Home › Church Fathers › The Gregorian Sacramentary under Charles the Great (Wilson edition, Latin)
The Gregorian Sacramentary under Charles the Great (Wilson edition, Latin)
The Roman mass-book that Pope Hadrian I sent to Charlemagne, edited by H. A. Wilson from three manuscripts of the ninth century (Cambrai 164, Reims/Vatican Reg. 337 and Vatican Ottob. 313): the Latin of the order of the mass and canon, the ordinations, the masses and prayers for the feasts and seasons of the Roman year, the prayers for various needs, the supplement added in the Frankish church (probably by Alcuin), and the prefaces and episcopal blessings from the other manuscripts. Wilson prints the Cambrai text (C) with the other manuscripts in the notes, which are not reproduced here. This page has 515 chapters and about 65,148 words.
IN NOMINE DOMINI INCIPIT LIBER SACRAMENTORUM DE CIRCULO ANNI EXPOSITUM A SANCTO GREGORIO PAPA ROMANO EDITUM EX AUTHENTICO LIBRO BIBLIOTHECAE CUBICULI SCRIPTUM QUALITER MISSA ROMANA CELEBRATUR Hoc est inprimis introitus qualis fuerit statutis temporibus seu diebus festis. siue cotidianis. deinde kyrie eleison. Item dicitur gloria in excelsis deo. si episcopus fuerit. tantummodo die dominico siue diebus festis. a presbiteris autem minime dicitur nisi solo in pascha. Quando uero lactania agitur. neque gloria in excelsis deo neque alleluia canitur. Postmodum dicitur oratio. deinde sequitur apostolus. Item gradalis seu alleluia. Postmodum legitur euangelium. Deinde offertorium et dicitur oratio super oblatam. Inde dicit sacerdos excelsa uoce. Per omnia saecula saeculorum amen. Dominus uobiscum Et cum spiritu tuo Sursum corda Habemus ad dominum Gratias agamus domino deo nostro Dignum et iustum est. VERE dignum et iustum est equum et salutare nos tibi semper et ubique gratias agere. domine sancte pater omnipotens aeterne deus per christum dominum nostrum per quem maiestatem tuam laudant angeli. adorant dominationes tremunt potestates caeli caelorumque virtutes. ac beata seraphin socia exultatione concelebrant. cum quibus et nostras uoces ut admitti iubeas deprecamur supplici confessione dicentes
Sanctus sanctus sanctus dominus deus sabaoth. TE igitur clementissime pater per iesum christum filium tuum dominum nostrum. supplices rogamus et petimus uti accepta habeas et benedicas haec dona haec munera haec sancta sacrificia inhibata. Inprimis quae tibi offerimus pro ecclesia tua sancta catholica quam pacificare custodire adunare et regere digneris toto orbe terrarum una cum beatissimo famulo tuo papa nostro illo. Memento domine famulorum famularumque tuarum et omnium circum adstantium quorum tibi fides cognita est et nota deuotio qui tibi offerunt hoc sacrificium laudis pro se suisque omnibus pro redemptione animarum suarum pro spe salutis et incolomitatis suae tibi reddunt uota sua aeterno deo uiuo et uero. Communicantes et memoriam uenerantes. Inprimis gloriosae semper uirginis mariae genetricis dei et domini nostri iesu christi. sed et beatorum apostolorum ac martyrum tuorum. petri. pauli. andreae. iacobi. iohannis. thome. iacobi. philippi. bartholomaei. matthei. simonis et taddei lini cleti clementis. xysti cornelii cypriani laurentii chrysogoni iohannis et pauli cosmae et damiani. et omnium sanctorum tuorum. quorum meritis precibusque concedas ut in omnibus protectionis tuae muniamur auxilio. per christum dominum nostrum.
Hanc igitur oblationem seruitutis nostrae sed et cunctae familiae tuae quaesumus domine ut placatus accipias. diesque nostros in tua pace disponas. atque ab aeterna damnatione nos eripi. et in electorum tuorum iubeas grege numerari. per christum dominum nostrum. Quam oblationem tu deus in omnibus. quaesumus benedictam adscriptam ratam rationabilem acceptabilemque facere digneris Ut nobis corpus et sanguis fiat dilectissimi filii tui domini dei nostri iesu christi. Qui pridie quam pateretur accepit panem in sanctas ac uenerabiles manus suas eleuatis oculis in celum ad te deum patrem suum omnipotentem tibi gratias agens benedixit fregit dedit discipulis suis dicens accipite et manducate ex hoc omnes hoc est corpus meum simili modo posteaquam cenatum est accipiens et hunc praeclarum calicem in sanctas ac uenerabiles manus suas Item tibi gratias agens benedixit dedit discipulis suis, dicens accipite et bibite ex eo omnes hic est enim calix sanguinis mei noui et aeterni testamenti mysterium fidei qui pro uobis et pro multis effundetur in remissionem peccatorum. Haec quotiescumque feceritis in mei memoriam facietis. Unde et memores sumus domine nos tui serui, sed et plebs tua sancta christi filii tui domini dei nostri tam beatae passionis necnon et ab inferis resurrectionis sed et in caelos glorioſae ascensionis offerimus praeclare maiestati tuae de tuis donis ac datis hostiam puram hostiam sanctam hostiam immaculatam panem sanctum uitae aeternae et calicem salutis perpetuae supra quae propitio ac sereno uultu respicere digneris, et accepta habere sicuti accepta habere dignatus es munera pueri tui iusti abel, et sacrificium patriarche nostri abrahae et quod tibi obtulit summus sacerdos tuus melchisedech, sanctum sacrificium immaculatam hostiam.
Supplices te rogamus omnipotens deus iube haec perferri per manus angeli tui in sublime altare tuum in conspectu diuine maiestatis tuae ut quotquot ex hac altaris participatione sacrosanctum filii tui corpus et sanguinem sumpserimus omni benedictione caelesti et gratia repleamur per christum dominum nostrum Nobis quoque peccatoribus famulis tuis de multitudine miserationum tuarum sperantibus partem aliquam et societatem donare digneris cum tuis sanctis apostolis et martyribus cum iohanne stephano matthia barnaba ignatio alexandro marcellino petro felicitate perpetua agatha lucia agne cecilia anastasia. et cum omnibus sanctis tuis. Intra quorum nos consortium non aestimator meriti sed ueniae quaesumus largitor admitte. per christum dominum nostrum. per quem haec omnia domine semper bona creas sanctificas uiuificas benedicis et prestas nobis. per ipsum et cum ipso et in ipso est tibi deo patri omnipotenti in unitate spiritus sancti omnis honor et gloria. per omnia saecula saeculorum. amen. Praeceptis salutaribus moniti. et diuina institutione formati. audemus dicere.
Pater noster qui es in caelis sanctificetur nomen tuum adueniat regnum tuum. fiat uoluntas tua sicut in caelo et in terra. panem nostrum cotidianum da nobis hodie. et dimitte nobis debita nostra sicut et nos dimittimus debitoribus nostris. et ne nos inducas in temptationem. sed libera nos a malo Libera nos quaesumus domine ab omnibus malis praeteritis. praesentibus. et futuris. et intercedente beata et gloriosa semper uirgine dei genetrice maria. et beatis apostolis tuis petro et paulo atque andrea. da propitius pacem in diebus nostris. ut ope misericordiae tuae adiuti. et a peccato simus semper liberi. et ab omni perturbatione securi. per dominum nostrum iesum christum filium tuum qui tecum uiuit et regnat deus in unitate spiritus sancti. per omnia saecula seculorum amen. Pax domini sit semper uobiscum. R. Et cum spiritu tuo. Agnus dei qui tollis peccata mundi miserere nobis. Adesto supplicationibus nostris omnipotens deus et quod humilitatis nostrae gerendum est ministerio. Tuae uirtutis impleatur effectu. per dominum.
Propitiare domine supplicationibus nostris. et inclinato super hunc famulum tuum cornu gratiae sacerdotalis. benedictionis tuae in eo effunde uirtutem per dominum. Deus honorum omnium deus omnium dignitatum. quae gloriae tuae sacratis famulantur ordinibus. Deus qui moysen famulum tuum secreti familiaris affatu. inter cetera caelestis documenta culturae. De habitu quoque indumenti sacerdotalis instituens. electum aaron mystico amictu uestiri inter sacra iussisti. Ut intelligentiae sensum de exemplis priorum caperet secutura posteritas. Ne eruditio doctrinae tuae ulli deesset aetati. Cum et apud ueteres reuerentiam ipsa significationum species obtineret. Et apud nos certiora essent experimenta rerum quam enigmata figurarum. Illius namque sacerdotii anterioris habitus nostrae mentis ornatus est. Et pontificalem gloriam non iam nobis honor commendat uestium: Sed splendor animarum; Quia et illa quae tunc carnalibus blandiebantur optutibus. ea potius quae in ipsis erant intelligenda poscebant. Et idcirco huic famulo tuo quem ad summi sacerdotii ministerium elegisti. hanc quaesumus domine gratiam largiaris: Ut quicquid illa uelamina. in fulgore auri. in nitore gemmarum. in multimodi operis uarietate signabant. hoc in eius moribus actibusque clarescat. comple in sacerdote tuo mysterii tui summam. et ornamentis totius glorificationis instructum. caelestis unguenti flore sanctifica. Hoc domine copiose in eius caput influat Hoc in oris subiecta decurrat. Hoc in totius corporis extrema descendat. ut tui spiritus uirtus et interiora eius repleat: Et exteriora circumtegat: Abundet in eo constantia fidei, puritas dilectionis, sinceritas pacis, tribuas ei cathedram episcopalem ad regendam ecclesiam tuam et plebem uniuersam. Sis ei auctoritas, sis ei firmitas, sis potestas. Multiplices super eum benedictionem et gratiam tuam, ut ad exorandam misericordiam tuam, tuo munere semper idoneus, tua gratia possit esse deuotus, per dominum.
Haec hostia domine quaesumus emundet nostra delicta, et sacrificium celebrandum subditorum tibi corpora mentesque sanctificet, per. Hanc igitur oblationem seruitutis nostræ, sed et cunctæ familiæ tuae quam tibi offerimus etiam pro famulo tuo illo, quem ad epis copatus ordinem promouere digna tus es, quaesumus domine ut placatus accipias, et propitius in eo tua dona custodias, ut quod diuino munere consecutus est, diuinis effectibus exsequatur, diesque nostros. Haec nos communio domine purget a crimine, et caelestis remedii faciat esse consortes, per. Oremus dilectissimi deum patrem omnipotentem ut super hunc famulum suum quem ad præsbyterii munus elegit. caelestia dona multiplicet, auxiliante domino nostro iesu christo, qui cum eo uiuit et regnat deus. Exaudi nos quaesumus domine deus noster et super hunc famulum 'tuum' benedictionem sancti spiritus et gratiæ sacerdotalis effunde uirtutem, ut quem tuae pietatis aspectibus offerimus consecrandum, perpetua muneris tui largitate consequaris, per dominum.
Domine sancte pater omnipotens aeternæ deus, honorum auctor, et distributor omnium dignitatum, per quem proficiunt uniuersa, per quem cuncta firmantur, amplificatis semper in melius nature rationalis incrementis per ordinem congrua ratione dispositum unde et sacerdotales gradus atque officia leuitarum sacramentis mysticis instituta creuerunt. Ut cum pontifices summos regendis populis præfecisses ad eorum societatis et operis adiumentum sequentis ordinis uiros et secundæ dignitatis eligeres. Sic in heremo per septuaginta uirorum prudentium mentem moysi spiritum propagasti quibus ille adiutoribus usus in populo innumeras multitudines facile gubernauit sic in eleazaro et ithamar paterne plenitudinis abundantiam transfudisti ut ad hostias salutares et frequentioris officii sacramenta ministerium sufficeret sacerdotum. Hac prouidentia domine apostolis filii tui doctores fidei comites addidisti quibus illi orbem totum secundis predicatoribus impleuerunt; quapropter infirmitati quoque nostre domine hæc adiumenta largire qui quanto magis fragiliores sumus tanto his pluribus indigemus. Da quaesumus pater in hunc famulum tuum præsbyterii dignitatem in noua in uisceribus eius spiritum sanctitatis acceptum a te deus secundi meriti munus obtineat censuramque morum exemplo suæ conuersationis insinuet sit probus cooperator ordinis nostri eluceat in eo totius forma iustitiæ ut bonam rationem dispensationis sibi creditæ redditurus aeternæ beatitudinis præmia consequatur per.
Oremus dilectissimi deum patrem omnipotentem ut super hunc famulum suum quem in sacrum ordinem dignatur ad sumere benedictionis suæ gratiam clementer effundat eique donum consecrationis indulgeat per quod eum ad premia aeterna perducat auxiliante domino nostro iesu christo qui cum eo uiuit. Exaudi domine præces nostras et super hunc famulum tuum spiritum tuæ benedictionis emitte ut caelesti munere ditatus et tuae gratiam possit maiestatis adquirere et bene uiuendi aliis exemplum præbere per. Adesto quaesumus omnipotens deus, honorum dator, ordinum distributor, officiorumque dispositor, qui in te manens innouas omnia, et cuncta disponis, per uerbum, uirtutem, sapientiamque tuam iesum christum filium tuum dominum nostrum sempiterna prouidentia preparas, et singulis quibusque temporibus abtanda dispensas, cuius corpus ecclesiam tuam caelestium gratiarum uarietate distinctam, suorumque conexam districtione membrorum, per legem mirabilem totius conpagis unitam, in augmentum templi tui crescere dilatarique largiris., Sacri muneris seruitutem trinis gradibus ministrorum nomini tuo militare constituens, electis ab initio leui filiis qui mysticis operationibus domus tuæ fidelibus excubiis permanentes, hereditatem benedictionis aeternæ, sorte perpetua possiderent; super hunc quoque famulum tuum quaesumus domine placatus intende quem tuis saʳcraʳriis seruiturum, in officium diaconii suppliciter dedicamus. Et nos quidem tamquam homines diuini sensus et summe rationis ignari, huius uitam quantum possumus estimamus, te autem domine ea quæ nobis sunt ignota non transeunt, te occulta non fallunt, tu cognitor secretorum, tu scrutator es cordium, tu eius uitam caelesti poteris examinare iudicio, quo semper præuales et ammissa purgare, et ea quæ sunt agenda concedere; emitte in eum domine quaesumus spiritum sanctum, quo in opus ministerii fideliter exsequendi, septiformis gratiæ munere roboretur; Abundet in eo totius forma uirtutis, auctoritas modesta, pudor constans, innocentiæ puritas, et spiritalis obseruatio disciplinem; In moribus eius præcepta tua fulgeant, ut suæ castitatis exemplo, imitationem sancta plebs adquirat, et bonum conscientiæ testimonium proferens, in christo firmus et stabilis perseueret, dignisque successibus de inferiori gradu, per gratiam tuam capere potiora mereatur, per dominum.
VIII. Kalendas Ianuarias, id est die, XXIII. Mensis Decembris, Oratio in Vigiliis Domini
Deus qui nos redemptionis nostrae annua exspectatione laetificas, presta ut unigenitum tuum quem redemptorem laeti suscepimus . uenientem quoque iudicem securi uideamus . dominum nostrum . qui tecum uiuit. Super oblata. Da nobis quaesumus omnipotens deus . ut sicut adoranda filii tui natalicia præuenimus . sic eius munera capiamus sempiterna gaudentes . qui tecum uiuit. Ad complendum. Da nobis domine quaesumus unigeniti filii tui recensita natiuitate respirare . cuius caelesti mysterio pascimur et potamur . per eundem.
VIII. Kalendas Ianuarias. id est die. XXV. Mensis Decembris. Natale Domini ad Sanctam Mariam Maiorem
Deus qui hanc sacratissimam noctem ueri luminis fecisti inlustratione clarescere . da quaesumus ut cuius lucis mysteria in terra cognouimus . eius quoque gaudiis in celo perfruamur . qui tecum. Super oblata. Accepta tibi sit domine quaesumus hodiernę festiuitatis oblatio . ut tua gratia largiente . per hęc sacrosancta commercia . in illius inueniamur forma in quo tecum est nostra substantia . qui tecum uiuit. Præfatio. Vere dignum et iustum est aequum et salutare . nos tibi semper et ubique gratias agere . domine sancte pater omnipotens aeternę deus . quia per incarnati uerbi mysterium . noua mentis nostrę oculis lux tuę claritatis infulsit . ut dum uisibiliter deum cognoscimus . per hunc inuisibilium amore rapiamur . et ideo cum angelis et archangelis . cum thronis et dominationibus . cumque omni militia cœlestis exercitus . ymnum glorię tuę canimus sine fine dicentes . Sanctus ✠ Sanctus ✠ Sanctus ✠. Communicantes et noctem sacratissimam celebrantes . qua beatę marię intemerata uirginitas huic mundo edidit saluatorem. Sed et memoriam uenerantes eiusdem gloriosę semper uirginis marię genetricis dei et domini nostri iesu christi . sed et beatorum apostolorum.
Ad complendum.Da nobis quaesumus domine deus noster . ut qui natiuitatem domini nostri iesu christi nos frequentare gaudemus . dignis conversationibus ad eius mereamur pertinere consortium . qui tecum uiuit et regnat.
De Nocte Ad Sanctam Anastasiam.Da quaesumus omnipotens deus . ut qui beatę anastasię martyris tuę solemnia colimus . eius apud te patrocinia sentiamus . per.
Alia.Da quaesumus omnipotens deus . ut qui noua incarnati uerbi tui luce perfundimur . hoc in nostro resplendeat opere . quod per fidem fulget in mente . per eundem.
Super oblata.Accipe quaesumus domine munera dignanter oblata . et beatę anastasię suffragantibus meritis . ad nostrę salutis auxilium prouenire concede . per dominum.
Item super oblata.Munera nostra quaesumus domine natiuitatis hodiernę mysteriis apta proueniant . ut sicut homo genitus idem refulsit deus . sic nobis haec terrena substantia conferat quod diuinum est . per eundem.
Prefatio.Vere dignum aequum et salutare . nos tibi semper et ubique gratias agere . domine sancte pater omnipotens aeternę deus . qui ut de hoste generis humani maior uictoria duceretur . non solum per uiros uirtute martyrii. sed de eo etiam per feminas triumphasti. et ideo cum angelis.
Prefatio.Vere dignum aequum et salutare. nos tibi semper et ubique gratias agere. domine sancte pater omnipotens aeternę deus. quia nostri saluatoris hodie lux uera processit. quæ clara nobis omnia. et intellectu manifestauit et uisu. et ideo cum angelis.
Praefatio.Vere dignum aequum et salutare. nos tibi semper et ubique gratias agere. domine sancte pater omnipotens aeternę deus. quia per incarnati uerbi mysterium. noua mentis nostrę oculis. lux tuę claritatis infulsit. ut dum uisibiliter deum cognoscimus. per hunc inuisibilium amore rapiamur. et ideo. Communicantes et diem sacratissimum celebrantes quo beate marię intemerata uirginitas hinc mundo edidit saluatorem, sed et memoriam uenerantes, eiusdem gloriosę semper uirginis marię genetricis dei. Ad complendum. Presta quaesumus omnipotens deus, ut natus hodie saluator mundi, sicut diuinę nobis generationis est auctor, ita et inmortalitatis sit ipse largitor, qui tecum uiuit.
Alię Orationes De Natale Domini.Respice nos misericors deus, et mentibus clementer humanis nascente christo summe ueritatis lumen ostende, per eundem. Alia. Largire quaesumus domine famulis tuis fidei spei et caritatis augmentum, ut qui de natiuitate filii tui domini nostri gloriantur, et aduersa mundi te gubernante non sentiant, et quae temporaliter cèlebrare desiderant sine fine percipiant, per eundem. Alia. Deus qui per beatę marię uirginis partum sine humana concupiscentia procreatum, in filii tui membra uenientes paternis fecisti praeiudiciis non teneri, presta quaesumus ut huius creaturę nouitate suscepta, uetustatis antiquę contagiis exuamur, per eundem. Alia. Concede nobis omnipotens deus, ut salutare tuum noua cęlorum luce mirabile, quod ad salutem mundi hodierna festiuitate processit nostris semper innouandis cordibus oriatur, per eundem. Alia. Omnipotens sempiterne deus, qui hunc diem per incarnationem uerbi tui et partum beatę marię uirginis consecrasti, da populis tuis in hac celebritate consortium, ut qui tua gratia sunt redempti, tua sint adoptione securi, per dominum.
Alia.Deus qui humanę substantię dignitatem et mirabiliter condiisti. et mirabilius reformasti. da nobis quaesumus eius diunitatis esse consortes. qui humanitatis nostrae fieri dignatus est particeps. qui tecum uiuit et regnat.
Alia.Omnipotens sempiterne deus. qui in filii tui domini nostri natiuitate tribuisti. totius relʰiʰgionis initium perfectionemque constare. da nobis quaesumus in eius portione censeri. in quo totius salutis humanę summa consistit. qui tecum.
Alia.Da quaesumus domine populo tuo inuiolabilem fidei firmitatem. ut qui unigenitum tuum in tua tecum gloria sempiternum. in ueritate nostri corporis natum de matre uirgine confitentur. et a ʳpręʰsentibus liberentur aduersis. et mansuris gaudiis inserantur. per eundem.
VII. Kalendas Ianuarias. id est XXVI. die Mensis Decembris Natale Sancti Stephani
Da nobis quaesumus domine imitari quod colimus. ut discamus et inimicos diligere. quia eius natalicia celebramus qui nouit etiam pro persecutoribus exorare. per dominum.
Alia oratio.Omnipotens sempiterne deus. qui primitias martyrum in beati leuitę stephani sanguine dedicasti. tribue quaesumus ut pro nobis intercessor existat. qui pro suis etiam persecutoribus exorauit. per. Alia. Deus qui nos unigeniti tui clementer incarnatione redemisti. da nobis patrocinia tuorum continuata sanctorum. quibus capere ualeamus salutaris mysterii portiof nem. per eundem dominum.
VI. Kalendas Ianuarias. id est. XXVII. die Mensis Decembris Natale Sancti Iohannis Euangelistae
Ecclesiam tuam domine benignus inlustra. ut beati iohannis euangelistę inluminata doctrinis. ad dona perueniat sempiterna. per dominum. Super oblata. Suscipe munera domine. quae in eius tibi solemnitate deferimus. cuius nos confidimus patrocinio liberari. per dominum. Ad complendum. Refecti cibo potuque caelesti deus noster. te supplices deprecamur. ut in cuius haec commemoratione percepimus. eius muniamur et præcibus. per dominum. Ad uesperos ubi supra. Beati iohannis euangeliste quaesumus domine supplicatione placatus. et ueniam nobis tribue. et remedia sempiterna concede. per dominum. Ad fontes. Beati euangelistę iohannis domine præcibus adiuuemur. ut quod possibilitas nostra non obtinet. eius nobis intercessione donetur. per dominum. Ad sanctum andream. Sit domine quaesumus beatus iohannes euangelista nostre fragilitatis adiutor. ut pro nobis tibi supplicans. copiosifus audiatur. per. Alia. Deus qui per os beati apostoli tui iohannis uerbi tui nobis archana reserasti . presta quaesumus ut quod ille nostris auribus excellenter infudit . intellegentie competentis eruditione capiamus . per dominum.
Alia. Omnipotens sempiternae deus qui huius diei uenerandam sanctamque letitiam beati apostoli tui iohannis euangeliste festiuitate tribuisti . da ecclesiæ tuæ quaesumus et amare quod credidit . et prædicare quod docuit . per.
V. Kalendas Ianuarias. id est. XXVIII. die Mensis Decembris Natale Innocentum ad Sanctum Paulum
Deus cuius hodierna die preconium innocentes martyres non loquendo sed moriendo confessi sunt . omnia in nobis uitiorum mala mortifica . ut fidem tuam quam lingua nostra loquitur . etiam moribus uita fateatur . per dominum. Super oblata. Sanctorum tuorum nobis domine pia non desit oratio . quae et munera nostra conˢciliet . et tuam nobis indulgentiam semper obtineat . per. Ad complendum. Votiua domine dona percepimus . quæ sanctorum nobis precibus . et præsentis quaesumus uitæ pariter . et aeternæ tribue conferre subsidium . per. Alia. Deus qui licet sis magnus in magnis . mirabilia tamen gloriosius operaris in minimis . da nobis quaesumus in eorum celebritate gaudere . qui filio tuo domino nostro testimonium praebuerunt . etiam non loquentes . per eundem.
II. Kalendas Ianuarias. id est. XXXI. die Mensis Decembris Natale Sancti Siluestri Pape
Da quaesumus omnipotens deus . ut beati siluestri confessoris tui atque pontificis ueneranda solemnitas . et deuotionem nobis augeat et salutem . per dominum. passer]. Com. Uox in rama. [All. Erodes iratus occid(it) multos pueros in be(thleem) iude ciuita <te> dauit.]
Deus qui salutis aeternę beatę marię uirginitate fecunda. humano generi pręmia prestitisti. tribue quaesumus ut ipsam pro nobis intercedere sentiamus. per quam meruimus auctorem uitę suscipere. dominum nostrum iesum christum qui tecum uiuit.
Oratio in Alia Dominica.Omnipotens sempiternę deus. dirige actus nostros in beneplacito tuo. ut in nomine dilecti filii tui mereamur bonis operibus habundare. per eundem.
Item in Alia Dominica.Vota quaesumus domine supplicantis populi caelesti pietate prosequere. ut et quae agenda sunt uideant. et ad implenda quae uiderint conualescant. per dominum.
VIII. Idus Ianuarias. id est VI. die Mensis Ianuarii Epyphania ad Sanctum Petrum
Deus qui hodierna die unigenitufm tuum gentibus stella duce reuelasti. concede propitius ut qui iam te ex fide cognouimus. usque ad contemplandam speciem tuę celsitudinis perducamur. per eundem.
Super oblata.Ecclesię tuę quaesumus domine dona propitius intuefre. quibus non iam. aurum. thus. et myrra profertur. sed quod eisdem muneribus declaratur immolatur et sumitur. per dominum.
Praefatio.Vere dignum et iustum est aequum et salutare nos tibi semper et ubique gratias agere. domine sancte pater omnipotens aeternę deus. quia cum unigenitus tuus in substantia nostrę mortalitatis apparuit. in noua nos immortalitatis suę luce reparauit. et ideo cum angelis et archangelis Communicantes et diem sacratissimum celebrantes. quo unigenitus tuus in tua tecum gloria coaeternus. in ueritate carnis nostrae uisibiliter corporalis apparuit. Sed et memoriam uenerantes.
Alię orationes.Deus inluminator omnium gentium. da populis tuis perpetua pace gaudere. et illud lumen splendidum infunde cordibus nostris. quod trium magorum mentibus aspirasti. per dominum.
Alia.Deus cuius unigenitus in substantia nostrae carnis apparuit. 2 Orationem sup. obl. hoc loco ponit C orat. Inlumina (vid. inf. p. 18.) 5 noua . . . . luce nouam . . . . lucem O. 6 et archangelis pergit C usque ad dicentes SCS T. 7 omnipotens deus domine deus noster C. 8 intellegentia intellegentiam C. GREG. 9 Alię orationes Alia C. 11 quod quem C. C presta quaesumus ut per eum quem similem nobis foris agnouimus./intus reformari mereamur. per eundem. Alia. Omnipotens sempiterne deus. fidelium splendor animarum. qui hanc solemnitatem electionis gentium primitiis consecrasti. imple mundum gloria tua. et subditis tibi populis. per luminis tui appare claritatem. per dominum. Alia. Concede nobis omnipotens deus. ut salutare tuum noua cælorum luce mirabile. quod ad salutem mundi hodierna festiuitate processit. nostris semper innouandis cordibus oriatur. per dominum. Alia. Da nobis quaesumus domine digne celebrare 'myste'rium. quod in nostri saluatoris infantia miraculis coruscantibus declaratur. et corporalibus incrementis manifesta designatur humanitas. per eundem.
Alia. Presta quaesumus omnipotens deus. ut saluatoris mundi stella duce manifestata natiuitas mentibus nostris reueletur semper et crescat. per eundem. sanctorum tuorum exempla nos prouocent quatenus quorum solemnia agimus etiam actus imitemur per dominum nostrum. Super oblata. Hostias tibi domine beati felicis confessoris tui dicatas meritis benignus adsume et ad perpetuum nos tribue prouenire subsidium per dominum. Ad complendum. Quaesumus domine salutaribus repleti misteriis ut cuius solemnia celebramus eius orationibus adiuuemur per dominum.
XVII. Kalendas Februarias, id est XVI. die Mensis Ianuarii Natale Sancti Marcelli Papē
Preces populi tui quaesumus domine clementer exaudi ut beati marcelli martyris tui atque pontificis meritis adiuuemur cuius passione laetamur per dominum. Super oblata. Suscipe quaesumus domine munera dignanter oblata et beati marcelli suffragantibus meritis ad nostre salutis auxilium prouenire concede per dominum. Ad complendum. Satiasti domine familiam tuam muneribus sacris eius quaesumus semper interuentione nos refoue cuius solemnia celebramus per dominum.
XV. Kalendas Februarias, id est XVIII. die Mensis Ianuarii Natale Sanctae Priscē
Da quaesumus omnipotens deus ut qui beatę priscę martyris tuę natalicia colimus et annua solemnitate laetemur et tante fidei proficiamus exemplo per dominum. Super oblata. Hostia domine quaesumus quam in sanctorum tuorum nataliciis recensentes offerimus et uincula nostre prauitatis absoluat et tuę nobis misericordię dona conciliet per dominum. Feci iudicium.
Infirmitatem nostram respice omnipotens deus . et quia pondus proprię actionis grauat . beati fabiani martyris tui atque pontificis . intercessio gloriosa nos protegat . per dominum.
Super oblata.Hostias tibi domine beati fabiani martyris tui dicatas meritis benignus adsume . et ad perpetuum nobis tribue prouenire subsidium . per dominum.
Deus qui beatum sebastianum martyrem tuum uirtute constantię in passione roborasti . ex eius nobis imitatione tribue pro amore tuo prospera mundi dispicere . et nulla eius aduersa formidare . per dominum nostrum.
Super oblata.Accepta sit in conspectu tuo domine nostra deuotio . et eius nobis fiat supplicatione salutaris . pro cuius solemnitate defertur . per dominum.
Ad complendum.Sacro munere satiati supplices te domine deprecamur . ut quod debitę seruitutis celebramus officio . intercedente beato sebastiano martyre tuo . saluationis tuae sentiamus augmentum . per.
XII. Kalendas Februarias. id est. XXI. die Mensis Ianuarii Natale Sanctae Agnē
Omnipotens sempiterne deus . qui infirma mundi eligis ut fortia quaeque confundas. concede propitius ut qui beatę agnę martyris tuę solemnia colimus . eius apud te patrocinia sentiamus . per dominum. Super oblata. Hostias domine quas tibi offerimus propitius suscipe . et intercedente beata agnaᵗ martyre tua . uincula peccatorum nostrorum absolue . per dominum. Ad complendum. Refecti cibo potuque cęlesti deus noster . te supplices exoramus . ut in cuius hęc commemoratione percepimus . eius muniamur et pręcibus . per dominum.
XI. Kalendas Februarias. id est. XXII. die Mensis Ianuarii Natale Sancti Uincentii
Adesto quaesumus domine supplicationibus nostris . ut qui ex iniquitate nostra reos nos esse cognoscimus . beati uincentii martyris tui intercessione liberemur . per. Super oblata. Muneribus nostris quaesumus domine precibusque susceptis . et cęlestibus nos munda mysteriis . et clementer exaudi . per dominum. Ad complendum. Quaesumus omnipotens deus . ut qui caelestia alimenta percepimus . intercedente beato uincentio martyre tuo . per hęc contra omnia aduersa muniamur . per.
V. Kalendas Februarias. id est. XXVIII. die Mensis Ianuarii Natale Sanctę Agne Secundo
Deus qui nos annua beatę agnę martyris tuę solemnitate laetificas . da quaesumus ut quam ueneramur officio etiam pie conuersationis sequamur exemplo . per.
Super oblata.Super has quaesumus domine hostias benedictio copiosa descendat. quae et sanctificationem nobis clementer operetur. et de martyrum nos solemnitate laetificet. per.
Omnipotens sempiternæ deus maiestatem tuam supplices exoramus. ut sicut unigenitus filius tuus hodierna die cum nostræ carnis substantia in templo est presentatus. ita nos facias purificatis tibi mentibus præsentari. per eundem.
Super oblata.Exaudi domine præces nostras. et ut digna sint munera quae oculis tuæ maiestatis offerimus. subsidium nobis tuæ pietatis impende. per dominum.
Ad complendum.Quaesumus domine deus noster. ut sacrosancta mysteria quae pro reparationis nostrae munimine contulisti. intercedente beata semper uirgine maria. et præsens nobis remedium esse facias et futurum. per dominum.
Super populum.Perfice in nobis quaesumus domine gratiam tuam, qui iusti symeonis [exs]pectationem implesti, ut sicut ille mortem non uidit prius quam christum dominum uidere mereretur, ita et nos uitam obtineamus aeternam, per eundem.
XVI. Kalendas Marcias. id est. XIII. die Mensis Februarii Natale Sancti Ualentini
Presta quaesumus omnipotens deus. ut qui beati ualentini martyris tui natalicia colimus. a cunctis malis imminentibus. eius intercessione liberemur. per. Super oblata. Oblatis quaesumus domine placare muneribus. et intercedente beato ualentino martyre tuo. a cunctis nos defende periculis. per. Ad complendum. Sit nobis domine reparatio mentis et corporis celeste mysterium. ut cuius exsequimur actionem sentiamus effectum. per.
IIII Idus Marcias. id est. XII. die Mensis Marcii Natale Sancti Gregorii Papae
Deus qui anime famuli tui gregorii aeterne beatitudinis praemia contulisti. concede propitius. ut qui peccatorum nostrorum pondere premimur. eius apud te precibus subleuemur. per. Super oblata. Annue nobis domine ut anime famuli tui gregorii prosit oblatio. quam immolando totius mundi tribuisti relaxari delicta. per dominum. Ad complendum. Deus qui beatum gregorium pontificem sanctorum tuorum meritis coaequasti. concede propitius ut qui commemorationis eius festa percolimus. uite quoque imitemur exempla. per.
VIII. Kalendas Apriles. id est. XXV. die Mensis Marcii. Adnuntiatio Sanctę Marię
Deus qui beatę uirginis utero uerbum tuum angelo nuntiante carnem suscipere uoluisti. presta supplicibus tuis. ut qui uere eam geneticem dei credimus. eius apud te intercessionibus adiuuemur. per eundem. Ad missam. Deus qui hodierna die uerbum tuum beatę uirginis aluo coadunare uoluisti. fac nos ita peragere. ut tibi placere ualeamus. per dominum. Super oblata. In mentibus nostris domine uere fidei sacramenta confirma. ut qui conceptum de uirgine deum uerum et hominem confitemur. per eius salutiferę resurrectionis potentiam ad aeternam mereamur peruenire laetitiam. per eundem. Ad complendum. Gratiam tuam domine mentibus nostris infunde. ut qui angelo nuntiant christi filii tui incarnationem cognouimus. per passionem eius et crucem. ad resurrectionis gloriam perducamur. per eundem.
Oratio in Septuagesima ad Sanctum Laurentium Foris Murum
Præces populi tui quaesumus domine clementer exaudi. ut qui ustę pro peccatis nostris affligimur. pro tui nominis gloria misericorditer liberemur. per dominum. Super oblata. Muneribus nostris quaesumus domine præcibusque susceptis. et caelestibus nos munda mysteriis et clementer exaudi. per. Ad complendum. Fideles tui deus perpetua dona firmentur. ut eadem et percipiendo requirant. et querendo sine fine percipiant. per.
Deus qui conspicis quia ex nulla nostra actione confidimus. a Ant. Circumdederunt me. Resp. Adiutor in oport<unitatibus> Tract. De profundis. Off. Bonum est confiteri. Com. Inlumina faciem tuam. b Ant. Exurge quare obdormis. Resp. Sciant gentes. Tract. Commouisti domine. Off. Perfice gressus meos. Com. Introibo ad altare. concede propitius. ut contra aduersa omnia. doctoris gentium protectione muniamur. per. Super oblata. Oblatum tibi domine sacrificium. uiuificet nos semper et muniat. per dominum. Ad complendum. Supplices te rogamus omnipotens deus. ut quos tuis reficis sacramentis. tibi etiam placitis moribus dignanter deseruire concedas. per.
Preces nostras quaesumus domine clementer exaudi. etque a peccatorum uinculis absolutos. ab omni nos aduersitate custodi. per dominum. Super oblata. Haec hostia domine quaesumus emundet nostra delicta et sacrificium celebrandum subditorum tibi corpora mentesque sanctificet. per. Ad complendum. Quaesumus omnipotens deus. ut qui celestia alimenta per cepimus. per hec contra omnia aduersa muniamur. pe dominum.
Concede nobis domine presidia militiae christiane sanctis inchoare ieiuniis. ut contra spiritales nequitias pugnaturi continentie muniamur auxiliis. per. cAd sanctam Sauinam.3 Presta domine fidelibus tuis. ut ieiuniorum uenerand solemnia. et congrua pietate suscipiant. et secura deuotion percurrant. per dominum. Super oblata. Fac nos quaesumus domine his muneribus offerendis cor uenienter aptari. quibus ipsius uenerabilis sacramenti celebramus exordium. per dominum. 3 Ad sanctam Sauinam. Item missa ad sanctam sabinam C: Missas ad sanctam sabinam O.
Ad complendum.Percepta nobis domine præbeant sacramenta subsidium. ut et tibi grata sint nostra ieiunia. et nobis proficiant ad medellam. per dominum nostrum.
Super populum.Inclinantes se domine maiestati tuæ propitiatus intende. ut qui diuino munere sunt refecti. celestibus semper nutriantur auxiliis. per dominum.
Deus qui culpa offenderis. penitentia placaris1. præces populi tui supplicantis propitius respice. et flagella tuæ iracundiæ quæ pro peccatis nostris meremur auerte. per dominum.
Ad complendum.Caelestis doni benedictione percepta. supplices te deus omni-potens deprecamur. ut hoc idem nobis. et sacramenti causa sit et salutis1. per dominum.
Inchoata ieiunia quaesumus domine benigno2 fauore prosequere. ut obseruantiam quam corporaliter exhibemus. mentibus etiam sinceris exercere ualeamus. per dominum.
Super oblata.Sacrificium domine obseruantiæ paschalis offerimus. presta quaesumus ut tibi et mentes nostras reddat acceptas. et continentiæ promptioris nobis tribuat facultatem. per dominum. a Ant. Dum clamarem. Resp. Iacta cogitatum. Off. Ad te domine leuaui. Com. Acceptabis sacrificium. b Ant. Audinit dominus. Resp. Unam petii a domino. Off. Domine uiuifica me. Com. Seruite domino. 1 salutis saluti O.
Conuerte nos deus salutaris noster. et ut nobis ieiunium quadragesimale proficiat. mentes nostras caelestibus instrue disciplinis. per dominum. Super oblata. Munera domine oblata sanctifica. nosque a peccatorum nostrorum maculis emunda. per. Ad complendum. Salutaris tui domine munere satiati. supplices exoramus. ut cuius laetamur gustu renouemur effectu. per. Super populum. Absolue quaesumus domine nostrorum uincula peccatorum. et quicquid pro eis meremur. propitiatus auerte. per dominum.
Respice domine familiam tuam. et presta ut apud te mens nostra tuo desiderio fulgeat. quae se carnis maceratione castigat. per dominum. Super oblata. Oblatis quaesumus domine placare muneribus et a cunctis nos defende periculis. per. Ad complendum. Quaesumus omnipotens deus ut illius salutaris capiamus effectum. cuius per hec mysteria pignus accepimus. per. Super populum. Ascendant ad te domine preces nostre. et ab ecclesia tua cunctam repelle nequitiam. per dominum.
Alia.Deuotionem populi tui domine quaesumus benignus intende. ut qui per abstinentiam macerantur in corpore, per fructum boni operis reficiantur in mente, per.
Super populum.Mentes nostras quaesumus domine lumine tuę claritati inlustra, ut uidere possimus quae agenda sunt, et que recta sunt agere ualeamus, per dominum nostrum.
Deuotionem populi tui quaesumus domine benignᶠus ᵗintende, ut qui per abstinentiam macerantur in corpore, per fructum boni operis reficiantur in mente, per.
Esto domine propitius plebi tuę, et quam tibi facis es deuotam, benigno refoue miseratus auxilio, per dominum. a Ant. Confessio et pulchritudo. Resp. Custodi me domine. Off. Inmit angelum. Com. Panis quem ego. b Ant. De necessitatibus meis. Resp. Saluum fac seruum tuum. Off. Bene anima mea etc. Com. Erubescant et conturbentur.
Alia.Deus qui nos in tantis periculis constitutos./pro humana scis fragilitate non posse subsistere. da nobis salutem mentis et corporis. ut ea quę pro peccatis nostris patimur. te adiuante uincamus. per dominum.
Alia.Preces populi tui domine quaesumus clementer exaudi. ut qui iuste pro peccatis nostris affligimur. pro tui nominis gloria misericorditer liberemur. per dominum.
Alia.Actiones nostras quaesumus domine et aspirando præueni. et adiuuando prosequere. ut cuncta nostra operatio. et a te semper incipiat. et per te coepta finiatur. per dominum.
Super oblata.Presentibus sacrificiis domine ieiunia nostra sanctifica. ut quod obseruantia nostra profitetur extrinsecus. interius operetur. per dominum.
Deus qui conspicis omni nos uirtute destitui. interius exteriusque custodi. ut et ab omnibus aduersitatibus muniamur in corpore. et a prauis cogitationibus mundemur in mente. per dominum.
Super populum.Adesto supplicationibus nostris omnipotens deus, et quibus fiduciam sperandę pietatis indulges, consuętę misericordię tribue benignus effectum, per dominum.
Perfice quaesumus domine2 benignus in nobis obseruantia[e] sanctę subsidium, ut quę te auctore facienda cognouimus, te operante impleamus, per dominum.
Super oblata.Sanctificationem tuam nobis domine his mysteriis placatus operare, quae nos et a terrenis purget uitiis, et ad cęlestia dona perducat, per dominum.
Super populum.Propitiare domine supplicationibus nostris, et animarum nostrarum medere langoribus, ut remissione percepta, in tua semper benedictione laetemur, per dominum.
Super oblata.Hostias domine quas tibi offerimus propitius respice, et per hęc sancta commercia, uincula peccatorum nostrorum absolue, per. c caelestis remedii caelestibus remediis C. d quaesumus domine domine quaesumus O. GREG. D
Super populum.Deus innocentię restitutor et amator, dirige ad te tuorum corda seruorum, ut spiritus tui feruore concepto, et in fide inueniantur stabiles, et in opere efficaces, per.
Presta nobis domine quaesumus auxilium gratię tuę, ut ieiuniis et orationibus conuenienter intenti, liberemur ab hostibus mentis et corporis, per dominum.
Super oblata.Pręsenti sacrificio nomini tuo nos domine ieiunia dicata sanctificent, ut quod obseruantia nostra profitetur exterius, interius operetur effectum, per dominum.
Super populum.Adesto domine famulis tuis et perpetuam benignitatem largire poscentibus, ut his qui te auctore et gubernatore gloriantur, et congregata restaures, et restaurata conserues, per dominum.
Super populum.Da quaesumus domine populo tuo salutem mentis et corporis . ut bonis operibus inherendo . tuę semper uirtutis mereamur protectione defendi . per dominum.
Super populum.Familiam tuam quaesumus domine continua pietate custodi . ut que in sola spe gratię caelestis innititur . caelesti etiam protectione muniatur . per.
Cordibus nostris quaesumus domine benignus infunde . ut sicut ab escis corporalibus abstinemus . ita sensus quoque nostros a noxiis retrahamus excessibus . per.
Super populum.Subueniat nobis domine misericordia tua . ut ab imminentibus peccatorum nostrorum periculis . te mereamur protegente saluari . per dominum.
Super oblata.Per hec ueniat quaesumus domine sacramenta nostrae redemptionis effectus . qui nos et ab humanis retrahat semper excessibus . et ad salutaria cuncta perducat . per.
Super populum.Tua nos domine protectione defende . et ab omni [sem]per iniquitate custodi . per. 1 tanti mysterii tantis mysteriis O. 2 Hic sequitur in O: Super populum. Subiectum tibi populum quaesum domine propitiatio caelestis amplificet . et tuis semper faciat seruire mandatis . per. 3 sanctum marcum sanctam mariam C. 4 pudentianam potentianam O.
Presta nobis quaesumus domine . ut salutaribus ieiuniis eruditi. a noxiis quoque uitiis abstinentes . propitiationem tuam facilius impetremus . per dominum. Super oblata. Suscipe quaesumus domine preces populi tui cum oblationibus hostiarum . et tua mysteria celebrantes . ab omnibus nos defende periculis . per dominum. Ad complendum. Sanctificet nos domine qua pasti sumus mensa caelestis . et a cunctis erroribus expiatos . supernis promissionibus reddat acceptos . per dominum. Super populum. Concede quaesumus omnipotens deus . ut qui protectionis tuę gratiam quęrimus . liberati a malis omnibus . secura tibi mente seruiamus . per dominum.
Magnificet te domine sanctorum tuorum cosme et damiani beata solemnitas . quia et illis gloriam sempiternam . et opem nobis ineffabili prouidentia contulisti . per dominum. Super oblata. In tuorum domine pretiosa morte iustorum . sacrificium illud offerimus . de quo martyrium sumpsit omne principium . per. Ad complendum. Sit nobis domine sacramenti tui certa saluatio . quae cum beatorum tuorum cosmę et damiani meritis imploratur . per dominum. Super populum. Subiectum tibi populum quaesumus domine propitiatio caelestis amplificet . et tuis semper faciat seruire mandatis . per dominum. 1 qua quia C. 2 quia qua O. 3 ineffabili prouidentia ineffabilem prouidentiae C.
Ieiunia nostra quaesumus domine benigno fauore prosequere. ut sicut ab falimentis in corpore, ita a uitiis ieiunemus in mente. per dominum nostrum. Super oblata. Respice domine propitius ad munera quae sacramus, ut et tibi sint grata, et nobis salutaria semper existant, per. Ad complendum. Huius nos domine perceptio sacramenti mundet a crimine, et ad caelestia regna perducat, per dominum. Super populum. Presta quaesumus omnipotens deus, ut qui in tua protectione confidimus, cuncta nobis aduersantia te adiuuante uincamus, per.
Presta quaesumus omnipotens deus, ut qui se affligendo carne ab alimentis abstinent, sectando iustitiam a culpa ieiunent, per. Super oblata. Concede quaesumus omnipotens deus, ut huius sacrificii munus oblatum, fragilitatem nostram ab omni malo purget semper et muniat, per. Ad complendum. Quaesumus omnipotens deus, ut inter eius membra numeremur, cuius corpori communicamus et sanguini, per eundem. Super populum. Prctende domine fidelibus tuis dexteram celestis auxilii, ut et te toto corde perquirant, et que digna postulant consequ mereantur, per dominum nostrum iesum.
a DIE DOMINICO AD HIERUSALEM.Concede quaesumus omnipotens deus. ut qui ex merito nostrae actionis affligimur. tuae gratiae consolatione respiremus. per.
Ad complendum.Da nobis misericors deus. ut sancta tua quibus incessanter explemur. sinceris tractemus obsequiis. et semper fideli mente sumamus. per dominum.
Alia oratio ad missam.Deus qui in deserti regione multitudinem populi tua uirtute satiasti. in huius quoque seculi transeuntis excursu. uictum nobis spiritalem ne deficiamus impende. per dominum.
b FERIA .II. AD SANCTOS QUATTUOR CORONATORUM.Præsta quaesumus omnipotens deus. ut obseruationes sacras annua deuotione recolentes. et corpore tibi placeamus et mente. per dominum.
Super populum.Depræcationem nostram quaesumus domine benignus exaudi. et quibus supplicandi prestas affectum. tribue defensionis auxilium. per. 1 tractemus tractemur O. 2 semper fideli mente fideli semper mente C: fideli mente semper O. 3 transeuntis transeuntes C. 4 coronatorum coronatos O: coronat C.
Sacrę nobis quaesumus domine obseruationis ieiunia . et pię conuersationis augmentum . et tuę propitiationis continuum pręstent auxilium . per dominum. Super oblata. Hęc hostia domine quaesumus emundet nostra delicta . et sacrificium celebrandum . subditorum tibi corpora mentesque sanctificet . per. Ad complendum. Huius nos domine perceptio sacramenti mundet a crimine . et ad caelestia regna perducat . per dominum. Super populum. Miserere domine populo tuo . et continuis tribulationibus laborantem . propitius respirare concede . per.
Deus qui et iustis pręmia meritorum . et peccatoribus per ieiunium ueniam prębes . miserere supplicibus tuis . ut reatus nostri confessio . indulgentiam ualeat percipere delictorum . per. Alia. Presta quaesumus omnipotens deus . ut quos ieiunia uotiua castigant . ipsa quoque deuotio sancta laetificet . ut terrenis affectibus mitigatis . facilius caelestia capiamus . per. Super oblata. Supplices domine te rogamus . ut his sacrificiis peccata nostra mundentur . quia tunc ueram nobis tribuis et mentis et corporis sanitatem . per. Ad complendum. Sacramenta quę sumpsimus domine deus noster . et spiritualibus nos repleant alimentis . et corporalibus tueantur auxiliis . per. 2 peccatoribus peccantibus O. 4 domine te te domine O.
Super populum.Pateant aures misericordię tuę domine precibus supplicantum. et ut petentibus desiderata concedas. fac eos quae tibi sunt placita postulare. per.
Presta quaesumus omnipotens deus. ut quos uotiua ieiunia castigant. ipsa quoque deuotio sancta laetificet. ut terrenis affectibus mitigatis. facilius caelestia capiamus. per dominum.
Super oblata.Purifica nos misericors deus. ut ecclesię tuę preces quae tibi gratę sunt. pia munera deferentes. fiant expiatis mentibus gratiores. per dominum.
Super populum.Populi tui deus institutor et rector. peccata quibus inpugnatur expelle. ut semper tibi placitus. et tuo munimine sit securus. per dominum nostrum.
Deus qui ineffabilibus mundum renouas sacramentis. presta quaesumus ut ecclesia tua aeternis proficiat institutis. et temporalibus non destituatur auxiliis. per.
Ad complendum.Haec nos quaesumus domine participatio sacramenti. et propriis reatibus indesinenter expediat. et ab omnibus tueatur aduersis. per. Super populum. Da quaesumus omnipotens deus. ut qui infirmitatis nostrae conscii. de tua uirtute confidimus. sub tua semper pietate gaudeamus. per.
Fiat domine quaesumus per gratiam tuam fructuosus nostrę deuotionis affectus. quia tunc nobis proderunt suscepta ieiunia si tuę sint placita pietati. per dominum. Super oblata. Oblationibus quaesumus domine placare susceptis. et ad te nostras etiam rebelles conpelle propitius uoluntates. per dominum. Ad complendum. Tua nos quaesumus domine sancta purificent. et operationi1 suę perficiant esse placitos2. per. Super populum. Deus qui sperantibus in te misereri1 potius eligis quam irasci. da nobis digne flere mala quae fecimus. ut tuę consolationis gratiam inuenire ualeamus3. per dominum.
Quaesumus omnipotens deus familiam tuam propitius respice. ut te largiente4 regatur in corpore. et te seruante custodiatur in mente. per dominum. Super oblata. Haec munera domine quaesumus. et uincula nostrę prauitatis absoluut. et tuę nobis misericordię dona concilient. per dominum. Ad complendum. Adesto nobis domine deus noster. et5 quos tuis mysteriis recreasti. perpetuis defende presidiis. per.6 1 operationi operationis C, O (pr. man.). 2 placitos placatos C. 3 ualeamus mereamur C. 4 largiente largiante C 6 Hic sequitur in O: Super populum. Da nobis quaesumus domine perseuerantem in tua uoluntate famulatum: ut in diebus nostris et merito et numero populus tibi seruiens augeatur. per. 5 et ut O.
Sanctifica quaesumus domine nostra ieiunia . et cunctarum nobis propitius indulgentiam largire culparum . per dominum. Super oblata. Concede nobis domine deus noster . ut haec hostia salutaris . et nostrorum fiat purgatio delictorum . et tuæ propitiatio maiestatis . per. Ad complendum. Sacramenti tui quaesumus domine participatio salutaris . et purificationem nobis præbeat et medellam . per dominum. Super populum. Da quaesumus domine populo tuo salutem mentis et corporis . ut bonis operibus inherendo . tua semper mereatur protectione defendi . per dominum.
Nostra tibi quaesumus domine sint accepta ieiunia . quae nos et expiando gratia tua dignos efficiant . et ad remedia perducant aeterna . per dominum. Super oblata. Hostias tibi domine deferimus immolandas . quae temporalem consolationem significent . ut promissa certius non desperemus aeterna . per dominum. Ad complendum. Da quaesumus omnipotens deus . ut quæ diuina sunt iugiter exsequentes . donis mereamur caelestibus propinquare . per dominum. Super populum. Da nobis domine quaesumus perseuerantem in tua uoluntate famulatum . ut in diebus nostris et merito et numero populus tibi seruiens augeatur . per dominum.
Sanctificato hoc ieiunio deus tuorum corda fidelium miserator inlustra . et quibus deuotionis prestas affectum . prebe supplicantibus pium benignus auditum . per dominum.
Ad complendum.Caelestis doni benedictione percepta supplices te deus omnipotens deprecamur . ut hoc idem nobis et sacramenti causa sit et salutis . per dominum.
Presta quaesumus omnipotens deus . ut dignitas conditionis humanę . per inmoderantiam sauciata4 . 1 medicinalis parsimoniae5 studio reformetur . per dominum.
Super oblata.Domine deus noster qui in his potius creaturis quas ad fragilitatis nostre subsidium condidisti . tuoque6 nomini munera iussisti dicanda7 constitui . tribue quaesumus . ut et uitę nobis presentis auxilium . et aeternitatis efficiant sacramentum . per dominum.
Ad complendum.Quod ore sumpsimus domine . mente capiamus . 1 et de munere temporali . fiat nobis remedium sempiternum . per. 1 Marcellum Marcellinum O. 2 et ut C. 3 apollenarem apollonarem CO. 4 sauciata satiata C : sautiata O. 5 medicinalis parsimoniae medicinalibus parsimoniis C. 6 tuoque tuo quoque O. 7 dicanda dicandam C.
Super populum.Esto quaesumus domine⁾ propitius plebi tuq. ut quae tibi non placent respuentes. tuorum potius⁾ repleatur delectationibus mandatorum. per dominum.
Super populum.Concede quaesumus omnipotens deus. ut qui protectionis tuq gratiaᵗm quaeᵗrimus. liberati a malis omnibus. secura tibi mente seruiamus. per.
Proficiat quaesumus domine⁾ plebs tibi dicata piq deuotionis affectu⁾. ut sacris actionibus erudita. quanto maiestati tuq fit gratior. tanto donis potioribus augeatur. per. ⁾
Super populum.Tueatur quaesumus domine dextera tua populum tuum deprecantem, et purificatum dignanter erudiat, ut consolatione presenti ad futura bona proficiat, per dominum.
a DIE DOMINICA IN PALMAS AD SANCTUM IOHANNEM IN LATERANIS.Omnipotens sempiternę deus, qui humano generi ad imitandum humilitatis exemplum, saluatorem nostrum carnem sumere et crucem subire fecisti, concede propitius ut et patientię ipsius habere documenta, et resurrectionis consortia mereamur, per eundem.
Super oblata.Concede quaesumus domine, ut oculis tuę maiestatis munus oblatum, et gratiam nobis deuotionis obtineat, et effectum beatę perennitatis adquirat, per dominum.
b FERIA .II. AD SANCTAM PRAXIDEM.Da quaesumus omnipotens deus, ut qui in tot aduersis ex nostra infirmitate deficimus, intercedente unigeniti filii tui passione respiremus, per eundem. 1 consolatione presenti consolationem praesentem C. 2 dominica in palmas dominico in palmis O. 3 Hic sequitur in O: Benedictio in palmis. Deus cuius filius pro salute generis humani de caelo descendit ad terras; et adpropinquante [h]ora passionis suae hyerosolymam in asino uenire et a turbis rex appellari ac laudari uoluit; benedicere dignare hos palmarum ceterarumue frondium ramos, ut omnes qui eos laturi sunt ita benedictionis tuę dono repleantur, quatinus et in hoc seculo hostis antiqui temptamenta superare; et in futuro cum palma uictorię et fructu bonorum operum tibi ualeant apparere, per eundem. Oratio ad missam. 4 mereamur mereatur C. 6 operationem operatione C. 7 Hic sequitur in O: Super populum. Purifica quaesumus domine familiam tuam, et ab omnibus contagis prautatis emunda; et [ut man. rec.] redempta uasa sui domini passione, non spiritus immundus rursus inficiat; sed saluatio sempiterna possideat, per.
Alia.Deus qui pro nobis filium tuum crucis patibulum subire uoluisti. ut inimici a nobis expelleres potestatem. concede nobis famulis tuis ut resurrectionis gratiam consequamur. per eundem.
Super oblata.Purifica nos misericors deus. ut ecclesię tuę preces que tibi grate sunt pia munera deferentes. fiant expiatis mentibus gratiores. per dominum.
Ad complendum.Largire sensibus nostris omnipotens deus. ut per temporalem filii tui mortem quam mysteria ueneranda testantur. uitam nobis dedisse perpetuam confidamus. per.
Super populum.Respice domine quaesumus super hanc familiam tuam. pro qua dominus noster iesus christus non dubitauit manibus tradi nocentium. et crucis subire tormentum. qui tecum uiuit.
Deus a quo et iudas reatus sui poenam. et confessionis suę latro premium sumpsit. concede nobis tuę propitiationis effectum. ut sicut in passione sua iesus christus dominus noster diuersa utrisque intulit stipendia meritorum. ita nobis ablato uetustatis errore. resurrectionis suę gratiam largiatur. qui tecum uiuit.
Super oblata.Ipse tibi quaesumus domine sanctę pater omnipotens deus. sacrificium nostrum reddat acceptum. qui discipulis suis in sui commemoratione. hoc fieri hodierna traditione monstrauit iesus christus dominus noster. qui tecum uiuit. Communicantes et diem sacratissimum cèlebrantes. quo dominus noster iesus christus pro nobis est traditus. Sed et memoriam uenerantes. Hanc igitur oblationem seruitutis nostrae sed et cunctę familię tuę quam tibi offerimus ob diem in qua dominus noster iesus christus tradidit discipulis suis corporis et sanguinis sui mysteria caelebranda. quaesumus domine ut placatus accipias. qui pridie quam pro nostra omnium salute pateretur. hoc est hodie accepit panem in sanctas ac uenerabil'es. In ipso die ita conficitur chrisma in ultimo ad missam antequam dicatur per quem hec omnia domine semper bona creas. leuantur de ampullis quas offerunt populi. et benedicit. tam domnus papa quam omnes presbiteri. Emitte domine spiritum sanctum tuum paraclitum de caelis. in hanc pinguedinem oliue. quam de uiridi ligno producere dignatus es. ad refectionem corporis. ut tua sancta benedictione sit omni unguenti tangenti tutamentum mentis et corporis. ad euacuandos omnes dolores. omnesque infirmitates. omnem egritudinem corporis. unde unxisti sacerdotes. reges. Prophetas. et martyres. chrisma tuum perfectum domine. a te benedictum. in nomine domini nostri iesu christi. per quem hec omnia domine semper bona creas.
Incipit benedictio chrismatis principalis. Sursum corda. Gratias agamus domino deo nostro. Vere dignum et iustum est aequum et salutare. Nos tibi semper et ubique gratias agere. domine sancte pater omnipotens aeterne deus. qui in principio inter cetera bonitatis et pie tatis tue munera. terram producere fructifera ligna iussisti. inter que huius pinguissimi liquoris ministre olec nascerentur. quarum fructus sacro chrismati deseruiret. Nam et dauid prophetico spiritu gratiae tue sacramenta prenosens. uultus nostros in oleo exhilarandos esse cantauit; Et cum mundi crimina diluuio quondam expiarentur effuso. similitudinem futuri muneris columba demonstrans. per oliuae ramum pacem terris redditam nuntiauit. Quod in nouissimis temporibus manifestis est effectibus declaratum. cum baptismatis aquis omnium criminum commissa delentibus. hec olei unctio uultus nostros iocundos efficit ac serenos; Inde etiam moysi famulo tuo mandatum dedisti. ut aaron fratrem suum prius aqua lotum. per infu sionem huius unguenti constitueret sacerdotem; accessit ad hoc amplior honor. cum filius tuus iesus christus dominus noster lauari a iohanne undis iordanicis exegisset. ut spiritu sancto in columbę similitudine desuper misso. unigenitum tuum in quo tibi obtime conplacuisset testimonio subsequentis uocis ostenderes; et hoc illud esse manifestissime conprobares. quod eum oleo laetitię prę consortibus suis. unguendum dauid propheta cecinisset. Te igitur deprecamur domine sanctę pater omnipotens aeternę deus. per eundem iesum christum filium tuum dominum nostrum. ut huius creature pinguedinem. sanctificare tua benedictione digneris. et sancti spiritus ei ammiscere uirtutem. cooperante potentia christi tui. a cuius sancto nomine chrisma nomen accepit. unde unxisti. sacerdotes Reges. prophetas. et martyres; ut sit his qui renati fuerint ex aqua et spiritu sancto chrisma salutis. eosque aeternę uitę participes. et celestis glorię facias esse consortes. per eundem.
