Miamun 13

1 Ibinigi da Abram irut fininggan da narunggan Lot itumuangê nanggan santan udan da mpada tayangê gin mingêa Idzip da itip ifa Negeb. 2 Arangan itangin gamp Negeb da intsungê igingê wasaê wasaê iba isangê batipa waêa mumai mingêa wasaê i gamp Betel da Ai, mumai arangan mpada gin da antungêa tauf suda mumai mararam tsarada nam in ugu. Mingêan nigi da arangan iyugin da nifun itsaf Yawe. Abram isu garam nam bunump tsiraê i apu mpada tayangê gin, impruê da silva da gol. 5 Da Lot, aru Abram ruta mpruêa ruan badan ugu, ibinigi isangê ruan i apu mpada tayangê gin bida nuning da dumpa da makau impruê da garam da sagat gum. 6 Abram da Lot isangê ruan i apu ampi bingan angu da intap sai wasangê i rima rib iruê igi apu gan sib i bida rumpruêa ruan mpadan u. 7 Ibinigi da ufuai imunti wasaê i Lot da Abram garam guman mpada tayangê i ribarangan apu gan. Da gubuê arigi da garam gamp Kanan da Peris rungê impai imingê intap igi. 8 Ibinigi da Abram ini da Lot, “Agi biê bitsintaê! Da agi anungê suda ufuai da ruangê ma ufuai anungê uriêa wasaê i agu da dzi ma agi garam gumangê u. 9 Watsangan! Intap ani tsiraê bingan imingê utaê angu, da agi bungê atangin runggangê rai. Ibinigi da wapiriangê nasangê maranggam aridan. Bida u nida fada bida bangi yas, da dzi bungê afa nabi bangi bini, da bida u nida fada bida bangi bini, da dzi bungê afa nabi bangi yas." 10 Ibinigi da Lot iraê i maran da irarab ifan da itsangan intap bump Yordan da nam sib angu mingêa fadan da waêa gamp Tsoar. Intap igi da mpui irunt wasaê gin da nam santan maran irangarang ibi Yawe guman Iden ugu da isangê intap Idzip mingêa uts da mpui Nail. (I gubuê arigi da Yawe wawarip itias gamp Sodom da Gomora rai u.) 11 Ibinigi da Lot runggan ipiriangê intap bump santan mingêa Yordan mingêa gubuê yaban da iyu nanggan santan da irut utupan da gan garam guman da itangin Abram rai da ifan. 12 Da Abram rungê impai imingê intap Kanan, da Lot ifa mpa wasaê wasaê i gamp fain mingêa bump Yordan, raiyi da ifamus arida ungar apu rini gangan uts da gamp Sodom. 13 Da garam Sodom irim barun nidzun angu da Yawe da inang nam maisan tsiraê tsiraê ampi bingan iyus. 14 Gubuê Lot fada sib da Yawe ini da Abram ibiani, “Wataningê taningê da wararab nam santan mingêa gubuê yaban da gubuê ruêan da dzraê da fiê. 15 Intap santan aru u tsangandan ani, dzi bungê arim da agu da u yangin rusam nanting angu. 16 Da dzi bungê anang u yanginggam nawaê nasisungê nasangê intap sasanuai, da bida manga sangêa i farisa sasanuai ida nafaris u yangin rusam nabinigi. 17 Wafan da wayung watsuwar intap ani santan, i dzi bungê arim da agu." 18 Ibinigi da Abram itawaê ungaran apu rini gangan da intsungê ifan da impa uts angu da Mamri gai tsiraê tsiraê gan mingêa gamp Hibron. Da arangan yantungê tauf tsarada nam da Yawe gin.