Miamun 10

1 Nani Noa narun rusan Sem, Ham da Yafet narun rusan rima mingêa bampan i mpui tsiraê. 2 Yafet narun rusan binganggan ibiani, Gomer, Magok, Madai, Dzawan, Tubal, Mesek da Tiras. 3 Gomer irim narun rusan ibiani: Askenats, Rifat da Togarma. 4 Dzawan irim narun rusan: Elisa, Tarsis da Kit da Rodan. 5 Mingêa garam utup ani yangin rusan da tafan rusan idzarang impa intap ruga rugan ibafan imingê uruts ringan da intap isiê isiê mingêa uruts wasaê da impa utup utup da ini nan nifun ruga rugan. 6 Ham irim narun rusan ibiani: Kus, Mitsraim, Put da Kanan. 7 Kus irim narun rusan ibiani: Seba, Hawila, Sapta, Rama da Sapteka. Rama irim narun rusan iruêrun: Siba da Dedan. 8 Kus ibinigi irim narunggan mangan binganggan Nimrod. Nimrod isu garam nampang da nifutsarif i ngants gifan isu miamun imingê intap. 9 Arangan isu garam bangi tatiê yunga apu imingê Yawe maranggan. Ibinigi da garam nida tsarifa mangan i bingan tsiraê, da inang da ini binaê, “Garam igi isu bangi tatiê yunga apu imingê Yawe maranggan isangê Nimrod." 10 Nimrod gampan miamun mpada tayangê gin ibiani: Babilon (nida Babel gin) da Erek da Akat, gamp santan igi imingê intap Sinar (nida Babilonia gin). 11 I mingêa nigi da arangan ifa Asiria da iraf gamp Niniwe, Rihobot-Ir da Kala, da Resen. I gamp Resen igi imingê wasaê i gamp Niniwe da gamp tsiraê Kala. 13 Mitsraim isu garam Lud da Anam da Lehap da Naftu da Patrus da Kaslu da Kaftor tafanggan. Da garam Filistia iwaê i tafan Kaslu. 15 Kanan narunggan miamun Saidon, da rain rusan fain binganggan ibiani: Hit 16 da Dzebus da Amor da Girgas 17 da Hiwi da Arka da Sini 18 da Arwat da Tsemar da Hamat. Raiyi da utup Kanan igi idzarang da impa ruga rugan ifan. 19 Rib Kanan intapan ampapan mpada gin imingê gamp tsiraê Saidon da iragi uruts ringan ifa iwaê Gatsa da Gerar da ifa ibi gubuê yaban da iwaê Sodom da Gomora da Adma da Tseboim da ifa iwaê Lasa. 20 Ribigi Ham tafan rusan yatsungê utupan da nifu-nanggan impruê ruan impai intap ruga rugan isu utup utup. 21 Sem ibinigi irim narun rusan fain da isu garam utup Eber tafanggan, da arangan rainggan tsiraê Yafet. 22 Sem narun rusan binganggan ibiani: Elam, Asur, Arfaksat, Lud da Aram. 23 Da Sem narunggan Aram narun rusan ibiani: Uts, Hul, Geter da Mas. 24 Sem narunggan Arfaksat isu Sela ramanggan, da Sela isu Eber ramanggan. 25 Eber irim narun rusan marub iruêrun, mangan binganggan Pelek, i mingêa arangan gubuê gan mpada intap, da garam intap ibrang ruan idzarang impa utup utup. Da arangan rainggan binganggan Dzoktan. 26 Dzoktan isu Almodat, Selef, Hatsarmawet, Tsera, da Hadoram, Utsal, Dikla, da Obal, Abimael, Seba, da Ofir, Hawila da Dzobap ramanggan. 30 Garam utup igi intapan mpada gin imingê Mesa da ifan iwaê Sefar mingêa mamai gubuê yaban. 31 Nigi Sem tafan rusan yatsungê utupan da nifu-nanggan impruê ruan impai intap ruga rugan isu utup utup. 32 Rib utup mpada ruga rugan igi Noa tafan rusan. I mingêa ribigi, da garam intap santan angu iwaê da idzarang impa isangê intap sib angu, da gubuê mpui tsiraê riêa sib.