Romanos 11

1 Orzeê na rdugyi̱ê ga̱ê: ¿a mneê Ãgyoozh tub nac de mbecy nu bicy nim zeê? ¡Rila walab ni bicy mi! Laab ya̱ naca̱ mbecy Israeel. Abraham, yu zeê gyitoo bel ne̱. Neza̱ Benjamiing. 2 Ãgyoozh wanneêm de mbecy Israeel, de yu nu nil nese nu loga la gud lagy mi nu nac yu nim. ¿Walab gaal wagad lagy der lac yaruu riidz ni Ãgyoozh zeê nu Elías bduê cyiy de mbecy Israeel lat nu mnii nuy Ãgyoozh? 3 Elías nay rab yu Ãgyoozh: “Shuaan de̱, bi biit dey dela yu nu rnii por cuen nir, nunu ptily dey de mez zeê nu driib zily de mbecy ru. Stub zi la ya̱ byeeña̱, nunu rlagyaê dey cut yu ya̱”, nay. 4 Orzeê na Ãgyoozh rab mi yu: “Ya̱ bi bloo su̱ gagy miily yu gyeey nu griib zily dey ya̱. De yu zeê wansu tib dey nu nriib zily yu nab nu la Baal”, nam. 5 Gal nu bicy Ãgyoozh tiem ni Elías, niê ziêl ricy mi na. Ãgyoozh bicy mi faboor nu pcuim la be de mbecy par nu gac nim. 6 Tees Ãgyoozh pcuim de mbecy zeê nu nac faboor nu bicy num dey. Walab nu pcuim dey nu nac la na de coz nu ricy dey. Gun benu ncuim dey nu nac la na coz nu ricy dey, orzeê ndeê walab tub faboor. 7 Orzeê na ¿lac mod? De mbecy Israeel wangyad dey tub mod nu gyanap yu par lo Ãgyoozh, sinu de yu nu pcui Ãgyoozh ziêl byap dey ñi. Zeê deê zir dey bicy mi nu byacyigy nañ lardooy. 8 Ni mod rnii riidz ni Ãgyoozh: “Ãgyoozh bicy mi nu byacyigy lardoo dey. Bicy mi nu mas zub urlo dey tees wacsac dey. Bicy mi nu mas zub gyidag yu, tees wagyeñ dey. Ni na dey mas gashtal dzi na”, rniiñ. 9 Niê ziêl mnii Dabi lat de riidz ni Ãgyoozh ornu nay: Rlagy ñi gyet lag dey nañ caa ni de coz nu row dey. De coz zeê gyicy ñi nu gadza dey. Orzeê cha dey lo cashtig. 10 Rlagy ñi nu gyow urlo dey, gun orzeê cueê zac dey. Rlagy ñi dzong ich dey par tub la nu nac nu dzi ye yuu nu ca ich yu, na riidz nu mnii Dabi. 11 Na rdugyi̱ê ga̱ê: ¿A bduneê de mbecy Israeel tub la nu nac nu gudza dey? ¡Rila walab ni! Sinu nu nac nu wansuub gyidag dey ni Ãgyoozh, ndeê nu guud mod nu gruu mbañ de mbecy nu walab mbecy Israeel, gun orzeê niê de mbecy Israeel galagy dey nu gruu mbañ yu. 12 Orzeê nu nac nu gudza de mbecy Israeel, ndeê nu guud mod nu nap ricy nu Ãgyoozh dela mbecy. Nunu nu nac nu wangyicy de mbecy Israeel zeê gan, orzeê nap bicy num de mbecy nu walab mbecy Israeel. ¡Benu ni, orzeê dzi zir nap gyicy num de mbecy Israeel ornu cush cya gaê dey lom tuubaê tir! 13 Na ricy cupa̱ tub riidz nu rlagya̱ ne̱e̱ lo de ru, mbecy nu walab mbecy Israeel. Como Ãgyoozh bzum ya̱ nu yapa̱ gyicya̱ riiñ lat der, ya̱ ricy zilya̱ riiñ nu ricya̱, 14 gun orzeê dzi ga galagy de losa̱ê nu gyicy dey gal nu ricy de ru, gun orzeê gruu mbañ la be dey. 15 Gun ornu mneê Ãgyoozh dey, orzeê guud mod nu gyanap deê zir mbecy nu yuê gyishlombecy lom. Orzeê ornu cush cya gaê dey lom, orzeê gzac dey gal nu zac tub mbecy gut ornu gyabañ yu. 16 Como de gyitoo bel ni de mbecy Israeel guc dey mbecy nu pcui Ãgyoozh nu gac nim, orzeê niê ziêl de mbecy Israeel nac dey mbecy nu pcui Ãgyoozh. Gun benu nap na gyishtily nu bruu ni cub loga la, orzeê niê ziêl nap na deê zir gyishtily nu gruu ni deê zir cub zeê. Nunu benu nap na lyu tub yag, orzeê niê ziêl nap na de yaañ. 17 De mbecy Israeel na dey gal nu na tub yag mni nu la ya oliva. Tees yuê la be de yaa yag mni zeê nu guch ñii. Orzeê lugaar zeê nu guch niñ zeê, zeê pcyiid dey yaa tubaê yag gyish. Orzeê de ru, mbecy nu walab mbecy Israeel, na der gal nu na yag gyish zeê. Orzeê na ral der dela gyel nap nu rbic