Exorcismus olei.Deus qui uirtute sancti spiritus tui inbecillarum mentium rudimenta confirmas. te oramus domine ut uenturis ad beatę regenerationis lauacrum. tribuas per unctionem istius creature purgationem mentis et corporis, Ut si que illis aduersantium spirituum inhesere reliquię. ad tactum sanctificati olei huius abscedant, Nullus spiritualibus nequitiis locus. nulla refugis uirtutibus sit facultas. nulla insidiantibus malis latendi licentia relinquatur. sed uenientibus ad fidem seruis tuis. et sancti spiritus tui operatione mundandis. sit unctionis huius præparatio utilis ad salutem. quam etiam caelestis regenerationis natiuitate in sacramento sunt baptismatis adepturi. per dominum nostrum iesum christum qui uenturus est iudicare uiuos et mortuos et seculum per ignem.
Ad complendum.Refecti uitalibus alimentis quaesumus domine deus noster. ut quod tempore nostrę mortalitatis exsequimur. inmortalitatis tuę munere consequamur. per.
Orationes Quê Dicendae Sunt. VI. Feria Maiore in Hierusalem
Oremus dilectissimi nobis pro ecclesia sancta dei . ut eam deus et dominus noster pacificare et custodire dignetur toto orbe terrarum . subiciens ei principatus et potestates, Detque nobis quietam et tranquillam uitam 'de'gentibus glorificare deum patrem omnipotentem. Oremus. Omnipotens sempiternę deus . qui gloriam tuam omnibus in christo gentibus reuelasti . custodi opera misericordię tuę . ut ecclesia toto orbe diffusa . stabili fide in confessione tui nominis perseueret . per eundem. Oremus et pro beatissimo papa nostro illo . ut deus et dominus noster qui elegit eum in ordinem episcopatus . saluum atque incolomem custodiat ecclesię suę sanctę . ad regendum populum sanctum dei. Oremus. Omnipotens sempiternę deus . cuius iudicio uniuersa fundantur . respice propitius ad præces nostras . et electum nobis antestitem tua pietate conserua. Ut christiana plebs quae te gubernatur auctore . sub tanto pontifice credulitatis suę meritis augeatur . per dominum. Oremus et pro omnibus episcopis . presbiteris . diaconibus . subdiaconibus . acolitis . exorcistis . lectoribus . ostiariis . confessoribus . uirginibus . uiduis . et pro omni populo sancto dei.
Oremus. Omnipotens sempiternę deus . cuius spiritu totum corpus ecclesię sanctificatur et regitur . exaudi nos pro uniuersis ordinibus supplicantes . ut gratię tuę munere . ab omnibus gradibus fideliter seruiatur . per. Oremus et pro christianissimo imperatore nostro . ut deus et dominus noster subditas illi faciat omnes barbaras nationes . ad nostram perpetuam pacem . per dominum.
Oremus.Omnipotens sempiterne deus, in cuius manu sunt omnium potestates et omnia iura regnorum, respice ad romanum benignus imperium, ut gentes quae in sua feritate confidunt, potentiæ tuæ dextera comprimantur, per dominum. Oremus et pro catecuminis nostris, ut deus et dominus noster ad aperiat aures præcordiorum ipsorum, ianuamque misericordiæ, ut per lauacrum regenerationis accepta remissione omnium peccatorum, et ipsi inueniantur in christo iesu domino nostro.
Oremus.Omnipotens sempiterne deus, qui ecclesiam tuam noua semper prole fecundas, auge fidem et intellectum catecuminis nostris, ut renati fonte baptismatis, adoptionis tuæ filiis adgregentur, per dominum. Oremus dilectissimi nobis deum patrem omnipotentem, ut cunctis mundum purget erroribus, morbos auferat, famem depellat, aperiat carceres, uincula dissoluat, peregrinantibus reditum, infirmantibus sanitatem, nauigantibus portum salutis indulgeat.
Oremus.Omnipotens sempiterne deus, mestorum consolatio, laborantium fortitudo, perueniant ad te præces de quacumque tribulatione clamantium, ut omnes sibi in necessitatibus suis misericordiam tuam gaudeant ad fuisse, per dominum. Oremus et pro hereticis et scismaticis, ut deus ac dominus noster eruat eos ab erroribus uniuersis, et ad sanctam matrem ecclesiam catholicam atque apostolicam reuocare dignetur.
Oremus.Omnipotens sempiterne deus, qui saluas omnes, et neminem uis perire, respice ad animas diabolica fraude deceptas, ut omni heretica prauitate deposita, errantium corda resipiscant, et ad ueritatis tuæ redeant unitatem, per dominum. Oremus et pro perfidis iudæis, ut deus et dominus noster auferat uelamen de cordibus eorum, ut et ipsi agnoscant christum iesum dominum nostrum.
Oremus.Omnipotens sempiterne deus. qui etiam iudaicam perfidiam a tua misericordia non repellis. exaudi præces nostras quas pro illius populi obsecatione deferimus. ut agnita ueritatis tuæ luce quæ christus est. a suis tenebris eruantur. per eundem. Oremus et pro paganis. ut deus omnipotens auferat iniquitatem a cordibus eorum. et relictis idolis suis conuertantur ad deum uiuum et uerum. et unicum filium eius iesum christum deum et dominum nostrum. cum quo uiuit et regnat cum spiritu sancto deus per omnia saecula saeculorum.
Oremus.Omnipotens sempiterne deus. qui non mortem peccatorum sed uitam semper inquiris. suscipe propitius orationem nostram. et libera eos ab idolorum cultura. et adgrega ecclesiæ tuæ sanctæ. ad laudem et gloriam nominis tui. per dominum.
Benedictio Salis.Benedic omnipotens deus. hanc creaturam salis tua benedicione caelesti. in nomine domini nostri iesu christi et in uirtute sancti spiritus tui. ad effugandum inimicum. quam sanctificando sanctifices. et benedicendo benedicas. fiatque omnibus accipientibus perfecta medicina. permanens in uisceribus sumentium. in nomine domini nostri iesu christi.
Oratio Ad Catecuminum Faciendum.Omnipotens sempiterne deus. respicere dignare super hunc famulum tuum. quem ad rudimenta fidei uocare dignatus es. cæcitatem cordis ab eo expelle. disrumpe omnes laqueos satanæ. quibus fuerat conligatus; Aperi ei ianuam misericordiæ tuaæ. et signo sapientiæ indutus. omnium cupiditatum foetoribus carcat. atque ad suauem odorem praeceptorum tuorum. laetus tibi in ecclesiæ a tua deseruiat. et proficiat de die in diem. signatus promissæ gratiæ tuæ.
Oratio Super Infantes in Quadragesima Ad Quattuor Euangelia.Aeternam ac iustissimam pietatem tuam deprecor domine sancte pater omnipotens aeternę deus. luminis et ueritatis super hos famulos et famulas tuas. ut digneris eos inluminare lumine intellegentię tuae. munda eos et sanctifica. da eis scientiam ueram. ut digni efficiantur accedere ad gratiam baptismi tui. teneant firmam spem. consilium rectum. doctrinam sanctam. apti sint ad percipiendam gratiam baptismi tui. per dominum.
Oratio in Sabbato Paschę.Ad reddentes dicit domnus papa. Post pisteugis. Item ad catechizandos infantes. Nec te latet satanas inminere tibi poenas. inminere tibi tormenta. diem iudicii. diem supplicii sempiterni. diem qui uenturus est uelud clibanus ardens. in quo tibi atque angelis tuis preparatus sempiternus erit interitus; et ideo pro tua nequitia damnate atque damnandę. da honorem deo uiuó. da honorem iesu christo filio eius. da honorem spiritui sancto paraclito: et recede ab his famulis et famulabus dei. quos hodie deus et dominus noster ad suam gratiam et benedictionem uocare dignatus est. in nomine domini nostri iesu christi. qui uenturus est iudicare uiuos et mortuos et sęculum per ignem. Post hoc tangit singulis nares et aures et dicit eis. Effeta. postea tangit de oleo sancto scapulas et pectus et dicit. Abrenuntias satanę. Respondet. Abrenuntio. Et omnibus operibus eius. Respondet. Abrenuntio. Et omnibus pompis eius. Respondet. Abrenuntio.
Orationes Quę Dicuntur Ad Lectiones in Ecclesia.Lectio libri genesis. In principio fecit deus celum et terram. Deus qui mirabiliter creasti hominem et mirabilius redimisti. da nobis quaesumus contra oblectamenta peccati. mentis ratione persistere. ut mereamur ad gaudia aeterna peruenire. per. Lectio libri exodi. Factum est autem in uigilia matutina. Deus cuius antiqua miracula. in presenti quoque sęculo coruscare sentimus. pręsta quaesumus ut sicut priorem populum ab egyptiis liberasti. hoc ad salutem gentium per aquas baptismatis opereris. per dominum. Lectio esaiac prophetę. Adprehendent septem mulieres uirum unum. Deus qui nos ad celebrandum paschale sacramentum. utriusque testamenti paginis instruis. da nobis intellegere misericordiam tuam. ut ex perceptione præsentium munerum. firma sit expectatio futurorum. per. Lectio esaiac prophetę. Est hereditas credentibus in domino. Deus qui ecclesiam tuam semper gentium uocatione multiplicas. concede propitius. ut quos aqua baptismatis abluis. continua protectione tuearis. per dominum. De psalmo xli. Sicut ceruus desiderat ad fontes. Concede quaesumus omnipotens deus. ut qui festa paschalia agimus. caelestibus desideriis accensi. fontem uitae sitiamus. per dominum nostrum.
Alia oratio in eodem psalmo xli. Omnipotens sempiterne deus. respice propitius ad deuotionem populi renascentis. qui sicut ceruus. aquarum tuarum expetit fontem: et concede propitius. ut fidei ipsius sitis. baptismatis mysterio. animam corpusque sanctificet. per dominum nostrum. Benedictio fontis. Omnipotens sempiternae deus. adesto magne pietatis tuae mysteriis. adesto sacramentis; Et ad creandos nouos populos quos tibi fons baptismatis parturit. spiritum adoptionis emitte; Ut quod nostrae humilitatis gerendum est ministerio. tuae uirtutis impleatur effectu. per dominum. DEUS qui inuisibili potentia. sacramentorum tuorum mirabiliter operaris effectum; et licet nos tantis mysteriis exsequendis simus indigni. tu tamen gratiae tuę dona non deserens. etiam ad nostras preces aures tuae pietatis inclinas; deus cuius spiritus super aquas inter ipsa mundi primordia ferebatur. ut iam tunc uirtutem sanctificationis. aquarum natura conciperet; Deus qui nocentis mundi crimina per aquas abluens. regenerationis speciem. in ipsa diluuii effusione signasti. ut unius eiusdemque elementi mysterio. et finis esset uiti et origo uirtutis; Respice domine in faciem ecclesiae tuae. et multiplica in ea generationes tuas. qui gratiae tuae effluentis impetu. laetificas ciuitatem tuam. fontemque baptismatis aperis toto orbe terrarum gentibus innouandis. ut tuae maiestatis imperio. sumat unigeniti tui gratiam de spiritu sancto; Qui hanc aquam regenerandis hominibus preparatam. archana sui luminis ammixtione fecundet; Ut sanctificatione concepta. ab immaculato diuini fontis utero. in nouam renata creaturam. progenies caelestis emergat; Et quos aut sexus in corpore. aut aetas discernit in tempore. omnes in unam pariat gratia mater infantiam; Procul ergo hinc iubente te domine. omnis spiritus inmundus abscedat. procul tota nequitia diabolice fraudis absistat; Nihil hic loci habeat contrariæ uirtutis ammixtio. non insidiando circumuolet. non latendo subripiat. non inficiendo corrumpat. Sit haec sancta et innocens creatura. libera ab omni impugnatoris incursu. et totius nequitiae purgata discessu; Sit fons uiuus. aqua regenerans. unda purificans; Ut omnes hoc lauacro salutifero diluendi. operante in eis spiritu sancto. perfectae purgationis
indulgentiam consequantur; Unde benedico te creatura aquae per deum uiuum. per deum sanctum. qui te in principio uerbo separauit ab arida. cuius spiritus super te ferebatur: qui te de paradiso manare. et in quattuor fluminibus totam terram rigare praecepit. Qui te in deserto amaram. suauitate indita fecit esse potabilem. et sitienti populo de petra produxit. Benedico te et per iesum christum filium eius unicum dominum nostrum. qui te in cana galileae. signo ammirabili. sua potentia conuertit in uinum; Qui pedibus super te ambulauit. et a iohanne in iordane in te baptizatus est; Qui te una cum sanguine de latere suo produxit. et discipulis suis iussit. ut credentes baptizarentur in te dicens; Ite docete omnes gentes. baptizantes eos in nomine patris et filii et spiritus sancti. Hic muta uocem quasi lectionem legens. Haec nobis praecepta seruantibus. tu deus omnipotens clemens adesto. tu benignus aspira. tu has simplices aquas. tuo ore benedicito. ut praeter naturalem emundationem quam lauandis possunt adhibere corporibus. sint etiam purificandis mentibus efficaces. per dominum nostrum iesum christum filium tuum qui tecum uiuit et regnat deus.
Hic suffla tribus uicibus in aqua. Descendat in hanc plenitudinem fontis uirtus spiritus tui. totamque huius aque substantiam. regenerandi fecundet effectu; Hic omnium peccatorum maculae deleantur. hic natura ad imaginem tuam condita. ad honorem sui reformata principii. cunctis uetustatis squaloribus emundetur; Ut omnis homo hoc sacramentum regenerationis ingressus. in uere innocentiae nouam infantiam renascatur. per dominum nostrum iesum christum filium tuum qui uenturus est iudicare uiuos et mortuos et seculum per ignem. Amen. Baptizat et linit cum presbiter de chrismate in cerebro et dicit. Deus omnipotens pater domini nostri iesu christi qui te regenerauit ex aqua et spiritu sancto. quique dedit tibi remissionem omnium peccatorum. ipse te linit chrismate salutis in uiltam aeternam. amen. Oratio ad infantes consignandos. Omnipotens sempiternae deus. qui regenerare dignatus es hos famulos et famulas tuas. ex aqua et spiritu sancto. quique dedisti eis remissionem omnium peccatorum, emitte in eos septi-formem spiritum tuum sanctum paraclitum de caelis. spiritum sapientiae et intellectus, spiritum consilii et fortitu-dinis, spiritum scientiae et pietatis, adimple eos spiritu timoris tui, et consigna eos signo crucis in uitam propitiatus aeternam, per dominum nostrum iesum christum filium tuum qui tecum vivit et regnat deus.
Deus qui hanc sacratissimam noctem, gloria dominicae resur-rectionis inlustras, conserua in noua familiæ tuæ progeniae, adoptionis spiritum quem dedisti, ut corpore et mente renouati, puram tibi exhibeant seruitutem, per dominum nostrum iesum christum.
Super oblata.Suscipe domine quaesumus preces populi tui cum oblationibus hostiarum, ut paschalibus initiata mysteriis, ad aeternitatis nobis medellam, te operante proficiant, per dominum nostrum iesum christum.
Praefatio.Vere dignum et iustum est aequum et salutare, te quidem omni tempore, sed in hac potissimum nocte gloriosius predicare, cum pascha nostrum immolatus est christus. Ipse enim uerus est agnus, qui abstulit peccata mundi; Qui mortem nostram moriendo destruxit, et uitam resurgendo reparauit; Et ideo cum angelis et archangelis, cum thronis et dominationibus; Cumque omni militia caelestis exercitus, ymnum gloriae tuae canimus sine fine dicentes. Sanctus. Communicantes et noctem sacratissimam celebrantes resur-rectionis domini [dei nostri] iesu christi secundum carnem, sed et memoriam uenerantes. Inprimis gloriosae semper uirginis mariae, geneticis eiusdem dei et domini nostri iesu christi, sed et beatorum apostolorum. 1 spiritum sapientiae et intellectus in marg. habet C. 5 Huic titulo praem. C numeros lxxxvii. 6 noua nouam CO. 7 progeniae progeniem CO. 8 hac potissimum nocte hanc potissimam noctem C. 9 sanctus ter scribunt CO. Hanc igitur oblationem seruitutis nostræ sed et cunctae familiae tuae quam tibi offerimus . pro his quoque quos regenerare dignatus es ex aqua et spiritu sancto . tribuens eis remissionem omnium peccatorum . quaesumus domine ut placatus accipias.
Deus qui hodierna die per unigenitum tuum aeternitatis nobis aditum deuicta morte reserasti . uota nostra quae praeueniendo adspiras . etiam adiuuando prosequere . per eundem dominum nostrum.
Super oblata.Suscipe domine quaesumus praeces populi tui . cum oblationibus hostiarum . ut paschalibus initiata mysteriis ad aeternitatis nobis medellam . te operante proficiant . per dominum.
Praefatio.Vere dignum et iustum est aequum et salutare . te quidem omni tempore . sed in hac potissimum die gloriosius prædicare . cum pascha nostrum immolatus est christus. Ipse enim uerus <est> agnus . qui abstulit peccata mundi ; Qui mortem nostram moriendo destruxit . et uitam resurgendo reparauit ; Et ideo cum angelis et archangelis . cum thronis et dominationibus . cumque omni militia caelestis exercitus . ymnum gloriae tuae canimus sine fine dicentes. Communicantes et diem sacratissimum celebrantes . resurrectionis domini dei nostri iesu christi secundum carnem . sed et memoriam uenerantes. Inprimis gloriosae semper uirginis mariae genetricis eiusdem dei et domini nostri iesu christi . sed et beatorum apostolorum. Hanc igitur oblationem seruitutis nostrae . sed et cunctae familiae tuae quam tibi offerimus . pro his quoque quos regenerare dignatus es ex aqua et spiritu sancto . tribuens eis remissionem omnium peccatorum . quaesumus domine ut placatus accipias.
Ad complendum.Spiritum nobis domine tuae caritatis infunde. ut quos sacramentis paschalibus satiasti. tua facies pietate concordes. per dominum nostrum iesum christum filium tuum qui tecum uiuit.
Ad sanctum iohannem ad uesperos.Concede quaesumus omnipotens deus. ut qui resurrectionis dominicae solemnia colimus. innouatione tui spiritus. a morte animae resurgamus. per dominum nostrum iesum christum.
Ad sanctum andream.Praesta quaesumus omnipotens deus. ut qui gratiam dominicae resurrectionis agnouimus. ipsi per amorem spiritus a morte animae resurgamus. per dominum nostrum iesum christum.
Deus qui solemnitate paschali mundo remedia contulisti. populum tuum quaesumus caelesti dono prosequere. ut et perfectam libertatem consequi mereatur. et ad uitam proficiat sempiternam. per dominum nostrum iesum christum filium tuum qui tecum.
Super oblata.Suscipe quaesumus domine preces populi tui cum oblationibus hostiarum. ut paschalibus initiata mysteriis. ad aeternitatis nobis medellam te operante proficiant. per dominum nostrum iesum christum.
Praefatio.Vere dignum et iustum est aequum et salu⟨ta⟩re. te quidem omni tempore. sed in hac potissimum die gloriosius prædicare. cum pascha nostrum immolatus est christus. Ipse enim uerus est agnus, qui abstulit peccata mundi. Qui mortem nostram moriendo destruxit, et uitam resurgendo reparauit, et ideo. Communicantes et diem sacratissimum cèlebrantes resurrectionis domini [dei nostri] iesu christi se]cundum carnem, sed et memoriam uenerantes, inprimis gloriosæ semper uirginis mariæ genetricis eiusdem dei, et domini nostri iesu christi, sed et beatorum apostolorum. Hanc igitur oblationem seruitutis nostrae, sed et cunctæ familiæ tuæ quam tibi offerimus, pro his quoque quos regenerare dignatus es ex aqua et spiritu sancto, tribuens eis remissionem omnium peccatorum, quaesumus domine ut placatus accipias.
Ad uesperos ut supra.Concede quaesumus omnipotens deus, ut qui peccatorum nostrorum pondere premimur, a cunc<tis> malis imminenti<bu>s, per haec paschalia festa liberemur, per dominum.
Ad sanctum andream.Deus qui populum tuum de hostis callidi seruitute liberasti, præces eius misericorditer respice, et aduersantes ei tua uirtute prosterne, per dominum.
Super oblata.Suscipe domine fidelium præces cum oblationibus hostiarum, ut per haec piæ deuotionis officia, ad cælestem gloriam transeamus, per. Hanc igitur oblationem seruitutis nostrae . sed et cunctę familię tuę quam tibi offerimus . pro his quoque quos regenerare dignatus es ex aqua et spiritu sancto . tribuens eis remissionem omnium peccatorum . quaesumus domine ut placatus accipias.
Ad sanctum andream.Deus qui conspicis familiam tuam . omni humana uirtute destitui . paschali interueniente festiuitate . tui eam brachii protectione custodi . per dominum.
Deus qui nos resurrectionis dominicę annua solemnitate laetificas . concede propitius ut per temporalia festa quę agimus . peruenire ad gaudia aeterna mereamur . per dominum.
Super oblata.Sacrificia domine paschalibus gaudiis immolamus . quibus ecclesia mirabiliter et pascitur et nutritur . per dominum. Hanc igitur oblationem seruitutis nostrae . sed et cunctę familię tuę quam tibi offerimus . pro his quoque quos regenerare dignatus es . ex aqua et spiritu sancto tribuens eis remissionem omnium peccatorum . quaesumus domine ut placatus accipias.
Aᵈᵈᵉ uesperos.Presta quaesumus omnipotens deus. ut huius paschalis festiuitatis mirabile sacramentum. et temporalem nobis tranquillitatem tribuat. et uitam conferat sempiternam. per dominum.
Ad sanctum andream.Tribue quaesumus omnipotens deus. ut illuc tendat christiane deuotionis affectus. quo tecum est nostra substantia. per dominum nostrum.
Super oblata.Suscipe quaesumus domine munera populorum tuorum propitius. ut confessione tui nominis et baptismate renouati. sempiternam beatitudinem consequantur. per.
Prefatio.Vere dignum et iustum est aequum et salutare. te quidem omni tempore. sed in hac potissimum die gloriosius predicare. cum pascha nostrum immolatus est christus. Ipse enim uerus est agnus. qui abstulit peccata mundi; Qui mortem nostram moriendo destruxit. et uitam resurgendo reparauit. et ideo cum angelis. Hanc igitur oblationem seruitutis nostrae. sed et cuncte familiæ tuæ quam tibi offerimus. pro his quoque quos regenerare dignatus es ex aqua et spiritu sancto. tribuens eis remissionem omnium peccatorum. quaesumus domine ut placatus accipias.
Ad complendum.Exaudi domine preces nostras. ut redemptionis nostrae sacrosancta comertia et uitæ nobis conferant praesentis auxilium. et gaudia sempiterna concilient. per.
Ad uesperos.Deus qui nobis ad celebrandum paschale sacramentum liberiores animos præstitisti . doce nos et metuere quod irasceris . et amare quod precipis . per.
Ad fontes.Adesto quaesumus domine familiæ tuæ. et dignanter inpende. ut quibus fidei gratiam contulisti. et coronam largiaris [ fo. 66v aeternam. per dominum.
Super oblata.Concede quaesumus domine semper nos per hæc mysteria paschalia gratulari. ut continua nostrae reparationis operatio. perpetuae nobis fiat causa laetitiæ. per. Hanc igitur oblationem1 seruitutis nostrae. sed et cuncte familiæ tuae. quam tibi offerimus. pro his quoque quos regenerare dignatus es ex aqua et spiritu sancto. tribuens eis remissionem omnium peccatorum. quaesumus domine ut placatus accipias.
Ad uesperos ad sanctam mariam.2Deus totius conditor creature. famulos tuos quos fonte renouasti baptismatis. quosque gratiæ tuæ plenitudine solidasti. in adoptionis sorte facias dignanter adscribi. per.
Præsta quaesumus omnipotens deus. ut qui paschalia festa peregimus. hæc te largiente moribus et uita teneamus. per. 2 ad sanctam mariam in sancta maria C. GREG. F
Super oblata.Suscipe munera quaesumus domine exultantis ecclesię. et cui causam tanti gaudii præstitisti. perpetuum fructum concede laetitiae. per dominum.
Ad complendum.Quaesumus domine deus noster. ut sacrosancta mysteria quæ pro reparationis nostrae munimine contulisti. et præsens nobis remedium esse facias et futurum. per dominum.
Ad uesperos ad sanctos cosmam et damianum.Largire quaesumus domine fidelibus tuis indulgentiam placatus et pacem. ut pariter ab omnibus mundentur offensis. et secura tibi mente deseruiant. per.
Alia oratio.Deus qui nos exultantibus animis. pascha tuum cèlebrare tribuisti. fac nos quaesumus et temporalibus gaudere subsidiis. et aeternitatis effectibus gratulari. per dominum.
Alię Orationes Paschales.Deus qui omnes in christo renatos genus regium et sacerdotale fecisti. da nobis et uelle et posse quae præcipis. ut populo ad eternitatem uocato. una sit fides cordium et pietas actionum. per eundem.
Alia.Deus qui credentes in te fonte baptismatis innoasti. hanc renatis in christo concede custodiam. ut nullo erroris incursu. gratiam tuæ benedictionis amittant. per eundem.
Alia.Deus qui pro salute mundi sacrificium paschale fecisti. propitiare supplicationibus nostris. ut interpellans pro nobis pontifex summus. nos per id quod nostri est similis reconciliet. per id quod tibi est equalis absoluut. iesus christus filius tuus dominus noster. qui tecum uiuit.
Alia.Deus qui ad aeternam uitam in christi resurrectione nos reparas. erige nos ad consedentem in dextera tua nostrae salutis auctorem. ut qui propter nos iudicandus aduenit. pro nobis iudicaturus adueniat. iesus christus filius tuus dominus noster. qui : tecum. Alia. Deus et reparator innocentię et amator. dirige ad te tuorum corda seruorum. ut de infidelitatis tenebris liberati. numquam a tuę uirtutis luce discedant. per dominum. Alia. Deus qui credentes in te populos. gratię tuę largitate multiplicas. respice propitius ad electionem tuam. ut qui sacramento baptismatis sunt renati. regni caelestis mereantur introitum. per dominum. Alia. Omnipotens sempiternę deus. qui humanam naturam. supra primę originis reparas dignitatem. respice pietatis tuę ineffabile sacramentum. et quos regenerationis mysterio innouare dignatus es. in his dona tua perpetua gratiae protectione conserua. per dominum. Alia. Omnipotens sempiternę deus. deduc nos ad societatem caelestium gaudiorum. ut spiritu sancto renatos. regnum tuum facias introire. atque eo perueniat humilitas gregis. quo præcessit celsitudo pastoris. qui tecum.
Alia. Presta nobis omnipotens et misericors deus. ut in resurrectione domini nostri iesu christi. percipiamus ueraciter portionem. per eundem. Alia. Concede quaesumus omnipotens deus. ut ueterem cum suis rationibus hominem deponentes. illius conuersatione uiuamus. ad cuius nos substantiam. paschalibus remediis transtulisti. per eundem. Alia. Depelle quaesumus domine conscriptum peccati lege cyrographum. quod in nobis paschali mysterio per resurrectionem filii tui uacuasti. qui tecum. Alia. Deus qui ad aeternam uitam in christi resurrectione nos reparas. imple pietatis tuę ineffabile sacramentum. ut cum in maiestate sua saluator noster aduenerit. quos fecisti baptismo regenerari. facias beata inmort'a'lita'te uestiri. per eundem. Alia. Deus humani generis conditor et redemptor. da quaesumus ut reparationis nostrę collata subsidia. te iugiter inspirante sectemur. per dominum. Alia. Gaudeat domine plebs fidelis. et cum proprię recolit saluationis exordia. eius promoueatur augmentis. per dominum. Alia. Deus qui renatis aqua et spiritu sancto. cęlestis regni pandis introitum. auge super famulos tuos gratiam quam dedisti. ut qui ab omnibus sunt purgati peccatis. a nullis priuentur promissis. per dominum.
Alia. Fac omnipotens deus. ut qui paschalibus remediis innouati. similitudinem terreni parentis euasimus. ad formam cęlestis transferamur auctoris. qui tecum. Alia. Deus qui nos fecisti hodierna die paschalia festa celebrare. fac nos quaesumus in caelesti regno gaudere. per dominum. Alia. Familiam tuam quaesumus domine dextera tua perpetuo circumdet auxilio. ut paschali interueniente solemnitate. ab omni prauitate defensa. donis celestibus prosequatur. per dominum. Ad complendum diebus festis. Presta quaesumus domine deus noster. ut quę solemni cęlebramus officio. purificatę mentis intellegentia consequamur. per dominum.
Alia.Caelesti lumine quaesumus domine semper et ubique nos præueni. ut mysterium cuius nos participes esse uoluisti. et puro cernamus intuitu. et digno percipiamus affectu. per.
Mense Aprili. XVIII. Kalendas Maias id est. XIII. die Mensis Aprilis Natale Sanctorum Tiburtii et Ualeriani
Super oblata.Hostia hæc quaesumus domine quam in sanctorum tuorum nataliciis recensentes offerimus. et uincula nostræ prauitatis absoluut. et tuæ nobis misericordiæ dona conciliet. per.
Ad complendum.Sacro munere satiati supplices te domine deprecamur. ut quod debitæ seruitatis caelebramus officio. saluationis tuæ sentiamus augmentum. per.
VIII. Kalendas Maias id est. XXIII. die Mensis Aprilis Natale Sancti Georgii
Deus qui nos beati georgii martyris tui. meritis et intercessione laetificas. con cede propitius. ut qui eius beneficia poscimus. dona tuæ gratiæ consequamur. per.
Super oblata.Munera domine oblata sanctifica. et intercedente beato georgio martyre tuo. nos per hæc a peccatorum nostrorum maculis emunda. per dominum.
Ad complendum.Supplices te rogamus omnipotens deus. ut quos tuis reficis sacramentis. intercedente beato georgio martyre tuo. tibi etiam placitis moribus dignanter tribuas deseruire. per.
VII. Kalendas Maias id est. XXV. die Mensis Aprilis Laetania Maiore ad Sanctum Laurentium in Lucinae
Mentem familiæ tuæ quaesumus domine intercedente beato laurentio martyre tuo . et munere conjunctionis aperi . et largitate pietatis exaudi . per dominum. Ad sanctum ualentinum. Deus qui culpas delinquentium districte feriendo percutis . fletus quoque lugentium non recuses . ut qui pondus tuæ animaduersionis cognouimus . etiam pietatis gratiam sentiamus . per. Ad pontem molbi. Parce domine quaesumus parce populo tuo . et nullis iam patiaris aduersitatibus fatigari . quos pretioso filii tui sanguine redemisti . qui tecum. Ad crucem. Deus qui culpas nostras piis uerberibus percutis . ut a nostris iniquitatibus emundes . da nobis et de uerbere tuo profic'ere . et de tua citius consolatione gaudere . per. In atrio. Adesto domine supplicationibus nostris . et sperantes in tua misericordia . intercedente beato petro apostolo tuo . caelesti protege benignus auxilio . per dominum. Alia oratio in atrio Præsta quaesumus omnipotens deus . ut ad te toto corde clamantes . intercedente beato petro apostolo tuo . tuæ pietatis indulgentiam consequamur . per dominum.
ᵃad Missam.Præsta quaesumus omnipotens deus . ut qui in afflictione nostra de tua pietate confidimus . contra aduersa omnia . tua semper protectione muniamur . per dominum. Super oblata. Haec munera quaesumus domine . et uincula nostrae prauitatis absoluut . et tuæ nobis misericordiæ dona concilient . per.
Ad complendum.Vota nostra quaesumus domine pio fauore prosequere. ut dum dona tua in tribulatione percepimus. de consolatione nostra in tuo amore crescamus. per dominum.
Presta quaesumus omnipotens deus. ut intercedente beato uitale martyre tuo. et cunctis aduersitatibus liberemur in corpore. et a prauis cogitationibus mundemur in mente. per dominum.
Super oblata.Munera domine que pro apostolorum tuorum philippi et iacobi solemnitate deferimus propitius suscipe. et mala omnia quae meremur auerte. per.
Presta quaesumus omnipotens deus. ut qui sanctorum tuorum alexandri euenti et theodoli natalicia colimus. a cunctis malis imminentibus eorum intercessionibus liberemur. per dominum. Super oblata. Super has quaesumus hostias domine. benedictio copiosa descendat. quae et sanctificationem nobis clementer operetur. et. de martyrum nos solemnitate laetificet. per. Ad complendum. Refecti participatione muneris sacri quaesumus domine deus noster. ut quorum exsequimur cultum. sentiamus effectum. per dominum.
Pridie Nonas Maias id est. VI. die Mensis Maii Natale Sancti Iohannis ante Portam Latinam
Deus qui conspicis quia nos undique mala nostra perturbant. presta quaesumus ut beati iohannis apostoli tui. intercessio gloriosa nos protegat. per dominum. Super oblata. Muneribus nostris quaesumus domine precibusque susceptis. et celestibus nos munda mysteriis. et clementer exaudi. per. Ad complendum. Refecti domine pane celesti. ad uitam quaesumus nutriamur aeternam. per dominum.
VI. Idus Maias id est. X. die Mensis Maii Natale Sanctorum Gordiani et Epimachi
Da quaesumus omnipotens deus. ut qui beatorum martyrum gordiani atque epimachi solemnia colimus. eorum apud te intercessionibus adiuuemur. per. Super oblata. Hostias tibi domine beatorum martyrum. gordiani. atque epimachi dicatas meritis benignus adsume. et ad perpetuum nobis tribue prouenire subsidium. per dominum. 1 theodoli theoduli C : teodoli O. Huic titulo adscribit C numeros cii.
Ad complendum.Quaesumus omnipotens deus. ut qui celestia alimenta percepimus. intercedentibus sanctis tuis gordiano atque epimacho. per haec contra omnia aduersa muniamur. per.
III. Idus Maias id est. XII. die Mensis Maii Natale Sancti Pancratii
Presta quaesumus omnipotens deus. ut qui beati pancratii martyris tui natalicia colimus. a cunctis malis imminentibus. eius intercessionibus liberemur. per dominum.
Ad complendum.Beati pancratii martyris tui domine intercessione placatus. presta quaesumus ut quae temporali celebramus actione. perpetua saluatione capiamus. per dominum.
III. Idus Maias id est. XIII. die Mensis Maii Natale Sanctę Marię ad Martyres
Super oblata.Super has quaesumus hostias domine benedictio copiosa descendat. que et sanctificationem nobis clementer operetur. et de martyrum nos solemnitate laetificet. per.
Ad complendum.Supplices te rogamus omnipotens deus. ut quos tuis reficis sacramentis. tibi etiam placitis moribus dignanter deseruire concedas. per. 1 gordiano atque epimacho gordiani atque epimachi C. 2 Huic titulo adscribit C numeros cvi. 4 nobis nos CO.
Concede quaesumus omnipotens deus. ut qui hodierna die unigenitum tuum redemptorem nostrum ad caelos ascendisse credimus. ipsi quoque mente in caelestibus habitemus. per eundem.2
Super oblata.Suscipe domine munera que pro filii tui gloriosa ascensione deferimus. et concede propitius. ut a presentibus periculis liberemur. et ad uitam perueniamus aeternam. per eundem.3
Praefatio.Vere dignum et iustum est aequum et salutare. nos tibi semper et ubique gratias agere. domine sancte pater omnipotens aeterne deus per christum dominum nostrum4. qui post resurrectionem suam omnibus discipulis suis manifestus apparuit. et ipsis cernentibus est eleuatus in caelum. ut nos diunitatis sue tribueret esse participes. Et ideo cum angelis et archangelis. cum thronis et dominationibus. cumque omni militia caelestis exercitus ymnum glorie tue canimus sine fine dicentes.5 Communicantes6 et diem sacratissimum caelebrantes. quo dominus noster unigenitus filius tuus. unitam sibi fragilitatis nostrae substantiam. in glorie tue dextera6 collocauit. Sed et memoriam uenerantes.
Ad complendum.Presta nobis quaesumus omnipotens et misericors deus. ut que uisibilibus mysteriis sumenda percepimus. inuisibili consequamur effectu. per.
Aliae orationes.Adesto7 supplicationibus nostris. ut sicut humani generis saluatorem consedere tecum in tua maiestate confidimus. ita usque ad consummationem seculi. manere nobiscum quemadmodum est pollicitus sentiamus. qui tecum uiuit.8 2 per eundem per dominum C: eundem add. sup. lin. man. rec. 4 nos tibi . . . . nostrum om. CO. primis curis: addunt tamen manibus recentioribus per christum C: usque per christum dominum nostrum O. 6 Communicantes Infraction praem. O. 7 dextera dexteram C. 8 Adesto domine add. CO. 9 qui tecum uiuit. per C.
Alia.Deus cuius filius in alta caelorum potenter ascendens. captiuitatem nostram sua duxit uirtute captiuam. tribue quaesumus ut dona que suis participibus contulit. largiatur et nobis. iesus christus dominus noster. qui tecum uiuit.
VIII. Kalendas Iunias id est. XXV. die Mensis Maii Natale Sancti Urbani Papae
Da quaesumus omnipotens deus. ut qui beati urbani martyris tui atque pontificis solemnia colimus. eius apud te intercessionibus adiuuemur. per dominum.
Lectio libri genesis Temptauit deus abraham. Deus qui in abrahę famuli tui opere. humano generi oboedientię exempla praebuisti. concede nobis et nostrae uoluntatis prauitatem frangere. et tuorum præceptorum rectitudinem in omnibus adimplere. per dominum. Lectio libri deuteronomii Et scripsit moyses canticum hoc. Deus qui nobis per prophetarum ora praecepisti temporalia relinquere. atque ad aeterna festinare. da famulis tuis. ᵗut quae a te iᵗussa cognouimus. implere cęlesti inspiratione ualeamus. per dominum. Lectio isaie prophete. Adprehendent septem mulieres uirum unum. Deus qui nos ad celebrandam festiuitatem utriusque testamenti paginis instruis . da nobis intellegere misericordiam tuam. ut ex perceptione praesentium munerum . firma sit expectatio futurorum . per dominum. Lectio hieremiae prophetae. Audi israhel mandata uitae. Deus incommutabilis uirtus et lumen aeternum . respice propitius ad totius ecclesiæ mirabile sacramentum . et da famulis tuis ut hoc quod deuote agimus . etiam rectitudine uitæ teneamus . per. Oratio de psalmo xli. Sicut ceruus desiderat ad fontes aquarum.
Concede quaesumus omnipotens deus . ut qui solemnitatem dono spiritus sancti colimus . caelestibus desideriis accensi . fontem uitæ sitiamus . per dominum nostrum iesum christum filium tuum qui tecum uiuit et regnat deus in unitate eiusdem spiritus sancti . per omnia.
Aliae orationes.Omnipotens sempiterne deus . qui paschale sacramentum quinquaginta dierum uoluisti mysterio contineri . præsta ut gentium facta dispersio diuisione linguarum . ad unam confessionem tui nominis caelesti munere congregetur . per dominum. Deus qui sacramento festiuitatis hodiernæ . uniuersam ecclesiam tuam in omni gente et natione sanctificas . in totam mundi latitudinem spiritus tui dona diffunde . per dominum nostrum iesum christum filium tuum qui tecum uiuit et regnat deus in unitate eiusdem spiritus sancti . per omnia saecula. Annue misericors deus . ut qui diuina præcepta uiolando a paradisi felicitate decidimus . ad aeternæ beatitudinis redeamus accessum . per tuorum custodia(m) mandatorum . per dominum. Da nobis quaesumus domine per gratiam spiritus sancti . nouam tui paracliti spiritalis obseruantiæ disciplinam . ut mentes nostras sacro purificante ieiunio. cunctis reddantur eius muneribus aptiores. per dominum in unitate eiusdem.
Aorationes Ad Missam in Sabbato Pentecosten Post Ascensum Fontis.Presta quaesumus omnipotens deus. ut claritatis tuæ super nos splendor effulgeat. et lux tuæ lucis corda eorum qui per gratiam tuam renati sunt. sancti spiritus inlustratione confirmet. per dominum nostrum iesum christum in unitate eiusdem.
Praefatio.Vere dignum aequum et salutare. nos tibi semper et ubique gratias agere. domine sancte pater omnipotens aeterne deus. per christum dominum nostrum. qui ascendens super omnes caelos. sedensque ad dexteram tuam. promissum spiritum sanctum hodierna die in filios adoptionis effudit: Quapropter profusis gaudiis. totus in orbe terrarum mundus exultat. sed et supernæ uirtutes atque angelicæ potestates. ymnum gloriæ tuæ concinunt sine fine dicentes. Communicantes et diem sacratissimum pentecosten celebrantes. quo spiritus sanctus apostolis innumeris linguis apparuit. sed et memoriam. Hanc igitur oblationem seruitutis nostrae. sed et cunctæ familiæ tuæ. quam tibi offerimus. pro his quoque quos regenerare dignatus es ex aqua et spiritu sancto. tribuens eis remissionem omnium peccatorum. quaesumus domine ut placatus accipias.
Ad complendum.Sancti spiritus domine corda nostra mundet infusio .et sui roris intima aspersione fecundet . per dominum in unitate eiusdem spiritus sancti . per omnia.
a DIE DOMINICO AD SANCTUM PETRUM.Deus qui hodierna die corda fidelium sancti spiritus inlustratione docuisti . da nobis in eodem spiritu recta sapere . et de eius semper consolatione gaudere . per dominum nostrum iesum christum filium tuum qui tecum uiuit et regnat deus in unitate eiusdem spiritus sancti . per omnia secula saeculorum.
Super oblata.Munera domine quaesumus oblata sanctifica . et corda nostra sancti spiritus inlustratione emunda . per dominum in unitate eiusdem spiritus sancti . per omnia saecula saeculorum.
Praefatio.Vere dignum aequum et salutare . nos tibi semper et ubique gratias agere . domine sancte pater omnipotens aeterne deus . per christum dominum nostrum . qui ascendens super omnes caelos . sedensque a<d> dexteram tuam . promissum spiritum sanctum hodierna die in filios adoptionis effudit . quapropter profusis gaudiis totus in orbe terrarum mundus exultat . sed et supernē uirtutes atque angelicē potestates . ymnum gloriē tuē concinunt sine fine dicentes. Communicantes et diem sacratissimum pentecosten celebrantes . quo spiritus sanctus apostolis innumeris linguis apparuit . sed et memoriam. Hanc igitur oblationem seruitutis nostrae . sed et cunctē familiē tuē quam tibi offerimus . pro his quoque quos regenerare dignatus es ex aqua et spiritu sancto . 'tribuens' eis remissionem omnium peccatorum . quaesumus.
Deus qui apostolis tuis sanctum dedisti spiritum. concede plebi tuę pię petitionis effectum. ut quibus dedisti fidem largiaris et pacem. per dominum nostrum in unitate eiusdem.
Adsit nobis domine quaesumus uirtus spiritus sancti. quę et corda nostra clementer expurget. et ab omnibus tueatur aduersis. per dominum in unitate eiusdem.
Ad complendum.Mentes nostras quaesumus domine. spiritus sanctus diuinis reparet sacramentis. quia ipse est remissio omnium peccatorum. per dominum in unitate.
Mentes nostras quaesumus domine paraclitus qui a te procedit inluminet. et inducat in omnem sicut tuus promisit filius ueritatem. qui tecum uiuit eiusdem spiritus sancti. per.
Alia.Presta quaesumus omnipotens et misericors deus. ut spiritus sanctus adueniens. templum nos gloriæ suae dignanter habitando perficiat. per dominum in unitate eiusdem spiritus sancti. per.
Super oblata.Sacrificia domine tuis oblata conspectibus. ignis ille diuinus adsumat. qui discipulorum christi tui. per sanctum spiritum corda succendit. per eundem [eiusdem.
Ad complendum.Sumpsimus domine sacri dona mysterii. humiliter deprecantes ut quæ in tui commemoratione nos facere præcepisti. in nostrae proficiant infirmitatis auxilium. per dominum.
Mentibus nostris quaesumus domine spiritum sanctum benignus infunde. cuius et sapientia conditi sumus. et prouidentia gubernamur. per dominum in unitate [eiusdem. 2 affectibus effectibus CO. 3 sancto spiritu spiritu sancto O. 4 per . . . . eiusdem. per. CO, (in unit. add. in O man. rec.). 5 sanctum spiritum spiritum sanctum O. 7 Huic titulo præm. C numeros cxvii. 8 quaesumus om. CO.
Alia.Illo nos igne quaesumus domine spiritus sanctus inflammet. quem dominus noster iesus christus misit in terram. et uoluit uehementer accendi. qui tecum uiuit.
Alia.Deus qui ad animarum medellam ieiunii deuotione castigari corpora præcepisti. concede nobis propitius. et mente et corpore semper tibi esse deuotos. per dominum.
Alia.Presta quaesumus omnipotens deus. ut salutaribus ieiuniis eruditi. ab omnibus etiam uitiis abstinentes. propitiationem tuam facilius impetremus. per dominum.
Deus qui nos beati nicomedis martyris tui meritis et intercessione laetificas. concede propitius ut qui eius beneficia poscimus. dona tuae gratię consequamur. per.
Super oblata.Munera domine oblata sanctifica. et intercedente beato nicomede martyre tuo. nos per haec a peccatorum nostrorum maculis emunda. per dominum.
Ad complendum.Supplices te rogamus omnipotens deus. ut quos tuis reficis sacramentis. intercedente beato nicomede martyre tuo. tibi etiam placitis moribus dignanter tribuas deseruire. per.
III. Nonas Iunias id est. II. die Mensis Iunii Natale Sanctorum Marcellini et Petri
Deus qui nos annua beatorum marcellini et petri martyrum tuorum solemnitate laetificas. presta quaesumus ut quorum gaudemus meritis. prouocemur exemplis. per.
Super oblata.Hostia haec quaesumus domine quam in sanctorum tuorum nataliciis recensentes offerimus. et uincula nostrę prauitatis absoluat. et tuę nobis misericordię dona conciliet. per. dominum.
Ad complendum.Sacro munere satiati supplices te domine deprecamur. ut quod debitę seruitutis cęlebramus officio. saluationis tuę sentiamus augmentum. per dominum. 1 caelestis remedii cęlestibus remediis C. 3 dona dono O. 7 augmentum augmento O (sed ex corr.).
XIII. Kalendas Iulias id est. XVIII. die Mensis Iunii Natale Sanctorum Marci et Marcelliani
Presta quaesumus omnipotens deus . ut qui sanctorum marci et marcelliani natalicia colimus . a cunctis malis imminentibus eorum intercessione liberemur . per dominum. Super oblata. Munera domine tibi dicata sanctifica . et intercedentibus beato marco . et marcelliano . per eadem nos placatus intende . per. Ad complendum. Salutaris tui domine munere satiati supplices exoramus . ut quorum laetamur gustu . renouemur effectu . per dominum nostrum.
XIII. Kalendas Iulias id est. XVIII. die Mensis Iunii Natale Sanctorum Protasi et Geruasii
Deus qui nos annua sanctorum tuorum protasi et geruasii solemnitate laetificas . concede propitius . ut quorum gaudemus meritis . accendamur exemplis . per dominum. Super oblata. Oblatis quaesumus domine placare muneribus . et intercedentibus sanctis tuis . a cunctis nos defende periculis . per dominum. Ad complendum. Haec nos communio domine purget a crimine . et intercedentibus sanctis tuis . caelestis remedii faciat esse consortes . per dominum.
VIII. Kalendas Iulias id est. XXIII. die Mensis Iunii Uigilia Sancti Iohannis Baptistae
Presta quaesumus omnipotens deus . ut familia tua per uiam salutis incedat . et beati iohannis praecursoris ortamenta sectando . ad eum quem predixit secura perueniat . dominum nostrum iesum christum . qui tecum. 1 iulias iun O. 2 intercessione intercessionibus O. 3 protasi et geruasii geruasii et protasii O : protasii et geruasii C. 6 dominum . . . . tecum. per. C : dominum O. G 2
Ad complendum.Beati iohannis baptistę nos domine præclara commitetur oratio. et quem venturum esse prædixit. poscat nobis fauere placatum. dominum nostrum iesum christum qui tecum.
VIII. Kalendas Iulias id est. XXIII. die Mensis Iunii Natale Sancti Iohannis Baptistae
Ad complendum.Præsta quaesumus omnipotens deus. ut qui cœlestia alimenta percepimus. intercedente beato iohanne baptista. per hæc contra omnia aduersa muniamur. per dominum.
Item Alia.Deus qui præsentem diem honorabilem nobis in beati iohannis natiuitate fecisti. da populis tuis spiritalium gratiam gaudiorum. et omnium fidelium mentes. dirige in uiam salutis aeternę. per.
Super oblata.Tua domine muneribus altaria cumulamus. illius natiuitate⟨m⟩ honore debito celebrantes. qui saluatorem mundi et cecinit ad-futurum et adesse monstrauit. dominum nostrum iesum christum qui tecum. Ad complendum. Sumat ecclesia tua deus beati iohannis baptistę generatione laetitiam. per quem suae regenerationis cognouit auctorem. dominum nostrum iesum christum filium tuum qui tecum. Ad uesperos. Deus qui nos beati iohannis baptistę concedis natalicio perfrui. eius nos tribue meritis adiuuari. per dominum. Ad fontes. Omnipotens sempiterne deus da cordibus nostris illam tuarum rectitudinem semitarum. quam beati iohannis baptistę in deserto uox clamantis edocuit. per.
Aliae Orationes.Deus qui conspicis quia nos undique mala nostra contristant. per precursorem gaudii corda nostra laetifica. per dominum. Alia. Da quaesumus omnipotens deus. intra sancta⟨e⟩ ecclesię uterum constitutos. eo nos spiritu ab iniquitate nostra iustificari. quo beatum iohannem intra uiscera materna docuisti. per. Alia. Deus qui nos annua beati iohannis baptistę solemnia frequentare concedis. presta quaesumus ut et deuotis eadem mentibus celebremus. et eius patrocinio promerente. plenae capiamus securitatis augmentum. per. Alia. Omnipotens et misericors deus. qui beatum iohannem baptistam tua prouidentia destinasti. ut perfectam plebem christo domino prepararet. da quaesumus ut familia tua huius intercessione preconis. et a peccatis omnibus exuatur. et ad eum quem prophetauit peruenire mereatur. iesum christum filium tuum.
VI. Kalendas Iulias id est. XXVII. die Mensis Iunii Natale Sanctorum Iohannis et Pauli
Quaesumus omnipotens deus. ut nos geminata laetitia hodierna'e fe'stiuitatis excipiat. quae de beatorum iohannis et pauli glorificatione procedit. quos eadem fides et passio. uere fecit esse germanos. per. Super oblata. Hostias tibi <domine> sanctorum martyrum tuorum iohannis et pauli dicatas meritis benignus adsume. et ad perpetuum nobis tribue provenire subsidium. per. Ad complendum. Sumpsimus domine sanctorum tuorum solemnia cèlebrantes cœlestia sacramenta. presta quaesumus ut quod temporaliter gerimus. aeternis gaudiis consequamur. per.
III. Kalendas Iulias id est. XXVIII. die Mensis Iunii Natale Sancti Leonis Papē
Deus qui beatum 'leonem pontificem sanctorum tuorum' meritis quoaequasti. concede propitius ut qui commemorationis eius festa percolimus. uite quoque imitemur exempla. per dominum. Super oblata. Annue nobis domine ut anime famuli tui leonis haec prosit oblatio. quam immolando totius mundi tribuisti relaxari delicta. per. Ad complendum. Deus qui anime famuli tui leonis aeterne beatitudinis premia contulisti. concede propitius ut qui peccatorum nostrorum pondere præmimur. eius apud te precibus subleumur. per dominum.
III. Kalendas Iulias id est. XXVIII. die Mensis Iunii Uigilia Sancti Petri Oratio ad Missam
Praesta quaesumus omnipotens deus. ut nullis nos permittas perturbationibus concuti. quos in apostolicæ confessionis petra solidasti. per. Super oblata. Munus populi tui domine quaesumus apostolica intercessione sanctifica. nosque a peccatorum nostrorum maculis emunda. per.
Praefatio.Vere dignum aequum et salutare, te domine suppliciter exorare ut gregem tuum pastor aeternę non deseras, sed per beatos apostolos tuos continua protectione custodias, ut hisdem rectoribus gubernetur, quos operis tui uicarios eidem contulisti præesse pastores, et ideo cum angelis et archangelis cum thronis et dominationibus cumque omni militia cœlestis exercitus, ymnum glorię tuę canimus sine fine dicentes.
Ad Uigilias in Nocte.Deus qui ecclesiam tuam apostoli tui petri fide et nomine consecrasti, quique beatum illi paulum ad prædicandam gentibus gloriam tuam sociare dignatus es, concede ut omnes qui ad apostolorum tuorum solemnia couuenerunt, spiritali remuneratione ditentur, per.
III. Kalendas Iulias id est XXVIII. die Mensis Iunii Natale Sancti Petri
Deus qui hodiernam diem apostolorum tuorum petri et pauli martyrio consecrasti, da ecclesię tuę eorum in omnibus sequi præceptum, per quos religionis sumpsit exordium, per.
Prae⟨fa⟩tio.Vere dignum aequum et salutare, te domine suppliciter exorare, ut gregem tuum pastor aeternę non deseras, sed per beatos apostolos tuos continua protectione custodias, ut hisdem rectoribus gubernetur, quos operis tui uicarios eidem contulisti præesse pastores, et ideo cum angelis et archangelis, cum thronis et dominationibus Cumque omni militia celestis exercitus, ymnum gloriæ tuæ canimus sine fine dicentes. Ad complendum. Quos cœlesti domine alimento satiasti, apostolicis intercessionibus ab omni aduersitate custodi, per. Ad u'esperos. Deus qui apostolo petro conlatis clauibus regni cœlestis, ligandi atque soluendi pontificium tradidisti, concede ut intercessionis eius auxilio, a peccatorum nostrorum nexibus liberemur, per. Alia oratio. Omnipotens sempiterne deus, qui ecclesiam tuam in apostolica soliditate fundatam, ab infernorum eruis terrore portarum, præsta ut in tua ueritate persistens, nulla recipiat consortia perfidorum, per. Alia. Familiam tuam domine propitius intuere, et apostolicis defende præsidiis, ut eorum præcibus gubernetur, quibus nititur te constituente principibus, per. Alia. Exaudi nos deus salutaris noster, et apostolorum tuorum nos tuere præsidiis, quorum donasti fideles esse doctrinis, per.
Alia. Protege domine populum tuum, et aposto/⟨lo⟩rum patrocinio confidentem perpetua defensione conserua, per. Alia. Esto domine plebi tuæ sanctificator et custos, ut apostolicis munita præsidiis, et conuersatione tibi placeat, et secura deseruiat, per dominum. NA7.
Super oblata.Ecclesię tuę quaesumus domine pręces et hostias. apostolica commendet oratio. ut quod pro illorum gloria celebramus. nobis prosit ad ueniam. per.
Ad complendum.Perceptis domine sacramentis beatis apostolis interuenientibus depręcamur. ut quę pro illorum celebrata sunt gloria. nobis proficiant ad medellam. per.
Deus cuius dextera beatum petrum ambulantem in fluctibus ne mergeretur erexit. et coapostolum eius paulum tertio2 naufragantem de profundo pelagi liberauit. exaudi nos propitius. et concede ut amborum meritis aeternitatis3 gloriam consequamur. per dominum.
Deus qui nos sanctorum tuorum processi et martiniani confessionibus gloriosis circumdas et protegis. da nobis et eorum imitatione proficere. et intercessione gaudere. per dominum.
Super oblata.Suscipe domine preces et munera. quę ut tuo sint digna conspectui5. sanctorum tuorum precibus adiuuemur9. per. 1 Apostolorum ad sanctum petrum add. CO. 2 tertio tertium C. 3 aeternitatis aeternae trinitatis C, et forsan O prima manu. 5 conspectui conspectu O. 8 mensis iulii m supscripto C. 9 adiuuemur adiuuentur C.
Ad complendum.Corporis sacri et pretiosi sanguinis repleti libamine quaesumus domine deus noster. ut quod pia deuotione gerimus. certa redemptione capiamus. per dominum.
VI. Idus Iulias id est. X. die Mensis Iulii Natale Septem Fratrum
Presta quaesumus omnipotens deus. ut qui gloriosos martyres fortes in sua confessione cognouimus. pios apud te in nostra intercessione sentiamus. per dominum.
Ad complendum.Spiritum nobis domine tuæ caritatis infunde. ut quos uno cœlesti pane satiasti. intercedente beato felice martyre tuo. tua facias pietate concordes. per.
III. Kalendas Agustas id est. XXX. die Mensis Iulii Natale Sanctorum Abdon et Sennes
Deus qui sanctis tuis abdon et sennen afd hanc gloriam ueniendi copiosum munus gratiæ contulisti. da famulis tuis suorum ueniam peccatorum. ut sanctorum tuorum intercedentibus meritis. ab omnibus mereamur aduersitatibus liberari. per. Super oblata. Haec hostia2 quaesumus domine quam in3 sanctorum tuorum nataliciis4 recensentes offerimus. et uincula nostrae prauitatis absoluat. et tuae nobis misericordiæ dona conciliet. per. Ad complendum. Per huius domine operationem5 mysterii. et uitia nostra purgentur. et intercedentibus sanctis tuis iusta desideria compleantur. per dominum nostrum.
Mense Agusto Kalendis Agustis ad Sanctum Petrum ad Uincula
Deus qui beatum petrum apostolum a uinculis absolutum inlæsum abire fecisti. nostrorum quaesumus absolue uincula peccatorum. et omnia mala a nobis propitiatus exclude. per dominum. Super oblata. Oblatum tibi domine sacrificium. uiuificet nos semper et muniat. per. Ad complendum. Corporis sacri et prætiosi sanguinis repleti libamine quaesumus domine6 deus noster. ut quod pia deuotione gerimus. certa redemptione capiamus. per.
Mense Agusto. III. Nonas Agustas id est. II. die Mensis Agusti Natale Sancti Stephani Episcopi
Deus qui nos beati stephani martyris tui atque pontificis annua solemnitate laetificas. concede propitius ut cuius natalicia colimus. de eiusdem etiam protectione gaudeamus. per dominum. 1 sennes sennen O. 4 nataliciis natalicia C : natalitia (corr. in is) O. 5 operationem operatione C.
Super oblata.Munera tibi domine dicata sanctifica, et intercedente beato stephano martyre tuo atque pontifice, per eadem nos placatus intende, per dominum.
Ad complendum.Haec nos communio domine purget a crimine, et intercedente beato stephano martyre tuo atque pontifice, caelestis remedii faciat esse consortes, per.
Nonis Agustis id est. V. die Mensis Agusti Natale Sancti Xysti Episcopi
Deus qui conspicis quia ex nulla nostra uirtute subsistimus, concede propitius, ut intercessione beati xisti martyris tui atque pontificis, contra omnia aduersa muniamur, per dominum.
Benedictio Uuae.Benedic domine et hos fructus nouos uue,/ quos tu domine rore celi, et inundantia pluuiarum, et temporum serenitate, atque tranquillitate, ad maturitatem perducere dignatus es, et dedisti ea ad usus nostros cum gratiarum actione percipere, in nomine domini nostri iesu christi, per quem hęc omnia domine semper bona creas.
Ad complendum.Presta quaesumus domine deus noster, ut cuius nobis festiuitate uotiua sunt sacramenta, eius salutaria nobis intercessione reddantur, per. Fidelis seruus.
aITEM IN EODEM DIE MENSIS AGUSTI NATALE SANCTI FILICISSIMI ET AGAPITI.Deus qui nos concedis sanctorum martyrum tuorum felicissimi et agapiti natalicia colere. da nobis in aeterna lętitia de eorum societate gaudere. per. Super oblata. Munera tibi domine nostrae deuotionis offerimus. quae et pro tuorum tibi grata sint honore iustorum. et nobis salutaria te miserante reddantur. per. Ad complendum. Presta nobis domine quaesumus intercedentibus sanctis tuis felicissimo et agapito. ut que ore contingimus. pura mente capiamus. per dominum.
VI. Idus Agustas id est die. VIII. Mensis Agusti Natale Sancti Ciriaci
Deus qui nos annua beati ciriaci martyris tui solemnitate laetificas. concede propitius ut cuius natalicia colimus. uirtutem quoque passionis imitemur. per dominum. Super oblata. Accepta sit in conspectu tuo domine nostra deuotio. et eius nobis fiat supplicatione salutaris. pro cuius solemnitate defertur. per dominum. Ad complendum. Refecti participatione muneris sacri quaesumus domine deus noster. ut cuius exsequimur 'cultum. sentiamus effectum. per dominum.
V. Idus Agustas id est die. VIII. Mensis Agusti Uigilia Sancti Laurentii
Ad complendum.Da quaesumus domine deus noster. ut sicut beati laurentii martyris tui commemoratione. temporali gratulamur officio. ita perpetuo laetemur aspectu. per dominum.
III. Idus Agustas id est die. X. Mensis Agusti Natale Sancti Laurentii
In Prima Missa.Excita domine in ecclesia tua spiritum cui beatus laurentius leuita seruiuit. ut eodem 'nos' replente studeamus amare quod amauit. et opere exercere quod docuit. per.
Super oblata.Sacrificium nostrum tibi domine quaesumus beati laurentii precatio sancta conciliet. ut cuius honore solemniter exhibetur. meritis efficiatur acceptum. per dominum.
Ad complendum.Supplices te rogamus omnipotens deus. ut quos donis celestibus satiasti. intercedente beato laurentio martyre tuo. perpetua protectione custodias. per dominum.
aITEM AD MISSAM.1Da nobis quaesumus omnipotens deus uitiorum nostrorum flammas extinguere. qui beato laurentio tribuisti tormentorum suorum incendia superare. per.
Super oblata.Accipe quaesumus domine2 munera dignanter oblata. et beati laurentii suffragantibus meritis. ad nostrae salutis auxilium prouenire concede. per dominum. 1 ad missam ad missas C: alia missa O. 2 quaesumus domine domine quaesumus O.
