Miamun 29

1 Da Yakop ruyung ifan da iwaê garam gubuê yaban intapan. 2 Da irunt fafun i tsanganda mpui rafan mangan rumingêa intap puatsi manaê bingan igi da dumpa utup iruê da bits gingêa wafiêa mpui igi i garam inang da irim mpui arigi rutin. Da tauf tsiraê mangan imingê sib i mpui nifun igi. 3 Maiê maiê dumpa santan bawaêa sib, da garam mpada tayangê gin inang da irimpingê tauf igi sinungê mpui rafan nifun da irim mpui da dumpa inum. Numa mpui sib da garam mpada tayangê dumpa itip irimpingê i tauf igi ragun i mpui nifun igi. 4 Yakop igut i ribigi ini binaê, “Amaê raingê ruas, agam rib anungê igi?” Ribarangan ini nan mungaê, “Aga rib Haran ani." 5 Da Yakop ini, “Da agam isruê i Laban, Nahor rumpunggan?” Da ribarangan ini, “Hai, aga sruê i arangan." 6 Da Yakop igut i ribarangan, “Arangan impa bini ma imaê?” Da ribarangan ini, “Hai, arangan rumpa bini. Da tsangan, arangan narunggan finam Retsel iyu ramanggan dumpa gan iba ani." 7 Da Yakop ini, “Ibianungê? I gubuê maran bingan rumingê da anungê iwarip iwaê i gubuê maran tsutsagin atangêan u. Isangê i agam rima mpui rutin sib da tipa uda fadan da rung gada sai?" 8 Da ribigi ini arangan nanggan mungaê ibiani, “Aga wasangê i nanga bida nigi u, nasangê dumpa sib angu nawaê nampruê ruan sib raiyi da aga namus rimpingêa tauf igi sinungê mpui nifun da narim mpui da sib angu nampruê ruan nanum." 9 Yakop rungê ruta garam mpada tayangê dumpa nida nan da Retsel iyu ramanggan dumpa gan ibawaê, i arangan impa tayangê gin. 10 Yakop itsangan Retsel, gayanggan Laban narunggan finam, impruê da dumpa gan santan igi da ifa rimpingê tauf sinungê mpui nifun da irim mpui da gayanggan dumpa gan inum. 11 Da Yakop itsutsuf Retsel da irang ruta nugun tsiaêan tsiraê bingan. 12 Da arangan ini da Retsel ibiani, “Dzi Rebeka narunggan marub, u ramanggam Laban nafunggan finam.” Retsel iringantin da irunt sung angu ifan da ini da ramanggan. 13 Da gubuê aru Laban uda sisingê i nafunggan narunggan Yakop badan igi, da irunt ifan da iwaê da arangan. Da impung arangan ufiak angu da itsutsuf arangan da iyu iba ungar. Waêa ungar sib da Yakop ifis i nam sib angu waêan da arangan ugu. 14 Da Laban ini, “Nan nidzun bingan, agi biê bitsintaê angu.” Yakop Inang Gum i Laban Iyab i Lia da Retsel Yakop irut gayanggan impai nigi isangê ukam manga sib, 15 da Laban ini da arangan, “Dzi gangê rururungan agu, da bitsintaê anungê idaum i u nanga gum utaê angu i dzi u. Wani da dzi i nam bunumpam u nida udan gudzunggan i gum u nangan." 16 Da Laban narun rusan finam iruêrun rumpai; miamun Lia da isiê Retsel. 17 Lia mara nidzun gan idaum angu , da bitsintaê Retsel arangan aruf mararifirif bingan iyus Lia i maranggan da nidzunggan santan. 18 Yakop maran yari i Retsel nidzun angu, ibinigi da ini da Laban, “Dzi bungê anang gum nayab i agu nasangê udzuf 7 i uda u narunggam isiê Retsel suda dzi fininggangê." 19 Da Laban ini, “Bini angu da dzi bungê arim da agu i rib fain aga mayu i. Nabinigi da warut dzi nampai." 20 Ibinigi da Yakop inang gum udzuf 7 i uda Retsel, da itsangan udzuf 7 igi ibi nam utaê aru mangan angu isangê gubuê iruê angu, i arangan maran yari nidzun angu i Retsel. 21 Udzuf 7 arigi intsup sib da Yakop ini da Laban, “Yaê! Dzi udzufangê nanga gum i agu ugu iba ntsup sib, da warim dzi fininggangê ba da dzi i dzi udan." 22 Ibinigi da Laban isu nam gadan tsiraê bintsudagin da irim nan da ampan santan gamp arigi iwaê da iga nam. 23 Da idziang arigi da Laban iyu Lia iba da Yakop da Yakop irut igingê. 24 (Da Laban irim sagat gum mangan, Tsilpa, da Lia.) 25 Gubuê pisan da Yakop irunt fafun i tsanganda Lia. Da arangan ifa ni da Laban, “Wain idzuwai gan ani da u nang uwayant bida ani da dzi? Dzi nang gum angu i Retsel. Da ibianungê da u bu iyuê dzi i rima Lia?" 26 Laban ini arangan nanggan mungaê ibiani, “Aga sanabangê anungê ibinigi, mamaê finam bampan suda gabun mungê da miamun rumpadan u. 27 Wampai nasangê suntaê bintsudan ani ntsupan, ida dzi namus rima Retsel da agu, da u bungê atip anang gum i dzi nasangê udzuf 7 mangan." 28 Yakop itaga ruan da irut Lia impai isangê suntaê arigi ntsupan. Ida Laban irim Retsel da Yakop isu arangan fininggan. 29 (Laban itangin sagat gum, Bilha, da Retsel.) 30 Da Yakop irut Retsel impai da maran yari i arangan nidzun angu iyus Lia. Da arangan itip inang gum i Laban isangê udzuf 7 mangan. 31 Da Yawe itsangan ibi Yakop maran yari i Retsel iyus Lia, ibinigi da irim Lia sib i uda i mamaê narun. Da bitsintaê Retsel isu sagat yami. 32 Lia iwangun da irim narun marub mangan da ifaringê i binganggan Ruben (wainggan ibi ‘watsanga, narun marub’), da ini, “Yawe itsangan dzi wangu barabin gangê sib; aruani da dzi gabunggangê maran bungê ari dzi." 33 Raiyi da Lia itip iwangun da irim narun marub mangan da ini ibiani, “Yawe iringantin ibiani, Yakop maran wari i dzi isangê maran arida i Retsel u, da irim mamaê narun manga ani da dzi.” Ibinigi da ifaringê mamaê narun igi binganggan Simion (wanggan faringêan iwaê ibi ‘ringantagin’). 34 Impa da Lia itip iwangun da irim narun marub mangan da ini, “Aruani da dzi gabunggangê bungê amits dzi da wasangê tanginda dzi rai, i dzi rim arangan narun rusan marub iruê da bits,” da ifaringê i binganggan Liwai (wanggan faringêan iwaê ibi ‘udzuda mpruêa ruan’). 35 Da Lia itip iwangun gin da irim narun marub mangan da ini, “Gubuê aruani da dzi bungê atsarif Yawe binganggan.” Ibinigi da Lia ifaringê mamaê narun igi binganggan Yuda (wanggan faringêan iwaê ibi ’tsarifan’). Ntsupa sib da arangan watip irim mamaê narun u.