Miamun 12

1 Yawe ini da Abram ibiani, “Watangin gam intapam, da ribam, da ramanggam utupan rai, da wauriê wafa intap dzi nida santingêa agu gin. 2 “Dzi bungê afinti agu da nanang u yanginggam nawaê nasu utup tsiraê mangan. Dzi bungê anang u binganggam nasu tsiraê, da agu bungê asu sanab i maraampi. 3 Dzi bungê afinti garam uda agu yaban, da bida manga pupuarapan da agu da dzi bungê arim barabin maisan i mungaê gan rutin. Da mingêa agu da dzi bungê afinti garam intap utup utup santan." 4 Abram udzufan waêa 75 sib da itangin gamp Haran rai isangê Yawe nanggan nida rutin ugu. Da iyu fininggan Sarai da rainggan Haran narunggan Lot da nam bunumpan da garam guman santan uda mingêa Haran ugu, da irut impruê ruan ifa intap Kanan. Gubuê ribarangan waêa intap Kanan sib, 6 da Abram iyung itsuar intap igi ifan isangê waêa gai tsiraê mingêa mumai mararam binganggan More mingêa gamp Sekem. Da mingêa gubuê arigi da garam Kanan mpada intap igi rungê impai, 7 da bitsintaê Yawe iwaê da Abram da ini da arangan ibiani, “Dzi bungê arim intap aruani da u yanginggam.” Ibinigi da Abram yantungê tauf isu mumai mararam tsarada nam da Yawe gin, i mingêa nigi da Yawe iwaê da arangan. 8 Raiyi da Abram itip intsungê ifa mamai fain mingêa gubuê yaban mingêa Betel da yari ungar apu rini gangan i nigi imingê wasaê i gamp Betel da Ai. Gamp Betel imingê gubuê ruêan da Ai imingê gubuê yaban. Da mingêa nigi da arangan itip yantungê tauf isu mumai mararam tsarada nam in da iyugin da nifun itsaf Yawe. 9 Impa nigi raiyi da itip yuriê impa wasaê wasaê ifan isangê waêa intap Negeb, mingêa bida fiê. 10 Raiyi da gubuê fus tsiraê nam gadan maringêa sib iwaê imingê Kanan. Ibinigi da Abram yuriê da itip intsungê ifa intap Idzip i mpadan nigi pas angu. 11 Nanga i atangêa intap Idzip da arangan ini da fininggan Sarai ibiani, “Waringantin! U sagat mara rifirif bingan iyus. 12 Da bida gubuê agi atangêa gamp Idzip da garam Idzip tsanganda agu da bungê ayafi un i agu, da bungê ani nabiani, ‘Arangan fininggan igi,’ da bungê ais dzi maragab funub da nagantsi agu. 13 Ibinigi da wani nabiani, ‘Dzi nafunggangê igi,’ da ribarangan wasangê isa dzi funub u; i agu angu da bungê agantsi dzi da dzi bungê ampa bini." 14 Gubuê Abram waêa gamp Idzip da garam Idzip itsanga Sarai sagat mara rifirif bini bingan. 15 Da garam gifa gum tsiraê mingêa king maranggan itsanga Sarai da itsauê i arangan da king, ibinigi da king ini da ribarangan ifa yu Sarai iba tangin i king ungaran i suda i fininggan mangan. 16 King imagangê Abram bini iyab i Sarai da irim nam ntsuman bida ani: dumpa da nuning da makau da dongki da kamir impruê da garam gum da sagat gum. 17 Da bitsintaê Yawe itangin nam rinin gingêan mara maran maisan iwaê da king da gan utupan da rib santan mpada i gan ungaran, i wain iyu Abram fininggan sinungê. 18 Ibinigi da king yaga Abram iba munti i maranggan da ini, “Ibianungê da u iyuê dzi? U sangê nida nan wasi da dzi i u fininggam Sarai, ma? 19 Wain idzuwai da u ni arangan u nafunggam da dzi yu arangan isu dzi fininggangê? U fininggam aruani! Wau ya warut wafan!" 20 King yaga gan garaman i wata Abram rai mpruêan da fininggan da nanggan santan angu da tanginda Idzip da tipa fada gan arun.