Ad complendum.Sacro munere satiati supplices te domine deprecamur. ut quod debite seruitutis cœlebramus officio. intercedente beato laurentio saluationis tuæ sentiamus augmentum. per.
Alia.Deus cuius caritatis ardore beatus laurentius edaces incendii flammas contempto persecutore deuicit. concede ut omnes qui martyrii eius merita ueneramur. protectionis tuæ auxilio muniamur. per dominum.
III. Idus Agustas id est. XI. die Mensis Agusti Natale Sancti Tiburtii
Super oblata.Adesto domine præcibus populi tui adesto muneribus ut quæ sacris sunt oblata mysteriis. tuorum tibi placeant intercessione sanctorum. per dominum.
Ad complendum.Sumpsimus domine pignus redemptionis aeterne. sit nobis domine quaesumus interueniente beato tiburtio martyre tuo. uitae præsentis auxilium pariter et futuræ. per dominum.
Idus Agustas id est. XIII. die Mensis Agusti Natale Sancti Yppoliti
Deus qui nos beati eusebii confessoris tui 'annua' solemnitate laetificas . concede propitius . ut cuius natalicia colimus . per eius exempla gradiamur . per dominum. Super oblata. Laudis tuę domine hostias immolamus . in tuorum commemoratione sanctorum . quibus nos et praesentibus exui malis confidimus et futuris . per. Ad complendum. Refecti cibo potuque cęlesti deus noster . te supplices exoramus . ut in cuius hęc commemoratione percepimus . eius muniamur et precibus . per dominum.
XVIII. Kalendas Septembres id est. XIII. die Mensis Agusti in Uigilia Adsumptionis Sanctae Mariae
Deus qui uirginalem aulam beatę marię in qua habitares eligere dignatus es . da quaesumus ut sua nos defensione munitos iucundos faciat suę interesse festiuitati . qui tecum uiuit. Super oblata. Magna est domine apud clementiam tuam dei genetricis oratio . quam idcirco de pręsenti seculo transtulisti . ut pro peccatis nostris apud te fiducialiter inᵗtercedat . per eundem. Ad complendum. Concede misericors deus fragilitati nostrae praesidium . ut qui sanctę dei genetricis requiem celebramus . intercessionis eius auxilio . a nostris iniquitatibus resurgamus . per.
XVIII. Kalendas Septembres id est. XV. die Mensis Agusti Adsumptio Sanctae Mariae
Veneranda nobis domine huius est diei festiuitas. in qua sancta dei genetrix mortem subuit temporalem. nec tamen mortis nexibus deprimi potuit. quae filium tuum dominum nostrum de se genuit incarnatum. qui tecum.
Alia Ad Missam.Famulorum tuorum domine delictis ignosce. et qui placere de actibus nostris non ualemus. genetricis filii tui domini dei nostri intercessione saluemur. per eundem. Super oblata. Subueniat domine plebi tuæ dei genetricis oratio. quam etsi pro conditione carnis migrasse cognoscimus. in cœlesti gloria apud te pro nobis orare sentiamus. per eundem. Ad complendum. Mense cœlestis participes effecti. imploramus clementiam tuam domine deus noster. ut qui festa dei genetricis colimus. a malis imminentibus eius intercessionibus liberemur. per eundem.
XV. Kalendas Septembres id est. XVIII. die Mensis Agusti Natale Sancti Agapiti
Laetetur ecclesia tua deus. beati agapiti martyris tui confisa suffragiis. atque eius precibus gloriosis. et deuota permaneat et secura consistat. per. Super oblata. Suscipe domine munera quæ in eius tibi solemnitate deferimus. cuius nos confidimus patrocinio liberari. per dominum. 1 est erasum in O. 3 qui tecum per dominum C: per eundem (pr. man.); qui tecum uiuit (man. rec.) O. 5 per eundem. per dominum. C. GREG. H
Super oblata.Accepta sit tibi domine sacratę plebis oblatio. pro tuorum honore sanctorum. quorum se meritis percepisse de tribulatione cognoscit auxilium. per dominum.
Ad complendum.Diuini muneris largitate satiati quaesumus domine deus noster. ut intercedente beato timotheo martyre tuo. eius semper participatione uiuamus. per dominum.
V. Kalendas Septembres id est. XXVIII. die Mensis Agusti Natale Sancti Hermetis
Deus qui beatum hermen martyrem tuum uirtute constantię in passione roborasti. ex eius nobis imitatione tribue pro amore tuo prospera mundi dispicere. et nulla eius aduersa formidare. per.
Super oblata.Sacrificium tibi domine laudis offerimus, in tuorum commemoratione sanctorum. da quaesumus ut quod illis contulit gloriam. nobis prosit ad salutem. per dominum.
Deus qui inter cetera potentiæ tuæ miracula. etiam in sexu fragili uictoriam martyrii contulisti. concede propitius ut cuius natalicia colimus. per eius exempla ad te gradiamur. per dominum. Super oblata. Hostias tibi domine beatæ sabinæ martyris tuæ dicatas meritis benignus adsume. et ad perpetuum nobis tribue prouenire subsidium. per dominum. Ad complendum. Diuini muneris largitate satiati quaesumus domine deus noster. ut intercedente beata sabina martyre tua. in eius semper participatione uiuamus. per dominum.
III. Kalendas Septembres id est. XXX. die Mensis Agusti Natale Sanctorum Felicis et Adaucti
Maiestatem tuam domine supplices deprecamur. ut sicut nos iugiter sanctorum tuorum commemoratione laetificas. ita semper supplicatione defendas. per. Super oblata. Hostias domine tuæ plebis intende. et quas in honore sanctorum tuorum deuota mente cælebrat. proficere sibi sentiat ad salutem. per dominum. Ad complendum. Repleti domine muneribus sacris. quaesumus ut intercedentibus sanctis tuis. in gratiarum tuarum semper actione maneamus. per.
Mense Septembri. VI. Idus Septembres id est die. VIII. Mensis Septembris Natiuitate Sanctae Mariae
Supplicationem seruorum tuorum deus miserator exaudi. ut qui in natiuitate dei genetricis et uirginis congregamur. eius 2 eius huius CO. 3 felicis felicissimi O. 4 adaucti adauti C : audacti O. 6 natiuitate natiuitas O. H 2 intercessionibus conplacatus. a te de instantibus periculis eruamur. per eundem.
Ad Missam.Famulis tuis domine celestis gratiæ munus inpertire. ut quibus beatæ uirginis partus extitit salutis exordium. natiuitatis eius uotia solemnitas. pacis tribuat incrementum. per.
Super oblata.Vnigeniti tui domine nobis succurrat humanitas. ut qui natus de uirgine. matris integritatem non minuit sed sacrauit. in natiuitatis eius solemniis a nostris nos piaculis exuens. oblationem nostram sibi faciat acceptam. qui tecum.
Super oblata.Pro sanctorum proti et iacincthi munera tibi domine commemoratione quæ debemus exsoluimus. presta quaesumus ut remedium nobis perpetuæ salutis operentur. per.
Infirmitatem nostram quaesumus domine propitius respice, et mala omnia que iuste meremur, sanctorum tuorum intercessione auerte, per. Super oblata. Adesto domine supplicationibus nostris, quas in sanctorum tuorum commemoratione deferimus, ut qui nostre iustitiæ fiduciam non habemus, eorum qui tibi placuerunt meritis adiuuemur, per. Ad complendum. Quaesumus domine salutaribus repleti mysteriis, ut quo rum solemnia celebramus orationibus adiuuemur, per.
Item Eodem die. XIII. die Mensis Septembris Exaltatio Sanctae Crucis
Deus qui unigeniti tui domini nostri iesu christi præcioso sanguine humanum genus redimere dignatus es, concede propitius, ut qui ad adorandam uiuificam crucem adueniunt, a peccatorum suorum nexibus liberentur, per eundem. Super oblata. Iesu christi domini nostri corpore sʳaginati, per quem crucis est sanctificatum uexillum, quaesumus domine deus noster ut sicut adorare meruimus, ita perennitatis eius gloriæ salutaris potiamur effectu, per eundem. Ad complendum. Quaesumus omnipotens deus, ut quos diuina tribuis participatione gaudere, humanis non sinas subiacere periculis, per dominum.
XVII. Kalendas Octobres id est. XV. die Mensis Septembris Natale Sancti Nicomedis
Adesto domine populo tuo, ut beati nicomedis martyris tui merita præclara suscipiens, ad impetrandam misericordiam tuam, semper eius patrocinio adiuuetur, per dominum.
Ad complendum.Purificent nos domine sacramenta quae sumpsimus, et intercedente beato nicomede martyrę tuo, a cunctis efficiant uitiis absolutos, per dominum.
XVI. Kalendas Octobres id est. XVI. die Mensis Septembris Natale Sanctae Eufemiae
Omnipotens sempiterne deus, qui infirma mundi eligis ut fortia queque confundas, concede propitius ut qui beatę eufemię martyris tuę solemnia colimus, eius apud te patrocinia sentiamus, per dominum.
Super oblata.Pręsta quaesumus domine deus noster, ut sicut in tuo conspectu mors est prętiosa sanctorum, ita eorum merita uenerantium, accepta tibi reddatur oblatio, per dominum.
Pręsta domine precibus nostris cum exultatione prouectum, ut quorum diem passionis annua deuotione recolimus, etiam fidei constantiam subsequamur, per dominum.
Absolue quaesumus domine tuorum delicta populorum. et a peccatorum nostrorum nexibus que pro nostra fragilitate contraximus. tua benignitate liberemur. per. Super oblata. Pro nostre seruitutis augmentum sacrificium tibi domine laudis offerimus. ut quod inmeritis contulisti. propitius exsequaris. per. Ad complendum. Quaesumus omnipotens deus. ut quos diuina tribuis participatione gaudere. humanis non sinas subiacere periculis. per dominum.
Misericordie tue remediis quaesumus domine fragilitas nostra subsistat. ut que sua conditione atteritur. tua clementia reparetur. per dominum. Alia. Presta quaesumus domine familie supplicanti. ut dum a cibis corporalibus se abstinent. a uitiis mente ieiunent. per. Super oblata. Haec hostia domine quaesumus emundet nostra delicta. et sacrificium celebrandum. subditorum tibi corpora mentesque sanctificet. per. Ad complendum. Sumentes domine dona celestia suppliciter deprecamur. ut que sedula seruitute donante te gerimus. dignis sensibus tuo munere capiamus. per.
Super oblata.Accepta tibi sint domine quaesumus nostri dona ieiunii. que et expiando nos tua gratia dignos efficiant. et ad sempiterna promissa perducant. per.
Omnipotens sempiterne deus. qui per continentiam salutarem. et corporibus mederis et mentibus. maiestatem tuam supplices exoramus. ut pia ieiunantium deprecatione placatus. et presentia nobis subsidia præbeas et futura. per dominum.
Super oblata.Concede quaesumus omnipotens deus. ut oculis tuæ maiestatis munus oblatum. et gratiam nobis deuotionis obtineat. et effectum beatæ perennitatis adquirat. per.
Omnipotens sempiterne deus misericordiam tuam ostende supplicibus. ut qui de meritorum qualitate diffidiimus. non iudicium tuum sed indulgentiam sentiamus. per.
Præsta quaesumus omnipotens deus. ut qui sanctorum tuorum cosmæ et damiani natalicia colimus. a cunctis malis imminentius. eorum intercessionibus liberemur. per.
Super oblata.Sanctorum tuorum nobis domine pia non desit oratio. quæ et munera nostra conciliet. et tuam nobis indulgentiam semper obtineat. per dominum.
Deus qui miro ordine angelorum ministeria hominumque dispensas. concede propitius. ut aᵇ quibus tibi ministrantibus in cœlo semper assistitur. ab his in terra. nostra uita muniatur. per.
Super oblata.Hostias tibi domine laudis offerimus suppliciter deprecantes. ut easdem angelico pro nobis interueniente suffragio. et placatus accipias. et ad salutem nostram prouenire concedas. per.
Ad complendum.Beati archangeli tui michahelis intercessione suffulti. supplices te domine deprecamur. ut quos honore prosequimur. contingamus et mente. per dominum.
Mense Octobri Nonis Octobribus id est. VII. die Mensis Octobris Natale Sancti Marci Papae
Exaudi domine quaesumus preces nostras. et interueniente beato marco confessore tuo atque pontifice. supplicationes nostras placatus intende. per dominum.
Super oblata.Accepta tibi sit domine sacre plebis oblatio pro tuorum honore sanctorum. quorum se meritis percepisse de tribulatione cognoscit auxilium. per dominum.
Ad complendum.Quaesumus omnipotens deus. ut et reatum nostrum munera sacrata purificent. et recte uiuendi nobis operentur effectum. per. Beatus seruus.
Mense Nouembri Kalendis Nouembribus Natale Sancti Caesarii Collecta ad Sanctos Cosmam et Damianum
Ad Missam.1Deus qui nos beati martyris tui cæsarii2 annua solemnitate lētificas. concede propitius ut cuius natalicia colimus. etiam actiones imitemur. per.
Super oblata.Hostias tibi domine beati cæsarii martyris tui dicatas meritis benignus adsume. et ad perpetuum nobis tribue prouenire subsidium. per dominum.
Ad complendum.Quaesumus omnipotens deus. ut qui cēlestia alimenta percepimus. intercedente beato cēsario martyre tuo. per hēc contra omnia aduersa muniamur. per.
VI. Idus Nouembres id est. VIII. die Mensis Nouembris Natale Sanctorum Quattuor Coronatorum
Presta quaesumus omnipotens deus. ut qui gloriosos martyres claudium. nicostratum. simphronianum. castorium. atque simplicium. fortes in sua confessione cognouimus. pios apud te in nostra intercessione sentiamus. per dominum.
Super oblata.Benedictio tua domine larga descendat. quæ et munera nostra deprecantibus sanctis tuis tibi reddat accepta. et nobis sacramentum redemptionis efficiat. per dominum.
Ad complendum.Caelestibus refecti sacramentis et gaudiis supplices te domine deprecamur. ut quorum gloriamur triumphis. protegamur auxiliis. per dominum. 1 Ad missam. Alia ad missam O: Alia ad missa C. 2 martyris tui caesarii caesarii martyris tui O.
V. Idus Nouembres id est. VIII. die Mensis Nouembris Natale Sancti Theodori
Deus qui nos beati theodori martyris tui confessione gloriosa circumdas et protegis, presta nobis eius imitatione proficere, et oratione fulciri, per. Super oblata. Suscipe domine fidelium preces cum oblationibus hostiarum, et intercedente beato theodoro martyre tuo, per hec pie deuotionis officia, ad celestem gloriam transeamus, per dominum. Ad complendum. Presta nobis domine quaesumus intercedente beato theodoro martyre tuo, ut que ore contingimus pura mente capiamus, per dominum.
III. Idus Nouembres id est. XI. die Mensis Nouembris Natale Sancti Mennae
Presta quaesumus omnipotens deus, ut qui beati menne martyris tui natalicia colimus, intercessione eius in tui nominis amore roboremur, per dominum. Super oblata. Muneribus nostris quaesumus domine precibusque susceptis, et celestibus nos munda mysteriis, et clementer exaudi, per. Ad complendum. Da quaesumus domine deus noster, ut sicut tuorum commemoratione sanctorum temporali gratulamur officio, ita perpetuo laetemur aspectu, per dominum.
III. Idus Nouembres id est. XI. die Mensis Nouembris Natale Sancti Martini
Deus qui conspicis quia ex nulla nostra uirtute subsistimus, concede propitius ut intercessione beati martini confessoris tui, contra omnia aduersa muniamur, per dominum. 2 III. idus Pridie idus C. 3 III. idus . . . nouembris Eodem die mensis nouembris O. Super oblata. Da misericors deus. ut hęc nos salutaris oblatio. et propriis reatibus indesinenter expediat. et ab omnibus tueatur aduersis. per. Ad complendum. Presta quaesumus domine deus noster. ut quorum festiuitate uotiua sunt sacramenta. eorum salutaria nobis intercessione reddantur. per.
X. Kalendas Decembres id est. XXII. die Mensis Nouembris Natale Sanctae Ceciliae
Deus qui nos annua beatę cęcilię martyris tuę solemnitate laetificas. da ut quam ueneramur officio. etiam pię conuersationis sequamur exemplo. per. Super oblata. Hęc hostia domine placationis et laudis quaesumus. ut interueniente beata cęcilia martyre tua. nos propitiatione dignos semper efficiat. per. Ad complendum. Satiasti domine familiam tuam muneribus sacris. eius semper intercessione nos refoue. cuius solemnia celebramus. per.
VIII. Kalendas Decembres id est. XXIII. die Mensis Nouembris Natale Sancti Clementis
Deus qui nos annua beati clementis martyris tui atque pontificis solemnitate laetificas. concede propitius ut cuius natalicia colimus. uirtutem quoque passionis imitemur. per dominum. Super oblata. Munera domine oblata sanctifica. et intercedente beato clemente martyre tuo. per hęc nos a peccatorum nostrorum maculis emunda. per. Ad complendum. Corporis sacri et pretiosi sanguinis repleti libamine quaesumus domine deus noster. ut quod pia deuotione gerimus. certᵗ a redemptione capiamus. per dominum.
Presta quaesumus omnipotens deus. ut beatę felicitatis martyris tuę solemnia recensentes. meritis ipsius protegamur et præcibus. per dominum. Super oblata. Vota populi tui domine propitiatus intende. et quorum nos tribuis solemnia celebrare. fac gaudere suffragiis. per. Ad complendum. Supplices te rogamus omnipotens deus. ut interuenientibus sanctis tuis. et tua in nobis dona multiplices. et tempora nostra disponas. per.
VIII. Kalendas Decembres id est. XXIIII. die Mensis Nouembris Natale Sancti Chrisogoni
Adesto domine supplicationibus nostris ut qui ex iniquitate nostra reos nos esse cognoscimus. beati crisogoni martyris tui intercessione liberemur. per. Super oblata. Oblatis quaesumus domine placare muneribus. et intercedente beato crisogono martyre tuo. a cunctis nos defende periculis. per. Ad complendum. Tui domine perceptione sacramenti. et a nostris mundemur occultis. et ab hostium liberemur insidiis. per.
III. Kalendas Decembres id est. XXVIII. die Mensis Nouembris Natale Sancti Saturnini
Deus qui nos beati saturnini martyris tui concedis natalicia perfrui. eius nos tribue meritis adiuuari. per. Super oblata. Munera domine tibi dicata sanctifica. et intercedente beato saturnino martyre tuo. per eadem nos placatus intende. per.
Quaesumus omnipotens deus. ut beatus andreas apostolus pro nobis imploret auxilium. ut a nostris reatibus absoluti. a cunctis etiam periculis exuamur. per.
Praefatio.Vere dignum et iustum est aequum et salutare. Nos tibi semper et ubique gratias agere. domine sanctæ pater omnipotens aeternæ deus. per christum dominum nostrum. qui ecclesiam tuam in apostolicis tribuisti consistere fundamentis. de quorum collegio beati andreæ solemnia celebrantes. tua domine preconia non tacemus. et ideo cum angelis et archangelis cum thronis et dominationibus. cumque omni militia cœlestis exercitus. ymnum gloriæ tuæ canimus sine fine dicentes.
Ad complendum.Perceptis domine sacramentis suppliciter exoramus. ut intercedente beato andrea apostolo tuo. quæ pro illius ueneranda gerimus passione. nobis proficiant ad medellam. per.
Pridie Kalendas Decembres id est. XXX. die Mensis Nouembris Natale Sancti Andreæ
Maiestatem tuam domine suppliciter exoramus. ut sicut ecclesiæ tuæ beatus andreas apostolus extitit predicator et rector. ita apud te sit pro nobis perpetuus intercessor. per. Dicit andreas.
Super oblata.Sacrificium nostrum tibi domine quaesumus beati andreae precatio sancta conciliet. ut cuius honore solemniter exhibetur. meritis efficiatur acceptum. per.
Praefatio.Vere dignum aequum et salutare. nos tibi semper et ubique gratias agere. domine sancte pater omnipotens aeterne deus. per christum dominum nostrum. qui ecclesiam tuam in apostolicis tribuisti consistere fundamentis. de quorum collegio beati andre solemnia celebrantes. tua domine preconia non tacemus. et ideo cum angelis.
Ad complendum.Sumpsimus domine diuina mysteria beati andreae festiuitate laetantes. que sicut tuis sanctis ad gloriam. ita nobis quaesumus ad ueniam prodesse perficias. per dominum.
Ad uesperos ubi supra.Da nobis quaesumus domine deus noster beati apostoli 'tui andre' intercessionibus subleuari. ut per quos ecclesiæ tuæ superni muneris rudimenta donasti. per eos subsidia perpetuæ salutis impendas. per.
Alia.Deus qui es sanctorum tuorum splendor mirabilis. qui hunc diem beati andre martyrio consecrasti. da ecclesiæ tuæ de eius natalicia semper gaudere. ut apud misericordiam tuam. exemplis eius protegamur et meritis. per.
Alia.Exaudi domine populum tuum cum sancti apostoli tui andre patrocinio supplicantem. ut tuo semper auxilio. secura tibi possit deutione seruire. per.
Mense Decembrio Orationes de Aduentu Domini. Dominica Prima
Excita domine quaesumus potentiam tuam et ueni. ut ab iminentibus peccatorum nostrorum periculis. te mereamur protegente eripi. te liberante saluari. qui uiuis et regnas cum deo patre in unitate spiritus sancti deus per omnia secula seculolorum.3 Super oblata. Hec sacra nos domine potenti uirtute mundatos. ad suum faciant puriores uenire principium. per dominum. Ad complendum. Suscipiamus domine misericordiam tuam in medio templi tui. et reparationis nostre uentura solemnia. congruis honoribus precedamus. per dominum.
Excita domine corda nostra ad preparandas unigeniti tui uias. ut per eius aduentum purificatis tibi mentibus seruire mereamur. qui tecum.4 Super oblata. Placare quaesumus domine humilitatis nostrae precibus et hostiis. et ubi nulla suppetunt suffragia meritorum. tuis nobis5 succurre presidiis. per dominum. Ad complendum. Repleti cibo spiritalis alimonię supplices te domine deprecamur. ut huius participatione mysterii. doceas nos terrena des1picere. et amare celestia. per.
Idus Decembres id est. XIII. die Mensis Decembris Natale Sanctae Luciae
Exaudi nos deus salutaris noster. ut sicut de beatę lucię festiuitate gaudemus. ita pię deuotionis erudiamur affectu. per. 1 decembrio sic R : decb CO. 3 qui uiuis . . . seculorum. per dominum. C. 4 qui tecum. per. C. 5 tuis nobis tuae nobis indulgentiae O. GREG.
Super oblata.Accepta tibi sit domine sacratę plebis oblatio pro tuorum honore sanctorum . quorum se meritis percepisse de tribulatione cognoscit auxilium . per.
Super oblata.Deuotionis nostrae tibi quaesumus domine hostia iugiter immoletur . quę et sacri peragat instituta mysterii . et salutare tuum nobis mirabiliter operetur . per.
Pręsta quaesumus omnipotens deus . ut redemptionis nostrę uentura solemnitas . et pręsentis nobis uitę subsidia conferat . et aeternę beatitudinis premia largiatur . per.
Alia.Festina quaesumus domine ne tardaueris3 . et auxilium nobis supernę uirtutis impende . ut aduentus tui consolationibus subleuentur . qui in tua pietate confidunt . qui uiuis.4
Super oblata.Accepta tibi sint domine quaesumus5 nostra ieiunia . quę et expiando nos tua gratia dignos efficiant . et ad sempiterna promissa perducant . per dominum nostrum. b Ant. Rorate celi desuper. Resp. Tollite portas. Item Resp. Prope est dominus. All. Ueni domine et noli tardare. Off. Confortamini. Item Off. Aue maria. Com. Ecce uirgo. 1 gratia gratię O : gratiae (e eras.) C. 2 Huic titulo adveribit C numeros clxxxviii. 3 domine ne tardaueris ne tardaueris domine C. 4 qui uiuis . per. C. 5 domine quaesumus quaesumus domine O.
Alia.Concede quaesumus omnipotens deus. ut quia4 sub peccati iugo ex5 uetusta seruitute deprimimur. expectata unigeniti filii tui noua natiuitate liberemur. per eundem.6
Alia.Presta quaesumus omnipotens deus. ut filii tui uentura solem-nitas. et presentis nobis uitæ remedia conferat. et premia aeterna concedat. per eundem.8 b Ant. Ueni et ostende nobis. Resp. A summo celo. Resp. ii. In sole posuit. Resp. iii. Domine deus uirtutum. Resp. iiii. Excita domine. Tract. Qui regis israel. Off. Exulta satis. Com. Exultauit ut gigans. I 2
Alia.Præces populi tui quaesumus domine clementer exaudi. ut qui iuste pro peccatis nostris affligimur. pietatis tuæ uisitatione consolemur. per dominum.
Ad complendum.Quaesumus domine deus noster. ut sacrosancta mysteria quæ pro reparationis nostræ munimine contulisti. et præsens nobis remedium esse facias et futurum. per.
Excita domine potentiam tuam et ueni. et magna nobis uirtute succurre. ut per auxilium gratiæ tuæ. quod nostra peccata præpediunt. indulgentia tuæ propitiationis acceleret. qui uiuis et regnas cum deo patre.
Aliae Orationes De Aduentu.Excita domine potentiam tuam et ueni. et quod ecclesiæ tuæ promisisti. usque in finem seculi clementer operare. qui uiuis et regnas.
Alia.Conscientias nostras quaesumus domine uisitando purifica. ut ueniens iesus christus filius tuus 'dominus noster para'tam sibi inueniat mansionem. qui tecum.
Alia.Concede quaesumus omnipotens deus. ut magne festiuitatis uentura solemnia. prospero celebremus effectu. pariterque reddamur. et intenti caelestibus disciplinis. et de nostris temporibus laetiores. per dominum.
Alia.Mentes nostras quaesumus domine lumine tuæ uisitationis inlustra. ut esse te largiente mereamur. et inter prospera humiles et inter aduersa securi. per dominum.
Alia.Preces populi tui quaesumus domine clementer exaudi. ut qui de aduentu unigeniti filii tui secundum carnem laetantur. in secundo cum uenerit in maiestate sua. præmium aeternæ uitæ percipiant. per eundem.
Oratio in Dedicatione Ecclesiae.Domum tuam quaesumus domine clementer ingredere. et in tuorum tibi cordibus fidelium. perpetuam constitue mansionem. ut cuius edificatione subsistit. huius fiat habitatione præclara. per dominum.
Oratio Post Uelatum Altare.Descendat quaesumus domine deus noster spiritus sanctus tuus super hoc altare. qui et populi tui dona sanctificet. et sumentium corda dignanter emundet. per dominum.
Ad Missas.Deus qui inuisibiliter omnia contines. et tamen pro salute generis humani signa tuę potentię uisibiliter ostendis. templum hoc potentia tuę inhabitationis inlustra. ut omnes qui huc deprecaturi conueniunt. ex quacumque tribulatione ad te clamauerint. consolationis tuę beneficia consequantur. per.
Alia.Deus qui sacrandorum tibi auctor es munerum. effunde super hanc orationis domum benedictionem tuam. ut ab omnibus inuocantibus nomen tuum. defensionis tuę auxilium sentiatur. per.
Alia.Deus qui ex omni coaptatione sanctorum aeternum tibi condis habitaculum. da edificationis tuę incrementa celestia. ut quorum hic reliquias pio amore conplectimur. eorum semper meritis adiuuemur. per dominum.
Super oblata.Omnipotens sempiterne deus. altare nomini tuo dicatum celestis uirtutis benedictione sanctifica. et omnibus in te sperantibus. auxilii tui munus ostende. ut hic sacramentorum uirtus et uotorum obtineatur effectus. per dominum.
Praefatio.Vere dignum et iustum est aequum et salutare. Nos tibi semper et ubique gratias agere. domine sanctę pater omnipotens aeternę deus per christum dominum nostrum, per quem te supplices deprecamur. ut altare hoc sanctis usibus preparatum. celesti dedicatione sanctifices. ut sicut melchisedhęc sacerdotis precipui oblationem dignatione mirabili suscepisti. ita inposita nouo huic altari munera. semper accepta ferre digneris; ut populus qui in hanc ecclesiae domum sanctam conuenit. per hęc libamina celesti sanctificatione saluatus. animarum quoque suarum salutem perpetuam consequantur. et ideo cum angelis et archangelis cum thronis et dominationibus cumque omni militia celestis exercitus. ymnum glorię tuę canimus sine fine dicentes.
Oratio in Natali Papae.Deus qui licet sis magnus in magnis, mirabilia tamen gloriosius operaris in minimis, concede mihi indigno famulo tuo sacris conuenienter seruire mysteriis, atque in omnibus tua misericordia protegat, quem conscientiæ reatus accusat, per dominum.
Alia.Deus qui populis tuis indulgentia consulis, et amore domineris, da spiritum sapientiæ, quibus dedisti regimen disciplinæ, ut de profectu sanctarum ouium fiant gaudia æterna pastorum, per.
Super oblata.Hostias tibi domine laudis exsoluo suppliciter implorans, ut quod immerito contulisti, intercedente beato petro apostolo tuo propitius exsequaris, per.
Praefatio.Vere dignum et iustum est aequum et salutare, ut quia in manu tua dies nostri uitaque consistit, sicut honorem nobis indignis largiris ministerii, sic quoque tribuas rationabilis obsequii propitius incrementum, et tua dona in nobis custodias, ut eius suffragiis apud te semper redda acceptus, cuius me uice hodie ecclesiæ tuæ præesse uoluisti, per christum dominum.
Ad complendum.Corporis sacri et prætiosi sanguinis repleti libamine quaesumus domine deus noster, uti gratiæ tuæ munus quod nobis immeritis contulisti, intercedente beato petro apostolo tuo, propitius muniendo custodias, per.
Oratio in Ordinatione Presbiteri.Deus qui digne tibi seruientium nos imitari desideras famulatum. da nobis caritatis tuę flamma ardere succensis. ut antestitum decus priorum qui tibi placuerunt. mereamur consortia obtinere. per.
Praefatio.Vere dignum aequum et salutare. qui dissimulatis peccatis humanę fragilitatis. nobis indignis sacerdotalem confers dignitatem. da nobis quaesumus ut ad sacrosancta mysteria immolando sacrificia. cum beneplacitis mentibus facias introire. quia tu solus sine operibus aptis iustificas peccatores. tu gratiam prestas benignus ingratis. tu ea quę retro sunt obliuisci concedis. et ad priora promissa mysteria. clementissima gubernatione perducis. et ideo cum angelis. Hanc igitur oblationem seruitutis nostrae quam tibi offerimus in die hodiernę solemnitatis. quo nobis indignis sacerdotalem infulam tribuisti. quaesumus domine ut placatus accipias. et tua pietate conserua. quod es operatus in nobis. diesque nostros in tua pace.
Ad complendum.Corporis sacri et pretiosi sanguinis repleti libamine quaesumus domine deus noster. ut gratię tuę munus quod nobis inmeritis contulisti. intercedente beato illo propitius muniendo custodias. per dominum.
Praefatio.Vere dignum aequum et salutare. qui foedera nuptiarum blando concordię iugo. et insolubili pacis uinculo nexuisti. ut multiplicandis adoptionum filiis. sanctorum conubiorum fecunditas pudica seruaretur. tua enim domine prouidentia. tua gratia ineffabilibus modis utrumque dispensat. ut quod generatio ad mundi edit ornatum. regeneratio ad ecclesię perducat augmentum. et ideo cum angelis. Hanc igitur oblationem famulorum tuorum quam tibi offerunt pro famula tua illa. quam perducere dignatus es ad statum mensurę. et ad diem nuptiarum. pro qua maiestati tuę fundimus supplices pręces. ut eam propitius cum uiro suo [fol. 118v copulare digneris. Quaesumus domine ut. Ante quam dicatur pax domini dicit orationem. Propitiare domine supplicationibus nostris. et institutis tuis quibus propagationem humani generis ordinasti. benignus adsiste. ut quod te auctore iungitur. te auxiliante seruetur. per.
Benedictio.Deus qui potestate uirtutis tuę de nihilo cuncta fecisti. qui dispositis uniuersitatis exordiis homini ad imaginem dei facto. ideo inseparabile mulieris adiutorium condidisti. ut femineo corpori de uirili dares carne principium. docens quod ex uno placuisset institui. numquam liceret disiungi. deus qui tam excellenti mysterio coniugalem copulam consecrasti. ut christi et ecclesię sacramentum pręsignares in foedere nuptiarum. deus per quem mulier iungitur uiro. et societas principaliter ordinata ea benedictione donatur. que sola nec per origenalis peccati poenam nec per diluuii est ablata sententiam. Respice propitius super hanc famulam tuam. que maritali iungenda est consortio. tua se expetit protectione muniri. Sit in ea iugum dilectionis et pacis. fidelis et casta nubat in christo. Imitatrixque sanctarum permaneat feminarum, Sit amabilis ut rachel uiro. sapiens ut rebecca. longeua et fidelis ut sarra. Nihil in ea ex actibus suis ille auctor preuaricationis usurpet. nexa fidei mandatisque permaneat. uni toro iuncta. contactus inlicitos fugiat, Muniat infirmitatem suam robore discipline, Sit uerecunda grauis. pudore uenerabilis. doctrinis célestibus erudita. sit fecunda in sobole. sit probata et innocens. et ad beatorum requiem atque ad célestia regna perueniat. et uideat filios filiorum suorum usque in tertiam et quartam progeniem. et ad adoptatam perueniat senectutem. per dominum nostrum.
Ad complendum.Quaesumus omnipotens deus instituta prouidentię tuae pio amore comitare. ut quos legitima societate conectis. longeua pace custodias. per.
Alia.Succurre quaesumus domine populo supplicanti. et opem tuam tribue benignus infirmis. ut sincera tibi mente deuoti. et præsentisuitę remediis gaudeant et futurę. per.
Alia.Deus qui iuste irasceris et clementer ignoscis. afflicti populi lacrimas respice. et iram tuę indignationis quam iuste meremur propitiatus auerte. per.
Alia.Conserua quaesumus domine populum tuum. et ab omnibus quas meremur aduersitatibus redde securum. ut tranquillitate percepta. deuota tibi mente deseruiat. per. Alia. Adflictionem familię tuę quaesumus domine intende placatus. ut indulta uenia peccatorum. de tuis semper beneficiis gloriemur. per. Alia. Ab omnibus nos quaesumus domine peccatis propitiatus absolue. ut percepta uenia peccatorum liberis tibi mentibus seruiamus. per. Alia. Precibus nostris quaesumus domine aurem tuę pietatis accomoda. et orationes supplicum occultorum cognitor benignus exaudi. ut te largiente ad uitam perueniant sempiternam. per dominum. Alia. Presta populo tuo domine quaesumus consolationis auxilium. et diuturnis calamitatibus laborantem. propitius respirare concede. per dominum. Alia. Quaesumus omnipotens deus. ut qui nostris fatigamur offensis. et merito nostre iniquitatis affligimur. pietatis tuę gratiam consequi mereamur. per dominum. Alia. Deus qui nos conspicis in tot perturbationibus non posse subsistere. afflictorum gemitum propitius respice. et mala omnia quę meremur auerte. per. Alia. Deus cui proprium est misereri semper et parcere. suscipe deprecationem nostram. et quos delictorum catena constringit. miseratio tuę pietatis absoluut. per.
Alia. Da nobis quaesumus domine de tribulatione lętitiam. ut qui diu pro nostris peccatis affligimur. intercedente beato illo martyre tuo. in tua misericordia respiremus. per. Alia. Exaudi domine populum tuum tota tibi mente subiectum. ut corpore et mente protectus. quod pie credit. tua gratia consequatur. per dominum. Alia. Subiectum tibi populum quaesumus domine propitiatio celestis amplificet. et tuis semper faciat seruire mandatis. per. Alia. Purifica quaesumus domine tuorum corda fidelium. ut a terrena cupiditate mundati. et presentis uite periculis exuantur. et perpetuis donis firmentur. per. Alia. Clamantium ad te quaesumus domine preces dignanter exaudi. ut sicut nineuitis in afflictione positis pepercisti. ita et nobis in presenti tribulatione succurre. per dominum. Alia. Miserere iam quaesumus domine populo tuo. et continuis tribulationibus laborantem. celeri propitiatione letifica. per. Alia. Auxiliare domine querentibus misericordiam tuam. et da ueniam confitentibus. parce supplicibus. ut qui nostris 'meritis flagellamur.' tua miseratione saluemur. per. Alia. Presta quaesumus omnipotens deus. ut qui iram tue indignationis agnouimus. misericordie tue indulgentiam consequamur. per.
Alia. Tribulationem nostram quaesumus domine propitius respice. et iram tue indignationis quam iuste meremur. propitiatus auerte. per dominum. Alia. Deus qui peccantium animas non uis perire sed culpas. contine quam meremur iram. et quam precamur super nos effunde clementiam. ut de merore gaudium tue misericordie consequi mereamur. per. Alia. Quaesumus omnipotens deus afflicti populi lacrimas respice. et iram tue indignationis auerte. ut qui reatum nostre infirmitatis agnoscimus. tua consolatione liberemur. per. Alia. Deus qui culpa offenderis. penitentia placaris. preces populi supplicantis propitius respice. et flagella tue iracundie. que pro peccatis nostris meremur auerte. per dominum. Alia. Parce domine parce populo tuo. ut dignis flagellationibus castigatus. in tua miseratione respiret. per dominum. Alia. Intende quaesumus domine præces nostras. et qui non operando iustitiam correptionem 'mere'mur afflicti. in tribulatione clamantes. respiremus auditi. per. Alia. Præsta quaesumus omnipotens deus. ut qui offensa nostra per flagella cognoscimus. tuæ consolationis gratiam sentiamus. per dominum. Alia.
Ne despicias omnipotens deus populum tuum in afflictione clamantem. sed propter gloriam nominis tui. tribulantibus succurre placatus. per dominum. Alia. Exaudi domine gemitum populi tui. ne plus apud te ualeat offensio delinquentium. 'quam' misericordia tua indulta fletibus supplicantium. per. Alia. Omnipotens deus misericordiam tuam in nobis placatus inpende. ut qui te contemnendo culpam incurrimus. confitendo ueniam consequamur. per dominum. Alia. Deus refugium pauperum. spes humilium. salusque miserorum. supplicationes populi tui clementer exaudi. ut quos iustitia uerberum fecit afflictos. abundantia remediorum faciat consolatos. per. Alia. Moueat pietatem tuam quaesumus domine subiecte tibi plebis affectus. et misericordiam tuam supplicatio fidelis obtineat. ut quod meritis non præsumit. indulgentiæ tuæ largitate percipiat. per. Alia. Deprecationem nostram quaesumus omnipotens deus benignus exaudi. et quibus supplicandi præstas affectum. tribue defensionis auxilium. per dominum. Alia. Auerte quaesumus domine iram tuam propitiatus a nobis. et facinora nostra quibus indignationem tuam prouocamus expelle. per. Alia. Memor esto quaesumus domine fragilitatis humanę . et qui iuste uerberas peccatores . parce propitiatus afflictis . per dominum.
Deus qui conspicis omni nos uirtute destitui . interius exteriusque custodi . ut et ab omnibus aduersitatibus muniamur in corpore . et a prauis cogitationibus mundemur in mente . per. Alia. Gratię tuę quaesumus domine supplicibus tuis tribue largitatem ut mandata tua te operante sectantes . consolationem præsentis uitę percipiant et futurę . per. Alia. Adesto supplicationibus nostris omnipotens deus . et quibus fiduciam sperandę pietatis indulges . intercedente beato illo consuetę misericordię tribue benignus effectum . per. Alia. Subueniat nobis quaesumus domine misericordia tua . ut ab iminentibus peccatorum nostrorum periculis . te mereamur protegente saluari . per dominum nostrum. Alia. Vox clamantis ecclesię ad aures domine quaesumus tuae pietatis ascendat . ut percepta uenia peccatorum . te fiat operante deuota . te 'protege'nte secura . per. Alia. Propitiare domine supplicationibus nostris . et animarum nostrarum medere langoribus . ut remissione percepta . in tua semper benedictione laetemur . per.
Alia. Propitiare domine iniquitatibus nostris . et exorabilis tuis esto supplicibus . ut concessa uenia quam præcamur . perpetuo misericordię tuę munere gloriemur . per. Alia. Deus innocentię restitutor et amator. dirige ad te tuorum corda seruorum. ut spiritus tui feruore concepto. et in fide inueniantur stabiles. et in opere efficaces. per. Alia. Ecclesię tuę domine uoces placatus admitte. ut destructis aduersitatibus uniuersis. secura tibi seruiat libertate. per. Alia. Nostris domine quaesumus propitiare temporibus. ut tuo munere dirigatur et romana securitas et deuotio christiana. per. Alia. Largire quaesumus domine fidelibus tuis indulgentiam placatus et pacem. ut pariter ab omnibus mundentur offensis et secura tibi mente deseruiant. per dominum. Alia. Prętende domine fidelibus tuis dexteram cęlestis auxilii. ut te toto corde perquirant. et quę digne postulant consequi mereantur. per dominum. Alia. Gaudeat domine quaesumus plebs tua beneficiis impetratis. et cui fiduciam sperandę pietatis indulges. obtate misericordię pręsta benignus effectum. per. Alia.
Da nobis domine quaesumus perseuerantem in tua uoluntate famulatum. ut in diebus nostris. et merito et numero populus tibi seruiens augeatur. per dominum. Alia. Fideles tuos domine quaesumus corpore pariter et mente purifica. ut tua inspiratione conpuncti. noxias delectationes uitare præualeant. per dominum. Alia. Dies nostros quaesumus domine placatus intende. pariterque nos et a peccatis absolue propitius. et a cunctis eripe benignus aduersis. per. Alia. Familię tuę domine quaesumus esto protector. et misericordiam tuam concede poscenti. que tibi semper fiat oboediens. et tua dona percipiat. per dominum. Alia. Da quaesumus domine populo tuo salutem mentis et corporis. ut bonis operibus inherendo. tua semper mereatur uirtute defendi. per. Alia. Excita domine quaesumus tuorum fidelium uoluntates. ut diuini operis fructum propensius exsequentes. pietatis tuę remedia maiora percipiant. per dominum. Alia. Proficiat domine quaesumus plebs tibi dicata pię deuotionis affectu. ut sacris actionibus erudita. quanto maiestati tuę fit gratior. tanto donis potioribus augeatur. per.
Alia. Protegat domine quaesumus tua dextera populum supplicantem. ut præsentem uitam sub tua gubernatione transcurrens. mereatur inuenire perpetuam. per. Alia. Respice domine propitius plebem tuam. et toto tibi corde subiectam. presidiis inuictę pietatis attolle. per. Alia. Adesto domine supplicibus tuis. et spem suam in tua misericordia collocantes tuere propitius. ut a peccatorum labe mundati. in sancta conuersatione permaneant. per. Alia. Libera domine quaesumus a peccatis et hostibus tibi populum supplicantem. ut in sancta conuersatione uiuentes. nullis afficiantur aduersis. per dominum. Alia. Excita domine tuorum corda fidelium. ut sacris intenta doctrinis. et intellegant quod sequantur. et sequendo fideliter adprehendant. per dominum. Alia. Da salutem domine quaesumus populo tuo mentis et corporis. et perpetuis consolationibus tuorum repl'e corda fidelium. ut tua protectione releuati. et pia tibi deuotione conplaceant. et tua semper beneficia consequantur. per dominum. Alia. Quaesumus omnipotens deus ne nos tua misericordia derelinquat. que et errores nostros semper amoueat. et noxia cuncta depellat. per.
Alia. Omnipotens sempiterne deus uniuersa nobis aduersa propitiatus exclude. ut mente et corpore pariter expediti. que tua sunt liberis mentibus exsequamur. per. Alia. Tuere domine populum tuum. et salutaribus præsidiis semper adiutum. beneficiis attolle continuis. et mentis et corporis. per. Alia. Purifica quaesumus domine tuorum corda fidelium. ut a terrena cupiditate mundati. et præsentis uitæ periculis exuantur. et perpetua donatione firmentur. per. Alia. Protector in te sperantium deus salua populum tuum. ut a peccatis liber. et ab hoste securus. in tua semper gratia perseueret. per dominum. Alia. Conserua quaesumus domine populum tuum. et quem salutaribus præsidiis non desinis adiuuare. perpetuis tribue gaudere beneficiis et mentis et corporis. per. Alia. Adsit domine quaesumus propitiatio tua populo supplicanti. ut quod te inspirante fideliter expetit. tua celeri largitate percipiat. per. Alia. Adesto domine populis tuis in tua protectione fidentibus. et tuæ se dexteræ suppliciter inclinantes. perpetua defensione conserua. per dominum. Alia. Respice propitius domine ad debitam tibi populi seruitutem, ut inter humanę fragilitatis incerta, nullis aduersitatibus opprimatur, qui de tua protectione confidit, per.
Alia. Presta quaesumus omnipotens deus, ut semper rationabilia meditantes, quae tibi sunt placita, et dictis exsequamur et factis, per. Alia. Auxiliare domine populo tuo, ut sacrę deuotionis proficiens incrementis, et tuo semper munere gubernetur, et ad redemptionis aeternę pertineat te ducente consortium, per dominum. Alia. Benedictionem tuam domine populus fidelis accipiat, qua corpore saluatus ac mentef, et gratam tibi semper exhibeat seruitutem, et propitiationis tuae beneficia semper inueniat, per dominum. Alia. Gaudeat domine quaesumus populus, tua semper benedictione confisus, ut et temporalibus beneficiis adiuuetur, et erudiatur aeternis, per dominum. Alia. Familiam tuam domine dextera tua perpetuo circumdet auxilio, ut ab omni prauitate defensa, donis cęlestibus prosequatur, per dominum. Alia. Conserua quaesumus domine familiam tuam et benedictionum tuarum propitius ubertate purifica, ut eruditionibus tuis semper multiplicetur et donis, per dominum. Alia. Pręsta quaesumus omnipotens deus, ut inter in humeros uitę pręsentis errores, tuo semper moderamine dirigamur, per. Alia. Porrige dexteram tuam quaesumus domine plebi tuam misericordiam postulanti, per quam et errores declinet humanos, et solati a uitę mortalis accipiat, et sempiterna gaudia comprehendat, per dominum.
Alia. Concede quaesumus omnipotens deus, ut uiam tuam deuota mente currentes, subripientium delictorum laqueos euadamus, per. Alia. Conserua domine quaesumus tuorum corda fidelium, et gratiæ tuæ uirtute corrobora, ut et in tua sint supplicatione deuoti, et mutua dilectione sinceri, per dominum. Alia. Da populo tuo quaesumus domine spiritum ueritatis et pacis, ut et te tota mente cognoscat, et quæ tibi sunt placita toto corde sectetur, per dominum. Alia. Omnipotens sempiterne deus qui cœlestia simul et terrena moderaris, supplicationes populi tui clementer exaudi, et pacem tuam nostris concede temporibus, per dominum. Alia. Adesto quaesumus domine supplicationibus nostris, et in tua misericordia confidentes, ab omni nos aduersitate custodi, per. Alia. Da quaesumus omnipotens deus ut qui infirmitatis nostrae conscii de tua uirtute confidimus, sub tua semper pietate gaudeamus, per. Alia. Familiam tuam quaesumus domine cœlesti protectione circumda, ut te parcente sit libera, te custodiente a malis omnibus sit secura, per dominum. Alia.
Præces populi tui quaesumus domine clementer exaudi, ut qui in sola spe gratiæ cœlestis innititur, cœlesti etiam protectione muniatur, per. Alia. Adesto domine fidelibus tuis, et quibus supplicandi tribuis miseratus affectum, concede benignissime consolationis auxilium, per. Alia. Fac nos quaesumus domine deus noster in tua deuotione gaudere, quia perpetua est et plena felicitas, si bonorum omnium seruiamus auctori, per dominum nostrum. K 2 Alia. Da nobis domine quaesumus ut et mundi cursus pacifico nobis tuo ordine dirigatur. et ecclesia tua tranquilla deuotione laetetur. per. Alia. Exaudi nos deus salutaris noster. et dies nostros in tua pace dispone. ut a cunctis perturbationibus liberati. tranquilla tibi seruitute famuletur. per dominum. Alia. Guberna domine quaesumus plebem tuam. et tuis beneficiis semper adcumula. ut et præsentis uitę subsidiis gaudeat et aeternę. per. Alia. Percipiat domine quaesumus populus tuus misericordiam quam deposcit. et quam præcatur humiliter indulgentiam consequatur et pacem. per dominum. Alia. Concede quaesumus domine populo tuo ueniam peccatorum. et quod meritis non præsumit. indulgentię tuę celeri largitate percipiat. per.
Inlumina domine quaesumus in te corda credentium. ut tuo semper munimine. et tuo auxilio protegamur. per dominum. Alia. Inlumina quaesumus domine tenebras nostras. et totius noctis insidias tu repelle propitius. per. Alia. Tua nos domine ueritas semper inluminet. et ab omni prauitate defendat. per dominum. Alia. Salua nos omnipotens deus. et lucem nobis concede perpetuam per. Alia. Deus qui diem discernis a nocte . actus nostros a tenebrarum distingue caligine . ut semper que sancta sunt meditantes . iugiter in tua luce uiuamus . per dominum. Alia. Quaesumus domine deus noster diei molestias noctis quiete sustenta . ut necessaria temporum uicis si tudine succedente . nostra reficiatur infirmitas . per dominum. Alia. Adesto domine præcibus nostris . et die noctuque nos protege . ut quibuslibet alternationibus temporum . tua semper incommutabilitate firmemur . per dominum. Alia. Exaudi nos misericors deus . et mentibus nostris / gratiæ tuæ lumen ostende . per dominum.
Incipiunt Orationes Uespertinales Seu Matutinales.Vox nostra te domine semper deprecetur . et ad aures tuæ pietatis ascendat . per. Alia. Presta quaesumus omnipotens deus . ut liberis tibi mentibus seruiamus . per dominum. Alia. Vt tuam domine misericordiam consequamur . fac nos tibi toto corde esse deuotos . per. Alia. Suscipe domine præces nostras . et clamantium ad te pia corde propitius intende . per. Alia. Cunctas domine semper a nobis iniquitates repelle . ut ad uiam salutis aeternæ secura mente curramus . per. Alia. Redemptor noster aspice deus . et tibi nos iugiter seruire concede . per. Alia. Deus cæli terræque dominator . auxilium nobis tuæ defensionis benignus inpende . per. Alia. Presta quaesumus misericors deus. ut tibi placita mente seruiamus. per dominum. Alia. Purificet nos indulgentia tua deus. et ab omni semper iniquitate custodiat. per. Alia. Adesto nobis misericors deus. et tua circa nos propitiatus dona custodi. per dominum. Alia. A cunctis iniquitatibus nostris exue nos domine. et in tua fac pace gaudere. per.
Alia. Vincula domine quaesumus humanę prauitatis abrumpe. ut ad confitendum nomen tuum. libera mente curramus. per dominum. Alia. Tua nos domine quaesumus gratia benedicat. et ad uitam perducat aeternam. per. Alia. Vide domine infirmitates nostras. et celeri nobis pietate succurre. per dominum. Alia. Fac nos domine quaesumus mala nostra toto corde respuere. ut bona tua capere ualeamus. per. Alia. Esto nobis propitius deus. ut tua nos misericordia subsequatur. per. Alia. Preueniat nos quaesumus domine misericordia tua. et uoces nostras clementię tuę propitiationis anticipet. per dominum. Alia. Celeri nobis quaesumus domine pietate succurre. ut deuotio supplicantium ad gratiarum transeat actionem. per. Alia. Delicta nostra domine quibus aduersa dominantur absterge et tua nos ubique miseratione custodi. per. Alia. Absolue domine quaesumus nostrorum uincula peccatorum. et quicquid pro eis meremur 'auer'te. per dominum. Alia. Ascendant ad te domine preces nostrae. et ab ecclesia tua cunctam repelle nequitiam. per. Alia. Clamantes ad te deus dignanter exaudi. ut nos de profundo iniquitatis eripias et ad gaudia eterna perducas. per.
Alia. Concede nobis domine quaesumus ueniam delictorum. et eos qui nos inpugnare moliuntur expugna. per dominum. Alia. Tua nos 'domine quaesumus' gratia semper et preueniat et sequatur. ac bonis operibus iugiter prestet esse intentos. per. Alia. Respice nos misericors deus. et nomini tuo perfice ueraciter obsequentes. per. Alia. Tuere nos superne moderator. et fragilitatem nostram tuis defende presidiis. per. Alia. Vt a nostris excessibus domine temperemur. tua nos precepta concede iugiter operari. per dominum. Alia. Aufer a nobis quaesumus nostras domine prauitates. ut non indignationem tuam. sed indulgentiam sentiamus. per dominum. Alia. Vt cunctis nos domine foueas adiumentis. tuis apta propitius disciplinis. per. Alia. Oculi nostri ad te domine semper intendant. ut auxilium tuum et misericordiam sentiamus. per. Alia. Peccata nostra domine quaesumus memor humane conditionis absolue. et quicquid eorum retributione meremur auerte. per. Alia. Porrige nobis deus dexteram tuam, et auxilium nobis supernę uirtutis inpende, per. Alia. Exaudi nos domine deus noster, et ecclesiam tuam inter mundi turbines fluctuantem, clementi gubernatione moderare, per.
Alia. Intende domine quaesumus supplices tuos, et pariter nobis indulgentiam tribue benignus et gaudium, per dominum. Alia. Respice nos omnipotens et misericors deus, et ab omnibus tribulationibus propitiatus absolue, per dominum. Alia. Iniquitates nostras ne respicias deus, sed sola nobis misericordia tua prosit indignis, per dominum. Alia. Fac nos domine deus noster tuis oboedire mandatis, quia tunc nobis prospera cuncta proueniunt, si te totius uitę sequamur auctorem, per dominum.
Orationes Pro Infirmis, Paenitentibus, Clericis, Defunctis et Aliis Necessitatibus
Medellam tuam deprecor domine sancte pater omnipotens aeterne deus, qui subuenis in periculis, qui temperas flagella dum uerberas, te ergo domine supplices deprecamur, ut hunc famulum tuum eruas ab hac ualitudine, ut non preualeat inimicus usque ad animę temptationem, sicut in iob terminum ei pone, ne inimicus de anima ista sine redemptione baptismatis incipiat triumphare, differ domine exitum mortis, et spatium uitę extende, releua quem perducas ad gratiam baptismi tui, per dominum.
Oratio Aquae Ad Baptizandum Infirmum.Postquam eum catacizauerint benedicis aquam his uerbis. Exorcizo te creatura aquę in nomine domini nostri iesu christi filii dei et sancti spiritus, si quod fantasma, si qua uirtus inimici. si qua incursio diaboli. eradicare et effugare ab hac creatura aquæ. ut fiat fons saliens in uitam eternam. et cum baptizatus fuerit hic famulus domini. fiat templum dei uiui in remissionem omnium peccatorum. In nomine domini nostri iesu christi qui uenturus est iudicare uiuos et mortuos. et saeculum per ignem. Amen. Babitzas et linis eum de chrismate in cerebro et dicis illi taliter. Baptizo te in nomine patris et filii et spiritus sancti. Postea tangis cum de chrismate in capite et dicis orationem istam. Deus omnipotens pater domini nostri iesu christi. qui te regeneravit ex aqua et spiritu sancto. quique dedit tibi remissionem omnium peccatorum. ipse te linit crismate salutis in uitam aeternam. Communicas et confirmas eum.
Oratio Aquē Exorcizatē in Domo.Exorcizo te creatura aquæ in nomine dei patris omnipotentis. et in nomine iesu christi filii eius domini nostri. ut fias aqua exorcizata ad effugandam omnem potestatem inimici. et ipsum inimicum eradicare et explantare cum angelis suis apostaticis. per uirtutem domini nostri iesu christi qui uenturus est iudicare uiuos.
Alia oratio.Deus qui ad salutem humani generis maxima quæque sacramenta in aquarum substantia condidisti. adesto inuocationibus nostris. et elemento huic multimodis purificationibus preparato. uirtutem tuæ benedictionis effunde. ut creatura mysterii tui tibi seruiens. ad abiciendos dæmones. morbosque pellendos. diuine gratiæ sumat effectum. ut quicquid in domibus uel in locis fidelium hæc unda resperserit. careat inmunditia. liberetur a noxa. non illic resideat spiritus pestilens. non aura corrumpens. discedant omnes insidiæ latentis inimici. et si quid est quod aut incolomitati habitantium inuidet aut quieti. aspersione huius aquæ effugetur. ut salubritas per invocationem tui nominis expetita. ab omnibus sit inpugnationibus defensa. per dominum nostrum.
Oratio Ad Uisitandum Infirmum.Deus qui famulo tuo ezechiæ. ter quinosannos ad uitam donasti. Ita et famulum tuum illum a lecto egritudinis tua potentia erigat ad salutem. per.
Alia.Respice domine famulum tuum illum in infirmitate sui corporis laborantem. et animam refoue quam creasti. ut castigationibus emendata. continuo se sentiat tua medicina saluatam. per.
Oratio Super Paenitentem.Da nobis domine ut sicut publicani precibus et confessione placatus es. Ita et huic famulo tuo illi placare domine. et precibus eius benignus aspira. ut in confessione flebili permanenti. et petitione. perpetuam clementiam tuam celeriter exoret. sanctisque altaribus et sacramentis restitutus. rursus cœlesti gloriæ mancipetur. per.
Oratio Ad Agapem Pauperem.Da domine famulo tuo illi sperata suffragia obtinere. ut qui tuos pauperes uel tuas ecclesias memorauit. sanctorum omnium simul et beati martyris tui laurentii mereatur consortia. cuius nunc est exempla secutus. per dominum.
Oratio Ad Capillaturam.Omnipotens sempiterne deus. respice propitius super hunc famulum tuum illum. quem ad nouam tondendi gratiam uocare dignatus es, tribuens ei remissionem omnium peccatorum, atque ad celestium donorum peruenire consortium, per.
Oratio Ad Clericum Faciendum.Presta quaesumus omnipotens deus, ut huic famulo tuo illi qui ad deponendam comam capitis sui propter amorem christi filii tui festinat, des spiritum sanctum qui habitum relegionis in eo perpetuum custodiat, et a mundi impedimento, uel seculari desiderio cor eius defendat, ut sicut inmutatur in uultu. Ita manus dextere tuæ ei uirtutis tribuat incrementa, ut ab omni cecitate humana oculos eius aperiat, et lumen aeternitatis gratiae ei concedat, per eundem.
Oratio Ad Barbas Tondendas.Deus cuius spiritu creatura omnis incrementis adulta congaudet, exaudi preces nostras super hunc famulum tuum illum iuenilis aetatis decore lętantem, et primis auspiciis adton-dendum, exaudi domine ut in omnibus protectionis tuę munitus auxilio, cęlestem benedictionem accipiat, et pręsentis uitę pręsidiis gaudeat et aeternę, per.
Oratio Ad Diaconam Faciendam.Exaudi domine preces nostras, et super hanc famulam tuam illam spiritum tuę benedictionis emitte, ut cęlesti munere ditata, et tuę gratiam possit maiestatis adquirere, et bene uiuendi aliis exemplum prebere, per.
Oratio Ad Ancillas Dei Uelandas.Famulas tuas domine tuę custodia muniat pietatis, ut uirginitatis sanctę propositum, quod te inspirante susceperunt, te protegente inlęsum custodiant, per.
Oratio Ad Abbatem Faciendum Uel Abbatissam.Concede quaesumus omnipotens deus. et famulum tuum illum uel illam quem ad regimen animarum elegimus. gratię tuę dono prosequere. ut te largiente cum ipsa tibi nostra electione placeamus. per.
Oratio in Tempore Belli.Omnipotens et misericors deus. a bellorum nos quaesumus turbine fac quietos. quia bona nobis cuncta prestabis. si pacem dederis et mentis et corporis. per.
Alia.Omnipotens deus romani nominis inimicos. uirtute quaesumus tuę conprime maiestatis. ut populus tuus. et fidei integritate laetetur. et temporum tranquillitate semper exultet. per.
Alia.Omnipotens sempiterne deus qui saluas omnes et neminem uis perire. aperi fontem benignitatis tuę. et terram aridam aquis fluentī cęlestis dignanter infunde. per.
Oratio Quando Multum Pluit.Domine deus qui in mysterio aquarum salutis tuę nobis sacramenta sanxisti. exaudi orationem populi tui. et iube terrores inundantium cessare pluuiarum flagellumque huius elementi ad effectum tui conuerte mysterii . ut qui regenerantibus aquis se gaudent renatos . gaudeant his castigantibus esse correctos . per. Alia. Quaesumus omnipotens deus clementiam tuam . ut inundantiam coherceas imbrium . et hilaritatem tui uultus nobis inpertire digneris . per.
Oratio in Area.Multiplica domine in hac area frumenti tua dona repleta . et sicut fidelibus tuis tricesimum atque sexagesimum uel centesimum fructum donare consuisti . ita et famulo tuo illi præsentis temporis uberius tua dona largire . per dominum.
Oratio Pro Peste Animalium.Deus qui laboribus hominum etiam de mutis animalibus solatia subrogasti . supplices te rogamus ut sine quibus non habetur humana conditio . nostris facias usibus non perire . per.
Orationes Pro Peste Animalium.Deus qui non mortem sed penitentiam desideras peccatorum . populum tuum quaesumus ad te conuerte propitius . ut dum tibi deuotus extiterit . iracundiæ tuae ab eo flagella amoueas . per dominum. Alia. Populum tuum quaesumus omnipotens deus . ab ira tua ad te confugientem paterna recipe pietate . ut qui tuæ maiestatis flagella formidant . de tua mereantur uenia gratulari . per. Exaudi nos deus salutaris noster . et intercedente beato martyre tuo illo . populum tuum et ab iracundiæ tuæ terroribus libera . et misericordiæ tuæ fac largitate securum . per.
