Romanos 13

1 Dela mbecy rlagy ñi nu zuub gyidag dey ni de fushtiz. Gun dela riiñ nu zu fushtiz, ndeê coz nu psaê lagy Ãgyoozh, nunu de yu nu zu riiñ zeê, Ãgyoozh bzum dey. 2 Ndeê nu de mbecy nu rza contr ni de fushtiz, yu zeê rzay contr ni tub coz nu bzu Ãgyoozh, nunu mbecy nu rza contr zeê, cha dey lo cashtig. 3 Gun de fushtiz walab nu nguaa dey par nu chiib yu de mbecy nu nap ricy, sinu nguaay par nu chiib yu de yu nu shiñ ricy. Benu walagy der nu chiib de fushtiz ru, orzeê nap bicy der. Gun orzeê gyet lagy dey. 4 Gun fushtiz, Ãgyoozh bzum dey par nu gyicy yu coz nap nuy de ru. Tees benu shiñ gyicy der, orzeê rlagy ñi nu dzib der lo dey. Gun segur la ricy cup dey rishbeey nu cuic yu cashtig ni der. De yu zeê zuy riiñ ni Ãgyoozh par nu cuic yu cashtig mod nu rlagy ñi ni de mbecy nu shiñ ricy. 5 Ndeê nu rlagy ñi nu zuub gyidag der ni de fushtiz. Walab tub lo ziêl nu zuub gyidag der ni dey par nu ruu chu der lo cashtig ni Ãgyoozh, sinu zuub gyidagaê der ni dey par nu cueê gat lo der. 6 Gyiê ndeê nu rgyish der tiñ cuen ni dey, gun zu dey riiñ ni Ãgyoozh ornu ricy dey gyel fushtiz niy. 7 Orzeê bicy nu der tub ga la mbecy dub gal mod nu rlagy ñi. Benu cyiñ mbecy tiñ lo der por cuen ni fushtiz, orzeê briic der ñii. Benu tuubaê mbecy rbooy cuen yagyiê lo der, orzeê briish der ñii. De mbecy nu yad ñi nu ca lagy der lo, pca lagy der loy. De mbecy nu yad ñi nu gyicy zily der, bicy zily der yu. 8 Cueê gzab der tiñ ni ni tub la mbecy. Tub zi coz gac zab der ni de mbecy: coz zeê ndeê nu ca tub ca tub ziêl der losaêr, gun mbecy nu rca losaê, yu zeê ricy yac yu dela coz nu rnii leey ni Ãgyoozh. 9 Leey zeê rniiñ: “Cueê gal der mbecy nu wanchelaar. Cueê cut der losaêr. Cueê gyicy der gubaan. Cueê gyicy saap lagy der de coz ni losaêr”, rniiñ. Dela de coz zeê, gal nu deê zir coz nu rnii laab leey zeê, ndeê coz nu yaruu stub zi riidz. Riidz zeê ndeê rniiñ nu pca der losaêr gal nu rcar ub ru. 10 Cyu ziêl mbecy nu rca losaê, rila wagyicy yu shiñ nu losaêy. Orzeê benu ca den losaên, orzeê ricy yac zaê la den ni de leey ni Ãgyoozh. 11 Ni rlagy ñi nu gyicy der, gun bi rad lagy der la tiem yuê den. Rlagy ñi nu gyicy den gal nu ricy tub mbecy nu rgyish yaa nu zu lily yu par tuubaê dzi, gun dzi nu gruu mbañ den bi yad gaab zir ñi na gazeê nese tiem nu loga la nu brugyiê nu ricy cup den consuel lo Ãgyoozh. 12 Bi yad rlazh rel. Sñuu ga ziêl zaê yu. Rlagy ñi nu glaa yaa den de coz nu ricy na zeê nu cow, nunu gyicy den tub mod nu ricy mbecy nu rded zeê nu yuê yaa. 13 Rlagy ñi gyicy den mod nu laab ñi gal nu ricy mbecy nu rded or widoo. Walagy ñi nu cha den zeê nu yuê gyel cyit. Walagy ñi nu gzugy den. Walagy ñi nu gal den mbecy nu wanchelaan. Walagy ñi zu den tub mod nu a̱ê cyit rabee. Walagy ñi gyicy deet den nu losaên. Walagy ñi gyicy saap lagy den. 14 Walagy ñi gyicy den dela ndeê, sinu rlagy ñi nu fert gac du den Shuaan na Jesucrisht. Nunu rlagy ñi nu cueê gric den lugaar nu gyicy na de coz a̱ê nap nu yuê nañ lardoon.