Romanos 5

1 Na como byanap den lo Ãgyoozh nu nac nu ricy cup na consuel lom, ndeê nu dub gusht la yuê den dun mi. Ni yuê den dun mi nu nac de coz nu bicy Shuaan den Jesucrisht. 2 Nu nac mi zeê, ndeê nu guud mod nu nap ricy nu Ãgyoozh de ub na. Nunu zaab ricy lam coz nap num de ub na. Orzeê tonaê la yet lagy den nu nac nu drish lon lo gyel lily nim nu cuic mi ni den. 3 Nunu walab ndeê ziêl, sinu niê ziêl yet lagy den ornu rzac deet den, gun rad lagy den nu nac nu rzac deet na, orzeê gac naa mbecy nu gagye. 4 Nunu nu nac nu gagye den, orzeê gac naa mbecy nu gruu nap par lo Ãgyoozh. Nunu nu nac nu gruu nap den, orzeê grish lon nu gyicy na gan. 5 Nunu wacshiêñ den baloor nu nac nu drish lon nu gyicy na gan, gun Ãgyoozh bicy mi nu gad lagy den nu tonaê la rcam de ub na nu nac Espiriit Yon nim, biñ nu rbic mi ni den. 6 Gun tiem nu wancyiiñ den nu loo mbañ naa ub na, orzeê Crisht gut mi. Ornu pshuub tiem nu bzu Ãgyoozh, gut mi par nu locyuub mi de ub na, mas de ub na nac naa mbecy cyi. 7 Par mbecy tonaê la biigy nu shet ic yu nu gat yu nu locyuub yu tub losaêy mas mbecy zeê nac yu mbecy cacy. Tees cyup ridz yuê mbecy grusuy nu shet ic yu nu gat yu par nu locyuub yu losaêy gyiê nu nac yu zeê mbecy nap. 8 Tees Ãgyoozh briic mi nu gad lagy den nu tonaê la rcam de ub na, gun lat nu gabee nac naa mbecy cyi, Crisht gut mi nu nac den. 9 Nu nac nu pshu reñ mi, orzeê byanap den lo Ãgyoozh. Benu ni, orzeê dzi zir gruu mbañ de ub na. 10 Gun lat nu nac laa den losaê yuu Ãgyoozh, lat la zeê byanap den dun mi nu nac nu gut Iêñ mi Jesuuz. Benu ni bicy mi lat nu nac naa losaê yuum, orzeê na nu bi byanap riidz ni den dun mi, orzeê segur zir nu gruu mbañ den nu nac nu mbañ Iêñ mi Jesuuz. 11 Tees walab tub lo ziêl ndeê, sinu niê Shuaan den Jesucrisht ricy mi nu zu cyit lagy den nu nac Ãgyoozh, gun bicy mi nu byanap riidz ni den nu Ãgyoozh. 12 Ornu tub mbecy nu la Adaang bicy yu cyi, orzeê guê cyi gyishlombecy. Nunu nu nac cyi zeê brugyiê nu rat mbecy. Ndeê nu dela mbecy rat dey, gun dela dey bicy yu cyi. 13 De mbecy ni gyishlombecy nil bicy dey cyi anzir nu zeeñ Moisees leey. Tees lat nu sac leey Ãgyoozh wanriib cuen mi de cyi nu bicy mbecy. 14 Nese tiem ni Adaang gashtal tiem ni Moisees, dela mbecy gut dey mas wangyicy yu cyi nu bicy Adaang ornu bicy yu coz nu mnii Ãgyoozh nu cueê gyicy yu. Adaang saap yu Crisht, biñ nu ca lo cuen nu cyid. 15 Tees reñaê nay par mi zeê. Gun coz nap nu leew la briic Ãgyoozh, ndeê wasaap ñi cyi nu bicy yu. Rishli zigy mbecy gut yu nu nac cyi nu bicy tub zi mbecy. Tees coz ily zir ricy Ãgyoozh ornu nap ricy num zigy mbecy, nunu coz ilyaê zir ricy mi ornu briic mi coz nap ni dey nu nac tub zi mbecy. Ndeê Jesucrisht. 16 Coz nu leew la briic Ãgyoozh zeê nu coz nu bicy Adaang zeê, walab tub ziêl nañ. Gun despuees ornu bicy Adaang coz cyi tub tir, orzeê Ãgyoozh mniim nu guê falt ni de mbecy. Orzeê rlagy ñi nu cha dey lo cashtig. Tees mas ricy mbecy cyi zañ tir, tees Ãgyoozh mniim nu byanap dey lom nu nac coz nu leew la briic mi zeê. 17 Rishli nu nac cyi nu bicy tub zi mbecy zeê, ndeê nu bzub gyiêñ nu gat dela mbecy. Tees coz ily zir bicy tuubaê mbecy. Mi zeê Jesucrisht. Nu nac mi zeê Ãgyoozh ricy mi faboor ily num dela mbecy, nunu nu nac mi zeê ricy mi nu leew la gyanap dey lom. Nunu de yu nu ni ricy num, de yu zeê gyicy yu gan cyiiñ yu tub mod nap gyishlombecy ii. 18 Orzeê nu nac cyi nu bicy tub mbecy nu la Adaang, yad ñi nu cha dela mbecy lo cashtig. Niê ziêl nu nac coz seêñ nu bicy tuubaê mbecy, mi zeê Jesucrisht, orzeê bruu dela mbecy nu ricy cup consuel lom lo cashtig, nunu cui mbañ dey tub la. 19 Dela mbecy byac dey mbecy cyi nu nac tub zi Adaang, yu nu wansuub gyidag ni Ãgyoozh. Orzeê niê ziêl mod, zigyaê mbecy gyanap yu lom nu nac tuubaê mbecy nu bicy yac de coz nu rniim. Mi zeê Jesuuz. 20 Ãgyoozh briic mi leey ni Moisees, gun orzeê byañ zir de cyi nu ricy mbecy. Tees ornu dzi zir bicy de mbecy cyi, orzeê coz ily zir bicy Ãgyoozh ornu bicy mi faboor num dey. 21 Ndeê nu gal nu cyi dzi fert bicy nuñ de mbecy, orzeê niê ziêl fert bicy Ãgyoozh num dey. Gun cyi bicy ñi nu gat mbecy. Tees Ãgyoozh bicy mi faboor num dey ornu bicy mi nu gyanap dey lom. Orzeê nu nac ndeê cui mbañ dey tub la. Ni bicy mi nu nac Shuaan den Jesucrisht.