Oratio Super Episcopum Defunctum.Da nobis domine ut anima famuli et sacerdotis tui illi episcopi, quam de saeculo educens laborioso certamine. sanctorum tuorum coetui tribuas esse consortem, per.
Super oblata.Annue nobis domine ut animę famuli et sacerdotis tui illi episcopi hęc prosit oblatio, quam immolando totius mundi tribuisti relaxari delicta, per. Hanc igitur oblationem quam tibi offerimus pro commemoratione depositionis animę famuli et sacerdotis tui illius episcopi, quaesumus domine ut placatus accipias, et quem in corpore constitutum sedis apostolicę gubernaculo pręesse uoluisti, in electorum tuorum numero constitue sacerdotum, diesque nostros.
Ad complendum.His sacrificiis quaesumus omnipotens deus purgata anima et spiritus famuli tui illius episcopi, ad indulgentiam et refrigerium sempiternum peruenire mereatur, per.
Item Aliae Orationes in Agenda Mortuorum.Inclina domine aurem tuam ad preces nostras, quibus misericordiam tuam supplices deprecamur, ut animam famuli tui illi uel ille quam de hoc sęculo migrare iussisti, in pacis ac lucis regione constituas, et sanctorum tuorum iubeas esse consortem, per.
Alia.Absolue domine animam famuli tui illi ab omni uinculo delictorum. ut in resurrectionis gloria. inter sanctos tuos resuscitatus respiret. per dominum.
Oratio Ad Pontificem OrdinandumQuę addi debeat in consecratione cuius initium est. Deus honorum omnium ad locum. et idcirco huic famulo tuo quem apostolicę sedis præsulem et primatum omnium. qui in orbe terrarum sunt sacerdotum. ac uniuersalis ecclesię tuę doctorem dedisti. et ad summi sacerdotii ministerium elegisti. hanc quaesumus domine gratiam largiaris. tribuas ei cathedram pontificalem. ad regendam ecclesiam tuam et plebem uniuersam. per dominum.
Hucusque praecedens sacramentorum libellus a beato papa gregorio constat esse editus, exceptis his quae in eodem in natiuitate uel assumptione beatae mariae, praecipue uero in quadragesima uirgulis antepositis, lectoris inuenerit iugulata sollertia. Nam sicut quorundam relatu didicimus domnus apostolicus in eisdem diebus ab stationibus penitus uacat, eo quod ceteris septimanæ feriis stationibus uacando fatigatus, eisdem requiescat diebus. Ob id scilicet ut tumultuatione populari carens, et elemosynis pauperibus distribuere, et negotia exteriora liberius ualeat disponere. Missam uero praetitulatam in natale eiusdem beati gregorii, uirgulis antepositis iugulatam a predecessoribus eius causa amoris immo uenerationis suae eidem suo operi non dubium est esse interpositam. Praefatus sane sacramentorum libellus, licet a plerisque scriptorum uitio depraueante, qui non ut ab auctore suo est editus haberetur pro captu tamen ingenii ob multorum utilitatem studii nostri fuit artis stilo corrigere, Quem cum prudens lector studiose perlegerit: uerum nos dicere ilico comprobabit, nisi iterum scriptorum uitio depraueatur. Sed quia sunt et alia quaedam quibus necessario sancta utitur ecclesia, quae idem pater ab aliis iam edita esse inspiciens, praetermisit, Idcirco opere pretium duximus ea uelut flores pratorum uernantes carpere et in unum congerere, atque correcta et emendata, suisque capitulis praenotata, in huius corpore codicis seorsum ponere, ut in hoc opere cuncta inueniret lectoris industria, quaecumque nostris temporibus necessaria esse perspeximus, quamquam pluriora etiam in aliis sacramentorum libellis inuenissemus inserta.
Hanc uero discretionis gratia praefatiunculam in medio collocauimus, ut alterius finis, alterius quoque exordium esset libelli, Ita uidelicet ut hinc inde ordinabiliter eisdem positis libellis nouerit quisque quae a beato gregorio quaeue sint ab aliis edita patribus, et quoniam excludendos tantarum quaesitores diuersarumque institutionum sanctarum nequaquam dignum uel possibile esse censuimus, saltim eorum omnium condignis desideriis in euidenti huius operis copia satisfaceremus, si cui autem placent ea quae sine fastu arrogantiæ summo studio pioque collegimus amore suscipere, precamur ut non ingratus nostro existat labori, sed potius una nobiscum gratias agat omnium bonorum largitori. Si uero superflua uel non necessaria sibi illa iudicauerit, utatur tantum praefati patris opusculo, quod minime respuere sine sui discrimine potest. et ea quaerentibus his quae pio animi affectu uti uolentibus utenda admittat., Non igitur ingratis. et fastidiosis. sed potius studiosis ac deuotis illa collegimus. in quibus cui animo sedent. potest repperire. Unde et debita uota sua et offitium diuini cultus digne ac placabiliter domino ualeat exhibere. Nouerit itaque nos perspicatitas lectoris. non alia huic inseruisse operi. nisi ea quae a probatissimis. et eruditissimis magna diligentia exarata sunt uiris. Ex multis ergo multa collegimus. ut multorum utilitati prospiceremus. Prefationes uero quas in fine posuimus codicis. flagitamus ut ab his quibus placent cum caritate suscipiantur et canantur., Ab his uero qui eas intelligunt. nec tamen delectantur. necnon et ab his qui eas / uolunt nec tamen intelligunt poscimus ut nec assumantur nec canantur. Addidimus etiam et benedictiones ab episcopo super populum dicendas.
necnon et illud quod in praefato codice beati gregorii ad gradus inferiores in ecclesia constituendos non habetur. Obsecramus itaque uos quicumque hunc codicem ad legendum siue transcribendum sumpseritis. ut pro me ad dominum preces fundatis. qui ob utilitatem plurimorum. ea colligere atque corrigere studuimus. Praecamurque ut eum ita diligenter transcribatis: quatenus eius textus. et eruditorum aures demulceat. et simpliciores quosque errare non sinat., Nihil enim ut ait beatus hieronimus proderit emendasse librum. nisi emendatio librariorum diligentia conseruetur.
i. Benedictio cerei. ii. Item benedictio cerei. iii. Orationes per singulas lectiones in sabbato sancto. iiii. Item orationes in uigilia pentecosten. v. Benedictio salis dandum caticumino, et inde secuntur orationes qualiter baptizentur hi qui baptizandi sunt. vi. Dominica prima post natale domini. vii. Dominica .iiᵃ. post natale domini. viii. Dominica prima post theophania. viii. Dominica .ii. post theophania. x. Dominica .iii. post theophania. xi. Dominica .iiii. post theophania. xii. Dominica .v. post theophania. xiii. Dominica .vi. post theophania. xiiii. Dominica .i. post octabas paschae. xv. Dominica .ii. post octabas paschae. xvi. Dominica .iii. post octabas paschae. xvii. Dominica .iiii. post octabas pasche. xviii. Dominica .i. post ascensa domini. xviii. Dominica prima post pentecosten. xx. Dominica .ii. post pentecosten. xxi. Dominica .iii. post pentecosten. xxii. Dominica .iiii. post pentecosten. xxiii. Dominica .v. post pentecosten. xxiiii. Dominica .vi. post pentecosten. xxv. Dominica .vii. post pentecosten. xxvi. Dominica .viii. post pentecosten. xxvii. Dominica .viii. post pentecosten.
xxviii. Dominica .x. post pentecosten. xxviii. Dominica .xi. post pentecosten. xxx. Dominica .xii. post pentecosten. xxxi. Dominica .xiii. post pentecosten. xxxii. Dominica .xiiii. post pentecosten. xxxiii. Dominica .xv. post pentecosten. xxxiiii. Dominica .xvi. post pentecosten. xxxv. Dominica .xvii. post pentecosten. xxxvi. Dominica .xviii. post pentecosten. xxxvii. Dominica .xviii. post pentecosten. xxxviii. Dominica .xx. post pentecosten. xxxviii. Dominica .xxi. post pentecosten. xl. Dominica .xxii. post pentecosten. xli. Dominica .xxiii. post pentecosten. xlii. Dominica .xxiiii. post pentecosten. xliii. 'Item aliae missę in cotidianis diebus.' xliiii. 'Alia.' xlv. 'Alia.' xlvi. 'Alia.' xlvii. 'Alia.' xlviii. Missa in natale unius apostoli. xlviiii. In natale plurimorum apostolorum. l. In natale unius martyris. li. In natale plurimorum martyrum. lii. In natale unius confessoris. liii. In natale plurimorum confessorum. liiii. In natale uirginis. lv. Missa ad poscenda suffragia sanctorum. lvi. Orationes ad clericum faciendum. lvii. Benedictio uestium uirginis uel uiduę et consecratio uirginis. lviii. Benedictio altaris. lviiii. Consecratio altaris.
lx. Ad consecrandam patenam. lxi. Ad calicem benedicendum. lxii. Orationes in dedicatione fontis. lxiii. Missa in anniuersario 'dedicationis' basilicae. lxiiii. Missa pro regibus. lxv. Missa cotidiana pro rege. lxvi. Orationes ad missa tempore synodi pro rege dicendas. lxvi. Missa specialis sacerdotis cum praefatione. lxvii. Item alia cum praefatione. lxviii. Missa pro amico uel pro quo uolueris. lxviiii. Alia. lxx. Alia. lxxi. Missa pro salute uiuorum. lxxii. Item alia pro familiaribus. lxxiii. Missa pro abbate uel congregatione. lxxiiii. Orationes in monasterio monachorum. lxxv. Orationes pro fratribus in uia dirigendis. lxxvi. Oratio pro redeuntibus de itinere. lxxvii. Oratio in aduentu fratrum superuenientium. lxxviii. Missa pro iter agentibus. lxxviiii. Missa pro nauigantibus. lxxx. Missa pro peccatis. lxxxi. Orationes in tempore belli. lxxxii. Missa in tempore belli. lxxxiii. Alia. lxxxiiii. Alia. lxxxv. Missa pro pace. lxxxvi. Missa pro quacumque tribulatione. lxxxvii. Missa pro peste animalium. lxxxviii. Missa in contentione. lxxxviiii. Missa contra iudices mala agentes.
xc. Missa contra obloquentes. xci. Orationes ad pluuiam postulandam. xcii. Missa ad pluuiam postulandam. xciii. Orationes ad poscendam serenitatem. xciiii. Missa ad 'poscendam serenitatem.' xcv. 'Missa ad repellendam tempestatem.' xcvi. 'Orationes et praeces super penitentem confitentem peccata sua more solito. feria iiii. Infra quadragesimam.' xcvii. 'Orationes ad reconciliandum penitentem. feria .v. In cena domini.' xcviii. Orationes ad uisitandum infirmum. xcviiii. Missa pro infirmis. c. Orationes pro reddita sanitate. ci. Reconciliacio penitentis ad mortem. cii. Orationes in agenda mortuorum. ciii. Missa unius defuncti. ciiii. Missa pro defuncto nuper baptizato. cv. Orationes pro defunctis desiderantibus penitentiam et minime consequentibus. cvi. Missa in anniuersario unius defuncti. cvii. Missa plurimorum defunctorum. cviii. Alia. cxiiii. Alia. cx. Missa in cimiteriis. cxi. Missa pro salute uiuorum uel agenda mortuorum. cxii. Exorcismus salis. cxiii. Benedictio salis. 1 infra quadragesimam in quadragesima O. 2 consequentibus consequentis O. 3 plurimorum defunctorum defunctorum plurimorum O. 4 cimiteriis cimiteriis O. cxiiii. Exorcismus aque.
cxv. Benedictio aque. cxvi. Benedictio salis et aque pariter. cxvii. Orationes quando 'aqua spargitur' in domo. cxviii. Benedictio domus. cxviiii. Orationes contra fulgore. cxx. Orationes super uasa in loco antiquo reperta. cxxi. Benedictio putei. cxxii. Benedictio uue uel faue. cxxiii. Benedictio ad fruges nouas. cxxiiii. Benedictio ad omnia que uolueris. cxxv. Benedictio panis. cxxvi. Orationes ante cybum et post cybum. cxxvii. Oratio in sacrario. cxxviii. Oratio ubi uestimenta conseruantur. cxxviiii. Oratio in refectorio. cxxx. Oratio in dormitorio. cxxxi. Oratio in cellario. cxxxii. Oratio in scriptorio. cxxxiii. Oratio in ospitali. cxxxiiii. Oratio in domo infirmorum. cxxxv. Oratio in area. cxxxvi. Oratio in granario. cxxxvii. Oratio in pistrino. cxxxviii. Oratio in quoquina. cxxxviiii. Oratio in lardario. cxl. Oratio in caminata. cxli. Orationes matutinales et uespertinales. cxlii. Inpositio manuum super energuminum caticuminum. cxliii. Item alie pro paruulo inergumino. cxliiii. Item alie orationes super energumino baptizato. I.
Benedictio Caerei.Exultet iam angelica turba cælorum, exultent diuina mysteria, et pro tanti regis uictoria, tuba intonet salutaris. Gaudeat se tellus inradiata fulgoribus, et aeterni regis splendore lustrata, totius orbis se sentiat amisisse caliginem: lętetur et mater ecclesia, tanti luminis adornata fulgoribus, et magnis populorum uocibus hęc aula resultet. Quapropter adstantibus uobis fratres karissimy, ad tam miram sancti huius luminis claritatem, una mecum quaeso dei omnipotentis misericordiam inuocate, ut qui me non meis meritis intra leuitarum numerum dignatus est adgregare, luminis sui gratia infundente cerei huius laudem implere perficiat, per dominum. Sursum corda. Habemus ad dominum. Gratias agamus domino deo nostro. Dignum et iustum est. Vere quia dignum et iustum est, inuisibilem deum omnipotentem patrem filiumque unigenitum dominum nostrum iesum christum supplices deprecamur, ut cum diaboli furentis insidiis fortis nobis pugnator adsistat et si quid eius uirus ad <fors. leg. uirosae> calliditatis cotidianis insectationibus maculatum in nobis corruptumque perfecerit, efficiatur caelesti miseratione purgatum, quod fuerat diabolica fraude pollutum, quia sicut illius est solidum perfectumque quassare, ita auctoris nostri est lapsa restituere, nutantia stabilire, per.
Alia.Deus cuius bonitas ut non habuit principium ita terminum non habet, qui dum pietate completus eligis in nobis magis restituere perdita quam percutere peritura, et si quid aut neglegentia polluit, aut ira comminuit, aut stimulat ebrietas, aut libido subuertit sustines, ut ante per gratiam purifices quam percutias per furorem. Et operis tui prouidus plastis eligis potius erigere iacentia quam punire damnata, te supplices deprecamur, ut huius tabernaculi receptaculum placatus accipias et altare tuum quod insectandis <leg. insectantis> est inimici fraude pollutum, per infusionem gatiae caelestis purifices, purificatumque possideas. Absint in posterum omnes nequitiae spiritales et eliminentur. Extinguatur antiqui serpentis inuidia, et cum fratribus suis diaboli turma pellatur. Efferat secum maculam quam ingessit, et perennibus quandoque suppliciis deputatus, operum suorum semina secum colligat peritura. Nihil in postmodum noceat praeteriti culpa contagii. Nihil sit quod maneat inimici fraude pollutum, quandoquidem per spiritus tui est infusionem purgatum. Resurgat ecclesiæ tuae pura simplicitas et candor innocentiae actenus maculatus dum recipit gratiam reuertatur ad gloriam. Ut populorum ista turba conueniens, dum petitionis ingerit uota, uotorum se sentiat obtinuisse suffragia, per.
toto cordis ac mentis affectu. et uocis ministerio personare; qui pro nobis aeterno patri ade debitum soluit. et ueteris piaculi cautionem pio cruore detersit; Haec sunt enim festa paschalia. in quibus uerus ille agnus occiditur. eiusque sanguis postibus consecratur; In quo primum patres nostros filios israel eductos de egypto. rubrum mare sicco uestigio transire fecisti; Haec igitur nox est. que peccatorum tenebras. columnae inluminatione purgauit; hec nox est./que hodie per uniuersum mundum in christum credentes. a uitis saeculi segregatos et caligine peccatorum. reddit gratiæ. sociat sanctitati; hec nox est. in qua distructis uinculis mortis. christus ab inferis uictor ascendit; Nihil enim nobis nasci profuit. nisi redimi profuisset; O mira circa nos tuæ pietatis dignatio; O inestimabilis dilectio caritatis. ut seruum redimeres: filium tradidisti; O certe necessarium ade peccatum nostrum. quod christi morte deletum est; O felix culpa. que talem ac tantum meruit habere redemptorem; O beata nox. que sola meruit scire tempus et horam. in qua christus ab inferis resurrexit; Hec nox est. de qua scriptum est. et nox ut dies inluminabitur. et nox inluminatio mea in deliciis meis; Huius igitur sanctificatio noctis. fugat scelera. culpas lauat. et reddit innocentiam lapsis. mestis lętitiam; fugat odia. concordiam parat. et curuat imperia; In huius igitur noctis gratia. suscipe sancte pater incensi huius sacrificium uespertinum. quod tibi in hac cerei oblatione solemni. per ministrorum manus de operibus apium. sacrosanctæta reddit ecclesia; Sed iam columnæ huius præconia nouimus. quam in honorem dei rutilans ignis accendit; qui licet diuisus in partes. mutuati luminis detrimenta non nouit; Alitur liquentibus ceris. quas in substantiam prætiosæ huius lampadis.
apis mater eduxit; Apis ceteris quæ subiecta sunt homini. animantibus antecellit. cum sit minima corporis paruitate. ingentes animos. angusto uersat in pectore; uiribus inbecillis. sed fortis ingenio. hec explorata temporum uice. cum canitiem pruinosa hiberna posuerint. et glaciali senio uerni temporis moderata deterserint. statim prodeundi ad laborem cura succedit. disperseque per agros. libratis paululum pinnis. cruribus suspensis insidunt. parte ore legere flosculos. oneratis uictualibus suis ad castra remeant: Ibique alię inęstimabili arte. cellulas tenaci glutino instruunt, Alię liquantia mella stipant. alię uertunt flores in ceram. alię ore natos fingunt. alię collectis e foliis nectar includunt, O uere beata et mirabilis apis. cuius nec sexum masculi uiolant. fętus non quassant. nec filii destruunt castitatem; Sicut sancta concepit uirgo maria. uirgo peperit. et uirgo permansit; O uere beata nox: quę expoliauit egyptios. ditauit hebreos., Nox in qua terreᵗnis caelestia iunguntur., Oramus te domine: ut cereus iste in honorem nominis tui consecratus. ad noctis huius caliginem distruendam indeficiens perseueret. in odorem suauitatis acceptus. supernis luminaribus misceatur; Flammas eius. lucifer matutinus inueniat. Ille inquam lucifer. qui nescit occasum; Ille qui regressus ab inferis. humano generi serenus inluxit; præcamur ergo te domine. ut nos famulos tuos omnem clerum et deuotissimum populum. una cum patre nostro papa illo. quiete temporum concessa. in his paschalibus gaudiis conseruare digneris. per dominum.
Alia Benedictio CaereiDeus mundi conditor. auctor luminis. siderum fabricator. Deus qui iacentem mundum in tenebris. luce perspicua retexisti. Deus per quem ineffabili potentia. omnis claritas sumpsit exordium. te in tuis operibus inuocante(s). in hac sacratissima noctis uigilia. de donis tuis cereum tuę suppliciter offerimus maiestati. Non adipe carnis pollutum. nec profana unctione uitiatum; non sacrilego igne contactum. sed cera oleo atque papyro constructum. In tui nominis honore succensum. obsequio religiose deuotionis offerimus. Magnum igitur mysterium et noctis huius mirabile sacramentum. dignis necesse est laudibus cumulare. In quo dominicę resurrectionis miraculo. diem sibi introductum / tenebrę inueteratę senserunt. et mors quę olim fuerat aeterna nocte damnata. Inserto ueri fulgoris lumine captiuam se trahi dominicis triumphis obstipuit. At quod præuaricanti primoplasto. tenebrosa præsumptione fuerat [in seruitute] damnatum. huius noctis miraculum splendore libertatis inradiat. Ad huius ergo festiuitatis reuerentiam, feruore spiritus descendentis, quantum deuotio humana exigit, tibi deo fulgore flammarum placida luminaria exhibemus; ut dum hec fide integra persoluuntur, creature tuæ etiam preconia extollantur. Flamme lux quippe dicenda est, per quam potestas deitatis moysi apparere dignata est. Quæ de terra seruitutis populo exeunti, salutifero lumine ducatum exhibuit, quæ tribus pueris in camino sententia tyrannidi depositis, uitam blandimentis mollioribus reseruauit. Nam ut precedente huius luminis gratia, tenebrarum horrorexcluditur. Ita domine lucescente maiestati(s) tuæ imperio, peccatorum sarcinæ diluuntur. Cum igitur huius substantiæ miramur exordium, apum necesse est laudemus originem. Apes uero sunt frugales in sumptibus, in procreatione castissimæ. Aedificant cellulas cæreo liquore fundatas, quarum humanæ peritiæ ars magistra non coequat, legunt pedibus flores, et nullum damnum in floribus inuenitur;
partus non edunt, sed ore legentes concepti fœtus reddunt examina. Sicut exemplo mirabili christus ore paterno processit, fœcunda est sine partu uirginitas, quam utique dominus dignatus carnalem se matrem habere. uirginitatis amore constituit. Talia igitur domine digna sacris altaribus tuis munera offeruntur, quibus te laetari religio christiana non ambigit. Ueniat ergo omnipotens deus super hunc incensum larga tuæ benedictionis infusio, et hunc nocturnum splendorem inuisibilis regnator intende, ut non solum sacrificium quod hac nocte litatum est, archana luminis tui admixtione refulgeat. Sed quocumque loco ex huius aliquid sanctificationis fuerit mysterio deportatum, expulsa diabolicæ fraudis nequitia uirtutis tuæ maiestatis assistat, per dominum.
ORATIO POST BENEDICTIONEM CEREI DICENDA ANTEQUAM LEGATUR PRIMA LECTIO GENESIS In principio.Deus qui diuitias misericordiæ tuæ in hac præcipue nocte largiris, propitiare uniuerso ordini sacerdotalis officii, et omnes gradus famulatus nostri, perfecta delictorum remissione sanctifica, ut ministraturos regeneratris gratiae tuae, nulli esse obnoxios patiaris offense, per dominum.
Orationes Per Singulas Lectiones in Sabbato Sancto.
Prima lectio In principio. Deus qui mirabiliter creasti hominem et mirabilius redemisti, da nobis contra oblectamenta peccati, mentis ratione persistere, ut mereamur ad gaudia aeterna peruenire, per dominum.
Sequitur de noe .ii.Deus incommutabilis uirtus. lumen aeternum. respice propitius ad totius ecclesiae tuae mirabile sacramentum. et opus salutis humanæ. perpetuæ dispositionis effectu. tranquillus operare. totusque mundus experiatur. et uideat deiecta erigi. inueterata nouari et per ipsum redire omnia in integrum. a quo sumpsere principium. dominum nostrum.
De abraham .iii. Temptauit deus abraham.Deus fidelium pater summe. qui toto orbe terrarum promissionis tuæ filios diffusa adoptione multiplicas. et per paschale sacramentum. abraham puerum tuum uniuersarum sicut iurasti gentium efficis patrem. da populis tuis digne ad gratiam tuæ uocationis intrare. per dominum.
In exodo .iiii. Factum est in uigilia. cum cantico. Cantemus domino.Deus cuius antiqua miracula etiam nostris sæculis cʰoʰruscare sentimus. dum quod uni populo a persecutione aegyptia liberando dexteræ tuæ potentia contulisti. id in salutem gentium per aquam regenerationis operaris. præsta ut et in abrahæ filios. et in israheliticam dignitatem. totius mundi transeat plenitudo. per dominum.
In Esaia .v. Hec est hereditas seruorum.Omnipotens sempiternæ deus. multiplica in honorem nominis tui quod patrum fidei spopondisti. et promissionis filios sacra adoptione dilata. ut quod priores sancti non dubitauerunt futurum. ecclesia tua magna iam ex parte cognoscat impletum. per dominum nostrum iesum christum.
In hieremia .vi. Audi israel mandata uitae.Deus qui ecclesiam tuam semper gentium uocatione multiplicas. concede propitius. ut quos aqua baptismatis abluis. continua protectione tuearis. per. In ezechilel septima. Facta est super me manus domini. Deus qui nos ad celebrandum paschale sacramentum, utriusque testamenti paginis imbuisti, da nobis intellegere misericordias tuas, ut ex perceptione præsentium munerum, firma sit expectatio futurorum, per dominum. In isaia, viii. Adpraehenderunt septem mulieres. Cum cantico Uinea domini. Deus qui in omnibus ecclesiæ tuæ filiis sanctorum prophetarum uoce manifestasti, in omni loco dominationis tuæ, satorem te bonorum seminum et electorum palmitum esse cultorem, tribue quaesumus populis tuis, qui et uinearum apud te nomine censentur et segetum, ut spinarum et tribulorum squalore resecato, digni efficiantur fruge fecunda, per. In exodo, viii. Dixit quoque dominus. Omnipotens sempiterne deus, qui in omnium operum tuorum dispensatione mirabilis es, intellegant redempti tui non fuisse excellentius quod initio factus est mundus, quam quod in fine saeculorum pascha nostrum immolatus est christus, qui tecum.
De iona, x. Deus qui diuersitatem omnium gentium in confessione tui nominis adunasti, da nobis et uelle et posse quod precipis, ut populo ad aeternitatem uocato, una sit fides mentium et pietas actionum, per. In deuteronomio, xi. Scripsit moyses canticum. Cum cantico Adtende celum. Deus celsitudo humilium et fortitudo rectorum, qui per sanctum moysen puerum tuum, ita erudire populos tuos sacri carminis tui decantatione uoluisti, ut illa legis iteratio, fieret etiam nostra directio, excita in omnem iustificatarum gentium plenitudinem potentiam tuam, et da letitiam mitigando terrorem, ut omnium peccatis tua remissione deletis, quod denuntiatum est in ultionem, transeat in salutem, per dominum.
In danihel .xii. Nabucodonosor.Omnipotens sempiterne deus spes unica mundi. qui prophetarum tuorum preconio praesentium temporum declarasti mysteria. auge populi tui uota placatus. quia in nullo fidelium. nisi ex tua inspiratione proueniunt. quarumlibet incrementa uirtutum. per dominum.
Oratio post psalmum.xli.Omnipotens sempiterne deus respice propitius ad deuotionem populi renascentis. qui sicut ceruus aquarum expetit fontem; et concede propitius ut fidei ipsius sitis. 'baptisma'tis mysterio. animam corpusque sanctificet. per dominum.
Oratio Dicenda in Uigilia Pentecosten Ante Quam Legatur Prima Lectio.
Da nobis quaesumus domine per gratiam spiritus sancti. nouam tui paracliti spiritalis obseruantię disciplinam. ut mentes nostrae sacro purgatę ieiunio. cunctis reddantur eius muneribus aptiores. per dominum nostrum iesum christum filium tuum. qui tecum uiuit et regnat deus in unitate eiusdem spiritus sancti. per omnia saecula saeculorum. Amen.
Prima lectio genesis. In principio.Omnipotens sempiterne deus indeficiens lumen. qui spiritum tuum sanctum cum super aquas in mundi creationis exordio ferreretur. humanę declarasti salutis auctorem. pręsta quaesumus ut idem spiritus ueritatis ecclesię tuę dona multiplicet. per dominum nostrum ut supra.
In genesis .ii. Temptauit deus.Deus qui in abrahę famuli tui opere. humano generi oboedientię exempla praebuisti. concede nobis et nostrę uoluntatis prauitatem frangere. et tuorum preceptorum rectitudinem in omnibus adimplere. per dominum. In exodo .iii. Facta est in uigilia. Cum cantico. Cantemus domino. Deus qui primis temporibus impleta miracula . noui testamenti luce reserasti . quod mare rubrum forma sacri fontis existeret . et liberata plebs ab egyptia seruitute . christiani populi sacramenta præferret . da ut omnes gentes israhelis priuilegium merito fidei consecutæ . spiritus tui participatione regenerentur . per dominum ut supra. In Deuteronomio . iiii. Scripsit moyses canticum. Cum cantico Adtende cælum. Deus gloriatio fidelium et uita iustorum . qui per moysen famulum tuum . nos quoque modulatione sacri carminis erudisti . in uniuersis gentibus misericordie tuæ munus operare . tribuendo beatitudinem . auferendo terrorem . ut quod prænuntiatum est ad supplicium . in remedium transferatur aeternum . per dominum. In Isaia .v. Adpræhenderunt .vii. mulieres.
Cum cantico Uinea facta est. Omnipotens sempiterne deus . qui per unicum filium [fol. 154 tuum ecclesiæ tuæ demonstrasti te esse cultorem . ut omnem palmitis fructum in eodem christo tuo qui uera uitis est afferentem . clementer excolens, fructus afferat ampliores . fidelibus tuis quos uelut uineam ex egypto per fontem baptismi transtulisti . nullæ peccatorum spinæ præualeant . ut spiritus tui sanctificatione muniti . perpetua frugæ ditentur . per eundem dominum nostrum iesum christum filium tuum qui tecum uiuit et regnat deus in unitate eiusdem spiritus sancti per omnia saecula saeculorum. In hieremia .vi. Audi israhel mandata uitæ. Deus qui nobis per prophetarum ora præcepisti temporalia relinquere . atque ad aeterna festinare . da famulis tuis . ut quæ a te iussa cognouimus . implere cœlesti inspiratione ualeamus . per dominum. De psalmo xli. Sicut ceruus desiderat. Concede quaesumus omnipotens deus . ut qui solemnitatem doni spiritus sancti colimus . cœlestibus desideriis accensi . fontem uitę sitiamus . per dominum ut supra.
Item alia. Domine deus uirtutum qui conlapsa reparas . et reparata conseruas . auge populos in tui nominis sanctificatione renouandos . ut omnes qui diluuntur sacro baptismate . tua semper inspiratione dirigantur . per dominum nostrum. Iude descendendum ad fontes cum lętania.
Oratio Ad Caticuminum Faciendum.Omnipotens sempiterne deus respicere dignare super hunc famulum tuum quem ad rudimenta fidei uocare dignatus es . omnem cecitatem cordis ab eo expelle . disrumpe omnes laqueos satanę quibus fuerat conligatus . aperi ei ianuam pietatis tuę ut signo sapientię indutus . omnium cupiditatum fętoribus careat . atque ad suaum odorem præceptorum tuorum . lętus tibi in ecclesia tua deseruiat . et proficiat de die in diem . signatus promissę gratię tuae . per dominum nostrum iesum christum filium tuum . qui uenturus est iudicare. V.
Benedictio Salis.Benedic omnipotens deus . hanc creaturam salis . tua benedictione cœlesti . in nomine domini nostri iesu christi . et in uirtute sancti. spiritus tui. ad effugandum inimicum. quam sanctificando sanctifices. et benedicendo benedicas. fiatque omnibus accipientibus perfecta medicina. permanens in uisceribus sumentium. in nomine domini nostri iesu christi. Hac oratione expleta accipiat sacerdos de eodem sale et ponat in ore infantis dicendo illi. Accipe sal sapientię in uitam eternam.
Oratio post datum sal.Deus patrum nostrorum. deus uniuersę conditor creature. te supplices exoramus. ut hunc famulum tuum respicere digneris propitius. et hoc primum pabulum salis gustantem. non diutius esurire permittas. quominus cibo expleatur caelesti. quatenus sit semper domine spiritu feruens. spe gaudens. tuo semper nomini seruiens. perduc eum ad nouę generationis lauacrum. ut cum fidelibus tuis. promissionum tuarum aeterna pręmia consequi mereatur. per dominum. Iterum fac crucem in fronte eius et dic hanc orationem. Deus abraham. deus isaac. deus iacob. deus quimoysi famulo tuo in monte sinai apparuisti. et filios israel de terra egypti eduxisti. deputans eis angelum pietatis tuae qui custodiret eos die ac nocte. te quaesumus domine ut mittere digneris sanctum angelum tuum. ut similiter custodiat et hunc famulum tuum. et perducat eum ad gratiam baptismi tui. Ergo maledicte diabole recognosce sententiam tuam. et da honorem deo uiuo et uero. da honorem iesu christo filio eius et spiritui sancto. et recede ab hoc famulo dei. quem deus et dominus noster ad suam gratiam et benedictionem uocare dignatus est. et hoc signum sanctę crucis quod nos fronti eius damus. tu maledicte diabole numquam audeas uiolare.
et populo uenienti ad credulitatem per seruos suos consecrari praecepit / Ut in nomine sancte trinitatis efficiaris salutare sacramentum ad effugandum inimicum. Proinde rogamus te domine deus noster. ut hanc creaturam salis sanctificando sanctifi-ces. benedicendo benedi-ces / ut fiat omnibus accipientibus perfecta medicina / permanens in uisceribus eorum in nomine domini nostri iesu christi. qui uenturus est iudicare uiuos. Sequitur rubrica Hac oratione expleta. ut in R (ff. 155-155v.).
Item.Deus inmortale presidium omnium postulantium. liberatio supplicum. pax rogantium. uita credentium. resurrectio mortuorum. te inuoco super hunc famulum tuum. qui baptismi. tui donum petens. aeternam consequi gratiam spiritali regeneratione desiderat. accipe eum domine. et quia dignatus es dicere. petite et accipietis. quaerite et inuenietis. pulsate et aperietur uobis. petenti premium porrige. et ianuam pande pulsanti. ut aeternam caelestis lauacri benedictionem consecutus. promissa tui muneris regna percipiat. per dominum.
Item oratio super masculos uel super feminas.Aeternam ac iustissimam pietatem tuam deprecor domine sanctę pater omnipotens aeternę deus. Require in gregoriano. caelestium [et sup. lin.] terrestrium. et infernorum. te inuoco domine super hanc famulam tuam. ut perducere eam digneris ad gratiam baptismi tui. ergo maledicte. ut supra.
In Sabbato Sancto Oratio Ad Catezizandum Infantem.Nec te latet satanas, inminere tibi poenas, inminere tibi tormenta, inminere tibi diem iudicii, diem supplicii sempiterni, diem qui uenturus est uelut clibanus ardens, in quo tibi atque uniuersis angelis tuis eternus ueniet interitus, proinde dampnate da honorem deo uiuo et uero, da honorem iesu christo filio eius et spiritui sancto, in cuius nomine atque uirtute, precipio tibi quicumque es spiritus inmunde, ut exeas et recedas ab hoc famulo dei, quem hodie deus et dominus noster iesus christus, ad suam sanctam gratiam et benedictionem, fontemque baptismatis dono uocare dignatus est, ut fiat eius templum per aquam regenerationis in remissionem omnium peccatorum. In nomine domini nostri iesu christi qui uenturus est iudicare uiuos et mortuos et saeculum per ignem. Amen. Inde uero tangat ei nares et aures de sputo et dicat ad aurem. Effeta quod est adaperire in odorem suauitatis, tu autem effugare diabole adpropinquabit enim iudicium dei. Postea uero tangit ei pectus et inter scapulas de oleo exorcizato crucem faciens cum police et uocato nomine eius dicat.
Abrenuntias satane. R. Abrenuntio. Et omnibus operibus eius. R. Abrenuntio. Et omnibus pompis eius. R. Abrenuntio. His expletis procedat sacerdos ad fontes benedicendos et dicat benedictionem fontis sicut superius in gregoriano continetur. Benedicto fonte et eo tenente infantem a quo suscipiendus est interroget sacerdos ita. Quis uocaris. R. Ille. Credis in deum patrem omnipotentem creatorem celi et terre. R. Credo. Et in iesum christum filium eius unicum dominum nostrum natum et passum. R. Credo. Credis et in spiritum sanctum sanctam ecclesiam catholicam remissionem peccatorum carnis resurrectionem. R. Credo. Deinde baptizet sacerdos sub trina mersione tantum sanctam trinitatem semel invocans ita dicendo. Et ego te baptizo in nomine patris. Et mergat semel. et filii. et mergat iterum. Et spiritus sancti. Et mergat tertio. Ut autem surrexerit a fonte faciat presbiter signum crucis de chrismate cum police in uertice eius dicens hanc orationem. Deus omnipotens pater domini nostri iesu christi. qui te regenerauit ex aqua et spiritu sancto. quique dedit tibi remissionem omnium peccatorum. ipse te linit chrismate salutis in christo iesu domino nostro in uitam aeternam. R. Amen.
Et uestitur infans uestimentis suis. si uero episcopus adest statim confirmari eum oportet chrismate. et postea communicare. et si episcopus deest communicetur a presbitero dicente ita. Corpus domini nostri iesu christi custodiat te in uitam aeternam. Amen.
Deus qui salutis aeternę. beatę marię uirginitate fecunda. humano generi premia prestitiisti. tribue quaesumus. ut ipsam pro nobis intercedere sentiamus. per quem meruimus auctorem uitę suscipere. dominum nostrum iesum christum qui tecum.
Ad complendum.Da nobis quaesumus domine deus noster. ut qui natiuitatem domini nostri iesu christi. nos frequentare gaudemus. dignis conuersationibus ad eius mereamur pertinere consortium. per cſundem.
Omnipotens sempiterne deus .dirige actos nostros in beneplacito tuo .ut in nomine dilecti filii tui mereamur bonis operibus abundare .per eundem. Super oblata. Concede quaesumus domine ut oculis tuę maiestatis munus oblatum .et gratiam nobis deuotionis obtineat .et effectum beatę perennitatis adquirat .per dominum. Ad complendum. Per huius domine operationem mysterii .et uitia nostra purgentur .et iusta desideria compleantur .per dominum.
Vota quaesumus domine supplicantis populi caelesti pietate prosequere .ut et quę agenda sunt uideant .et ad implenda quę uiderint conualescant .per dominum. Super oblata. Oblatum tibi domine sacrificium .uiuificet nos semper et muniat .per dominum. Ad complendum. Supplices te rogamus omnipotens deus .ut quos tuis reficis sacramentis .tibi etiam placitis moribus dignanter deseruire concedas .per dominum.
Omnipotens sempiterne deus qui celestia simul et terrena moderaris .supplicationes populi tui clementer exaudi .et pacem tuam nostris concede temporibus .per dominum. Super oblata. Oblata domine munera sanctifica .nosque a peccatorum nostrorum maculis emunda .per dominum. Ad complendum. Augeatur in nobis domine quaesumus .tuę uirtutis operatio .ut diuinis uegetati sacramentis .ad eorum promissa capienda .tuo munere præparemur .per dominum.
Omnipotens sempiterne deus infirmitatem nostram propitius respice . atque ad protegendum nos . dexteram tuæ maiestatis extende . per. Super oblata. Haec <h>ostia domine quaesumus emundet nostra delicta . et sacrificium caelebrandum . subditorum tibi corpora mentesque sanctificet . per. Ad complendum. Quos tantis domine largiris uti mysteriis . quaesumus ut effectibus eorum ueraciter aptare digneris . per dominum.
Deus qui nos in tantis periculis constitutos . pro humana scis fragilitate non posse subsistere . da nobis salutem mentis et corporis . ut ea quæ pro peccatis nostris patimur . te adiuuante uincamus . per dominum. Super oblata. Concede quaesumus omnipotens deus . ut huius sacrificii munus oblatum . fragilitatem nostram ab omni malo purget semper et muniat . per. Ad complendum. Munera tua nos deus a delectationibus terrenis expediant . et cœlestibus semper instruant alimentis . per dominum.
Familiam tuam quaesumus domine continua pietate custodi . ut quæ in sola spe gratiæ cœlestis innititur . tua semper protectione muniatur . per dominum. Super oblata. Hostias tibi domine placationis offerimus . ut et delicta nostra miseratus absoluas . et nutantia corda tu dirigas . per. Ad complendum. Quaesumus omnipotens deus . ut illius salutaris capiamus effectum . cuius per hæc mysteria pignus accepimus . per dominum.
Conserua populum tuum deus. et tuo nomini fac deuotum. ut diuinis subiectus officiis. et temporalia uiriliter. et aeterna dona percipiat. per dominum. Super oblata. Hec nos oblatio deus mundet quaesumus et renouet. et gubernet et protegat. per. Ad complendum. Caelestibus domine pasti deliciis. quaesumus ut semper eadem per que ueraciter uiuimus adpetamus. per dominum nostrum.
Deus qui in filii tui humilitate. iacentem mundum erexisti. fidelibus tuis perpetuam lętitiam concede. ut quos perpetue mortis eripuisti casibus. gaudiis facias sempiternis perfrui. per eundem. Super oblata. Benedictionem domine nobis conferat salutarem sacra 'semper ob'latio. ut quod agit misterio uirtute perficiat. per. Ad complendum. Presta nobis omnipotens deus. ut uiuificationis tue gratiam consequentes. in tuo semper munere gloriemur. per dominum.
Deus qui errantibus ut in uiam possint redire iustitia'e ueritatis tue lumen ostendis. da cunctis qui christiana professione censentur. et illa respuere que huic inimica sunt nomini. et ea que sunt apta sectari. per dominum nostrum iesum. Super oblata. His nobis domine mysteriis conferatur. quo terrena desideria mitigantes. discamus amare cęlestia. per dominum. a [⟨Ant.⟩ Misericordia domini. Psal. Exultate iusti. All. ii. quales uolueris. Off. Deus deus meus ad te. Vers. i. Sitiuit. Vers. ii. In matutinis. Com. Ego sum pastor bonus. Psal. . . . ]. b [Ant. Iubilate deo. P(sal.) Dicite deo. All. quales uolueris. Off. Laud<a> anima me(a). Vers. i. Qui custodit uerit(atem). Vers. ii. Dominus erigit allisos. Com. Modicum et (non uide)bitis.] 1 domine nobis nobis domine O.
Deus qui fidelium mentes unius efficis uolunta[tis], da populis tcis id amare quod precipis. id desiderare quod promittis. ut inter mundanas uarietates. ibi nostra fixa sint corda. ubi uera sunt gaudia. per.
Super oblata.Deus qui nos per huius sacrificii ueneranda commentia. unius summe diuinitatis participes effecisti. presta quaesumus. ut sicut tuam cognoscimus ueritatem. sic eam dignis moribus adsequamur. per.
Super oblata.Suscipe domine fidelium preces cum oblationibus hostiarum. ut per hec pie deuotionis officia. ad celestem gloriam transeamus. per dominum.
Ad complendum.Tribue [nobis] domine celestis mense uirtutis societatem. et desiderare que recta sunt. et desiderata percipere. per dominum. a [⟨Ant.⟩ Cantate domino. Psal. Saluabit sibi. Ad R. (. . . . .) All. Quales uolueris. Off. Iubilate deo uniue(rsa.) Vers. i. Reddam tibi. Vers. ii. L(ocutum est?) Com. Dum uenerit.] b [⟨Ant.⟩ Uocem iocunditatis (Psal.) Iubilate deo. Ad R. (Di)cite deo. All. quales uolueris. (Off.) Benedicite gentes. (Vers. i.) Iubilate (Vers. i)i. Uenite. (Co)m Cantate domino.] 1 pie pia O.
Omnipotens sempiterne deus fac nos tibi1 semper et deuotam gerere uoluntatem. et maiestati tuę sincero corde seruire. per dominum. Super oblata. Sacrificia nos domine immaculata purificent. et mentibus nostris supernę gratiae dent uigorem. per dominum. Ad complendum. Repleti domine muneribus sacris. da quaesumus ut in gratiarum semper actione maneamus. per.
Deus in te sperantium fortitudo. adesto propitius inuocationibus nostris. et quia sine te nihil potest mortalis infirmitas. presta auxilium gratię tuę. ut in exsequenidis mandatis tuis et uoluntate tibi et actione placeamus. per dominum. Super oblata. Hostias nostras domine tibi dicatas placatus adsume. et ad perpetuum nobis tribue prouenire subsidium. per dominum. Ad complendum. Tantis domine repleti muneribus. presta quaesumus. ut et salutaria dona capiamus. et a tua numquam laude cessemus. per.
Sancti nominis tui domine timorem pariter et amorem fac nos habere perpetuum. quia numquam tua gubernatione destituis. quos in soliditate tuę dilectionis instituis. per dominum. Super oblata. Oblatio nos domine tuo nomini dicanda purificet. et de die in diem ad cęlestis uitę transferat actionem. per. 2 post pentecosten post octauas pentecosten O, et similiter per totam domini-
Protector in te sperantium deus sine quo nihil est ualidum. nihil sanctum. multiplica super nos misericordiam tuam. ut te rectore. te duce. sic transeamus per bona temporalia. ut non ammittamus aeterna. per dominum.
Da nobis domine quaesumus. ut et mundi cursus pacifice nobis tuo ordine dirigatur. et ecclesia tua tranquilla deuotione lætetur. per. 1 fiant fiat O. 2 preparent reparent O (per correctionem.)
Deus qui diligentibus te. bona inuisibilia preparasti. infunde cordibus nostris tui amoris affectum. ut te in omnibus et super omnia diligentes. promissiones tuas que omne desiderium superant consequamur. per dominum.
Super oblata.Propitiare domine supplicationibus nostris. et has [to. 165 oblationes famulorum famularumque tuarum benignus 'assume'1. ut quod singuli obtulerunt ad honorem nominis tui. cunctis proficiat ad salutem. per.
Deus uirtutum cuius est totum quod est obtimum. insere pectoribus nostris amorem tui nominis. et presta in nobis religionis augmentum. ut que sunt bona nutrias. ac pietatis1 studio. que sunt nutrita custodias. per dominum.
Super oblata.Propitiare domine supplicationibus nostris. et has populi tui oblationes benignus assume. et ut nullius sit irritum uotum. et nullius uacua postulatio. presta ut quod fideliter petimus. e efficaciter consequamur. per. 1 pietatis supra rasuram et recentiori manu scriptum est in O.
Super oblata.Deus qui legalium differentiam hostiarum. unius sacrificii perfectione sanxisti. accipe sacrificium a deuotis tibi famulis. et pari benedictione. sicut munera abel sanctifica. ut quod singuli obtulerunt ad maiestatis tuæ honorem. cunctis proficiat ad salutem. per dominum.
Largire nobis domine quaesumus semper spiritu[m] cogitandi quæ recta sunt propitius et agendi. ut qui sine te esse non possumus. secundum te uiuere ualeamus. per dominum.
Super oblata.Suscipe munera quaesumus domine quæ tibi de tua largitate deferimus. ut hæc sacrosancta mysteria. gratiæ tuæ operante uirtute. praesentis uitæ nos conuersatione sanctificent. et ad gaudia sempiterna perducant. per dominum.
Pateant aures misericordiæ tuæ domine precibus supplicantum. et ut petentibus desiderata concedas. fac tibi eos quaesumus placita postulare. per dominum.
Super oblata.Concede nobis hęc quaesumus domine frequentare mysteria, quia quoties huius hostię commemoratio cęlebratur, opus nostrae redemptionis exercetur, per dominum.
Deus qui omnipotentiam tuam parcendo maxime et miserando manifestas, multiplica super nos gratiam tuam, ut ad tua promissa currentes, caelestium bonorum facias esse consortes, per.
Super oblata.Tibi domine sacrificia dicata reddantur, quę sic ad honorem nominis tui deferenda tribuisti, ut eadem remedia fieri nostra pręstares, per dominum.
Omnipotens sempiterne deus qui habundantiam1 pietatis tuę, et merita supplicum excedis et uota, effunde super nos misericordiam tuam, ut dimittas quę conscientia metuit, et adicias quod oratio non præsumit, per.
Super oblata.Respice domine quaesumus nostram propitius seruitutem, ut quod offerimus, sit tibi munus acceptum, sit nostrę fragilitati2 subsidium, per.
Ad complendum.Sentiamus domine quaesumus tui perceptione sacramenti, subsidium mentis et corporis, ut in utroque saluati, caelestis remedii plenitudine gloriemur, per. 1 habundantiam abundantia O. 2 fragilitati fragilitatis O.
Omnipotens et misericors deus. de cuius munere uenit ut tibi a fidelibus tuis digne et laudabiliter seruiatur. tribue quaesumus nobis. ut ad promissiones tuas sine offensione curramus. per dominum. Super oblata. Hostias quaesumus domine propitius intende. quas sacris altaribus exhibemus. ut nobis indulgentiam largiendo. tuo nomini dent honorem. per dominum. Ad complendum. Viuificet nos quaesumus domine huius participatio sancta mysterii. et pariter nobis expiationem tribuat et munimen. per dominum.
Omnipotens sempiterne deus. da nobis fidei spei et caritatis augmentum. et ut mereamur adsequi quod promittis. fac nos amare quod precipis. per dominum. Super oblata. Propitiare domine populo tuo. propitiare muneribus. ut hac oblatione placatus. et indulgentiam nobis tribuas. et postulata concedas. per. Aa complendum. Sumptis domine celestibus sacramentis. ad redemptionis aeterne quaesumus proficiamus augmentum. per dominum.
Custodi domine quaesumus ecclesiam tuam propitiatione perpetua. et quia sine te labitur humana mortalitas. tuis semper auxiliis. et abstrahatur a noxiis. et ad salutaria dirigatur. per dominum. 1 et misericors sup. rasuram in O, man. rec. 2 ut sup. lin. add. in O. 3 nobis sup. lin. add. in O.
Ad complendum.Mentes nostras et corpora possideat quaesumus domine domi cælestis operatio, ut non noster sensus in nobis, sed iugiter eius preueniat effectus, per dominum.
Ad complendum.Purifica domine quaesumus mentes nostras benignus, et renoua cælestibus sacramentis, ut consequenter et corporum presens pariter, et futurum capiamus auxilium, per dominum.
Da quaesumus domine populo tuo diabolica uitare contagia. et te solum dominum pura mente sectari. per dominum. Super oblata. Maiestatem tuam domine suppliciter deprecamur. ut hec sancta que gerimus. et a preteritis nos delictis exuant. et futuris. per. Ad complendum. Sanctificationibus tuis omnipotens deus. et uitia nostra curentur. et remedia nobis aeterna proueniant. per dominum.
Dirigat corda nostra domine quaesumus tuæ miserationis operatio. quia tibi sine te placere non possumus. per dominum. Super oblata. Deus qui nos per huius sacrificii ueneranda commertia. unius summeque diuinitatis participes efficis. presta quaesumus ut sicut tuam cognoscimus ueritatem. sic eam dignis mentibus et moribus adsequamur. per dominum. Ad complendum. Gratias tibi referimus domine sacro munere uegetati. tuam misericordiam deprecantes. ut dignos nos eius participatione perficias. per dominum.
Omnipotens et misericors deus. uniuersa nobis aduersantia propitiatus exclude. ut mente et corpore pariter expediti. que tua sunt liberis mentibus exsequamur. per dominum. Super oblata. Haec munera quaesumus domine que oculis tuæ maiestatis offerimus. salutaria nobis esse concede. per dominum. 1 dominum deum O. 2 cognoscimus cognouimus O.
Largire quaesumus domine fidelibus tuis indulgentiam placatus et pacem. ut pariter ab omnibus mundentur offensis. et secura tibi mente deseruiant. per dominum.
Ad complendum.Ut sacris domine reddamur digni muneribus. fac nos quaesumus tuis oboedire mandatis. per dominum. bXL. DOMINICA .XXII. POST PENTECOSTEN. Familiam tuam quaesumus domine continua pietate custodi. ut a cunctis aduersitatibus te protegente sit libera. et in bonis actibus tuo nomini sit deuota. per dominum.
Ad complendum.Inmortalitatis alimoniam consecuti quaesumus domine. ut quod ore percepimus. mente sectemur. per dominum. cXLI. DOMINICA .XXIII. POST PENTECOSTEN. Deus refugium nostrum et uirtus. adesto piis ecclesiæ tuæ precibus. auctor ipse pietatis. et presta ut quod fideliter petimus. efficaciter consequamur. per dominum.
Super oblata.Da misericorfs deus ut hec salutaris oblatio . et a propriis nos reatibus indesinenter expediat . et ab omnibus tueatur aduersis . per dominum.
Ad complendum.Sumpsimus domine sacri dona mysterii . humiliter deprecantes . ut que in tui comme moratione nos facere precepisti . in nostrae proficiant infirmitatis auxilium . per.
Super oblata.Propitius esto domine supplicationibus nostris . et populi tui oblationibus precibusque susceptis . omnium nostrorum ad te corda conuerte . ut a terrenis cupiditatibus liberi . ad celestia desideria transeamus . per.
Ad complendum.Concede nobis domine quaesumus . ut sacramenta que sumpsimus . quicquid in nostra mente uitiosum est . ipsius medicationis dono curetur . per.
Super oblata.Adesto nobis quaesumus domine . et preces nostras benignus exaudi . ut quod fiducia non habet meritorum . placatio obtineat hostiarum . per.
Alia Missa.Conprime domine quaesumus noxios semper incursus. et salutarem temporibus nostris propitius da quietem. per dominum. Super oblata. In tuo conspectu domine quaesumus talia nostra sint munera. que et placare te ualeant. et nos tibi placare perficiant. per dominum. Ad complendum. Cotidiani domine quaesumus munere sacramenti. perpetue nobis tribue salutis augmentum. per. XLVI.
Alia Missa.Ab omnibus nos defende quaesumus domine semper aduersis. et continuis tuere presidiis. per. Super oblata. Offerimus tibi domine munera que dedisti. ut et creationis tue circa mortalitatem nostram testificentur auxilium. et remedium nobis immortalitatis operentur. per dominum. Ad complendum. Quod ore sumpsimus domine mente capiamus. et de munere temporali fiat nobis remedium sempiternum. per dominum. Alia. Conseruent nos quaesumus domine munera tua. et aeternam uitam tribuant nobis deprecantibus. per dominum nostrum. XLVII.
Quaesumus omnipotens deus. ut beatus ille apostolus tuum pro nobis imploret auxilium. ut a nostris reatibus absoluti. a cunctis etiam periculis exuamur. per dominum. Super oblata. Sacrandum tibi domine munus offerimus. quo beati illius apostoli solemnia recolentes. purificationem quoque nostris mentibus implorᵗaᵇmus. per dominum.
Ad complendum.Perceptis domine sacramentis suppliciter exoramus, ut intercedente beato illo apostolo tuo, que pro illius ueneranda gerimus solemnitate, nobis proficiant ad medellam, per dominum.
Deus qui nos annua apostolorum tuorum illius et illius solemnitate laetificas, presta quaesumus, ut quorum gaudemus meritis, instruamur exemplis, per dominum.
Super oblata.Munera domine que pro apostolorum tuorum illorum solemnitate deferimus, propitius suscipe, et mala omnia que [m]eremur auerte, per dominum.
Ad complendum.Da quaesumus domine deus noster, ut sicut tuorum commemoratione sanctorum temporali gratulamur officio, ita perpetuo letemur aspectu, per dominum.
Super oblata.Munera tibi domine nostræ deuotionis offerimus. quæ et pro tuorum tibi grata sint honore iustorum. et nobis salutaria te miserante reddantur. per dominum.
Deus qui nos sanctorum tuorum illorum confessionibus gloriosis circumdas et protegis. da nobis et eorum imitatione proficere. et intercessione gaudere. per.
Ad complendum.Corporis sacri et pretiosi sanguinis repleti libamine. quaesumus domine deus noster. ut quod pia deuotione gerimus. certa redemptione capiamus. per dominum.
Deus qui inter cetera potentię tuę miracula. etiam in sexu fragili uictoriam martyrii contulisti. concede propitius. ut cuius natalicia colimus. per eius ad te exempla gradiamur. per dominum.
Alia.Indulgentiam nobis domine beata illa martyr imploret. que tibi grata semper extitit et merito castitatis. et tuę professione uirtutis. per dominum.
Concede quaesumus omnipotens deus. ut intercessio nos sanctę dei genetricis marię. sanctorumque omnium apostolorum martyrum et confessorum. et omnium electorum tuorum ubique letificet. ut dum eorum merita recolimus. patrocinia sentiamus. per.
Lv. Orationes Ad Clericum Faciendum.Oremus dilectissimi fratres dominum nostrum iesum christum pro hoc famulo suo illo. qui ad deponendam comam capitis sui pro eius amore festinat. ut donet ei spiritum sanctum qui habitum religionis in eo perpetuum conseruet. et a mundi inpedimento uel sęculari desiderio cor eius defendat. ut sicut inmutatur in uultu. Ita manus dexterę eius ei uirtutis tribuat incrementa. et ab omni cecitate humana oculos eius aperiat. et lumen ei aeternę gratię concedat. qui uiuit cum deo patre.
Item alia.Adesto domine supplicationibus nostris. et hunc famulum tuum benedicere dignare. cui in tuo sancto nomine habitum sacre religionis inponimus. ut te largiente et deuotus in ecclesia persistere. et uitam percipere mereatur aeternam. per dominum.
Oratio post tonsionem.Presta omnipotens deus huic famulo tuo illo. cuius hodie capitis comam pro diuino amore deposuimus. ut in tua dilectione perpetua maneat. et eum sine macula in sempiternum custodias. per.
Lvi. Benedictio Uestium Virginis Uel Uiduę.Deus qui uestimentum salutare et indumentum aeternę iocunditatis. tuis fidelibus promisisti. clementiam tuam suppliciter exoramus. ut hęc indumenta. humilitatem cordis. et contemtum mundi significantia. quibus famula tua illa sancto uisibiliter est informanda proposito. propitius benedicas. et beatę castitatis habitum. quem te inspirante susceperit. te protegente custodiat. per.
Item alia.Deus bonorum uirtutum dator. et omnium benedictionum largus infusor. exaudi preces nostras. et hanc uestem quam famula tua illa. pro conseruande castitatis signo se adoperiendam exposcit. benedicere et sanctificare digneris. per dominum.
Benedictio uirginis ab episcopo dicenda.Respice domine propitius super hanc famulam tuam illam. ut sancte uirginitatis propositum. quod te inspirante suscepit. te gubernante custodiat. per dominum.
Consecratio.Deus castorum corporum benignus inhabitator. et incorruptarum amator animarum. respice super hanc famulam tuam illam quae tibi deuotionem suam offert. a quo et ipsa eundem uotum adsumpsit. sit in ea domine per donum spiritus tui. prudens modestia. sapiens benignitas. grauis lenitas. casta libertas. ferueat in caritate. et nihil extra te diligat. laudabiliterque uiuat. et laudari non appetat. te timeat. tibi amore seruiat. tu ei honor. tu gaudium. tu in merore solatium. tu in ambiguitate consilium. tu in iniuria defensio. In tribulatione pacientia. in paupertate habundantia. in ieiunio cybus. in infirmitate sis medicina. per te quem diligere super omnia appetit. quod est professa custodiat. ut et hostem antiquum deuincat. et uitorum squalores expurget. quatenus centesimi fructus dono uirginitatis 'decorari. uirtutumque lampadibus' exornari. et electorum tuorum uirginum consortium. te donante mereatur uniri. per dominum. LVII.
Benedictio Altaris.Deprecamur misericordiam tuam omnipotens aeterne deus. ut hoc altare sacrificiis spiritualibus consecrandum. uocis nostre exorandus officio. presenti benedictione sanctifices. ut in eo semper oblationes famulorum tuorum studio sue deuotionis inpositas. benedicere et sanctificare digneris. et spiritali placatus incenso. precanti familie tue promptus exauditor adsistas. per. LVIII.
Consecratio Altaris.Deus omnipotens in cuius honore hoc altare sub inuocatione tui nominis consecramus. clemens et propitius preces nostre humilitatis exaudi. et presta ut in hac mensa. sint tibi libamina accepta. sint grata. sint pinguia. et spiritus sancti tui semper rore perfusa. ut omni tempore in hoc loco supplicantis tibi familię tuę anxietates releues. egritudines cures. preces exaudias. uota suscipias. desiderata confirmes. postulata concedas. per dominum.
Consecramus et sanctificamus hanc patenam. ad conficiendum in ea corpus domini nostri iesu christi. patientis crucem pro omnium nostra salute. qui cum patre et spiritu sancto uiuit et regnat deus in unitate spiritus sancti. Deinde facit signum crucis de oleo sancto super patenam et benedicit his uerbis. Consecrare et sanctificare digneris domine patenam hanc. per istam unctionem. et nostram benedictionem. in christo iesu domino nostro. qui tecum.
Dignare domine deus noster calicem istum in usum ministerii tui pia deuotione formatum. ea sanctificatione perfundere. qua melchise dech famuli tui sacratum calicem perfudisti. et quod arte uel metallo effici non potest altaribus tuis dignum. fiat tua benedictione pretiosum atque sanctificatum. per dominum.
Lxi. Orationes in Dedicatione Fontis.Omnipotens sempiterne deus. hoc baptisterium celesti uisitatione dedicatum. spiritus tui inlustratione sanctifica. ut quoscumque fons iste lauaturus est. trina ablutione purgati. indulgentiam omnium delictorum. tuo munere consequantur. per dominum.
Alia.Multiplica domine benedictionem tuam. et spiritu tui muneris fidem nostram corrobora. ut qui in hec fluenta descenderint. in libro uite adscribi mereantur. per dominum.
Deus qui nobis per singulos annos. huius sancti templi tui consecrationis reparas diem. et sacris semper mysteriis representas incolomes, exaudi preces populi tui, et presta ut quisquis hoc templum beneficia petiturus ingreditur, cuncta se impetrasse laetetur, per dominum.
Super oblata.Annue quaesumus domine precibus nostris, ut quicumque intra templi huius cuius anniuersarium dedicationis diem celebramus, ambitum continemur, plena tibi atque perfecta corporis et anime deuotione placeamus, ut dum hec presentia uota reddimus, ad eterna premia te adiuuante uenire mereamur, per dominum.