Ãgyoozh ni de mbecy nim. 18 Tees cueê nii too der nu nap zir der gazeê de mbecy nu guc gal nu na yaa yag nu guch zeê. Benu rash der shcab nu nap zir der, orzeê cueê nit lagy der nu walab yaañ rbic ñi fers ni lyuñ, sinu lyuñ rbic ñi fers ni de yaañ. 19 Tees dzi ga grusu tub mbecy nu niiy: “Laab ni, tees guch de yaa yag zeê par nu gad lugaar nu cyiid dey de ub na”, niiy. 20 Laab ni gal nu niiy. Guch de yaañ zeê par nu nac nu wangyicy cup dey consuel lo Ãgyoozh. Tees de ru nicy nash der cyong yag zeê nu nac nu ricy cup ziêl der consuel lom. Orzeê cueê gyicy leê der, sinu gudzib der nis wagyicy ru gan. 21 Gun benu Ãgyoozh bloo chum de mbecy Israeel, de yu nu na gal nu na yaa yag mni zeê, orzeê ¿a rnii too der nu wabo chum de ru? 22 Orzeê bduê cuen der nu Ãgyoozh dzi nap mi, nunu dzi ta nam. Ta nam par de mbecy nu shiñ ricy. Tees nap mi par de ru, benu zaab gyicy paa la der nu de gyel nap nim. Benu wayicy der ndeê, orzeê shes mi de ru ich cyoong yag mni zeê. 23 Zeê benu de mbecy Israeel, cush cya dey nu gyicy cup yu consuel, orzeê Ãgyoozh cyiid cubaêm dey ich cyoong yag zeê, gun mi zeê gac cyiid mi dey tuubaê tir. 24 Gun de ru, mbecy nu walab mbecy Israeel, na der gal nu na yaa tub yag gyish zeê. Pshiêñ dey yaa yag zeê. Orzeê pcyiid dey ñi nu tub mod nu dzi biigy nu tub yag mni nu la ya oliva. ¡Benu gac gyicy mi ni mod nu de ru, orzeê a̱ê biigy zir cyiid mi ñii tuubaê tir, laab yaa ya oliva nu nac yag mni zeê ich laab cyong ñi! 25 Der bicya̱, rlagya̱ nu gad lagy der tub coz nu wangad lagy mbecy gulas, gun orzeê cueê gash der shcab nu nac der mbecy nu dzi rad lagy. Coz zeê, ndeê nu yuê mbecy Israeel nu bicy cyigy too dey. Walab nu bicy cyig too dey par tub la, tees bicy cyig too dey gashtal ornu lazh nu chuê dela mbecy nu walab mbecy Israeel lat de mbecy ni Ãgyoozh, de yu nu bi ca lo cuen nu chuê. 26 Ornu ded ni de nu ndeê, orzeê dela mbecy Israeel gruu mbañ dey gal nu rnii de riidz ni Ãgyoozh. Ãgyoozh nam: Biñ nu rboo mbañ mbecy, mi zeê gruum Sión nunu co chum dela cyi nu ricy mbecy nu bruu lat de nez Jacob. 27 Orzeê ya̱ zaê lo̱ trat nu bicy du̱ dey ornu lo̱o̱ chu dela cyi nu ricy dey, nam. 28 Na de mbecy Israeel za dey contr ni de riidz ni Crisht nu nac de ru, mbecy nu walab mbecy Israeel. Byac dey losaê yuu Ãgyoozh, gun orzeê gad mod nu de ru gac nu der mi. Tees mi zeê gabee rcam dey, gun pcuim de gyitoo bel ni dey, Abraham, Isaac, nu Jacob. 29 Gun rila wayashaêm de coz nap nu cuic mi ni mbecy, nunu ni wabo chum de mbecy nu bi pcuim nu gac nim. 30 Zeê de ru gulas wansuub gyidag der nim. Tees na Ãgyoozh gushni lagy mi der nu nac nu wacsuub gyidag de mbecy Israeel nim. 31 Ni ziêl wacsuub gyidag dey mas gashtal dzi na, gun orzeê gal nu gushni lagy Ãgyoozh de ru, orzeê niê ziêl gashni lagy mi dey zeê. 32 Gun Ãgyoozh ricy mi dela mbecy par mbecy nu wacsuub gyidag nim, gun orzeê gashni lagy mi dela dey nu tub ziêl mod. 33 ¡Dzi ga coz ily gyel nap ni Ãgyoozh! ¡Nap tonaê la rad lagy mi! ¡Nunu tonaê la yuê shcab nim! Se cyu la gac shaal lagu nu ni rniim. Se cyu la gac nii lagu ni ricy mi. 34 Gal nu rnii riidz nim: Ni tub la mbecy wac gyet lag yu cuen de shcab ni Ãgyoozh. Ni tub la mbecy wac cuic yu consef nim. 35 Ni tub la mbecy wac cuic yu coz nu com, coz nu rlagy ñi nu gyabicaêm ni dey, rniiñ. 36 Gun dela coz druuñ lo Ãgyoozh. Psaê lagy mi delañ, nunu delañ, nac ñii coz nim. Rlagy ñi nu gyabic den gyel mbecy nim par tub la. Laab ni gac ñii.