugy nu taê ni yag nu rbic gyel mbañ nu zub tuubaê lugaar cyit zu ni Ãgyoozh” ânamâ. 8 ‘Pcaa lo gyicy de riidz nu rne̱e̱ par nu gad lagy anc ni de mbecy ne̱ nu yuê Esmirna. Orzeê i pcaa nam: “Biñ nu nil zu nese nu loga la, biñ nu nil zu ornu gyaê loñ, biñ nu gut, nunu byabañ mi, mi zeê rniim, orzeê nam: 9 Rad lagya̱ nu tonaê la bzac zi der par nu nac ya̱, nunu rad lagya̱ nu tonaê la gyel zi zu der. Tees rishli, tonaê la guaniêñ der nu nac de coz ni Ãgyoozh. Rad lagya̱ nu de mbecy nu rnii nu nac mbecy Israeel rnii zi dey ni der. Rnii dey nu nac yu mbecy Israeel tees walab rishli, sinu bruu dey lat de mbecy ni nuras. 10 Cueê dzib der nu nac de coz nu gzac zir. Orzeê nuras gyicy yu nu gyet lag la be der nañ yuê gyiib par nu gac preb der ben a ruu cyigy der. Orzeê gzac zi der la be ziêl tiem. Orzeê bicy paa der gashtal gat lar, gun orzeê gyicya̱ nu gyicy der gan gyel mbañ. 11 ¡De mbecy nu zub gyidag rlagy ñi nu gzuub gyidag dey ni de coz nu rnii Espiriit Yon ni Ãgyoozh lo de mbecy ne̱! De mbecy nu gyicy gan, se la la coz zac dey ornu gat de mbecy tir cyup” ânamâ. 12 ‘Pcaa lo gyicy de riidz nu rne̱e̱ par nu gad lagy anc ni de mbecy ne̱ nu yuê Pérgamo. Orzeê i pcaa nam: “De riidz ii, nii riidz ni biñ nu nuu mandzicy nu rup chu laê la ruê riêñ. 13 Rad lagya̱ ca lugaar rcyiiñ der. De ru rcyiiñ der zeê nu riib ic nuras. Mas ni, tees ricy paa der ne̱. Nunu wacheca der nu ricy cup ru consuel lo̱ mas lat de dzi nu biit mbecy Antipas, yu nu bicy paa nu rzat ya̱. Biit dey yu ledz der, zeê nu rcyiiñ nuras. 14 Tees ya̱ ricy cupa̱ la be gyel chaê ic nu nac der. Lat de ru yuê la be mbecy nu walagy yu laa yaay de coz nu blyuu Balaam, yu nu briic consef ni Balac par nu gad lagy yu lac mod gyicy yu par nu gyicy yu nu gyicy mbecy Israeel coz cyi. Blyuuy ni dey nu gow yu de coz nu gua lo nab, nunu blyuuy ni dey nu gal dey losaêy nu wanchelaay. 15 Ni ziêl yuê tub nacaê mbecy lat der nu walagy dey laa yaay de coz nu rlyuu de mbecy Nicolaítas. 16 Ndeê nu na mneê der de cyi nu ricy ru. Gun benu waneê der cyi nu ricy ru, orzeê yap gyiilya̱ lo der. Orzeê chuco̱o̱ du̱ der nu mandzicy nu grib ru̱ê. 17 ¡De mbecy nu zub gyidag, rlagy ñi nu gzuub gyidag dey de coz nu rnii Espiriit Yon ni Ãgyoozh lo de mbecy ne̱! Orzeê de yu nu gyicy gan grica̱ tub lo gyit ni Ãgyoozh nu ri ngach nu la maná gow dey. Nunu niê ziêl grica̱ tub gyitaê cacy ni dey. Orzeê ca tub nu la cub dey loñ. Ndeê se cyu la rad lagy, sinu tub zi la yu nu gad ñi ni” ânamâ. 18 ‘Pcaa tuubaê tir lo gyicy de riidz nu rne̱e̱ par nu gad lagy anc ni de mbecy ne̱ nu yuê Tiatira. Orzeê i pcaa nam: “Nii de riidz nu rnii Iêñ Ãgyoozh, biñ nu na urlo gal nu na lyush gyi. Zeê gyiêm nañ gal nu na gyiib cach nu ryanap nañ yo. 19 Rad lagya̱ dela coz nu ricy der. Rad lagya̱ nu dzi rca der losaêr. Rad lagya̱ nu ricy cup ru consuel lo̱. Rad lagya̱ nu dzi ricy der riiñ ne̱. Rad lagya̱ nu ragyee der ornu deet rac. Nunu rad lagya̱ nu fert zir ricy der ñii na gazeê nu loga. 20 Tees ya̱ ricy cupa̱ tub gyel chaê ic nu nac der. De ru dzi ricy cup der pase̱z ni biñ mñaa nu la Jezabel. Mi zeê ricy mi nu rniim por cuen ni Ãgyoozh, tees rlyuum coz rguu ni de mbecy nu ricy de riiñ ne̱. Rlyuum ni dey nu gal dey losaêy nu wanchelaay. Nunu rlyuum ni dey nu gow yu de coz nu gua gun lo nab. 21 Ya̱ brica̱ tiem nim par nu chaam mod nu gyicy mi, tees mi zeê wangalagy mi. Ni walagy mi laa yaam nu ral mi mbecy nu wanchelaam. 22 Orzeê ya̱ rica̱ güii nim par nu cham lo daê. Nunu ya̱ gyicya̱ nu tonaê la zac zi de yu nu nac num benu waneê dey cyi nu ricy yu gal nu ricy mi zeê. 23 Nunu gyicya̱ nu gat de Iêñ mi. Orzeê gad lagy dela mbecy ne̱ nu ya̱ naca̱ biñ nu rad lagy dela coz nu yuê nañ lardoo mbecy, gal nu nañ shcab ni dey. Orzeê ya̱ gyabica̱ i tub ga la der dub gal nu na coz nu bicy ru. 24 Zeê na de ru mbecy nu yuê Tiatira nu wacsuub gyidag de coz nu rlyuum, de ru mbecy nu nigul gad lagy nap de coz ngach ni nuras, ya̱ wane̱e̱ lo der nu gyicy ru zañ zir coz. 25 Nomaas nu rne̱e̱ lo der nu gzu fert ru nu de coz nu bi ricy cup ru gashtal shuub la dzi nu yapa̱ tuubaê tir. 26 De yu nu ricy gan, gal nu de yu nu ricy coz nu rlagya̱ gal gat la dey, orzeê rica̱ rishbeey ni dey nu gyub ic yu zañ nac mbecy 27 gal nu briic Ãgyoozh rishbeey ne̱ ya̱. Gun Ãgyoozh nil bzat mi ya̱ ornu nam: Mi zeê gyub ic mi de lo la nac nez mbecy nu tub yangam nu byaa nu gyiib. Orzeê glaêm dey nu yangam zeê. Nguzh nguzh la dey gyicy mi gal nu ricy dey ornu rlaêy tub gyis, nam. 28 Nunu Ãgyoozh cuic mi ya̱, biñ nu nac bel rzaê yu, ni dey. 29 ¡De mbecy nu zub gyidag, rlagy ñi nu gzuub gyidag yu ni de coz nu rnii Espiriit Yon ni Ãgyoozh lo de mbecy ne̱!” ânamâ.