Post communionem.Deus qui ecclesiam tuam sponsam uocare dignatus es, ut que haberet gratiam per fidei deuotionem, haberet etiam ex nomine pietatem, da ut omnis hec plebs nomini tuo seruiens, huius uocabuli consortio digna esse mereatur, et ecclesia tua in templo cuius anniuersarius dedicationis dies celebratur tibi collecta, te timeat, te diligat, te sequatur. Ut dum iugiter per uestigia tua graditur, ad celestia promissa te ducente peruenire mereatur, qui uiuis et regnas cum deo.
Ad populum.Deus qui de uiuis et electis lapidibus aeternum maiestati tue condis habitaculum, auxiliare populo supplicanti, ut quod ecclesiæ tue corporalibus proficit spatiis, spiritalibus amplificetur augmentis, per dominum. LXIII.
Missa Pro Regibus.Deus regnorum omnium, et christiani maxime protector imperii, da seruis tuis regibus nostris illis triumphum uirtutis tue scienter excolere, ut qui tua constitutione sunt principes, tuo semper munere sint potentes, per dominum.
Super oblata.Suscipe domine preces et hostias ecclesiæ tue pro sa<lu>te famuli tui illius supplicantis, et in protectione fidelium populorum, antiqua brachii tui operare miracula, ut superatis pacis inimicis, secura tibi seruiat christiana libertas, per dominum.
Infra actionem.Hanc igitur oblationem famuli tui illius. quam tibi ministerio officii sacerdotalis offerimus. pro eo quod in ipso potestatem imperii conferre dignatus es. propitius et benignus adsume. et exoratus nostra obsecratione concede. ut maiestatis tuæ protectione confidens. et aeuo augeatur et regno. per dominum nostrum.
Ad complendum.Deus qui ad prædicandum aeterni regis euangelium. romanum imperium preparasti. prætende famulis tuis [principibus nostris arma] celestia. ut pax ecclesiarum. nulla turbetur tempestate bellorum. per dominum. LXIII.
Missa Cotidiana Pro Rege.Quaesumus omnipotens deus ut famulus tuus ille. qui a tua miseratione suscepit regni gubernacula. uirtutum etiam omnium percipiat incrementa. quibus decenter ornatus. et uitorum monstra deuitare. et ad te qui uia. ueritas. et uita es. gratiosus ualeat peruenire. per dominum.
Secreta.Munera domine quaesumus oblata sanctifica. ut et nobis unigeniti tui corpus et sanguis fiant. et illius regi. ad obtinendam animæ corporisque salutem. et peragendum iniunctum officium. te largiente usquequaque proficiant. per dominum.
Post communionem.Haec domine oratio salutaris famulum tuum illum. ab omnibus tueatur aduersis. quatenus et ecclesiastice pacis obtineat tranquillitatem. et post istius temporis decursum. ad aeternam perueniat hereditatem. per.
Lxv. Missa in Tempore Sinodi Pro Rege Dicenda.Omnipotens sempiterne deus qui famulum tuum illum. regni fastigio dignatus es sublimare. tribue ei quaesumus ut ita in presenti collecta multitudine. cunctorum in commune salutem disponat. quatenus a tuæ ueritatis tramite non recedat. per dominum.
Item alia oratio.Deus auctor omnium iustorum honorum, dator cunctarum dignitatum, et piorum gratissimus conseruator imperiorum, respice super famulum tuum illum, et presta ut quibus tuo dono imperat eis, tua opitulatione fultus salubriter prosit, per dominum.
Item alia oratio.Omnipotens sempiterne deus, caelestium terrestriumque moderator, qui famulum tuum illum, ad regni fastigium dignatus es prouehere, concede quaesumus ut a cunctis aduersitatibus liberatus, et ecclesiasticæ pacis dono muniatur, et ad aeternæ pacis gaudia te donante peruenire mereatur, per dominum.
Item alia oratio.Deus qui scis genus humanum nulla sua uirtute posse subsistere, concede propitius ut famulus tuus ille, quem populo tuo uoluisti preferri, ita tuo fulciatur adiutorio, quatenus quibus potuit præesse ualeat et prodesse, per dominum.
Item alia.Deus qui miro ordine uniuersa disponis, et ineffabiliter gubernas, presta quaesumus ut famulus tuus ille hæc in præsenti conuentu, et in huius saeculi cursu te adiuuante peragat, et peragenda decernat, unde tibi in perpetuum placere ualeat, per.
Super oblata.Concede omnipotens deus his salutaribus sacrificiis placatus, ut famulus tuus ille ad peragendum regalis dignitatis officium inueniatur semper idoneus, et cœlestis patriæ gaudiis reddatur acceptus, per.
Post communionem.Haec domine salutaris sacrificii perceptio famuli tui illius peccatorum maculas diluat. et ad regendum secundum tuam uoluntatem populum idoneum reddat. ut hoc salutari mysterio contra uisibiles et inuisibiles hostes reddatur inuictus. per quod mundus est diuina dispensatione redemptus. per. LXVI.
Missa Specialis Sacerdotis.Omnipotens 'eternae deus'. tuę gratię pietatem supplici deuotione deposco. ut omnium malorum meorum uincula soluas. cunctisque meis criminibus et peccatis clementer ignoscas. et quia me indignum et peccatorem ad ministerium tuum uocare dignatus es. sic me idoneum tibi ministrum efficias. ut sacrificium de manibus meis placide ac benigne suscipias. electorumque sacerdotum me participem facias. et de preceptis tuis in nullo me oberrare permittas. per.
Alia oratio.Fac me quęso omnipotens deus. ita iustitia indui. ut in sanctorum tuorum merear exultatione laetari. quatenus emundatus ab omnibus sordibus peccatorum. consortium adipiscar tibi placentium sacerdotum. meque tua misericordia a uitis omnibus exuat. quem reatus proprię conscientię grauat. per dominum.
Super oblata.Deus qui te præcipis a peccatoribus exorare. tibique sacrificium contriti cordis offerre. hoc sacrificium quod indignis manibus meis offero. acceptare dignare. et ut ipse tibi hostia et sacrificium esse merear miseratus concede. quo per ministerii huius exhibitionem. peccatorum omnium percipiam remissionem. per dominum. inmensam clementiam deuotis mentibus et inmensis præcibus implorare. ut qui diuersitatem gentium unius sacre fidei confessione paraclyti spiritus dono uoluisti congregare. congregatam cleri ac populi multitudinem. una cum praelato principe iubeas conseruare. idque in hoc conuentu te opitulante deliberent. quod nequaquam a tua uoluntate discordet. quatinus tuis monitis parentes aduersitatibus omnibus carentes bonis omnibus exuberantes. et in praesenti saeculo pacis tranquillitate fruantur. et eternorum ciuium consortio adscisci mereantur. per christum.
Praefatio.Vere dignum et iustum est aequum et salutare. Nos tibi semper et ubique gratias agere, domine sancte pater omnipotens aeternę deus, qui dissimulatis humanę fragilitatis peccatis, sacerdotii dignitatem concedis indignis, et non solum peccata dimittis, uerum etiam ipsos peccatores iustificare dignaris, cuius est muneris ut non existentia sumant exordia, exorta nutrimentum, nutrita fructum, fructuosa perseuerandi auxilium, qui me non existentem creasti, creatum fidei firmitate ditasti fidelem, quamuis peccatis squalentem sacerdotii dignitate donasti. tuam igitur omnipotentiam supplex exposco, ut me a præteritis peccatis emacules, in mundi huius cursu in bonis operibus conrobores, et in perseuerantię soliditate confirmes. Sicque me facias tuis altaribus deseruire, ut ad eorum qui tibi placuerunt sacerdotum consortium ualeam peruenire, et per eum tibi sit meum acceptabile uotum, qui se tibi obtulit in sacrificium, qui est omnium opifex, et solus sine peccati macula pontifex, iesus christus dominus noster, per quem maiestatem.
Ad complendum.Huius mihi domine sacramenti perceptio, sit peccatorum remissio, et tuę pietatis obtata propitiatio, ut per hęc te opitulante efficiar sacris mysteriis dignus, quę de tua pietate confisus, frequentare presumo indignus, per. LXVII.
Item Alia Missa.Deus fons bonitatis, et pietatis origo, qui peccantem non statim iudicas, sed ad pęnitentiam miseratus expectas, te quęso ut facinorum meorum squalores abstergas, et me ad peragendum iniunctum officium dignum efficias, et qui altaris tui ministerium suscʳeʳpi indignus, perago trepidus, ad id peragendum reddar strenuus, et inter eos qui tibi placuerunt inueniar iustificatus, per dominum.
Super oblata.Sacrificii præsentis quęso domine oblatio, mea expurget facinora, per quod totius mundi uoluisti relaxari peccata, illiusque frequentatione efficiar dignus, quod ut frequentarem suscʳeʳpi indignus, per dominum.
Praefatio.Vere dignum et iustum est aequum et salutare. Nos tibi semper et ubique gratias agere. Domine sancte pater omnipotens aeternē deus. qui dum libenter nostrē penitudinis satisfactionem suscipis. ips'e tuo iudicio quod erramus abscondis. et præterita peccata nostra dissimulas. ut nobis sacerdotii dignitatem concedas; tuum est enim me ad ministrandum altari tuo dignum efficere. quem ad peragendum id officii indignum dignatus es promouere. ut præteritorum actuum meorum mala obliuiscens. presentium ordinem in tua uoluntate disponens. futuris custodiam imponens. per eum uitiorum squaloribus expurger. uirtutum nutrimentis exorner. eorum sacerdotum consortio qui tibi placuerunt aduner. quem constat esse uerum summumque pontificem. solumque sine peccati contagio sacerdotem. [fol. 185v iesum christum dominum nostrum.
Ad complendum.Huius domine perceptio sacramenti. peccatorum meorum maculas tergat. et ad peragendum iniunctum officium. me idoneum reddat. per dominum. LXVIII.
Missa Uotiua.Deus qui iustificas impium. et non uis mortem peccatorum. maiestatem tuam suppliciter deprecamur. ut famulum tuum illum de tua misericordia confidentem. cælestī protegas benignus auxili(o) et assidua protectione conserues. ut tibi iugiter famuletur. et nullis temptationibus a te separetur. per dominum.
Super oblata.Huius domine quaesumus uirtute mysterii. et a propriis nos munda delictis. et famulum tuum illum ab omnibus absolue peccatis. per dominum nostrum.
Infra actionem.Hanc igitur oblationem quam tibi offerimus pro famulo tuo illo ut omnium peccatorum suorum ueniam consequi mereatur. quaesumus domine placatus accipias. et miserationis tuæ largitate concedas. ut fiat ei ad ueniam delictorum. et actuum emendationem. ut et hic ualeat bene uiuere. et ad eternam beatitudinem feliciter peruenire. diesque nostros in tua pace.
Ad complendum.Purificent nos domine quaesumus sacramenta que sumpsimus. et famulum tuum illum ab omni culpa liberum esse concede. ut quia conscientiæ reatu constringitur. celestis remedii plenitudine glorietur. per. LXVIII.
Item Alia Missa.Omnipotens sempiterne deus miserere famulo tuo. et dirige eum secundum tuam clementiam in uiam salutis aeternæ. ut te donante. tibi placita cupiat. et tota uirtute perficiat. per dominum.
Super oblata.Proficiat quaesumus domine hæc oblatio. quem tuæ supplices offerimus maiestati ad salutem famuli tui. ut tua prouidentia eius uita inter aduersa et prospera ubique dirigatur. per dominum nostrum.
Item alia ad complendum.Famulum tuum quaesumus domine tua semper protectione custodi. ut libera tibi mente deseruiat. et te protegente a malis omnibus sit securus. per dominum. LXX.
Item Alia Missa.Adesto domine supplicationibus nostris. et hanc famuli tui illius oblationem benignus adsume. ut qui auxilium tuæ miserationis implorat. et sanctificationis gratiam percipiat. et quæ pie præcatur obtineat. per. Super oblata. Grata sit tibi domine hæc oblatio famuli tui illius quam tibi offerimus in honorem beati illius martyris tui. quaesumus ut eidem proficiat ad salutem. per dominum. Ad complendum. Huius domine quaesumus uirtute mysterii. et a propriis mundemur occultis. et famulum tuum illum ab omnibus absolue peccatis. per dominum.
Lxxi. Missa Pro Salute Uiuorum.Prêtende domine famulis et famulabus tuis illis dexteram célestis auxilii. ut te toto corde perquirant. et quæ digne postulant adsequantur. per. Super oblata. Propitiare domine supplicationibus nostris. et has oblationes famulorum famularumque tuarum. quas tibi pro incolomitate eorum/ offerimus benignus adsume. et ut nullius sit irritum uotum. nullius uacua postulatio. presta quaesumus ut quod fideliter petimus efficaciter consequamur. per dominum. Infra actionem. Hanc igitur oblationem famulorum famularumque tuarum. quam tibi offerimus ob deuotionem mentis eorum. pius ac propitius clementi uultu suscipias. tibi supplicantes libens protege. dignanter exaudi. et aeterna eos protectione conserua. ut semper in tua religione létantes. instanter in sanctę trinitatis confessione et fide catholica perseuerent. diesque nostros. Ad complendum. Da famulis et famulabus tuis quaesumus domine. in tua fide et sinceritate constantiam. ut in caritate diuina firmati. nullis temptationibus ab eius integritate uellantur. per.
Lxxii. Item Alia Pro Familiaribus.Deus qui caritatis dona per gratiam sancti spiritus. tuorum cordibus fidelium infudisti. da famulis tuis pro quibus tuam deprecamur clementiam . salutem mentis et corporis . ut te tota uirtute diligant . et que tibi placita sunt . tota dilectione perficiant . per.
Super oblata.Miserere quaesumus domine deus famulis tuis pro quibus hoc sacrificium laudis tuæ offerimus maiestati . ut per hæc sancta supernæae beatitudinis gratiam obtineant . et gloriam aeternæ beatitudinis adquirant . per.
Post communionem.Diuina libantes mysteria quaesumus domine . ut hæc salutaria sacramenta . illis proficiant ad prosperitatem et pacem . pro quorum dilectione hæc tuæ obtulimus maiestati . per dominum nostrum.
Ad complendum.Deus qui supplicum tuorum uota . per caritatis officia suscipere dignaris . da famulis tuis illis et illis in tua proficere dilectione . et in tua lœtari protectione . ut tibi secura mente deseruiant . et in tua pace semper adsistere mereantur . per dominum.
Omnipotens sempiterne deus qui facis mirabilia magna solus . prœtende super famulum tuum illum abbatem . uel super cunctam congregationem illi commissam . spiritum gratiæ salutaris . et ut in ueritate tibi complaceant . perpetuum eis rorem tuæ benedictionis infunde . per dominum.
Super oblata.Hostias domine famulorum tuorum placatus intende . et quas in honorem nominis tui deuota mente pro eis celebramus . proficere sibi sentiant ad medellam . per.
Ad complendum.Quos cœlesti recreas munere. perpetuo domine comitare presidio. et quos fouere non desinis. dignos fieri sempiterna redemptione concede. per dominum.
Lxxiiii. Orationes in Monasterio Monachorum.Deus qui renuntiantibus saeculo mansionem paras in cœlo. dilata sanctʳae huius congregationis temporale habitaculum cœlestibus bonis. ut fraterne teneantur conpagine caritatis. unanimes continentię præcepta custodiant. sobrii. simplices. et quieti. gratis sibi datam gratiam fuisse cognoscant. concordet illorum uita cum nomine. professio sentiatur in opere. per.
Item alia.Suscipe domine preces nostras. et muro custodię tuę hoc sanctum ouile circumda. ut omni aduersitate depulsa. sit hoc semper domicilium incolomitatis et pacis. per dominum.
Lxxv. Oratio Pro Fratribus in Uia Dirigendis.Deus qui diligentibus te misericordiam tuam semper impendis. et a seruientibus tibi in nulla es regione longinquus. dirige uiam famuli tui illius in uoluntate tua. ut te protectore et te præduce. per iustitię semitas sine offensione gradiatur. per dominum.
Item alia.Exaudi domine preces nostras. et iter famuli tui illius propitius comitare. atque misericordiam tuam. sicut ubique es ita ubique largire. quatenus ab omnibus aduersitatibus tua opitulatione defensus. iustorum desideriorum potiatur effectibus. per.
Lxxvi. Oratio Pro Redeuntibus De Itinere.Omnipotens sempiterne deus nostrorum temporum uitęque dispositor. famulo tuo illi continuę tranquillitatis largire subsidium. ut quem incolumem propriis laboribus reddidisti. tua facias protectione securum. per dominum.
Lxxvii. in Aduentu Fratrum Superuenientium.Deus humilium uisitator, qui nos fraterna dilectione consolaris, pretende societati nostre gratiam tuam, ut per eos in quibus habitas, tuum in nobis sentiamus aduentum, per dominum.
Lxxviii. Missa Pro Iter Agentibus.Adesto domine supplicationibus nostris, et uiam famuli tui illius in salutis tuæ prosperitate dispone, ut inter omnes uiæ et uitæ huius uarietates, tuo semper protegatur auxilio, per dominum. Super oblata. Propitiare domine supplicationibus nostris, et has oblationes quas tibi offerimus pro famulo tuo illo benignus adsume, ut uiam illius et precedente gratia tua dirigas, et subsequente comitare digneris, ut de actu atque incolomitate eius, secundum misericordiæ tuæ præsidia gaudeamus, per. Ad complendum. Deus infinitæ misericordiæ, et maiestatis inmensæ, quem nec spacia locorum, nec interualla temporum, ab his quos tueris abiuugunt, adesto famulis tuis illis et illis in te ubique fidentibus, et per omnem quam ituri sunt uiam, dux eis et comes esse dignare, nihil illis aduersitatis noceat, nihil difficultatis obsistat, cuncta eis salubria, cuncta sint prospera, et sub ope dexteræ tuæ, quicquid iusto expetierint desiderio, cæleri consequantur effectu, per.
Lxxviii. Missa Pro Navigantibus.Deus qui transtulisti patres nostros per mare rubrum, et transuexasti per aquam nimiam, laudem tui nominis decantantes, supplices deprecamur, ut in hac naui famulos tuos, repulsis aduersitatibus, portu semper obtabili cursuque tranquillo tuearis, per dominum.
Aa complendum.Sanctificati diuino mysterio. maiestatem tuam domine suppliciter deprecamur et petimus. ut quos donis facis celestibus interesse. per lignum sancte crucis. et a peccatis abstrahas. et a periculis cunctis miseratus eripias. per. LXXX.
Missa Pro Peccatis.Exaudi quaesumus domine supplicum preces. et confitentium tibi parce peccatis. ut pariter nobis indulgentiam tribuas benignus et pacem. per.
Infra actionem.Hanc igitur oblationem domine. quam tibi offerimus pro peccatis atque offensionibus nostris. ut omnium delictorum nostrorum remissionem consequi mereamur. quaesumus domine.
Ad complendum.Deus cui proprium est miserer[i] semper et parcere. suscipe deprecationem nostram. et quos delictorum catena constringit. miseratio tue pietatis absoluut. per. LXXXI.
Orationes in Tempore Belli.Omnipotens et misericors deus. a bellorum nos quaesumus turbine fac quietos. quia bona nobis cuncta prestabis si pacem dederis et mentis et corporis. per.
Alia.Omnipotens deus romani nominis inimicos. uirtute quaesumus tuae conprime maiestatis. ut populus tuus. et fidei integritate laetetur. et temporum tranquillitate semper exultet. per dominum. LXXXII.
Missa in Tempore Belli.Deus regnorum omnium. regumque dominator. qui nos et percutiendo sanas. et ignoscendo conseruas. pretende nobis misericordiam tuam. ut tranquillitate pacis. tua potestate firmata. ad remedia correctionis utamur. per.
Alia.Deus cuius regnum regnum est omnium seculorum. supplicationes nostras clementer exaudi. et christianorum regnum. tibi subditum protege. ut in tua uirtute fidentes. et tibi placeant. et super omnia regna precellant. per dominum.
Item alia.Deus qui conteris bella et impugnatores in te sperantium potentia tue defensionis expugnas. auxiliare implorantibus misericordiam tuam. ut omnium gentium feritate conpressa. indefessa te gratiarum actione laudemus. per dominum nostrum.
Super oblata.Sacrificium domine quod immolamus intende. ut ab omni nos exuat bellorum nequitia. et in tue protectionis securitate constituat. per dominum.
Ad complendum.Sacrosancti corporis et sanguinis domini nostri iesu christi refectione uegetati. supplices te rogamus omnipotens deus. ut hoc remedio singulari. ab omnium peccatorum nos contagione purifices. et a periculorum munias incursione cunctorum. per.
Lxxxiii. — Item Alia Missa.Hostium nostrorum quaesumus domine elide superbiam. et dexterę tuę uirtute prosterne. per dominum. Alia. Omnipotens deus christiani nominis inimicos. uirtute quaesumus tuę conprime maiestatis. ut populus tuus. et fidei integritate lętetur. et temporum tranquillitate semper exultet. per. Super oblata. Huius domine quaesumus uirtute mysterii. et a nostris mundemur occultis. et ab inimicorum liberemur insidiis. per. Ad complendum. Viuificet nos quaesumus domine participatio tui sancta mysterii. et pariter nobis expiationem tribuat et munimen. per.
Lxxxiii. — Item Alia Missa.Deus qui prouidentia tua cęlestia simul et terrena moderaris. propitiare christianorum rebus et regibus. ut omnis hostium fortitudo. te pro nobis pugnante frangatur. per dominum. Alia. Deus seruientium tibi fortitudo. regnorum propitius christianorum adesto semper principibus. ut quorum tibi subiecta est humilitas eorum ubique excellentior sit potestas. per dominum. Super oblata. Propitiare domine precibus et hostiis famulorum tuorum. et propter nomen tuum christiani nominis defende rectores. ut salus seruientium tibi principum. pax tuorum possit esse populorum. per. Ad complendum. Protege domine famulos tuos. subsidiis pacis et corporis. et spiritualibus enutriens eos alimentis. a cunctis hostibus redde securos. per dominum nostrum. LXXXV.
Missa Pro Pace.Deus a quo sancta desideria . reeta consilia . et iusta sunt opera . da seruis tuis illam quam mundus dare non potest pacem . ut et corda nostra mandatis tuis dedita . et hostium sublata formidine . tempora sint tua protectione tranquilla . per.
Super oblata.Deus qui credentes in te populos . nullis sinis concuti terroribus . dignare preces et hostias dicate tibi plebis suscipere . ut pax tua pietate concessa . christianorum fines ab omni hoste faciat esse securos . per.
Ad complendum.Deus auctor pacis et amator . quem nosse uiuere . cui seruire regnare est . protege ab omnibus impugnationibus sup<p>lices tuos . ut qui in defensione tua confidimus . nullius hostilitatis arma timeamus . per dominum.
Lxxxvi. Missa Pro Quacumque Tribulatione.Ineffabilem misericordiam tuam domine nobis clementer ostende. ut simul nos et a peccatis exuas. et a poenis quas pro his meremur eripias. per. Super oblata. Purificet nos domine quaesumus muneris præsentis oblatio. et dignos sacra participatione perficiat. per. Ad complendum. Præsta domine quaesumus ut terrenis affectibus expiati. ad superni plenitudinem sacramenti. cuius libauimus sancta tendamus. per.
Lxxxvii. Missa Pro Peste Animalium.Deus qui laboribus hominum etiam de mutis animalibus solatia subrogasti. supplices te rogamus. ut sine quibus non alitur humana conditio. nostris facias usibus non perire. per dominum. Super oblata. Sacrificiis domine placatus oblatis. opem tuam nostris temporibus clementer inpende. per dominum. Post communionem. Benedictionem tuam domine populus fidelis accipiat. qua corpore saluatus ac mente. et congruam tibi exhibeat seruitutem. et propitiationis tuæ beneficia semper inueniat. per. Alia. Auerte domine quaesumus a fidelibus tuis cunctos miseratus errores. et sequentium morborum depelle perniciem. ut quos merito flagellas deuios. foueas tua miseratione correctos. per dominum.
Lxxxviii. Missa in Contentione.Omnipotens sempiterne deus. qui superbis resistis et gratiam præstas humilibus. tribue quaesumus ut non indignationem tuam prouocemus elati. sed propitiationis tuæ capiamus dona subiecti. per. Ad complendum. Auxiliare domine quaerentibus misericordiam tuam: et da ueniam confitentibus: parce supplicibus: ut qui nostris meritis flagellamur: tua miseratione saluemur. per. Alia. Intende quaesumus domine preces nostras: et qui non operando iustitiam correptionem meremur afflicti: in tribulatione clamantes respiremus adiuti. per.
Ad complendum.Quos refecisti domine celesti mysterio propriis et alienis quaesumus propitiatus absolue delictis. ut diuino munere purificatis mentibus perfruamur. per.
Presta quaesumus domine ut mentium reproborum non curemus obloquium. sed eadem prauitate calcata exoramus. ut nec terreri nos lacerationibus patiaris iuiustis. nec captiosis adolationibus implicari. sed potius amare que precipis. per.
Ad complendum.Presta domine quaesumus, ut per hæc sancta quæ sumpsimus, dissimulatis lacerationibus inproborum, eadem te gubernante quæ recta sunt, cautius exsequamur, per.
Alia.Omnipotens sempiterne deus qui saluas omnes et neminem uis perire, aperi fontem benignitatis tuæ, et terram aridam aquis fluenti cœlestis dignanter infunde, per.
Deus in quo uiuimus, mouemur, et sumus pluviam nobis tribue congruentem, ut præsentibus subsidiis sufficienter adiuti, sempiterna fiducialius appetamus, per dominum.
Domine deus qui in mysterio aquarum salutis tuę nobis sacramenta sanxisti. exaudi orationem populi tui. et iube terrores inundantium cessare pluuiarum. flagellumque huius elementi ad effectum tui conuerte mysterii. ut qui se regenerantibus aquis gaudent renatos. gaudeant his castigantibus esse correctos. per.
Ad te nos domine clamantes exaudi. et aeris serenitatem nobis tribue supplicantibus. ut qui pro peccatis nostris iuste adfligimur. misericordia tua preueniente. clementiam sentiamus. per.
Super oblata.Preueniat nos quaesumus domine gratia tua semper et subsequatur. et has oblationes quas pro peccatis nostris nomini tuo consecrandas deferimus. benignus adsume. ut per intercessionem sanctorum tuorum. cunctis nobis proficiant ad salutem. per.
Deus qui omnium rerum tibi seruientium naturam per ipsos motus aeris ad cultum tuę maiestatis instituis. tranquillitatem nobis misericordie tuę remotis largire terroribus. ut cuius iram expauimus clementiam sentiamus. per dominum.
Super oblata.Offerimus domine laudes et munera. pro concessis beneficiis gratias referentes. et pro concedendis semper suppliciter deprecantes. per dominum.
Ad complendum.Omnipotens sempiterne deus qui nos et castigando sanas et ignoscendo conseruas. presta supplicibus tuis. ut et tranquillitatibus huius optate consolationis letemur. et dono tue pietatis semper utamur. per.
Xcvi. Orationes Et Preces Super Penitentem Confi-Tentem Peccata Sua More Solito. Feria .Iiiᵃ. Infra Quinquagesima.Exaudi domine preces nostras. et tibi confitentium parce peccatis. ut quos conscientie reatus accusat. indulgentia tuae miserationis absoluut. per.
Alia.Adesto domine supplicationibus nostris. nec sit ab hoc famulo tuo clementie tue longinqua miseratio. sana uulnera. eiusque remitte peccata. ut nullis a te iniquitatibus separatus. tibi domine semper ualeat adherere. per dominum.
Alia.Domine deus noster qui offensione nostra non uinceris. sed satisfactione placaris. respice quaesumus ad hunc famulum tuum. qui se tibi peccasse grauiter confitetur. tuum est ablutionem criminum dare. et ueniam prestare peccantibus. qui dixisti peni-tentiam te malle peccatorum quam mortem. concede ergo domine hoc ut tibi penitentie excubias celebret. et correctis actibus suis. conferri sibi a te sempiterna gaudia gratuletur. per.
Xcvii. Orationes Ad Reconciliandum Penitentem Feria .V. in Cena Domini.Adesto domine supplicationibus nostris. et me qui etiam misericordia tua primus indigeo clementer exaudi. ut quem non electione meriti. sed dono gratię tuę constituisti operis huius ministrum. da fiduciam tui muneris exsequendi. et ipse in nostro ministerio. quod tuę pietatis est operare. per.
Alia.Presta quaesumus domine huic famulo tuo dignum penitentię fructum. ut ecclesię tuę sanctę. a cuius integritate deuiarat peccando. admissorum reddatur innoxius ueniam consequendo. per dominum.
Item alia.Deus humani generis benignissime conditor. et misericordissime reformator. qui hominem inuidia diaboli ab aeternitate deiectum. unici filii tui sanguine redemisti. uiuifica hunc famulum tuum. quem tibi nullatenus mori desideras. et qui non de relinquis deuium. adsume correctum. moueant pietatem tuam quaesumus domine huius famuli tui lacrimosa suspiria. tu eius medere uulneribus. tu iacenti manum porrige salutarem. ne ecclesia tua aliqua sui corporis portione uastetur. ne grex tuus detrimentum sustineat. ne de familię tuę damno inimicus exultet. ne renatum lauacro salutari mors secunda possideat. tibi ergo domine supplices preces. tibi fletum cordis effundimus. tu parce confitenti. ut sic in hac mortalitate peccata sua te adiuuante defleat. qualiter in tremendi iudicii die. sententiam damnationis eternae euadat. et nesciat quod terret in tenebris. quod stridet in flammis. atque ab erroris uia ad iter reuersus iustitię. nequaquam ultra uulneribus saucietur/ sed integrum sit ei atque perpetuum. et quod gratia tua contulit. et quod misericordia reformauit. per eundem.
Alia.Respice domine famulum tuum illum in infirmitate sui corporis laborantem. et animam refoue quam creasti. ut castigationibus emendata. continuo se sentiat tua medicina saluatum. per.
Item alia.Deus qui facture tuę pio semper dominaris affectu, inclina aurem tuam supplicationibus nostris, et famulum tuum illum ex aduersa ualitudine corporis laborantem, placatus respice, et uisita in salutari tuo, ac cęlestis gratię presta medicinam, per.
Alia.Deus qui humano generi, et salutis remedium, et uitę aeternę munera contulisti, conserua famulo tuo illi tuarum dona uirtutum, ut concede ut medellam tuam non solum in corpore, sed etiam in anima sentiat, per.
Alia.Virtutum cęlestium deus, qui ab humanis corporibus omnem languorem et omnem infirmitatem precepti tui potestate depellis, adesto propitius huic famulo tuo illi ut fugatis infirmitatibus et uiribus receptis, nomen sanctum tuum instaurata protinus sanitate benedicat, per.
'Item' alia.Domine sancte pater omnipotens aeternę deus qui fragilitatem conditionis nostrae, infusa uirtutis tuę dignatione confirmas, ut salutaribus remediis pietatis tuę corpora nostra et ? membra uegetentur, super hunc famulum tuum propitiatus intende, ut omni necessitate corporeę infirmitatis exclusa, gratia in eo pristinę sanitatis perfecta reparetur, per.
Xcviii. — Missa Pro Infirmis.Omnipotens sempiterne deus salus aeterna credentium, exaudi nos pro famulis tuis illis, pro quibus misericordię tuę imploramus auxilium, ut reddita sibi sanitate, gratiarum tibi in ecclesia tua referant actionem, per.
Super oblata.Deus cuius nutibus uitę nostrae momenta decurrunt, suscipe preces et hostias famulorum famularumque tuarum, pro quibus misericordiam tuam egrotantibus imploramus, ut de quorum periculo metuimus, de eorum salute laetemur, per.
Domine sancte pater omnipotens aeternę deus. qui benedictionis tuę gratiam egʳris infundendo corporibus. facturam tuam multiplici pietate custodis. ad inuocationem nominis tui benignus adsiste. et hunc famulum tuum illum liberatum egritudine et sanitate donatum. dextera tua erigas. uirtute confirmes. potestate tuearis. ecclesię tuę sanctisque altaribus tuis. cum omni desiderata prosperitate restituas. per.
Deus misericors. deus clemens. qui secundum multitudinem miserationum tuarum peccata penitentium deles. et preteritorum criminum culpas. uenia remissionis cuacuas. respice super hunc famulum tuum. et remissionem sibi omnium peccatorum suorum. tota cordis confessione poscentem deprecatus exaudi. renoua in eo piissime pater quicquid terrena fragilitate corruptum. uel quicquid diabolica fraude uiolatum est. et in unitate corporis ecclesię tuę membrorum perfecta remissione restitue. miserere domine gemitum. miserere lacrimarum. et non habentem fiducia⟨m⟩. nisi in tua misericordia. ad sacramentum reconciliationis admitte. per.
Alia.Maiestatem tuam domine supplices deprecamur. ut huic famulo tuo illi longo squalore penitentię macerato. miserationis tuę ueniam largiri digneris. ut nuptiali ueste recepta. ad regalem mensam unde eiectus fuerat. mereatur introire. per.
Quando anima egreditur de corpore.Pio recordationis affectu fratres karissimy. commemorationem facimus cari nostri illius. quem dominus de temptationibus huius seculi adsumpsit. obsecrantes misericordiam dei nostri. ut ipse ei tribuere dignetur placidam et quietam mansionem. et remittat omnes lubricæ temeritatis offensas. ut concessa uenia plenæ indulgentiæ. quicquid in hoc seculo proprio reatudeliquid. totum ineffabili pietate ac benignitate sua deleat et abstergat. quod ipse præstare dignetur qui cum patre et spiritu sancto uiuit et regnat deus per omnia saecula.
Item alia.Deus cui omnia uiuunt. et cui non pereunt moriendo corpora nostra sed mutantur in melius. te supplices deprecamur. ut suscipi iubeas animam famuli tui illius. per manus sanctorum angelorum tuorum. deducendam in sinum amici tui abrahae patriarchæ. resuscitandamque in nouissimo magni iudicii die. et quicquid uitiorum fallente diabolo contraxit. tu pius et misericors ablue indulgendo. per.
Alia.Suscipe domine animam serui tui illius quam de ergastulo huius saeculi uocare dignatus es. et libera eam de principibus tenebrarum et de locis poenarum. ut absoluta omnium uinculo peccatorum. quietis ac lucis aeternæ beatitudine perfruatur. et inter sanctos et electos tuos in resurrectionis gloriam resuscitari mereatur. per dominum.
Alia.Non intres in iudicio cum seruo tuo domine illo. quoniam nullus apud te iustificabitur homo. nisi per te omnium peccatorum tribuatur remissio. non ergo eum tua quaesumus iudicialis sententia premat. quem tibi uera supplicatio fidei christianæ commendat. sed gratia tua illi succurrente. mereatur euadere iudicium ultionis. qui dum uiueret insignitus est signaculo trinitatis. per dominum. Item alia. Fac quaesumus domine hanc cum seruo tuo defuncto illo misericordiam. ut factorum suorum in poenis non recipiat uicem. qui tuam in uotis tenuit uoluntatem. ut sicut hic eum uera fides iunxit fidelium turmis. ita eum illic tua miseratio societ angelicis choris. per. Item alia. Inclina domine aurem tuam ad preces nostras. quibus misericordiam tuam supplices deprecamur. ut animam famuli tui illius quam de hoc seculo migrare iussisti. in pacis ac lucis regione constituas. et sanctorum tuorum iubeas esse consortem. per dominum. Alia. Absolue domine animam famuli tui illius ab omni uinculo delictorum. ut in resurrectionis gloria. inter sanctos tuos resuscitatus respiret. per.
Alia. Annue nobis domine ut anima famuli tui illius. remissionem quam semper obtauit mereatur percipere peccatorum. per. Post haec continuatim canantur psalmi et postea dicantur capitula. In memoria aeterna erit iustus. Ne tradas bestiis animas confitentium tibi. Pretiosa in conspectu domini mors sanctorum eius. Non intres in iudicio cum seruo tuo domine. Requiem aeterna⟨m⟩ dona ei domine.
Incipiunt orationes post lauationem corporis.Deus uite dator. et humanorum corporum reparator. qui te a peccatoribus exorari uoluisti. exaudi preces quas speciali deuotione pro anima famuli tui illius tibi lacrimabiliter fundimus. ut liberare eam ab inferorum cruciatibus. et conlocare inter agmina sanctorum tuorum digneris. ueste quoque celesti et stola inmortalitatis indui. et paradisi amoenitate confoueri iubeas. per dominum.
Item alia.Deus qui humanarum animarum aeternus amator es. animam famuli tui illius quam uera dum in corpore maneret tenuit fides. ab omni cruciatu inferorum redde extorrem. ut segregata ab infernalibus claustris. sanctorum mereatur adunari consortiis. per.
Orationes ante sepulchrum prius quam sepeliatur.Obsecramus misericordiam tuam aeternę omnipotens deus. qui hominem ad imaginem tuam creare dignatus es. ut spiritum et animam famuli tui illius. quem hodierna die rebus humanis eximi et ad te accessire iussisti. blande et misericorditer suscipias. non ei dominentur umbrę mortis. nec tegat eum chaos et caligo tenebrarum. sed exutus omnium criminum labe. in sinu abrahę patriarchę conlocatus. locum lucis et refrigerii. se adeptum esse gaudeat. et cum dies iudicii aduenerit. cum sanctis et electis tuis eum resuscitari iubeas. per.
Item alia.Deus apud quem mortuorum spiritus uiuunt. et in quo electorum animę deposito carnis onere plena felicitate lętantur. presta supplicantibus nobis. ut anima famuli tui illius quę temporali per corpus uisionis huius luminis caruit uisu. aeternę illius lucis solatio potiatur. non eum tormentum mortis adtingat. non dolor horrende uisionis afficiat. non poenalis timor excruciet. non reorum proxima catena constringat. sed concessa sibi delictorum omnium uenia. optatę quietis consequatur gaudia repromissa. per.
Oratio post sepultum corpus.Oremus fratres karissimy pro spiritu cari nostri illius. quem dominus de laqueo huius saeculi liberare dignatus est. cuius corpusculum hodie sepulturę traditur. ut eum pietas domini in sinu abrahę et isaac et iacob conlocare dignetur. ut cum dies iudicii aduenerit. inter sanctos et electos suos eum in parte dextera conlocandum resuscitari faciat. pręstante domino nostro iesu christo qui cum patre et spiritu sancto uiuit deus per omnia saecula saeculorum. Item alia. Deus qui iustis supplicantibus semper pręsto es. qui pia uota dignaris intueri. da famulo tuo illi cuius depositioni hodie officia humanitatis exhibemus. cum sanctis atque fidelibus tuis beati muneris portionem. per dominum. Alia. Debitum humani corporis sepeliendi officium fidelium more complentes. deum cui omnia uiuunt fideliter deprecemur. ut hoc corpus cari nostri illius a nobis in infirmitate sepultum. in ordine sanctorum suorum resuscitet. et eius spiritum sanctis ac fidelibus adgregari iubeat. cum quibus inenarrabili gloria. et perenni felicitate perfrui mereatur. pręstante domino nostro iesu christo qui cum patre et spiritu sancto uiuit et regnat deus.
Alia. Temeritatis quidem est domine. ut homo hominem. mortalis mortalem. cinis cinerem. tibi domino deo nostro audeat commendare. sed quia terra suscipit terram. et puluis conuertitur in puluerem. donec omnis caro in suam redigatur originem. inde tuam deus piissime pater lacrimabiliter quaesumus pietatem. ut huius famuli tui illius animam quam de huius mundi uoragine cenulenta ducis ad patriam abrahę amici tui sinu recipias. et refrigerii rore perfundas. sit ab aestuantis gehennę truci incendio segregatus. et beatę requiei te donante coniunctus. et si que illi sunt domine digne cruciatibus culpę. tu eas gratię mitissime lenitate indulge. nec peccati recipiat uicem. sed indulgentię tuę piam sentiat bonitatem. cumque finito mundi termino supernum cunctis inluxerit regnum. omnium sanctorum coetibus adgregatus. cum electis resurgat in parte dexterę coronandus. per.
Alia.Tibi domine commendamus anima<m> famuli tui illius ut defunctus seculo tibi uiuat. et si qua per fragilitatem mundanę conuersationis peccata admisit. tu uenia misericordissimę pietatis absterge. per dominum. CIII.
Missa Unius Defuncti.Omnipotens sempiterne deus cui numquam sine spe misericordie supplicatur. propitiare animę famuli tui illius. ut qui de hac uita in tui nominis confessione discessit. sanctorum tuorum numero facias adgregari. per dominum.
Super oblata.Propitiare quaesumus domine animę famuli tui illius pro qua tibi hostias placationis offerimus. et quia in hac luce in fide mansit catholica. in futura uita eius retributio condonetur. per.
Infra actionem.Hanc igitur oblationem quam tibi pro requie animę famuli tui illius offerimus. quaesumus domine placatus accipias. et tua pietate concedas. ut mortalitatis nexibus absoluta. inter fideles tuos mereatur habere portionem. per.
Ad complendum.Presta quaesumus omnipotens deus ut animam famuli tui illius ab angelis lucis susceptam. in preparatis habitaculis deduci facias beatorum. per. CIII.
Missa Pro Defuncto Nuper Baptizato.Deus qui ad céleste regnum. non nisi renatis per aquam et spiritum sanctum pandis introitum. multiplica super animam famuli tui illius misericordiam tuam, et cui donasti celestem et incontaminatum transitum post baptismi sacramentum, da ei aeternorum plenitudinem gaudiorum, per dominum.
Super oblata.Propitiare domine supplicationibus nostris pro anima famuli tui illius, pro qua tibi offerimus sacrificium laudis, ut eam sanctorum tuorum consortio sociare digneris, per dominum.
Infra actionem.Hanc igitur oblationem quam tibi offerimus domine pro anima famuli tui illius benignus adsume, eumque regenerationis fonte purgatum, et periculis uite huius exutum, beatorum numero digneris inserere spirituum, quam oblationem.
Ad complendum.Propitiare domine anime famuli tui illius, ut quem in fine istius uite regenerationis fonte mundasti, ad celestis regni beatitudinem facias peruenire, per.
Missa pro Defunctis Desiderantibus Penitentiam et Minime Consequentibus
Si quis penitentiam petens, dum sacerdos uenit, fuerit officio linguae priuatus, constitutum est ut si idonea testimonia hoc dixerint, et ipse per motus aliquos satisfacit, sacerdos impleat omnia circa penitentem ut mos est.
Ad missas.Omnipotens et misericors deus, in cuius humana conditio potestate consistit, animam famuli tui illius quaesumus ab omnibus absolue peccatis, et penitentie fructum, quem uoluntas eius obtauit, preuentus mortalitatis non perdat, per.
Super oblata.Satisfaciat tibi domine quaesumus pro anima famuli tui illius sacrificii presentis oblatio, et peccatorum ueniam quam quesiuit inueniat, et quod officio linguae implere non potuit, desiderate penitentie compensatione percipiat, per.
Infra actionem.Hanc igitur oblationem quam tibi offert famula tua illa pro anima famuli tui illius cuius depositionis diem illum celebramus, quaesumus domine ut placatus accipias, et ineffabili pietate concedas, ut quod exsequi preuentus conditione mortali ministerio linguæ non potuit, mereatur indulgentia sempiterna. Diesque nostros.
Ad complendum.Deus a quo speratur humani corporis omne quod bonum est, tribue per hæc sancta quaesumus, ut sicut animæ famuli tui illius penitentiæ uelle donasti, sic indulgentiam tribue miseratus optatam, per.
Præsta domine quaesumus ut anima famuli tui illius, cuius anniuersarium depositionis diem celebramus, his purgata sacrificiis, indulgentiam pariter et requiem capiat sempiternam, per.
Super oblata.Propitiare domine supplicationibus nostris, pro anima et spiritu famuli tui illius, cuius hodie annua dies agitur, pro qua tibi offerimus sacrificium laudis, ut eam sanctorum tuorum consortio sociare digneris, per.
Infra actionem.Hanc igitur oblationem domine quam tibi offerimus pro anima famuli tui illius cuius hodie annua dies agitur, quaesumus placatus intende, eamque mortalitatis nexibus absolutam, inter tuos fideles ministros, habere perpetuam iubeas portionem, quam oblationem.
Ad complendum.Suscipe domine præces nostras pro anima famuli tui illius, ut si quæ ei maculæ de terrenis contagiis adhæserunt, remissionis tuæ misericordiæ deleantur, per.
Infra actionem.Hanc igitur oblationem quam tibi pro requie animarum famulorum famularumque tuarum offerimus. quaesumus domine propitius intuere. et concede ut mortuis prosit ad ueniam. quod cunctis uiuentibus preparare dignatus es ad medellam. diesque nostros.
Ad complendum.Inueniant quaesumus domine anime famulorum famularumque tuarum illorum et illarum. omniumque in christo quiescentium. lucis aeterne consortium. qui in hac luce positi. tuum consecuti sunt sacramentum. per. CVIII.
Item Alia Missa.Fidelium deus omnium conditor et redemptor. animabus famulorum famularumque tuarum. remissionem cunctorum tribue peccatorum. ut indulgentiam quam semper optauerunt. piis supplicationibus consequentur. per.
Super oblata.Hostias quaesumus domine quas tibi pro animabus famulorum famularumque tuarum offerimus propitiatus intende. ut quibus fidei christiane meritum contulisti. dones et premium. per.
Infra actionem.Hanc igitur oblationem quam tibi pro commemoratione animarum in pace dormientium suppliciter immolamus. quaesumus domine benignus accipias. et tua pietate concedas. ut et nobis proficiat huius pietatis affectus. et illis impetret beatitudinem sempiternam. Quam oblationem.
Ad complendum.Animabus quaesumus domine famulorum famularumque tuarum illorum et illarum oratio proficiat supplicantium. ut eas et a peccatis exuas. et tue redemptionis facias esse participes. per dominum. CVIII.
Item Alia Missa.Animabus quaesumus domine famulorum famularumque tuarum . misericordiam concede perpetuam . ut eis proficiat in aeternum . quod in te sperauerunt et crediderunt . per. Super oblata. His quaesumus domine placatus intende muneribus . et quod ad laudem tui nominis supplicantes offerimus . ad indulgentiam proficiat defunctorum . per. Ad complendum. Supplices quaesumus domine pro animabus famulorum famularumque tuarum preces effundimus . sperantes . ut quicquid conuersatione contraxerunt humana . et clementer / indulgeas . et in tuorum sede laetantium constituas redemptorum . per dominum. CX.
Missa in Cimiteriis.Deus cuius miseratione . anime fidelium requiescunt . famulis tuis illis et illis uel omnibus hic in christo quiescentibus da propitius ueniam peccatorum . ut a cunctis reatibus absoluti . sine fine letentur . per. Super oblata. Pro animabus famulorum tuorum illorum et illarum et hic omnium catholicorum dormientium . hostiam domine suscipe benignus oblatam . ut hoc sacrificio singulari uinculis horrende mortis exuti uitam mereantur aeternam . per. Infra actionem. Hanc igitur oblationem quam tibi offerimus domine pro tuorum requie famulorum et famularum illorum et illarum . et omnium fidelium catholicorum . orthodoxorum . in hac basilica in christo quiescentium . et qui in circuitu huius ecclesiæ requiescunt . quaesumus domine placatus accipias . ut per hæc salutis humanæ subsidia . in tuorum numero redemptorum . sorte perpetua censeantur . per.
Ad complendum.Deus fidelium lumen animarum, adesto supplicationibus nostris, et da famulis uel famulabus tuis illis et illis uel quorum corpora hic requiescunt refrigeri sedis quietem beatitudinem, luminis claritatem, per.
Sanctorum tuorum intercessionibus quaesumus domine, et nos protege, et famulis et famulabus tuis quorum commemorationem agimus, uel quorum elemosynas recepimus, seu etiam his qui nobis familiaritate iuncti sunt misericordiam tuam ubique p etende, ut ab omnibus impugnationibus defensi, tua opitulatione saluentur, et animas famulorum famularumque tuarum, omnium uidelicet fidelium, catholicorum orthodoxorum, quorum commemorationem agimus, et quorum corpora in hoc monasterio requiescunt, uel quorum nomina ante sanctum altare tuum scripta adesse uidentur, electorum tuorum iungere digneris consortio, per dominum.
Super oblata.Propitiare domine supplicationibus nostris, et has oblationes quas pro incolomitate famulorum famularumque tuarum, et pro animabus omnium fidelium, catholicorum, orthodoxorum, quorum nomina ante sanctum altare tuum scripta adesse uidentur, nomini tuo consecrandas deferimus, benignus adsume. ut sacrificii presentis oblatio, ad refrigerium animarum eorum, te miserante perueniat, per dominum.
Ad complendum.Purificet nos quaesumus domine et diuini sacramenti perceptio, et gloriosa sanctorum tuorum oratio, et animabus famulorum famularumque tuarum quorum commemorationem agimus, remissionem cunctorum tribue peccatorum, per. 1 sedis sedem O (sec. curis: ut videtur sedes pr. man.) 2 quietem quietis O (sec. curis: ut videtur quietes pr. man.) 3 cxi. sic etiam O. 6 fidelium catholicorum Haec verba in O sunt partim super rasuram, partim in margine: ut videtur fidelium omissum fuit prima manu. 7 scripta adesse adscripta esse O (man. pr.; sec. curis scripta adesse). 8 sacrificii sacrificium O, man. pr.; sacrificii per rasuram. CXII.
Supplementum: Benedictiones Salis, Aquae, Domus et Cibi
Exorcizo te creatura salis per deum uiuum, per deum uerum, per deum sanctum, per deum qui te per heliseum prophetam in aquam mitti iussit ut sanaretur sterelitas aquæ, ut efficiaris sal exorcizatum in salutem credentium, et sis omnibus te sumentibus sanitas animæ et corporis, et effugiat atque discedat ab eo loco quo aspersus fueris, omnis fantasia, et nequitia, uel uersutia diabolicæ fraudis, omnisque spiritus inmundus, adiuratus per eum qui uenturus est iudicare uiuos et mortuos et sœculum per ignem. Amen. CXIII.
Benedictio Salis.Inmensam clementiam tuam omnipotens aeternæ deus humiliter imploramus, ut hanc creaturam salis quam in usum generis humani tribuisti, benedicere et sanctificare tua pietate digneris, ut sit omnibus sumentibus salus mentis et corporis, et quicquid eo tactum uel respersum fuerit, careat omni inmunditia, omnique inpugnatione spiritalis nequitiae, per dominum. CXIIII.
Exorcismus Aquae.Exorcizo te creatura aquae in nomine dei patris omnipotentis, et in nomine iesu christi filii eius domini nostri, ut fias aqua exorcizata ad effugandam omnem potestatem inimici, et ipsum inimicum eradicare et explantare, cum angelis suis apostaticis per uirtutem domini nostri iesu christi. CXV.
Benedictio Aquae.Deus qui ad salutem humani generis, maxima quæque sacramenta in aquarum substantia condidisti, adesto inuocationibus nostris, et elemento huic multimodis purificationibus præparato, uirtutem tuæ benedictionis effunde, ut creatura mysterii tui tibi seruiens, ad abiciendos dæmones, morbosque pellendos, diuine gratiæ sumat effectum, ut quicquid in domibus uel in locis fidelium hæc unda resperserit, careat inmunditia, liberetur a noxa, non illic resideat spiritus pestilens, non aura corrumpens, discedᵗant] omnes insidiæ latentis inimici, et si quid est quod aut incolomitati habitantium inuidet . aut quieti aspersione huius aquæ effugiat . ut salubritas per inuocationem tui nominis expetita . ab omnibus sit inpugnationibus defensa . per.
Hic mittatur sal in aqua. Deus inuictę uirtutis auctor et inseparabilis imperii rex . ac semper magnificus triumphator . qui aduersę dominationis uires reprimis . qui inimici rugiëntis seuitiam superas . qui hostiles nequitias potens expugnas . te domine trementes et supplices deprecamur ac petimus . ut hanc creaturam salis et aqua<e>. dignanter accipias . benignus inlustris pietatis tuę more sanctifices . ut ubicumque fuerit aspersa per inuocationem sancti tui nominis . omnis infestatio inmundi spiritus abiciatur . terrorque uenenosi serpentis procul pellatur . et presentia sancti spiritus . nobis misericordiam tuam poscentibus ubique adesse dignetur . per dominum nostrum iesum christum filium tuum qui tecum uiuit et regnat deus in unitate eiusdem spiritus sancti . per omnia saecula.
Cxvii. Oratio Quando Aqua Spargitur in Domo.Exaudi nos domine sancte pater omnipotens sempiterne deus . et mittere dignare angelum tuum sanctum de cælis . qui custodiat . foueat . protegat uisitet et defendat omnes habitantes in hoc habitaculo . per dominum.
Cxviii. Benedictio Domus.Adesto domine supplicationibus nostris . et hanc domum serenis oculis tuę pietatis inlustra . descendat super inhabitantes in ea gratię tuę larga benedictio . ut in his manufactis habitaculis . cum salubritate manentes . ipsi tuum semper sint habitaculum . per. Alia. Exaudi nos domine sancte pater omnipotens aeternę deus . ut si qua sunt aduersa . si qua contraria . in hac domo famuli tui illius . auctoritate maiestatis tuę pellantur . per.
Cxviii. Oratio Contra Fulgora.Primum spargatur aqua benedicta, et postea dicatur ista oratio. Omnipotens sempiterne deus, parce metuentibus et propitiare supplicibus, ut post noxios ignes, nubium et uim procellarum, in materiam transeat laudis, comminatio potestatis, per dominum.
Cxx. Oratio Super Uasa in Loco Antiquo Reperta.Omnipotens sempiterne deus, l'insere te officiis nostris, et hæc uascula, arte fabricata gentilium, sublimitatis tuæ potentia, ita emundare digneris, ut omni inmunditia depulsa sint tuis fidelibus tempore pacis, atque tranquillitatis utenda, per.
Cxxi. Benedictio Putei.Deprecamur domine clementiam pietatis tuæ, ut aquam putei huius cœlesti benedictione sanctifices, et ad communem uitam concedas salubrem, et ita ex eo fugare digneris omnem diabolicæ temptationis incursum, ut quicumque ex eo ab hinc hauserint, biberintue, uel in quibuslibet necessariis usibus hausta aqua usus fuerit, totius uirtutis ac sanitatis dulcedine perfruatur, ut tibi semper sanctificatori et saluatori omnium domino, gratias agere mereatur, per dominum.
Cxxii. Benedictio Uuae Uel Fauæ.Benedic domine hos fructus nouos uuae siue fauæ, quos tu domine per rorem cœli et inundantiam pluuiarum et tempore serena atque tranquilla ad maturitatem perducere dignatus es, ad percipiendum nobis cum gratiarum actione in nomine domini nostri iesu christi, qui tecum uiuit.
Cxxiii. Benedictio Ad Fruges Nouas.Domine sancte pater omnipotens aeternæ deus, qui cœlum et terram mare et omnia creasti, te supplices quaesumus ut hunc fructum nouum benedicere et sanctificare digneris. et multiplicare abundanter offerentibus tibi. ut repleas eorum cellaria cum fortitudine frumenti. et uini. ut lętantes in eis. referant tibi deo omnipotenti laudes et gratias. per.
Cxxiiii. [Benedictio Ad Omnia Quē Uolueris.Benedic domine creaturam istam. ut sit remedium salutare generi humano. et presta per invocationem nominis tui. ut quicumque ex ea sumpserit. corporis sanitatem et animę tutelam percipiat. per. CXXV.
Benedictio Panis.Benedic domine creaturam istam panis. sicut benedixisti quinque panes in deserto. ut omnes gustantes ex eo. accipiant tam corporis quam animę sanitatem. qui uiuis cum deo patre. CXXVI.
Orationes Ante Cibum.Refice nos domine donis tuis. et opulentię tuę largitate sustenta. per. Alia. Benedic domine dona tua. quę de tua largitate sumus sumpturi. per.
Orationes Super Mensam.Benedicantur nobis domine tua dona quę de tua largitate nobis ad remedium deducta sunt. qui es deus benedictus et regnas per omnia saecula saeculorum. Alia. Sanctę dei genetricis marię gloriosę et intemeratę uirginis orationibus quod nobis appositum est redemptor omnium benedicat. Alia. Beati petri principis apostolorum interuentionibus quę nobis ad medium sunt prolata christus dei filius benedicat.
Orationes post cibum.Satiati domine opulentię tuę donis. tibi gratias agimus pro his quę te largiente suscepimus. obsecrantes misericordiam tuam. ut quod corporibus nostris necessarium fuit. mentibus non sit onerosum. per.
Alia.Satiasti nos domine de tuis donis ac datis. reple nos de tua misericordia. quia tu es benedictus. qui cum patre et spiritu sancto uiuis et regnas deus per omnia saecula saeculorum.
Omnipotens et misericors deus. qui sacerdotum ministerio ad tibi seruiendum et supplicandum uti digneris. quaesumus inmensam clementiam tuam. ut quicquid modo uisitamus uisites. quicquid benedicimus benedicas. sitque ad nostrę humilitatis introitum. sanctorum tuorum meritis fuga dęmonum. angeli pacis ingressus. per.
Cxxviii. Oratio Ubi Uestimenta Conseruantur.Deus qui famulantibus tibi mentis et corporis subsidia misericorditer largiris. presta quaesumus ut quę hic pietas tua in usus et necessaria corporum famulorum tuorum contulit. clementer abundare et conseruare facias. ut his exterius utentes. interius indumento amicti iustitię. deuoti semper tibi existere mereantur. per.
Cxxviii. — Oratio in Refectorio.Omnipotens et misericors deus. qui famulos tuos in hac domo alis refectione carnali. cibum uel potum te benedicente cum gratiarum actione percipiant. et hic et in aeternum per te semper salui esse mereantur. per.
CXXX. — Oratio in Dormitorio.Benedic domine hoc famulorum tuorum dormitorium. qui non dormis neque dormitas qui custodis israhel. famulos tuos in hac domo quiescentes post laborem custodi ab inlusionibus fantasmaticis satanę . uigilantes in præceptis tuis . meditentur dormientes . te per soporem sentiant . et hic et ubique defensionis tuę auxilio muniantur . per.
Cxxxi. Oratio in Cellario.Omnipotens et misericors deus . qui ubique presens es . maiestatem tuam suppliciter deprecamur . ut huic promptuario gratia tua adesse dignetur . que cuncta aduersa ab eo repellat . et abundantiam benedictionis tuę largiter infundat . per.
Cxxxii. Oratio in Scriptorio.Benedicere digneris domine hoc scriptorium famulorum tuorum et omnes habitantes in eo . ut quicquid hic diuinarum scripturarum ab eis lectum uel scriptum fuerit . sensu capiant . opere perficiant . per.
Cxxxiii. Oratio in Hospitale.Omnipotens et misericors deus . qui es doctor cordium humanorum . et magister angelorum . te humiliter quaesumus ut cordibus famulorum tuorum ob gratiam salutationis locum hunc frequentantium semper adesse digneris . sit eorum sermo in timore tuo ignitus atque sale conditus . utilitate proximi plenus . ut cum hinc aduenientes recesserint . de exemplo eorum gloriam tui nominis prædicent . per.
Cxxxiii. Oratio in Domo Infirmorum.Omnipotens et misericors deus quaesumus inmensam pietatem tuam . ut ad introitum humilitatis nostrae hos famulos tuos . hoc in habitaculo fessos iacentes . salutifere uisitare digneris . et sicut uisitasti domine tobiam et sarram . socrum petri . puerumque centurionis . ita et isti pristina sanitate animę corporisque recepta . gratiarum tibi in ecclesia tua referant actionem . per.
Cxxxv. Oratio in Area.Multiplica domine super nos misericordiam tuam . et preces nostras propitius exaudire dignare . et sicut exaudisti famulum tuum regem dauid qui te in area hostias offerendo placuit . iram auertit . indulgentiam impetrauit . ita ueniat quaesumus super hanc aream speratę benedictionis ubertas . ut repleti frugibus tuis . de tua semper misericordia gloriemur . per.
Cxxxvi. Oratio in Granario.Omnipotens et misericors deus qui benedixisti horrea ioseph. aream gedeonis. et adhuc quod maius est iacta terrę semina surgere facis cum fęnore messis. te humiliter quaesumus ut sicut ad petitionem famuli tui helię non defuit uidue farina. ita ad nostrae paruitatis suffragia. huic horreo famulorum tuorum. non desit benedictionis tuę habundantia. per.
Cxxxvii. in Pistrino.Sanctificetur istius officinę locus domine. et fugetur ab eo omnis inmundus spiritus. per uirtutem domini nostri iesu christi. deturque omnibus in eo commorantibus sanitas. claritas. hilaritas. protegente ac conseruantem maiestatem tuam omnipotens deus qui uiuis et regnas.
Cxxxviii. Oratio in Quoquina.Deus aeternę ante cuius conspectum adsistunt angeli. et cuius nutu reguntur uniuersa. qui etiam necessariis humanę fragilitatis tua pietate consulere non desinis. te humiliter imploramus ut habitaculum istius officinę. illa benedictione perfundas. qua per manus helisei prophetę in olla heremitica gustus amarissimos dulcorasti. et semper hic. tuę benedictionis copia redundante. laudes tibi referant serui tui. qui das escam omni carni. et reples omne animal benedictione. saluator mundi qui uiuis et regnas.
Cxxxviiii. in Lardario.Omnipotens et misericors deus. qui necessitatem humani generis clementer preuidens. adminicula temporalia contulisti. te humiliter imploramus ut benedicere digneris hoc lardarium famulorum tuorum. ut quod tua misericordia pie contulit. nostro merito non depereat. per.
