0037 1Cl 37

1Cl 37:1 Στρατευσωμεθα ουν, ανδρες αδελφοι, μετα πασης εκτενειας εν τοις αμωμοις προσταγμασιν αυτου.

1Cl 37:2 κατανοησωμεν τους στρατευομενους τοις ηγουμενοις ημων, πως ευτακτως, πως εκτικως, πως υποτεταγμενως επιτελουσιν τα διατασσομενα.

1Cl 37:3 ου παντες εισιν επαρχοι ουδε χιλιαρχοι ουδε εκατονταρχαι ουδε πεντηκονταρχοι ουδε το καθεξης, αλλ’ εκαστος εν τω ιδιω ταγματι τα επιτασσομενα υπο του βασιλεως και των ηγουμενων επιτελει.

1Cl 37:4 οι μεγαλοι διχα των μικρων ου δυνανται ειναι, ουτε οι μικροι διχα των μεγαλων: συγκρασις τις εστιν εν πασιν, και εν τουτοις χρησις .

1Cl 37:5 λαβωμεν το σωμα ημων: η κεφαλη διχα των ποδων ουδεν εστιν, ουτως ουδε οι ποδες διχα της κεφαλης: τα δε ελαχιστα μελη του σωματος ημων αναγκαια και ευχρηστα εισιν ολω τω σωματι: αλλα παντα συνπνει και υποταγη μια χρηται εις το σωζεσθαι ολον το σωμα.