Miamun 21

1 Da Yawe inang nam ngarubini iwaê da Sara ibi arangan nidan da ragadan ugu. 2 Ibinigi da Sara iwangun da irim Abraham narunggan marub da gubuê Anutu ragadan ugu. Da gubuê arigi da Abraham ifufi sib. 3 Abraham inuê mamaê narun igi binganggan Isak (wainggan ‘irubungê’). 4 Gubuê 8 ifa sib da Abraham isaf mamaê narun igi riniubit ibi Anutu nidan. 5 Abraham udzufan iwaê 100 da fininggan Sara irim arangan narunggan Isak. 6 Da Sara ini, “Anutu irim nam rubungêan da nugun tsiaêan tsiraê da dzi, da rib santan ringantagin da nugun bungê atsiaê da narubungê nampruê da dzi." 7 Da arangan itip ini ibiani, “Mungê ugu da manga wanang da ini da Abraham ibi Sara isangê i rima narun, imaê. Da bitsintaê dzi rim arangan narunggan marub da gubuê arangan fufidan." 8 Gubuê mamaê narun yingêan da tanginda sisun rai, da Abraham isu nam gadan tsiraê angu gin. 9 Da Sara itsangan mamaê narun Abraham rima da sagat Idzip ugu rima umpur i Isak 10 da ini da Abraham, “Wawat sagat gum araga da narunggan rai. I arangan narunggan anungê uda u nanggam marafain u, i u nam bunumpam santan ani nasu dzi narunggangê Isak nanggan." 11 Sara nanggan nidan inang Abraham wangun ibarabin nidzun angu, i Ismail igi arangan narunggan impruê ibinigi. 12 Da bitsintaê Anutu ini da Abraham ini binaê, “Wangum anungê barabinda yusan i narunggam Ismail da rinanggan Hagar, u sagat gumam, u. Watsungê Sara nanggan da wanang nabinigi, i mingêa Isak da u tafam rusam yanginggan taptap bungê awaê nautus i ruan nabi dzi nidan. 13 Da dzi bungê autus i sagat gum narunggan tafan rusan nasu garam utup tsiraê bingan nabinigi, i arangan u narunggam." 14 Da tataê maratait, Abraham yuriê da iyu nam gadan da apu rini gangan ranguda mpui gin sib da yantungê iyab Hagar sias. Da itangin narunggan ifan da Hagar da iwat ribarangan rai. Ibinigi da Hagar ifan da iyung nam manaê dadauntan Birsiba ifan. 15 Gubuê mpui ntsupan da arangan ifa tangin mamaê igi rai imingê gai isiê mangan marayaung gan. 16 Da ifampa ruguntiê pas i mamaê igi, da ini da runggan, “Dzi wani tsanganda mamaê igi mampan u.” Hagar impai da irang igampun ruan tsiraê bingan. 17 Anutu iringantin i mamaê rangan da Anutu angira gan inuê Hagar imingê gunungun ini binaê, “Hagar! Ibianungê? Agu anungê ratan u. Anutu iringant i mamaê rangan aga sib. 18 Wauriê wafan da wagif mamaê aga bangin da waraê gin wayab, i dzi bungê anang i gan yanginggan nawaê nasu garam utup tsiraê mangan." 19 Da Anutu inang Hagar maran intap ruan da itsangan mpui rafan mangan rumingêan. Da arangan ifa rangu i apu rini gangan da iyu iba rim da mamaê igi inum. 20 Anutu impa tayangê mamaê igi isangê arangan suda garam tsiraê. Arangan impa nam dadauntan Paran da isu garam bangi tatiê nidzun i dampa. Impai nigi da gan rinanggan iyu sagat Idzip mangan da arangan isu i fininggan. 22 Gubuê mangan da Abimelek (garam Gerar king gan ugu) da Fikol, garaman singaari gudzunggan, ifa tsanga Abraham da ini rutin, “Dzi tsanga Anutu irut agu i nam santan u nangan. 23 Ibinigi da mingêa Anutu maranggan da wani nan nidzun da dzi i agu anungê tipa suda umpur da dzi ma dzi narungê rusangê ma dzi tafangê rusangê u. Wasantingê maraampi aru dzi nangan da agu ugu da dzi, nampruê da garam gar intap aru u bampada suda garam marawampua gin ani." 24 Da Abraham ini, “Hai. Dzi ni nan nidzun bingan da agu imingê Anutu maranggan." 25 Da Abraham isantingê wangunggan barabindan wasi da Abimelek iyab i mpui gan rafan Abimelek garam guman suda wain gin da paêa arangan garam guman gin. 26 Da bitsintaê Abimelek ini, “Dzi wasruê gin i manga nang uwayant bida nigi. Aruani da u bungê ini da dzi da nan igi isu faê da dzi." 27 Da Abraham iyu dumpa da makau fain da irim da Abimelek da rib iruê igi yudzu nanggan. 28 Abraham itsaf dumpa naru faê rinan 7 da irim imingê Abimelek maran 29 da Abimelek igut i Abraham ini binaê, “Dumpa naru faê rinan 7 ani wainggan ibianungê?" 30 Da Abraham ini arangan nanggan mungaê ibiani, “Wau dzi dumpa gangê naru faê 7 ani nayab i santingêan bida dzi raf mpui gangê ani." 31 Ibinigi da ifaringê gamp igi binganggan Birsiba (wainggan ibi ‘mpui udzuda nan gin’ ), i rib iruê impruê ruan yudzu nanggan. 32 Gubuê nan udzudan da ruan mingêa Birsiba ntsupa sib, Abimelek da gan garam gudzunggan singaari Fikol, itip ifa gan gampan imingê intap Filistia. 33 Abraham intang gai mangan nida tamaris gin imingê Birsiba da iyugin da nifun itsaf Yawe, Anutu Mpada Ratar Ntingan Angu. 34 Da Abraham impa intap Filistia gubuê guntiê bingan isu garam marawampua.