Cxl. Oratio in Caminata.Omnipotens sempiterne deus. cuius sapientia hominem docuit. ut domus hęc careret aliquando frigore a uicinitate ignis. te quaesumus ut omnes habitantes uel conuenientes in ea. careant in corde infidelitatis frigore a feruore ignis spiritus sancti. per dominum nostrum iesum christum filium tuum qui tecum uiuit et regnat deus in unitate eiusdem spiritus sancti. per omnia.
Matutina supplicantium uota domine propitius intuere. et occulta cordis nostri remedio tuę clarifica piet<at>is. ut desideria tenebrosa non teneant. quos lux cęlestis gratię reparauit. per dominum. Alia. Emitte quaesumus domine lucem tuam in cordibus nostris. ut mandatorum tuorum lege percepta. in uia tua ambulantes nihil patiamur erroris. per dominum. Alia. Omnipotens sempiterne deus apud quem nihil obscurum est nihil tenebrosum. emitte lucem tuam in cordibus nostris. ut supra. per dominum. Alia. Deus qui uigilantes in laudibus tuis cęlesti mercede remuneras. tenebras de cordibus nostris auferre digneris. ut splendore luminis tui semper gaudeamus. per. Alia. Gratias tibi agimus domine sanctę pater omnipotens aeternę deus. qui nos de transacto noctis spatio ad matutinas horas perducere dignatus es. quaesumus ut dones nobis diem hunc sine peccato transire. quatenus ad uesperum et semper tibi deo gratias referamus. per dominum. Alia. Exsurgentes de cubilibus nostris. auxilium gratię tuę matutinis domine precibus imploramus. ut discussis tenebris uitiorum. ambulare mereamur in luce uirtutum. per.
Alia. Auge in nobis domine quaesumus fidem tuam. et spiritus sancti lucem in nobis semper accende. per. Alia. Gratias agimus inenarrabili pietati tuę omnipotens deus. qui nos depulsa noctis caligine. ad diei huius principium perduxisti. et abiecta ignorantię cecitate. ad cultum tui nominis atque scientiam reuocasti. inlabere sensibus nostris omnipotens pater. ut in preceptorum tuorum lumine gradientes. te ducem sequamur et principem. per. Alia. Deus qui tenebras ignorantię uerbi tui luce depellis. auge in cordibus nostris uirtutem fidei quam dedisti. ut ignis quem gratia tua fecit accendi. nullis temptationibus possit extingui. per. Alia. Auribus percipe quaesumus domine uerba oris nostri clamoremque matutinum pius scrutator intellege. ut orandi ad te nobis sit fida deuotio. tuaque donetur nobis diluculo contemplatio. et peccatorum omnium exoptata remissio. per dominum. Alia. Veritas tua quaesumus domine luceat in cordibus nostris. et omnis falsitas destruatur inimici. per. Alia. Sensibus nostris quaesumus domine lumen sanctum tuum benignus infunde. ut tibi semper simus deuoti. cuius sapientia creati sumus et prouidentia gubernamur. per.
Orationes Uespertinales.Oriatur domine nascentibus tenebris aurora iustitię. ut peracto die tibi suppliciter gratias agentes. etiam mane dignanter respicias uota soluentes. per. Alia. T'uus est dies domine et tua est nox. concede solem iusti<ti>e permanere in cordibus nostris. ad repellendas tenebras cogitationum iniquarum. per dominum. Alia. Gratias tibi agimus domine custoditi per diem. grates tibi exsoluimus custodiendi per noctem. representa nos quaesumus domine matutinis horis incolomes. ut nos omni tempore habeas laudatores. per. Alia. Omnipotens sempiterne deus uespere et mane et meridie maiestatem tuam suppliciter deprecamur. ut expulsis de cordibus nostris peccatorum tenebris. ad ueram lucem que christus est nos facias peruenire. per eundem. Alia. Deus qui inluminas noctem et lucem post tenebras facis. concede nobis ut hanc noctem sine impedimento satanę transcamus. atque matutinis horis ad altare tuum recurrentes. tibi deo gratias referamus. per. Alia. Vespertinę laudis officia persoluentes. clementiam tuam domine humili prece deposcimus. ut nocturni insidiatoris fraudes. te protegente uincamus. per.
Alia. Propitiare domine uespertinis supplicationibus nostris. et fac nos sine ullo reatu matutinis tibi laudibus presentari. per. Alia. Quaesumus domine deus noster diei molestias. noctis quiete sustenta. ut necessaria temporum uicissitudine succedente. nostra reficiatur infirmitas. per dominum. Alia. Exaudi domine famulos tuos. uespertina nomini tuo uota reddentes. et quos per singula diei momenta seruasti. per noctis quietem custodire dignare. per.
Omnipotens sempiterne deus, a cuius facie celi distillant, montes sicut cera liquescunt, terra tremit, cui patent abyssi, quem infernus pauescit, quem omnis irarum motus aspiciens humiliatur, te supplex deprecor dominator domine, ut inuocatione nominis tui, ab huius famuli tui uexatione inimicus confusus abscedat, et ab huius possessione anima liberata, ad auctorem sue salutis recurrat, liberatoremque suum diabolico fetore depulso, et odore suauissimo spiritus sancti percepto sequatur, per.
Domine sancte pater omnipotens sempiterne deus, uirtutem tuam totis exoro gemitibus, pro huius famuli tui diabolo oppressa infantia, qui etiam indignis inter pressuras donas presidium, exsurge pro huius infantia debellata, et noli diu retinere uindictam, nec ante conspectum tuum ueniant parentum delicta, qui nec pro filio patrem, nec pro patre promisisti filium iudicari, auxiliare quaesumus inimici furore uexato, ne sine baptismate facias eius animam a diabolo possideri, sed potius tenera aetas maligni oppressionibus liberata, tibi referat gratias sempiternas, per dominum nostrum iesum christum filium tuum qui uenturus est iudicare uiuos et mortuos et saeculum per ignem.
Deus angelorum, deus archangelorum, deus prophetarum, deus apostolorum, deus martyrum, deus uirginum, deus pater domini nostri iesu christi, inuoco nomen sanctum tuum, ac preclare maiestatis tue clementiam supplex exposco, ut mihi auxilium prestare digneris, aduersus hunc nequissimum spiritum, ut ubicumque latet, audito nomine tuo, uelociter exeat uel recedat; Ipse tibi imperat diabole, qui uentis et mari uel tempestatibus imperauit. Ipse tibi imperat qui te de supernis célorum, in inferiora terrè demergi præcepit. Ipse tibi imperat, qui te retrorsum redire præcepit. Audi ergo et time satanas uictus et prostratus, abscede in nomine domini nostri iesu christi. Tu ergo nequissime satanas, inimicus fidei, generis humani mortis raptor, iustitiè declinator, malorum radix, fomes uitiorum, seductor hominum, perditor gentium, incitator inuidie, origo auaritiè, causa discordiè, excitator dolorum, démonum magister, 'quid' stas et resistis, cum scis eum tuas perdere uires, illum metue qui in isaac immolatus est, in ioseph uenundatus, in agno occisus, in homine crucifixus, deinde triumphator, recede. In nomine patris et filii et spiritus sancti, et da locum spiritui sancto per hoc signum crucis christi domini nostri, qui cum patre et spiritu sancto uiuit et regnat deus.
Item alia.Deus conditor et defensor generis humani, qui hominem ad imaginem et similitudinem tuam formasti, respice super famulum tuum hunc, qui dolis inuidi serpentis adpetitur, quem uetus aduersarius et hostis antiquus atrè formidinis horrore circumuolat, et sensum mentis humanè stupore defigit, terrore conturbat, et metu trepidi timoris exagitat, repelle domine uirtutem diaboli, fallacesque eius insidias amouè, procul impius temptator aufugiat, sit nominis tui signo famulus tuus et animo tutus et corpore, tu pectoris huius interna custodias tu uiscera regas, tu corda confirmes, in anima aduersariè potestatis temptamenta uanescant; Da ad hanc inuocationem nominis tui gratiam, ut qui hucusque terrebat, territus habeat et uictus abscedat, tibique possit hic seruus tuus corde firmato et mente sincera debitum prebere famulatum, per.
Alia.Domine sanctè pater omnipotens aeternè deus, osanna in excelsis, pater domini nostri iesu christi, qui illum refugam tyrannum gehennè deputasti, 'qui unigenitum tuum in hunc mundum misisti, ut illum rugientem leonem contereret, uelociter adtende, adcelera ut eripias hominem ad imaginem et similitudinem tuam creatum. a ruina et demonio meridiano. da domine terrorem tuum super bestiam que exterminauit uineam tuam. da fiduciam seruis tuis contra nequissimum draconem fortiter stare. ne contempnat sperantes in te et dicat. sicut in pharaone iam dixit deum non noui. nec israel dimitto. Urgeat illum domine dextera tua potens disce<de>re a famulo tuo. ne diutius praesumat captiuum tenere hominem. quem tu ad imaginem tuam facere dignatus es. Adiuro te ergo serpens antique per iudicem uiuorum et mortuorum. per factorem mundi. per eum qui habet potestatem mittere in gehennam. ut ab hoc famulo dei qui ad ecclesiae presepia concurrit. cum metu et exercitu furoris tui festinus discedas. adiuro te non mea infirmitate. sed in uirtute spiritus sancti. ut desinas ab hoc famulo dei quem omnipotens deus ad imaginem suam fecit. cede cede non mihi. sed mysteriis christi. Illius enim te perurguet potestas. qui te adfigens cruci sue subiugauit. illius brachium contremesce. qui deuictis gemitibus inferni animas ad lucem perduxit. sit tibi terror corpus hominis. sit tibi formido imago dei. nec resistas. nec moreris disce<de>re ab homine. quoniam placuit christo ut in homine habitaret, et ne me infirmum contempnendum putes. dum me peccatorem nimis esse cognoscis. Imperat tibi dominus. imperat tibi maiestas christi. Imperat tibi deus pater. Imperat tibi filius et spiritus sanctus.
Imperat tibi apostolorum fides sancti petri et pauli et ceterorum apostolorum. Imperat tibi indulgentia confessorum. Imperat tibi martyrum sanguis. Imperat tibi sacramentum crucis. Imperat tibi mysteriorum uirtus. Exi transgressor. exi seductor. plene omni dolo et fallacia. ueritatis inimice. innocentium persecutor. da locum durissime. da locum impiissime. da locum christo. in quo nihil inuenisti de operibus tuis. qui te expoliauit. qui regnum tuum destruxit. qui te uictum ligauit. et uasa tua disrupt. qui te proiecit in tenebras exteriores. ubi tibi cum ministris tuis erit preparatus interitus. [Sed quid] nunc truculente recogitas. quid temerarie retractas. reus omnipotenti deo. cuius statuta transgressus es. reus filio eius iesu christo quem temptare ausus es et crucifigere presumisti. reus humano generi cui mors tuis persuasionibus uenit.
adiuro ergo te draco nequissime in nomine agni immaculati, qui ambulauit super aspidem et basilicum, qui conculcauit leonem et draconem, ut discedas ab homine, discedas ab ecclesia dei, contremesce et effuge, inuocato nomine domini illius quem inferi tremunt, cui uirtutes cœlorum et potestates et dominationes subiecte sunt, quem cherubim et seraphim, indefessis uocibus laudant, Imperat tibi uerbum caro factum. Imperat tibi natus ex uirgine. Imperat tibi iesus nazarenus qui te cum discipulos eius contemperes, elisum et prostratum exire iussit ab homine, quo præsente cum te ab homine separasset, nec porcorum gregem præsumebas contingere, recede ergo nunc adiuratus in nomine eius ab homine quem ipse plasmauit, durum 'tibi est' christo uelle resistere, durum tibi est contra stimulum calcitrare, Quia quanto tardius exis, tanto tibi supplicium maius crescit, quoniam non hominem contemnis, sed illum qui dominator uiuorum et mortuorum est. Qui uenturus est iudicare uiuos et mortuos et sœculum per ignem.
Praefationes Codicis R: In Natale Sancti Stephani Martyris
Vere dignum et iustum est. aequum et salutare. Nos tibi semper et ubique gratias agere domine sancte pater omnipotens aeterne deus. Tibi enim festa solemnitas agitur. tibi dies sacrata celebratur. quam beati stephani martyris tui sanguis in ueritatis tue testificatione profusus. magnifico nominis tui honore signauit. Hic est enim illius nominis primus testis. quod est super omne nomen, Qui post passionem domini nostri iesu christi. uictorie palmam primus inuasit. Digne igitur talem sub tui nominis confessione laudamus omnipotens deus. quem ad tantam gloriam uocare dignatus es. per christum dominum nostrum.
Praefationes Codicis R: In Purificatione Sancte Marie
Vere dignum usque aeterne deus. quia per incarnati uerbi mysterium noua mentis nostre oculis lux tue claritatis effulsit, Ut dum uisibiliter deum cognoscimus. per hunc inuisibilium amore rapiamur. et ideo cum angelis et ar<changelis>.
Vere dignum aeterne deus. et maiestatem tuam cernua deuotione exorare. ut modulum terrene fragilitatis aspiciens. non in ira tua pro nostra prauitate nos arguas. sed inmensa clementia purifices. erudias. consoleris. Qui cum sine te nihil possimus facere quod tibi sit placitum. tua nobis gratia sola praestabit. ut salubri conuersatione uiuamus. per christum.
Praefationes Codicis R: Feria III. in Capite Ieiunii
Initio Quadragesimae.Vere dignum aeterne deus. qui nos admirandis uirtutis tue muneribus docuisti. non in solo pane uiuere. sed in omni uerbo quod ex ore tuo procedit. ut non tantum epulando. sed etiam ieiunando pascamur. Uerbum enim tuum per quod facta sunt omnia. non solum humanarum mentium. sed ipsorum quoque panis est angelorum. panis uiuus qui de celo descendit. et uitam pereunti tribuit mundo, Qui continuatis quadraginta diebus et noctibus ieiunium nobis uenerabile dedicauit. ut ad paradisum de quo non abstinendo cecidimus. ieiunando solemniter redeamus. Nunc ergo panem nobis ministrare non desinas. quem ut indesinenter esuriamus hortaris. per quem maiestatem.
Quocumque Die Infra Quadragesimam.Vere dignum aeterne deus. et maiestatem tuam suppliciter exorare. ut mentibus nostris medicinalis obseruantie munus infundas, Et quineglegentibus etiam subsidium ferre non desinis. beneficia præbeas potiora deuotis. per.
Alia.Vere dignum aeterne deus. qui ob animarum medellam ieiunii deuotione castigari corpora præcepisti, Concede quaesumus ut corda nostra ita pietatis tuæ ualeant exercere mandata. ut ad tua mereamur te opitulante peruenire promissa. per.
Alia.Vere dignum per christum dominum nostrum. per quem humani generis reconciliationem. mirabili dispensatione operatus es, Præsta quaesumus ut sancto purificati ieiunio. et tibi toto corde simus subiecti. et inter mundanæ prauitatis insidias. te miserante perseueremus inlesi. per quem maiestatem.
Alia.Vere dignum aeterne deus. et tuam cum celebratione ieiunii pietatem deuotis mentibus obsecrare. ut qui peccatis ingruentibus malorum pondere premimur. Et a peccatis omnibus liberemur. et libera tibi mente famulémur. per christum.
Alia.Vere dignum aeterne deus. qui delinquentes perire non pateris. sed ut ad te conuertantur et uiuant hortaris; poscimus itaque pietatem tuam ut a peccætis nostris tuæ sæueritatis suspendas uindictam. et nobis optatam misericorditer tribuas ueniam. nec iniquitatum nostrarum moſles. te prouocet ad ultionem. sed ieiunii obserf uatio. et morum emendatio. te flectat ad peccatorum nostrorum remissionem. per christum dominum nostrum.
Alia.Vere dignum aequum et salutare. Nos tibi semper et ubique gratias agere domine sancte pater omnipotens aeternę deus. et tuam iugiter exorare clementiam. ut mentes nostras quas conspicis terrenis affectibus pregrauari. medicinalibus tribuas ieiuniis exonerari. et per adflictionem corporum. proueniat nobis rubor animarum. per christum dominum nostrum.
Alia.Vere dignum aeternę deus. misericordię dator. et totius bonitatis auctor, Qui ieiuniis. orationibus. et elemosinis. peccatorum remedia. et uirtutum omnium tribuis incrementa. te humili deuotione precamur. ut qui ad hec agenda saluberrimam dedisti doctrinam. ad complendum indefessam tribuas efficaciam, Ut oboedienter tua exsequentes precepta. feliciter tua capiamus promissa. per christum.
Vere dignum aeterne deus. maiestatem tuam propensius implorantes. ut quanto magis dies salutiferę festiuitatis accedit. tanto deuotius ad eius digne celebrandum proficiamus paschale mysterium. per christum.
Alia.Vere dignum aequum et salutare. nos tibi semper et ubique gratias agere domine sancte pater omnipotens aeternę deus per christum dominum nostrum. cuius nos humanitas colligit. humilitas erigit. traditio absolut, paena redimit. crux saluificat. sanguis emaculat. caro saginat, per quem te summe pater. cum ieiuniorum obsequiis obsecramus. ut ad eius celebrandam passionem purificatis mentibus accedamus. per quem maiestatem tuam laudant angeli.
Alia.Vere dignum per christum dominum nostrum. Cuius salutifere passionis et gloriose resurrectionis dies adpropinquare noscuntur, In quibus et antiqui hostis superbia triumphatur et nostrę redemptionis mysterium celebratur; Unde poscimus tuam immensam clementiam. ut sicut in eo solo consistit totius nostrę saluationis summa. ita per eum tibi sit ieiuniorum et actuum nostrorum semper uictima grata. per quem maiestatem.
Alia.Vere dignum per christum dominum nostrum. qui innocens pro impiis uoluit pati. et pro sceleratis indebite condempnari. cuius mors delicta nostra detersit. et resurrectio iustificationem nobis exhibuit. et ideo cum angelis. fo. 233v
Vere dignum aeterne deus. te quidem omni tempore. sed in hoc precipue die laudare benedicere et predicare. quod pascha nostrum immolatus est christus. per quem ad eternam uitam filii lucis oriuntur. fidelibus regni celestis atria reserantur. et beati lege commercii diuinis humana mutantur. quia nostrorum omnium mors cruce christi perempta est. et in resurrectione eius omnium uita resurrexit. quem in susceptione mortalitatis deum maiestatis agnoscimus. et in diuinitatis gloria deum et hominem confitemur. qui mortem nostram moriendo destruxit. et uitam resurgendo restituit. et ideo cum angelis.
Aliis Diebus De Resurrectione.Vere dignum per christum dominum nostrum. qui oblatione sui corporis remotis sacrificiis carnalium uictimarum. seipsum tibi pro salute nostra offerens. idem sacerdos et sacer agnus exhibuit. per quem.
Alia.Vere dignum per christum dominum nostrum. qui secundum promissionis sue incommutabilem ueritatem. celestis pontifex factus in aeternum. solus omnium sacerdotum peccati remissione non eguit. sed potius peccatum mundi idem uerus agnus abstersit. per quem maiestatem.
Alia.Vere dignum usque aeterne deus. et te suppliciter obsecrare ne nos ad illum sinas redire actum. cui iure dominatur inimicus, Sed in hac potius facias absolutione persistere. per quam diabolus extitit filio tuo uincente captiuus. et ideo.
Alia.Vere dignum aeterne deus. et maiestatem tuam indefessis precibus exorare. ut mentes nostras bonis operibus semper informes, Quia sic erimus præclari muneris promta sinceritate cultores. si ad meliora iugiter transeuntes. paschale mysterium studeamus habere perpetuum. per christum dominum.
Alia.Vere dignum usque aeterne deus. maiestatem tuam suppliciter deprecantes. ut expulsis azimis uetustatis. illius agni cibo satiemur et poculo. qui et nostram imaginem reparauit. et suam nobis gloriam repromisit. iesus christus dominus noster. per quem maiestatem tuam laudant angeli.
Praefationes Codicis R: Die Dominica post Ascensionem Domine
Vere dignum aeterne deus. et clementiam tuam suppliciter exorare. ut filius tuus iesus christus dominus noster. qui se usque in finem saeculi suis promisit fidelibus adfuturum. et præsentiæ corporalis mysteriis non deserat quos redemit. et maiestatis suæ beneficiis non relinquat. per quem maiestatem.
Praefationes Codicis R: In Natale Sancti Iohannis Baptistae
Vere dignum aeternæ deus. et in die festiuitatis hodiernæ qua beatus iohannes exortus est. tuam magnificentiam conlaudare, Qui uocem matris domini nondum editus sensit. et adhuc clausus utero. aduentum salutis humanæ prophetica exultatione significauit, Qui et genetricis sterelitatem conceptus abstulit. et patris linguam natus absoluit, Solusque omnium prophetarum. redemptorem mundi quem pr[æ]nuntiauit ostendit, Et ut sacræ purificationis effectum aquarum natura conciperet. sanctificandis iordanis fluentis. ipsum babtysmo babtysmatis. lauit auctorem. per quem maiestatem.
Vere dignum aeterne deus. beati laurenti natalicia celebrantes. cui fidem confessionemque ignis passionis ingestus non abstulit. sed eum ut magis luceret accendit, Quoniam sicut aurum flammis non uritur sed probatur. sic beatus martyr non consumitur tormentorum incendiis. sed aptatur celestibus ornamentis. per christum.
Vere dignum aeterne deus. qui beatum augustinum confessorem tuum. et scientiæ documentis replesti. et uirtutum ornamentis ditasti, Quem ita multimodo genere pietatis imbuisti. ut ipse tibi et ara et sacrificium. et sacerdos esset et templum. per christum dominum.
Praefationes Codicis R: In Natale Sanctorum Cornelii et Cypriani
Vere dignum aeterne deus. tuamque in sanctorum tuorum cornelii simul et cypriani festiuitate prædicare uirtutem. quos diuersis terrarum partibus. greges sacros diuino pane pascentes. una fide eademque die pari nominis tui confessione coronasti. per christum.
Alia Specialis in Festiuitate Sancti Cypriani.Vere dignum aeterne deus. beati cypriani natalicia recensentes. ut qui in conspectu tuo clarus extitit dignitate sacerdotii et palma martyrii. et in præsenti saeculo sua nos intercessione foueat. et ad misericordiam sempiternam pius interuentor perducat. per christum dominum.
Praefationes Codicis R: In Natale Sancti Lucae Euangeliste
Vere dignum aeterne deus. et te in sanctorum tuorum meritis gloriosius conlaudare. benedicere. et prædicare. Qui eos dimicantes contra antiqui serpentis machinamenta et proprii corporis blandimenta. inexpugnabili uirtute rex gloriæ roborasti; Ex quibus beatus lucas euangelista tuus. adsumpto scuto fidei. et galea salutis. et gladio spiritus sancti. et uiriliter contra uitorum hostes pugnauit. et euangelicæ nobis dulcedinis fluenta manauit. per christum.
Praefationes Codicis R: In Natale Sanctae Ceciliae Uirginis
Vere dignum aeterne deus. qui perficis in infirmitate 'uirtutem.' pro cuius amore beata caecilia dispecto carnali coniugio. ad consortia superna contendens. nec aetate mutabili præpedita. nec inlecebris est reuocata carnalibus. nec sexus fragilitate deterrita ; Sed inter puellares annos. inter saeculi blandimenta . inter supplicia persequentium. multiplicem uictoriam uirgo sacra et martyr est consecuta ; Et ad potiorem triumphum. secum ad regna celestia eum cui fuerat desponsata perduxit. per christum dominum.
Vere dignum aeterne deus. et maiestatem tuam suppliciter exorare. ut qui beati illius apostoli tui festum. solemnibus ieiuniis et deuotis præuenimus officiis. illius apud maiestatem tuam et adiuuemur meritis et instruamur exemplis. per christum dominum.
In Die Ad Missam.Vere dignum aeterne deus. qui ecclesiam tuam in apostolicis tribuisti consistere fundamentis. de quorum collegio beati illius apostoli tui solemnia celebrantes. tua domine preconia non taceamus. et ideo cum angelis.
Praefationes Codicis R: In Natale Plurimorum Apostolorum
Vere dignum aeterne deus. te in tuorum apostolorum glorificantes honore. qui et illis tribuisti beatitudinem sempiternam. et infirmitati nostre talia præstitisti suffragia. per quæ tua possimus adipisci subsidia. et peruenire ad præmia repromissa. per christum dominum.
Vere dignum per christum dominum nostrum. pro cuius nomine gloriosus ille martyr. rabidi hostis insaniam inter<ri>itus adiit. modestus sustinuit. securus inrisit ; Sciens paratus esse ut resisteret. nesciens elatus esse quod uinceret ; In utroque domini ac magistri uestigia sequens. qui et humilitatis custodiendæ. et de hostibus triumphandi. suis sequenda exempla monstrauit. per quem maiestatem.
Alia.Vere dignum eterne deus. qui sic tribuis ecclesiam tuam sanctorum commemoratione proficere. ut eam semper illorum et festiuitate létifices. et exemplo piæ conuersationis exerceas. grataque tibi supplicatione tuearis. per christum dominum.
Alia.Vere dignum aeterne deus. quia tu in nostra semper faciens infirmitate uirtutem. ecclesiam tuam inter aduersa crescere tribuisti. ut cum putaretur oppressa. tunc potius preualeret exaltata. dum simul et experientiam fidei declarat afflictio. et uictoriosissima semper perseuerat te adiuuante deuotio. per christum.
Alia.Vere dignum aeterne deus. et in presenti festiuitate sancti martyris tui illius tibi confitendo laudis hostias immolare. Tuamque immensam pietatem implorare. Ut sicut illi dedisti celestis palmam triumphi. sic eo suffragante nobis emundationem ac ueniam concedas peccati. Ut in te exultemus in misericordia. in quo ille laetatur in gloria. per christum.
Praefationes Codicis R: In Natale Plurimorum Martyrum
Vere dignum aeterne deus. teque in sanctorum tuorum confessionibus laudare. in cuius facti sunt uirtute uictores, Quando enim humana fragilitas uel passionem equanimiter ferre sufficeret. uel hostis aerii nequitias uinceret. nisi tu ei firmitatis subsidium ministr<ar>es. et seua furentis inimici potenter arma conter<er>es. per christum dominum.
Alia.Vere dignum aeterne deus. qui nos assiduis martyrum passionibus consolaris. et eorum sanguinem triumphalem quem pro confessione nominis tui infidelibus præbuere fundendum. ad tuorum facis auxilium transire fidelium. per dominum christum.
Alia.Vere dignum aeterne deus. quoniam a te constantiam fides. a te uirtutem sumit infirmitas. et quicquid in persecutionibus seuum est. quicquid in morte terribile. nominis tui facis confessione superari. Unde benedicimus te domine in operibus tuis. teque in sanctorum tuorum illius et illius prouectione laudamus. per christum. Alia. Vere dignum aeterne deus. apud quem semper est præclara uita sanctorum. quorum nos mors prætiosa letificat et tuetur, Quapropter martyrum tuorum illius et illius 'gloriosa recensentes natalicia laudes tibi re'ferimus; Et magnificentiam tuam supplices exoramus. ut quorum sumus martyria uenerantes. beatitudinis mereamur esse consortes. per christum. Alia. Vere dignum æterne deus. et clementiam tuam suppliciter exorare. ut cum exultantibus sanctis in celestis regni cubilibus gaudia nostra subiungas. et quos uirtutis imitatione non possumus sequi. debite uenerationis contingamus affectu. per christum.
Vere dignum aeterne deus. Et in hac die quam transitu sacro beati confessoris tui illius consecrasti, quaesumus ergo clementiam tuam ut des nobis illam sequi doctrinam. quam ille et uerbo docuit. et opere compleuit, Quatinus nos adiuuari apud misericordiam tuam. et exemplis eius sentiamus et meritis. per christum dominum. Alia. Vere dignum aeterne deus. et te in sanctorum tuorum uirtute laudare. quibus pro meritis suis beatitudinis præmia contulisti; Quoniam semper in manu tua sunt. et non tanget illos tormentum mortis, Quos te custodiente beatitudinis 'sinus intercludit'. ubi perpetua semper exultatione laetantur. quibus etiam beatus summus confessor tuus ille sociatus exultat. per christum dominum nostrum. Alia. Vere dignum aeterne deus. et maiestatem tuam supplici deuotione exorare. ut beatorum confessorum tuorum illorum quorum hodie festa celebramus obtentu. mereamur tuum obtinere auxilium. per christum.
Vere dignum aeterne deus. qui inter felicium martyrum palmas. ineffabili bonitate illam quoque beatissimam uirginem. uictrici patientia clarissime coronasti; Quę nec blandimentis illecta. nec minis territa. nec suppliciis superata. de diaboli sęuitia triumphauit. per christum.
Alia.Vere dignum aeterne deus. et in hac solemnitate tibi laudis hostias immolare. qua beatę uirginis et martyris tuę passionem uenerando recolimus. et tui nominis gloriam debitis preconis magnificamus. per.
De Pluribus Uirginibus.Vere dignum aeterne deus. quoniam tuo dono actum est. ut postquam uirgo de uirgine prodiit. sexus fragiʳlis esset fortis. et in quo fuit peccandi facilitas. esset uincendi felicitas. antiquusque hostis ʳqui per antiquam uirginem geʳnus humanum se uicisse gloriʳabʳatur. per sanctas nunc uirgines sequaces potius marię quam euę uincantur. et in eo maior ei confusio crescat. quo de eo etiam sexus fragilis iam triumphat. per christum.
Vere dignum aeterne deus. et immensam bonitatis tuę pietatem humiliter exorare. ut ignorantiam nostrę mortalitatis adtendens. et tua inspiratione nos facias postulare quod rectum est. et tua clementia tribuas impetrare quod poscimus. per christum.
Alia.Vere dignum aeterne deus. et tuam suppliciter exorare clementiam. ut quia magnum tuę pietatis indicium est. si tibi nos facias toto corde subiectos. tu spiritum nobis tantę deuōtionis infundas. ut propitius largiaris consequenter auxilium. per christum.
Alia.Vere dignum aeterne deus. qui cum unigenito filio tuo et sanʳcto spiritu unus es deus. unus es dominus, Non in unius singularitate personę. sed in unius trinitate substantię, Quod enim de tua gloria reuelante te credimus. hoc de filio tuo. hoc de spiritu sancto sine differentiæ discretione sentimus. Ut in confessione uere sempiternæque deitatis. et in personis proprietas. et in essentia unitas. et in maiestate adoretur equalitas. quam laudant angeli adorant dominationes tremunt. Alia. Vere dignum aeterne deus. cuius hoc mirificum opus ac salutare mysterium fuit. ut perditi dudum atque prostrati. de diabolo et mortis aculeo. ad hanc gloriam uocaremur. quia nunc genuselectum sacerdotiumque regale. populus adquisitionis et gens sancta uocaremur, Agentes igitur indefessas gratias. sanctamque munificentiam tuam prædicantes. maiestati tuæ hæc sacra deferimus. quæ nobis ipse salutis nostræ auctor christus instituit. per quem maiestatem. Alia. Vere dignum per christum dominum nostrum. quia in te uiuimus et mouemur et sumus. et nullum tempus nullumque momentum est. quod a beneficiis pietatis tuæ uacuum transigamus. et ideo.
Alia. Vere dignum aeterne deus. maiestatem tuam suppliciter deprecantes. ut qui rei sumus meritis. non efficiamur nostra duritia contumaces, nec te proteruis sensibus accusare nitamur. si tua nobis quæ non meremur beneficia retardentur: Sed hinc potius et nostras cognoscamus offensas. et opem tuam iugiter imploramus. quia multo amplius continuata subsidia deuotis mentibus ministrabis. qui eadem largiris indignis. per christum. <Alia.> Vere dignum aeterne deus. et tuam misericordiam totis nisibus exorare. ne pro nostra nos iniquitate condemnes. sed pro tua pietate in uia recta semper disponas. nec sicut meremur delinquentibus irascaris. sed fragilitati nostræ inuicta bonitate subuenias. per christum. Alia. Vere dignum aeterne deus. et tibi debitam seruitutem per ministerii huius impletionem persoluere. qui non solum peccantibus ueniam tribuis. sed etiam petentibus non pertiris, Et quod perpeti malis operibus promemur. magnifica pietate depellis. Ut nos ad tuę reuerentię cultum. et terrore cogas et amore perducas. per christum.
Alia.Vere dignum aeterne deus. quia cum laude nostra non egeas. grata tibi tamen est tuorum deuotio famulorum; Nec te augent nostra preconia. sed nobis proficiunt ad salutem. quoniam sicut fontem uitę preterire causa moriendi est. sic eodem iugiter redundare. affectus est sine fine uiuendi. et ideo.
Vere dignum aeterne deus. cui proprium est ac singulare quod bonus es. et nulla umquam a te es commotione diuersus. propitiare quaesumus supplicationibus nostris. et ecclesię tuę misericordiam tuam quam precatur ostende. manifestans plebi tuę. unigeniti tui et incarnationis mysterium. et aduentus admirabile sacramentum. ut in uniuersitate nationum constet esse perfectum. quod uatum oraculis fuit ante promissum. percipiantque dignitatem adoptionis. quos exornat confessio ueritatis. per christum.
Alia.Vere dignum aeterne deus. et maiestatem tuam humiliter exposcere. ut ita nos unigeniti tui in præsenti saeculo iulustret respectus. qualiter culpis omnibus emundatos inueniat secundus eius aduentus. per quem maiestatem.
Vere dignum per christum dominum nostrum. quem pro salute hominum nasciturum gabrihel archangelus nuntiauit. uirgo maria spiritus sancti operatione concepit. Ut quod angelica nuntiauit sublimitas. uirginea crederet puritas. ineffabilis perficeret deitas. Illius quaesumus fac nos cernere faciem sine confessione omnipotens deus. cuius incarnationis gaudemus solemnitate. quatinus purificati ieiuniis. a cunctis purgati uitiis. natalis eius interesse mereamur solemnibus festis. per quem maiestatem.
Praefationes Codicis R: De Ieiunio Mensis Quarti uel Septimi
Vere dignum aeterne deus. qui sanctificator et institutor es abstinentie. cuius nullus finis nullusque est numerus. effunde quaesumus super nos in diebus ieiuniorum nostrorum spiritum gratiæ salutaris. et ab omnibus nos perturbationibus saeculi huius tua defensione conserua. per christum. Alia. Vere dignum aeterne deus. qui ob animarum medellam. ieiunii observatione castigari corpora præcepisti. concede quaesumus ut corda nostra ita pietatis tuæ ualeant exercere mandata. ut ad tua mereamur te opitulante peruenire promissa. per christum. Alia. Vere dignum aeterne deus. qui corporali ieiunio uitia conprimis. mentem eleuas. uirtutem largiris et premia. per christum.
Praefationes Codicis R: In Letaniis pro Quacumque Tribulatione
Vere dignum aeterne deus. te toto corde prostrati suppliciter exorantes. ut et preteritorum nobis concedas ueniam delictorum. et ab omni mortalitatis incursu continua nos miseratione protegas, Quia tunc defensionem tuam non diffidimus affuturam. cum a nobis ea quibus te offendimus dignanter expuleris. per christum. Alia. Vere dignum aeterne deus. qui fragilitatem nostram non solum misericorditer donis temporalibus consolaris ut nos ad eterna proue<h>as. sed etiam ipsis aduersitatibus saeculi benignus erudis. ut ad cœlestia regna perducas. per christum. Alia. Vere dignum. aeterne deus. qui ideo malis præsentibus nos flagellas. ut ad bona futura perducas. ideo bonis temporalibus consolaris. ut de sempiternis efficias certiores. quo te et in prosperis et in aduersis pia semper confessione laudemus. per christum.
Vere dignum aeterne deus. qui subiectas tibi glorificas potestates. suscipe quaesumus propitius preces nostras. et uires adde principibus, Ut qui se dextera tua expetunt protegi. nulla possint aduersitate superari. fidelem quoque populum tuum potentiæ tuæ muniat inuicta defensio. ut pio tibi semper deuotus affectu. et ab infertis liberetur inimicis. et in tua iugiter gratia perseueret. per christum.
Vere dignum aeterne deus. cuius omnipotentia deprecanda est. misericordia exoranda. pietas amplectenda. cuius maiestatem humili prece deposcimus. ut famulo tuo illi intercedente sancto tuo illo remissionem peccatorum tribuas. eiusque uiam in uoluntate tua dirigas. et eum a cunctis malis eripias. quatenus ab omnibus aduersitatibus liberatus. in tuis bonis confirmatus. et ad bonorum desideriorum uota perueniat. et quæ iuste postulat te largiente percipiat. per christum.
Alia.Vere dignum aeterne deus. clementiam tuam pronis mentibus obsecrantes. ut famulos tuos quos sanctæ dilectionis nobis familiaritate iunxisti. tibi facias toto corde subiectos. ut tuæ caritatis spiritu repleti. a terrenis mundentur cupiditatibus et cœlesti beatitudine te donante digni efficiantur. per christum.
Vere dignum aeterne deus. qui famulos tuos ideo corporaliter uerberas. <ut> mente proficiant. potenter ostendens quod sit pietatis tuæ preclara saluatio. dum prestas ut operetur nobis etiam ipsa infirmitas medicinam. per christum.
Vere dignum per christum dominum nostrum. per quem salus mundi. per quem uita omnium. per quem resurrectio mortuorum. per ipsum te domine suppliciter deprecamur. ut animæ famuli tui indulgentiam largiri digneris perpetuam . atque contagiis mortalitatis exutam . in eternę saluationis parte restituas . per quem maiestatem.
Vere dignum aeterne deus . quia misericordię tuę munere . fidelibus uita mutatur non tollitur . et in timoris tui obseruatione defunctis . domicilium perpetuę felicitatis adquiritur. Tibi igitur clementissime pater preces supplices fundimus . et maiestatem tuam deuotis mentibus exoramus . ut animę famulorum famularumque tuarum . quorum diem commemorationis cęlebramus mortis uinculis absolutę . transitum mereantur ad uitam . et in ouium tibi placitarum benedictione aeternum numerentur ad regnum .
Locutus est dominus ad moysen dicens . Loquere aaron et filiis eius . sic benedicetis filiis israel et dicetis eis : Benedicat tibi dominus et custodiat te . amen . ostendat dominus faciem suam tibi . et misereatur tui . amen . conuertat dominus uultum suum ad te . et det tibi pacem . amen . quod ipse pręstare dignetur . cuius regnum et imperium sine fine permanet in saecula saeculorum . amen. Benedictio dei patris et filii et spiritus sancti et pax domini sit semper uobiscum. Et cum spiritu tuo.
Benedictiones Codicis R: Benedictio in Natale Domini
Respice omnipotens deus de cęlo plebem tuam . pro cuius redemptione dignatus es nasci de uirgine . amen. Ut pietate sedula in te sit salus hominum propter quos homo factus es creator astrorum . amen. Sit hęc plebs tuis preceptis oboediendo tibi amabilis . sicut est partus uirginis singularis . amen. Ut cum de tui aduentus effulseris . inuenias in illis quę recondas in horreo . pro quibus dignatus es uenire de cęlo . amen. Ipse uobis benedicat de cęlis . qui causa nostrę salutis dignatus est uenire in terris . amen . benedictio dei patris.
Benedictiones Codicis R: Benedictio in Natale Sancti Stephani
Protomartyris.Deus qui beatum stephanum protomartyrem coronauit . et confessione fidei et agone martyrii . mentes uestras circumdet . et in presenti saeculo corona iustitię. et in futuro perducat uos ad coronam glorię. amen. Illius obtentu tribuat uobis dei et proximi caritate semper exuberare. qui hanc studuit etiam inter lapidantium impetus obtinere. amen. Quo eius et exemplo roborati et intercessione muniti. ab eo quem ille a dextris dei uidit stantem mereamini benedici. amen. Quod ipse præstare dignetur. qui cum patre et spiritu sancto uiuit et gloriatur deus per omnia saecula saeculorum. amen. Benedictio dei patris et filii.
Benedictiones Codicis R: Benedictio in Natale Sancti Iohannis Euangelistae
Omnipotens deus dignetur uobis per intercessionem beati iohannis apostoli et euangelistę benedicere. qui per eum archana uerbi sui uoluit ecclesię reuelare. amen. concedat uobis ut quod ille spiritus sancti munere afflatus uestris auribus infudit. eiusdem spiritus dono capere mente ualeatis. amen. quo eius documento de diuinitate nostri redemptoris edocti. et amando quod tradidit. et predicando quod docuit. et exsequendo quod iussit. ad dona peruenire mereamini que idem iesus christus dominus noster repromisit. amen. quod ipse præstare dignetur. qui cum patre et spiritu sancto uiuit et gloriatur deus per omnia saecula saeculorum. amen. Benedictio dei patris et filii et spiritus sancti et pax domini sit semper.
Descendat domine a sedibus tuis super capita famulorum et famularum tuarum spiritus sanctitatis. ille qui in iordane iohanne dominum baptizante. in columba corporaliter uisus est descendisse. amen. Reple animas eorum uino iustitię. qui sermone tuo hodie aquarum saporem in uinum mutasti. amen. qui omnium iniquitatum huius plebis maculas purget. uitia mundet. corda sanctificet. amen. Infunde etiam super eos spiritalium dona uirtutum. ut nihil in eis inimicus aut uiolentia subripiat. sed per bonę conuersationis perseuerantiam. hi qui in adoptionem uocati sunt filiorum intrare in possessionem mereantur heredum. amen. quod ipse præstare dignetur.
Benedictiones Codicis R: Benedictio in Quadragesima
Benedicat uos dominus et custodiat uos. amen. Det uobis patientiam. que uos in omni tempore præcipue in his sanctę quadragesimę diebus ipsi commendet. amen. Iram temperet. linguam reprimat. pacem tribuat. disciplinam teneat. amen. auaritiam repellat. libidinis impetum frangat. tumoris uiolentiam comprimat. Incentiuum simulatis extinguat. amen. atque uos in omni opere bono uigiles : castos. integros. immaculatosque conseruet. quod ipse prestare.
Alia Benedictio in Quadragesima.Omnipotens deus ieiunii ceterarumque uirtutum dedicator atque amator. sua uos benedictione sanctificet. amen. accendat in uobis pie deuotionis affectum. et præbeat supplicantibus suum benignus auditum. amen. quatinus mentes uestræ sinceris purgate ieiuniis. bonorum omnium exuberent incrementis. amen. quod ipse.
Alia Benedictio in Quadragesima.Omnipotens deus ieiuniorum uestrorum uictimas clementer accipiat. et sua uos benedictione dignos efficiat. amen. Mentes uestras ita parsimoniæ bono contra uitia muniat. præceptorum suorum doctrinis erudiat : caritatis dono repleat. ut uos in omnibus sibi placere concedat. amen. quatinus præsentis quadragesimæ diebus deuotissime celebratis : ad paschalia festa purificatis cordibus accedere ualeatis. amen. quod ipse prestare.
Alia Benedictio in Quadragesima.Accendat in uobis dominus uim sui amoris. et infundat misericorditer abundantiam suæ benedictionis. amen. Sic ei parsimoniæ uictimas offeratis. ut contriti ei cordis et humilitati sacrificio placeatis. amen. quatinus oratio uestra ieiunii et elemosinæ alis subiecta. ita ad aures uestri conditoris ascendat. ut uos aeternæ beatitudinis heredes. et supernorum ciuium consortes efficiat. amen. quod ipse.
Benedictiones Codicis R: Benedictio de Passione Domini
Omnipotens deus qui unigeniti sui passione tribuit uobis humilitatis exemplum. concedat uobis per eandem humilitatem percipere suæ benedictionis ineffabile donum. amen. Ipsius resurrectionis percipiatis consortia. cuius patientiæ ueneramini documenta. amen. quo ab eo sempiternæ uitæ munus percipiatis. per cuius temporalem mortem aeternam uos euadere creditis. quod ipse prestare.
Benedictiones Codicis R: Benedictio in Cena Domini
Benedicat uos deus . qui per unigeniti filii sui passionem uetus pascha in nouum uoluit conuerti . concedatque uobis ut expurgato ueteris fermenti contagio . noua in uobis perseueret consparsio . amen. Et qui ad celebrandum redemptoris nostri cenam mente deuota conuenistis . aeternarum dapium uobiscum epulas reportetis . amen. Ipsiusque opitulante clementia mundemini a sordibus peccatorum . qui ad insinuandum humilitatis exemplum pedes uoluit lauar discipulorum . amen . quod ipse prestare.
Benedictiones Codicis R: Benedictio in Sabbato Sancto
Deus qui de ecclesię suę intemerato utero nouos populos producens . eam uirginitate manente . noua semper prole fecundat . fidei spei et caritatis uos munere repleat . et suę in uos benedictionis dona infundat . amen. Et qui hanc sacratissimam noctem redemptoris nostri resurrectione uoluit inlustrare . mentes uestras peccatorum tenebris mundatas . uirtutum copiis faciat coruscare . amen. Quo eorum qui modo renati sunt innocentiam imitari certetis . et uascula mentium uestrarum exemplo præsentium luminum inlustritis . ut cum bonorum operum lampadibus ad huius sponsi thalamum cuius resurrectionem celebratis . cum prudentibus uirginibus intrare possitis . amen . quod ipse prestare.
Benedictiones Codicis R: Benedictio in die Sancto Pasche
Benedicat uos omnipotens deus . hodierna interueniente paschali solemnitate . et ab omni miseratus dignetur defendere prauitate . amen . et qui ad aeternam uitam in unigeniti sui resurrectione uos reparat . in ipsius aduentu immortalitatis uos gaudiis uestiat . amen . et qui expletis ieiuniorum siue passionis dominicae diebus paschalis festi gaudia celebratis . ad ea festa que non sunt annua sed continua . ipso opitulante exultantibus animis ueniatis . amen . quod ipse.
Benedictiones Codicis R: Benedictio de Resurrectione
Benedicat uos omnipotens deus . qui uos gratuita miseratione creauit et in resurrectione unigeniti sui spem uobis resurgendi concessit . amen. Resuscitet uos de uitiorum sepulchris . qui eum resuscitauit a mortuis . amen. Ut cum eo sine fine feliciter uiuatis . quem resurrexisse a mortuis ueraciter creditis . quod ipse prestare.
Item Alia.Deus maiestatis inmensę . deus pietatis ingenitę . respice quaesumus super hos famulos et famulas tuas . ne ulla umquam peccatorum contagione sordescant . quos salutari lauacro spiritaliter in uitam aeternam regenerare dignatus es . amen. Sed omnibus inlecebris prauisque cupiditatibus expulsis . nihil inlicitum uelint . nihil turpe desiderent . amen. Innocentię pariter ac patientię uirtute subnixi . non tumescant prosperis . non frangantur aduersis . nec tristitia eos nec secunda commutent . amen. Ille uos benedicat de cęlis . qui sanguinem suum 'pro uobis' fudit in terris.
Benedictiones Codicis R: Benedictio in Ascensa Domini
Deus qui tartara fregisti resurgens . aperuisti cęlos ascendens . ut populi illuc ascenderent per fidem . ubi te apostoli cum gloria uiderunt intrare . respice ascendens cęlum . propter quos descendere dignatus es ad infernum . amen. Sit eis quod te exaltasti protectio . quibus fuit inicum quod te humiliasti remedium . amen. Ut in die iudicii non sint sinistro in numero . qui te sedere ad patris dexteram confitentur in regno . amen . quod idem ipse præstare.
Benedictiones Codicis R: Benedictio in Pentecosten
Deus qui præsentem diem futurę remissionis munere figurasti . cum gratia sancti spiritus inebriati apostoli . mente una locuti sunt ore diuerso . respice hanc ecclesiam quam ex gentibus congregandam linguarum uarietate signasti . amen. Da consolationes inter pressuras saeculi . qui nobis ęqualem tibi consolatorem misisti . amen. Ut te propitiante sit ipse plebi custodia . qui præbuit beatis discipulis tunc doctrinam . amen.
Benedictiones Codicis R: Benedictio in Natale Sancti Iohannis Baptistae
Benedicat uobis omnipotens deus . beati iohannis baptistę intercessione . cuius hodie natalicia celebratis . concedatque ut cuius solemnia colitis patrocinio sentiatis . amen. Illius obtentu ab omnibus 'aduersis tueamini . et bonis omnibus perfruamini qui aduentum redemptoris mundi necdum natus cognouit . matris' sterelitatem nascendo abstulit . patris linguam natus absoluit . amen . quatinus ipsius agni quem ille digito ostendit . cuius immolatione estis redempti . ita uirtutum lanis uestiri . et innocentiam ualeatis imitari . ut ei in aeternę patrię felicitate possitis adiungi . amen . quod ipse præstare.
Benedictiones Codicis R: Benedictio in Natale Apostolorum Petri et Pauli
Benedicat uos omnipotens deus, qui uos beati petri salub<er> rima confessione, in ecclesiasticæ fidei fundauit soliditate R. amen. Et qui uos beati pauli sanctissima instruxit predicatione, sua tueatur gratissima defensione, amen. Quatinus petrus claue, paulus sermone, uterque intercessione ad illam uos certent patriam introducere, ad quam illi alter cruce alter glodio. hodierna die peruenire, amen, quod ipse prestaræ dignetur cuius regnum.
Benedictiones Codicis R: Benedictio in Festiuitate Sanctae Mariae
Deus qui per beatæ mariæ uirginis partum genus humanum dignatus est redimere, sua uos dignetur benedictione locupletare, amen, eiusque semper et ubique patrocinia sentiatis, ex cuius intemerato utero auctorem uitæ suscipere meruistis, amen. Et qui ad eius celebrandam festiuitatem hodierna die deuotis mentibus conuenistis, spiritalium gaudiorum et aeternorum praemiorum uobiscum munera reportetis, amen, quod ipse.
Benedictiones Codicis R: Benedictio de Aduentu Domini
Omnipotens deus cuius unigeniti <aduentum> et præteritum creditis et futurum expectatis, eiusdem aduentus uos inlustratione sanctificet, et sua benedictione locupletet, amen. In præsentis uitæ stadio uos ab omni aduersitate defendat, et se uobis in iudicio placabilem ostendat, amen. Quo a cunctis peccatorum contagiis liberati, illius tremendi examinis diem expectetis interriti, amen, quod ipse.
Alia in Aduentu Domini.Dominus iesus christus qui sacratissimo aduentu suo subuenire dignatus est mundo, animas uestras corporaque sanctificet, amen. Det uobis legis suæ præcepta uirtute spiritus sancti apprehendere, ut possitis aduentum eius interriti præstolari, amen. Sicque uos ab omni reatu inmunes efficiat, ut cum aduenerit non in terrore discutiat, sed in gloria remunerandos assumat, quod ipse præstare.
Benedictiones Codicis R: Benedictio in Natale Unius Apostoli
Deus qui uos in apostolicis tribuit consistere fundamentis. benedicere uobis dignetur beati apostoli sui intercedentibus meritis. amen. Defendatque uos a cunctis aduersis apostolicis presidiis. qui uos eorum uoluit et ornari exemplis. et instrui documentis. amen. Quo per eorum intercessionem perueniatis ad aeterne patrie hereditatem. per quorum doctrinam tenetis fidei integritatem. amen. quod ipse.
Benedictio Unius Martyr⟨Is.⟩Beati martyris sui illius intercessione dominus uos benedicat. et ab omni malo defendat. amen. Extendat in uos dexteram sue propitiationis. qui eum suscepit per supplitia passionis. amen. Quo eius in celo mereamini habere consortium. cuius deuotis mentibus in terra celebratis triumphum. amen. quod ipse prestare dignetur.
Benedictiones Codicis R: Benedictio in Natale Plurimorum Martyrum
Benedicat uobis dominus beatorum martyrum suorum illorum suffragiis. et liberet ab aduersitatibus cunctis. amen. commendet uos eorum intercessio gloriosa. quorum in conspectu eius est mors pretiosa. amen. Ut sicut illi per diuersa genera tormentorum caelestis regni sunt consecuti hereditatem. Ita uos eorum mereamini consortium per bonorum operum exhibitionem. amen. quod ipse prestare.
Benedictiones Codicis R: Benedictio in Natale Unius Uirginis
Benedicat uobis dominus qui beatè uirgini illi concessit et decorem uirginitatis et gloriam passionis. amen. Et cuius opitulatione illa meruit et sexus fragilitatem et persequentium rabiem deuincere. uos possitis et uestrorum corporum inlecebras et antiqui hostis machinamenta superare. amen. quo sicut illa sexu fragili uirile nisa est certamen adire. et post certamen de hostibus meruit triumphare. Ita uos in hac mortalitate uiuentes ualeatis et antiquum hostem deuincere. et ad regna celestia peruenire. amen. quod ipse prestare.
Benedictiones Codicis R: Benedictio in Quotidianis Diebus
Agnoscat in uobis dominus proprium signum, et uobis suę misericordię conferat domum. amen. Bella comprimat. famem auferat. pacem tribuat. et inimici insidias a uobis longe repellat. amen. Mẹrentium gemitus uideat. uocem uestri cordis exaudiat. et lacrimas ab omni facie uestra abstergat. amen. quod ipse.
Alia Benedictio.Omnipotens deus sua uos clementia benedicat et sensum in uobis sapientię salutaris infundat. amen. catholicę fidei uos documentis enutriat. et in sanctis operibus perseuerabiles reddat. amen. Gressus uestros ab errore conuertat. et uiam uobis pacis et caritatis ostendat. amen. quod ipse prestare.
Item Alia Benedictio.Multiplicet in uobis dominus copiam suę benedictionis. et confirmet uos in spe regni cẹlestis. amen. Actus uestros corrigat. uitam emendet. mores componat. et uos ad cẹlestis paradisi hereditatem perducat. amen. Talique intentione repleri ualeatis. qua in perpetuum placeatis. amen. quod ipse prestare.
Alia Benedictione.Deuotionem uestram dominus dignanter intendat. et suę uobis benedictionis dona concedat. amen. Talique uos in presenti saeculo subsidio muniat. ut paradisi uos in futuro habitatores efficiat. amen. Sicque corda uestra sanctificando benedicat et benedicendo sanctificet. ut uobiscum immo in uobis eum iugiter habitare delectet. amen. quod ipse.
<Praefationes Et Benedictiones Codicis Ottoboniani 313.>Haec studiose perscripta secuntur praefationes in dominicis et in diebus festis feriisque. uel in solempnitatibus sanctorum. siue in ceteris ecclesiasticis canendo officiis., Qua si prudens lector diligenter sollicite curioseque inspexerit suis in locis ordinatas atque correctas. perfacile inuenire poterit.
Praefationes Codicis O: In Uigilia Natalis Domini. ad Nonam
Vere dignum et iustum est. aequum et salutare Nos tibi semper et ubique gratias agere. domine sancte pater omnipotens aeternae deus per christum dominum nostrum. Cuius hodie faciem in confessione praeuenimus. et uoce supplici exoramus. ut superuenturae noctis officiis nos ita peruigiles reddat. ut sinceris mentibus eius percipere mereamur natale uenturum; In quo inuisibilis ex substantia tua: uisibilis per carnem apparuit in nostra. Tecumque unus non tempore genitus. non natura inferior aduenit ex tempore natus. per quem maiestatem.
Praefationes Codicis O: In Uigilia Domini in Nocte
Vere dignum usque per christum dominum nostrum. Cuius diuinę natiuitatis potentiam ingenita uirtutis tuę genuit magnitudo: quem semper filium: et ante tempora aeterna genitum: quia tibi pleno atque perfecto. aeterni patris nomen non defuit praedicamus; et honore maiestate atque uirtute: aequalem tibi cum sancto spiritu confitemur: et in trino uocabulo unicam credimus maiestatem. et ideo.
Vere dignum usque aeternę deus. Beati stephani leuitae simul et martyris natalitia recolentes: qui fidei. qui sacrę militiae: qui dispensationis et castitatis egregiae: qui praedicationis mirabilisque constantię. qui confessionis ac patientię nobis exempla ueneranda proposuit., Et ideo natiuitatem filii tui merito prae ceteris passionis suae festiuitate prosequitur: cuius gloriae sempiternę primus martyr occurrit. per christum.
Praefationes Codicis O: In Natale Sancti Iohannis Euuangelistae
Vere dignum usque aeterne deus. Beati apostoli tui et euuangeliste iohannis ueneranda natalitia recensentes: qui domini nostri iesu christi filii tui uocatione suscepta: Terrenum respuit patrem: ut possit inuenire caelestem; Adeptus in regno caelorum sedem apostolici culminis: qui tantum retia carnalia contempserat genitoris; quique ab unigenito tuo sic familiariter est dilectus: et inmensae gratiæ muneribus adprobatus: Ut eum idem dominus in cruce iam positus uicarium suae matri uirgini filium subrogaret; Quatinus beatae genitricis integritati: probati dilectique discipuli uirginitas deseruiret; Nam et in caenæ mystice sacrosancto conuiuio super ipsum uitæ fontem: aeternum scilicet pectus recubuerat saluatoris. De quo pereniter manantia caelestis hauriens fluenta doctrinæ: tam profundis ac mysticis reuelationibus est imbutus: ut omnem transgrediens creaturam excelsa mente conspiceret. et euuangelica uoce proferret: quod in principio erat uerbum. et uerbum erat apud deum. et deus erat uerbum. et ideo.
Vere dignum usque aeternae deus. Et in pretiosis mortibus paruulorum. quos propter nostri saluatoris infantiam bestiali seuitia herodes funestus occidit: inmensæ clementiæ tuae dona praedicare; in quibus fulget sola magis gratia quam uoluntas: et clara est prius confessio quam loquela, Ante passio: quam membra idonea passioni; Existunt testes christi: qui eius nondum fuerant agnitores, O infinita benignitas. O ineffabilis misericordia. quae pro suo nomine trucidatis meritum gloriæ perire non patitur: sed proprio cruore perfusis: et salus regenerationis adhibetur: et imputatur corona martyrii. et ideo.
Praefationes Codicis O: Dominica I. post Natale Domini
Vere dignum usque aeterne deus. Et sursum cordibus erectis diuinum adorare mysterium: ut quod magno dei munere geritur: magnis ecclesiae gaudiis caelebretur; quoniam humana conditio uetere terrenaque lege cessante: noua caelestique substantia mirabiliter restaurata profertur. per christum.
Vere dignum usque per christum dominum nostrum. Cuius hodie circumcisionis diem et natiuitatis octauum caelebrantes: Tua domine mirabilia ueneramur; Quia quae peperit, et mater et uirgo est: qui natus est et infans et deus est; Merito caeli locuti sunt: angeli gratulati: pastores laetati: magi mutati: reges turbati: paruuli gloriosa passione coronati, et ideo.
Praefationes Codicis O: Dominica II. post Natale Domini
Vere dignum usque aeternae deus. Qui peccato primi parentis hominem a salutis finibus exulantem pietatis indulgentia ad ueniam uitamque reuocasti: mittendo nobis unigenitum filium tuum dominum et saluatorem nostrum, per quem maiestatem.
Vere dignum usque aeternae deus. Et te laudare mirabilem deum in omnibus operibus tuis quibus sacratissima regni tui mysteria reuelasti; hanc etenim festiuitatem dominicæ apparitionis index stella praecessit: Quae natum in terra caeli deum magis stupentibus nuntiaret; ut manifestandus mundo deus: et caelesti denuntiaretur indicio: et temporaliter procreatus, signorum temporalium ministerio panderetur, et ideo.
In Die.Vere dignum usque aeterne deus. Quia notam fecisti populis misericordiam tuam: et salutare tuum cunctis gentibus declarasti hodiernum eligens diem: in qua ad adorandam ueri regis infantiam excitatos de remotis partibus magos clarior ceteris sideribus stella perduceret; et caeli ac terræ dominum corporaliter natum, radio suæ lucis ostenderet, et ideo.
Praefationes Codicis O: Dominica I. post Teophaniam
Vere dignum usque aeterne deus. Quia cum unigenitus tuus in substantia nostrae mortalitatis apparuit: in nouam nos immortalitatis suae lucem reparauit, et ideo.
Praefationes Codicis O: XVIII. Kalendas Februarias Natale Sancti Felicis in Pincis
Vere dignum usque aeterne deus. Et confessionem sancti felicis memorabilem non tacere; qui nec hereticis prauitatibus nec saeculi blandimentis a sui status rectitudine potuit inmutari: sed inter utraque discrimina ueritatis adsertor: firmitatem tuae fidei non reliquit, per christum dominum nostrum.
Praefationes Codicis O: Dominica II. post Teophaniam
Vere dignum usque aeterne deus. Semperque uirtutes et laudes tuas labiis exultationis effari: qui nobis ad releuandos istius uitae labores: diuersa donorum tuorum solatia et munerum salutarium gaudia contulisti: mittendo nobis iesum christum filium tuum dominum nostrum. per quem maiestatem.
Praefationes Codicis O: XVII. Kalendas Februarias Natale Sancti Marcelli
Vere dignum usque aeterne deus. Qui glorificaris in tuorum confessione sanctorum: et non solum excellentioribus praemiis martyrum tuorum merita gloriosa prosequeris: sed etiam sacro ministerio competentibus seruitiis exequentes. gaudium domini sui tribuis benignus intrare. per christum.
Praefationes Codicis O: XIII. Kalendas Februarias. Natale Sancti Sebastiani Martyris
Vere dignum usque aeternae deus. Quoniam martyris beati sebastiani pro confessione nominis tui uenerabilis sanguis effusus: simul et tua mirabilia manifestat quo perficis in infirmitate uirtu-tem: et nostris studiis dat profectum. et infirmis apud te praestat auxilium. per christum.
Praefationes Codicis O: XII. Kalendas Februarias Natale Sanctae Agnetis
Vere dignum usque aeterne deus. Et diem beatę agnetis martyrio consecratam solemniter recensere: quae terrenę generositatis oblectamenta dispiciens: caelestem meruit dignitatem., Societatis humanę uota contempnens: eterni regis est sociata consortio: et pretiosam mortem sexus fragilitate calcata: pro christi confessione suscipiens. simul est facta conformis. et sempiternitatis eius et glorię. per quem.
Praefationes Codicis O: XI. Kalendas Februarias Natale Sancti Uincentii
Vere dignum usque per christum dominum nostrum. Pro cuius nomine gloriosus leuita uincentius et miles inuictus rabidi hostis insania interritus adiit. modestus sustinuit. securus inrisit: sciens paratus esse ut resisteret: nesciens elatus esse quod uinceret., In utroque domini ac magistri sui uestigia sequens: qui et humilitatis custodiendę et de hostibus triumphandi suis. sequenda exempla monstrauit. per quem.
Praefationes Codicis O: Dominica III. post Teophaniam
Vere dignum aeternæ deus. Et te in omni tempore conlaudare et benedicere: quia in te uiuimus, et mouemur, et sumus; et nullum tempus nullumque momentum est: quod a beneficiis pietatis tuæ uacuum transigamus, uariis etenim solemnitatum causis: salutarium nobis operum tuorum, et munerum memoria praesentis uitæ tempora exornat; Unde et nos uel in nouante lęti̯tia praeteriti gaudii: uel permanentis boni tempus agnoscentes, indefessas maiestati tuæ grates exsoluimus, per christum.
Praefationes Codicis O: VIII. Kalendas Februarias Natale Sancti Proiecti
Vere dignum aeternae deus. Et tuam misericordiam deprecari: ut mentibus nostris beati martyris tui proiecti repetita solemnitate: spiritalis laetitiæ tribuas iugiter suauitatem: Concedasque nobis ut uenerando passionis eius triumphum: obtentu illius et peccatorum remissionem: et sanctorum mereamur adipisci consortium, per christum.
Praefationes Codicis O: Eodem die Conuersio Sancti Pauli
Vere dignum aeternae deus. Et maiestatem tuam suppliciter exorare: ut ecclesiam tuam beati pauli apostoli tui praedicatione edoctam: nulla sinas fallacia uiolari; et sicut nihil in uera religione manere dinoscitur quod non eius condierit disciplina: ita ad peragenda ea quae docuit eius obtentu fidelibus tribuatur efficacia; Sentiatque credentium multitudo eum pro se apud te intercessorem: quem habere cognouit magistrum atque doctorem, per christum.
Praefationes Codicis O: Dominica III. post Teophaniam
Vere dignum aeternae deus. Qui genus humanum praeuaricatione sua in ipsius originis radice dampnatum: per florem uirginalis uteri reddere dignatus es absolutum [ut hominem quem unigenitum creaueras: per filium tuum deum] et hominem recreares; ut diabolus qui adam in fragile carne deuicerat conseruata iustitia a deo carne ui̯ceretur assumpta, per quem.
Praefationes Codicis O: III. Nonas Februarias. in Purificatione Sanctae Mariē
Vere dignum aeternae deus. Quia per incarnati uerbi mysterium: noua mentis nostrae oculis lux tuae claritatis infulsit, ut dum uisibiliter deum cognoscimus: per hunc inuisibilium amore rapiamur, per christum.
Praefationes Codicis O: Nonis Februariis. Natale Sanctae Agathē
Vere dignum per christum dominum nostrum. Pro cuius nomine poenarum mortisque contemptum in utroque sexu fidelium cunctis aetatibus contulisti: ut inter felicium martyrum palmas: agathen quoque beatissimam uirginem. uictrici pacientia coronares; quae nec minis territa: nec suppliciis superata de diaboli seuitia triumphauit. quia in tuae deitatis confessione permansit; et ideo.
Praefationes Codicis O: Dominica V. post Teophaniam
Vere dignum aeternae deus. Et tibi hanc immolationis hostiam offerre que est salutifera: et ineffabile diuine gratiæ sacramentum., Quae offertur a plurimis. et unum corpus christi sancti spiritus infusione perficitur; Singuli accipiunt christum dominum: et in singulis portionibus totus est., nec per singulos minuitur: sed integrum se praebet in singulis; propterea ipsi qui sumimus communionem huius sancti panis et calicis: unum corpus christi efficimur; Per ipsius itaque maiestatem te supplices exoramus. ut nos ab omnibus emundes contagiis uetustatis: et in nouitate uitae perseuerare concedas. per quem maiestatem.
Praefationes Codicis O: Dominica VI. post Teophaniam
Vere dignum aeternae deus. Ad cuius immensam pertinet gloriam: ut non solum mortalibus tua pietate succurreres: sed de ipsa etiam mortalitate nostra nobis remedium prouideres: et perditos quosque unde perierant inde saluares, per christum.
Praefationes Codicis O: VIII. Kalendas Martias. Cathedra Sancti Petri
Vere dignum aeterne deus. Et te laudare mirabilem ? deum in sanctis tuis. in quibus glorificatus es uehementer; per quos unigeniti tui sacrum corpus exornas: et in quibus ecclesiæ tuae fundamenta constituisti; quam in patriarchis fundasti: in prophetis praeparasti: in apostolis condidisti: ex quibus beatum petrum apostolorum principem ob confessionem unigeniti filii tui. per os eiusdem uerbi tui confirmatum: in fundamento domus tuæ mutato nomine caelestium claustrorum praesulem custodemque fecisti: diuino ei iure concesso: ut quæ statuisset in terris. seruarentur in caelis; in cuius ueneratione hodierna die maiestati tuae haec festa persoluimus: et gratiarum ac laudis hostiam immolamus. per quem.
Praefationes Codicis O: III. Idus Martias. Natale Sancti Gregorii Papē
Vere dignum aeterne deus. Quia sic tribuis ecclesiam tuam sancti gregorii pontificis tui commemoratione gaudere: ut eam illius et festiuitate laetifices: et exemplo pię conuersationis exerceas: et uerbo praedicationis erudias: grataque tibi supplicatione tuearis. per christum.
Vere dignum aeternę deus. Quia per ea quae conspiciuntur instruimur. quibus modis ad inuisibilia tendere debeamus; denique commonemur anni ducente successu de praeteritis ad futura: de uetustate in nouitatem uitę transire; ut terrenis sustentationibus expediti: cęlestis doni capiamus desiderabilius ubertatem; et per eum cybum qui beneficiis prorogatur alternis: perueniamus ad uictum sine fine mansurum. iesum christum dominum nostrum. per quem maiestatem.
Vere dignum aeternę deus. Qui rationabilem creaturam ne temporalibus dedita bonis ad praemia sempiterna non tendat. ea dispensatione dignaris erudire: ut nec castigatione deficiat: nec prosperitatibus insolescat; sed hoc potius fiat eius gloriosa deuotio. quod nullis aduersitatibus obruta superetur. per christum.
Vere dignum aeternę deus. Et maiestatem tuam cernua deuotione exorare. ut modulum terrenę fragilitatis aspiciens: non in ira tuo pro nostra prauitate nos arguas. sed inmensa clementia tua purifices. erudias. consoleris; Qui cum sine te nihil possumus facere quod tibi sit placitum: tua nobis gratia sola praestabit ut salubri conuersatione uiuamus. per christum.
Vere dignum per christum dominum nostrum. Qui continuatis quadraginta diebus et noctibus hoc ieiunium non esuriens dedicauit: Postea enim esuriit: non tam cybum hominum. quam salutem; Nec esca secularium aepulas concupuit: sed animarum desiderauit potius sanctitatem: Cybus namque eius est redemptio populorum. Cybus eius est: totus bonę uoluntatis affectus; qui nos docuit operari non solum cybum qui terrenis dapibus apparatur: sed etiam eum qui diuinarum scripturarum lectione percipitur. per quem.
Vere dignum aeternę deus. Qui das aescam omni carni: et nos non solum carnalibus. sed etiam spiritalibus aescis reficis: ut non in solo pane uiuamus: sed in omni uerbo tuo uitalem habeamus alimoniam., Nec tantum aepulando: set etiam ieiunando pascamur; nam ut dapibus et poculis corpora: sic ieiuniis et uirtutibus animę saginantur; Magnam in hoc munere salubritatem mentis ac corporis contulisti; quia ieiunium nobis uenerabile dedicasti: ut ad paradysum de quo non abstinendo cecidimus: ieiunando solemnius redeamus. per christum.
Vere dignum per christum dominum nostrum. In quo ieiunantium fides additur: spes prouehitur: caritas roboratur. Ipse est enim panis uiuus et uerus: qui substantia aeternitatis et aesca uirtutis est. Uerbum enim tuum per quod facta sunt omnia: non solum humanarum mentium: sed ipse panis est angelorum: Hunc panem ministrare nobis non desinis: et ut eum indesinenter esuriamus hortaris; cuius carne dum pascimur roboramur: et sanguine dum potamur abluimur. per quem.
Vere dignum aeternę deus. Qui in alimentum corporis humani frugum copiam producere iussisti: et in alimentum animarum ieiunii nobis medicinam indidisti; te itaque supplices inuocamus: ut tibi sit acceptabile ieiunium nostrum: et nos a cybis ieiunantes a peccatis absoluas. per christum.
Vere dignum aeterne deus. Quia competenter atque salubriter religiosa sunt nobis instituta ieiunia: ut corporeae iocunditatis immoderatas coerceamus inlecebras; et terrene delectationis insolentia refrenata: purior atque tranquillior appetitus: ad caelestia contemplanda mysteria fidelium reddatur animarum. per christum.
Vere dignum usque aeterne deus. Qui ieiunii obseruatione et elemosinarum gratissima largitione: nos docuisti nostrorum consequi remedia peccatorum., Unde tuam imploramus clementiam: ut his obseruationibus. et ceteris bonorum operum exhibitionibus muniti: ea operemur quibus ad aeterna gaudia consequenda: et spes nobis suppetat et facultas. per christum.
In Sabbato.Vere dignum aeterne deus. Inluminator et redemptor animarum nostrarum: Qui nos per primum adam abstinentiae lege uiolata paradyso eiectos: fortioris ieiunii remedio ad antiquae patrię beatitudinem per gratiam reuocasti., Nosque pia institutione docuisti: quibus obseruationibus a peccatis omnibus liberemur. per christum.
Praefationes Codicis O: Dominica I. in Quadragesima
Vere dignum aeterne deus. Et maiestatem tuam suppliciter exorare: ut mentibus nostris medicinalis obseruantiae munus infundas., Et qui neglegentibus etiam subsidium ferre non desinis: beneficia praebeas potiora deuotis. per christum.
Vere dignum aeterne deus. Et pietatem tuam supplici deuotione deposcere: ut ieiunii nostri oblatione placatus: et peccatorum nobis concedas ueniam. et nos a noxiis liberes insidiis. per christum dominum.
Vere dignum aeterne deus. Qui ob animarum medellam ieiunii deuotione castigari corpora praecepisti., Concede quaesumus ut corda nostra ita pietatis tuae ualeant exercere mandata: ut ad tuam mereamur te oppitulante peruenire promissa. per christum.
Vere dignum per christum dominum nostrum. per quem humani generis reconciliationem: mirabili dispensatione operatus es., Presta quaesumus ut sancto purificati ieiunio: et tibi toto corde simus subiecti: et inter mundane prauitatis insidias te miserante perseueremus inlesi. per quem maiestatem.
Vere dignum aeterne deus. Et tuam cum celebratione ieiunii pietatem deuotis mentibus obsecrare: ut qui peccatis ingruentibus malorum pondere premimur: et a peccatis omnibus liberemur: et libera tibi mente famulemur. per christum.
Vere dignum aeterne deus. Qui delinquentes perire non pateris: sed ut ad te conuertantur et uiuant hortaris; poscimus itaque pietatem tuam ut a peccatis nostris tuæ seueritatis suspendas uindictam: et nobis optatam misericorditer tribuas ueniam; Nec iniquitatum nostrarum moles te prouocet ad ultionem: sed ieiunii obseruatio et morum emendatio: te flectat ad peccatorum nostrorum remissionem. per christum.
Vere dignum aeterne deus. Et tuam iugiter exorare clementiam: ut mentes nostras quas conspicis terrenis affectibus praegrauari: medicinalibus tribuas ieiuniis exhonerari: et per afflictionem corporum: proueniat nobis robur animarum. per christum.
Praefationes Codicis O: Dominica III. in Quadragesima
Vere dignum aeterne deus. Et te suppliciter exorare. ut cum abstinentia corporali: mens quoque nostra sensus declinet inlicitos; Et quae terrena delectatione carnalibus aepulis abnegamus: humanæ uoluntatis prauis intentionibus amputemus., quatinus ad sancta sanctorum fideliter salubriterque capienda: competenti ieiunio ualeamus aptari; Tanto nobis certi propensius iugiter adfutura: quanto fuerimus eorum institutionibus gratiores. per christum dominum nostrum.
Vere dignum aeterne deus. Et clementiam tuam cum omni supplicatione precari. ut per hanc ieiuniorum obseruationem. crescat nostrae deuotionis affectus: [et nostras actiones religiosus exornet effectus;] Quatinus te auxiliante et ab humanis semper retrahamus excessibus: et monitis inherere ualeamus te largiente celestibus. per christum.
Vere dignum aeterne deus. Qui peccantium non uis animas perire sed culpas: et peccantes non semper continuo iudicas: sed ad paenitentiam provocatos expectas., Auerte quaesumus a nobis quam meremur iram: et quam optamus super nos effunde clementiam tuam: ut sacro purificati ieiunio. electorum tuorum adscisci mereamur collegio. per christum.
Vere dignum aeterne deus. Tuamque misericordiam suppliciter exorare: ut ieiuniorum nostrorum sacrosancta mysteria tuq sint pietati semper accepta., Concedasque ut quorum corpora abstinentiae obseruatione macerantur: mentes quoque uirtutibus. et caelestibus institutis exornentur. per christum.
Vere dignum aeterne deus. Et tuam immensam clementiam supplici uoto deposcere: ut nos famulos tuos et ieiunii maceratione castigatos. ac ceteris bonorum operum exhibitionibus eruditos: in mandatis tuis facias perseuerare sinceros: et ad paschalia festa peruenire inlaesos; Sicque praesentibus subsidiis consolemur: quatinus ad eterna gaudia pertingere mereamur. per christum.
Vere dignum per christum dominum nostrum. Qui ad insinuandum humilitatis suae mysterium fatigatus resedit ad puteum: qui a muliere samaritana aquae sibi petiit porrigi potum: qui in ea creauerat fidei donum; Et ita eius sitire dignatus est fidem: ut dum ab ea aquam peteret: in ea ignem diuini amoris accenderet; Imploramus itaque tuam inmensam clementiam: ut contempnentes tenebrosam profunditatem uitiorum: et relinquentes noxiarum hydriam cupiditatum: et te qui fons uite et origo bonitatis es semper sitiamus: et ieiuniorum nostrorum observatione tibi placeamus per quem.
Vere dignum aeterne deus. Qui ieiunii quadragesimalis observationem in moyse et helia dedicasti: et in unigenito filio tuo legis et prophetarum nostroque omnium domino exornasti; Tuam igitur inmensam bonitatem supplices exposcimus: ut quod ille iugi ieiuniorum compleuit continuatione: nos adimplere ualeamus illius adiuti largissima miseratione, et adimplentes ea quae praecepit: dona percipere mereamur que promisit. per quem.
Praefationes Codicis O: Dominica III. in Quadragesima
Statio ad hierusalem. Vere dignum aeterne deus. Et te creatorem omnium de praeteritis fructibus glorificare: et de uenturis suppliciter exorare, ut cum de perceptis non iuuenimur ingrati: de percipiendis non iudicemur indigni, sed exhibita toties solemni deuotione ieiunia: cum subsidiis corporalibus: profectum quoque capiamus animarum. per christum dominum nostrum.
Vere dignum usque aeternae deus: Et tuam suppliciter misericordiam implorare: ut exercitatio ueneranda ieiunii salutaris: nos a peccatorum nostrorum maculis purgatos reddat: et ad supernorum ciuium sociaetatem perducat: Ut hic deuotorum actuum sumamus augmentum: et illic aeternae beatitudinis percipiamus emolumentum. per christum.
Vere dignum usque aeternae deus. Per mediatorem dei et hominum iesum christum dominum nostrum: qui mediante die festo ascendit in templum docere: qui de caelo descendit mundum ab ignorantiae tenebris liberare, Cuius descensus genus humanum doctrina salutari instruit: mors a perpetua morte redemit: ascensio ad cœlestia regna perducit. Per quem te summe pater poscimus: ut eius institutione edocti: salutaris parsimoniae deuotione purificati: ad tua perueniamus promissa securi. per quem.
Vere dignum usque per christum dominum nostrum. Qui inluminatione suae fidei tenebras expulit mundi: et genus humanum quod primæ matris uterus profuderat caecum: Incarnationis suae mysterio reddidit inluminatum; fecitque filios adoptionis: qui tenebantur uinculis iustæ dampnationis. Per ipsum te petimus ut tales in eius inueniamur iustissima examinatione: quales facti sumus in lauacri salutaris felicissima regeneratione. Ut eius incarnationis medicamine imbuti: sacrosancti lauacri ablutione loti: parsimoniæ deuotione ornati: ad aeterna gaudia perueniamus inlaesi. per quem.
Vere dignum aeterne deus. Cuius bonitas hominem condidit: iustitia dampnauit: misericordia redemit. Te humiliter exoramus. ut sicut per inlicitos appetitus a beata regione decidimus: sic ad aeternam patriam per abstinentiam redeamus. Sicque moderetur tua miseratione nostra fragilitas: ut et transitoriis subsidiis nostra sustentetur mortalitas: et per bonorum operum incrementa: beata adquiratur inmortalitas. per christum.
Vere dignum usque per christum dominum nostrum. Qui est dies aeternus lux indeficiens: claritas sempiterna. Qui sic sequaces suos in luce praecepit ambulare: ut noctis aeternæ ualeant caliginem euadere: et ad lucis patriam feliciter peruenire. Qui per humilitatem assumptae humanitatis lazarum fleuit: per diuinitatis potentiam uitae reddidit: genusque humanum quadrifida peccatorum mole obrutum. ad uitam reducit. Per quem petimus ieiunii observatione a peccatorum nostrorum nexibus solui: aeternæ uitæ felicitati reddi: et sanctorum coetibus connumerari; per quem maiestatem.
In Sabbato.Vere dignum aeterne deus. misericordiae dator et totius bonitatis auctor: qui ieiuniis orationibus et elemosinis peccatorum remedia et uirtutum omnium tribuis incrementa., Te humili deuotione precamur: ut qui ad haec agenda saluberrimam dedisti doctrinam: ad complendum indefessam tribuis efficaciam: ut oboedienter tua exequentes praecepta: feliciter tua capiamus promissa. per christum dominum nostrum.
Praefationes Codicis O: Dominica V. in Quadragesima
Vere dignum aeterne deus: maiestatem tuam propensius implorantes: ut quanto magis dies salutiferę festiuitatis accedit: tanto deuotius ad eius digne caelebrandum proficiamus paschale mysterium. per christum.
Vere dignum aeterne deus. Te suppliciter exorantes: ut sic nostra sanctificentur ieiunia: quo cunctorum nobis peccatorum proueniat indulgentia; Quatinus adpropinquante unigeniti filii tui passione: bonorum operum tibi placere ualeamus exhibitione. per quem maiestatem.
Vere dignum aeterne deus. Et te deuotis mentibus supplicare: ut nos interius exteriusque restaures: et parsimonia salutari a peccatorum sordibus purges; Et quos inlecebrosis delectationibus non uis impediri: spiritalium uirtutum facias uigore muniri., Et sic in rebus transitoriis foueas: ut perpetuis inherere concedas. per christum dominum nostrum.
Vere dignum aeterne deus. Et te supplici deuotione exorare: ut per ieiunia quae sacris institutis exequimur: a cunctis reatibus emundari mereamur; Tuamque percipere ualeamus propitiationem: qui praeparamur ad celebrandum unigeniti filii tui passionem. per quem maiestatem.
Vere dignum aeterne deus. Qui sic nos tribuis solempne tibi deferre ieiunium: ut indulgentiae tuae speremus nos percipere subsidium., Sic nos instituis ad caelebranda paschalia festa: ut per haec adquiramus gaudia sempiterna. per christum dominum nostrum.
Vere dignum aeterne deus. Cuius nos misericordia praeuenit ut bene agamus: subsequitur ne frustra agamus; Accendit intentionem: qua ad bona opera peragenda inardescamus. Tribuit efficaciam: qua haec ad perfectum perducere ualeamus. Tuam ergo clementiam indefessis uocibus obsecramus: ut nos ieiunii uictimis a peccati mundatos: ad cælebrandam unigeniti filii tui domini nostri passionem facias esse deuotos, per quem maiestatem.
Vere dignum aeterne deus. Cuius nos fides excitat: spes erigit: caritas iungit; Cuius miseratio gratuita purificat: quos conscientiæ reatus accusat. Te igitur cum interno rugitu deprecamur: ut carnalis alimoniae refrenatione castigati: ad caelebrandum paschale misterium inueniamur idonei, per christum.
Statio ad sanctum iohannem ad lateranos. Vere dignum usque per christum dominum nostrum. Per quem nobis indulgentia largitur: et pax per omne saeculum praedicatur. Traditur cunctis credentibus disciplina: ut sanctificatos nos possit dies uenturus excipere, per quem maiestatem.
Vere dignum usque per christum dominum nostrum. Cuius nos humanitas colligit, humilitas erigit: traditio absolut, poena redemit: crux saluificat: sanguis emaculat: caro saginat; per quem te summe pater cum ieiuniorum obsequiis obsecramus: ut ad eius caelebrandam passionem, purificatis mentibus accedamus, per.
Vere dignum usque per christum dominum nostrum. Cuius salutiferæ passionis et gloriosae resurrectionis dies adpropinquare noscuntur: in quibus et antiqui hostis superbia triumphatur: et nostrae redemptionis mysterium caelebratur. Unde poscimus tuam inmensam clementiam: ut sicut in eo solo consistit totius nostrae saluationis summa: ita per eum tibi sit ieiuniorum et actuum nostrorum semper uictima grata, per quem.
Vere dignum usque per christum dominum nostrum. Qui innocens pro impiis uoluit pati: et pro sceleratis indebite condempnari., Cuius mors delicta nostra detersit: et resurrectio iustificationem nobis exhibuit., Per quem tuam pietatem supplices exoramus: ut sic nos hodie a peccatis emacules: ut cras uenerabilis caenae dapibus saties; Hodie acceptes confessionem nostrorum peccaminum: et cras tribuas spiritalium incrementa donorum; Hodie ieiuniorum nostrorum uota suscipias: et cras nos ad sacratissime caenę conuiuium introducas. per quem maiestatem.
Vere dignum aeterne deus. Et clementiam tuam suppliciter obsecrare: ut spiritalis lauacri baptismo renouandis creaturam chrismatis in sacramentum perfecte salutis uiteque confirmes: ut sanctificatione unctionis infusa: corruptione prime natiuitatis absorta: sanctum uniuscuiusque templum acceptabilis uite innocens odor redolescat; Ut secundum constitutionis tuæ sacramentum: regio et sacerdotali prophetico honore perfusi: uestimento incorrupti muneris induantur. per christum.
Item Alia.Vere dignum usque per christum dominum nostrum. Quem in hac nocte inter sacras aepulas increpantem mens sibi conscia traditoris ferre non potuit: sed apostolorum relicto consortio: sanguinis pretium a iudaeis accepit: ut uitam perderet quam distraxit., Cenauit hodie proditor mortem suam: et cruentis manibus panem de manu saluatoris exiturus accepit., Ut saginatum cybo maior poena constringeret: quem nec sacra[ti] cybi conlatio ab scelere reuocaret; Patitur itaque dominus[noster] iesus christus filius tuus cum hoste nouissimum participare conuiuium: a quo se nouerat continuo esse tradendum., ut exemplum innocentiae mundo relinqueret: et passionem suam pro saeculi redemptione suppleret., Pascit igitur mitis deus inmitem iudam: et sustinet prius crudelem conuiuam., Qui merito laqueo suo periturus erat: quia de magistri sanguine cogitarat., O deum per omnia pacientem: O magnum inter suas aepulas mitem., Cybum eius iudas in ore ferebat: et quibus eum traderet persecutores aduocabat, sed filius tuus dominus noster. tanquam pia hostia: et immolari se tibi pro nobis pacientet promisit: et peccatum quod mundus commiserat relaxauit. per quem.
In Sabbato.Vere dignum aeterne deus. Te quidem omni tempore sed in hac potissimum nocte gloriosius conlaudare et praedicare per christum dominum nostrum; Qui inferorum claustra disrumpens: uictoriae suae clara uexilla suscepit: et e triumphato diabolo: uictor a mortuis resurrexit. O noctem quae finem tenebris ponit: et aeternae lucis uiam pandit. O noctem quae uidere meruit. et uinci diabolum: et resurgere christum; O noctem in qua tartara spoliantur: sancti ab inferis liberantur: caelestis patrie aditus aperitur: in qua in baptismate delictorum turba perimitur: filii lucis oriuntur: Quos exemplo dominicae matris sine corruptione sancta mater ecclesia concipit: sine dolore parit: et cum gaudio ad meliora prouehit. et ideo.
Vere dignum aeterne deus. Te quidem omni tempore sed in hoc praecipue die laudare benedicere. et praedicare: quod pascha nostrum immolatus est christus; per quem [ad] aeternam uitam filii lucis oriuntur: fidelibus regni caelestis atria resera[n]tur; et beati lege commercii: diuinis humana mutantur; Quia nostrorum omnium mors cruce christi perempta est: et in resurrectione eius o[m]nium uita resurrexit; Quem in susceptione mortalitatis deum maiestatis agnoscimus: et in diuinitatis gloria deum et hominem confitemur; Qui mortem nostram moriendo destruxit: et uitam resurgendo restituit. et ideo.
Vere dignum aeterne deus. Et te suppliciter exorare: ut fidelibus tuis dignanter impendas: quo et paschalia capiant sacramenta: et desideranter expectent uentura; Ut in mysteriis quibus renati sunt permanentes: ad nouam uitam his operantibus perducantur. per christum.
Vere dignum per christum dominum nostrum. Qui oblatione sui corporis remotis sacrificiorum carnalium observationibus: seipsum tibi sacram hostiam agnumque immaculatum summus sacerdos pro salute nostra immolauit. per quem maiestatem.
Vere dignum aeterne deus. Et pietatem tuam indefessis precibus implorare : ut qui paschalis festiuitatis solemnia colimus : in tua semper sanctificatione uiuamus., Quo per temporalis festi obseruationem : peruenire mereamur ad aeternorum gaudiorum continuationem. per christum.
Vere dignum per christum dominum nostrum. Qui nos per paschale mysterium edocuit uetustatem uite [de]relinquere : et in nouitate spiritus ambulare ; a quo perpetue mortis superatur acerbitas : et eterne uite fidelibus tribuitur integritas. per quem.
Vere dignum per christum dominum nostrum. Qui secundum promissionis suae incommutabilem ueritatem caelestis pontifex factus in aeternum : solus omnium sacerdotum peccati remissione non eguit : sed potius peccatum mundi. idem uerus agnus abstersit. per quem maiestatem.
In Sabbato.Vere dignum per christum dominum nostrum. Per quem supplices exposcimus : ut cuius muneris pignus accepimus : manifesta dona comprehendere ualeamus ; Et quae nobis fideliter speranda paschale contulit sacramentum : per resurrectionis eius adtingere mereamur ineffabile mysterium. per quem maiestatem.
In Dominica Octauis Pasche.Vere dignum aeterne deus. Et te suppliciter obsecrare : ne nos ad illum sinas redire actum : cui iure dominatur inimicus ; sed in hac potius facias absolutione persistere : per quem diabolus extitit filio tuo uincente captiuus. et ideo.
Vere dignum aeterne deus. Et redemptionis nostrae festa recolere: quibus humana substantia uinculis praeuaricationis exuta: spem resurrectionis per renouatam originis dignitatem assumpsit. et ideo.
Praefationes Codicis O: VIII. Kalendas Apriles. Adnuntiatio Sancte Mariae
Vere dignum aeterne deus. Qui per beatę marię uirginis partum ecclesiae tuae tribuisti caelebrare mysterium: et in-enarrabile sacramentum; In qua manet intacta castitas: pudor integer: firma constantia., Quae laetatur quod uirgo concepit: quod caeli dominum castis portauit uisceribus: quod uirgo edidit partum., O admirandam diuine dispensationis operationem: quae uirum non cognouit et mater est: et post filium uirgo est., Duobus enim gauisa est muneribus: miratur quod uirgo peperit: laetatur quod redemptorem mundi edidit iesum christum dominum nostrum. per quem maiestatem,
Praefationes Codicis O: Dominica I. post Octauas Paschae
Vere dignum aeterne deus. Et inmensam bonitatis tuae pietatem humiliter exorare: ut ignorantiam nostrae mortalitatis attendens: ex tua inspiratione nos facias postulare quod rectum est: et tua clementia tribuas impetrare quod poscimus. per christum.
Vere dignum aeterne deus. Et in hac solemnitate tibi laudis hostias immolare: qua beatę eufemiae martyris tuae passionem uenerando recolimus: et tui nominis gloriam debitis praeconiis magnificamus. per christum.
Praefationes Codicis O: XVIII. Kalendas Maias. Natale Sanctorum Tyburtii. Ualeriani. et Maximi
Vere dignum aeterne deus. Et te in sanctorum martyrum tuorum festiuitate laudare: qui semper es mirabilis in tuorum commemoratione sanctorum., et magne fidei largiris affectum: et tolerantiam tribuis passionum. et antiqui hostis facis superare machinamentum., quo egregii martyres tui ad capiendam supernorum beatitudinem praemiorum: nullis impediantur retinaculis blandimentorum. et ideo. ex tua et tua R. 2 Hane praef. habet R inter praefationes dominicales, (p. 242 sup.). 3 martyris martyre sec. curis. 4 superare superari sec. curis. GREG.
Praefationes Codicis O: Dominica II. post Octauas Paschae
Vere dignum per christum dominum nostrum. Qui de uirgine nasci dignatus, per passionem et mortem a perpetua morte nos liberauit: et resurrectione sua aeternam nobis uitam contulit, per quem.
Praefationes Codicis O: VIII. Kalendas Maias. Natale Sancti Georgii
Vere dignum per christum dominum nostrum. Pro cuius nominis ueneranda confessio beatus martyr georgius diuersa supplicia sustinuit: et ea deuincens: coronam perpetuitatis promeruit, per quem.
Praefationes Codicis O: VII. Kalendas Maias in Letania Maiore
Vere dignum aeterne deus. Et te auctorem et sanctificatorem ieiunii conlaudare: per quod nos liberas a nostrorum debitis peccatorum, Ergo suscipe ieiunantium preces: atque ut nos a malis omnibus propitiatus cripias, iniquitates nostras quibus merito affligimur placatus absolue, per christum.
Vere dignum aeterne deus. Et maiestatem tuam suppliciter exorare: ut non nostrae militiae sed indulgentiae tuae praeueniat semper affectus, qui nos a noxiis uoluptatibus indesinenter expediat: et a mundanis cladibus dignanter eripiat, per christum.
Vere dignum aeterne deus. Ut quia tui est operis si quod tibi placitum est aut cogitamus aut agamus: tu nobis semper et intelligendi quae recta sunt: et exequendi tribuas facultatem, per christum.
Praefationes Codicis O: Dominica III. post Octauas Pasche
Vere dignum aeterne deus. Et tui misericordiam muneris postulare, ut tempora quibus post resurrectionem suam dominus noster iesus christus cum discipulis corporaliter habitauit: sic ipso opitulante pia deuotione tractemus: quatinus in his omnium uitiorum sordibus careamus, per quem maiestatem.
Praefationes Codicis O: Kalendis Maiis. Natale Apostolorum. Philippi. et Iacobi
Vere dignum aeterne deus. Qui ecclesiam tuam in apostolica soliditate firmasti : de quorum consortio sunt beatus philippus . et iacobus: quorum passionis hodie festa ueneramur poscentes : ut sicut eorum doctrinis instituimur : ita exemplis muniamur . et precibus adiuuemur . per christum.
Praefationes Codicis O: V. Nonas Maias Inuentio Sancte Crucis
Vere dignum per christum dominum nostrum. Qui per passionem crucis mundum redemit : et antique arboris amarissimum gustum crucis medicamine indulcauit : Mortemque quae per lignum uetitum uenerat : per ligni tropheum deuicit., ut mirabili suae pietatis dispensatione : qui per ligni gustum a florigera sede discesseramus : per crucis lignum ad paradisi gaudia redeamus . per quem maiestatem.
Praefationes Codicis O: Dominica III. post Octauas Pasche
Vere dignum aeterne deus. Et maiestatem tuam indefessis precibus exorare : ut mentes nostras bonis operibus semper informes., quia sic erimus praeclari muneris prompta sinceritate cultores : si ad meliora iugiter transeuntes paschale mysterium studeamus habere perpetuum . per christum.
Praefationes Codicis O: III. Idus Maias. Natale Sanctorum Nerei. et Achillei. et Pancratii
Vere dignum aeterne deus. Quoniam a te conscientiam fides . a te uirtutem sumit infirmitas : et quicquid in persecutionibus seuum est . quicquid in morte terribile : nominis tui facis confessione superari., Unde benedicimus te domine in operibus tuis : teque in sanctorum tuorum . nerei et achillei et pancratii prouectione laudamus . per christum.
Vere dignum aeterne deus. Et in hac praecipue die/ quo iesus christus filius tuus dominus noster diuini consummato fine mysterii dispositionis antiquae munus expleuit : Ut scilicet et diabolum caelestis operis inimicum: per hominem quem subiugauerat elideret: et humanam reduceret ad superna dona substantiam; et ideo.
Praefationes Codicis O: Dominica I. post Ascensa Domini
Vere dignum per christum dominum nostrum. Qui generi humano nascendo subuenit: cum per mortem passionis mundum deuicit: per gloriam resurrectionis uitae aeterne aditum patefecit: et per suam ascensionem ad caelos nobis spem ascendendi donauit; per quem.
In Sabbato Pentecosten.Vere dignum aeterne deus. Qui sacramentum paschale consummans: quibus per unigeniti tui consortium filios adoptionis esse tribuisti: per spiritum sanctum largiris dona gratiarum: et suis coheredibus redemptoris. iam nunc superne pignus hereditatis inpendis, ut tanto se certius ad eum confidant esse uenturos: quanto se sciunt ab eo redemptos. et sancti spiritus infusione ditatos; et ideo.
Vere dignum per christum dominum nostrum. Qui promissum spiritum paraclitum super discipulos misit: qui principio nascentis ecclesiae cunctis gentibus inbuendis: et deitatis scientiam inderet: et linguarum diuersitatem in unius fidei confessione sociaret; Per quem maiestatem tuam supplices exoramus. ut cuius caelebramus aduentum: eius multimode gratiae capiamus effectum. per quem maiestatem tuam.
Vere dignum per christum dominum nostrum. Qui spiritus sancti infusione repleuit corda fidelium: qui sui admirabili operatione et sui amoris in eis ignem accenderet: et per diuersitatem linguarum gentes in unitate fidei solidaret; Cuius dono petimus et inlecebrosas a nobis excludi uoluptates: et spiritales in nobis extrui plantarique uirtutes; per quem maiestatem.
Vere dignum per christum dominum nostrum. Per quem discipulis spiritus sanctus in terra datur. ob dilectionem proximi: et de caelo mittitur propter dilectionem tui, cuius infusio peti- 1 sui leg. sua. 2 infusio infusione sec. curis. mus: ut in nobis peccatorum sordes exurat; tui amoris ignem nutriat. et nos ad amorem fraternitatis accendat. per quem.
Vere dignum per christum dominum nostrum. per quem pietatem tuam suppliciter petimus. ut spiritus sanctus corda nostra clementer expurget. et sui luminis inradiatione perlustret., ut in eo qui gratiarum largitor est recta sapiamus. et de eius consolatione in perpetuum gaudeamus. per quem.
Vere dignum aeterne deus. Et maiestatem tuam suppliciter exorare. ut spiritus paraclytus ad nos ueniat: et nos inhabitando templum suae maiestatis efficiat., Quod cum unigenito [filio tuo]1 clementi respectu semper digneris inuisere: et tuae inhabitationis fulgore in perpetuum perlustrare. per quem.
In Sabbato.Vere dignum aeterne deus. Et tuam omnipotentiam deuotis precibus implorare: ut nos spiritus tui lumen infundat; cuius nos sapientia creat. pietas [re]creat1. et prouidentia gubernat; Qui cum a tua substantia nullo modo sit diuersus. sed tibi et unigenito tuo consubstantialis et coeternus: diuersitate tamen donorum [replet]1 tuorum corda fidelium. et ideo.
Vere dignum aeterne deus. Qui cum unigenito filio tuo et sancto spiritu unus es deus. unus es dominus: non in unius singularitate persone: sed in unius trinitate substantiae2., quod enim de tua gloria reuelante te credimus: hoc de filio tuo: hoc de spiritu sancto sine differentiae discretione sentimus., ut in confessione uere sempiterneque deitatis: et in personis proprietas: et in essentia unitas: et in maiestate adoretur aequalitas: quem laudant angeli.3
Praefationes Codicis O: III. Nonas Iunias. Natale Sanctorum Marcellini et Petri
Vere dignum aeterne deus. Apud quem semper est praeclara uita sanctorum quorum nos mors pretiosa laetificat et 1 Quae hic uncinis includuntur addita sunt supra lineam. 2 trinitate substantiae trinitatis substantia sec. curis. 3 Hanc praef. habet R inter praef. dominicales, p. 242 sup.). tuetur; quapropter martyrum tuorum marcellini et petri gloriosa recensentes natalitia, laudes tibi referimus; et magnificentiam tuam supplices exoramus; ut quorum sumus martiria uenerantes; beatitudinis mereamur esse consortes; per christum.
Praefationes Codicis O: Dominica II. post Pentecosten
Vere dignum aeterne deus. Qui ecclesiae tuæ filios sicut non cessas erudire; ita non desinis adiuuare: Ut et scientiam te miserante recte faciendi; et possibilitatem capiant exequendi. per christum.
Praefationes Codicis O: Dominica III. post Pentecosten
Vere dignum aeterne deus. Cuius hoc mirificum opus ad salutare mysterium fuit; ut perditi dudum atque prostrati de diabolo et mortis aculeo. ad hanc gloriam uocaremur; quam nunc genus electum sacerdotiumque regale, populus adquisitionis. et gens sancta uocaremur; Agentes igitur indefessas gratias; sanctamque munificentiam tuam praedicantes, maiestati tuæ haec sacra deferimus; quae nobis ipse salutis nostrae auctor christus instituit. per christum.
Vere dignum aeterne deus. Qui apud illos laetitiae dies quos in honore domini a mortuis resurgentis. et in caelos ascendentis exegimus; postque perceptum sancti spiritus donum necessaria nobis ieiunia sancta prouisa sunt; ut pura conuersatione uiuentibus. qui diuinitus sunt ecclesiae conlata permaneant. per christum.
Praefationes Codicis O: Dominica IIII. post Pentecosten
Vere dignum aeterne deus. Quoniam illa festa remaneant. quibus nostrae mortalitati procuratur inmortale commercium. ac temporali uitae subrogatur aeternitas; et de peccati poena. peccata mundantur; miserisque modis conficitur. de perditione saluatio; ut status conditionis humanæ. qui per felicitatis insolentiam uenit ad tristitiam; humilis et modestus ad aeterna gaudia redeat per merorem. per christum.
Praefationes Codicis O: XIII. Kalendas Iulias. Natale Sanctorum Geruasii et Protasii
Vere dignum per christum dominum nostrum. Pro cuius nominis confessione beati martyres geruasius et protasius passi in caelesti regione aeternis perfruuntur gaudiis: et pro eorum solemni recordatione ecclesia religiosis exultat officiis. per quem.
Praefationes Codicis O: Dominica V. post Pentecosten
Vere dignum aeterne deus. Et omnipotentiam tuam iugiter implorare: ut nobis et praesentis uitae subsidium: et aeternae tribuas praemium sempiternum; Quo sic mutabilia bona capiamus: ut per haec ad incommutabilia dona peruenire ualeamus; Sic temporalis laetitiae tempora transeant: ut eis gaudia sempiterna succedant. per christum.
Praefationes Codicis O: In Uigilia Sancti Iohannis Baptistae
Vere dignum aeterne deus. Exhibentes solemne ieiunium: quo beati iohannis baptistę natalitia praeuenimus; Cuius genitor dum eum dubitat nasciturum: sermonis amisit officium., et eo nascente: et sermonis usum et prophetię suscepit donum., cuiusque genetrix senio confecta: sterilitate mutata: in eius conceptu non solum sterilitatem amisit: fecunditatem adquisiuit: sed etiam spiritum sanctum quo matrem domini et saluatoris agnosceret accepit. per christum.
In Die Ad Missa.Vere dignum aeterne deus. Et in die festiuitatis hodiernae qua beatus iohannes exhortus est tuam magnificentiam conlaudare: qui uocem matris domini nondum editus sensit: et adhuc clausus utero: aduentum salutis humanę prophetica exultatione significauit; Qui genitricis sterilitatem conceptus abstulit: et patris linguam natus absoluit; Solusque omnium prophetarum redemptorem mundi quem praenuntiauit ostendit: et ut sacrę purificationis effectum aquarum natura conciperet: sanctificandis iordanis fluentis ipsum baptismo baptismatis lauit auctorem; et ideo.
Praefationes Codicis O: V. Kalendas Iulias Natale Sanctorum Iohannis et Pauli
Vere dignum per christum dominum nostrum. Pro cuius amore gloriosi martyres iohannes et paulus martyrium non sunt cunctati subire: quos in nascendi lege iunccxit germanitas: in gremio matris ecclesiae fidei unitas: in passionis acerbitate ferenda unius amoris societas, per quem nos petimus eorum precibus adiuuari: quorum festa noscimur uenerari; per quem.
Praefationes Codicis O: Dominica VI. post Pentecosten
Vere dignum aeterne deus. Apud quem cum beatorum apostolorum continuata festiuitas triumphique caelestis perpetua [et] aeterna sit caelebritas: nobis tamen eorum festa annuis recursibus tribuis frequentare, ut et illorum passioni sit ueneratio ex nostra deuotione: et nobis auxilium proueniat de eorum sanctissima intercessione. per christum.
Praefationes Codicis O: Dominica VII. post Pentecosten
Vere dignum per christum dominum nostrum. Uerum aeternumque pontificem: et solum sine peccati macula sacerdotem; cuius sanguine [omnium] fidelium corda mundantur: cuius institutione placationis tibi hostias non solum pro delictis populi, sed etiam pro nostris offensionibus immolamus; Tuam poscentes clementiam, ut omne peccatum quod carnis fragilitate contraximus: ipso summo pro nobis antistite interueniente soluatur; per quem.
Praefationes Codicis O: VI. Idus Iulias Natale VII. Fratrum
Vere dignum aeterne deus. Donari nobis suppliciter exorantes, ut sicut sancti tui mundum in tua uirtute uicerunt: Ita nobis a mundanis erroribus postulent expediri. per christum.
Praefationes Codicis O: Dominica VIII. post Pentecosten
Vere dignum aeterne deus. Et tibi uouere contriti sacrificium cordis: tibi libare humilitati uictimam pectoris; a quo omne bonum sumimus: omnem iocunditatem haurimus; precamur itaque ut tibi conscientia nostra famulatur: et ut in te de die in diem meliorata proficiat. tuae gratiae intemerata subdatur; Nostris nos domine quaesumus euacua malis: 'tuisque reple per omnia bonis: ut percepta gratia quam nostra non exigunt merita: a cunctis aduersitatibus liberati: in bonis omnibus confirmati. supernis ciuibus mereamur coniungi. per christum.
Praefationes Codicis O: V. Idus Iulias Natale Sancti Benedicti
Vere dignum aeterne deus. Et gloriam tuam profusis precibus exorare. ut qui beati benedicti confessoris tui ueneramur festa: 'te opitulante eius sanctitatis imitari ualeamus exempla; et cuius meritis nequaquam possumus coequari. eius precibus mereamur adiuuari. per christum.
Praefationes Codicis O: Dominica VIII. post Pentecosten
Vere dignum aeterne deus. Et tuam misericordiam totis nisibus exorare. ne pro nostra nos iniquitate condemnes: 'sed pro tua pietate in uia recta semper disponas., Nec sicut mere-mur delinquentibus irascaris. sed fragilitati nostrae inuicta boni-tate subuenias. per christum.
Praefationes Codicis O: Dominica X. post Pentecosten
Vere dignum aeterne deus. Et tuam misericordiam exorare. ut te annuente ualeamus quae mala sunt declinare. et quae bona sunt explere consequenter., Et quia nos fecisti ad tua sacra-menta pertinere. tu clementer in nobis eorum munus operare. per christum.
Praefationes Codicis O: VIII. Kalendas Agustas. Natale Sancti Iacobi Apostoli
Vere dignum aeterne deus. Quia licet nobis semper salutem operetur diuine caelebratio sacramenti: 'propensius tamen nobis confidimus profuturam: si beati apostoli tui iacobi intercessionibus adiuuemur. per christum.
Praefationes Codicis O: III. Calendas Agustas Natale Sanctorum Abdon et Sennes
Vere dignum aeterne deus. Et te laudare mirabilem deum in sanctis suis. quos ante constitutionem mundi in aeternam tibi gloriam praeparasti: 'ut per eos huic mundo ueritatis tuae lumen ostenderes, quos ita spiritu ueritatis armasti: ut formidinem mortis per infirmitatem carnis euincerent., De quorum collegio sunt martyres tui abdon et sennes: qui in ecclesiae tuae prato sicut rosę et lilia floruerunt: quos unigeniti tui sanguis in praelio confessionis roseo colore perfudit., et ob praemium passionis: niueo liliorum splendore uestiuit. per christum.
Praefationes Codicis O: Dominica XI. post Pentecosten
Vere dignum aeterne deus. Et tibi debitam seruitutis per ministerii huius impletionem persoluere: 'quia non solum peccantibus ueniam tribuis. sed etiam praemia petentibus impertiris; et quod perpeti malis operibus promemur: magnifica pietate depellis: ut nos ad tuae reuerentie cultum et terrore cogas et amore perducis. per christum.
Vere dignum aeterne deus. Quia licet in omnium sanctorum tuorum tu sis domine protectione mirabilis: 'in his tamen spetiale tuum munus agnoscimus. quos fratres sorte nascendi magnifica praestitisti passione germanos; ut simul esset et ueneranda gloria genitricis. et florentissima proles ecclesiae. et ideo.
Praefationes Codicis O: Nonis Agustis. Natale Sancti Sixti
Vere dignum aeterne deus. Et in die festiuitatis hodierne qua beatus sixtus pariter sacerdos et martyr deuotum tibi sanguinem exultanter effudit: 'qui ad eandem gloriam promerendam doctrinę suae filios incitauit: et quos erudiebat hortatu. praeueniebat exemplo. per christum.
Praefationes Codicis O: Dominica XII. post Pentecosten
Vere dignum per christum dominum nostrum. Cuius primum tuae pietatis indicium est: 'si tibi facias toto corde subiectos; et spiritum in nobis tante deuotionis infundas. ut propitius largiaris consequenter auxilium. per christum.
Praefationes Codicis O: V. Idus Agustas Uigilia Sancti Laurentii
Vere dignum aeterne deus. Et deuotis mentibus natale beati martyris tui laurentii praeuenire. qui leuita simul martyrque uenerandus: 'et proprio claruit gloriosus officio: et memorandę passionis refulsit martyrio. per christum.
In Die Ad Missam.Vere dignum aeterne deus. Et in die solemnitatis hodierne qua beatus laurentius hostia sancta uiua tibi placens oblatus est: qui igne accensus tui amoris: constanter ignem sustinuit passionis, et per inmanitatem tormentorum peruenit ad societatem ciuium supernorum, per christum.
Praefationes Codicis O: III. Idus Agustas Natale Sancti Tiburtii
Vere dignum aeterne deus. Qui dum beati tyburtii martyris merita gloriosa ueneramur: auxilium nobis tuae propitiationis adfore depre camur: quoniam credimus nos per eorum intercessionem qui tibi placuere, peccatorum nostrorum ueniam impetrare, per christum.
Praefationes Codicis O: Idibus Agustis Natale Sancti Yppoliti
Vere dignum aeterne deus. Et tuam clementiam uocibus supplicibus implorare, ut beati yppoliti intercessio peccatorum nostrorum obtineat ueniam: qui per tormenta passionis aeternam peruenit ad ueniam, per christum.
Praefationes Codicis O: Dominica XIII. post Pentecosten
Vere dignum aeterne deus. Qui nos castigando sanas: et refouendo benignus erudis: dum magis uis saluos esse correctos, quam perire deiectos, per christum.
Praefationes Codicis O: XVIII. Kalendas Septembres Natale Sancti Eusebii
Vere dignum aeterne deus. Et clementiam tuam pronis mentibus implorare, ut per beati eusebii confessoris intercessionem salutiferam in nostris mentibus firmes deuotionem: concedasque ut sicut te solum credimus auctorem, et ueneramur saluatorem: sic in perpetuum eius interuentu habeamus adiutorem, per christum.
Praefationes Codicis O: XVIII. Kalendas Septembres Assumptio Sanctae Mariae
Vere dignum aeterne deus. Et te in ueneratione sacrarum uirginum exultantibus animis laudare benedicere, et praedicare; Inter quas intemerata dei genitrix uirgo maria, cuius assumptionis diem caelebramus gloriosa effulsit: quae et unigenitum tuum sancti spiritus obumbratione concepit : et uirginitatis gloria permanente huic mundo lumen aeternum effudit . per christum.
Praefationes Codicis O: XVI Kalendas Septembres Octauae Sancti Laurentii
Vere dignum aeterne deus. Beati laurentii natalitia repetentes . cui fidem confessionemque ignis passionis ingestus non abstulit : Sed eum ut magis luceret accendit., quoniam sicut aurum flammis non uritur sed probatur : sic beatus martyr non consumitur tormentorum incendiis : sed optatur celestibus ornamentis . per christum.
Item Alia Eiusdem Festiuitatis Inlatio.Vere dignum aeterne deus. Quoniam tanto iocunda sunt domine beati laurentii martyris crebrius repetita solemnia : quanto nobis eius sine cessatione praedicanda sunt merita . per christum.
Praefationes Codicis O: Dominica XIII. post Pentecosten
Vere dignum aeterne deus. Quia tu in nostra semper faciens infirmitate uirtutem : ecclesiam tuam inter aduersa crescere tribuisti., ut cum putaretur oppressa : tunc potius praeualeret exaltata ; dum simul et experientiam fidei declarat afflictio : et uictoriosissima semper perseuerat te adiuuante deuotio . per christum.
Praefationes Codicis O: VIII. Kalendas Septembres. Natale Sancti Bartholomei Apostoli
Vere dignum aeterne deus. Qui ecclesiam tuam sempiterna pietate non deseris : sed per apostolos tuos iugiter erudis : et sine fine custodis . per christum.
Praefationes Codicis O: VI. Kalendas Septembres. Natale Sancti Rufi
Vere dignum aeterne deus. Qui supplicationibus nostris misericordiam tuam confidimus adfuturam : quam beati rufi poscimus interuentu nobis et confessione praestari . per christum.
Praefationes Codicis O: V. Kalendas Septembres. Natale Sancti Hermetis
Vere dignum aeterne deus. Quoniam fiducialiter laudis tibi immolamus hostias: quas sancti hermetis martyris tui precibus tibi esse petimus acceptas. per christum.
Praefationes Codicis O: Eodem die Natale Sancti Agustini
Vere dignum aeterne deus. Qui beatum agustinum confessorem tuum et scientiae documentis replesti: et uirtutum ornamentis ditasti; quem ita multimodo genere pietatis inbuisti: ut ipse tibi et ara et sacrificium. et sacerdos esset. et templum. per christum.
Praefationes Codicis O: Dominica XV. post Pentecosten
Vere dignum aeterne deus. Qui nos de donis bonorum temporalium ad perceptionem prouehis aeternorum: et haec tribuis et illa largiris., Et ut mansuris iam incipiamus inseri: et praetereuntibus non teneri; Tuum est enim quod uiuimus: quia licet peccati uulnera natura nostra sit uitiata: Tui tamen est operis: ut terreni generati ad caelestia renascamur. per christum.
Praefationes Codicis O: III. Kalendas Septembres Passio Sancti Iohannis Baptiste
Vere dignum aeterne deus. Qui praecursorem filii tui tanto munere ditasti: ut pro ueritatis praeconio capite plecteretur; Et qui christum aqua baptizauerat: ab ipso in spiritu baptizatus: pro eodem proprio sanguine tingeretur; Praeco quippe ueritatis que christus est: herodem a fraternis thalamis prohibendo carceris obscuritate detruditur: ubi solius diuinitatis tuae lumine frueretur; Deinde capitalem sententiam subit: et ad inferna dominum praecursurus descendit; Et quem in mundo digito demonstrauit: ad inferos pretiosa morte praecessit. et ideo.
Praefationes Codicis O: Kalendis Septembribus Natale Sanctae Priscae
Vere dignum aeterne deus. Qui sic tribuis ecclesiam tuam sanctorum commemoratione proficere: ut eam semper illorum et festiuitate laetifices: et exemplo pię conuersationis exerceas: grataque tibi supplicatione tuearis. per christum.
Praefationes Codicis O: Dominica XVI. post Pentecosten
Vere dignum per christum dominum nostrum. Quia aeternitate sacerdotii sui omnes tibi seruientes sanctificat sacerdotes: Quoniam mortali carne circumdati: ita cotidianis peccatorum remissionibus indigemus: ut non solum pro populo. sed etiam pro nobis eiusdem te pontificis sanguis exoret. per quem.
Praefationes Codicis O: VI. Idus Septembres in Natiuitate Sancte Mariae
Vere dignum per christum dominum nostrum. Nos tibi in omniumsanctorum tuorum prouectu gratias agere domine sanctae pater omnipotens aeterne deus: et praecipue pro meritis beatae dei genitricis et perpetuae uirginis mariae gratia plene: tuam omnipotentiam laudare et benedicere et praedicare. per quem.
Praefationes Codicis O: V. Idus Septembres Natale Sancti Georgii
Vere dignum aeterne deus. Teque in sanctorum tuorum confessionibus laudare. in cuius facti sunt uirtute uictores; Quando enim humana fragilitas. uel passionem aequanimiter ferre sufficeret: uel hostis erigi nequitias uinceret: nisi tuae firmitatis subsidium ministrares: et seua furentis inimici potenter arma contereres. per christum.
Praefationes Codicis O: Dominica XVII. post Pentecosten
Vere dignum aeterne deus. Et te incessanter precari. ut qui te auctore subsistimus. te dispensante dirigamur; non nostris sensibus relinquamur. sed ad tuae reducti semper tramitem ueritatis haec studeamus exercere quod praecipis: ut possimus dona percipere quae promittis. per christum.
Praefationes Codicis O: Eodem die Natale Sanctorum Cornelii et Cypriani
Vere dignum aeterne deus. Tuamque in sanctorum tuorum cornelii simul et cypriani festiuitate praedicare uirtutem: quos diuersis terrarum partibus greges sacros diuino pane pascentes: una fide eademque die pari nominis tui confessione coronasti. per christum.
Item Alia Specialis in Festiuitate Sancti Cypriani.Vere dignum aeterne deus. Beati cypriani natalitia recensentes. ut qui in conspectu tuo clarus extitit dignitate sacerdotii et palma martyrii: et in praesenti saeculo sua nos intercessione foueat. et ad misericordiam sempiternam pius interuentor perducat. per christum.
Praefationes Codicis O: Dominica XVIII. post Pentecosten
Vere dignum aeterne deus. Quia cum laude nostra non egeas: grata tibi tamen esse tuorum deuotio famulorum., Nec te augent nostra praeconia: sed nobis proficiunt ad salutem; Quoniam sicut fontem uite praeterire causa moriendi est: sic eodem iugiter redundare effectus est sine fine uiuendi. et ideo.
Praefationes Codicis O: XI. Kalendas Octobres Natale Sancti Mathei Euangelistae
Vere dignum aeterne deus. Qui ecclesiam tuam in tuis fidelibus ubique pollentem: apostolicis facis constare doctrinis; praesta quaesumus ut per quos initium diuinae cognitionis accepit: per eos usque in finem saeculi capiat regni caelestis augmentum. per christum.
Vere dignum aeterne deus. Qui nos ideo collectis terre fructibus per abstinentiam tibi gratias agere uoluisti: ut ex ipso deuotionis genere nosceremus: non haec ad exuberantiam corporalem: sed ad fragilitatis sustentationem nos percepisse; ut quod ex his parcius sumeremus: egentium proficeret alimentis., Et ut salutaris castigatio mortalitatis insolentiam mitigaret: et pietas largitoris nos tuae benignitati commendatos efficeret; Sicque donis uteremur transitoriis. ut disceremus inhiare perpetuis. per christum.
Vere dignum aeterne deus. Qui iusto pioque moderamine. et pro peccatis flagella inrogas. et post flagella ueniam propitiatus condonas. Et peccatorum uitam potius uolens quam mortem: non eos ad interitum condemnas: sed ut corrigantur miseratus expectas. per christum.
Praefationes Codicis O: Sabbato in. XII. Lectiones
Vere dignum aeterne deus. Et tibi sanctificare ieiunia. quod nos ob aedificationem animarum et castigationem corporum seruare docuisti: quia restrictis corporibus animae saginantur: in quo homo noster affligitur exterior: dilatatur interior; memento quaesumus domine ieiuniorum nostrorum: et misericordiarum tuarum. quas peccatoribus pie semper ieiunantibus contulisti; et praesta ut non solum a cybis: sed a peccatis omnibus abstinentes: deuotionis tibi ieiunio placeamus. per christum.
Praefationes Codicis O: Dominica XVIII. post Pentecosten
Vere dignum per christum dominum nostrum. Qui uicit diabolum et mundum: hominemque paradyso restituit: et uitae ianuas credentibus patefecit. per quem.
Praefationes Codicis O: V. Kalendas Octobres Natale Sanctorum Cosme Io. 192 et Damiani
Vere dignum aeterne deus. Et clementiam tuam suppliciter exorare: ut cum exultantibus sanctis in caelestis regni cubilibus gaudia nostra subiungas; et quos uirtutis imitatione non possumus sequi: debite uenerationis contingamus affectu. per christum.
Praefationes Codicis O: III. Kalendas Octobres. in Festiuitate Sancti Angeli Michahelis
Vere dignum aeterne deus. Sancti michahelis archangeli merita praedicantes, quamuis enim nobis sit omnis angelica ueneranda sublimitas: quae in maiestatis tuae consistit conspectu: illa tamen est propensius honoranda: quae in eius ordinis dignitate caelestis militiae meruit principatum. per christum.
Praefationes Codicis O: Dominica XX. post Pentecosten
Vere dignum aeterne deus. Et tuam maiestatem humiliter implorare: ut iesus christus filius tuus dominus noster sua nos gratia protegat et conseruet; et quia sine ipso nihil recte ualemus facere: ipsius munere capiamus: ut tibi semper placere possimus. per quem.
Praefationes Codicis O: Dominica XXI. post Pentecosten
Vere dignum aeterne deus. Et te suppliciter exorare. ut sic nos bonis tuis instruas sempiternis: et temporalibus quoque consolari digneris; sic praesentis refouere: ut ad gaudia nos mansura perducas. per christum.
Praefationes Codicis O: Dominica XXII. post Pentecosten
Vere dignum aeterne deus. Qui propterea iure punis errantes et clementer refoues castigatos: ut nos a malis operibus abstrahas: et ad bona facienda conuertas; quia non uis inuenire quod damnes: sed esse potius quod corones., qui cum pro nostris meritis iugiter mereamur affligi: tu tamen iudicium ad correctionem temperas: non per tuam exerces ad poenam; Iuste enim corrigis: et clementer ignoscis; In utroque uerax. in utroque misericors: qui nos ea lege disponis: et cohercendo in aeternum perire non sinas: et parcendo spatium tribuas corrigendi., Qui ideo malis praesentibus nos flagellas: ut ad bona futura perducas; Ideo bonis temporalibus consolaris: ut de sempiternis facias certiores: quo te et in prosperis et in aduersis pia semper confessione laudemus. per christum.
Praefationes Codicis O: V. Kalendas Nouembres Natale Sancti Lucē Euange-listae
Vere dignum aeterne deus. Et te in sanctorum tuorum meritis gloriosis conlaudare benedicere et praedicare: qui eos dimicantes contra antiqui serpentis machinamenta: et proprii corporis blandimenta: inexpugnabili uirtute rex gloriae roborasti; Ex quibus beatus lucas euangelista tuus assumpto scuto fidei et galea salutis. et gladio spiritus sancti: et uiriliter contra uittiorum hostes pugnauit: et euuangelicę nobis dulcedinis fluenta manauit., Unde petimus domine inmensam pietatem tuam: ut qui eum tot meritorum donasti praerogatiuis: nos eius informes exemplis. et adiuues meritis. per christum.
Praefationes Codicis O: Dominica XXIII. post Pentecosten
Vere dignum aeterne deus. Et nos clementiam tuam suppliciter exorare: ut filius tuus iesus christus dominus noster. qui se 1 et ut sec. curis. 2 praesentis leg. praesentibus. 3 v. leg. xv. 4 Eandem praef. (usque "fluenta manauit") habet R, (p. 238 sup.). GREG. U usque in finem saeculi suis promisit fidelibus adfuturum: et praesentiale corporalis mysteriis non deserat quos redemit: et maiestatis suae beneficiis non relinquat. per quem.
Praefationes Codicis O: VI. Kalendas Nouembres. Uigilia Apostolorum Symonis et Iudae
Vere dignum aeterne deus. Quia tu es mirabilis in omnibus sanctis tuis: quos et nominis tui confessione praeclaros et suscepta pro te fecisti passione gloriosos. Unde sicut illi ieiunando orandoque certauerunt ut hanc possent obtinere uictoriam: Ita nos eorum exemplis informemur. ut ad caelebranda praesentia festa idonei inueniamur: et ad aeterna percipienda eorum interuentu digni iudicemur. per christum.
Item in Die.Vere dignum aeterne deus. Te in tuorum apostolorum glorificantes honore: qui et illis tribuisti beatitudinem sempiternam: et infirmitati nostrae talia praestitisti suffragia: per quam tua possimus adipisci subsidia: et peruenire ad praemia repromissa. per christum.
Praefationes Codicis O: Dominica XXIII. post Pentecosten
Vere dignum aeterne deus. Maiestatem tuam suppliciter deprecantes: ut expulsis azimis uetustatis: illius agni cybo satiemur et poculo: qui et nostram imaginem reparauit: et suam nobis gratiam repromisit. iesus christus dominus noster. per quem.
Praefationes Codicis O: Dominica XXV. post Pentecosten
Vere dignum per christum dominum nostrum. Per quem sanctum et benedictum nomen maiestatis tuae ubique ueneratur: adoratur. praedicatur et colitur, qui est origo salutis. uia uirtutis: et tuae propitiatio maiestatis. per quem.
Praefationes Codicis O: V. Idus Nouembres Natale Sanctorum. IIII. Coronatorum
Vere dignum aeterne deus. Caelebrantes sanctorum natalitia coronatorum, quia dum tui nominis. per eos gloriam frequentamus: in nostrae fidei augmento succrescimus. per christum.
Praefationes Codicis O: III. Idus Nouembres Natale Sancti Martini Confessoris
Vere dignum aeterne deus. Cuius munere beatus martinus confessor pariter et sacerdos: et bonorum operum incrementis excreuit: et uariis uirtutum donis exuberauit: et miraculis coruscauit., Qui quod uerbis edocuit: operum exhibitione compleuit., et documento simul et exemplo: subditis ad caelestia regna pergendi ducatum praebuit; Unde tuam clementiam petimus: ut eius qui tibi placuit exemplis ad bene agendum informemur: meritis muniamur: intercessionibus adiuuemur: qualiter ad caeleste regnum illo interueniente te opitulante peruenire mereamur. per christum.
Praefationes Codicis O: Dominica XXVI. post Pentecosten
Vere dignum aeterne deus. Et tibi debitas laudes pio honore deferre: et mirabilium tuorum inenarrabilia praeconia deuote mentis ueneratione caelebrare., teque ineffabilem atque inuisibilem deum: laudare benedicere adorare. per christum.
Praefationes Codicis O: Dominica XXVII. post Pentecosten
Vere dignum aeterne deus. Cuius operis quod conditi sumus: muneris. quod uiuimus: pietatis. quod tua erga nos dona cognoscimus; Quamuis enim natura nostra peccati uitiata sit uulnere: a terrenis tamen ad caelestia prouehitur: tuo inenarrabili munere. per christum.
Praefationes Codicis O: XI. Kalendas Decembres. Uigilia Sancte Ceciliae
Vere dignum aeterne deus. Et te beatae caeciliae natalitia praeueniendo laudare. praedicare et benedicere: quam tanto munere sublimasti: ut ei conferres et uirginitatis coronam: et martyrii palmam., Sicque uirtute fidei et decore pudicitiae polleret: ut caelestia regna uirgo pariter et martyr intraret. per christum.
In Die.Vere dignum aeterne deus. Qui in infirmitate uirtutem perficis: et humani generis inimicum. non solum per uiros: sed etiam per feminas uincis; Cuius munere beata caecilia et in uirginitatis proposito et in confessione fidei roboratur: ut nec aetatis lubrico ab intentione mutetur: nec blandimentis carnalibus demulceatur: nec sexus fragilitate deterreatur: nec tormentorum inmanitate uincatur; sed seruando corporis ac mentis integritatem: cum uirginitatis et martyrii palma: aeternam mereatur adipisci beatitudinem. per christum.
Praefationes Codicis O: VIII. Kalendas Decembres Natale Sancti Clementis
Vere dignum aeterne deus. Et in hac die quam beati clementis passio consecrauit: et nobis uenerabilem exhibuit., U 2 quia apostolica praedicatione inbutus : doctrinis caelestibus educatus : successionis dignitate conspicuus : et martyr insignis . et sacerdos refulsit egregius . per christum.
Praefationes Codicis O: VIII. Kalendas Decembres Natale Sancti Crisogoni
Vere dignum aeterne deus. Qui nos assiduis martyrum passionibus consolaris : et eorum sanguinem triumphalem : quem pro confessione nominis tui infidelibus praebuere fundendum : ad tuorum facis auxilium transire fidelium . per christum.
Praefationes Codicis O: Dominica V. ante Natale Domini
Vere dignum per christum dominum. Cuius primi aduentus mysterium ita nos facias dignis laudibus et officiis caelebrare : praesentemque uitam inculpabilem ducere . ut secundum ualeamus interriti expectare . per quem maiestatem.
Praefationes Codicis O: III. Kalendas Decembres Natale Sancti Saturnini
Vere dignum per christum dominum nostrum. Cuius gratia beatum saturninum in sacerdotium elegit : doctrina ad praedicandum erudiit : potentia ad perseuerandum confirmauit : ut per sacerdotalem infulam : perueniret ad martyrii palmam ; Docensque subditos praedicando : instruens uiuendi exemplo : confirmans patiendo : ut ad te coronandus perueniret : qui persecutorum minas intrepidus superasset ; Cuius interuentus nos quaesumus a nostris mundet delictis : qui tibi placuit tot donorum praerogatiuis . per quem.
Praefationes Codicis O: Eodem die Uigilia Sancti Andree Apostoli
Vere dignum aeterne deus. Et maiestatem tuam suppliciter exorare : ut qui beati andreae apostoli tui festum solemnibus ieiuniis et deuotis praeuenimus officiis : illius apud misericordiam tuam et adiuuemur meritis et instruamur exemplis . per christum.
In Die.Vere dignum aeterne deus. Quoniam adest nobis dies magnifici uotiua mysterii : qua uenerandus andreas apostolus germanum se gloriosi apostoli tui petri tam praedicatione christi tui : quam conuersatione monstrauit ; Ut id quod libera praedicauerat uoce : nec pendens taceret in cruce ; Auctoremque uitae perennis tam in hac uita sequi: quam in mortis genere meruit imitari., Ut cuius praecepto terrena in semetipso crucifixerat desideria: eius exemplo ipse patibulo figeretur; Utrique igitur germani piscatores: ambo cruce eleuantur ad caelum: ut quos in huius uitae cursu gratia tua tot uinculis pietatis obstrinxerat: hos inmarcescibilis in regno caelorum necteret et corona; Et quibus erat una causa certaminis: una retributio esset et praemii. per christum.
Praefationes Codicis O: Dominica III. ante Natale Domini
Vere dignum aeterne deus. Cui proprium est ac singulare quod bonus es: et nulla umquam a te es commutatione diuersus., propitiare quaesumus supplicationibus nostris: et ecclesiae tuae misericordiam tuam quam deprecatur ostende. Manifestans plebi tuae unigeniti tui et incarnationis mysterium: et aduentus mirabile sacramentum., Ut in uniuersitate nationum constet esse perfectum: quod uatum oraculis fuit ante promissum., percipiantque dignitatem adoptionis: quos exornat confessio ueritatis. per quem.
Praefationes Codicis O: In Aduentu Domini Cotidianis Diebus
Vere dignum aeterne deus. Et maiestatem tuam humiliter exposcere: ut ita nos unigeniti tui in praesenti saeculo inlustret respectus: qualiter nos culpis omnibus emendatos inueniat secundus eius aduentus. per quem.
Alia.Vere dignum aeterne deus. Et inmensam pietatem tuam indefessis precibus exorare: ut unigenitus tuus semper maneat in cordibus nostris: qui nasci dignatus est de utero uirginis matris: [faciatque idoneos] ad celebranda natalis sui festa. et ad percipienda gaudia sempiterna. per quem.
Alia.Vere dignum per christum dominum nostrum. Qui ab antiquis patribus expectatus: ab angelo nuntiatus: a uirginitate conceptus: in fine saeculorum hominibus est praesentatus; Qui adpropinquante natiuitatis suae festo: ita quaesumus sit nobis placatus. qualiter tecum. et cum spiritu tuo ad nos ueniat nobiscum perpetim permansurus. per quem. 1 mirabile et admirabile pr. man. sed et ad erasa fuisse videntur: admirabile R. 2 Hanc praef. habet R primam "in aduentum domini," (p. 244 sup.). 3 Hanc. praef. habet R secundam "in aduentum domini," (p. 244 sup.). 4 faciatque idoneos Post matris duo verba (. . . idoneos) addita sunt sup. lin. et postmodum erasa: in marg. additur manu recentiori fiatque idoneos.
Praefationes Codicis O: Dominica III. ante Natale Domini
Vere dignum aeterne deus. Qui tuo inenarrabili munere praestitisti: ut natura humana ad similitudinem tui condita dissimilis per peccatum et mortem effecta: nequaquam in aeterna dampnatione periret; sed unde peccatum mortem contraxerat: inde uitam tua pietas inmensa repararet. Et antique uirginis facinus: noua et intemerata uirgo maria piaret; Quae ab angelo salutata: ab spiritu sancto obumbrata: illum gignere meruit: qui cuncta nasci suo nutu concessit; Quae mirabatur et corporis integritatem: et conceptus faecunditatem gaudebatque suum paritura parentem: iesum christum.
Praefationes Codicis O: Dominica II. ante Natale Domini
Vere dignum per christum dominum nostrum. Cuius incarnatione salus facta est mundi: et passione redemptio procurata est hominis procreati; ipse nos quaesumus ad eternum perducat praemium: qui redemit de tenebris infernorum; Iustificetque in adventu secundo: qui nos redemit in primo. Quatenus illius nos a malis omnibus defendat sublimitas: cuius nos ad uitam erexit humilitas. per quem.
Vere dignum per christum dominum nostrum. Quem pro salute hominum nasciturum gabrihel archangelus nuntiauit: uirgo maria spiritus sancti cooperatione concepit; ut quod angelica nuntiauit sublimitas: uirginea crederet puritas: ineffabilis perficeret deitas; illius itaque optamus te opitulante cernere faciem sine confusione: cuius incarnationis gaudemus solemnitate; quatenus purificati ieiuniis: cunctis purgati a uitiis: natalis eius interesse mereamur solemnibus festis. per quem.
Vere dignum aeterne deus. Qui sanctificator et institutor es abstinentiae: cuius nullus finis. nullusque est numerus. Effunde super nos quaesumus in diebus ieiuniorum nostrorum spiritum gratiae salutaris: et ab omnibus nos perturbationibus saeculi huius tua defensione conserua, ut qui unigeniti tui caelebramus aduentum: continuum eius sentiamus auxilium. per quem.
Vere dignum aeterne deus. Qui non solum peccata dimittis: sed ipsos etiam iustificas peccatores., Et reis non tantum poenas relaxas: sed dona largiris et praemia. Cuius nos pietatem supplices exoramus: ut qui ieiuniis et uotis solemnibus natiuitatem unigeniti tui praeuenimus: illius dono et praesentis uitae perturbationibus careamus: et aeterna munera capiamus. per quem.
Praefationes Codicis O: Dominica I. ante Natale Domini
Vere dignum per christum dominum nostrum. Quem iohannes precessit nascendo: et in desertis heremi praedicando: et in fluentis iordanicis baptizando: et ad inferna descendendo., cuius uenerandę natiuitatis proxime uentura sollemnitas ita nos quaesumus tibi placitos reddat: ut cum fructu bonorum operum ad regna caelestia introducat., Ut parando in cordibus nostris uiam domino: fructusque dignos penitentię faciendo: per praedicationem iohannis obtemperemur monitis nostri saluatoris; sicque perueniamus per filium sterilis ad filium uirginis: per iohannem hominem magnum. ad eundem dominum nostrum hominem deum., qui sicut uenit ad nos redimendum occultus: ita iustificet cum ad iudicandum uenerit manifestus. per quem.
Praefationes Codicis O: XII. Kalendas Ianuarias Natale Sancti Tome
Vere dignum aeterne deus. Qui ecclesiam tuam in apostolicis tribuisti consistere fundamentis; de quorum collegio beati thomę apostoli tui solemnia caelebrantes: tua domine praeconia non tacemus. et ideo.
Vere dignum aeterne deus. gloriosi illius martyris pia certamina uenerando praeuenire: cuius honorabilis annua recursione solemnitas: et perpetua semper et noua est., quia et in conspectu tuę maiestatis permanet mors tuorum pretiosa iustorum: et restaurantur incrementa iustitię: cum felicitatis aeternę recoluntur exordia. per christum.
Vere dignum aeterne deus. Et in praesenti festiuitate sancti martyris tui illius tibi confitendo laudis hostias immolare., tuamque inmensam pietatem implorare: Ut sicut illi dedisti celestis palmam triumphi: sic eo suffragante nobis emundationem ac ueniam concedas peccati., Ut in te exultemus in misericordia: in quo ille laetatur in gloria. per christum.
Alia.Vere dignum aeterne deus. Et te in omnium martyrum tuorum triumphis laudare., Quoniam tuis donis atque muneribus beati martyris tui illius passionem hodierna solemnitate ueneramur: qui pro confessione iesu christi filii tui domini nostri diuersa supplicia sustinuit: et eadem uincens coronam perpetuitatis promeruit. per christum.
Praefationes Codicis O: In Natale Plurimorum Martyrum
Vere dignum aeterne deus. Qui sanctorum martyrum tuorum pia certamina ad copiosam perducis uictoriam: atque perpetuum eis largiris triumphum: ut ecclesiae tuae semper sint in exemplum., Praesta nobis quaesumus ut per eorum intercessionem quorum festa celebramus: pietatis tuæ munera capiamus. per christum.
Praefationes Codicis O: In Natale Unius Confessoris
Vere dignum aeterne deus. Et in hac die quam transitu sacro beati confessoris tui illius consecrasti quaesumus ergo clementiam tuam: ut des nobis illam sequi doctrinam: quam ille et uerbo docuit: et opere compleuit., Quatinus nos adiuuari apud misericordiam tuam: et exemplis eius sentiamus et meritis. per christum.
Alia.Vere dignum aeterne deus. Et te in sanctorum tuorum uirtute laudare: quibus pro meritis suis beatitudinis praemia contulisti., quoniam semper in manu tua sunt. et non tanget illos tormentum mortis: quos te custodiente beatitudinis sinus intercludit., Ubi perpetua semper exultatione laetantur: ubi etiam beatus summus confessor tuus ille sociatus exultat., Petimus ergo ut memor sit miseriarum nostrarum: et de tua misericordia nobis impetret beatitudinis suae consortium. per christum.
Praefationes Codicis O: In Natale Plurimorum Confessorum
Vere dignum aeterne deus. Et maiestatem tuam supplici deuotione exorare: ut beatorum confessorum tuorum illorum quorum hodie festa caelebramus obtentu: mereamur tuum obtinere auxilium. per christum.
Vere dignum per christum dominum nostrum. Quem beata uirgo pariter et martyr illa et diligendo timuit: et timendo dilexit., Illique coniuncta est moriendo: cui se consecrauerat caste uiuendo., Et pro eo temporalem studuit sustinere poenam: ut ab eo perciperet gloriam sempiternam., Quae dum duplicem uult sumere palmam in sacri certaminis agone: et de corporis integritate et de fidei puritate: laboriosius duxit longa antiqui hostis sustinere temptamenta: quam uitam praesentem cito amittere per tormenta., Quoniam cum in martyrio proponantur ea quae1 terreant: in carnis uero delectamentis. ea quae mulceant: molestius sustinetur hostis occultus: quam superetur infestus; Cum ergo in utroque tui sit muneris quod uicit2: quia nihil ualet humana fragilitas nisi tua hanc adiuuet pietas: pro nobis quaesumus tuam pietatem exoret: quae a te accepit ut uinceret., et3 quae unigeniti tui introire meruit thalamum: intercessione sua inter mundi huius aduersa nobis praestet auxilium. per quem maiestatem.
Vere dignum per christum dominum nostrum. Pro cuius caritatis ardore ista et omnes sanctae uirgines a beata maria exemplum uirginitatis accipientes praesentis saeculi uoluptates ac delitias contempserunt., Quoniam tuo dono actum est: ut postquam uirgo de uirgine prodiit: sexus fragilis esset fortis., et in quo fuit peccandi facilitas: [esset uincendi felicitas4;] antiquusque hostis qui per antiquam uirginem genus humanum se uicisse gloriabatur: per sanctas nunc uirgines sequaces potius mariae quam aeuae uincatur; Et in eo maior ei confusio crescat: quod de eo etiam sexus fragilis iam triumphat; Quapropter inmensam pietatem tuam humiliter exposcimus: ut per earum intercessionem quae et sexum uicerunt et saeculum: tibique placuerunt et uirginitatis decore: et passionis suae uigore: nos mereamur et inuisibilem hostem superare: et unigenito tuo domino nostro adherere per quem.5
Vere dignum aeterne deus. Qui es fons inmarcescibilis lucis. et origo perpetue bonitatis. regnum6 consecrator. honorem7 omnium adtributor dignitatumque largitor. cuius ineffabilem 1 ea quae primis curis scriptum fuisse videtur eamque. 2 quod uicit primis curis scriptum fuisse videtur quod ducit. 3 et primis curis ut. 4 esset . . . . felicitas supra lineam additum. 5 Conf. praef. "de pluribus uirginibus" in R, (p. 242 sup.). 6 regnum leg. regum. 7 honorem leg. honorum. clementiam uotis omnibus exoramus. ut famulum tuum illum. quem regalis dignitatis fastigio uoluisti sublimari. sapientia ceterarumque uirtutum ornamentis facias decorari. et quia quod tui est muneris quod regnat tuae sit pietatis quod feliciter agat. quatenus in fundamento spei. fidei. caritatisque fundatus. peccatorum labe abstersus. de uisibilibus et inuisibilibus hostibus triumphator effectus subiecti populi augmento prosperitate. et securitate. exhilaratus. cum eis mutua dilectione connexus et transitorii regni gubernacula inculpabiliter teneat. et ad aeterna infinita gaudia te miserante perueniat. per christum.
Praefatio Pro Rege Tempore Synodi Dicenda.Vere dignum aeterne deus. Qui es fons uitae origo luminis. et auctor totius bonitatis. Et maiestatem tuam totis nisibus implorare. ut famulo tuo illi. cui concessisti regendi populi curam. tribuas id secundum uoluntatem tuam exequendi efficaciam. et quibus tuo dono imperat eis tua opitulatione fultus salubriter prosit. ut pariter ab omnibus uite periculis exuti. et uirtutum spiritalium ornamentis induti. spei fidei. caritatisque gemmis ornati. et mundi cursus pacifico eis tuo ordine dirigatur. et in sanctis operibus te auxiliante perseuerent. beatorumque spirituum coheredes effici mereantur. per christum.
Alia.Vere dignum aeterne deus. Tuamque immensam clementiam deuotis mentibus et immensis precibus implorare. ut qui diuersitate gentium unius sacre fidei. confessione paraclyti spiritus dono uoluisti congregare congregatam cleri ac populi multitudinem. una cum praelato principe iubeas conseruare idque in hoc conuentu te opitulante deliberent. quod nequaquam a tua uoluntate discordet. Quatenus tuis monitis parentes. aduersitatibus omnibus carentes. bonis omnibus exuberantes. et in praesenti saeculo pacis tranquillitate fruantur. et aeternorum ciuium consortio adipisci mereantur. per christum.
Vere dignum aeterne deus. Cuius omnipotentia deprecanda est. misericordia exoranda: pietas amplectenda: cuius maiestatem humili prece deposcimus: ut famulo tuo illi. intercedente sancto tuo illo. remissionem peccatorum tribuas: eique uiam in uoluntate tua dirigas: eumque a cunctis malis eripias; quatenus a cunctis aduersitatibus liberatus intus bonis con- [fol. 2007 firmatus: et ad bonorum desideriorum uota perueniat. et quae iuste postulat te largiente percipiat. per christum.
Alia.Vere dignum aeterne deus. Et pietatem tuam supplici deuotione exposcere. ut haec oblatio quam tibi pro famulo tuo illo offerimus. sit in oculis tuis semper accepta., et sicut sanctos tuos fides recta prouexit ad coronam: ita eum deuotio perducat ad ueniam: qualiter hac oblatione placatus. a cunctis eum emundes sordibus delictorum. et dites fructu operum bonorum. per christum.
Alia.Vere dignum aeterne deus. Implorantes tuę maiestatis misericordiam. ut famulo tuo illi ueniam suorum largiri digneris peccatorum., ut ab omnibus inimici uinculis liberatus: tuis toto corde inhereat mandatis: et te solum semper [tota uirtute diligat. et ad tuę quandoque beatitudinis uisionem per]uenire mereatur. per christum.
Vere dignum aeterne deus. Clementiam tuam pronis mentibus obsecrantes: ut famulos tuos quos sanctae dilectionis nobis familiaritate coniunxisti: tibi facias toto corde subiectos: ut tuę caritatis spiritu repleti: a terrenis mundentur cupiditatibus: et caelesti beatitudine te donante digni efficiantur. per christum.
Vere dignum aeterne deus. A quo deuiare mori. coram quo ambulare uiuere est. qui fideles tuos in tua uia deducis. et miseratione gratissima inducis. qui abraham. isaac. et iacob. in praesentis uiae et uitae curriculo. custos. dux. et comes. esse uoluisti. et famulo tuo tobi angelum praeuium praestitisti. cuius inmensam clementiam humillimis precibus imploramus. ut iter famuli tui illius cum suis in prosperitate dirigere. eumque inter uiae et uitae huius uarietates digneris custodire. quatenus angelorum tuorum praesidio fultus. intercessione quoque sanctorum munitus. a cunctis aduersitatibus tua miseratione defensus. profectionis et reuersionis suae felicitate potius et compos reddatur iustorum uotorum et de suorum laetetur remissione peccatorum. per christum.
In Tempore Belli.Vere dignum aeterne deus. Te toto corde prostrati suppliciter exorantes ut et praeteritorum nobis concedas ueniam delictorum. et ab omni mortalitatis incursu: continua nos miseratione protegas; quia tunc defensionem tuam non diffidimus adfuturam: cum a nobis ea quibus te offendimus dignanter expuleris. per christum.
Alia.Vere dignum aeterne deus. Qui subiectas tibi glorificas potestates. suscipe quesumus preces nostras et uires adde principibus nostris. ut qui se dextera tua expetunt protegi nulla possint aduersitas superari. fidelem quoque populum potentiæ tuae muniat inuicta defensio. ut pio semper tibi deuotus affectu. et ab infestis liberemur inmicis. et in tua iugiter gratia perseueret. per christum.
Alia.Vere dignum aeterne deus. Sub cuius potestatis arbitrio omnium regnorum continetur potestas. te humiliter deprecamur ut principibus nostris propitius adesse digneris. ut qui tua expetunt se protectione defendi. omnibus sint hostibus fortiores. per christum.
Praefationes Codicis O: In Missa pro Quacumque Tribulatione
Vere dignum aeterne deus. Qui fragilitatem nostram non solum misericorditer donis temporalibus consolaris. ut nos ad aeterna prouehas: sed etiam ipsis aduersitatibus saeculi benignus erudis: ut ad caelestia regna perducas. per christum.
Vere dignum aeterne deus. Qui ideo malis praesentibus nos flagellas: ut ad bona futura perducas, ideo bonis temporalibus consolaris: ut sempiternis efficias certiores, quo te et in prosperis et in aduersis pia semper confessione laudemus, per christum.
Vere dignum aeterne deus. Qui famulos tuos ideo corporaliter uerberas, ut mente proficiant, protenter ostendens quod sit pictatis tuae praeclara saluatio: dum praestas ut operetur nobis etiam ipsa infirmitas salutem, per christum.
Vere dignum aeterne deus. Quoniam quamuis humano generi mortis inlata conditio pectora nostra contristet: tamen clementiae tuae dono spe futurae immortalitatis erigimur, ac memores salutis aeternę: non timemus lucis huius sustinere iacturam: quoniam benefitio gratię tuae fidelibus uita non tollitur, sed mutatur, atque animę corporeo ergastulo liberatae: horrent mortalia: dum immortalia consequantur; Unde quaesumus ut famulus tuus ille, beatorum tabernaculis constitutus: euasisse se carnales glorietur angustias: diemque iudicii cum fidutia uoto glorificationis expectet, per christum.
Alia.Vere dignum per christum dominum nostrum. In cuius aduentu cum geminam iusseris resistere plebem, iubeas famulum tuum illum a numero discernere malorum quem tribuas euadere flammas poenę aeternę et iuste potius adipisci praemia uitae induique iubeas deuicta morte uigorem semper inextinctam habere luminis auram dignare perpetuam praeclaro in corpore uitam, nox ubi nulla suas defendit atra tenebras, securus de salute placidis laetetur in horis semper uicturus semperque in luce futurus, per quem.
In Die Depositionis Defuncti Iii. Et Vii. Et Xxx.Vere dignum per christum dominum nostrum. Per quem salus mundi, per quem uita hominum, per quem resurrectio mortuorum. Per ipsum te domine suppliciter deprecamur, ut animę famuli tui illius, cuius diem illum caelebramus indulgentiam largiri digneris perpetuam. atque contagiis mortalitatis exutam. in aeterna saluationis parte restituas. per quem.
Vere dignum aeterne deus. Qui es redemptor animarum sanctarum. quamuis enim mortis humano generi inlata conditio pectora humana mentesque contristet tamen clementiæ tuæ dono spe futuræ inmortalitatis erigimur. et memores salutis nostrae non timemus lucis huius subire dispendium: quia misericordiae tuae munere fidelibus uita mutatur non tollitur. et in timoris tui observatione domicilium perpetuae felicitatis adquiritur; Tibi igitur clementissime pater preces supplices fundimus. et maiestatem tuam deuotis mentibus exoramus. ut animæ famulorum famularumque tuarum. quorum diem commemorationis caelebramus. mortis uinculis absolutae. transitum mereantur ad uitam. et in ouium tibi placitarum benedictionem aeternum ad regnum. per christum.
Alia.Vere dignum per christum dominum nostrum. Cuius sacram passionem pro inmortalibus et bene quiescentibus animabus sine dubio caelebramus pro his praecipue quibus secundæ natiuitatis gratiam praestitisti quo exemplo iesu christi domini nostri coeperunt esse de resurrectione securi. Quippe qui fecisti quae non erant. potes reparare quae fuerant. Et resurrectionis futuræ nobis documenta non solum propheticam et apostolicam doctrinam. sed eiusdem unigeniti tui redemptoris nostri resurrectionem dedisti. ut quod per prophetas est nuntiatum. per apostolos traditum. ipsius resurrectionis exemplo sit firmatum. per quem.
Benedictiones Codicis O: Benedictio in Uigilia Natalis Domini
Omnipotens deus qui incarnatione unigeniti sui mundi tenebras effugauit. et eius gloriosa natiuitate hanc sacratissimam noctem inradiauit. effuget a uobis tenebras uitiorum. et inradiet corda uestra luce uirtutum. Amen. Quique eius sacratissimæ natiuitatis gaudium pastoribus ab angelo uoluit nuntiari. ipse super uos gratissimum benedictionis suae hymbrem infundat. atque ipso pastore uos ad aeternorum gaudiorum pascua aeterna perducat. Amen. Et qui per eius incarnationem terrena caelestibus sotiauit. interne pacis et bone uoluntatis uos nectare repleat. et caelestis militiae consortes efficiat. Amen. Quod ipse praestare dignetur cuius regnum et imperium sine fine permanet. in saecula saeculorum. Amen. Benedictio dei patris. et filii. et spiritus sancti et pax domini sit semper uobiscum.
Benedictiones Codicis O: Benedictio in die Natalis Domini
Benedicat uos omnipotens deus uestramque ad superna excitet intentionem. qui hanc sacratissimam diem natiuitate filii sui fecit esse sollemnem. Amen. Et qui eum qui panis est angelorum in praesepi ecclesiae cybum fecit esse fidelium animalium. ipse uos et in praesenti saeculo degustare faciat aeternorum dulcedinem gaudiorum. et in futuro perducat ad sacietatem aeternorum praemiorum. Amen. Quique eius infantiam uilibus uoluit indui pannis. ipse uos caelestium uestimentorum induat ornamentis. Amen. Benedictio dei.
Benedictiones Codicis O: In Natale Sancti Stephani
Deus qui beatum stephanum protomartyrem coronauit. et confessione fidei et agone martyrii mentes uestras circumdet et in praesenti saeculo corona iustitiae. et in futuro perducat uos ad coronam gloriae. Amen. Illius obtentu tribuat uobis dei et proximi caritate semper exuberare qui hanc studuit etiam inter lapidantium impetus obtinere. Amen. Quo eius et exemplo roborati. et intercessione muniti ab eo quem ille a dextris dei uidit stantem mereamini benedici. Amen. Quod ipse praestare dignetur qui cum patre et spiritu sancto uiuit et gloriatur deus. per omnia saecula saeculorum. Amen. benedictio.
Benedictiones Codicis O: In Natale Sancti Iohannis Euangelistae
Omnipotens deus dignetur uobis per intercessionem beati iohannis apostoli et euuangelistae benedicere. qui per eum archana uerbi sui uoluit ecclesiae reuelare. Amen. Concedat uobis ut quod ille spiritus sancti munere afflatus uestris auribus infudit. eiusdem spiritus dono capere mente ualeatis. Amen. Quo eius documento de diuinitate nostri redemptoris edocti. et amando quod tradidit. et praedicando quod docuit. et exequendo quod iussit. ad dona peruenire mereamini quae idem dominus noster iesus christus repromisit. Amen. Quod ipse praestare dignetur qui cum patre et spiritu sancto uiuit et gloriatur deus per omnia saecula saeculorum. Amen. Benedictio dei.
Omnipotens deus. pro cuius unigeniti ueneranda infantia infantum innocentum cateruas herodis funesti peremit seuitia. suae uobis benedictionis tribuat dona gratissima. Amen. Et qui eis concessit. ut unicum deum filium eius dominum nostrum non loquendo sed moriendo profiterentur. concedat uobis ut fidem ueram quam lingua uestra fatetur etiam mores probi et uita inculpabilis fateatur. Amen. Quique eos primitiuum fructum sanctae suae suscepit ecclesię. cum fructu bonorum operum uos faciat peruenire ad gaudia aeternę patrię. Amen. quod ipse praestare. Benedictio dei.
Benedictiones Codicis O: Benedictio in Octauas Domini
Omnipotens deus. cuius unigenitus hodierna die ne legem solueret quam adimplere uenerat. corporalem suscepit circumcisionem. spiritali circumcisione mentes uestras ab omnibus uitiorum incentiuis expurget. et suam in uos infundat benedictionem. Amen. Et qui legem per moysen dedit. ut per mediatorem nostrum benedictionem daret. ut exuat uos mortificationem uitiorum. et faciat perseuerare in nouitate uirtutum. Amen. Quo sic in senarii numeri perfectione in hoc saeculo uiuatis. et in septenario inter beatorum spirituum agmina requiescatis. quatenus in octauo resurrectione renouati. iubelei remissione ditati. ad gaudia sine fine mansura. perueniatis. amen. Quod ipse praestare. qui cum patre.
Deus lumen uerum qui unigenitum suum hodierna die stella duce gentibus uoluit reuelare sua uos dignetur benedictione ditare. Amen. Quo exemplo magorum mystica domino iesu christo munera offerentes. spreto antiquo hoste. spretisque contagiis uitiorum. ad aeternam patriam redire ualeatis per uiam uirtutum. Amen. Detque uobis ueram mentium innocentiam qui super unigenitum suum spiritum sanctum demonstrari uoluit per columbam. eaque uirtute mentes uestrae exerceantur ad intellegenda diuine legis archana qua in chana galileae lympha est in uinum conuersa. Amen. Quod ipse. cuius.
Benedictiones Codicis O: Benedictio in Purificatione Sancte Marie
Omnipotens deus. qui unigenitum suum hodierna die in assumpta carne in templo uoluit praesentari. benedictionis suae uos munere fultos bonis operibus faciat exornari. Amen. Et qui eum ut legem adimpleret. ministrum uoluit effici legis. mentes uestras instruat legis sue spiritalibus documentis. Amen. Quo ei et pro turturibus castitatis seu caritatis munera offerre ualeatis. et pro pullis columbarum spiritus sancti donis exuberetis. Amen. Quod ipse praestare dignetur. cuius regnum.
Benedictiones Codicis O: Benedictio in Initio Quadragesime
Benedicat uobis omnipotens deus. qui quadragenarium numerum in moysi et heliae. necnon et mediatoris nostri ieiunio consecrauit. concedatque uobis ita transigere praesentis uitae dispensationem. ut accepto a patrefamilias remunerationis denario. perueniatis ad peccatorum omnium remissionem et ad gloriosam cum sanctis omnibus resurrectionem. Amen. Detque uobis spiritalium uirtutum inuictricia arma. quibus exemplo domini deuincere ualeatis antiqui hostis sagacissima temptamenta. Amen. Quo non in solo pane sed in omni uerbo quod de ore eius procedit. spiritalem sumentes alimoniam per ieiuniorum obseruationem. et ceterorum bonorum operum exhibitionem percipere mereamini inmarcescibilem gloriae coronam. Amen. Quod ipse praestare dignetur. cuius.
Benedictiones Codicis O: Dominica II. in Quadragesima
Omnipotens deus. ieiuniorum ceterarumque uirtutum dedicator atque amator. sua uos benedictione sanctificet. Amen. Accendat in uobis pie deuotionis effectum et praebeat supplicantibus suum benignus auditum. Amen. Quatenus mentes uestrae sinceris purgatae ieiuniis bonorum omnium exuberent incrementis. Amen. Quod ipse praestare. cuius.
Benedictiones Codicis O: Dominica III. in Quadragesima
Omnipotens deus . ieiuniorum nostrorum uictimas clementer accipiat . et sua uos benedictione dignos efficiat. Amen. Mentes uestras ita parsimoniae bono contra uitia muniat . preceptorum suorum doctrinis erudiat . caritatis dono repleat . ut uos in omnibus sibi placere concedat. Amen. Quatenus praesentis quadragesime diebus deuotissime caelebratis . ad paschalia festa purificatis cordibus accedere ualeatis. Amen. quod ipse praestare.
Benedictiones Codicis O: Dominica IIII. in Quadragesima
Deus qui uos ad praesentium quadragesimalium dierum medietatem dignatus est perducere . ipse uos sua miseratione dignetur benedicere. Amen. Abstinentiam uestram praeteritam acceptet . futuram ita sibi placitam reddat . ut sicut ab inlicitis cybis . ita uos etiam a uitiis omnibus abstinere concedat. Amen. Quod de praeteritis et de futuris spiritalium carismatum frugibus ei grates persoluentes . ad sanctum pascha peruenire possitis. Amen. Quod ipse praestare.
Benedictiones Codicis O: Dominica V. in Quadragesima
Accendat in uobis dominus uim sui amoris . et per ieiuniorum obseruantiam infundat in uobis donum suae benedictionis. Amen. Sic ei parsimonię uictimas offeratis . ut contriti ei cordis . et humilitati sacrificio placeatis. Amen. Quatenus oratio uestra ieiunii et elemosinę alis subiecta . ita ad aures uestri conditoris ascendat . ut uos aeternae beatitudinis heredes . et supernorum ciuium consortes efficiat. Amen. Quod ipse.
Benedictiones Codicis O: Benedictio in Ramis Palmarum
Benedicat uobis omnipotens deus . cui et ieiuniorum maceratione . et praesentium dierum observatione placare studetis. Amen. Concedatque uobis ut sicut ei cum ramis palmarum ceterarumue frondium praesentare studiustis ita cum palma uictorię et fructu bonorum operum ei post obitum apparere ualeatis. Amen. Quique unigeniti filii eius passionem puro corde creditis. mente deuota uenerari studetis. ad resurrectionis praemia ipsius fulti munimine ueniatis. Amen. Quod ipse praestare dignetur. cuius.
Item Alia Benedictio De Passione Domini.Omnipotens deus. qui unigeniti sui passionem tribuit uobis humilitatis exemplum. concedat uobis per eandem humilitatem percipere suae benedictionis ineffabile donum. Amen. ipsius resurrectionis percipiamus consortia. cuius patientie ueneramini documenta. Amen. Quo ab eo sempiterne uite munus percipiatis. per cuius temporalem mortem. aeterna uos euadere creditis. Amen. Quod ipse.
Benedictiones Codicis O: Benedictio in Cena Domini
Benedicat uos deus qui per unigeniti filii sui passionem uetus pascha in nouum uoluit conuerti. concedatque uobis ut expurgato ueteris fermenti contagio. noua in uobis perseueret consparsio. Amen. Et qui ad caelebrandam redemptoris nostri caenam mente deuota conuenistis aeternorum dapium uobiscum aepulas reportetis. Amen. Ipsius quoque opitulante clementia mundemini a sordibus peccatorum. qui ad insinuandum humilitatis exemplum pedes uoluit lauar discipulorum. Amen. Quod ipse. qui cum patre.
Benedictiones Codicis O: Benedictio in Sabbato Sancto
Deus qui de ecclesiae suae intemerato utero nouos populos producens. eam uirginitate manente noua sem⟨per⟩ prole fecundat. fidei. spei. et caritatis uos munere repleat. et suae in uos benedictionis dona infundat. Amen. Et qui hanc sacratissimam noctem redemptoris nostri resurrectione uoluit inlustrare. mentes uestras peccatorum tenebris mundatas. uirtutum copiis faciat coruscare. Amen. Quo eorum qui modo renati sunt innocentiam imitare certetis. et uascula mentium uestrarum exemplo praesentium luminum inlustritis. ut cum bonorum operum lampadibus ad huius sponsi thalamum cuius resurrectionem caelebratis. cum prudentibus uirginibus intrare possitis. Amen. Quod ipse praestare.
Benedictiones Codicis O: Benedictio in die Sanctum Paschae
Benedicat uos omnipotens deus. hodierna interueniente paschali solemnitate et omni miseratus dignetur defendere prauitate. Amen. Et qui ad aeternam uitam in unigeniti sui resurrectione uos reparat. in ipsius aduentu immortalitatis uos gaudiis uestiat. Amen. Et qui expletis ieiuniorum siue passionis dominicae diebus paschalis festi gaudia celebratis ad ea festa quae non sunt annua sed continua ipso opitulante exultantibus animis ueniatis. Amen. Quod ipse praestare.
Benedictiones Codicis O: Benedictio in Octauas Paschae
Deus cuius unigenitus hodierna die discipulis suis ianuis clausis dignatus est apparere. suae uos benedictionis dono locupletare et caelestis uobis regni ianuas dignetur aperire. Amen. Et qui ab eorum pectoribus atactu sui corporis uulnus amputauit dubietatis. concedat ut per fidem qua eum resurrexisse creditis. omnium delictorum maculis careatis. Amen. Et qui eum cum thoma deum et dominum creditis et cernuis uocibus inuocatis ab eo et in hoc saeculo a malis omnibus tueri et in futuro sanctorum coetibus adscisci ualeatis. Amen. Quod ipse.
Benedictiones Codicis O: Benedictio de Resurrectione
Benedicat uos omnipotens deus. qui uos gratuita miseratione creauit. et in resurrectione unigeniti sui spem uobis resurgendi concessit. Amen. Resurget uos de uitiorum sepulchris qui eum resuscitauit a mortuis. Amen. Ut cum eo sine fine feliciter uiuatis. quem resurrexisse a mortuis ueraciter creditis. Amen. Quod ipse praestare.
Item Alia Benedictio.Deus qui per resurrectionem unigeniti sui uobis contulit. et bonum redemptionis. et decus adoptionis suae uobis conferat praemia benedictionis. Amen. Et quo redimente percepisti(s) donum perpetue libertatis. eo largiente consortes efficiamini aeterne hereditatis. Amen. Et cui consurrexistis in baptismate crede(n)do. adiungi mereamini in caelesti regione bene uiuendo. Amen. Quod ipse praestare.
Omnipotens deus deuotionem nostram dignanter intendat. et suae uobis benedictionis dona concedat. Amen. Indulgeat uobis mala omnia quae gessistis. et tribuat ueniam. quam ab eo deposcitis. Amen. Sicque ieiunii uestri et precum uota suscipiat. ut a uobis aduersa omnia quae peccatorum retributione mereamini auertat. et donum in uos spiritus paraclyti infundat. Amen. Quod ipse praestare.
Benedictiones Codicis O: Benedictio in die Ascensionis Domini
Benedicat uos omnipotens deus. cuius unigenitus hodierna die caelorum alta penetrauit. et uobis ubi ille est ascendendi aditum patefecit. Amen. Concedat propitius ut sicut post resurrectionem suam discipulis uisus est manifestus. ita uobis in iudicium ueniens uideatur placatus. Amen. Et qui eum consedere patri in sua maiestate creditis uobiscum manere usque in finem saeculi. secundum suam promissionem sentiatis. Amen. Quod ipse praestare.
Benedicat uobis omnipotens deus. ob cuius paraclyti spiritus aduentum mentes uestras ieiunii obseruantia praeparatis. et praesentem diem solempnibus laudibus honoratis. Amen. Instar modo renatorum infantium. talem innocentiam habeatis. ut templum sancti spiritus. ipso tribuente. esse possitis. Amen. Atque idem spiritus sanctus. ita uos hodie sua habitatione dignos efficiat: ut cras se uestris mentibus uobiscum perpetim habitaturus infundat. et peracto praesentis uitae curriculo. uos ad caelestia regna perducat. Amen. Quod ipse.
Deus qui hodierna die discipulorum mentes spiritus paraclyti infusione dignatus est inlustrare. faciat uos benedictione sua repleri. et eiusdem spiritus donis exuberare. Amen. Ille ignis qui super discipulos apparuit peccatorum uestrorum sordes expurget. et sui luminis infusione corda uestra perlustret. Amen. Quique dignatus est diuersitatem linguarum in unius fidei confessione adunare. in eadem uos faciat fide perseuerare. et per hanc ab spe ad speciem peruenire. Amen. Quod ipse.
Benedictiones Codicis O: In Natale Sancti Iohannis Babtistae
Benedicat uobis omnipotens deus. beati iohannis baptistae intercessione cuius hodie natalitia caelebratis. concedatque ut cuius solemnia colitis. patrocinia sentiatis. Amen. Illius obtenttu ab omnibus aduersis tueamini. et bonis omnibus perfruamini qui aduentum redemptoris mundi necdum natus cognouit. matris sterelitatem nascendo abstulit. patris linguam natus absoluit. Amen. Quatenus ipsius agni quem ille digito ostendit. cuius immolatione estis redempti. ita uirtutum lanis uestiri. et innocentiam ualeatis imitari. ut ei in aeterna patrię felicitate possitis adiungi. Amen. Quod ipse.
Benedictiones Codicis O: Benedictio in Festiuitate Sanctae Crucis
Benedicat uobis omnipotens deus. qui per unigeniti sui domini nostri iesu christi passione(m) et crucis patibulum genus redemit humanum. Amen. Concedatque uobis ut cum omnibus sanctis quae sit eiusdem crucis. longitudo. latitudo. sublimitas. et profundum. mente deuota comprehendere possitis. Amen. Quatenus uosmetipsos abnegando. crucemque gestando. ita in praesentis uitae studio redemptorem nostrum possitis sequi. ut ei inter choros angelorum post obitum mereamini adscisci. Amen. Quod ipse.
Benedictiones Codicis O: In Natale Apostolorum Petri et Pauli
Benedicat uobis omnipotens deus. qui uos beati petri saluberrima confessione in ecclesiastice fidei fundauit soliditate. Amen. Et quos beati pauli sanctissima instruxit praedicatione sua tueatur gratissima defensione. Amen. Quatenus petrus claue. paulus sermone. utrique intercessione ad illam uos certent patriam introducere. ad quam illi alter cruce. alter gladio hodierna die peruenere. Amen. Quod ipse praestare.
Benedictiones Codicis O: Benedictio in Festiuitate Sancte Marię
Deus qui per beatę marię uirginis partum genus humanum dignatus est redimere. sua uos dignetur benedictione locupletare. Amen. Eiusque semper et ubique patrocinia sentiatis. ex cuius intemerato utero auctorem uitae suscipere meruistis. Amen. Et qui ad eius caelebrandam festiuitatem hodierna die deuotis mentibus conuenistis spiritalium gaudiorum et aeternorum praemiorum uobiscum munera reportetis. Amen. Quod ipse.
Benedictiones Codicis O: In Festiuitate Sancti Iohannis de Martirio
Deus qui uos beati iohannis baptistae concedit . solemnia frequentare : tribuat uobis et eadem deuotis mentibus caelebrare . et suæ benedictionis dono percipere. Amen. Et qui pro legis eius praeconio carceralibus est retrusus in tenebris : intercessione sua a tenebrosorum operum uos liberet incentiuis. Amen. Et qui pro ueritate quae deus est caput non est cunctatus amittere suo interuentu ad caput nostrum quod christus est uos faciat peruenire. Amen. Quod ipse.
Benedictiones Codicis O: Benedictio in Aduentu Domini
Omnipotens deus cuius unigeniti aduentum . et praeteritum creditis et futurum expectatis . eiusdem aduentus uos inlustratione santificet . et sua benedictione locupletet. Amen. In praesentis uitae stadio uos ab omni aduersitate defendat . et se uobis in iudicio placabilem ostendat. Amen. Quo a cunctis peccatorum contagiis liberati . illius tremendi examinis diem expectetis interriti. Amen. Quod ipse.
Alia.Omnipotens deus uos placito uultu respiciat . et in uos suae benedictionis donum infundat. Amen. Et qui hos dies incarnatione unigeniti sui fecit solemnes . a cunctis praesentis . et futuræ uitae aduersitatibus uos reddet indemnes. Amen. Ut qui de aduentu redemptoris nostri secundum carnem deuota mente laetamini . in secundo cum in maiestate uenerit praemiis aeternae uitae ditemini. Amen. Quod ipse.
Benedictiones Codicis O: Benedictio in Natale Unius Apostoli
Deus qui uos in apostolicis tribuit consistere fundamentis . benedicere uobis dignetur beati apostoli sui illius intercedentibus meritis. Amen. Defendatque uos a cunctis aduersis apostolicis praesidiis . qui uos eorum uoluit ornari et munerari exemplis et documentis. Amen. Quo per eorum intercessionem perueniatis ad aeternæ patriæ hereditatem . per quorum doctrinam tenetis fidei integritatem. Amen. Quod ipse . cuius.
Benedictiones Codicis O: Benedictio in Natale Unius Martyris
Beati martyris sui illius intercessione uos dominus benedicat. et ab omni malo defendat. Amen. Extendat in uos dexteram suae propiciationis qui eum suscepit per supplicia passionis. Amen. Quo eius in caelo mereamini habere consortium. cuius deuotis mentibus in terra caelebratis triumphum. Amen.
Benedictiones Codicis O: In Natale Plurimorum Martyrum
Benedicat uobis dominus beatorum martyrum suorum illorum suffragiis. et liberet ab aduersitatibus cunctis. Amen. Commendet uos eorum intercessio gloriosa quorum in conspectu eius est mors pretiosa. Amen. Et sicut illi per diuersa genera tormentorum caelestis regni sunt sortiti hereditatem. ita uos eorum mereamini consortium per bonorum operum exhibitionem. Amen. Quod ipse.
Benedictiones Codicis O: Benedictio in Natale Unius Confessoris
Omnipotens dominus det uobis copiam benedictionis. qui beatum illum sibi adsciuit uirtute confessionis. Amen. Et qui illum fecit coruscare miraculis. uos exornet bonorum operum incrementis. Amen. Quo eius exemplis eruditi. et intercessione muniti. cuius depositionis diem caelebratis. illi possitis in caelesti regione adiungi. Amen. Quod.
Benedictiones Codicis O: In Natale Plurimorum Confessorum
Sanctorum confessorum suorum illis meritis uos dominus faciat benedici. et contra aduersa omnia eorum intercessione muniti. Amen. Eorum uos efficiat suffragio felices. quorum festiuitatis diem caelebratis ouantes. Amen. Quo eorum imitantes exempla. ad caelestia peruenire possitis promissa. Amen. Quod ipse.
Benedicat uobis dominus qui beate uirgini illi concessit et decorem uirginitatis. et gloriam passionis. Amen. Et cuius opitulatione illa meruit et sexus fragilitatem. et persequentium rabiem deuincere. uos possitis et uestrorum corporum inlecebras et antiqui hostis machinamenta superare. Amen. Quo sicut illa sexu fragili uirili nisa est certamen adire. et post certamen de hostibus triumphare. ita uos in hac mortalitate uiuentes ualeatis et antiquum hostem deuincere. et ad caelestia regna peruenire. Amen. Quod ipse.
Benedictiones Codicis O: Benedictio in Natale Uirginum
Omnipotens dominus intercedentibus sanctis uirginibus suis uos dignetur benedicere. qui de antiquo hoste non solum per uiros sed etiam per feminas uoluit triumphare. Amen. Et qui illis uoluit centesimi fructus donum decore uirginitatis. et agone martyrii conferre uos dignetur et uitorum squaloribus expurgare. et uirtutum lampadibus exornare. Amen. Quatenus uirtutum oleo ita pectorum uestrorum lampades possint repleri. ut cum eis caelestis sponsi thalamum ualeatis ingredi. Amen. Quod ipse.
Benedictiones Codicis O: Benedictio Cotidianis Diebus
Benedicat uobis dominus et custodiat uos. Amen. Inluminet faciem suam super uos et misereatur uestri. Amen. Conuertat uultum suum ad uos et donet uobis pacem. Amen. Quod ipse.
ALIA.Omnipotens deus sua uos clementia benedicat. et sensum in uobis sapientiæ salutaris infundat. Amen. Catholicae fidei uos documentis enutriat. et in sanctis operibus perseuerabiles reddat. Amen. Gressus uestros ab errore conuertat. et uiam uobis caritatis et pacis ostendat. Amen. Quod ipse.
ALIA.Inclinet dominus aurem suam ad preces uestrae humilitatis. et det uobis gratiam suae benedictionis et praemium sempiterne salutis. Amen. Semper et ubique dominum propitium habeatis. et in eius laudibus exultetis. Amen. Omnium peccatorum uestrorum uincula soluat. et ad gloriam sempiternam peruenire uos faciat. Amen. Quod ipse.
ALIA.Multiplicet in uobis dominus copiam suae benedictionis. et confirmet uos in spe regni caelestis. Amen. Actus uestros corrigat. uitam emendet. mores componat. et uos ad caelestis paradysi hereditatem perducat. Amen. Talique intentione repleri ualeatis. qua ei in perpetuum placeatis. Amen. Quod.
ALIA.Deuotionem uestram dominus dignanter intendat, et suae uobis benedictionis dona concedat. Amen. Talique uos in praesenti saeculo subsidio muniat, ut paradysi uos in futuro habitatores efficiat. Amen. Sicque corda uestra sanctificando benedicat, et benedicendo sanctificet, ut uobiscum, immo in uobis eum iugiter habitare delectet. Amen. Quod ipse.
ALIA.Det uobis dominus munus suae benedictionis, et repleat uos spiritu ueritatis et pacis. Amen. Quatenus sic per uiam salutis deuota mente curratis, ut subripientium delictorum laqueos salubriter euadatis. Amen. Sicque efficiamini in eius supplicatione deuoti, et in mutua dilectione sinceri, ut ad caeleste regnum peruenire possitis securi. Amen. Quod ipse.
ALIA.Concedat uobis omnipotens deus munus suae benedictionis, qui uestrae est conscius infirmitatis. Amen. Et qui uobis tribuit supplicandi affectum, tribuat consolationis auxilium. Amen. Ut ab eo et praesentis et futurae uitae subsidium capiatis, cuius uos bonitate creatos esse creditis. Amen. Quod ipse.
ALIA.Omnipotens deus caelesti uos protectione circumdet et suae benedictionis dono locupletet. Amen. Concedatque uobis ut qui in sola spe gratiae caelestis innitimini, caelesti etiam protectione muniamini. Amen. Quatenus et in praesenti saeculo mortalis uitae solatia capiatis, et sempiterna gaudia comprehendere ualeatis. Amen. Quod.
ALIA.Omnipotens deus dexterę suae perpetuo uos circumdet auxilio, et benedictionum suarum repleat dono. Amen. Ab omni uos prauitate defendat, et donis caelestibus exuberare concedat. Amen. Quo corpore mundati ac mente, talem ei exhibeatis seruitutem, per quam suam consequi ualeatis propiciationem. Amen. Quod ipse.
ALIA.Purificet omnipotens deus uestrorum cordium archana et benedictionis suae uobis tribuat incrementa. Amen. Ab omnibus uitae praesentis periculis exuamini. et uirtutum spiritalium ornamentis induamini. Amen. Quo illius adiutorio fulti sic ei seruiatis in terris. ut ei coniungi ualeatis in cælis. Amen. Quod ipse.
ALIA.Omnipotens deus uniuersa a uobis aduersa excludat. et suae super uos benedictionis dona propitiatus infundat. Amen. Corda uestra efficiat sacris intenta doctrinis quo possint repleri beneficiis sempiternis. Amen. Quatinus exequenda intelligentes. et intellecta exequentes. et inter aduersa mundi inueniamini indemnes. et beatorum spirituum efficiamini coheredes. Amen. Quod ipse.
ALIA.Omnipotens deus dies uestros in sua pace disponat. et suae uobis benedictionis dona concedat. Amen. Ab omnibus uos perturbationibus liberet. et mentes uestras in suæ uobis pacis tranquillitate consolidet. Amen. Quatenus spei. fidei. et caritatis gemmis ornati: et praesentem uitam transigatis inlaesi. et ad aeternam perueniatis securi. Amen. Quod ipse.
Benedictiones Codicis O: Benedictio super Regem in Tempore Synodi
Benedicat tibi dominus custodiensque te sicut uoluit te super populum suum constituere regem. ita et in praesenti saeculo felicem et aeternæ felicitatis tribuat esse consortem. Amen. Clerum ac populum quem sua uoluit opitulatione tua sanctione congregari: sua dispensatione et tua administratione per diuturna tempora faciat feliciter gubernari. Amen. Quatenus diuinis monitis parentes: aduersitatibus omnibus carentes: bonis omnibus exuberantes: tuo ministerio fideli amore obsequentes: et in praesenti saeculo pacis tranquillitate fruantur. et tecum aeternorum ciuium consortio potiri mereantur. Amen. Quod ipse praestare dignetur.
Missae Additae in Marginibus Cod. O. — 〈Conversio Sancti Pauli.〉Deus q(ui uniuersum mundum beati pauli apostoli praedicatione docuisti) da nobis quaesumus ut qui eius odie conuersionem co(limus per eius ad te) exempla gradiamur. per. Super oblata. Apostoli tui pauli precibus domine plebis tue dona uiuific(a) ut que tibi g(ra)ta sunt ins(ti)tuta gracio(ra) fiant patro(cini)o supplicanti(s. per.) Post communio. Saciasti nos domine salutari misterio quaesumus ut pro nobis eius non desinit ⟨leg. desit⟩ oracio cuius donasti patrocinio gubern(ari. per.)
〈Cathedra Sancti Petri.〉Deus qui b(eato apostolo petro conlatis clauibus regni) caelestis animas ligandi atque sol(uendi pon)tificium tradidisti concede ut intercessionis eius auxilio a peccatorum nostrorum nexibus liberemur. per. Ecclesie tue quaesumus domine preces et (hos)tias beati pe(tri) apostoli comme(n)det oracio (ut) quod pro i(lli)us gloriam celebramus n(o)bis prosit (ad) ueniam. per. Laetificet nos domine quaesumus munus oblatum. ut sicut in apostolo tuo petro te mirabilem predicamus. sic per illum tuae sumamus indu(l)gencie largitatem. per.
〈Natale Sanctorum Stephani, Gamalielis, Nichodemi Et Abibon.〉Deus qui es sanctorum tu(orum) splendor mirabilis: qui hodierna die beatorum martyrum tuorum steph(ani) gamalielis nichodem(i at)que abibon inuentionem gl(oriosam) reuelasti: da nobis in aeter(na) leticia de eorum societa(te) gaudere. per.
Super oblata.Mu(nera) tibi domine nostre deucio(nis) offerimus quae et pro tuorum ti(bi) grata sint honore iust(orum) et nobis salutaria te m(ise)rante reddantur . per.
Deus qui nos annua beatorum martirum tuorum [ff. 72v, 73 timothei et apollonaris sollemnitate letificas eorum quaesumus continua intercessione super nos misericordiam tuam multiplica ut quorum patrociniis gratulamur suffragiis eciam perpetue salutis ausilium nobis at esse senciamus . per.
Super oblata.Munera domine quaesumus pro tuorum cum memoracione sanctorum : timothei et apollonaris sollemnitate oblata propicius suscipe et pia eorum intercessione salutem nobis perpetuam prouenire concede . per.
Ad complendum.Beatorum martirum tuorum timothei et apollonaris domine intercessione placatus : concede quaesumus ut sacramenti tui ueneranda perceptio fiat omnium peccatorum (remissio . per.) Maiestatem tuam <domine> supliciter implo(ram)us . ut nos beatorum marti(rum) tuorum timothei et apol(lon)aris patrocinantibus (mer)itis . ab hostium incursio(ne) defendas : ut quorum uene(ramur) gloriosa sollempnia . eorum (no)bis tribuas adesse suffra(gia.) per ;
Simonis Et Iude.Deus qui nos per beatos apostolos tuos ad cognicionem tui nominis uenire tribuisti: da nobis eorum gloriam sempiternam et proficiendo celebrare et celebrando proficere. per.
Super oblata.Gloriam domine sanctorum apostolorum tuorum perpetuam r(e)colentes quaesumus ut eandem sa(cris) misteriis expia(ti) dignius celeb(re)mus per. Perceptis domine sacramentis supplices te rogamus ut intercedentibus beatis apostolis tuis que pro illorum ueneranda gerimus passione nobis proficiant ad medellam. per; Exaudi nos deus salutaris noster et apostolorum tuo<rum> nos tuere presidiis quorum donasti (fideles esse doctrinis. per.).
II.In codice Ottoboniano 313, post finem Martyrologii Bedae Presbyteri, fol. 6 verso extant quae sequuntur. (i) Gloria in excelsis: hoc eiusdem fere aetatis est cum Libro Sacramentorum. Cum forma hodie usitata non omnino concordat. (ii) Missa in Natale Sanctae Genovefae manu saec. ix. exeuntis aut x. ineuntis descripta. (iii) Credo: alia manu saec. ix. exeuntis scripta: desideratur ultima pars, a bibliopega abscisa.
(i).Gloria in excelsis deo . et in terra pax hominibus bone uoluntatis. Laudamus te . Benedicimus te . Adoramus te. Glorificamus te . Hymnum dicimus tibi . gratias agimus . propter gloriam tuam magnam. Domine deus rex caelestis. Deus pater omnipotens . Domine fili unigenite . Iesu christe altissime. Domine deus . Agnus dei . Filius patris. Qui suscepisti peccata mundi . suscipe depraecationem nostram. Qui sedes ad dexteram patris . miserere nobis. Quoniam tu solus sanctus . Tu solus dominus . Tu solus altissimus. Iesu christe . in gloria dei patris. Amen.
(ii).Beate genoufe natalitia ueneranda domine quesumus ecclesia tua deuota suscipiat . Et fiat magne glorificationis amore deuotior . et tante fidei proficiat exemplo . per.
Super oblata.Offerimus domine preces et munera in honore sanctae genouefe gaudentes, praesta quaesumus ut et conuenienter haec agere, et remedium sempiternum ualeamus adquirere, per. Vere dignum usque eterne deus. Beate genouefe natalitia recolentes, uere enim huius honorandus est dies, que sic terrena generatione processit ut ad diuinitatis consortium perueniret, per christum.
Post communionem.Adiuuent nos quesumus domine, et haec misteria sancta que sumsimus, et beate genouefe intercessio ueneranda, per. (iii). Credo in unum deum patrem omnipotentem factorem celi et terre, uisibilium omnium, et inuisibilium, et in unum dominum, iesum christum, filium dei unigenitum et ex patre natum, ante omnia secula, deum, de deo, lumen, de lumine, deum uerum de deo uero, genitum non factum, consubstancialem patris; per quem omnia facta sunt, qui propter nos, homines, et propter nostram salutem, descendit de celis, et incarnatus est de spiritu sancto ex maria uirgine, et homo factus est, crucifixus exciam pro nobis, sup poncio pilato passus, et sepultus est, et resurrexit, tercia die; secundum scripturas, et ascendit in celum; sedet ad dexteram patris, et iterum uenturus est, cum gloria, iudicare uiuos, et mortuos, cuius regni; non erit finis, et in spiritum sanctum dominum et uiuificantem qui ex patre filioque procedit, qui cum patre, et filio simul . . . . . . .
Source. Latin text edited by H. A. Wilson, from The Gregorian Sacramentary under Charles the Great, edited from three manuscripts of the ninth century by H. A. Wilson (London: Harrison and Sons for the Henry Bradshaw Society, vol. XLIX, 1915); public domain. The text was read by machine (Mistral OCR) from a scan of the 1915 edition at the Internet Archive and has not been proofread against the printed book. SermonIndex has removed running heads, page numbers, the editor's apparatus and notes, and divided the text into sections; the Latin is the editor's own. The editor’s English preface and introduction, the apparatus of variant readings at the foot of the pages (the notes comparing the three manuscripts), the folio numbers of the manuscripts, the notes giving the antiphons, the appendices on the contents of the manuscripts, and the indexes are left out. No English translation is shown beside it.
Licence. The edition was published in 1915 and is in the public domain.
Everything we make is available for free because of a generous community of supporters.